ارجو الرد سريعا لأن الجلسه غدا صباح باكر

[123654789]

قمت برفع جنحه مباشره ايصال امانه
والايصال بمبلغ 8000 جنيها مصريا ومكتوب باللغه العربيه ايضا ثمانيه الاف جنيها مصريا فقط لاغير
ولكن قد قمت بكتابه عريضه الدعوى وذكرت مبلغ 8200 جنيها ثمانيه الاف ومئتان جنيها مصريا
وهذا خطأ مادى وسهو منى
وتمت رفع الدعوى كامله وحدد لها جلسه غدا الاثنين 27 / 7 /2009
فماهو العمل ؟؟
هل اطلب من القاضى تصحيح شكل الدعوى والاعلان بالتصحيح ؟
ام اتخلف عن الحضور وارفع الجنحه مرى اخرى ؟

[LEGAL_ADVISER]

اطلب من القاضى تصحيح شكل الدعوى و اعلن بالتصحيح لوجود خطأ مادى بالعريضة ولا تقدم اصل الايصال غداً بس لازم تاخد التأجيلة فى المواجهة علشان اخر الجلسة ممكن يعطى براءة وان لقيت القاضى بيقولك اخر الجلسة قدم الايصال و اطلب اجل لتصحيح شكل الدعوى .
وده افضل من انك ترفعها من جديد علشان مياخدش المتهم براءة ويرجع على الموكل بتاعك بدعوى البلاغ الكاذب

[123654789]

طيب وليه ماأقدمش اصل الايصال فى الاول ؟؟ قبل مايقولى اخر الجلسه ؟

[LEGAL_ADVISER]

انا بقولك لو قال اخر الجلسة قدم الايصال واطلب اجل للتصحيح
انا لو اعطالك اجل فى المواجهة خلاص متقدمش الايصال إلا فى جلسة التصحيح

[LEGAL_ADVISER]

http://www.f-law.net/law/showthread....964#post201964
اقرأ الموضوع ده هيفيدك

[123654789]

ممممممممم طيب ايه يعنى الفرق فى تقديمه فى الجلسه بكره وف جلسه التصحيح ؟؟

الاتنين واحد

[LEGAL_ADVISER]

اكيد الاثنين واحد بس بتفرق من قاضى لواحد تانى ممكن يقولك اخر الجلسة وياخد منك الوصل و يشوف العريضة مبلغها مختلف يقوم يحكم بالبراءة ولا يمكن تتدارك الموضوع ده حتى لو النيابة استأنفت البراءة لان دعوتك المدنية بقرش صاغ واحد

[123654789]

مممممممممم شكرا اخى العزيز

[profesoor]

نعم لابد من التصحيح الفت نظر القاضى للخطأ وهو سوف يأخذ القرار السليم
اما فى حالة ترك الجنحه
فأنت مهدد بالدفع
بعدم جواز نظر الجنحة لسلبقة الفصل فيها