المساعد الشخصي الرقمي

مشاهدة النسخة كاملة : (الدراسات العليا) إستفسارات للرد عليها من قبل المشرف والأعضاء



الصفحات : 1 2 [3]

rana mohamad
06-09-2011, 09:01 PM
لو سمحتو ياجماعة عايزة اعرف التقديم للدراسات العليا هيبدا امتى؟

mohamedosama
07-09-2011, 03:24 AM
لو سمحتو ياجماعة عايزة اعرف التقديم للدراسات العليا هيبدا امتى؟
التقديم يبدأ 15/10 تقريبا.
انتى هتعمليها فين القاهرة ولا المنصورة

rana mohamad
07-09-2011, 10:57 PM
المنصورة انا عاملة دبلومة جنائى السنة اللى فاتت وهعمل دبلوم قانون عام السنة دى ان شاء الله يعنى اكيد التقديم 15/10 ان شاء الله ولا قبل كده؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

mohamedosama
07-09-2011, 11:04 PM
يعنى يا رنا فى الحدود دى يعنى 15/10 تقريبا

a7med 7elmy
08-09-2011, 12:56 AM
لو سمحتو ياجماعة عايزة اعرف التقديم للدراسات العليا هيبدا امتى؟

انا سالت فى الكلية قالوا التقديم هيبدا من الاسبوع الجاى وهبفضل شغال ليوم 31/12/2011

Hala7
09-09-2011, 06:16 PM
انا عايزه اقدم للدبلومة السنة دى بس طالبين مننا فى الأوراق اللى حنقدمها موافقة جهة العمل او شهادة تفرغ
حد يعرف شهادة التفرغ دى بتتجاب منين
بلييييييز حد يجاوبنى

rana mohamad
09-09-2011, 08:07 PM
لو سمحتو عايزة اعرف الاوراق المطلوبة للتقديم لدبلومة القانون العام مع العلم ان دى تانى دبلومة ليا انا عاملة جنائى السنة اللى فاتت ؟

a7med 7elmy
10-09-2011, 01:11 AM
لو سمحتو عايزة اعرف الاوراق المطلوبة للتقديم لدبلومة القانون العام مع العلم ان دى تانى دبلومة ليا انا عاملة جنائى السنة اللى فاتت ؟

- شهادة الليسانس
- شهادة الميلاد
- 6 صور شخصية
بالنسبه للرسوم
- رسم إتحاد 1.50
- رسم مكتبة 75 جنيه
- رسم خدمة طبية 5 جنيه
- رسم تامين ضد الحوادث 3 جنيه
- رسم مجلة الكلية 25 جنيه
- صندوق الدراسات العليا 100 جنيه
- رسم تحسين خدمة 192.75
- رسم كارنيه 5 جنيه
- رسم امتحان 4جنية
- رسم صندوق مساعدة الطلاب 50.
http://www.mans.edu.eg/faclaw/oldSite/postgraduated.html

الطفلة
11-09-2011, 11:41 PM
لو سمحت هي المصاريف دي خاصة بسنة 2011 ارجو الرد سريعا وبالنسبة لموعد التقديم امتا

عبدالله سلام
12-09-2011, 12:07 PM
يا جماعه رجاء عوزين نعرف الدبلومات فتحت ولا لا ؟ وان كانت فتحت هتستمر لامته ؟وما هى المصروفات؟ وشكررررررررررررا

الحسين دويدار
13-09-2011, 12:22 AM
ماهى رسوم دلوم الدراسات العليا هذا العام

mohamedosama
13-09-2011, 06:53 AM
مصروفات الدراسات العليا حوالى 500 او 550 جنية للدبلومة الواحدة

rana mohamad
13-09-2011, 10:45 PM
يا جماعه رجاء عوزين نعرف تقديم الدبلومات بدأ ولا لا

عبدالله سلام
15-09-2011, 06:49 PM
يا جماعه رجاء عوزين نعرف تقديم الدبلومات بدأ ولا لا
والله انا كنت هناك يوم الثلاثاء الماضى وقالولى اول شهر عشره والاوراق المطلوبه
شهاده ميلاد
2صوره شخصيه
شهاده التخرج
واصل شهاده الموقف من التجنيد(وانا قلت للموظف طبعا مينفعش تاخد الاصل قال خلاص هات الصوره)
وقال الرسوم617جنيه
ويريت حد يتابع من المنصوره علشان انا من طنطا

احمد عيسي
20-09-2011, 04:57 PM
ممكن طلب
باب القيد بالدبلومات اتفتح ولا لسه
لو اتفتح هيتفتح لحد امته
شكرا

a7med 7elmy
20-09-2011, 07:04 PM
ممكن طلب
باب القيد بالدبلومات اتفتح ولا لسه
لو اتفتح هيتفتح لحد امته
شكرا
غالبا التقديم هيبدا فى اول اكتوبر وبيستمر ل 31 ديسبمر

وليد النجاشى
23-09-2011, 11:31 PM
يا ريت يا جماعة حد يفيدني انا بعمل في الإمارات وعاوز بجد اعمل دبلومة تمهيدا للماجستير بس المشكلة في الحضور والمحاضرات ونظام الدبلومة نفسة
والسؤال هل ممكن اعمل الدبلومة والنزول يكون على الامتحان بس ولا ايه النظام ؟ ارجو الرد

