المساعد الشخصي الرقمي

مشاهدة النسخة كاملة : أرشيف مكتب د.محمد سادات



الصفحات : [1] 2 3 4 5 6 7

د.محمد سادات
26-10-2007, 06:50 AM
للتواصل بالمكتب www.dr-msadat.info (http://www.dr-msadat.info/)

د.محمد سادات
26-10-2007, 06:57 AM
كذلك فبالنسبة لمادة التمرينات العملية (سكشن المدخل) يمكن لطلاب
المجموعتين 4 و5 الاستفسار عن مواعيد السكشن , والموضوعات التي سيتم تدريسها تباعا , وكذلك طلب ايضاح عما قد ورد في سكاشن ماضية.

ghada
26-10-2007, 01:53 PM
بجد يا دكتور حضرتك بتدينا حماس وبتشجعنا احنا دايما محتاجين لكده انا حد يشجعنا بس يا دكتور انا مادة الاحوال الشخصية مش عارفةازاكرها ولا اتابعها حسة انى مش فهماها لو سمحت يا دكتور ياريت ولك جزيل الشكر تفيدنى ازاكرها ازاى هيا والمدنى ومتشكرة جدا

د رشا على الدين
26-10-2007, 08:00 PM
د محمد مبروك افتتاح مكتبك وهذا ليس غريب عليك حماسك للتعاون مع الطلاب
تقبل تحياتى

شريف مجدى
26-10-2007, 09:24 PM
السلام عليكم
اخى الدكتور محمد شكرا لك جزيلا على مجهودك
ولو سمحت ليا استفسار
انا اختى فى الفرقه الثانيه وانا عرفت ان امتحان المدنى هيكون الترم الثانى .. هذا بالنسبه للامتحان التحريرى
سؤالى سيدى ... مالامر بالنسبه لامتحان السكشن .. هل سيكون فى الترم الاول مع الجنائى ام سيكون الترم الثانى
تقبل وفير شكرى واحترامى

د.محمد سادات
26-10-2007, 10:19 PM
السلام عليكم
اخى الدكتور محمد شكرا لك جزيلا على مجهودك
ولو سمحت ليا استفسار
انا اختى فى الفرقه الثانيه وانا عرفت ان امتحان المدنى هيكون الترم الثانى .. هذا بالنسبه للامتحان التحريرى
سؤالى سيدى ... مالامر بالنسبه لامتحان السكشن .. هل سيكون فى الترم الاول مع الجنائى ام سيكون الترم الثانى
تقبل وفير شكرى واحترامى

شكرا جزيلا لك بالنسبة لامتحان سكشن المدني , سيكون الامتحان الشفوي في الترم الثاني وقبل الامتحانات بحوالي اسبوعين باذن الله

د.محمد سادات
26-10-2007, 10:22 PM
د محمد مبروك افتتاح مكتبك وهذا ليس غريب عليك حماسك للتعاون مع الطلاب
تقبل تحياتى

الله يبارك فيكي يا دكتورة الحمد لله اني لقيت مكتب جنب مكتبك.

الشيماء زهران
27-10-2007, 01:04 AM
شكرا جزيلا لحضرتك...

د.محمد سادات
27-10-2007, 01:41 AM
شكرا جزيلا لحضرتك...

شكرا يا شيماء شرفتي المكتب

اسامه
27-10-2007, 02:55 AM
حضرتك دايما مثلنا الاعلى يا دكتور محمد ودافع للجميع للتفوق
جزاك الله كل خير
لو سمحت يا دكتور محمد عايز اسال حضرتك ازاى نذاكر مدنى تالته (( بيع / ايجار / تامين )) ؟
ازاى اقدر اجاوب اسئله هل يجوز واسئله صح وغلط؟



وجزاك الله كل خير

د.محمد سادات
27-10-2007, 07:52 PM
حضرتك دايما مثلنا الاعلى يا دكتور محمد ودافع للجميع للتفوق
جزاك الله كل خير
لو سمحت يا دكتور محمد عايز اسال حضرتك ازاى نذاكر مدنى تالته (( بيع / ايجار / تامين )) ؟
ازاى اقدر اجاوب اسئله هل يجوز واسئله صح وغلط؟



وجزاك الله كل خير

شكرا يا اسامة وبالتوفيق باذن الله
بالنسبة لاسئلة الصح والخطا فانها في المقام الاول تعتمد علي مدي فهمك للمادة , وبالنسبة لكيفية الاجابة عليها نذكر ان العبارة صحيحة او خطاثم نذكر التعليل , وهذا التعليل يجب ان يكون موجزا وليس مطولا لاننا لسنا بصدد سؤال نظري
اي ان يكون في حوالي من 3 الي 5 سطور فان زاد قليلا فلا مانع , وبالنسبة لكيفية مذاكرة المادة بصفة عامة , فمدني تالتة وبالذات عقد البيع والايجار من اسهل العقود التي يمكن ان تدرسها , كما ان فيها تشابه كبير فيما بينهما وبخاصة في الجزء الخاص بالتزامات الواقعة علي عاتق كل طرف. وفي جميع الاحوال فهي اسهل بكثير من مدني الفرقة الثانية.

د.محمد سادات
27-10-2007, 09:21 PM
بجد يا دكتور حضرتك بتدينا حماس وبتشجعنا احنا دايما محتاجين لكده انا حد يشجعنا بس يا دكتور انا مادة الاحوال الشخصية مش عارفةازاكرها ولا اتابعها حسة انى مش فهماها لو سمحت يا دكتور ياريت ولك جزيل الشكر تفيدنى ازاكرها ازاى هيا والمدنى ومتشكرة جدا

شكرا لكي يا غادة لو فيه اي جزء من مفهوم بالنسبة لكي سواء في الاحوال او المدني فيعسدني توضيحه لكي.

الاستاذة إسلام
28-10-2007, 02:39 AM
كل سنة وانت طيب يادكتور محمد انت طول عمرك مثال وقدوة حتى لزمايلك وانت طالب بالكلية

البريتور
29-10-2007, 01:20 AM
السلام عليكم يا استاذي العظيم
اني احبك في الله وانا سعيد جدا اني بقي لحضرتك مكتب في المنتدي
معلش يا دكتور كان عندي استفسار بسيط مدني الفرقه الثانيه ازاي يتذاكر كويس ونجيب فيه تقدير كويس
وخاصه ان كتاب استاذنا الدكتور محسن ماشاءالله عليه
وربنا يعنك ويوفقك ويوصلك ان شاء الله الي اعلي الدرجات

ghada
29-10-2007, 11:27 PM
يادكتور احنا اللى مش عارفين نشكرك ازاى بسبب تواضعك ده وتعاونك مع الطلبة وكمان حضرتك والدكتورة رشا ودكتور ابراهيم عبدالله بتساعدونا كتير ووقفتكوا جمبنا دى حاجة كبيرة ورد حضرتك على ممرور اى عضو ده وسام بجد يعطينا الشرف

د.محمد سادات
30-10-2007, 12:49 PM
كل سنة وانت طيب يادكتور محمد انت طول عمرك مثال وقدوة حتى لزمايلك وانت طالب بالكلية


شكرا جزيلا لكي , وكل سنة وانتي طيبة , وسعدت بتشريفك المكتب

د.محمد سادات
30-10-2007, 01:09 PM
السلام عليكم يا استاذي العظيم
اني احبك في الله وانا سعيد جدا اني بقي لحضرتك مكتب في المنتدي
معلش يا دكتور كان عندي استفسار بسيط مدني الفرقه الثانيه ازاي يتذاكر كويس ونجيب فيه تقدير كويس
وخاصه ان كتاب استاذنا الدكتور محسن ماشاءالله عليه
وربنا يعنك ويوفقك ويوصلك ان شاء الله الي اعلي الدرجات

جزاك الله خيرا , واحبك الله الذي جعلك تحبني فيه , شرفت المكتب
مادة المدني بصفة عامة ما اقوي المواد التي تدرس في الكلية , ويرجع ذلك الامر الي انها تضم عدد ضخم جدا من المعلومات وان موضوعاتها كثيرة جدا , كما ان معظم الطلاب يحبون عنها مادة الجنائي لان الجنائي قريب من الواقع , و كل يوم بتسمع عن واحد قتل واحد , واحد سرق وهكذا , في حين ان المدني وعلي الرغم من انه موجود في جميع معاملاتنا الحياتية موجود في البيع والشراء في العلاقات الايجارية , وفي معظم المعاملات الا ان الكثيرين لا يلتفتوا اليها.
نعود الي كتاب د. محسن هذا الكتاب وبحق من افضل الكتب التي تدرس نظرية الالتزامات , وسبب اكتسابه لتلك امكانة ان د.محسن قد جمع فيه كل صغيرة وكبيرة في الالتزامات , بما جعله يخرج في النهاية بذلك الحجم . الا انك اذا نظرت اليه ليس بعين طالب ملتزم بقراءته وفهمه ثم الامتحان فيه شفوي وتحريري , لوجدت الا انه مرجع مفيد جدا جدا.
الا اننا سنعيش في واقع اننا مضطرين لمذاكرته , واولا سنعتمد في مذاكرته علي القراءة بفهم كذا مرة , مع حفظ عناصر كل موضوع كويس جدا , ونحاول ان نبدا فيه من الان ولا يتم تاجيله الي الترم الثاني وهذا ضروري جدا , ومع كثرة المذاكرة والقراءة فيه ستجد باذن الله انك بدات تستوعب المادة كلها .
علي فكرة د.محسن كان يدرس لي في القرقة الثانية عندما كنت طالب وكان يدرس لي المصادر والاحكام والاثبات كلها اي مدني تانية كله, ووقعت انا الاخر مثلك في حيرة في ماذا افعل الي ن وفقني الله واتذكر اني حصلت علي 16

د.محمد سادات
30-10-2007, 01:09 PM
يادكتور احنا اللى مش عارفين نشكرك ازاى بسبب تواضعك ده وتعاونك مع الطلبة وكمان حضرتك والدكتورة رشا ودكتور ابراهيم عبدالله بتساعدونا كتير ووقفتكوا جمبنا دى حاجة كبيرة ورد حضرتك على ممرور اى عضو ده وسام بجد يعطينا الشرف

شكرا جزيلا يا غادة فهذا واجبي .

البريتور
30-10-2007, 06:05 PM
ما شاء الله عليك يا دكتور محمد
بس عندنا الدكتور محسن بيحدد المهم في كل محاضرة
دي ميزة كويسه في استاذنا الدكتور محسن
طيب حضرتك متفتكريش امتحان المصادر الي كان وضعه في سنتك
او تاريخ السنه الي حضرتك امتحنت فيها
معلش هنتعب سيادتك بس عاوزين نعرف طريقه الدكتور في وضع امتحان المصادر بالذات كان ازاي وطريقه الاسئله
وشكرا جزيلا علي مجهود سيادتك بس هو ده المعروف عن حضرتك انك اخ للطلبه
وربنا يوقفك الما يحبه ويرضاه

lalali.miloud
05-11-2007, 11:41 PM
ممكن مساعذة لمواصلة المجستار قي مصر

الدكتور ابراهيم عبد الله
06-11-2007, 10:34 PM
تحياتى الى زميل عمرى معالى السيد الأستاذ الدكتور محمد السادات وأرقى الامانى لسيادتكم على التعاون المثمر مع الطلاب وللأمام دائما حبيبى

اسامه
07-11-2007, 12:29 AM
شكرا يا اسامة وبالتوفيق باذن الله
بالنسبة لاسئلة الصح والخطا فانها في المقام الاول تعتمد علي مدي فهمك للمادة , وبالنسبة لكيفية الاجابة عليها نذكر ان العبارة صحيحة او خطاثم نذكر التعليل , وهذا التعليل يجب ان يكون موجزا وليس مطولا لاننا لسنا بصدد سؤال نظري
اي ان يكون في حوالي من 3 الي 5 سطور فان زاد قليلا فلا مانع , وبالنسبة لكيفية مذاكرة المادة بصفة عامة , فمدني تالتة وبالذات عقد البيع والايجار من اسهل العقود التي يمكن ان تدرسها , كما ان فيها تشابه كبير فيما بينهما وبخاصة في الجزء الخاص بالتزامات الواقعة علي عاتق كل طرف. وفي جميع الاحوال فهي اسهل بكثير من مدني الفرقة الثانية.



شكرا دكتور محمد على الافاده
وحضرتك مثل اعلى لينا كلنا
جزاك الله خيرا

د.محمد سادات
13-11-2007, 01:32 PM
ممكن مساعذة لمواصلة المجستار قي مصر

يشرفني ذلك

د.محمد سادات
13-11-2007, 01:46 PM
تحياتى الى زميل عمرى معالى السيد الأستاذ الدكتور محمد السادات وأرقى الامانى لسيادتكم على التعاون المثمر مع الطلاب وللأمام دائما حبيبى

اخي د.ابراهيم المكتب نور والف مبروك علي افتتاح مكتبك

raghda elbana
12-12-2007, 07:38 PM
السلام عليكم ورحمة الله وبركاته
لو سمحت يا د. محمد في كتير استفسارات جاتلي علشان التعليم المفتوح
هما بيسالوا ان مواد تعليم مفتوح سنة اولي هي نفس مواد نتظام وانتساب وهي نفس المناهج ولا ايه نظامها ولو هي نفس المناهج هي بردوه نفس الملغي ولا ليهم نظام تاني
ارجو الايفادة يا د .محمد و شكرا لمساعتدك واهتمامك

smsma.net
22-12-2007, 08:37 PM
بسم الله الرحمن الرحيم

السلام عليكم ورحمة الله وبركاته

كل عام وانتم بخير

هناك استفسار فى شعبة التعليم المفتوح مضمونه كالآتي :


السلام عليكم و رحمة الله
انا من مركز التعليم المفتوح جامعة القاهرة ( يمنح الدارس درجة الليسانس فى الدراسات القانونية العملية )
عندى استفسار مهم
هل يتم قيد خريجى التعليم المفنوح من حملة الدبلوم الفنى بالنقابة ؟
عندما سالت هذا السؤال بالنقابة كانت الاجابة
سيتم قيد خريجى التعليم المفتوح لحملة الثانوية العامة فقط
و عند السؤال فى الجامعة تكون الاجابة اكيد فى تسجيل طالما بيسمحوا لنفس الشهادة بالقيد فى النقابة
وان قانون المحاماة لايوجد بة شرط الثانوية العامة المطلوب ليسانس حقوق من اى جامعة مصرية .
وان اذا كان شرط الثانوية العامة موجود فى النقابة دة يبقى لاحة داخلية مش قانون و يمكن الطعن على اللاحة .
مع احترامى للجميع و قناعاتى بان حاجات كتير ممكن تتغير فى الاربع سنوات ارجوا الافادة . من بداية المشوار
بس ممكن حد يتخيل معايا لو كان موضوع القيد فى النقابة مش ممكن لحملة الدبلومات
طب اية فايدة الدراسة و المصاريف و التعب .
وابة فايدة اننا ندرس نفس المواد و نجيب نفس التقديرات و نحصل على نفس الشهادة من نفس الجامعة و لا يتم القيد فى النقابة و بالتالى لانمارس المحاماه .
و اية الوضع القانونى لحامل هذة الشهادة عديمة القيمة الغير معترف بها من الجميع
ياريت حد يهتم بالموضوع لاهميتة الشديدة
علشان احنا معندناش فلوس مش عرفين نوديها فين و لا عندنا وقت مش عرفين نضيعة فى اية
فقولنا نروح نضيع الفلوس و الوقت و لمدة اربع سنين فى شهادة مش معترف بيها لاننا من حملة الدبلومات
مع العلم ناس كنير من حملة الدبلوم عندها استعداد للفهم للتفوق

تمنياتي لكم بدوام التوفيق ،،

الاستاذة إسلام
23-12-2007, 04:29 AM
البقاء لله يا د. دكتور محمد وخالص تعازينا للاسرة فى الفقيد

د.محمد سادات
05-01-2008, 09:26 PM
البقاء لله يا د. دكتور محمد وخالص تعازينا للاسرة فى الفقيد

جزاكي الله خيرا

LEGAL_ADVISER
06-01-2008, 12:43 AM
شكرا لك تمنياتي لكى بالتوفيق وجزاكى الله كل خير

merymery
11-01-2008, 10:10 PM
اخى الغالى يشرفنا وجود شخص مثلك فى جمهوريه مصر العربيه ودائما للامام وللتقدموالف مبروك على افتتاح مكتبك

هبة الله
15-01-2008, 05:44 PM
السلام عليكم ورحمة الله وبركاته
ممكن اعرف المواضيع المهمة فى مادة المدنى
عقد البيع والايجار وعقد التأمين
شـكــ وبارك الله فيك ـــرا لك ... لك مني أجمل تحية .

fouad Ali
04-02-2008, 06:57 PM
عزيزى سيادة المستشار

السلام عليكم

أنا أستاذ جامعى و عضو بلجنة ترقيات أعضاء هيئة التدريس

أريد من سيادتكم أن أستفسر عن الخطوات القانونية التى يجب و أن تتبع بعد ثبوت الأمانة العلمية فى ترقية أحد الأساتذة المساعدين بالجامعة.

برجاء سرعة الرد للبت فى هذا الأمر طرفنا على

تم تحرير البريد بواسطة الإدارة

و لسيادتكم وافر الشكر و التقدير

د.محمد سادات
11-02-2008, 09:28 PM
اخى الغالى يشرفنا وجود شخص مثلك فى جمهوريه مصر العربيه ودائما للامام وللتقدموالف مبروك على افتتاح مكتبك

جزاكي الله خيرا شكرا جزيلا

محمد هلال
11-02-2008, 10:03 PM
بسم الله الرحمن الرحيم
السلام عليكم ورحمة الله وبركاته
شرف كبير جدا لينا إننا نأدر نتواصل مع دكتور عظيم وجدير بالإحترام زي حضرتك ربنا يكتر من أمثالك في جامعات مصر فلو وجد دكتره في جامعات مصر زي حضرتك لأحب الطلبه التعليم
جزاك الله عنا كل الخير

د.محمد سادات
26-02-2008, 11:52 PM
بسم الله الرحمن الرحيم
السلام عليكم ورحمة الله وبركاته
شرف كبير جدا لينا إننا نأدر نتواصل مع دكتور عظيم وجدير بالإحترام زي حضرتك ربنا يكتر من أمثالك في جامعات مصر فلو وجد دكتره في جامعات مصر زي حضرتك لأحب الطلبه التعليم
جزاك الله عنا كل الخير

شكرا جزيلا علي تلك الكلمات الرقيقة وجزاك الله خيرا
دا شرف كبير ليا

حبيبه المصرى
07-03-2008, 12:14 PM
أنا طالبه بالدبلوم القانون الخاض وياريت اعرف من سيادتكم اذاكر المدنى المقارن للدكتور فتحى عبد الرحيم لان بجد مع ان الكتاب حجمه صغير بس مش قدره اتواصل مع الكتاب لانى مش فهمه فيه حاجه ارجو من سيادتكم الافاده اذا سمح وقتكم لذالك وشكرا

د.محمد سادات
09-03-2008, 02:29 AM
أنا طالبه بالدبلوم القانون الخاض وياريت اعرف من سيادتكم اذاكر المدنى المقارن للدكتور فتحى عبد الرحيم لان بجد مع ان الكتاب حجمه صغير بس مش قدره اتواصل مع الكتاب لانى مش فهمه فيه حاجه ارجو من سيادتكم الافاده اذا سمح وقتكم لذالك وشكرا

الافضل هو حفظ عناصر الموضوع , وفهم ما اسفله دون حفظ , والموضوع اللي تشعري انه صعب فهمه حاولي تقسميه في الكتاب الي عناصر فرعية وتحفظيها بحيث الموضوع يتجزأ الي بنود صغيرة يسهل عليكي تذكرها
وللعلم حتي لا تيأسي د.فتحي من افضل الدكاترة في التصحيح ودرجاته ممتازة فالقليل من يرسبون في مادته لكن اهم حاجة تكوني كاتبة اللي فاهماه

الفتي الطائر
03-06-2008, 12:02 AM
طيب شكرا اوي

كهرمانة
13-07-2008, 02:01 PM
السلام عليكم ورحمة الله وبركاته لو يادكتور ممكن اعرف نتيجة رابعه هتظهر امته شـكــ وبارك الله فيك ـــرا لك ... لك مني أجمل تحية .

