النصائح الذهبية للتفوق فى مادة الشريعة الاسلامية

[شعاع النور]

بسم الله الرحمن الرحيم
السلام عليكم ورحمة الله وبركاته

حبيت اجبلكم بعض المقترحات والاسلوب الى كنت ماشية عليه فى مذاكرتى للشريعة عشان اسهل عليكم مذاكرة الشريعة بالنسبة لمن يجد صعوبة فى ذلك

1.إخلاص النية لله فى المذاكرة وان احنا عايزين نتفوق فى دراستنا كمكا ان مادة الشريعة لها طابع خاص ممكن نذاكرها كمان بنية ان احنا عايزين نقرب من ربنا اكتر مش كمادة وهنمتحن فيها وخلاص لان فيها ايات واحاديث ومعلومات فقهية كتير بيتخلى الواحد لو ذاكرها بجدد ممكن يخرج من الكلية يجد سهولة فى حفظ القران ويزداد تعلقه بالله .
2. ان مادة الشريعة بتخلى الواحد عنده فكر واراء متزنة خاصة مادة اصول الفقه وبتخلى الواحد يعرف يفهم المواد القانونية والصياغات القانونية كويس.
3.نخلى كمان هدفنا رفعة الاسلام يعنى مش معقول نبقى ديننا الاسلام ويحث على طلب العلم ومانعرفش ننجح فى الشريعة احنا نعمل الى علينا ونسيب النتائج على الله ونتوكل عليه وندعوه انه هو السميع المجيب.
4.بالنسبة لمادة الشريعة عايزة مذاكرة دورية باستمرار ماينفعش تتركن عشان الايات والادلة تثبت وما تتدخلش فى بعضها .
5.بالنسبة للاجابة لازم الاجابة طبعا بالادلة والايات والاحاديث لو جاوبت من غير ادلة كانك لم تجب او هتنقص جامد والاجابة تجاوب الايات كاملة والاحاديث لكن لو فى الامتحان نسيت الايات ومش عارف تكتب الاية كلها ممكن تكتب الجزء من الاية المتعلق بالسؤال
مثلا تحريم لحم الخنزير فى قوله تعالى "حرمت عليكم الميتة والدم ولحم الخنزير" لو مش فاكرين مش ضرورى نكمل باقى الاية افضل مانغلط فى الاية لان الدكاترة بيدققوا اوى فى الايات اكتر من الاحاديث.

[شعاع النور]

5.مكرر. يعنى بالنسبة فى المثال السابق الاية مفروض قوله تعالى "حرمت عليكم الميتة والدم ولحم الخنزير " الى اخر المحرمات لكن لو مش فاكرين يبقى نستشهد بالجزء الخاص بتحريم لحم الخنزير وهو قوله تعالى "حرمت عليكم الميتة والدم ولحم الخنزير"هذا افضل من ما نغلط فى الاية .
6.بالنسبة للاراء الفقهية حسب ما الدكتور قايلكم وتتاكدوا من كل دكتور هل احنا ملزمين بحفظ الاراء بالاسم ام لا يعنى نحفظ الحنفية الشافعية ولا نقول الراى الاول كذا الثانى طذا لان لو مطالبين بالاراء باسمائها ممكن يجيب راى معين ويقولك اكتبه وفى الحالة لو مذاكرين الراى الاول والراى التانى وهكذا عمرنا ماهنعرف هو فلان كان رايه ايه زى مثلا يقول اذكر راى محمد بن الحسن فى تزويج المرأة نفسها
فمثلا بالنسبة للاراء مكن يقول مااراء الفقها ء فى تزويج المرأة نفسها أو بصيغة أخرى هل يجوز للمرأة ان تزوج نفسها ؟
للاجابة على مثل هذا السؤال نميز بين المرأة البكر و المرأة الثيب
أولا المراة الثيب :اتفق الفقهاء على جواز تزويجها نفسها واستدلو على ذلك بما يلى ( ونذكر الأدلة مثلال أولا القران
ثانيا السنة
ثالثا المعقول )
ثانيا بالنسبة للمرأة البكر : اختلف الفقهاء فى مسألة تزويجها نفسها وانقسموا الى(رأيين واذا كان اكتر من رايين نقولهم )
الرأى الاول :قال بعدم جواز تزويج المرأة نفسها واستدلوا على ذلك بمايلى
(ونذكر الادلة : القران - السنة - المعقول)

الرأى الثانى : قال بجواز تزويج المرأة نفسهاواستدلو على ذلك بما يلى:
( ونذكر الادلة من قرأن - سنة - معقول)
مع ملاحظة ان الدكتور لو كان مطالبنا الاراء باسمائها نكتب جنب الرأى اسمه مثلا حنفية شافعية
يعنى مثلا نقول الرأى الاول للحنفية والراى الثانى للشافعية وهكذا
ملحوظة 2:لو عندى راى لوحده وراى فيه اسماء كتير نكتب الراى الى لوحده باسمه والراى التانى الى فى اسماء كتير ممكن نخليه الجمهور يعنى مثلا لو قال ذهب الشافعية والحنابلة وابن حزم الى ممكن نخليها الجمهور
وراى تانى ذهب ابو حنيفة مثلا نخليها باسمه ابو حنيفة والتانى الجمهور هذا فى حالة لو احنا مطالبين بحفظ اسماء الاراء.

7.نحاول نتبع طريقة الشجرة فى المذاكرة بعنى نقسم كل حاجة لعناصر رئيسية ثم فرعية
يعنى مثلا لو بنتكلم عن وجوه الاعجاز فى القرأن الكريم
نبقى عارفين وحاطين فى دماغنا مثلا هما كام عشان لما ننسى واحدة نبقى عارفين ان احنا لسه فى واحدة ماكتبناهاش ونحاول نفتكرها مثلا
أ. خفته على اللسان وسهولة حفظه والايات التى تدل على ذلك نبقى عارفين كام اية
ب. اخباره عن وقائع ستحدث فى المستقبل مثل
1 انتصار المسلمين فى غزوة بدر
2فتح مكة
وهكذا نبقى واحنا بنذاكر موضوع زى ده عارفين هم كام وجه من وجوه الاعجاز
طب كل نقطة ديه فيها كام عنصر طب الحته ديه فيها 3 ايات بتدل عليها مثلا وهكذا