قدالحروف
24-09-2011, 07:33 PM
الرجاء الرد علي سؤالي انا عاوز اعمل الدبلومة بس ظروف شغلي تمنعني من حضور المحاضرات فهل يشترط الحضور لكي يتم النجاح في الدراسات العليا ولكم الشكر؟ رجاء الرد السريع وشرا

rana mohamad
24-09-2011, 10:13 PM
انا كنت دبلومة قانون جنائى السنة اللى فاتت ومحضرتش ولا محاضرة خالص حتى مادة قاعة البحث وكنت بذاكر من الكتب بس وجبت جيد وفى البحث17من 20 انا مش بنصح حضرتك انت سالتك وانا بقول اللى حصل معايا وعلى فكرة معظم اصحابى كانو كده المهم فى الاخر تعرف تجيب المهم والملغى وربنا معاك ان شاء الله

rana mohamad
24-09-2011, 10:14 PM
ياريت لو حد قدم دبلومة السنة يعرفنا عمل ايه والاوراق المطلوبة والمصاريف كام واخر ميعاد للتقديم امتى

rana mohamad
27-09-2011, 08:38 PM
انا النهاردة كلمت الشئون وقالولى ان التقديم للدبلومات هيبدأ 16/10 والمصاؤيف 617جنيه........

A7med Osama
29-09-2011, 07:29 AM
ان شاء الله يا شباب انا من المنصوره وهنزل اسال على كل حاجه
فى الكليه وان شاء الله هجاوب على كل الاستفسارات دى

7amed
05-10-2011, 01:55 AM
طب هو لازم الموقف من التجنيد ولا ايه مينفعش الواحد يخدها حتى لو دخل الجيش

mohamedosama
05-10-2011, 05:07 AM
لازم الموقف من التجنيد
او لو سيادتك مجند تأخد موافقة من التجنيد انك تعمل دبلومة.

mohamed4888
06-10-2011, 01:04 AM
طب هو لازم الموقف من التجنيد ولا ايه مينفعش الواحد يخدها حتى لو دخل الجيش
بص يا أستاذ حامد هو حضرتك مجند ولا لسه بتعمل أوراقك لآن فيه فرق بين الاثنين

mohamed4888
06-10-2011, 01:06 AM
وعلى العموم هو فى جميع الاحوال هينفع ان شاء الله
بس أنا عاوز اعرف انت مجند ولا لسه علشان أقولك هتعمل ايه

owen egypt
06-10-2011, 05:12 PM
السلام عليكم ازيك يا اخت رنا انا حضرتك قدمت فى دبلومة قانون عام فى جامعة المنصورة مع حضرتك ارجو المتبعة معى على بريدى الالكترونى _ (_owen_01222001@yahoo.com) منتظر ردك للاستفادة من خبرة حضرتك

TRIPLEH
06-10-2011, 05:41 PM
السلام عليكم
التقديم للدبلومه فتح وان شاء الله انا هنزل يوم الاحد القادم علشان اقدم فيها

عادل حسن
07-10-2011, 11:18 AM
السلام عليكم ياريت يا اخوه حد يتاكد من المنشور فى جريدة الاهرام اليوم الجمعه عن قرار المجلس الاعلى للجامعات بشرط الحصول على تقدير جيد على الاقل للقبول بالدراسات العليا

rana mohamad
07-10-2011, 09:38 PM
حضرتك متاكد ان التقديم للدبلومة بدا انا سالت الاسبوع اللى فات قالو هيبدأ17/10؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

mohamedosama
08-10-2011, 06:27 PM
لو حد قدم بمقبول يفى الدراسات العليا ياريت يقولنا

ahmed abdel aziz
09-10-2011, 02:10 AM
f
السلام عليكم ياريت يا اخوه حد يتاكد من المنشور فى جريدة الاهرام اليوم الجمعه عن قرار المجلس الاعلى للجامعات بشرط الحصول على تقدير جيد على الاقل للقبول بالدراسات العليا



ياريت السادة المشرفين يأكدوا هذة المعلومة أو يقوموا بنفيها للأهمية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

mohamedosama
09-10-2011, 04:36 AM
يا جماعة فى قرار طلع من المجلس الاعلى للجامعات باشتراط قبول الطلاب الحاصلين على الدرجة الجامعية الاولى بالدراسات العليا على تقدير جيد على الاقل ويتساوى فى ذلك الطلاب المصريون والوافدون على ان يتم تعديل اللوائح الداخلية للكليات وفقا لهذا القرار؟ انا مش عارف القرار دة هيطبق السنة دى ولا لاء ياريت يا جماعة الناس اللى بتنزل الجامعة تبقى تسأل على الموضوع دة؟

معالى المستشار محمد
09-10-2011, 06:49 PM
فعلا القرار دا صحيح ونازل فى الاهرام يوم الجمعة

شعبان عبدالظاهر
09-10-2011, 06:53 PM
يا جماعة انا اتصلت بالكلية وقالوا لى عادى ينفع تقدم دراسات بمقبول وهذا كلامهم

mohamed4888
09-10-2011, 09:59 PM
طيب كويس
وربنا يسهل

rana mohamad
10-10-2011, 05:47 AM
ياجماعة انا دفعة 2010تقديرى جيد جدا (81.45 %) وكنت مناوائل الدفعة واخدت شهادة تقدير وسمعت عن تعيين ال20 الاوائل من كل دفعة بس انا مش عارفة ترتيبى كام فى الدفعة بس انا شفت ال20 الاوائل ملقتش اسمى فيهم فكنت عايزة اعرف هما الاوائل على الدفعة بيبقى عددهم كام وانا كده مش هدخل فى التععينا ت دى ولا ايه لانهم بيقول احتمال ميخدوش الخمسة اللى اتعينو ميعيدن

mohamedosama
10-10-2011, 06:30 AM
ياجماعة انا دفعة 2010تقديرى جيد جدا (81.45 %) وكنت مناوائل الدفعة واخدت شهادة تقدير وسمعت عن تعيين ال20 الاوائل من كل دفعة بس انا مش عارفة ترتيبى كام فى الدفعة بس انا شفت ال20 الاوائل ملقتش اسمى فيهم فكنت عايزة اعرف هما الاوائل على الدفعة بيبقى عددهم كام وانا كده مش هدخل فى التععينا ت دى ولا ايه لانهم بيقول احتمال ميخدوش الخمسة اللى اتعينو ميعيدن
بيتهألى الخمسة الاوائل فقط هما اللى بيتعنوا والله واعلم.