د.محمد سادات
14-07-2008, 09:09 AM
السلام عليكم ورحمة الله وبركاته لو يادكتور ممكن اعرف نتيجة رابعه هتظهر امته شـكــ وبارك الله فيك ـــرا لك ... لك مني أجمل تحية .

باذن الله النتيجة ستعلن غدا او بعد غد الاربعاء علي اقصي تقدير

اّيات
14-07-2008, 12:39 PM
السلام عليكم ورحمة الله وبركاته
دكتور محمد لحظت تاخير نتيجة الفرقة التانية شعبية لغة انجليزية وفرنسية عن باقى الفرق
بالنسبة للشعبة العامة هل حتتاخر برده عن باقى الفرق ولا حتظهر مع الفرقة الثالثة زى الترم الاول
شـكــ وبارك الله فيك ـــرا لك ... لك مني أجمل تحية .

د.محمد سادات
15-07-2008, 12:59 PM
السلام عليكم ورحمة الله وبركاته
دكتور محمد لحظت تاخير نتيجة الفرقة التانية شعبية لغة انجليزية وفرنسية عن باقى الفرق
بالنسبة للشعبة العامة هل حتتاخر برده عن باقى الفرق ولا حتظهر مع الفرقة الثالثة زى الترم الاول
شـكــ وبارك الله فيك ـــرا لك ... لك مني أجمل تحية .

نتيجة الفرقة الثانية شعبة اللغة الانجليزية والفرنسية ستعلن اليوم باذن الله

اما الفرقة الثانية عربي لن تظهر فستتاخر عن الفرقة الثالثة التي ستظهر الاسبوع القادم باذن الله

ahmed_afify
17-07-2008, 08:24 AM
الف شكر للدكتور محمد السادات والف مبروك وشكر لحضرتك على المكتب وجزاك الله كل خير على اعطائنا جزء من وقتك للرد على استفساراتنا والتواصل معنا بجد حضرتك دكتور عظيم انا الحمد لله كنت فى رابعه السنه دى والحمد لله نجحت لكن بجد حضرتك هتخلينى ابقى على المنتدى على طول والف الف شكر لحضرتك مره اخرى بجد فكره التواصل بين الاستاذ وتلميذه فكره رائعه نادر وجودها تقبل خالص تحياتى لسيادتك

هبه الداودي
17-07-2008, 10:08 PM
دكتور محمد لو سمحت هو اخبار نتيجه الفرقه الثالثه حلوه ولا ايه

د.محمد سادات
18-07-2008, 11:23 PM
الف شكر للدكتور محمد السادات والف مبروك وشكر لحضرتك على المكتب وجزاك الله كل خير على اعطائنا جزء من وقتك للرد على استفساراتنا والتواصل معنا بجد حضرتك دكتور عظيم انا الحمد لله كنت فى رابعه السنه دى والحمد لله نجحت لكن بجد حضرتك هتخلينى ابقى على المنتدى على طول والف الف شكر لحضرتك مره اخرى بجد فكره التواصل بين الاستاذ وتلميذه فكره رائعه نادر وجودها تقبل خالص تحياتى لسيادتك

اولا نورت المكتب وثانيا الف مبروك علي النجاح والف مبروك انك خلصت الكلية بس مش عايزينك تسيبنا وتسيب المنتدي وبالتوفيق باذن الله في حياتك العملية

د.محمد سادات
18-07-2008, 11:25 PM
دكتور محمد لو سمحت هو اخبار نتيجه الفرقه الثالثه حلوه ولا ايه

باذن الله هتكون كويسة وتكون احسن من اي سنة , بس المشكلة ان النتيجة لازم يكون فيها الحلو والوحش لانها طبيعة الاشياء ومتقلقيش باذن الله هتكون كويسة

البريتور
18-07-2008, 11:36 PM
السلام عليكم استاذي الفاضل محمد السادات

بعد التحيه،

اولا بشكر حضرتك علي مجهودك الرائع في مساعدتنا ومساعده الطلاب في كل شئ ربنا يجعله في ميزان حسناتك
ثانيا كنت عاوز اسئل عن نتيجه الفرقه التانيه هتكون امتي باذن الله

والف شكر يا استاذنا الفاضل

د.محمد سادات
19-07-2008, 03:13 PM
السلام عليكم استاذي الفاضل محمد السادات

بعد التحيه،

اولا بشكر حضرتك علي مجهودك الرائع في مساعدتنا ومساعده الطلاب في كل شئ ربنا يجعله في ميزان حسناتك
ثانيا كنت عاوز اسئل عن نتيجه الفرقه التانيه هتكون امتي باذن الله

والف شكر يا استاذنا الفاضل

باذن الله هتكون في بداية الاسبوع القادم

mr.eltair
19-07-2008, 08:20 PM
انا جيت متاخر شوية

بس كنت عايز اقولك يا دكتور انت فعلا تستاهل كل خير والله عن ما يقال عنك

جزاك الله كل خير ووفق في افادة الجميع

انا خريج 2005 وحاليا في الكويت

وفعلا هنا حضرتك معروف جدااا بين كل المحامين

عاشق القانون
19-07-2008, 08:40 PM
اولا : انا بشكر الدكتور محمد السادات على تعاونة مع اخواتة الطلابة وجزاة الله كل خير ان شاء الله.

ثانيا: لو سمحت يا دكتور عايز اعرف اقصى ميعاد لنتجة الفرقة الثالثة امتى لان سمعت انها الاسبوع دا فياريت من حضرتك نعرف اقصى تقدير لظهور النتيجة وربنا يوفقك ويوفقكنا جميعا.

ضى القمر
20-07-2008, 06:07 AM
السلام عليكم ورحمة الله وبركاته ............ ازى حضرتك يا دكتور محمد ؟ هل نتيجة الفرقة الثالثة فى الكنترول فعلا ؟ ومتى يتم اعلانها
اسفة على الازعاج ............ معلش فى شوية خوف وقلق من النتيجة
وشكرا.

د.محمد سادات
20-07-2008, 08:35 PM
انا جيت متاخر شوية

بس كنت عايز اقولك يا دكتور انت فعلا تستاهل كل خير والله عن ما يقال عنك

جزاك الله كل خير ووفق في افادة الجميع

انا خريج 2005 وحاليا في الكويت

وفعلا هنا حضرتك معروف جدااا بين كل المحامين

شكرا جزيلا لك دا شرف كبير ليا ونورت المنتدي ونتمني ان نراك دائما

د.محمد سادات
20-07-2008, 08:43 PM
اولا : انا بشكر الدكتور محمد السادات على تعاونة مع اخواتة الطلابة وجزاة الله كل خير ان شاء الله.

ثانيا: لو سمحت يا دكتور عايز اعرف اقصى ميعاد لنتجة الفرقة الثالثة امتى لان سمعت انها الاسبوع دا فياريت من حضرتك نعرف اقصى تقدير لظهور النتيجة وربنا يوفقك ويوفقكنا جميعا.

شكرا جزيلا لك
باذن الله اقصي ميعاد هيكون الاسبوع القادم لكن موضوع ظهورها الاسبوع ده مقدرش اقول بالتحديد

د.محمد سادات
20-07-2008, 08:44 PM
السلام عليكم ورحمة الله وبركاته ............ ازى حضرتك يا دكتور محمد ؟ هل نتيجة الفرقة الثالثة فى الكنترول فعلا ؟ ومتى يتم اعلانها
اسفة على الازعاج ............ معلش فى شوية خوف وقلق من النتيجة
وشكرا.

هي فعلا في الكنترول اعلانها غير محدد لكن باذن الله اعتقد هتكون الاسبوع القادم

الصبر طيب
22-07-2008, 06:15 PM
لو سمحت يادكتور محمد ممكن تقول اخر موعد لظهور نتيجة الفرقة التالتة هل الاسبوع ده ام الاسبوع القادم ياريت يادكتور تتطمنا شـكــ وبارك الله فيك ـــرا لك ... لك مني أجمل تحية .

د.محمد سادات
23-07-2008, 03:05 PM
لو سمحت يادكتور محمد ممكن تقول اخر موعد لظهور نتيجة الفرقة التالتة هل الاسبوع ده ام الاسبوع القادم ياريت يادكتور تتطمنا شـكــ وبارك الله فيك ـــرا لك ... لك مني أجمل تحية .

نتيجة الفرقة الثالثة باذن الله الاسبوع القادم مفيش حاجة الاسبوع ده

اّيات
24-07-2008, 01:00 AM
السلام عليكم ورحمة الله وبركاته
دكتور محمد هل صحيح ان نتيجة تانية بكرة ان شاء الله على النت
شـكــ وبارك الله فيك ـــرا لك ... لك مني أجمل تحية .

د.محمد سادات
24-07-2008, 04:39 PM
تم الأن اعلان نتيجة الفرقة الاولي انتظام

egypt_1
24-07-2008, 10:10 PM
لوسمحت يادكتور نتيجه الفرقه الثالثه هتبان امتى

law-women
25-07-2008, 12:27 AM
مساء الخير يادكتور انا عندي بعض الاسئله واتمنى الاجابه عليها اذا مافي ازعاج و هذي الاسئله هي :

ماهي القواعد التي تحكم العلاقه بين المدينين المتضامنين؟

ماتعريف حواله الحق وما انواعها وما الحقوق التي لم يجز القانون حوالتها؟

كيف تنفذ حواله الحق في حق كل من المدين والغير ؟

كيفيه نفاذ حواله الدين في حق الدائن ؟

تعريف الوفاء و بيان المقصود بالموفي و من يكتسب صفته و الموفي له و من يكتسب صفته ؟

وشكرااااااا و اتمنى الافاده لي و لجميع الطلاب

د.محمد سادات
26-07-2008, 01:06 PM
لوسمحت يادكتور نتيجه الفرقه الثالثه هتبان امتى

باذن الله منتصف هذا الاسبوع

hafezabdo
29-07-2008, 11:51 AM
لو سمحت يادكتور انا عندى اقتراح على التقدير التراكمى وهو ان يكون نسبة نتيجة كل فرقه فى التقدير مختلفه بحيث ان تكون نسبة نتيجة الفرقه الاولى اقل نسبه فى التقدير وترتفع النسبه بحسب الفرقه بحيث تكون الفرقه الرابعه اعلى نسبه وذلك بسبب الطلبه عندما يدخلون الفرقه الاولى نجد مثلا المقررات الدراسيه مختلفه تماما عما كن ندرسه فى الثانويه العامه التى كان الاعتمادفيها على المذكرات والدروس بعكس الحياه الجامعيه كما ان طريقة المذاكره تكون مختلفه ايضا عن سابقتها وهذا ليس لنا اىذنب في هذا النظام التعليمى المصرى فعندما ندخل الفرقه الاولى نجد نظام مختلف تماما لم نعرف عنه اى شىء من قبل وفى الحياه الجامعيه تزيد الخبره بتدرج الفرقه بحيث تصل الى الذروة فى الفرقه الرابعه على فكره كل اللى انا كتبه انا مريت به وانا طالب حاليا بالفرقه الرابعه ومريت بصعوبه كبيره فى الفرقه الاولى ارجو من سيادتكم الاهتمام وعرض الاقتراح على سيادة العميد

hafezabdo
29-07-2008, 11:54 AM
انا بشكر الدكتور محمد السادات على تعاونة مع ا الطلبة وجزاة الله كل خير ان شاء الله

د.محمد سادات
02-08-2008, 12:46 PM
انا بشكر الدكتور محمد السادات على تعاونة مع ا الطلبة وجزاة الله كل خير ان شاء الله
لا شكر علي واجب فهذا عملي وواجبي

د.محمد سادات
02-08-2008, 01:00 PM
لو سمحت يادكتور انا عندى اقتراح على التقدير التراكمى وهو ان يكون نسبة نتيجة كل فرقه فى التقدير مختلفه بحيث ان تكون نسبة نتيجة الفرقه الاولى اقل نسبه فى التقدير وترتفع النسبه بحسب الفرقه بحيث تكون الفرقه الرابعه اعلى نسبه وذلك بسبب الطلبه عندما يدخلون الفرقه الاولى نجد مثلا المقررات الدراسيه مختلفه تماما عما كن ندرسه فى الثانويه العامه التى كان الاعتمادفيها على المذكرات والدروس بعكس الحياه الجامعيه كما ان طريقة المذاكره تكون مختلفه ايضا عن سابقتها وهذا ليس لنا اىذنب في هذا النظام التعليمى المصرى فعندما ندخل الفرقه الاولى نجد نظام مختلف تماما لم نعرف عنه اى شىء من قبل وفى الحياه الجامعيه تزيد الخبره بتدرج الفرقه بحيث تصل الى الذروة فى الفرقه الرابعه على فكره كل اللى انا كتبه انا مريت به وانا طالب حاليا بالفرقه الرابعه ومريت بصعوبه كبيره فى الفرقه الاولى ارجو من سيادتكم الاهتمام وعرض الاقتراح على سيادة العميد

شكرا جزيلا علي اقتراحك الجميل , انا فعلا عارف ان اكثر سنة صعبة في الكلية هي سنة اولي لان الانتقال من نظام الثانوية العامة الي نظام مختلف تماما والذي يتمثل في نظام التعليم الجامعي
امر في غاية الصعوبة للطالب لان ما اعتاد عليه في الثانوية العامة مختلف تماما عما سيجده في الجامعة , وتفاديا لتلك المشكلة التي اثرتها يريد القائمون علي التعليم في مصر ان يدخل الطالب فترة دراسة صغيرة امتحانات تمهيدية للكلية التي يرغب ان يدخلها وهو ما يماثل ما يحدث في الخارج
لكن حتي مع هذا التطبيق تظل هناك فجوة بين ما يدرس في الثانوية العامة وما يدرس في الجامعة , وهذا الامر ليس في كلية الحقوق فقط بل تواجه الطلاب المستجدون في الفرقة الاولي في كل الكليات دون استثناء.
ولقد ترتب علي كل ما سبق ان الطالب القادم من الثانوية العامة الذي تشبع بالدروس الخصوصية واصبحت جزءا من دراسته , انه بمجرد دخوله الي الجامعة يبحث سريعا عن محبوبته التي لا يستطيع النجاح بونها الا وهي الدروس الخصوصية, وهذا سبب تفشي الدروس الخصوصية في الجامعات , واذا بدأ بها الطالب سنة اولي ستصبح ادمان له طوال سنوات الدراسة في الجامعة.
وفي النهاية شكرا جزيلا علي اقتراحك الذي باذن الله سينال الاهتمام

number1
09-08-2008, 02:55 PM
االسلام عليكم ورحمة الله وبركاته
لو سمحت يا دكتور انا اتخرجت السنة دى من حقوق انجليزى و كنت عايزة اعرف هل فى دبلوم بالانجليزى و لو مفيش مش عارفة اقدم فى اى دبلوم انا فى حيرة ارجو الرد

د.محمد سادات
09-08-2008, 11:35 PM
االسلام عليكم ورحمة الله وبركاته
لو سمحت يا دكتور انا اتخرجت السنة دى من حقوق انجليزى و كنت عايزة اعرف هل فى دبلوم بالانجليزى و لو مفيش مش عارفة اقدم فى اى دبلوم انا فى حيرة ارجو الرد

للاسف لا يوجد لدينا دبلوم باللغة الانجليزية وكلها باللغة العربية

والدبلومات التي تقدمها الكلية هي

1- دبلوم القانون الخاص

2- دبلوم القانـون العام

3- دبلوم العلوم الاقتصادية والمالية

4- دبلوم الشريعة الإسلامية

5- دبلوم الدراسات القضائية

6- دبلوم الدراسات القضائية

وقد تم الموافقة علي دبلوم العلوم الادارية واحتمال تتواجد هذا العام باذن الله

وبالنسبة للاوراق المطلوبة للتقديم هي
شهادة الليسانس
- شهادة الميلاد
- 6 صور شخصية

لو انتي محتاره تقدمي في ايه قوليلي ايه المواد اللي بتحبيها , وعاوزه تسجلي دكتوراه باذن الله بعد كده في اي قسم وانا هقولك تعملي ايه

وبالتوفيق باذن الله

حقوق المنصورة
10-08-2008, 12:05 AM
بجد يا دكتور محمد احنا من غيرك ولا حاجة

نبيلة
10-08-2008, 03:23 AM
من فضلك يا دكتور مساعدتي في موضوع ''''الحجز على اموال الدولة''' شـكــ وبارك الله فيك ـــرا لك ... لك مني أجمل تحية .

د.محمد سادات
10-08-2008, 10:46 AM
بجد يا دكتور محمد احنا من غيرك ولا حاجة

شكرا جزيلا انا في خدمتكم

د.محمد سادات
10-08-2008, 10:48 AM
من فضلك يا دكتور مساعدتي في موضوع ''''الحجز على اموال الدولة''' شـكــ وبارك الله فيك ـــرا لك ... لك مني أجمل تحية .

محتاجة ايه في الموضوع ده؟

د.محمد سادات
10-08-2008, 10:55 AM
المادة 87 من القانون المدني المصري تنص علي:
(1) تعتبر اموالا عامة , العقارات والمنقولات التى للدولة او للأشخاص الآعتبارية العامة والتى تكون مخصصة لمنفعة عامة بالفعل او بمقتضى قانون او مرسوم او قرار من الوزير المختص .

