احتاج مساعدتكم سريعا

[خالد رمضان]

السلام عليكم ورحمه الله وبركاته
لو سمحتم ياجماعه محتاج مشورتكم ومساعدتكم ضرورى جدا
اختى رافعه قضيه طلاق على جوزها وللاسف الزوج اخلاقه وضيعه من شرب مخدرات وحاجات تانيه كتير زائد انه كمان متجوز عرفى فاضطرت اختى انها ترفع قضيه طلاق ولما عرف انها طلبت الطلاق بدا انه يبعت رسايل قذره للعائله كلها وعملنا محضر بالرسايل دى فى القسم وللاسف بيقولوا اتحفظ واحنا سكتنا على كده ولعند الان بيبعت رسايل وبيتصل يسب ويقول الفاظ بذيئه سمعت انه ممكن نروح مباحث التليفونات فى المنصوره لكن للاسف معرفش مكانها وبرضه معرفش هما هيعملوا حاجه والا هتبقى زى البلاغ الاولانى ياريت تفيدونى انتظر ردكم سريعا لا اهميه الامر واكون شاكر لكم

[الاستاذ/محمد سعد]

مباحث التلفونات فى المنصورة بجوار محطه القطار فى ميدان المحطة
والبلاغ بيكون زى البلاغات العادية
بس اعرف اسباب حفظ المحاضر السابقة

[المصرى 61]

السلام عليكم - انت تعمل محضر بهذه الرسائل وتذكر كل ما ورد بها ثم تقوم بتقديم طلب للنيابه اللى انت تابع لها لتصرح لك بستخراج شهاده من شركه المحمول اللى تابع لها الخط وذالك لمعرفه اسم صاحب الخط وايضا لبيان نص الرسائل