معالى المستشار محمد
10-10-2011, 04:57 PM
هما فعلا هيخدوا العشرين الاوائل على كل دفعة بما فيهم المعيدين يعنى هيعتبر ان المعيدين من الاوائل الذين تم تعينهم
ودا لينك بأسماء الاوائل فى جميع الكليات
http://www.asrt.sci.eg/ar/

شعبان عبدالظاهر
10-10-2011, 05:42 PM
بشرى للجميع انا الحمد لله رب العالمين قدمت النهارده دراسات وتقدير مقبول ومفيش اى اعتبار للتقدير اثناء التقديم يعنى اللى جايب مقبول وعايز يقدم يطم ويروح يقدم ولله الفضل من قبل ومن بعد

mohamedosama
10-10-2011, 08:17 PM
بشرى للجميع انا الحمد لله رب العالمين قدمت النهارده دراسات وتقدير مقبول ومفيش اى اعتبار للتقدير اثناء التقديم يعنى اللى جايب مقبول وعايز يقدم يطم ويروح يقدم ولله الفضل من قبل ومن بعد
الحمد لله يا شعبان من ساعة لما قرأيت الخبر وانا زعلان .

folla
11-10-2011, 12:09 AM
ياجماعه ياريت اقتراح لرسالة دكتوراة فى القانون الإدارى وجزاكم الله خيرا
يعنى تقترحوا كام عنوان ككده

ايمى روحى
11-10-2011, 03:04 AM
بشرى للجميع انا الحمد لله رب العالمين قدمت النهارده دراسات وتقدير مقبول ومفيش اى اعتبار للتقدير اثناء التقديم يعنى اللى جايب مقبول وعايز يقدم يطم ويروح يقدم ولله الفضل من قبل ومن بعد

الف مبروووووك
بس التقديم مستمر لحد امتى

شعبان عبدالظاهر
11-10-2011, 11:08 AM
التقديم مستمر حتى 31 /12

معالى المستشار محمد
11-10-2011, 04:08 PM
هى جداول المحاضرات نزلت ولا لسه

شعبان عبدالظاهر
11-10-2011, 05:16 PM
لا لسه الجداول انا سالت قالوا ان شاء الله الاسبوع القادم
هى جداول المحاضرات نزلت ولا لسه

عادل حسن
13-10-2011, 12:02 AM
ارجو من الا خوه الزملاء حد يسال هل خريجى التعليم المفتوح لهم حق القديم للدراسات العليا ؟ ام لا

اجمل عيون
16-10-2011, 04:38 AM
هوبالنسبة للمصاريف ممكن تتقسط ولا لا وايضا كنت عايزة اعرف هل المحاضرات بدئت ولا لسة وجزاكم الله خير

شعبان عبدالظاهر
16-10-2011, 07:34 AM
هوبالنسبة للمصاريف ممكن تتقسط ولا لا وايضا كنت عايزة اعرف هل المحاضرات بدئت ولا لسة وجزاكم الله خير
بلنسبة للمصاريف انا لا ادرى ينفع تتقسط ام لا بس ممكن تاخدى الرقم ده هتسالى وتعرفى كل
حاجة0502259391
اما بالنسبة للمحاضرات لسه لم تبدا بعد

شعبان عبدالظاهر
16-10-2011, 11:15 AM
ارجو من الا خوه الزملاء حد يسال هل خريجى التعليم المفتوح لهم حق القديم للدراسات العليا ؟ ام لا
والله يا استاذ عادل انا لا اعلم يقينا الاجابة على سؤالك بس غالب ظنى انه ينفع فما المانع من ذلك؟ ولكن لكى تتاكد وتطمئن خذ هذا الرقم واتصل به وسوف تعلم ما تريد 0502259391

معالى المستشار محمد
16-10-2011, 08:38 PM
الجداول نزلت ولا لسه يا جماعة

اجمل عيون
18-10-2011, 08:19 AM
جزاك الله خير

بنت من زمن فات
18-10-2011, 02:53 PM
ياجماعة محدش يعرف التسجيل فى الدرسات العليا هيبقى زى كل سنة ولا ميعاد انتهائة امتى يعنى ف اخر 12 ولا هيقل ولا يزيد ويترى المصروفات هتبقى كام

شعبان عبدالظاهر
18-10-2011, 06:02 PM
ياجماعة محدش يعرف التسجيل فى الدرسات العليا هيبقى زى كل سنة ولا ميعاد انتهائة امتى يعنى ف اخر 12 ولا هيقل ولا يزيد ويترى المصروفات هتبقى كام
ان شاء الله اخر ميعاد للتقديم 31/12 اما بالنسبةللمصاريف فهى ايضا زى السنة اللى فاتت 617 جنيه ويارب اكون قدرت اساعدك وبالتوفيق والنجاح

remOoOoOo
19-10-2011, 12:06 AM
لو سمحتم ممكن اعرف اخر ميعاد لتقديم دبلومة القانون العام والمصاريف كام