(2) وهذه الأموال لا يجوز التصرف فيها او الحجز عليها او تملكها بالتقادم

د.محمد سادات
10-08-2008, 10:59 AM
وتماثلها نفس المادة في القانون المدني الليبي المادة 87

number1
11-08-2008, 12:46 PM
السلام عليكم ورحمة الله وبركاته
انا بحب مواد الاقتصاد.الجنائ.الدولى.الادارى .الدستورى .بس لسة مش عارفة الدكتوراه هعملها فى ايه اعمل ايه حضرتك

قانونية الغد
12-08-2008, 11:38 AM
أول مرة ازور هذه الصفحة شكرا جزيلا د/ محمد اسمحلي أعتبر حضرتك عون جديد في هذا المجال لكن للأسف توصلت لحضرتك في وقت متأخر فأنا مرشحة للفرقة الرابعة مع بداية العام ان شاء الله
اسمحلي أستفسر من حضرتك عن سبب منح مرتبة الشرف مع التقدير النهائي فأنا الحمد لله تقديراتي جيد جدا في السنوات السابقة وطمعا في سعة صدر حضرتك استفسار اخر بشأن رأفة التقدير اذا كان هناك ما يسمي بذلك .
مرة اخري شكرا جزيلا وفي انتظار الرد

د.محمد سادات
12-08-2008, 06:23 PM
أول مرة ازور هذه الصفحة شكرا جزيلا د/ محمد اسمحلي أعتبر حضرتك عون جديد في هذا المجال لكن للأسف توصلت لحضرتك في وقت متأخر فأنا مرشحة للفرقة الرابعة مع بداية العام ان شاء الله
اسمحلي أستفسر من حضرتك عن سبب منح مرتبة الشرف مع التقدير النهائي فأنا الحمد لله تقديراتي جيد جدا في السنوات السابقة وطمعا في سعة صدر حضرتك استفسار اخر بشأن رأفة التقدير اذا كان هناك ما يسمي بذلك .
مرة اخري شكرا جزيلا وفي انتظار الرد


اهلا بيكي , بالنسبة لمرتبة الشرف فتمنح لكل طالب حصل علي تقدير لا يقل عن جيد جدا في سنوات الدراسة الاربعة فان حصل علي جيد في اي سنة وكانت باقي التقديرات جيد جدا او حتي امتياز فلا يحصل علي مرتبة الشرف.
وبالنسبة لرأفة التقدير فهي 8 درجات تمنح للطالب اذا كانت ستحوله من تقدير الي تقدير اعلي منه وذلك في التقدير النهائي التراكمي فقط فلا تمنح الرأفة علي تقديرات الفرق وانما علي تقدير الاربع سنوات , فمثلا اذا كان مجموع الطالب في الاربع سنوات يعطيه تقدير جيد ولكن اذا حصل علي 8 درجات علي مجموعه يحصل علي جيد جدا فهنا ياخذ تلك الدرجات ويصبح تقديره النهائي جيد جدا.

د.محمد سادات
12-08-2008, 06:26 PM
السلام عليكم ورحمة الله وبركاته
انا بحب مواد الاقتصاد.الجنائ.الدولى.الادارى .الدستورى .بس لسة مش عارفة الدكتوراه هعملها فى ايه اعمل ايه حضرتك

يبقي تسجلي في دبلومة القانون العام وهي الدبلومة الأساسية , والدبلومة الثانية اما دبلوم الجنائي او دبلوم الاقتصاد او دبلوم العلوم الادارية اذا ما تم العمل بها

هبه الجميل
21-08-2008, 01:44 AM
السلام عليكم ورحمة الله وبركاته دمحمد لى عظيم الشرف للتواصل مع انسان نادرا ما وجد فى هذا الذمن اردت فقط ان اشكرك على كل ما قدمته وتقدمه لنا داعيه الله لك من اعماق قلبى بدوام التوفيق والنجاح وخير ختام سلام

طالب
04-09-2008, 11:18 PM
احب ان اسأل مجلات عمل مقترحة مستقبلا لتخصصات التالية وايهما اسهل دراستا

القانون العام

القانون الدولي الخاص

القانون الدولي العام

RAUL
02-10-2008, 07:11 AM
كل سنة وحضرتك طيب انا معايا مادة مدنى رابعة وهمتحانها دور تانى وكنت سمعت انة فى نظام دفع فلوس للمواد فكنت عاوز اتاكد من حضرتك فى فلوس بتدفع للدور التانى ولو بتدفع ممكن ادفعها يوم الامتحان لانى مش من المنصورة ولا لازم ادفعها قبل الامتحانا توشكراااااا لحضرتك

number1
22-10-2008, 09:43 AM
بسم الله الرحمن الرحيم
السلام عليكم و رحمة الله و بركاته
انا عملت بنصيحة حضرتك وقدمت فى دبلومة العام لكن كتير بيقولوا ان العدد كبير جدا ومش هينجح كل ده و دائما نسبة النجاح قليلة فهل العدد يؤثر وكنت عايزة اعرف من حضرتك نظام الدبلومة ايه و توزيع الدرجات وامتى نعمل البحث وهل لازم نسجل مع الدكاترة دلوقت اصل الواحد حاسس انه تايه و شكرا

د.محمد سادات
22-10-2008, 12:56 PM
احب ان اسأل مجلات عمل مقترحة مستقبلا لتخصصات التالية وايهما اسهل دراستا

القانون العام

القانون الدولي الخاص

القانون الدولي العام

من الصعب في ظل سوق العمل المصري ان تجد مجال عمل يعتمد في الاساس علي دراسة قانون معين والتخصص فيه وان كان من المكن ان يتواجد مثل ذلك الامر في دول عربية او اجنبية , والتخصص الاسهل دراسة هو القانون العام

د.محمد سادات
22-10-2008, 01:02 PM
بسم الله الرحمن الرحيم
السلام عليكم و رحمة الله و بركاته
انا عملت بنصيحة حضرتك وقدمت فى دبلومة العام لكن كتير بيقولوا ان العدد كبير جدا ومش هينجح كل ده و دائما نسبة النجاح قليلة فهل العدد يؤثر وكنت عايزة اعرف من حضرتك نظام الدبلومة ايه و توزيع الدرجات وامتى نعمل البحث وهل لازم نسجل مع الدكاترة دلوقت اصل الواحد حاسس انه تايه و شكرا

طبيعي ان كل العدد ده مش بينجح لان المعظم مش بيذاكر لان الدبلومة مفيش فيها الزام زي السنوات الدراسية الاربع والتي يجب ان ينجح فيها الطالب وبالتالي الكل مش بينجح

number1
23-10-2008, 02:31 PM
السلام عليكم ورحمة الله وبركاته
لو سمحت يا دكتور كنت عايزة اعرف نظام الدبلومة و كل مادة لها كام درجة وكذلك الشفوى و التحريرى و الابحاث
و شكرا

د.محمد سادات
28-10-2008, 12:30 AM
السلام عليكم ورحمة الله وبركاته
لو سمحت يا دكتور كنت عايزة اعرف نظام الدبلومة و كل مادة لها كام درجة وكذلك الشفوى و التحريرى و الابحاث
و شكرا

وعليكم السلام ورحمة الله وبركاته

بالنسبة للدبلومات

اولا شروط الالتحاق



يشترط في قيد الطالب لنيل أي دبلوم من دبلومات الدراسات العليا أن يكون حاصلاً على ليسانس الحقوق من إحدى الجامعات في جمهورية مصر العربية أو على شهادة معادلة من معهد علمي آخر معترف به ، ولمجلس الكلية أن يحدد عدد من يقبلون في كل دبلوم

يعد الطالب بحثا في المادة التي يرغب في إعداد البحث فيها وتحت إشراف عضو هيئة التدريس الذي يرغب في التسجيل معه.

الدبلومات المتاحة في كلية الحقوق جامعة المنصورة


المواد التي تدرس بالدبلومات المختلفة وفقاً للائحة الكلية

دبلوم القانون الخاص







- القانون المدني مع التعمـق




- القانون المدني المقارن




- القانون التجاري مع التعمـق







- الشريعة الإسلامية (دراسة مقارنة)





- مادة يحددها مجلس الكلية سنويا بعد أخذ رأى مجالس الأقسام المعنية . ويجوز للمجلس أن يحدد أكثر من مادة يختار الطالب من بينها المادة التي يدرسها.


1-القانون الدولي الخاص 2-تاريخ القانون الخاص


3-قانون المرافعات مع التعمق 4-فلسفة القانون وتاريخ المذاهب القانونية5





- قاعـة البحـث




دبلوم القانـون العام








- القانون الدستوري مع التعمـق







- القانـون الإداري





- القانون الجنائي





- القانون الدولي العام





- مادة يحددها مجلس الكلية سنويا بعد أخذ رأى مجالس الأقسام المعنية. ويجوز للمجلس أن يحدد أكثر من مادة يختار الطالب من بينها المادة التي يدرسها.


1-المالية العامة والتشريع المالي 2-تاريخ القانون العام


3- فلسفة القانون





- قاعـة البحـث







دبلوم العلوم الاقتصادية والمالية








- الاقتصاد السياسي





- تاريخ الفكر الاقتصادي





- العلاقات الاقتصادية الدوليـة





- اقتصاد تطبيقي





- مادة يحددها مجلس الكلية سنويا بعد أخذ رأى مجالس الأقسام المعنية . ويجوز للمجلس أن يحدد أكثر من مادة يختار الطالب من بينها المادة التي يدرسها.


1-مالية عامة 2-النظم الضريبية المقارنة


3-قانون الاقتصاد الدولي





- قاعـة البحـث





دبلوم الشريعة الإسلامية





- النظريات العامة في الفقـه الإسلامي





- القانون المدني المقارن بالفقه الإسلامي





- الفقه الإسلامي المقارن بالمذاهب المختلفة





- أصـول الفقـه مـع التعمـق





- مادة يحددها مجلس الكلية سنوياً بعد أخذ رأى مجالس الأقسام المعنية . ويجوز للمجلس أن يحدد أكثر من مادة يختار الطالب من بينها المادة التي يدرسها.


1-حقوق الإنسان في الإسلام 2- القانون الدولي الإسلامي


3-نظم الإدارة المالية في الإسلام 4-القضاء في الإسلام


5-القانون الجنائي الإسلامي 6-الاقتصاد الإسلامي


7-الأحوال الشخصية مع التعمق





- قاعـة البحـث







دبلوم الدراسات القضائية

عدد الساعات أسبوعيا
المـادة



- قانون المرافعات مع التعمق





- قانون الإجراءات الجنائية مع التعمق






- الإجراءات الإدارية مع التعمق





- نظام التحكيم الداخلي والدولي





- مادة يحددها مجلس الكلية سنويا بعد أخذ رأى مجالس الأقسام المعنية . ويجوز للمجلس أن يحدد أكثر من مادة يختار الطالب من بينها المادة التي يدرسها.


1-قانون الإثبات مع التعمق 2-قانون الشهر العقاري والتوثيق


3-قانون التحقيق الجنائي العملي 4-التنفيذ مع التعمق





- قاعـة البحث







دبلوم القانون الجنائى






- قانون العقوبات مع التعمق





- قانون العقوبات الخـاص





- إجراءات جنائية مع التعمق





- قانون جنائي إسلامي مقارناً مع الشرائع الوضعية





- مادة يحددها مجلس الكلية سنويا بعد أخذ رأى مجالس الأقسام المعنية . ويجوز للمجلس أن يحدد أكثر من مادة يختار الطالب من بينها المادة التي يدرسها.


1-القانون الجنائي الدولي 2-علم الإجرام


3- السياسة الجنائية





- قاعـة البحـث




بالنسبة لنظام توزيع الدرجات

ينقسم الامتحان الي امتحان تحريري وشفوي ولا يتقدم الطالب للامتحان الشفوري الا بعد نجاحه في امتحان التحريري

وبالنسبة للامتحان التحريري
الامتحان في 5 مواد كل مادة من 20 درجة للنجاح يجب الحصول علي 14 من 20
وللطالب درجات رافة 4 درجات يحصل عليها من بداية 11

وبعد اجتياز الامتحان الشفوي والنجاح فيه يدخل الامتحان الشفوي وهو ايضا من 20 درجة لكل مادة والنجاح ايضا من 14

ملحوظة هامة
درحات الرافة للتحريري والشفوي معا

اذا رسب الطالب في دور مايو في مادة واحدة يجوز له ان يدخل فيها امتحان دور اكتوبر فقط ( وهذا تعديل جديد علي اللائحة وفي السابق كان الطالب اذا رسب في اي مادة في دور مايو يجبر ان يدخل امتحان دور اكتوبر في جميع المواد حتي التي نجح فيها في دور مايو)

number1
28-10-2008, 05:58 PM
شكرا جدا يا دكتور بس لى استفسار بخصوص البحث اللى المفروض يتعمل هو بيبقى غليه درجات ؟ و امتى المفروض يتقدم ؟
وشكرا

د.محمد سادات
28-10-2008, 10:42 PM
شكرا جدا يا دكتور بس لى استفسار بخصوص البحث اللى المفروض يتعمل هو بيبقى غليه درجات ؟ و امتى المفروض يتقدم ؟
وشكرا


البحث مادة مستقلة بذاتها عليها 20 درجة مقسمة 15 علي البحث ذاته و 5 درجات علي الحضور في محاضرات قاعة البحث , والمفروض يتقدم قبل اول ابريل , ومن ينجح في المواد تحريري يمتحن في البحث شفوي فلا يتم مناقشة البحث الا بعد النجاح في التحريري

نورالصبايا
30-10-2008, 02:11 PM
انا يشكر حضرتك جدا جدا جدا على الاجابات الوافية دى وحقيقى حضرتك خير من يرشدنا للاجابة
تقريبا كدا سيادتك وضحت كل مااريد الاستفسار عنة
لكن بطلب من سيادتك فقط توضيح هذة النقاط

انا من الشخصيات الطموحة جدا وعندى احلام بتمنى تحقيقها لكن اللى لاحظتة بعد اخذ اراء الكثيرين
ان تحقيق الاحلام ف الواقع العملى اصبح صعبا بل قديصل الى انة مستحيل وهذا بصفتى انثى مصيرها الزواج وتكوين الاسرة وماالى غير ذلك غير ان العلم اصبح لا يقدر حاليا وخاصتا ف مصر
فما نصائح سيادتك لعد تاثرى باراء الاخرين؟

محمد ابوالمكارم
30-10-2008, 09:05 PM
مبروك يادكتور مكتبك وانت طول سنوات دراستك مثال للانسان المحترم الخلوق كنت مثلى وقدوتى خلال دراستى مع انى ااتخرجت بعد دفعة حضرتك بدفعتين بس الا انى كنت سعيد جدا وانا بتكرم مع اوائل الدفعات من الزملاء فى حفل واحد فكان تكريمى فى حفل مع سيادتك والدكتورة امانى الباز قبل ذهابها للنيابة والدكتور محمد ابوبكر والدكتور معتز والدكتور سمير شرف ودفعة لى مع انى خرجت بجيد جدا فقط مش امتيارز زى حضرتك جعلك الله دوما مثلا طيبا نحتزى بة

number1
30-10-2008, 09:15 PM
من فضلك يا دكتور اريد ان اعرف الطريقة المثلى للمذاكرة فى الدبلوم لانى كنت من الاوائل على دفعتى و اريد ان اكون كده فى الدبلومة ان شاء الله

د.محمد سادات
31-10-2008, 01:36 PM
انا يشكر حضرتك جدا جدا جدا على الاجابات الوافية دى وحقيقى حضرتك خير من يرشدنا للاجابة
تقريبا كدا سيادتك وضحت كل مااريد الاستفسار عنة
لكن بطلب من سيادتك فقط توضيح هذة النقاط

انا من الشخصيات الطموحة جدا وعندى احلام بتمنى تحقيقها لكن اللى لاحظتة بعد اخذ اراء الكثيرين
ان تحقيق الاحلام ف الواقع العملى اصبح صعبا بل قديصل الى انة مستحيل وهذا بصفتى انثى مصيرها الزواج وتكوين الاسرة وماالى غير ذلك غير ان العلم اصبح لا يقدر حاليا وخاصتا ف مصر
فما نصائح سيادتك لعد تاثرى باراء الاخرين؟


شكرا يا شاهنده , بالنسبة لسؤالك , اولا مفيش حاجة اسمها احلام مستحيلة التنفيذ و الشخص علي قدر ما يقوم به من مجهود يحقق طموحاته

د.محمد سادات
31-10-2008, 11:28 PM
ونصيحة مني لكي لا يؤثر الزواج علي طموحاتك يجب ان يتوافر في شريك حياتك باذن الله امرين , الاول ان يكون و الاخر طموحا , وان يسعد بنجاحك ويشجعك عليه , والا اصبح الزواج عقبة في سبيل تحقيقك لمرادك

د.محمد سادات
31-10-2008, 11:39 PM
مبروك يادكتور مكتبك وانت طول سنوات دراستك مثال للانسان المحترم الخلوق كنت مثلى وقدوتى خلال دراستى مع انى ااتخرجت بعد دفعة حضرتك بدفعتين بس الا انى كنت سعيد جدا وانا بتكرم مع اوائل الدفعات من الزملاء فى حفل واحد فكان تكريمى فى حفل مع سيادتك والدكتورة امانى الباز قبل ذهابها للنيابة والدكتور محمد ابوبكر والدكتور معتز والدكتور سمير شرف ودفعة لى مع انى خرجت بجيد جدا فقط مش امتيارز زى حضرتك جعلك الله دوما مثلا طيبا نحتزى بة

شكرا جزيلا يا محمد علي هذه العبارات الجميلة التي تعد وسام شرف علي صدري , وانا من شرفني تواجدي معك في التكريم فانت اهل لذلك ,وجزاك الله خيرا وبالتوفيق دائما باذن الله

د.محمد سادات
31-10-2008, 11:42 PM
من فضلك يا دكتور اريد ان اعرف الطريقة المثلى للمذاكرة فى الدبلوم لانى كنت من الاوائل على دفعتى و اريد ان اكون كده فى الدبلومة ان شاء الله

مذاكرة الدبلوم لا تختلف عن مالمذاكرة في اي سنة دراسية , بل انها اسهل منها لان الطالب بيذاكر فيها دون ضغوط كما كان يحدث في سنوات الفرقة التي يكون فيها ملتزم بالنجاح والحصول علي تقدير , لكن النصيحة الوحيدة اللي اقدر انصحك بيها هو انك تبدأي مذاكرة من النهاردة لان ده هيريحك كتير بعد كده, وبالتوفيق دائما باذن الله

د.محمد سادات
01-11-2008, 12:02 AM
من فضلك يا دكتور اريد ان اعرف الطريقة المثلى للمذاكرة فى الدبلوم لانى كنت من الاوائل على دفعتى و اريد ان اكون كده فى الدبلومة ان شاء الله

مذاكرة الدبلوم لا تختلف عن المذاكرة في اي سنة دراسية , بل انها اسهل منها لان الطالب بيذاكر فيها دون ضغوط كما كان يحدث في سنوات الفرقة التي يكون فيها ملتزم بالنجاح والحصول علي تقدير , لكن النصيحة الوحيدة اللي اقدر انصحك بيها هو انك تبدأي مذاكرة من النهاردة لان ده هيريحك كتير بعد كده, وبالتوفيق دائما باذن الله

number1
02-11-2008, 10:33 AM
بسم الله الرحمن الرحيم
شكرا جدا يا دكتور حضرتك متعرفش افدتنى كتير ازاى
شكرا

samsoma
03-11-2008, 03:33 AM
السلام عليكم ورحمة الله وبركاته
سيدي الفاضل جزاك الله كل خير علي ماتقدمه لنا من معلومات ونصائح هامة ومفيدة
واسمح لي ان استشيرك في امرين
الاول
بخصوص المقابلة الشخصية لهيئة قضايا الدولة ماهي الموضوعات التي قد تكون موضع اسئلة سواء في المدني او المرافعات
ثانيا
بخصوص اعلان وزارة الخارجية عن مسابقة للتعيين في وظائف ملحقين بالسلك الدبلوماسي والقنصلي
1-ماهي طبيعة هذه الوظيفة بالنسبة لخريجي كلية الحقوق
2-وهل من السهل دخول مثل هذا المجال بالنسبة لخريجي كلية الحقوق

شكرا واتمني لحضرتك دوام التوفيق والنجاح ان شاء الله

hema_346
04-11-2008, 12:08 AM
بسم الله الرحمن الرحيم
السلام عليكم ورحمة الله وبركاته
لو سمحت يا دكتور انا باحث قانوني في الشهر العقاري
وعاوز اعمل رساله دكتوراه تكون متعلقه بالشهر العقاري
لو حضرتك تقدر تقولي علي مواضيع جديده ومفيده اكون شاكر جدا
شـكــ وبارك الله فيك ـــرا لك ... لك مني أجمل تحية .

