عيون الناس

[Death Valley Prince]

منقول

عيون الناس كتير بتقول وتتكلم

تقول حكايات بتِدِّى دروس وبتعلم

يا إما تكون حزينه ودمعها معلم

يا إما بالهموم غرقانه تتألم

عيون تلقاك وهيَّ بفرحه بتسلم

عيون تانيه تخاف منك وتدَّارىَ


عيون الناس منها ألف صنف ونوع

لكن منها بيحكى بصوت مسموع

وكل حكايه إما يكون عليها دمُوع

يا إما منوَّره وكأن فيها شموع

وياما عيون ومنها القلب عاش موجوع

عشان كانت عيون قاسيه وجباره


عيون حلوه جمالها ماله أي مثيل

تشوفها العين تلاقي القلب ليها يميل

وطالع بره من جواها سهم طويل

تخلى الصيد يكون ليها عشيق وخليل

ويفضل فِكرُه مشغول بيها طول الليل

وتسهر روحه مشتاقه ومحتاره



وعين تانيه تعوز ينـْدّب فيها رصاص

جريئه تخش بالعافيه عيون الناس

وترْمى البصَّه ع الخلق الكل يحتاس

بتحْسِد كل شيئ م الرجل حتى الراس

بنظره واحده تنزل زى حد الفاس

ودايما تبقى متعافيه وغدَّاره


وعين تلقاها دايما خايفه مرعوبه

عليها النظره فيها إراده مسلوبه

بتتمنـَّى تحب وتبقى محبوبه

وتلقى فارس الأحلام ولو نوبه

وخايفه تنتهى أحلامها بالخيبه

وتطلع كل أمنيَّاتها بخساره


وعين تلقاها دايما بالدموع غارقه

وبالشكوى من المحبوب تكون سابقه

ويمكن هيّا تبقى ف الغلط بادئه

وفوق صدر الحبيب كابسه عليه وطابقه

دموعها كلها كاذبه مهيش صادقه

بتكدب كل يوم ع الكل بمهاره


وعين تبقى بتتعالى ومتكابره

ونظراتها تمر على الأمور عابره

وصوت النظره أخرس أو ملوش نبره

ماهيش قابله عيون الناس ولا صـابره

ومش عامله حساب تحتاجلهم بُكره

وإن الدنيـا دي أيامها دوَّاره


وعين تسْحِر عيون الناس بتسبيلها

تخليهم يكونوا وراها وف ديلها

يعبُّوا من بحور الشوق ويدُّولها

ولكن لو حبايب جُم بيسعولها

وعايزين إنهم يتوصْلوا بوصالها

بترفض حتى إن كانت لهم جاره


وياما عيون بنارها الحب بيشعلِل

تخلي العاشق الولهان ما يتـْحَمِّل

ويركع عند محرابها ويتذلل

لعل احواله تتبدِّل وتتعدِّل

ويدعي بكل ما ف قلبه وبيهلل

عشان أشواقها تِبقى ليه كمان حاره


وعين قاسيه تخاف حتى تبصِّلها

ولا تحاول حبال الحب توْصِلها

ولو رِمْيِّت عليك النظره تِفصِلها

وتِمْحي من عينيك آثارها وتزيلها

تخـاف تيجي في يوم تضعف وتقبلها

يكون آخرة حياتك كاس ف خمَّـــاره

[سندريلا نونا]

وعين تلقاها دايما خايفه مرعوبه

عليها النظره فيها إراده مسلوبه

بتتمنـَّى تحب وتبقى محبوبه

وتلقى فارس الأحلام ولو نوبه

وخايفه تنتهى أحلامها بالخيبه

وتطلع كل أمنيَّاتها بخساره

كلمات معبره فعلا ..تبكى القلب
تسلم ع الموضوع الرائع
بحييك عليه

[همســ حنين ــــــــة]

كلام رائع ومميز
واحساس عالى
احسنت الاختيار
دمت فى تميز
بالتوفيق.......

[محمد 2009]

عبارات جميلة
تسلم يا باشا
في تقدم باذن الله

[يحيى خلف]

عيون الناس ملاحظانا
وادى هونا
بيتقبل
عشان الناس
وينسانا عشان
الناس
ماهي الناس اللي غلطانة
وحد شاف القمر
جانا
ولا عكسشي!!
ارتجال الوقتى
أخوك يحيى 27/9/2010
موضوع متميز
شكرا لك وبارك الله فيك
تقبلى خالص تحياتي

[koka1]

كلمات جميله جداتسلم دمتى فى تميز

[Death Valley Prince]

وعين تلقاها دايما خايفه مرعوبه

عليها النظره فيها إراده مسلوبه

بتتمنـَّى تحب وتبقى محبوبه

وتلقى فارس الأحلام ولو نوبه

وخايفه تنتهى أحلامها بالخيبه

وتطلع كل أمنيَّاتها بخساره

كلمات معبره فعلا ..تبكى القلب
تسلم ع الموضوع الرائع
بحييك عليه

شكرا لمرورك يانونا
نورتى الموضوع

[Death Valley Prince]

كلام رائع ومميز
واحساس عالى
احسنت الاختيار
دمت فى تميز
بالتوفيق.......

شكرا لمرورك
نورتى الموضوع

[Death Valley Prince]

عبارات جميلة
تسلم يا باشا
في تقدم باذن الله

شكرا لمرورك يا باشا
نورت الموضوع

[Death Valley Prince]

عيون الناس ملاحظانا
وادى هونا
بيتقبل
عشان الناس
وينسانا عشان
الناس
ماهي الناس اللي غلطانة
وحد شاف القمر
جانا
ولا عكسشي!!
ارتجال الوقتى
أخوك يحيى 27/9/2010
موضوع متميز
شكرا لك وبارك الله فيك
تقبلى خالص تحياتي

شكرا لمرورك يا باشا
نورت الموضوع