شعبان عبدالظاهر
19-10-2011, 02:54 AM
لو سمحتم ممكن اعرف اخر ميعاد لتقديم دبلومة القانون العام والمصاريف كام
اخر ميعاد للتقديم ان شاء الله تعالى 31/12 والمصاريف 617 جنيه

hope Ray
19-10-2011, 03:36 AM
السلام عليكم
هوا خزنة الكليه بتقفل يوم الخميس بدري؟
أو الموظفين عندهم أجازه او بيروحوا بدري يوم الخميس ؟

شعبان عبدالظاهر
19-10-2011, 10:53 AM
السلام عليكم
هوا خزنة الكليه بتقفل يوم الخميس بدري؟
أو الموظفين عندهم أجازه او بيروحوا بدري يوم الخميس ؟
الخزنة بتقفل كل يوم الساعة 12

شعبان عبدالظاهر
19-10-2011, 04:40 PM
على فكرة الجداول نزلت والدراسة هتبدأ من يوم السبت القادم 22/10/2011 ان شاء الله

doodoo
19-10-2011, 05:18 PM
على فكرة الجداول نزلت والدراسة هتبدأ من يوم السبت القادم 22/10/2011 ان شاء الله

طيب ياريت تنقلنا الجدول لان الى موجود على موقع الكليه 2010

شعبان عبدالظاهر
19-10-2011, 06:12 PM
طيب ياريت تنقلنا الجدول لان الى موجود على موقع الكليه 2010
انا اللى معاى حاليا جدول دبلوم الشريعة وان شاء الله قريبا الجدول هيكون على المنتدى

samo2
24-10-2011, 06:40 PM
ممكن تنزلو السكاشن على المنتدى

شعبان عبدالظاهر
13-11-2011, 05:48 PM
ممكن تنزلو السكاشن على المنتدى

شوف انت حضرتك الفرقة كام وهتلاقى السكاشن موجودة هناك

Ibrahim
27-11-2011, 07:09 PM
عايزاعرف اخرميعادللتقديم وشروط التقديم للمجندين

ahmed abdel aziz
28-11-2011, 01:57 AM
عايزاعرف اخرميعادللتقديم وشروط التقديم للمجندين
اخر ميعاد للتقديم للدراسات العليا 31 -12-2011 ...............
أما بخصوص التقديم وحضرتك فى الجيش يجوز ذلك سياتك هطلع ورقة من الجيش تفيد ذلك..........

ranona....
29-11-2011, 06:02 AM
لو سمحتو كنت عايزة مواقع عن تطور الرقابة على دستورية القوانين فى فرنسا ضرورى جدا.....شكرا

simsim_sokar
29-11-2011, 10:40 AM
ياجماعة معلش انا مش فاهم اعمل الدراسات العليا ازاى
هو الاول اعمل دبلومه وبعدين ماجستير فدكتوراه صح كده ولا انا مش فاهم
لو كده انا كنت دور تانى فى رابعة هل ينفع التحق عادى
انا طالب انتساب هل ليا حق فى عمل الدراسات العليا؟
وهل هلحق السنه دي ولا تنصحونى بانى استنى السنه الجايه
وايه من وجهت نظركم الماده اللى اعمل فيها دبلومه
والمصاريف كام
والامتحانات بتبقي معادها امتى علشان انا عندى جيش

ahmed abdel aziz
29-11-2011, 08:27 PM
ياجماعة معلش انا مش فاهم اعمل الدراسات العليا ازاى
هو الاول اعمل دبلومه وبعدين ماجستير فدكتوراه صح كده ولا انا مش فاهم
لو كده انا كنت دور تانى فى رابعة هل ينفع التحق عادى
انا طالب انتساب هل ليا حق فى عمل الدراسات العليا؟
وهل هلحق السنه دي ولا تنصحونى بانى استنى السنه الجايه
وايه من وجهت نظركم الماده اللى اعمل فيها دبلومه
والمصاريف كام
والامتحانات بتبقي معادها امتى علشان انا عندى جيش
أولا : سياتك هتذهب لشئون الدراسات العليا بالكلية وهتقدم عادى وتاخد معاك ( شهادة التخرج والميلاد وصورتين وموقفك من التجنيد و617 جنية ) والتقديم مفتوح لغاية 31-12-2011 .......................... والامتحانات 30-5-2012 أو تأجل الى دور أكتوبر 1-10-2011
مع العلم ان النجاح من 14 فى كل مادة ولك 4 درجات رأفة فقط بحد أقصى 3 درجات فى المادة والرفع من 11 ؛؛ اما بخصوص اى دبلومة ننصحك بيها فدى ترجع لحضرتك اى المواد تفضل مذاكرتهاا............................

ثانيا : بالنسبة لباقى التساؤل لكى يتسنى لك الحصول على رسالة الماجستير ؛؛ لابد من الحصول على دبلومة اولا ثم تقوم بتحضير الرسالة مع الدكتور المختص فى السنة التالية ؛؛ أو سياتك تاخد دبلومتين فى سنتين على ان يكون احداها فى القانون العام او الخاص ....................................

simsim_sokar
29-11-2011, 11:54 PM
أولا : سياتك هتذهب لشئون الدراسات العليا بالكلية وهتقدم عادى وتاخد معاك ( شهادة التخرج والميلاد وصورتين وموقفك من التجنيد و617 جنية ) والتقديم مفتوح لغاية 31-12-2011 .......................... والامتحانات 30-5-2012 أو تأجل الى دور أكتوبر 1-10-2011
مع العلم ان النجاح من 14 فى كل مادة ولك 4 درجات رأفة فقط بحد أقصى 3 درجات فى المادة والرفع من 11 ؛؛ اما بخصوص اى دبلومة ننصحك بيها فدى ترجع لحضرتك اى المواد تفضل مذاكرتهاا............................