نورالصبايا
04-11-2008, 12:52 AM
http://www6.0zz0.com/2008/08/20/22/456556929.gif (http://forum.3ash8.com/redirector.php?url=http%3A%2F%2Fwww.0zz0.com)




بارك الله فيك وجزاك عنا خير الجزاء

number1
04-11-2008, 05:12 AM
من فضلك يا دكتور بالنسبة للدبلومة هو فى كتب للشفوى و اخرى للتحريرى كقاعدة عامة ولا الدكتور هو اللى بيحدد ايه اللى هنمتحن فى شفوى و ايه تحريرى
وشكرا

رمضان موسى
04-11-2008, 11:55 PM
لو تكرمت معاليك ...زز تقوم بوضع مواد جديده فى قانون المنتدى تحرم المشاركات اتى تقتصر على الشكر فقط
فالمنتدى تقوم فكرته على عرض افكار ومناقشة مواضيع وليس الشكر فقط............! لازم تكون المشاركات فعاله ذا قيمه
ثانى حاجه لو تكرمت اعيدوا زمن الدكتور البدراوى فهذا القانونى كان من الشخصيات التى جعلها الله سببا لانشاء كلية الحقوق فى المنصوره
وكان من الاساتذه الى كانت بتفرض شخصيتها على الطلبه وكانت محاضراته اشبه بالندوات يعنى مكن اى طالب يحضر حتى لو من خارج الكليه
وكان ممكن يناقش الطلبه فى اى موضوع خاصة اذا كان الموضوع حيوى

اما الان المدرج يغلق ولا يتم فتحه حتى للطلبه المقيدين فى الكليه
الدكتور كل همه ان يشرح الدرس وفقط....... فهمه الطلبه ام لا فهذا لا يهم
انا بكلم سيادتك فى موضوع مثل هذا لان سيادتك اقرب الينا من ا شخص اخر فالعميد لن يدخل على المنتدى ولا حتى المدير العام

د.محمد سادات
06-11-2008, 12:56 PM
بسم الله الرحمن الرحيم
شكرا جدا يا دكتور حضرتك متعرفش افدتنى كتير ازاى
شكرا

بالتوفيق باذن الله

د.محمد سادات
06-11-2008, 01:08 PM
السلام عليكم ورحمة الله وبركاته
سيدي الفاضل جزاك الله كل خير علي ماتقدمه لنا من معلومات ونصائح هامة ومفيدة
واسمح لي ان استشيرك في امرين
الاول
بخصوص المقابلة الشخصية لهيئة قضايا الدولة ماهي الموضوعات التي قد تكون موضع اسئلة سواء في المدني او المرافعات
ثانيا
بخصوص اعلان وزارة الخارجية عن مسابقة للتعيين في وظائف ملحقين بالسلك الدبلوماسي والقنصلي
1-ماهي طبيعة هذه الوظيفة بالنسبة لخريجي كلية الحقوق
2-وهل من السهل دخول مثل هذا المجال بالنسبة لخريجي كلية الحقوق

شكرا واتمني لحضرتك دوام التوفيق والنجاح ان شاء الله


بالسبة لمقابلة الهيئة فان الاسئلة لا تقتصر علي فرع واحد من فروع القانون بل قد تمتد الي القانون الجنائي كما يحدث في مقابلات مجلس الدولة , لكن عادة التركيز يقتصر علي القانون المدني والجنائي والاداري والمرافعات

بالنسبة للملحقين بالسلك الدبلوماسي , فانها متاحة لكافة الحقوقيين بعد اجتايز بعض الاختبارات , لكن صعوبة تلك الامتحانات انها منها ما يعتمد علي اللغة اذ يتطلب بجانب الانجليزية التحدث بطلاقة لغتين اخرتين كالفرنسية والالمانية وهو ما يصعب المهمة , لكن لا يمنع ذلك من المحاولة , وبالتوفيق باذن الله

د.محمد سادات
06-11-2008, 01:23 PM
من فضلك يا دكتور بالنسبة للدبلومة هو فى كتب للشفوى و اخرى للتحريرى كقاعدة عامة ولا الدكتور هو اللى بيحدد ايه اللى هنمتحن فى شفوى و ايه تحريرى
وشكرا
غالبا بيحدد دكتور الماده كتاب للشفوي وكتاب للتحريري وغالبا مايحدد دكتور الماده جزء من كتاب الشفوي لللامتحان التحريري
وبالتوفيق

د.محمد سادات
06-11-2008, 01:27 PM
http://www6.0zz0.com/2008/08/20/22/456556929.gif (http://forum.3ash8.com/redirector.php?url=http%3A%2F%2Fwww.0zz0.com)




بارك الله فيك وجزاك عنا خير الجزاء



شكرا يا شاهندة

د.محمد سادات
06-11-2008, 08:11 PM
بسم الله الرحمن الرحيم
السلام عليكم ورحمة الله وبركاته
لو سمحت يا دكتور انا باحث قانوني في الشهر العقاري
وعاوز اعمل رساله دكتوراه تكون متعلقه بالشهر العقاري
لو حضرتك تقدر تقولي علي مواضيع جديده ومفيده اكون شاكر جدا
شـكــ وبارك الله فيك ـــرا لك ... لك مني أجمل تحية .

وعليكم السلام ورحمة الله وبركاته
من الموضوعات الهامة والمتعلقة لاشهر العقاري موضوع السجل العيني والتي بدأت تظهر علي الساحة ,


والسجل العينى هو مجموعة الصحائف التى تبين أوصاف كل عقار وتبين حالته القانونية وتنص على الحقوق المترتبة له وعليه وتبين المعاملات والتعديلات المتعلقة به .
وقد أصدر رئيس الجمهورية القانون رقم 142 لسنة 1964 المتعلق بنظام السجل العينى وتبعه إصدار وزير العدل القرار رقم 825 لسنة1975 باللائحة التنفيذية للقانون.

وبالتوفيق باذن الله

محمود البجيري
08-11-2008, 12:32 PM
[align=center]
[COLOR=green]السلام عليكم ورحمة الله وبركاته،
أهلا بحضرتك يادكتور محمد للأسف انا لم يحالفني الحظ أن أتلقى العلم أثناء دراستي في الجامعة تحت يديك وللأسف الأكبرأني لم أتشرف بأن التقي بحضرتك ولكن لفت انتباهي الثناء الكبير اللي أثناه الأخوة عليك وده دفعني للترحيب بحضرتك

yoya
08-11-2008, 09:21 PM
السلام عليكم يا دكتور محمد
اولا بشكر حضرتك على تواجدك المستمر معنا
ومتابعتك لاستفساراتنا
جزاك الله عنا كل خير
اود ان اسال سيادتك عن استفسار
هل الحصول على دبلومة فى القانون الجنائى ودبلومة القانون العام
هل يؤدىالى الحصول على درجة الماجستير ام مايعادل درجة الماجيستير؟
وما الفرق بينها اتمنى التوضيح من حضرتك
جزاك الله كل خير

د.محمد سادات
09-11-2008, 02:54 AM
[align=center]
[color=green]السلام عليكم ورحمة الله وبركاته،
أهلا بحضرتك يادكتور محمد للأسف انا لم يحالفني الحظ أن أتلقى العلم أثناء دراستي في الجامعة تحت يديك وللأسف الأكبرأني لم أتشرف بأن التقي بحضرتك ولكن لفت انتباهي الثناء الكبير اللي أثناه الأخوة عليك وده دفعني للترحيب بحضرتك
اهلا بيك يا محمود شرفت المكتب وسعدت بتواجدك معنا

د.محمد سادات
09-11-2008, 03:25 AM
السلام عليكم يا دكتور محمد
اولا بشكر حضرتك على تواجدك المستمر معنا
ومتابعتك لاستفساراتنا
جزاك الله عنا كل خير
اود ان اسال سيادتك عن استفسار
هل الحصول على دبلومة فى القانون الجنائى ودبلومة القانون العام
هل يؤدىالى الحصول على درجة الماجستير ام مايعادل درجة الماجيستير؟
وما الفرق بينها اتمنى التوضيح من حضرتك
جزاك الله كل خير

شكرا لكي بالنسبة لمن يحصل علي دبلومة القانون العام والقانون الجنائي يكون قد حصل علي دبلومتين معادلتين للماجستير يستطيع بعدها تسجيل الدكتوراه

والفرق بين الماجستير والمعادلة له,

ان الماجستير يكون عن طريق الحصول على دبلوم من دبلومات الدراسات العليا التى تمنحها كليـات الحقـوق بالجامعات المصرية , بالاضافة الي القيام بعمل رسالة ماجستير في مدة لاتقل عن سنة (و
يختار الباحث موضوع رسالته بشـرط أن يكـون ذا صلـة بالدبلـوم الـذى حصل عليه)

اما المعادلة فهي عبارةعن دبلومتين من الدبلومات التي تقدمها الكلية بشرط ان يكون احدهما علي الاقل دبلوم قانون عام او قانون خاص. وبالحصول عليها يكونان معادلان لدرجة الماجستير

الشريعة والقانون
09-11-2008, 07:48 AM
السلام عليكم ورحمة الله وبركاته

لي شرف كبير ان اشترك معكم واردت ان تنالني شرف الافاده في موضوع هام بالنسبة لي فلقد التحقت بكليه حقوق طنطا بدبلوم القانون الخاص ولم يكتب لي النجاح وتمنيت ان التحق بكلية حقوق المنصوره وكثيرا" ما نصحوني بالا افعل ولكني متعلقة جدا" بهذه الكليه وفخوره بها....
وبالرغم بعدها عن محل اقامتي الا اني اتمني ان اتعلم منها وفيها
فبماذا تنصحونني وهل هناك مجال لان التحق باحدي الدبلومات ام ان ابواب الاتحاق اغلقت؟؟؟
ارجوا افادتي وجزاكم الله عني كل الخير

د.محمد سادات
10-11-2008, 01:27 AM
السلام عليكم ورحمة الله وبركاته

لي شرف كبير ان اشترك معكم واردت ان تنالني شرف الافاده في موضوع هام بالنسبة لي فلقد التحقت بكليه حقوق طنطا بدبلوم القانون الخاص ولم يكتب لي النجاح وتمنيت ان التحق بكلية حقوق المنصوره وكثيرا" ما نصحوني بالا افعل ولكني متعلقة جدا" بهذه الكليه وفخوره بها....
وبالرغم بعدها عن محل اقامتي الا اني اتمني ان اتعلم منها وفيها
فبماذا تنصحونني وهل هناك مجال لان التحق باحدي الدبلومات ام ان ابواب الاتحاق اغلقت؟؟؟
ارجوا افادتي وجزاكم الله عني كل الخير

وعليكي السلام ورحمة الله وبركاته
باب التسجيل بالدبلومات مفتوح حتي 31 -12-2008 ويشرفنا التحاقك بالكليه

حياة مسعد
11-11-2008, 09:08 PM
لو سمحت يا دكتور بالنسبة للامتحانات اللى بمنتحنها فى السكشن دى بيكون عليها درجات او بتاثر علينا بحاجة

د.محمد سادات
12-11-2008, 01:36 AM
لو سمحت يا دكتور بالنسبة للامتحانات اللى بمنتحنها فى السكشن دى بيكون عليها درجات او بتاثر علينا بحاجة

بالنسبة للامتحانات في السكشن بيكون عليها درجات لكن انا مش بحاسبكم علي اجاباتكم بالظبط لان لو حاسبكم وفقا لاجاباتكم الدرجات مش هتكون عالية , عشان كده حاولوا تبذلوا مجهود اكتر وبالتوفيق باذن الله

الصبر طيب
12-11-2008, 01:47 PM
السلام عليكم ورحمة الله وبركاته لو سمحت يادكتور\ محمد ممكن اطلب من حضرتك توضيح00000 انا فى الفرقة الرابعة ولكن لم يحالفنى الحظ لكى احصل على تقدير جيد دايما تقديرى مابين الجيد والمقبول(62 او 63 فى المائة) وكان نفسى اعمل دبلومة فى القانون الجنائى لكن سمعت ان لازم تقدير جيد على الاقل لكى اعمل دبلومة فكنت عاوزة اعرف من حضرتك توضيح عن كيفية التقديم ومدة الدبلومة دى ايه وينفع اقدم بتقدير مقبولشـكــ وبارك الله فيك ـــرا لك ... لك مني أجمل تحية .

د.محمد سادات
12-11-2008, 10:37 PM
السلام عليكم ورحمة الله وبركاته لو سمحت يادكتور\ محمد ممكن اطلب من حضرتك توضيح00000 انا فى الفرقة الرابعة ولكن لم يحالفنى الحظ لكى احصل على تقدير جيد دايما تقديرى مابين الجيد والمقبول(62 او 63 فى المائة) وكان نفسى اعمل دبلومة فى القانون الجنائى لكن سمعت ان لازم تقدير جيد على الاقل لكى اعمل دبلومة فكنت عاوزة اعرف من حضرتك توضيح عن كيفية التقديم ومدة الدبلومة دى ايه وينفع اقدم بتقدير مقبولشـكــ وبارك الله فيك ـــرا لك ... لك مني أجمل تحية .


وعليكم السلام ورحمة الله وبركاته
لا يشترط التقدير للتقديم في الدبلومات
ومده الدبلوم من شهر 10 حتي شهر 5 والامتحان اخر 5 او في شهر 10
ومتطلبات التقديم شهادة مؤقتة وصور شخصية واعتقد بيان درجات وشهادة ميلاد
وبالتوفيق باذن الله

الصبر طيب
14-11-2008, 11:41 PM
السلام عليكم ورحمة الله وبركاته انا متشكرة جدا على الرد يادكتور/محمد بس بعد اذن حضرتك انا كنت عاوزة توضيح تانى انا لسة فى الفرقة الرابعة لسة متخرجتش وحضرتك بتقول التقديم يكون فى شهر 10 ممكن توضح وممكن اعرف مدة كل دبلومة كام سنة شـكــ وبارك الله فيك ـــرا لك ... لك مني أجمل تحية .

khaledsakr
15-11-2008, 07:25 PM
طلب هام
ارجو من سيادتكم التعليق علي القانون 180 لسنة 2008 الصادر بتعديل قانون العمل 12 لسنة 2003 وما يثيرة من مشكلات عملية تصل الي حد انعدام الاحكام الصادرة جميعها من الجان الخماسية الملغاة والقضاء بعدم قبول الدعاوي المتداولة والتي رفعت امام تلك اللجان لانعدام صحيفتها وذلك بعد صدور حكم الدستورية رق26 لسنة 27 قضائية دستورية بالغاء المواد 71و70 والغاء فقرة من المادة 70 من القانون 12 لسنة 2003
وما اودة حقا هل من الصواب الحكم بعدم قبول الدعوي في جميع الدعاوي المتداولة امام المحاكم العمالية والتي رفعت امام اللجان الخماسية قبل الغائها باثر رجعي والغاء المادة التي تبين كيفية رفع الدعوي امامها وما ذلك بحكم الدستورية المتقدم ذكرة واعمالا للاثر الرجعي لة

number1
23-11-2008, 03:54 AM
بسم الله الرحمن الرحيم
لو سمحت يا دكتور اريد ان اعرف كيف اقوم بعمل خطة بحث جيدة ؟
و شكرا

د.محمد سادات
26-11-2008, 01:06 PM
السلام عليكم ورحمة الله وبركاته انا متشكرة جدا على الرد يادكتور/محمد بس بعد اذن حضرتك انا كنت عاوزة توضيح تانى انا لسة فى الفرقة الرابعة لسة متخرجتش وحضرتك بتقول التقديم يكون فى شهر 10 ممكن توضح وممكن اعرف مدة كل دبلومة كام سنة شـكــ وبارك الله فيك ـــرا لك ... لك مني أجمل تحية .

انتي باذن الله هتتخرجي في شهر 7 , الدبلومات بيبدأ التقديم فيها من اول شهر 9 , فباذن الله بعد ما تخلصي تقدري تقدمي
ومدة كل دبلومة سنة بتبدأ الدراسة فيها في شهر 10 وبتنتهي في شهر 4 والامتحانات في شهر 5

د.محمد سادات
26-11-2008, 01:10 PM
بسم الله الرحمن الرحيم
لو سمحت يا دكتور اريد ان اعرف كيف اقوم بعمل خطة بحث جيدة ؟
و شكرا

الخطة الجيدة تبدا من اختيار عنوان الموضوع والذي يجب ان يكون دالا علي موضوع البحث

matrix_account07
26-11-2008, 10:25 PM
لو سمحت يا دكتور محمد ممكن نعرف معاد امتحان السكشن بتاع مجموعة 7

د.محمد سادات
01-12-2008, 03:10 PM
لو سمحت يا دكتور محمد ممكن نعرف معاد امتحان السكشن بتاع مجموعة 7

امتحان الشفوي بالنسبة لمادة المدخل والاقتصاد احتمال يبدأ باذن الله يوم 27/ 12 .

الاستاذ
01-12-2008, 10:32 PM
لو سمحت يادكتر محمد امتحانات الشفوي للفرقة الثالثه هتبدا امتي

د.محمد سادات
02-12-2008, 05:10 PM
لو سمحت يادكتر محمد امتحانات الشفوي للفرقة الثالثه هتبدا امتي

احتمال يكون الامتحان يوم 27 / 12 باذن الله بس هو لسه متتحددش فعليا

الدكتور عادل عـامر
06-12-2008, 03:00 PM
تهنئة العيد

كل عيد والخير دربك وممشاك والبسمة دوم ما تفارق شفتاك وجنة ربي هي سكناك إلى أغلى أعز أحلى الناس عيدك مبارك يا تاج الرأس بالله تبارك له العيد وتلبسه الثوب الجديد والعمر المديد وتكفيه الوعيد انطلقت مني أحلى عيد

الدكتور عادل عامر

عـــــيــــد♥▒▒سـعـــيــــد ♥▒▒♥▒ ▒▒♥▒▒♥▒▒♥▒▒♥▒▒♥▒ ▒▒♥▒▒♥▒▒♥▒▒♥▒▒♥▒ ▒▒♥▒▒♥▒▒♥▒▒♥▒▒♥▒ ▒▒♥▒▒♥▒▒♥▒▒♥▒▒♥▒ ▒▒♥▒▒♥▒▒♥▒▒♥▒▒♥▒ ▒▒♥▒▒♥▒▒♥▒▒♥▒▒♥▒ ▒▒♥▒▒♥▒▒عـــــيــــد♥▒▒سـعـــيــــد ♥▒▒♥▒

تهنئة العيد

كل عيد والخير دربك وممشاك والبسمة دوم ما تفارق شفتاك وجنة ربي هي سكناك إلى أغلى أعز أحلى الناس عيدك مبارك يا تاج الرأس بالله تبارك له العيد وتلبسه الثوب الجديد والعمر المديد وتكفيه الوعيد انطلقت مني أحلى عيد

الدكتور عادل عامر

اشكرك وكل عام وانتم بالف خير اعاده الله عليك و علينا و انت بأتم صحة و عافية , اسأل الله لك راحة تملأ نفسك و رضا تغمر قلبك و اعواما مديدة من الله

قلبي يحبك

وبحبه يحميك

وبنبضه يرويك

وبحنانه يدفيك

وبقرب العيد يهنيك

الصبر طيب
06-12-2008, 08:37 PM
كل عام وحضرتك بخير يادكتور /محمد وعيد سعيد عليك يارب والامة الاسلامية بخير

د.محمد سادات
07-12-2008, 06:19 AM
كل عام وجميع أعضاء المنتدى بخير بمناسبة عيد الأضحى المبارك أعاده الله علينا وعلى الأمة الإسلامية بالخير واليمن والبركات وكل عام وانتم بخير

MARCO 219
10-12-2008, 09:39 PM
شرفتنا يا دكتور محمد فى المنتدى ومنور ويارب نكون على موعد ع الاستفادة والتواصل جميعا فى المنتدى ............

د.محمد سادات
11-12-2008, 01:56 PM
شرفتنا يا دكتور محمد فى المنتدى ومنور ويارب نكون على موعد ع الاستفادة والتواصل جميعا فى المنتدى ............

شرفت المنتدي اهلا بك

معالى المستشار محمد
13-12-2008, 06:54 PM
لو سمحت يا دكتور هو التقدير التراكمى اتلغا ولا الكلام ده مش صحيح

د.محمد سادات
14-12-2008, 02:14 PM
لو سمحت يا دكتور هو التقدير التراكمى اتلغا ولا الكلام ده مش صحيح

لا يا شريف الكلام ده غير صحيح, بالتوفيق باذن الله

hossam2010
14-12-2008, 09:32 PM
السلام عليكم يادكتور. لو سمحت يا دكتور بالنسبة للسكشن مجموعة 7 هل يوجد محاضرة لة غدا ولا خلاص لايوجد
(الفرقة الاولى) وشكرا لحضرتك.

د.محمد سادات
15-12-2008, 07:22 PM
السلام عليكم يادكتور. لو سمحت يا دكتور بالنسبة للسكشن مجموعة 7 هل يوجد محاضرة لة غدا ولا خلاص لايوجد
(الفرقة الاولى) وشكرا لحضرتك.

وعليكم السلام ورحمة الله
لا يوجد سكشن فالمحاضرات انتهت

hossam2010
29-12-2008, 03:00 PM
السلام عليكم يادكتور محمد ،
بعد اذن حضرتك كان عندى استفسار وهو هل الطالب بعد الليسانس لو اخد دبلومتين بمعنى انة اخذ ماجيستير وممكن بعدها يحضر دكتورة ولا اية وهل يشترط التقدير لكى يحصل على دبلومة يعنى مثلا اقل تقدير يكون جيد . ولك وافر الاحترام وجزيل الشكر.

د.محمد سادات
31-12-2008, 03:28 AM
السلام عليكم يادكتور محمد ،
بعد اذن حضرتك كان عندى استفسار وهو هل الطالب بعد الليسانس لو اخد دبلومتين بمعنى انة اخذ ماجيستير وممكن بعدها يحضر دكتورة ولا اية وهل يشترط التقدير لكى يحصل على دبلومة يعنى مثلا اقل تقدير يكون جيد . ولك وافر الاحترام وجزيل الشكر.
وعليكم السلام ورحمة الله
نعم لو اخذ الطالب دبلومتين يعتبر انه حصل علي الماحستير فالدبلومتين تعادلان درجة الماجستير بشرط ان يكون احدي الدبلومتين دبلوم قانون عام او خاص
ولا يشترط التقدير للحصول علي الدبلومات ممكن تقدير مقبول
وبالتوفيق باذن الله

number1
31-12-2008, 03:06 PM
لو سمحت يا دكتور انا فى دبلوم عام ولكن انا لم ابدأ مذاكرة بعد ولم احضر محاضرات حتى الان لظروف مرضية و لم ابدأ فى البحث بعد ولكن قرأت فى بعض المواد و سوف انتظم فى الدراسة ان شاء الله من الان فهل استطيع ان انجز ولا الوقت متأخر؟
و شكرا

hossam2010
31-12-2008, 05:17 PM
وعليكم السلام ورحمة الله
نعم لو اخذ الطالب دبلومتين يعتبر انه حصل علي الماحستير فالدبلومتين تعادلان درجة الماجستير بشرط ان يكون احدي الدبلومتين دبلوم قانون عام او خاص
ولا يشترط التقدير للحصول علي الدبلومات ممكن تقدير مقبول
وبالتوفيق باذن الله


اشكرك يادكتور محمد على الرد وبارك الله فيك.

د.محمد سادات
01-01-2009, 08:41 PM
لو سمحت يا دكتور انا فى دبلوم عام ولكن انا لم ابدأ مذاكرة بعد ولم احضر محاضرات حتى الان لظروف مرضية و لم ابدأ فى البحث بعد ولكن قرأت فى بعض المواد و سوف انتظم فى الدراسة ان شاء الله من الان فهل استطيع ان انجز ولا الوقت متأخر؟
و شكرا

باذن الله الوقت لا يزال مبكرا وتقدري تجمعي ما فاتك باذن الله

د.محمد سادات
01-01-2009, 08:47 PM
السلام عيكم يا دكتور محمد وكل سنة وحضرتك طيب ويارب تكون سنة سعيدة عليك ومليئة بالنجاح والانجازات والتفوق وحضرتك بجد تستحق اكتر من كدااا بكتير

انا طالب في الفرقة الاولي انتظام وكنت في سيكشن مجموعة/ 10/ وطبعا حضرتك تعرف الظروف الي اتعرضنا ليها وانضمينا لمجموعة/7/ واتفجانا بالامتحان .......

وحضرتك تعرف اننا مكناش جاهزين عشان كده انا نفسي حضرتك تتطمني
ماهو الوضع في الدرجة بتاعتي ؟انا حضرتالسكشن في المرة الي كانت قبل الامتحان ويوم الامتحان والمرة الاخيرة يعني 3 مرات وانا مكنتش حاللل كويس في الامتحان وحليت بنسبة حوالي 25% وانا بجد شديد الحرص علي كل درجة و لان انا طبعامش ضامن درجاتي في المواد التانية فارجوا من حضرتك المساعدة

واكون شاكر جدا ليك وربنا يوفقنا ويوفقق

بالنسبة لمجموعة 10 طالما حضرت ال 3 محاضرات الاخيرة ستكون درجتك باذن الله 5 حتي وان كانت اجاباتك في الامتحان ليست كلها صحيحة او كانت اجابتك 25% وبالتوفيق باذن الله

معالى المستشار محمد
01-01-2009, 11:28 PM
شكرا ليك يا دكتور على تواجد حضرتك على المنتدى وعلى هذه الردود الجميلة تقبل تحياتى

number1
02-01-2009, 12:37 AM
شكرا جدا يا دكتور

د.محمد سادات
02-01-2009, 01:17 PM
بالتوفيق باذن الله

hossam2010
04-01-2009, 05:04 PM
السلام عليكم يادكتور ،
بعد التحية
لو سمحت يادكتور بما ان حضرتك استاذ قانون مدنى ، بالنسبة للاجابة فى الامتحان لو ان طالب كتب عناصر السؤال فقط بدون شرح لظروف ان الوقت لم يكن كافيا مثلا ماحدث اليوم فى مدنى الفرقة الرابعة حيث ان وقت الامتحان ليس كافيا وان الامتحان كان طويل جدا وعايز وقت اكتر فلو طالب كتب العناصر فقط بدون شرح هل على هذة العناصر درجات ام الا وريارب الدكاترة تراعى ذلك عند التصحيح وشكرا جزيلا ..

د.محمد سادات
05-01-2009, 08:21 PM
السلام عليكم يادكتور ،
بعد التحية
لو سمحت يادكتور بما ان حضرتك استاذ قانون مدنى ، بالنسبة للاجابة فى الامتحان لو ان طالب كتب عناصر السؤال فقط بدون شرح لظروف ان الوقت لم يكن كافيا مثلا ماحدث اليوم فى مدنى الفرقة الرابعة حيث ان وقت الامتحان ليس كافيا وان الامتحان كان طويل جدا وعايز وقت اكتر فلو طالب كتب العناصر فقط بدون شرح هل على هذة العناصر درجات ام الا وريارب الدكاترة تراعى ذلك عند التصحيح وشكرا جزيلا ..

طالما الامتحان كان طويل باذن الله المصححين سوف يراعوا في التصحيح . وبالنسبة لكتابة العناصر ممكن الدكتور يعطي عليها درجة او نصف درجة لكن الامر ده مش حتمي لانه بيختلف من دكتور لاخر

hossam2010
13-01-2009, 07:03 PM
السلام عليكم يادكتور

بعد التحية،
بعد اذنك يا دكتور كان ليا استفسار ولكن خاص بمادة اصول الفقة وهو لو اتى فى الامتحان سؤال مقال وفية ادلة كتير من السنة والقران فهل لابد من كتابة جميع الادلة ولا يكتفى بدليل من السنة والقرأن فقط.. ارجو من حضرتك ابداء ريك الشخصى. وبالنسبة لو طالب اجاب عن ثلاثة اسئلة والمطلوب سؤالين هل ممكن السؤال الثالث يصححح. واسف جدا على الاطالة وشكرا لسيادتكم.

د.محمد سادات
16-01-2009, 01:08 AM
السلام عليكم يادكتور

بعد التحية،
بعد اذنك يا دكتور كان ليا استفسار ولكن خاص بمادة اصول الفقة وهو لو اتى فى الامتحان سؤال مقال وفية ادلة كتير من السنة والقران فهل لابد من كتابة جميع الادلة ولا يكتفى بدليل من السنة والقرأن فقط.. ارجو من حضرتك ابداء ريك الشخصى. وبالنسبة لو طالب اجاب عن ثلاثة اسئلة والمطلوب سؤالين هل ممكن السؤال الثالث يصححح. واسف جدا على الاطالة وشكرا لسيادتكم.

بالنسبة لاستفسارك , لو عندك مثلا 5 ادلة من القران والسنة يكتفي بذكر 3 ادلة وهكذا فالمطلوب ليس ذكر كافة الادلة الموجودة بالكتاب ولكن بعضها ,ولكن ذلك لا يعني الاكتفاء بدليل واحد فقط فالافضل الاكثار من الادلة فهي تدعم الاجابة.

وبالنسبة للاسئلة الزائدة فالاصل انه لا يلتفت اليها ويتم اخذ اول سؤالين , الا ان هذا ليس المطبق دائما فمن المصححين من يقوم بتصحيح السؤال الزائد ويحسب للطالب الدرجة الأعلي , لكن هذا استثناء, لذلك فنصيحة مني بدلا من ان توزع مجهودك علي ثلاثة اسئلة ركز مجهودك ووقتك واجابتك في اثنين فقط وستكون النتيجة افضل باذن الله.
مع تمنياتي بالتوفيق

hossam2010
17-01-2009, 11:54 PM
شكرا لرد حضرتك يا دكتور.

Ali3053
24-01-2009, 08:38 AM
لو سمحت د/محمد اشرحلي لو أحد جاب 4 سابعات في الترم الأول
ماذا سيحدث

د.محمد سادات
24-01-2009, 10:20 PM
لو سمحت د/محمد اشرحلي لو أحد جاب 4 سابعات في الترم الأول
ماذا سيحدث
المفروض ان كل طالب له 6 درجات رأفة لكن هذه الدرجات لا تعطي الا في نهاية العام وبشرط ان تكون درجات الرأفة ستؤدي الي نجاح الطالب ونقله الي الفرقة الاعلي.

فعلي افتراض انك جبت 4 سبعات في الترم الاول ونجحت في كل المواد في الترم الثاني فالمفروض انك ستحصل علي درجات الرأفة في مادتين وتنتقل الي الفرقة الاعلي بمادتين تخلف.

طيب هتسألني ايه المادتين اللي هيترفعوا وايه المادتين اللي هتشيلهم؟؟
المادتين اللي هيترفعوا هما أسوأ مادتين فيهم نسبة رسوب , والمادتين اللي هيترفعوا هما اعلي المواد التي فيها نسبة نجاح,
بمعني اكثر وضوحا
لو افترضا انك في سنة اولي وجبت في تاريخ القانون والمدخل والمنظمات والاقتصاد 7
طيب هنرفع ايه وتشيل ايه
هنشوف نسبة النجاح في كل المواد فمثلا
نسبة النجاح في تاريخ القانون 50%
ونسبة النجاح في المدخل 55%
ونسبة النجاح في الاقتصاد70%
ونسبة النجاح في المنظمات 60%

اسوأ مادتين في نسبة النجاح هما تاريخ القانون والمدخل , يبقي هنرفعلك المادتين ونشيلك الاقتصاد والمنظمات. بس عشان نطبق ده لازم تكون ناجح في كل مواد الترم الثاني وجايب في كل المواد 10 فاكثر
اتمني ان تكون استوعبت الموضوع, وبالتوفيق باذن الله

مصطفى اسلام
30-01-2009, 01:08 AM
لو سمحت يادكتور بعد اذنك
لو الدكتور جاب سؤال والطلبة اجابت علية ولكن مفيش اتنين اتفقوا على اجابة محددة يبقى اية الحال فى التصحيح

معالى المستشار محمد
30-01-2009, 03:28 PM
لو سمحت يا دكتور محمد انا فى الفرقة الرابعة وكان بيدرس لنا ادارة عامة الدكتور العظيم صلاح الدين فوزى وحضرته جاب لينا فى الامتحان اربع اسئلة نختار اتنين السؤال عليه عشرة درجات وكان من ضمن الاسئلة سؤال تكلم عن الاسس المختلفة للنمط الديمقراطى للقيادة
والاسس المختلفة للنمط الديمقراطى فى الكتاب كالاتى الاهتمالم بالعلاقات الانسانية والمشاركة فى العمل القيادى والتفويض والانتماء للجماعة بأكملها ثم بعد الاسس فى الكتاب انماط القيادة وهى التركيز وعدم التركيز الادارى والامركزية الادارية
وأنا فى الامتحان أتلخبط وبدل ما أكتب الاسس كتبت الانماط فهل سأحصل على درجات فى هذا السؤال ام لا
والسؤال التانى الى انى جاوبته جوبته كويسي جدا زى الكتاب بالظبط فهل هذا يكفى لنجاحى فى تلك المادة ام لا ارجو الافادة من حضرتك وشكرا

number1
31-01-2009, 05:33 PM
بسم الله الرحمن الرحيم
لو سمحت يا دكتور عندى استفسار بخصوص بحث الدبلومة المفروض انى لما باخد حاجة بكتب المرجع طب لو المرجع ده كاتب انه واخد الحاجة دى من مرجع تانى اكتب المرجع اللى اخدت منه بس ولا كمان اللى المرجع ده واخد منه كمان يعنى مثلا انا اخدت من مرجع 1 و مرجع 1 واخد من مرجع 2 وكاتب كدة اكتب مرجع 1 بس ولا كمان مرجع 2 ؟
وشكرا

اّيات
01-02-2009, 04:46 PM
لو سمحت يا دكتور محمد
عوزه اعرف توزيع درجات المدنى للفرقة الثالثة السنة دى حيكون ازى
شكرا لتواجد حضرتك المستمر معانا

د.محمد سادات
02-02-2009, 12:08 PM
لو سمحت يادكتور بعد اذنك
لو الدكتور جاب سؤال والطلبة اجابت علية ولكن مفيش اتنين اتفقوا على اجابة محددة يبقى اية الحال فى التصحيح


من الصعب ان يكونالاختلاف علي سؤال نظري لكن اعتقد ان الخلاف ينشأ في حول احدي القضايا وفي هذه الحالة يرجع الي الدكتور واضع القضية لمعرفةالحل الصحيح لانه الحل ده هو اللي هيصحح به

د.محمد سادات
02-02-2009, 12:11 PM
لو سمحت يا دكتور محمد انا فى الفرقة الرابعة وكان بيدرس لنا ادارة عامة الدكتور العظيم صلاح الدين فوزى وحضرته جاب لينا فى الامتحان اربع اسئلة نختار اتنين السؤال عليه عشرة درجات وكان من ضمن الاسئلة سؤال تكلم عن الاسس المختلفة للنمط الديمقراطى للقيادة
والاسس المختلفة للنمط الديمقراطى فى الكتاب كالاتى الاهتمالم بالعلاقات الانسانية والمشاركة فى العمل القيادى والتفويض والانتماء للجماعة بأكملها ثم بعد الاسس فى الكتاب انماط القيادة وهى التركيز وعدم التركيز الادارى والامركزية الادارية
وأنا فى الامتحان أتلخبط وبدل ما أكتب الاسس كتبت الانماط فهل سأحصل على درجات فى هذا السؤال ام لا
والسؤال التانى الى انى جاوبته جوبته كويسي جدا زى الكتاب بالظبط فهل هذا يكفى لنجاحى فى تلك المادة ام لا ارجو الافادة من حضرتك وشكرا

بالوضع اللي انت جاوبت بيه تعتبر اجابتك غير صحيحة لانك جاوبت غير المطلوب والمفروض ميكونش عليها درجات
وفي الحاله دي هتكون النتيجة متوقفه علي السؤال الثاني وربنا يوفقك فيه وتحصل علي الاقل علي 8 ان لم يمكن 10 باذن الله عشان تنجح وبالتوفيق باذن الله متقلقش ربنا مش هيضيع مجهودك

د.محمد سادات
02-02-2009, 12:24 PM
بسم الله الرحمن الرحيم
لو سمحت يا دكتور عندى استفسار بخصوص بحث الدبلومة المفروض انى لما باخد حاجة بكتب المرجع طب لو المرجع ده كاتب انه واخد الحاجة دى من مرجع تانى اكتب المرجع اللى اخدت منه بس ولا كمان اللى المرجع ده واخد منه كمان يعنى مثلا انا اخدت من مرجع 1 و مرجع 1 واخد من مرجع 2 وكاتب كدة اكتب مرجع 1 بس ولا كمان مرجع 2 ؟
وشكرا

في الحاله دي من الافضل الرجوع الي المرجع الثاني اللي المرجع الاول اخذ منه لكن ان لم تتمكني من الوصول اليه تقومي بالاتي:
كتابة اسم المرحع الثاني كاملا كما ورد بالمرجع الاول ثم تكتبي مشار اليه في او مرجع مشار اليه لدي ثم تكتبي اسم المرجع الاول وذلك كله حتي تتوافر لديك الامانه العلمية

د.محمد سادات
02-02-2009, 12:24 PM
لو سمحت يا دكتور محمد
عوزه اعرف توزيع درجات المدنى للفرقة الثالثة السنة دى حيكون ازى
شكرا لتواجد حضرتك المستمر معانا
عادة ما يتم التوزيع كالاتي:
الايجار 7
والبيع 7
والتأمين 6

A7med Osama
03-02-2009, 07:18 PM
السلام عليكم

لو سمحت يا دكتور المدنى ( النظريه العامه للالتزامات ) ازاى اقدر استوعب الكتاب ده والكتابين الاثنين ويا ريت يا دكتور حضرتك تشرفنا فى مقرر من الترم الثانى
لك وافر الاحترام والتقدير