ثانيا : بالنسبة لباقى التساؤل لكى يتسنى لك الحصول على رسالة الماجستير ؛؛ لابد من الحصول على دبلومة اولا ثم تقوم بتحضير الرسالة مع الدكتور المختص فى السنة التالية ؛؛ أو سياتك تاخد دبلومتين فى سنتين على ان يكون احداها فى القانون العام او الخاص ....................................

شكرا ردك
بس كنت بستفسر انا انتساب لى حق فى عمل دبلومه ولا انتظام بس اللى ليهم

ahmed abdel aziz
01-12-2011, 01:15 AM
شكرا ردك
بس كنت بستفسر انا انتساب لى حق فى عمل دبلومه ولا انتظام بس اللى ليهم

الدراسات العليا ( للجميع انتظام انتساب وبمختلف التقديرات) ..........................................

الــعـــمــدة
01-12-2011, 11:35 PM
كان ليا سؤال معلش
هو المجموع الكلي لدبلومة القانون العام كام ..شاملا مادة البحث؟
وياريت مادة البحث بتخصم من انهي مادة ولا درجتها كام وياريت لو شرح موجز على البحث ونظامه
3- لو حد سقط في مادة بيدخلها في دور اكتوبر بس ولا بيعيد كل المواد
وشكرا ياباشا

الاستاذ
02-12-2011, 12:04 AM
هو المجموع الكلي لدبلومة القانون العام كام ..شاملا مادة البحث؟
* حوالي 220

ياريت مادة البحث بتخصم من انهي مادة ولا درجتها كام وياريت لو شرح موجز على البحث ونظامه


- دي منفصله لوحدها وعليها 20 درجه.


و حد سقط في مادة بيدخلها في دور اكتوبر بس ولا بيعيد كل المواد

* بيعدها لوحدها لكن لو مادتين بيعيد كله ثاني.

Mavado
02-12-2011, 04:02 PM
دلوقتي انا لبست في الجيش عسكري ازاي همتحن في البدلومة ولا كده خلاص راحت عليا الدبلومة

الاستاذ
03-12-2011, 12:42 AM
دلوقتي انا لبست في الجيش عسكري ازاي همتحن في البدلومة ولا كده خلاص راحت عليا الدبلومة

ايام الامتحانات من حقك تنزل تمتحن
وفي زمله كتير كان في الجيش ونزلوا امتحانوا ونجحوا كمان
المهم يبقي في رغبه قويه في المذكره والحصول علي الدبلومه..

إبن السلطنة
03-12-2011, 09:54 AM
السلام عليكم..
لو سمحتوا معايه سؤال...
هل تم تخفيض رسوم الدراسة بالنسبة للوافدين أم لا؟
وصل لنا هذا الخبر بس مش أكيد وأرجو الإفادة من لي معاه الإجابة..وشكراً

عادل حسن
09-12-2011, 12:09 PM
السلام عليكم ارجو من الاخوه المشرفين الافاده عن قبول خريجى شعبة التعليم المفتوح لانى كلما ذهبت للتقديم يقول الوظف انه لم تاتيهم تعليمات بقبول خريجى شعبة التعليم المفتوح مع العلم انى حاصل على ثانويه عامه برجاء الافاده قبل ان تضيع علينا فرصة الدراسات العليا هذا العام من خلال التقديم فى جامعه اخرى تقبل خريجى شعبة التعليم المفتوح مثل طنطا او بنها او القاهره

zico10
31-12-2011, 06:03 PM
لو سمحت كنت عايز جدول محاضرات دبلومة القانون العام

mkh_vip
01-01-2012, 03:42 PM
الاخ عادل انا اسف انا خريج تعليم مفتوح ولم ارى تعليقك غير اليوم واتمنى ان تكون قدمت لاني قدمت ولا توجد مشكلة لخريجي التعليم المفتوح
تحياتي

May_Yasseen
03-01-2012, 01:40 AM
السلام عليكم ...أنا لسه مسجلة جديد فى المنتدى وكان لى استفسار مهم ....
أنا لسه مسجلة ف دبلوم القانون العام ....بس مش عارفة تحديدا حاجه عن موضوع عمل البحث ده
يعنى أنا بعرف منين الموضوع اللى هعمل فيه بحث أو مين الدكتور المشرف
المفروض أروح فين أو أسأل فين ف الكليه ؟؟
أكون شاكرة جدا لو حد ساعدنى باجابه .

الاستاذ
03-01-2012, 11:17 PM
السلام عليكم ...أنا لسه مسجلة جديد فى المنتدى وكان لى استفسار مهم ....
أنا لسه مسجلة ف دبلوم القانون العام ....بس مش عارفة تحديدا حاجه عن موضوع عمل البحث ده
يعنى أنا بعرف منين الموضوع اللى هعمل فيه بحث أو مين الدكتور المشرف
المفروض أروح فين أو أسأل فين ف الكليه ؟؟
أكون شاكرة جدا لو حد ساعدنى باجابه .



دي الخطوات الي مفروض تعمليها

1- تحديد الماده موضوع البحث.
2- اختيار موضوع داخل الماده.
3- عرض خطه البحث علي احد الدكاتره.
4- كتابه البحث.