A7med Osama
03-02-2009, 07:54 PM
السلا م عليك
استاذانا العظيم انا اول مره ادخل مكتب حضرتك
بس للامانه حضرتك تستحق اكتر من هذا
وشكراااااااااا ليك على مجهودك ومساعدك للطلاب
انا بس عندى سؤال
انا طالب فى الفرقه الثانيه انتظام
وانا كنت رسبت فى اولى وبعد كده وصلت اتانيه هل فى فرصة تقدير ولا كده
خلاص ماعدش ينفع تقدير
وشكرا

د.محمد سادات
06-02-2009, 04:10 PM
السلام عليكم

لو سمحت يا دكتور المدنى ( النظريه العامه للالتزامات ) ازاى اقدر استوعب الكتاب ده والكتابين الاثنين ويا ريت يا دكتور حضرتك تشرفنا فى مقرر من الترم الثانى
لك وافر الاحترام والتقدير

اهلا بك في المكتب
الوسيلة الوحيدة لاستيعاب النظرية العامة للالتزامات هي القيام بامرين اولا الابتعاد التام عن الحفظ لانه من الصعب ان تقوم بحفظ المعلومات المتواجدة بثلاث كتب مع تواجد مواد اخري , وثانيا حفظ عناصر الموضوعات جيدا ومن الافضل ان تقوم باخراجها في ورق منفصل وكل موضوع علي حده حتي تكون علي علم بعناصر كل موضوع وبالتالي المادة كلها
وبعد كده تقوم بقراءة كل موضوع كويس جدا مره واتنين وتحاول تفهم الموضوع وعن طريق العناصر الخاصه بالموضوع واللي انت حفظتها كويس جدا مع المعلومات اللي انت فهمتها هتقدر تجمع الموضوع وهكذا في كل الموضوعات حتي تستوعب المادةكلها
بحيث لو جالك اي موضوع في الامتحان هتكون انت حافظ عناصره كويس حدا مع الفهم اللي مش هيخليك تنسي هتقدر تجاوب
وانا بأكد علي موضوع العناصر لاني بعتبرها هي مفتاح الاجابة لان لو نسيت العناصر في الامتحان يستحيل تقدر تجيب الكلام اللي تحتها.
وبالتوفيق باذن الله

د.محمد سادات
06-02-2009, 04:19 PM
السلا م عليك
استاذانا العظيم انا اول مره ادخل مكتب حضرتك
بس للامانه حضرتك تستحق اكتر من هذا
وشكراااااااااا ليك على مجهودك ومساعدك للطلاب
انا بس عندى سؤال
انا طالب فى الفرقه الثانيه انتظام
وانا كنت رسبت فى اولى وبعد كده وصلت اتانيه هل فى فرصة تقدير ولا كده
خلاص ماعدش ينفع تقدير
وشكرا

شكرا ليك يا abohmeed_2008 واهلا بك

لا مين اللي قال كده طبعا تقدر تخرج بتقدير لان التقدير تراكمي بمعني انك بتاخد تقديرك علي اساس تقدير الاربع سنين وعلي اساس مجموعك في الاربع سنين يعني مثلا انك طالما رسبت في سنة اولي وعدت السنة فتقديرك هيكون مقبول وده في سنة اولي , طيب ممكن في تانية تجيب جيد او جيد جدا وتستمر علي جيد او جيد جدا باقي السنوات فهيكون تقديرك في النهاية جيد او جيد جدا لان التقدير علي الاربع سنين مع بعض فسنة تانية وتالثه ورابعه هتشيل سنة اولي ويرفعوا تقديرك
عشان كده انا مش عاوزك تيأس وتجتهد لان ده مستقبلك لان لو قل تقديرك النهائي عن جيد وخرجت بمقبول مش هيكون ليك الحق تقدم في او هيئة قضائية ومعني كده هتضيع عليك فرص وظائف كتير وبالتوفيق باذن الله

المستشار2012
12-02-2009, 12:40 AM
ألف مبروك يادكتور محمد على مكتبك الجديد بصراحه انى اول مره اشوفه بس ألف مبروك وعلى فكره يادكتور انت تستاهل كل خير لتواضعك مع الطلبهوربنا يوفقك ويكرمك يادكتور محمد

MARCO291
14-02-2009, 12:52 AM
السلام عليكم يا دكتور محمد.
بعد تحية طيبة،،

لو سمحت يادكتور ياترى نتيجة الترم الاول هتظهر امتة واية اخبار التصحيح هل النتيجة مببشرة ولا اية. وشكرا لسيادتكم.

د.محمد سادات
14-02-2009, 02:13 AM
ألف مبروك يادكتور محمد على مكتبك الجديد بصراحه انى اول مره اشوفه بس ألف مبروك وعلى فكره يادكتور انت تستاهل كل خير لتواضعك مع الطلبهوربنا يوفقك ويكرمك يادكتور محمد


اهلا بك وشرفت المكتب , وشكرا لك فهذا واجبي

د.محمد سادات
14-02-2009, 02:15 AM
السلام عليكم يا دكتور محمد.
بعد تحية طيبة،،

لو سمحت يادكتور ياترى نتيجة الترم الاول هتظهر امتة واية اخبار التصحيح هل النتيجة مببشرة ولا اية. وشكرا لسيادتكم.

باذن الله النتيجة اواخر شهر 3
بالنسبة للتصحيح محدش يقدر يعرف حاجه عنه , وبالتوفيق باذن الله

forlan
14-02-2009, 09:19 PM
الف مبروك يا دكتور على المكتب وشكرررا على الاخبار عن النتيجه

د.محمد سادات
15-02-2009, 12:07 AM
الف مبروك يا دكتور على المكتب وشكرررا على الاخبار عن النتيجه
الله يبارك فيك وبالتوفيق باذن الله

معالى المستشار محمد
26-02-2009, 11:15 PM
ممكن اعرف لو سمحت يا دكتور محمد نتيجة رابعة هتبان امتى

د.محمد سادات
02-03-2009, 08:17 PM
ممكن اعرف لو سمحت يا دكتور محمد نتيجة رابعة هتبان امتى
مقدرش اقولك دلوقتي امتي بالتحديد لكن بصفة عامة ممكن تكون في الاسبوع الاخير من شهر 3 باذن الله

la roze
03-03-2009, 11:44 PM
استاذى الفاضل \ د-محمد سادات
بعد التحيه والتقدير اود ان اقول انه من العرفان بالجميل ذكرة فانا ادين لسيادتكم بالشكر والامتنان فانا كنت من اولى الدفعات التى شرفنا بتدريسك لينا فلقد كنت مدرسى بالسكشن وانا باولى جامعه ولقد قمت بانارتنا وهدايتنا الى الكثير والكثير فى عالم الدراسه الجامعيه الجديد علينا ودلوقت وبعد متخرجت احب ان اتقدم لسياتك بكل الشكر والتقدير لمجهوداتك مع الطلبه المحترمه جدا
شكرا جزيلا على كل ما قدمته لنا
:hi::hi::hi:

د.محمد سادات
04-03-2009, 03:08 PM
أرسل سلامي وأجمل أمنياتي بالنجاح الدائم لأفضل دكتور عرفته البشرية
دكتوري وأستاذي ..... د- محمد السادات
تلميذك..... محمد الزغبي

شكرا يا محمد واهلا بيك نورت المنتدي مع تمنياتي بالتوفيق والنجاح باذن الله

د.محمد سادات
04-03-2009, 03:15 PM
استاذى الفاضل \ د-محمد سادات
بعد التحيه والتقدير اود ان اقول انه من العرفان بالجميل ذكرة فانا ادين لسيادتكم بالشكر والامتنان فانا كنت من اولى الدفعات التى شرفنا بتدريسك لينا فلقد كنت مدرسى بالسكشن وانا باولى جامعه ولقد قمت بانارتنا وهدايتنا الى الكثير والكثير فى عالم الدراسه الجامعيه الجديد علينا ودلوقت وبعد متخرجت احب ان اتقدم لسياتك بكل الشكر والتقدير لمجهوداتك مع الطلبه المحترمه جدا
شكرا جزيلا على كل ما قدمته لنا
:hi::hi::hi:

لا شكر علي واجب فهذا عملي الذي اسعد به كثيرا لاني كل عام اقابل اخوة واخوات جدد اعتز بهم واشرف يتدريسي لهم واتمني ان تظل اواصر الاخوة والاحترام المتبادل مستمرة باذن الله, واهلا بكي في المنتدي مع تمنياتي بالتوفيق بحياتك العملية بعد التخرج

الدكتور ابراهيم عبد الله
12-03-2009, 01:04 PM
الف مبروك معالى الاستاذ الدكتور محمد السادات افتتاح مكتبك الجديد وبهذه المناسبة أتمنى ان تعطى لنا نبذة مختصره وسريعة ووصفه أكثر سهولة لكيفية ووسائل وطرق استيعاب الطلاب لمواد القانون المدنى لأنى أعلمكم من أفضل المتخصصين فى المجال ولكم طرقه أعتقد أنها تعين الطلاب على الفهم ببساطه وسهوله

د.محمد سادات
15-03-2009, 02:24 AM
شكر لك أخى الدكتور ابراهيم شرفت المكتب

القاضى المصرى
15-03-2009, 03:51 AM
اسمح لى دكتور محمد سادات انا عندى سؤال واتمنى من حضرتك الاجابه عليه

ما هو الفرق الجوهرى الوحيد بين الحكم بالسقوط والحكم بالتقادم

وفى انتظار اجابة حضرتك للاهميه

د.محمد سادات
15-03-2009, 07:15 PM
اسمح لى دكتور محمد سادات انا عندى سؤال واتمنى من حضرتك الاجابه عليه

ما هو الفرق الجوهرى الوحيد بين الحكم بالسقوط والحكم بالتقادم

وفى انتظار اجابة حضرتك للاهميه

مقدرش اقول انه فيه فرق وحيد , لكن علي العموم الفرق بينهم ان الحكم بسقوط الحق يترتب عليه انعدام وجود الحق, اما الحكم بتقادم حق لايعني انعدام وجود ذلك الحق فذلك الحق يظل موجودا فلا يسقط , ولكنه يتحول من التزام مدني الي التزام طبيعي في ذمة المدين, فالحق المتقادم ُيرفع عنه عنصر المسئولية دون المديونية , بمعني اخر انه يكون في ذمة المدين ولكن لا يجوز للدائن اجباره علي تنفيذه لتحوله الي التزام طبيعي.

فرق اخر, الحق المتقادم وان كان لا يمكن المطالبة به فانه يصلح ان يكون دفعا في دعوى اخري, اما الحق الذي سقط لا يصلح ان يكون طلبا ولا دفعا.

الحق الذي سقط بعدم الاستعمال يترتب بناء علي المواعيد المسقطة , اما الحق المتقادم فيترتب علي مواعيد تقادم مسقط
مثال علي الحق الذي يسقط بعد استعماله والذي ينشا بناء علي مواعيد مسقطة, ما نصت عليه المادة 948 من انه يسقط الحق فى الأخذ بالشفعة إذا انقضت أربعة أشهر من يوم تسجيل عقد البيع .
أما الحق الذي يسقط بالتقادم فهو ما نصت عليه المادة 374- يتقادم الالتزام بانقضاء خمس عشرة سنة فيما عدا الحالات التي ورد عنها نص خاص في القانون وفيما عدا الاستثناءات التالية.
والمادة 375- (1) يتقادم بخمس سنوات كل حق دوري متجدد واو اقر به المدين ، كأجرة المباني والأراضي الزراعية ومقابل الحكر ، وكالفوائد والإيرادات المترتبة والمهايا والأجور والمعاشات.

القاضى المصرى
15-03-2009, 10:41 PM
متشكر جدا لحضرتك دكتور محمد على اهتمامك بالاجابه جزاك الله كل خير

بس انا لى استفسار بسيط بعد اذنك
كيف يتم تحويل المال العام المملوك للدوله الى مال خاص مملوك للدوله والعكس

انا اسف انى اثقل على حضرتك لكن هذه الاسئله تم توجيها فى مقابلة محلس الدوله واتمنى من حضرتك الاجابه عليها للاهميه

د.محمد سادات
15-03-2009, 11:22 PM
متشكر جدا لحضرتك دكتور محمد على اهتمامك بالاجابه جزاك الله كل خير

بس انا لى استفسار بسيط بعد اذنك
كيف يتم تحويل المال العام المملوك للدوله الى مال خاص مملوك للدوله والعكس

انا اسف انى اثقل على حضرتك لكن هذه الاسئله تم توجيها فى مقابلة محلس الدوله واتمنى من حضرتك الاجابه عليها للاهميه

يتم ذلك في حالة زوال تخصيص المال للنفع العام و لكن يظل هذا المال يتمتع بذات الحماية المقررة للمال العام فى خصوص عدم جواز وضع اليد عليه أو تملكه بالتقادم و إزالة التعدى عليه بالطريق الادارى
مثلا كانت هناك ارض مخصصه للنفع العام ولكن تم الغاء هذا النفع هنا تتحول هذه الارض من مال عام مملوك للدولة طبعا الي مال خاص ايضا مملوك للدولة. والعكس صحيح طبعا

hossam2010
21-03-2009, 12:49 PM
السلام عليكم يادكتور محمد
لو سمحت يادكتور عايز اعرف ميعاد محدد لظهور نتيجة الفرقة الاولى انتظام والفرقة الرابعة انتظام. ولكم جزيل الشكر.

د.محمد سادات
26-03-2009, 01:30 PM
باذن الله نتيجة الفرقة الرابعة قد تظهر اليوم او يوم السبت علي الاكثر

د.محمد سادات
26-03-2009, 11:26 PM
لقد تم اعلان نتيجة الفرقة ارابعة

محمد عجيزة
27-03-2009, 04:50 AM
دكتور محمد

بداية خالص شكرى وتقديرى لك على الفرة التى قضيها معنا فى الفرقة الاولى
تدرس لنا فى السكشن

ولكن هناك استفسار منى

انا فى الفرقة الرابعة الان وبعد ظهور النتيجة وجد ان معى مادة المدنى

وهى اول مرة تحدث لى فى فترتى الدراسية بالجامعة ان اكون ناجح ومعى مادة

ولا اعرف ماذا افعل
بالرغم من ان حلى هو نفس حل طلبه كثيرون

نجحوافى هذه المادة
فلا اعرف ماذا افعل

د.محمد سادات
28-03-2009, 01:05 AM
دكتور محمد

بداية خالص شكرى وتقديرى لك على الفرة التى قضيها معنا فى الفرقة الاولى
تدرس لنا فى السكشن

ولكن هناك استفسار منى

انا فى الفرقة الرابعة الان وبعد ظهور النتيجة وجد ان معى مادة المدنى

وهى اول مرة تحدث لى فى فترتى الدراسية بالجامعة ان اكون ناجح ومعى مادة

ولا اعرف ماذا افعل
بالرغم من ان حلى هو نفس حل طلبه كثيرون

نجحوافى هذه المادة
فلا اعرف ماذا افعل

لو حاسس فعلا انك مظلوم قدم تظلم في الماده ممكن يكون فيه جزء لم يصحح او هناك خطا في الجمع, وفيه طلاب كتير بيزيدوا درجات, وبالتوفيق باذن الله

معالى المستشار محمد
28-03-2009, 03:32 PM
لو سمحت يا دكتور محمد كنت عايز اعرف من حضرتك كيفية احتساب درجات السكشن وكيف تضاف هذه الدرجات الى المجموع النهائى

mido w bas
28-03-2009, 07:08 PM
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
كنت اريد معرفة ميعاد محدد لظهور نتيجة الفرقه الاولي انتظام؟؟؟؟؟؟؟
وشكرا

معالى المستشار محمد
28-03-2009, 07:08 PM
ممكن اعرف من حضرتك يا دكتور محمد كيفية احتساب درجات السكشن وكيف تضاف هذه الدرجات الى المجموع النهائى

د.محمد سادات
28-03-2009, 09:34 PM
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
كنت اريد معرفة ميعاد محدد لظهور نتيجة الفرقه الاولي انتظام؟؟؟؟؟؟؟
وشكرا

ستظهر باذن الله غدا او بعد غد

د.محمد سادات
28-03-2009, 09:40 PM
ممكن اعرف من حضرتك يا دكتور محمد كيفية احتساب درجات السكشن وكيف تضاف هذه الدرجات الى المجموع النهائى

تضاف التمرينات العملية كمادة مستقلة مخصص لها 20 درجة الي المجموع النهائى لكل فرقة وهى ليست مادة رسوب
كيفية احتسابها بتكون مقسمة الى مادتين مثلا في سنة اولى الطالب يدرس تمرينات عملية في المدخل والاقتصاد فيكون للتمرينات العملية لمادة المدخل 10 درجات مقسمة 5 شفوي (تكون من خلال امتحان فوي قبل امتحانات نصف العام او نهاية العام) و 5 عملي (تكون خلال سكاشن تدرس للطالب طوال الفصل الدراسي) وكذلك في التمرينات العملية لمادة الاقتصاد, ويتم جمع المادتين ليكونا في النهاية الدرجة التي يحصل عليها الطالب

noga2005
28-03-2009, 09:42 PM
يا ريت يا دكتور محمد تقولنا نتيجه سنه اولى امتى
وشكرا لك

د.محمد سادات
28-03-2009, 09:45 PM
ستظهر باذن الله غدا او بعد غد

البريتور
28-03-2009, 09:53 PM
ستظهر باذن الله غدا او بعد غد

اللي هيا ايه يادكتور محمد...؟

نتيجه الفرقه كام..( الثالثه)

د.محمد سادات
28-03-2009, 09:56 PM
اللي هيا ايه يادكتور محمد...؟

نتيجه الفرقه كام..( الثالثه)
لا انا قصدى اولى انتظام , الفرقة الثالثة لسه شويه

محمد عجيزة
28-03-2009, 11:49 PM
خالص الشكر والتقدير

لك دكتور محمد

والى مزيد من التفوق والنجاح باذن الله

وان شاء الله هقدم فيها التماس

لعل وعسى

وان شاء الله خير

معالى المستشار محمد
29-03-2009, 12:13 AM
تضاف التمرينات العملية كمادة مستقلة مخصص لها 20 درجة الي المجموع النهائى لكل فرقة وهى ليست مادة رسوب
كيفية احتسابها بتكون مقسمة الى مادتين مثلا في سنة اولى الطالب يدرس تمرينات عملية في المدخل والاقتصاد فيكون للتمرينات العملية لمادة المدخل 10 درجات مقسمة 5 شفوي (تكون من خلال امتحان فوي قبل امتحانات نصف العام او نهاية العام) و 5 عملي (تكون خلال سكاشن تدرس للطالب طوال الفصل الدراسي) وكذلك في التمرينات العملية لمادة الاقتصاد, ويتم جمع المادتين ليكونا في النهاية الدرجة التي يحصل عليها الطالب
انا متشكر يا دكتور على الرد بس انا قصدى ان السكشن عليه كام فى المية يعنى لو انا جايب فى اولى فى المادة العملية 16 وفى تانية 17 وفى تالتة 15 وفى رابعة 16 يبقى كده هاخد كام فى المية

Moon_Soul
29-03-2009, 09:52 PM
انا ليا سؤال لو سمحت ....هيا ماده السكشن(في الفرقه العامة) درجاتها بتتكتب مره واحدة في أخر السنه..حتي لو كانت الماده دي كلها الترم الاول زي في الفرقه الاولي.؟؟؟ وممكن اعرف الدرجات فيها كانت كام لو كانت بتضاف بس في اخر السنة؟؟

MARCO291
30-03-2009, 12:49 AM
السلام عليكم ورحمة الله وبركاته
تحية طيبة يادكتور محمد..
بعد اذن حضرتك كان ليا استفسار عن درجات الرفع حيث انى فى الفرقة الرابعة وكنت عايز اعرف هل درجة الرفع بتضاف للتقدير التراكمى بمعنى لو انا كنت جايب فى مادة ما (7) هل هذة الدرجة بتضاف بس ولا بتضاف (10). وبعد اذنك كان ليا استفسار اخر وهو هل من حق الطالب ان يذهب لشئون الطلاب ويطلب طلب بة درجاتة من الفرقة الاولى حتى الان حتى يستطيع ان يجمع الدرجات ويعرف المجموع الكلى عسا ان يحاول ان يبذل اقصى جهد للوصول الى درجات اعلى فى هذا الترم لكى يحسن تقديرة....
مع خالص شكرى واعتزازى وتقديرى للدكتور محمد السادات.

د.محمد سادات
30-03-2009, 05:59 PM
خالص الشكر والتقدير

لك دكتور محمد

والى مزيد من التفوق والنجاح باذن الله

وان شاء الله هقدم فيها التماس

لعل وعسى

وان شاء الله خير

بالتوفيق يا محمد

د.محمد سادات
30-03-2009, 06:01 PM
انا متشكر يا دكتور على الرد بس انا قصدى ان السكشن عليه كام فى المية يعنى لو انا جايب فى اولى فى المادة العملية 16 وفى تانية 17 وفى تالتة 15 وفى رابعة 16 يبقى كده هاخد كام فى المية
هى مبتتحسبش كده هى بتكون داخله في المجموع الخاص لكل فرقة فكانها مادة زيها زي اي مادة تانية , عشان كده ملهاش نسبة خاصة بيها او تقدير لواحدها, لكن نفدر نقول انك جايب فيها جيد جدا في الارع سنين متوسط 80%

د.محمد سادات
30-03-2009, 06:03 PM
:banned:
انا ليا سؤال لو سمحت ....هيا ماده السكشن(في الفرقه العامة) درجاتها بتتكتب مره واحدة في أخر السنه..حتي لو كانت الماده دي كلها الترم الاول زي في الفرقه الاولي.؟؟؟ وممكن اعرف الدرجات فيها كانت كام لو كانت بتضاف بس في اخر السنة؟؟
ايوه فعلا درجاتها بتظهر اخر السنة بتتجمع درجات المادتين وبتظهر في النهاية من 20



وممكن اعرف الدرجات فيها كانت كام لو كانت بتضاف بس في اخر السنة؟؟


مش فاهم قصدك ايه؟؟؟

د.محمد سادات
30-03-2009, 06:08 PM
السلام عليكم ورحمة الله وبركاته
تحية طيبة يادكتور محمد..
بعد اذن حضرتك كان ليا استفسار عن درجات الرفع حيث انى فى الفرقة الرابعة وكنت عايز اعرف هل درجة الرفع بتضاف للتقدير التراكمى بمعنى لو انا كنت جايب فى مادة ما (7) هل هذة الدرجة بتضاف بس ولا بتضاف (10). وبعد اذنك كان ليا استفسار اخر وهو هل من حق الطالب ان يذهب لشئون الطلاب ويطلب طلب بة درجاتة من الفرقة الاولى حتى الان حتى يستطيع ان يجمع الدرجات ويعرف المجموع الكلى عسا ان يحاول ان يبذل اقصى جهد للوصول الى درجات اعلى فى هذا الترم لكى يحسن تقديرة....
مع خالص شكرى واعتزازى وتقديرى للدكتور محمد السادات.

وعليكم السلام ورحمة الله وبركاته
درجات الرافه لا تضاف للمجموع فلو كنت واخد 7 مرفوعه (+7) ستضاف ال 7 فقط للمجموع وليس 10
اما بخصوص شئون الطلاب صراحة انا مش عارف ايه الاجراء لكن اعتقد ان مفيش فيها حاجة روح للشباك الخاص بالفرقة الرابعة واطلب منهم
بالتوفيق باذن الله

hossam2010
30-03-2009, 08:12 PM
شكرا لرد حضرتك يا دكتور.

alkingwr
30-03-2009, 09:36 PM
تضاف التمرينات العملية كمادة مستقلة مخصص لها 20 درجة الي المجموع النهائى لكل فرقة وهى ليست مادة رسوب
كيفية احتسابها بتكون مقسمة الى مادتين مثلا في سنة اولى الطالب يدرس تمرينات عملية في المدخل والاقتصاد فيكون للتمرينات العملية لمادة المدخل 10 درجات مقسمة 5 شفوي (تكون من خلال امتحان فوي قبل امتحانات نصف العام او نهاية العام) و 5 عملي (تكون خلال سكاشن تدرس للطالب طوال الفصل الدراسي) وكذلك في التمرينات العملية لمادة الاقتصاد, ويتم جمع المادتين ليكونا في النهاية الدرجة التي يحصل عليها الطالب


لو سمحت يا دكتور كنت عايز اسال هل لها تاثير على التقدير العام التراكمى وهل تحتسب كمادة عادية اما انها تشبة المستوى الخاص تضاف منها نسبة فقط للتقدير

alkingwr
30-03-2009, 09:49 PM
انا كنت عايز اسال سؤال تانى بخصوص السكاشن هل بعد ما اخد اليسانس هلاقى فى الشهادة ان مادة التمرينات العملية عليها 80 درجة( مجموع التمرينات فى الاربع سنوات )اى انة اذا كان المجموع الكلى للمواد بدون السكاشن فى الاربع سنوات700 هيبقى المجموع الكلى من 780

د.محمد سادات
30-03-2009, 11:50 PM
لو سمحت يا دكتور كنت عايز اسال هل لها تاثير على التقدير العام التراكمى وهل تحتسب كمادة عادية اما انها تشبة المستوى الخاص تضاف منها نسبة فقط للتقدير
طبعا لها تاثير لانها بتدخل في المجموع الكلى زيها زي اي مادة بتدرسها , دي ممكن بترفع تقدير وتنزله, لانها 80 درجة من المجموع الكلى اي نسبتها اكثر من 10% من المجموع التراكمى
شفت بقى اهميتها كبيره ازاى

د.محمد سادات
30-03-2009, 11:52 PM
انا كنت عايز اسال سؤال تانى بخصوص السكاشن هل بعد ما اخد اليسانس هلاقى فى الشهادة ان مادة التمرينات العملية عليها 80 درجة( مجموع التمرينات فى الاربع سنوات )اى انة اذا كان المجموع الكلى للمواد بدون السكاشن فى الاربع سنوات700 هيبقى المجموع الكلى من 780
نعم هتلاقيها موجوده كمادة مستقلة , بس مش هتلاقيها عليها 80 , هتكون مجزاة اي كل سنة 20 درجة
يعني هيظهرلك في سنة اولى كانت درجاتك ايه وفي سنه تانية وهكذا
والمجموع الكلي من 780 بالنسبة لمن دخل الكلية من اول سنة انتظام لان انتساب لهم حساب اخر

Moon_Soul
31-03-2009, 01:31 AM
:banned:
ايوه فعلا درجاتها بتظهر اخر السنة بتتجمع درجات المادتين وبتظهر في النهاية من 20



مش فاهم قصدك ايه؟؟؟

شكرا لحضرتك علي الرد
, انا كان قصدي هل انا ممكن اعرف انا كنت جبت فيها كام يعني من غير ما استنى للترم التاني خاصه انها انتهت الترم الاول ومفيش سكاشن في الترم التاني؟؟؟ ..وهل هيا بتتكتب في النتيجه باسم ماده سكشن في اخر السنة ولا ايه؟؟

Moon_Soul
31-03-2009, 01:35 AM
:banned:
ايوه فعلا درجاتها بتظهر اخر السنة بتتجمع درجات المادتين وبتظهر في النهاية من 20



مش فاهم قصدك ايه؟؟؟
شكرا لحضرتك يادكتور علي الرد
,انا كان قصدي اني ينفع اعرف درجاتي في ماده السكشن كانت كام بدل ما استنى للترم التاني خاصه ان الماده كلها انتهت الترم الاول ومافيش اي سسكاشن في الترم التاني؟؟؟ وهل هيا بتتكتب في النتيجة باسم ماده سكشن (عملي) ولا بتضاف وخلاص على المجموع؟؟

د.محمد سادات
31-03-2009, 01:41 AM
شكرا لحضرتك يادكتور علي الرد
,انا كان قصدي اني ينفع اعرف درجاتي في ماده السكشن كانت كام بدل ما استنى للترم التاني خاصه ان الماده كلها انتهت الترم الاول ومافيش اي سسكاشن في الترم التاني؟؟؟ وهل هيا بتتكتب في النتيجة باسم ماده سكشن (عملي) ولا بتضاف وخلاص على المجموع؟؟

للاسف متقدريش تعرفي درجاتك الا في نهاية العام مع النتيجة النهائية
وبتتكتب في النتيجة مادة التمرينات العملية وبيكون عليها 20 درجة

sasa_koko556
31-03-2009, 03:16 AM
هل فعلا يا دكتور محمد لو واحد ماخدش خلال الربع سنين درجه من درجات الرفع بتضافله فى النهايه على التقدير التراكمى؟

Moon_Soul
31-03-2009, 03:50 AM
شكرا علي رد حضرتك يادكتور

منى على احمد
31-03-2009, 04:13 AM
السلام عليكم ورحمة الله وبركاته
لك خالص الشكر والتقدير يا د:محمد
بعد اذن سيادتك كان عندى استفسار
هل درجات الرفع فى مادة السكشن بتتخصم من باقى درجات الرفع بتاعة المواد التحريريه ولا لأ ؟
يعنى مثلا: لو انا جبت فى مادة السكشن7 يبقى فاضل ليا3درجات بس لباقى المواد التحريريه ولا لأ .
مع خالص الشكر

el-malek
31-03-2009, 06:49 PM
ازيك يا دكتور محمد بعد التحية :
أنا كان ليا استفسار صغير جدا وكنت كتبته في منتدي الفرقة الرابعة وانا عملتله Copy وهعرضه لحضرتك هنا وبجد عاوز الحل .....

دلوقتي طبعا سمعنا عن إن نتيجة الإمتحانات معدتش هتبان بكروت نتيجة يعني هتتبعت علي الحساب الخاص بكل طالب اللي علي موقع جامعة المنصورة دلوقتي معظم الطلبة ضاع منهم الباص بتاع الدخول لحساب بتاعه ده وأولكم أنا ، ورحت سألت علي الموضوع ده في مركز ضمان الجودة والإعتماد بكلية الحقوق وقالولي إن د / أحمد فاروق زاهر هو المسئول عن الموضوع ده وهو اللي بيرجعلك كلمة المرور اللي ضاعت منك وبتشتغل تاني ومنها تنفع تدخل لحسابك مرة أخري - بالفعل رحت للدكتور أحمد فاروق زاهر وقاللي مش أنا المسئول ده الدكتور / شريف يوسف خاطر هو المسئول عن مركز ضمان الجودة هنا في الكلية رحله مكتبه - بالفعل بعد عناء طويل بروح للدكتور شريف مش بلاقيه دايما وأخيرا لاقيته قاللي د / أحمد فاروق زاهر هو المسئول أنا بصراحة اتضايقت وقولتله هو اللي قاللي إن حضرتك المسئول مش هو ،، قاللي خلاص المشكلة دي اتقالتلي من طلبة كتير جدا وأنا هشوف الموضوع ده قولتله طاب مش حضرتك لازم يبقي معاك اسماء الطلبة دول علشان تعرف ترجعها قاللي ايوة مظبوط هشوفها خلال الأسبوع ده طاب يعني آجي تاني لحضرتك ولا إيه قاللي هنشوف وطلعت من عنده زي مدخلت زي مخرجت والموضوع بقاله دلوقت 20 يوم ومش عارف الحل إيه وأروح لمين حاولت أروحله تاني من يومين بالضبط قال إنه مش عاوز يقابل حد ................. وكمان كروت النتيجة مش موجودة بكثرة زي الأول وفي لسة ترم تاني لسة هنبقي نشوف نتيجته وطبعا أنا مش مقيم في المنصورة يعني بالنسبة للترم الأول أنا اشتريت كارت نتيجة وجيبتها والحمد لله نجحت أما بقي المشكلة في الترم التاني في إن الكروت بتنزل قبل ظهور النتيجة بحوالي أسبوع وإحنا دلوقت بالنسبة للترم الأول بننزل الجامعة أما طبعا في الصيف هنضطر ننزل مخصوص ،،، بجد حكاية حساب الطالب دي فكرة كويسة جدا وهتوفر علينا وقت كبير بس بجد مش عارف الحل وعاوز مساعدة أعمل إيه ؟؟؟؟؟؟؟؟؟؟؟؟؟؟؟؟؟؟؟

العمدة محمد موسي
31-03-2009, 07:49 PM
مبروك يا دكتور وشرف ليا ان حضرتك ترد عليا

د.محمد سادات
31-03-2009, 09:11 PM
هل فعلا يا دكتور محمد لو واحد ماخدش خلال الربع سنين درجه من درجات الرفع بتضافله فى النهايه على التقدير التراكمى؟
لا تضاف اي درجات للطالب طالما لايحتاجها لنجاحه في اي مادة
لكن هناك رافة للتقدير بمعنى ان الطالب له الحق في الحصول علي 8 درجات تضاف على مجموعه اذا كانت ستغير تقديره من مقبول الي جيد , او من جيد لجيد جدا , او من جيد جدا لامتياز.

د.محمد سادات
31-03-2009, 09:14 PM
السلام عليكم ورحمة الله وبركاته
لك خالص الشكر والتقدير يا د:محمد
بعد اذن سيادتك كان عندى استفسار
هل درجات الرفع فى مادة السكشن بتتخصم من باقى درجات الرفع بتاعة المواد التحريريه ولا لأ ؟
يعنى مثلا: لو انا جبت فى مادة السكشن7 يبقى فاضل ليا3درجات بس لباقى المواد التحريريه ولا لأ .
مع خالص الشكر

مادة التمرينات العملية (السكاشن) ليست مادة نجاح ورسوب ولهذا فلا يضاف عليها اي درجات رافة فدرجات الرافة مخصصة فقط للمواد التحريرية ولا تضاف اي درجة رافة علي السكاشن لان مفيش فيها رسوب

د.محمد سادات
31-03-2009, 09:21 PM
ازيك يا دكتور محمد بعد التحية :

أنا كان ليا استفسار صغير جدا وكنت كتبته في منتدي الفرقة الرابعة وانا عملتله copy وهعرضه لحضرتك هنا وبجد عاوز الحل .....


دلوقتي طبعا سمعنا عن إن نتيجة الإمتحانات معدتش هتبان بكروت نتيجة يعني هتتبعت علي الحساب الخاص بكل طالب اللي علي موقع جامعة المنصورة دلوقتي معظم الطلبة ضاع منهم الباص بتاع الدخول لحساب بتاعه ده وأولكم أنا ، ورحت سألت علي الموضوع ده في مركز ضمان الجودة والإعتماد بكلية الحقوق وقالولي إن د / أحمد فاروق زاهر هو المسئول عن الموضوع ده وهو اللي بيرجعلك كلمة المرور اللي ضاعت منك وبتشتغل تاني ومنها تنفع تدخل لحسابك مرة أخري - بالفعل رحت للدكتور أحمد فاروق زاهر وقاللي مش أنا المسئول ده الدكتور / شريف يوسف خاطر هو المسئول عن مركز ضمان الجودة هنا في الكلية رحله مكتبه - بالفعل بعد عناء طويل بروح للدكتور شريف مش بلاقيه دايما وأخيرا لاقيته قاللي د / أحمد فاروق زاهر هو المسئول أنا بصراحة اتضايقت وقولتله هو اللي قاللي إن حضرتك المسئول مش هو ،، قاللي خلاص المشكلة دي اتقالتلي من طلبة كتير جدا وأنا هشوف الموضوع ده قولتله طاب مش حضرتك لازم يبقي معاك اسماء الطلبة دول علشان تعرف ترجعها قاللي ايوة مظبوط هشوفها خلال الأسبوع ده طاب يعني آجي تاني لحضرتك ولا إيه قاللي هنشوف وطلعت من عنده زي مدخلت زي مخرجت والموضوع بقاله دلوقت 20 يوم ومش عارف الحل إيه وأروح لمين حاولت أروحله تاني من يومين بالضبط قال إنه مش عاوز يقابل حد ................. وكمان كروت النتيجة مش موجودة بكثرة زي الأول وفي لسة ترم تاني لسة هنبقي نشوف نتيجته وطبعا أنا مش مقيم في المنصورة يعني بالنسبة للترم الأول أنا اشتريت كارت نتيجة وجيبتها والحمد لله نجحت أما بقي المشكلة في الترم التاني في إن الكروت بتنزل قبل ظهور النتيجة بحوالي أسبوع وإحنا دلوقت بالنسبة للترم الأول بننزل الجامعة أما طبعا في الصيف هنضطر ننزل مخصوص ،،، بجد حكاية حساب الطالب دي فكرة كويسة جدا وهتوفر علينا وقت كبير بس بجد مش عارف الحل وعاوز مساعدة أعمل إيه ؟؟؟؟؟؟؟؟؟؟؟؟؟؟؟؟؟؟؟


متقلقش طالما د.احمد قالك هيحلها يبقى هتتحل باذن الله بس انك ابقى تابعه, واللي يطمنك ان فيه طلاب كتير جدا زيك ضاعت منهم كلمة المرور , فطالما ان المشكلة جماعية يبقى لازم هيكون ليها حل باذن الله , ومن دلوقتي حاول تدور علي اي كارت نتيجة واشتريه عشان تريح بالك وتكون مطمئن
وبالتوفيق باذن الله

alkingwr
31-03-2009, 09:25 PM
لو سمحت يا دكتور محمد
ازاى احصل على8 درجات الرفع بتاعت التقدير دى هل الكلية بتضيفها من نفسها ولا انا لما لاقى ان ال8 درجات دول هيغيروا تقديرى من المقبول الى الجيد بتطلب من الكلية انها تضيفهم للتقدير العام

د.محمد سادات
31-03-2009, 09:34 PM
لو سمحت يا دكتور محمد
ازاى احصل على8 درجات الرفع بتاعت التقدير دى هل الكلية بتضيفها من نفسها ولا انا لما لاقى ان ال8 درجات دول هيغيروا تقديرى من المقبول الى الجيد بتطلب من الكلية انها تضيفهم للتقدير العام
متقلقش خالص احنا في الكنترول بنضيفها تلقائيا طالما تقديرك هيتغير ومن غير ما انت تطلب , هتلاقي مجموعك زي ما هو لكن تقديرك متغير وبيظهر كالتالي جيد +
ملحوظة : رافة التقدير لا تضاف للمجموع وانما تغير التقدير فقط

alkingwr
31-03-2009, 09:40 PM
بس طبعا ما ينفعش اقدم بالتقدير دة اى هيئة قضائية

د.محمد سادات
31-03-2009, 09:58 PM
بس طبعا ما ينفعش اقدم بالتقدير دة اى هيئة قضائية

لا طبعا ينفع, انك تقديرك النهائي مش هيكون جيد وهيطلع في الشهادة المؤقته جيد,يبقى تقدر تقدم بيه في الهيئات القضائية طيب احنا بنغير التقدير ليه؟ عشان يفضل مقبول زي ما هو!!!

basma 8
31-03-2009, 11:05 PM
السلام عليكم ورحمة الله وبركاته لو سمحت يادكتور ممكن توضح لى كيفية احتساب درجات السكاشن عندما تضاف للتقدير التراكمى انا عارفة ان حضرتك تحدثت فى الموضوع ده سابقا لكن انا مش فهمة
يعنى انا مثلا كنت فى الفرقة الاولى درجات التمرينات العملية 17 والفرقة التانية 14 والثالثة 12 ولسة الفرقة الرابعة فرضا انى حصلت على 10 كيف يتم الاحتساب
شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية .

معالى المستشار محمد
01-04-2009, 12:02 AM
لو سمحت يا دكتور محمد
ازاى احصل على8 درجات الرفع بتاعت التقدير دى هل الكلية بتضيفها من نفسها ولا انا لما لاقى ان ال8 درجات دول هيغيروا تقديرى من المقبول الى الجيد بتطلب من الكلية انها تضيفهم للتقدير العام
ممكن اعرف ايه ال8 درجات بتوع رفع التقدير دول

alkingwr
01-04-2009, 02:34 AM
شكراااا يا دكتور محمد على الرد والتوضيح

د.محمد سادات
01-04-2009, 11:25 PM
ممكن اعرف ايه ال8 درجات بتوع رفع التقدير دول
ال 8 درجات بنسميهم رافة تقدير وهي تساوي 1% من المجموع الكلى , وهدفها رفع تقدير الطالب التراكمى , من مقبول لجيد , ومن جيد لجيد جدا , ومن جيد جدا لامتياز
اقولك بنطبقها ازاي عشان تفهمهما عمليا
عندنا طالب مجموعه التراكمي 500 فهذا الطالب مجموعه اقل من 65% وبالتالى تقديره مقبول , لكن هذا الطالب لو اخد 7 درجات على مجموعه اصبح مجموعه 507 وهيبقي 65% وتقديره جيد , فهنا طبقا للوائح الكلية الطالب من حقه انه ياخد درجات بحد اقصي 8 درجات بجيث اذا اضيفت على مجموعه تغير تقديره الي التقدير الاعلى(من مقبول لجيد , ومن جيد لجيد جدا , ومن جيد جدا لامتياز)

طيب لو الطالب ده كان مجموعه التراكمى 498 , هيبقي ناقصله علي الجيد 9 درجات لان الجيد من 507 , ففى هذه الحالة الطالب لا ياخذ درجات الرافة لانه يحتاح اكثر من 8 درجات
اتمنى تكون وصلت ولو مش فاهم قولى واوضحلك تانى

د.محمد سادات
01-04-2009, 11:33 PM
السلام عليكم ورحمة الله وبركاته لو سمحت يادكتور ممكن توضح لى كيفية احتساب درجات السكاشن عندما تضاف للتقدير التراكمى انا عارفة ان حضرتك تحدثت فى الموضوع ده سابقا لكن انا مش فهمة
يعنى انا مثلا كنت فى الفرقة الاولى درجات التمرينات العملية 17 والفرقة التانية 14 والثالثة 12 ولسة الفرقة الرابعة فرضا انى حصلت على 10 كيف يتم الاحتساب
شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية .
درجات السكاشن ليس لها نظام حساب مختلف ولا تحسب بمفردها في التقدير التراكمى , وانما تحسب في مجموع كل فرقه مع المواد الاخرى , فهي بتدخل في المجموع الخاص بكل فرقه , لكن الموضع السابق كنت بوضح فيه اهمية السكاشن وان عليها 80 درجة في الاربع سنوات ,وال 80 درجة تمثل اكثر من 10 من المجموع التراكمى للطالب عشان كده الطالب المفروض لا يستهين بهم

معالى المستشار محمد
02-04-2009, 01:17 AM
شكرا يا دكتور محمد على التوضيح
بس انا عندى استفسار بسيط بعد اذن حضرتك هو الجيد من 500 فعلا ولا حضرتك بتضرب مثال توضيحى اصل انا بجمع درجاتى من اولى بتطلع حوالى 430 درجة علما بان تقديرى كان فى اولى 64 وفى تانية 71 وفى تالتة 73 وفى الترم الول من رابعة 73 يبقى كده تقديرى التراكمى هيبقى كام

د.محمد سادات
02-04-2009, 11:12 AM
شكرا يا دكتور محمد على التوضيح
بس انا عندى استفسار بسيط بعد اذن حضرتك هو الجيد من 500 فعلا ولا حضرتك بتضرب مثال توضيحى اصل انا بجمع درجاتى من اولى بتطلع حوالى 430 درجة علما بان تقديرى كان فى اولى 64 وفى تانية 71 وفى تالتة 73 وفى الترم الول من رابعة 73 يبقى كده تقديرى التراكمى هيبقى كام
الجيد 65% من المجموع الكلي 780 = 507
لكن لو جبت 499 فما فوق حتى 506 بتضاف لك رافة تقدير في حدود ال 8 درجات عشان تبقى جيد

الجيد جدا 80% من المجموع الكلى 780= 624
لكن لو جبت 616 فما فوق حتى 623 بتضاف لك رافة تقدير في حدود ال 8 درجات عشان تبقى جيد
جدا


الامتياز 90% من المجموع الكلى 780 = 702
لكن لو جبت 694 فما فوق حتى 701 بتضاف لك رافة تقدير في حدود ال 8 درجات عشان تبقى ممتاز

والنسب الخاصة بيك ( 64% و 71% و 73% و 73 في الترم الاول) تعطيك تقدير جيد

معالى المستشار محمد
02-04-2009, 01:48 PM
متشكر جدا يا دكتور محمد على التوضيح

محمد عجيزة
03-04-2009, 12:10 AM
لو سمحت يا دكتور محمد

انا معايا مدنى فى الترم الاول وبعيدا عن انى اول مرة اشيل مادة

او غير ذلك فى حالة ما اذا لم يقبل التظلم

ما هو الاكثر فائدة لى

هل انى ادخل فى المادة دور تانى او انى استنى وامتحنها فى دور يناير



ولى استفسار بسيط

انا فى امتحان المدنى بعد ما خلصت قسم دكتور محسن عبد الحميد

تركت صفحة كاملة عبارة فارغة وجها وظهرا

هل من الممكن ان الجزء الخاص بالدكتور علا ما يكونش اتعلم

او اتعلم وفى اسثناء رصد الدرجات لم يتم رصد درجات هذا الجزء


اسف على الاطاله

د.محمد سادات
03-04-2009, 12:21 AM
لو سمحت يا دكتور محمد

انا معايا مدنى فى الترم الاول وبعيدا عن انى اول مرة اشيل مادة

او غير ذلك فى حالة ما اذا لم يقبل التظلم

ما هو الاكثر فائدة لى

هل انى ادخل فى المادة دور تانى او انى استنى وامتحنها فى دور يناير



ولى استفسار بسيط

انا فى امتحان المدنى بعد ما خلصت قسم دكتور محسن عبد الحميد

تركت صفحة كاملة عبارة فارغة وجها وظهرا

هل من الممكن ان الجزء الخاص بالدكتور علا ما يكونش اتعلم

او اتعلم وفى اسثناء رصد الدرجات لم يتم رصد درجات هذا الجزء


اسف على الاطاله
قولى الاول انت الفرقة الرابعة؟؟؟؟؟

noga2005
03-04-2009, 12:52 PM
لو سمحت يا دكتور هو فعلامواعيد الامتحانات هتتقدم السنه دى ولا ده كلام ليس له اساس من الصحه

د.محمد سادات
03-04-2009, 07:23 PM
لو سمحت يا دكتور هو فعلامواعيد الامتحانات هتتقدم السنه دى ولا ده كلام ليس له اساس من الصحه
هو الكلام ده ظهر بسبب انشاء المبنى الجديد والذي استلزم التخلى عن نصف المظلة تقريبا , عشان كده الطلاب قالوا احنا هنمتحن فين؟ يبقى هنتقسم لانه لم تعد هناك اماكن وكده هتتقدم الامتحانات
لكن الكلام ده سابق لاوانه , ولو حدث اي تقديم للامتحانات مش هيزيد عن 4 او 5 ايام , لكن الكلام ده مقدرش اؤكده حاليا

معالى المستشار محمد
03-04-2009, 07:49 PM
لو سمحت يا دكتور محمد احنا سمعنا ان الامتحانات هتبقى يوم 30 - 5 والتخلفات يوم 16- 5 الكلام ده صحيح ولا لآ

محمد عجيزة
04-04-2009, 12:55 AM
ان شاء الله

سيادتك انا الفرقة الرابعة

ودى اول مرة اشيل فيها مادة فى الكليه


وحضرتك انا سبت بين الجزء الخاص بالدكتور محسن

والجزء الخاص بالدكتور علا صفحة وش وظهر من غير كتابه خالص

ممكن ما تكونش اتعلمت او اتنست اثناء رصد الدرجات

بس والله يا دكتور انا حلى هوة نفسة حل ناس اصحابى جايبنين12و13وكانوا بيذاكرو معايا

وهل لو دخلت دور تانى او فى شهر يناير ينفع أأقدم اى هيئات قضائية

شكرا دكتور محمد لسعة صدرك

واسف على الاطالة مرة اخرى

د.محمد سادات
04-04-2009, 12:52 PM
ان شاء الله

سيادتك انا الفرقة الرابعة

ودى اول مرة اشيل فيها مادة فى الكليه


وحضرتك انا سبت بين الجزء الخاص بالدكتور محسن

والجزء الخاص بالدكتور علا صفحة وش وظهر من غير كتابه خالص

ممكن ما تكونش اتعلمت او اتنست اثناء رصد الدرجات

بس والله يا دكتور انا حلى هوة نفسة حل ناس اصحابى جايبنين12و13وكانوا بيذاكرو معايا

وهل لو دخلت دور تانى او فى شهر يناير ينفع أأقدم اى هيئات قضائية

شكرا دكتور محمد لسعة صدرك

واسف على الاطالة مرة اخرى



بالنسبة لاحتمال وجود خطا فهو ورارد وباذن الله هيظهر في التظلم لانه احتمال الدكتور يعتقد (بسبب وجود الصفحة الفارغة) انك خلصت اجابتك ومحلتش القسم الثانى, والافتراض ده لو كان فعلا حصل هتتحل مع التظلم متقلقش
بالنسبة لتقديم النيابة العامة بعض الطلاب بتقول انا مش هدخل المادة في دور اكتوبر ومش هدخل الامتحان وهدخل في دور يناير عشان ابقى الشهادة المؤقته يتكتب فيها دور مايو
لكن السؤال هل دور اكتوبر يؤثر عند الاختيار , صراحة مقدرش اقولك لان من الصعوبة معرفة ذلك
لكن علي العموم دور اكتوبر او بقائك للسنة القادمة لا يؤثر في تقديمك للهيئات القضائية ممكن تقدم عادى
وقرار دخولك لمادة في دور اكتوبر راجع ليك لانك لو مدخلتش كده انك هتضحى بسنة فالقرار ليك وانت اعلم بظروفك

د.محمد سادات
05-04-2009, 01:20 PM
لو سمحت يا دكتور محمد احنا سمعنا ان الامتحانات هتبقى يوم 30 - 5 والتخلفات يوم 16- 5 الكلام ده صحيح ولا لآ
باذن الله هتكون الامتحانات 30 - 5

محمد عجيزة
05-04-2009, 09:04 PM
شكرا دكتور محمد على المتابعه الدائمة من سيادتك

ولكن لو انى دخلت فيها دور ثانى هل يمكننى

القيام بعمل دبلومة فى نفس العام


والتقدم لاى من الهيئات القضائية ايضا مع نفس زملائى

د.محمد سادات
05-04-2009, 09:27 PM
شكرا دكتور محمد على المتابعه الدائمة من سيادتك

ولكن لو انى دخلت فيها دور ثانى هل يمكننى

القيام بعمل دبلومة فى نفس العام


والتقدم لاى من الهيئات القضائية ايضا مع نفس زملائى
امتحانات دور اكتور عادة ما تكون في نهاية سبتمبر او بداية اكتوبر , والنتيجة عادة ما بتظهر بعد شهر من انتهاء الامتحانات يعني تقريبا بتظهر في منتصف نوفمبر , وميعاد انتهاء التقدم للدبلومات هو 31 ديسمبر , فباذن الله هتلحق تستخرج الشهادات المؤقتة بعد نجاحك وباذن الله تقدم في الدبلومات
اما تقديم الهيئات القضائية فمجلس الدولة والنيابة الادارية وقضايا الدولة عادة ما بينزل اعلانهم متاخر شوية وهتكون انت لحقت
لكن النيابة العامة هي اللي ممكن اعلانها ينزل بدري وممكن متلحقش تقدم , فارجع لمنتدي الخريجين وشوف عادة الاعلان بينزل كل سنة امتى. وساعتها تقدر تقرر
وفيه استفسار كمان لكن بخصوص الجيش انت في النص الاول ولا الثانى؟؟؟؟

محمد عجيزة
06-04-2009, 01:05 AM
شكرا لحضرتك دكتور محمد

بس انا مواليد شهر سبتمبر

يعنى نص تانى تقريبا

بس اية الفرق

د.محمد سادات
06-04-2009, 10:41 AM
شكرا لحضرتك دكتور محمد

بس انا مواليد شهر سبتمبر

يعنى نص تانى تقريبا

بس اية الفرق

انا بسأل لانى علي ما اتذكر اللي كان دور اكتوبر وكان النص الول طبعا مبيلحقش دفعته وبيدخل دفعة بتكون في شهر 4 تقريبا وعلي ما اتذكر كانوا بيخدوهم ومبيكونش فيها تاجيلات
لكن طالما انت النص الثانى اعتقد مفيش مشكلة
بس اسال واتاكد برضه علي كل الحاجات دى

محمد عجيزة
07-04-2009, 01:20 AM
شكرا دكتور محمد

على تواصلك الدائم معنا

وسعة صدرك لما نطرحة على سيادتك من اسئلة


بس انا كنت طلعت لدكتور نصر وسالته فى موضوع الورقة

اللى انا سبتها من غير اجابة وبعدين بدات اجابة على قسم دكتور علا

وقالى ان الورق الفاضى فى باقى الكراسة بيتم التعليم علية بالقلم الاحمر

وقالى ان الخطأ البشرى وارد
ولو ليا حاجة هاخدها بالتظلم

sasa_koko556
07-04-2009, 02:09 AM
ازيك يا دكتور محمد بعد ازنك انا عاوز اعرف هل فى تقديم الهيئات القضائيه بيبقلى فى فرق بين خريج الشعبه او العربى مع العلم ان التقدير فى الشعبه بيبقى حلو علشان اسهل من العربى

basma 8
07-04-2009, 11:54 AM
لو سمحت يادكتور محمد انا كنت عاوزة اعرف يعنى ايه مجلس الدولة يعنى طبيعة الوظيفة فيها ايه وهل يشترط تقدير معين للتقديم فيها ولا لا ارجو الافادة شـكــ وبارك الله فيك ـــرا لك ... لك مني أجمل تحية .

د.محمد سادات
07-04-2009, 02:16 PM
شكرا دكتور محمد

على تواصلك الدائم معنا

وسعة صدرك لما نطرحة على سيادتك من اسئلة


بس انا كنت طلعت لدكتور نصر وسالته فى موضوع الورقة

اللى انا سبتها من غير اجابة وبعدين بدات اجابة على قسم دكتور علا

وقالى ان الورق الفاضى فى باقى الكراسة بيتم التعليم علية بالقلم الاحمر

وقالى ان الخطأ البشرى وارد
ولو ليا حاجة هاخدها بالتظلم
عشان كده انا بقولك متقلقش باذن الله لو ليك حق هتاخده

د.محمد سادات
07-04-2009, 02:18 PM
ازيك يا دكتور محمد بعد ازنك انا عاوز اعرف هل فى تقديم الهيئات القضائيه بيبقلى فى فرق بين خريج الشعبه او العربى مع العلم ان التقدير فى الشعبه بيبقى حلو علشان اسهل من العربى
لا يوجد فرق لان الكل بيقدم وبيترتبوا حسب مجموعهم , فعلا في دفعات بتكون الشعبة تقديراتها اعلى لكن للاسف مفيش تفرقة بين العربى والشعبة

د.محمد سادات
07-04-2009, 06:31 PM
لو سمحت يادكتور محمد انا كنت عاوزة اعرف يعنى ايه مجلس الدولة يعنى طبيعة الوظيفة فيها ايه وهل يشترط تقدير معين للتقديم فيها ولا لا ارجو الافادة شـكــ وبارك الله فيك ـــرا لك ... لك مني أجمل تحية .
انا مش فاهم سؤالك انتى بتسألى عن عمل مجلس الدولة (اختصاصاته) وكيفية التقدم اليه؟؟؟

basma 8
07-04-2009, 07:58 PM
انا اقصد لو انا حبيت اتوظف فيه طبيعة العمل فيه مثل المحاماه ولا ايه وهل يلزم ان انا اجيب تقدير ولا لا

sasa_koko556
07-04-2009, 08:29 PM
شكرا على الرد يا دكتور محمد وخضرتك فعلا انسان تستاهل كل خير وللاسف ده حال البلد عندنا مادام بتدفع يبقى لازم تكون سهله ولازم تتعين منها وللاسف نسوا ان اللغه العربيه هى اللى هيشتغل بيها ولازم يعرف القانون بيها علشان احنا فى مصر مش انجلترا

د.محمد سادات
07-04-2009, 10:26 PM
انا اقصد لو انا حبيت اتوظف فيه طبيعة العمل فيه مثل المحاماه ولا ايه وهل يلزم ان انا اجيب تقدير ولا لا
مجلس الدولة هو هيئة قضائية مستقلة مثلها مثل القضاء العادي , بتعلن زي النيابة العامة ويبتقدم فيها خريجى حقوق وشريعة وقانون ويتم اختيارهم والتعيين بها فهي مثل النيابة العامة

فمجلس الدولة بإعتباره هيئة قضائية مستقلة تختص بالمنازعات الإدارية التي تكون الدولة طرفا فيها كسلطة عامة أي أنها جهة قضائية تنظر في القضايا التي ترفع ضد الحكومة من قبل أشخاص أو كيانات مستقلة

ينقسم مجلس الدولة لثلاث هيئات :
الأولى هي الهيئة القضائية وتقسم للمحكمة الإدارية العليا وهى أعلي الهيئات وتعتير بمثابة محكمة النقض في المحاكم الأخري ، ثم محاكم القضاء الإداري ينبثق منها محاكم إدارية أصغر

الهيئة الثانية هى هيئة الفتوى وهى مجموعة من الإدارات كل واحدة منها تختص بمجموعة وزارات وتبدي الرأي للجهات الإدارية المختصة بفض النزاع ليتمكنوا من إيجاد حلول قانونية ، وتكون هناك لجان فتوى أعلي للتعديل والفصل في مبادئ الفتوى بين الإدارات .

والهيئة الثالثة هيئة التشريع وتعمل على مراجعة مشروعات الحكومة ، وقراراتها تنظيمية يلتزم بها رئيس الجمهورية والوزراء.


لكن مجلس الدولة لا يعين فيه البنات اذ يقتصر على الذكور , لكن لو انتي سلكتي مهنة المحاماة تقدري تمارسي المهنة امام محاكم مجلس الدولة.
وبالتوفيق باذن الله