طبعا دي الخطوط العريضه ولو في اي استفسار اسئلي وهجاوبك عليه ان شاء الله...

mkh_vip
04-01-2012, 09:39 AM
بسم الله الرحمن الرحيم

الاخ الفاضل / الاستاذ

السلام عليكم ورحمة الله وبركاته

ارجو انك تكون لسه فاكرني انا قدمت إن شأ الله على دبلومة القانون الجنائي
وحابب استفسر اكتر عن البحث
يعني ايه تحديد المادة موضوع البحث يعني مادة من المواد التي ندرسها ولا ايه والمقصود بخطة البحث
وهل مادة البحث ليها كتاب مثل باقي المواد
و وقلقان لاني كالعادة مش موجود في مصر ومش عارف الدبلومة اتعامل معاها مثل الدراسة العادية ولا ليها وضع خاص وهل يجب الحضور وهل يوجد لها مهم وملغي ام الكتب كلها مقرره
و انا عارف اسماء المواد ولكن حابب اعرف كام كتاب لكل مادة لاني مستني الكتب وخايف يكون في نقص في حاجة
والامتحانات في الغالب بتكون امته الشفوي بيكون امته والتحريري تقريباً وبتاخد وقت كتير ولو تعرف حد تدلني عليه يكون في دبلومة الجنائي تكون عملت فيها معروف مش هنساه لك طول عمري
اسف لتعبك معايه السنين الماضية واسف لانها اسئله كتيرة لكن كما عودتني صدرك واسع وتتقبل كل الاستفسارات
شكراااااااااااااااا
وجزاك الله خير

الاستاذ
04-01-2012, 12:39 PM
عني ايه تحديد المادة موضوع البحث يعني مادة من المواد التي ندرسها ولا ايه

بالنسبه ليك مافيش عندك غير ماده الجنائي تعمل فيها.


والمقصود بخطة البحث
هو اشبه بفهرس اي كتاب عندك


وهل يجب الحضور وهل يوجد لها مهم وملغي ام الكتب كلها مقرره
الحضور مش مهم وبيبقي فيه مهم وملغي طبعا


والامتحانات في الغالب بتكون امته الشفوي بيكون امته والتحريري تقريباً وبتاخد وقت كتير

التحريري بيكون في 6 والشفوي في 7
وبتقعد تقريبا شهرين الشفوي والتحريري

mkh_vip
04-01-2012, 04:17 PM
والله انا عاجز عن شكرك ولكن
يوجد استفسار آخر
كنت قولت في تعليقك السابق ان احنا بنختار موضوع من المادة ارجو التوضيح في ضوء أني مليش غير الجنائي
وفي الغالب بيكون البحث كام صفحة ومن كام نسخه لو في نسخ والحاجة الاهم هو لازم خطة البحث تتعرض على الدكتور وطلب البحث وتقديمه بيكون امته
والله انا عارف اني بكتر عليك
مع خالص تحياتي

الاستاذ
04-01-2012, 06:45 PM
كنت قولت في تعليقك السابق ان احنا بنختار موضوع من المادة ارجو التوضيح في ضوء أني مليش غير الجنائي

يعني مثلا تختار جريمه معينه وتكلم عنها او تكلم عن موضوع في الاجراءات الجنائيه زي اعتراف المتهم او الحبس الاحتياطي او حريه اقتناع القاضي او الامر الجنائي.


بيكون البحث كام صفحة ومن كام نسخه لو في نسخ والحاجة الاهم هو لازم خطة البحث تتعرض على الدكتور وطلب البحث وتقديمه بيكون امته
بيكون علي الاقل 30 ورقه
ومن 3 نسخ
والخطه بتعرض دلوقتي واخر ميعاد شهر 2.

May_Yasseen
04-01-2012, 10:54 PM
دي الخطوات الي مفروض تعمليها

1- تحديد الماده موضوع البحث.
2- اختيار موضوع داخل الماده.
3- عرض خطه البحث علي احد الدكاتره.
4- كتابه البحث.

طبعا دي الخطوط العريضه ولو في اي استفسار اسئلي وهجاوبك عليه ان شاء الله...
أنا بشكر حضرتك جدا على المساعده دى ...بس ياريت لو حضرتك تقولى ازاى بحدد ماده لموضوع البحث ؟؟
أنا اللى بختارها صح ؟؟ وبعد كده بختار أى موضوع موجود فى المادة وبخليه موضوع للبحث ؟؟؟
طب وان عملت كده بروح لدكتور الماده و أكلمه ولا ايه بالضبط ؟؟
ودكتور الماده بيكون هو الدكتور المشرف ؟؟
أنا أسفه على كتر الأسئلة بس أنا فعلا مش عارفة ايه اللى المفروض أعمله
ومتشكره لحضرتك جدا على انك جاوبتنى

الاستاذ
05-01-2012, 12:27 AM
.بس ياريت لو حضرتك تقولى ازاى بحدد ماده لموضوع البحث ؟؟

حضرتك تختاري ماده من دول (جنائي - اداري - دولي - اقتصاد - دستوري)


أنا اللى بختارها صح ؟؟ وبعد كده بختار أى موضوع موجود فى المادة وبخليه موضوع للبحث ؟؟؟
طب وان عملت كده بروح لدكتور الماده و أكلمه ولا ايه بالضبط ؟؟

اه تمام حضرتك..


ودكتور الماده بيكون هو الدكتور المشرف ؟؟
لا مش شرط اي دكتور في نفس القسم بتاعت الماده

وانا تحت امرك في اي استفسار..

mkh_vip
05-01-2012, 12:48 AM
شكرا على تجاوبك
ولكن لو الخطة مش اتعرضت ممكن تقديم البحث على طول
وحضرتك قولت انه في شهر 2 صح طيب في اوله ولا في أخره
وكمان ممكن ابعته لحد وهوه يقدمه ليه
وممكن استعين بأحد المواضيع إلي أنت كتبتها إلي هي اعتراف المتهم او الحبس الاحتياطي او حريه اقتناع القاضي او الامر الجنائيومن خلال المواضيع الموجوده على النت وخصوصا الموجودة من المنتدى والاستعانة من المراجع الموجودة لاساتذة القانون في اي مكان معلشي حضرة الاستاذ
وطبعاً الكتابة على الكمبيوتر صح طيب الخط كام وتقريباً كام سطر في الورقه و30 صفحة دي وجه واحد ولا على الوجهين

مع خالص تحياتي وخجلي منك والله بس انت الي بترد عليه جزاك الله خير

الاستاذ
05-01-2012, 02:14 AM
ولكن لو الخطة مش اتعرضت ممكن تقديم البحث على طول

لا لازم الخطه تتقدم الأول


وكمان ممكن ابعته لحد وهوه يقدمه ليه

اه ينفع..


وممكن استعين بأحد المواضيع إلي أنت كتبتها إلي هي اعتراف المتهم او الحبس الاحتياطي او حريه اقتناع القاضي او الامر الجنائيومن خلال المواضيع الموجوده على النت وخصوصا الموجودة من المنتدى والاستعانة من المراجع الموجودة لاساتذة القانون في اي مكان
اه ممكن طبعا.


وطبعاً الكتابة على الكمبيوتر صح طيب الخط كام وتقريباً كام سطر في الورقه و30 صفحة دي وجه واحد ولا على الوجهين
اه صح ، 14 تقريبا ، وعلي وجهه واحد.

zico10
14-01-2012, 04:52 AM
ممكن يا جماعة جدول محاضرات دبلومة القانون العام و مواعيد الامتحانات ولو فيه ملغي .. ينوبكوا ثواب محتاجة ضروري

الاستاذ
14-01-2012, 12:30 PM
ممكن يا جماعة جدول محاضرات دبلومة القانون العام و مواعيد الامتحانات ولو فيه ملغي .. ينوبكوا ثواب محتاجة ضروري

السبت من 2 الي 4 دستوري
الاحد من 3 الي 5 اقتصاد ومن 5 الي 8 دولي
الاثنين من 12 الي 2 جنائي ومن 3 الي 5 اداري
ولسه مافيش ملغي ولسه بدري علي الامتحانات..

ahmed99
14-01-2012, 01:42 PM
ميعاد التقديم انتهي 31/12 ولا لسه فيه ناس بتقدم عادي؟

justice
15-01-2012, 06:46 PM
لو سمحتم فى بكرة محاضرات دبلوم القانون العام ولالأ؟ وامتى بالضبط الساعة كام؟

عادل حسن
16-01-2012, 12:39 AM
ان شاء الله فيه محاضره فى القانون الدولى العام الساعه الثانيه والنصف اما محاضرة القانون الجنائى فالاستاذ الدكتور عبد الرؤف مهدى لن يحضر

justice
23-01-2012, 09:15 PM
السلام عليكم ياجماعة السؤال موجه للناس اللى عاملة دبلومة السنة اللى فاتت كنت عاوزة استسفسر عن حاجة
هل لو انا استرشدت بمقال مكتوب فى مجلة لازم اذكر اسم الموقع الالكترونى اللى قراته فيه بالانجلش وبالعربى ولا لأ طالما ذكرت كل بيانات المجلة لحد الصفحة؟ارجو الرد سريعا لو حد موجود

الاستاذ
23-01-2012, 09:34 PM
السلام عليكم ياجماعة السؤال موجه للناس اللى عاملة دبلومة السنة اللى فاتت كنت عاوزة استسفسر عن حاجة
هل لو انا استرشدت بمقال مكتوب فى مجلة لازم اذكر اسم الموقع الالكترونى اللى قراته فيه بالانجلش وبالعربى ولا لأ طالما ذكرت كل بيانات المجلة لحد الصفحة؟ارجو الرد سريعا لو حد موجود


الاصح ان حضرتك تذكر كمان الموقع الالكتروني
وكمان الاسترشاد بالمواقع الالتكرونيه بيقوي قائمه المراجع بصفه عامه...

justice
23-01-2012, 09:48 PM
شكرا جزيلا استاذ,طيب اذكر الموقع مرة واحدة فى الهامش ؟ولو هما كذا مقال فى صفحة واحدة اقول نفس الموقع السابق ذكره؟وهل اذكره ايضا عند كتابة قائمة المراجع ؟

justice
23-01-2012, 09:49 PM
ولو فى مقال من غير اسم الكاتب او رقم الصفحة عادى ولا ايه؟

الاستاذ
24-01-2012, 12:16 PM
شكرا جزيلا استاذ,طيب اذكر الموقع مرة واحدة فى الهامش ؟ولو هما كذا مقال فى صفحة واحدة اقول نفس الموقع السابق ذكره؟وهل اذكره ايضا عند كتابة قائمة المراجع ؟

لو في نفس الصفحه هتقول المرجع السابق وطبعا هيتكتب في قائمه المراجع

الاستاذ
24-01-2012, 12:17 PM
ولو فى مقال من غير اسم الكاتب او رقم الصفحة عادى ولا ايه؟

لو علي النت هتكتب رابط الموقع وخلاص..

justice
24-01-2012, 04:29 PM
شكرا جداجدا استاذ,بس انا كنت بسأل على حاجة مهمة,بالنسبة لهذه المقالات او اوراق العمل او التقارير,ماهو ترتيب ذكر بيااناتها ؟يعنى مثلا:اسم الكاتب,عنوان المقال,اسم المجلة او الجريدة,سنة النشر,رقم العدد,تاريخ النشر,بلد النشر,الصفحة,هذا المقال متاح على الموقع التالى...., هل هذا الترتيب صحيح؟وعند الاشارة اليه فى قائمة المراجع هل يذكر الموقع ضمن بيانات ذكره بالعربى؟ام اذكرالمواقع فى قائمة منفردة؟مع العلم بانى مقسماهم مراجع عامة ومراجع خاصة فقط؟

يقين
19-02-2012, 10:40 AM
السلام عليكم ورحمة الله وبركاته
عندي سؤال بخصوص كتابة الهوامش في رسالة ماجستير، كيف نكتب الهامش إذا كان عندنا رسائل أو بحوث من الإنترنت.
هل يشترط كتابة اسم الموقع عند كتابة الهامش أم لا؟

طالبة الدراسات العليا

admin.prosecutor
28-02-2012, 04:05 PM
ممكن حد يساعدني كنت بدور علي كتب عن المخالفات المالية
وكتاب الوجيز في القانون الاداري لدكتور سليمان الطماوي

ahmed abdel aziz
28-02-2012, 04:17 PM
ممكن حد يساعدني كنت بدور علي كتب عن المخالفات المالية
وكتاب الوجيز في القانون الاداري لدكتور سليمان الطماوي

تحياتى لحضرتك ؛؛
سياتك تذهب قبل الساعة 12 لمكتبة الكلية ، هتلاقى بجوارها قاعة بها أجهزة كمبيوتر وموظفة ،
اسألها عن أى عنوان وهيا هتبحث عنة فى جميع الكتب الموجودة فى مكتبات الكلية ، وتاخد رقمة وتروح تجيبة ................

ahmed abdel aziz
28-02-2012, 04:19 PM
السلام عليكم ورحمة الله وبركاته
عندي سؤال بخصوص كتابة الهوامش في رسالة ماجستير، كيف نكتب الهامش إذا كان عندنا رسائل أو بحوث من الإنترنت.
هل يشترط كتابة اسم الموقع عند كتابة الهامش أم لا؟

طالبة الدراسات العليا



تحياتى ؛؛؛
سياتك هتكتبى اسم الموقع فى الهامش عادى جدا ...................

ابو اليسر
09-05-2012, 12:30 PM
ممكن اقدم البحث بعد امتحان التحريري واكتفى بتقديم الخطة قبل الامتحانات

ma-76
12-05-2012, 01:38 PM
السلام عليكم
كان عندي استفسار هي ايه الجامعات الي ممكن اقدم فيها علي دبلومة ويكون باب التقديم فيها لم يغلق

ma-76
12-05-2012, 10:21 PM
يا جماعة يا ريت حد من المشرفين يرد عليا
هل اقدر اسجل دبلومة دلوقتي في اي جامعة في مصر ارجو الرد

طويل القامة
15-05-2012, 07:48 PM
لدي استفسار
انا حاصل على شهادة البكالوريسو في الشريعة (الفقه وأصوله) طبعا مع بعض المواد القانونية البسيطة وتدريب قضائي ضمن الخطة الدراسية
وكذالك دبلوم الدراسات العليا في القانون ثم الماجستير في القانون مع رسالة لاحد المواضيع الشرعية مقارنة بالقانون

السؤال الآن شرط علي عمل معادلة البكالوريوس والماستر لكي استطيع اني اسجل في الجامعات الحكومية المصرية
ولكن هل يحق لي ان اسجل في كليات الحقوق للدكتوراه ام لا؟؟؟؟وفي نظركم هل سبق ان تمت مثل حالتي اي معادلة البكالوريوس في الشريعه ثم ماستر قانون
والتسجيل للدكتوراه

وما هي نصيحتكم لكي يمضي موضوعي

ahmed abdel aziz
19-05-2012, 11:05 PM
ممكن اقدم البحث بعد امتحان التحريري واكتفى بتقديم الخطة قبل الامتحانات
تحياتى ؛؛ عادى ياباشا مفيش مشكلة

مصطفى فاروق
16-09-2012, 02:55 PM
السلام عليكم انا عايز اعرف حاجة احنا كنا عارفين من فترة طويلة اللى بيحصل عى دبلومتين احداهما فى القانون العام بيكون حصل على الماجستير بمجرد حصولة على الدبلومتين دلوقت سمعنا ان ان الموضوع اختلف

وفى قانون جديد هينزل وهو لابد بعد الدبلومتين تدرس سنتين للحصول على الماجستير يعنى 4 سنين 2 سنة دبلومتين بمثابة تمهيدى ماجستير + 2 سنة تحضير لرسالة الماجستير ... ارجوا الافادة وشكرا

الاستاذ
16-09-2012, 03:31 PM
السلام عليكم انا عايز اعرف حاجة احنا كنا عارفين من فترة طويلة اللى بيحصل عى دبلومتين احداهما فى القانون العام بيكون حصل على الماجستير بمجرد حصولة على الدبلومتين دلوقت سمعنا ان ان الموضوع اختلف

وفى قانون جديد هينزل وهو لابد بعد الدبلومتين تدرس سنتين للحصول على الماجستير يعنى 4 سنين 2 سنة دبلومتين بمثابة تمهيدى ماجستير + 2 سنة تحضير لرسالة الماجستير ... ارجوا الافادة وشكرا

حتي هذه اللحظه الكلام غير صحيح...

Moly_Cam5
16-09-2012, 08:06 PM
الحاصلين على مقبول تقدير عام بياخدو دبلومة والدبلومة دى تعادل جيد عشان يقدرو يعملو ماجستير تمام
هل ينفع بعد الحصول على الدبلومة ال بتعادل جيد دى .. التقدم لاعلانات مجلس الدولة او غيرها اللى بتشترط تقدير عام جيد ولا اية ؟

mohamedkhafaga
16-09-2012, 10:05 PM
الحاصلين على مقبول تقدير عام بياخدو دبلومة والدبلومة دى تعادل جيد عشان يقدرو يعملو ماجستير تمام
هل ينفع بعد الحصول على الدبلومة ال بتعادل جيد دى .. التقدم لاعلانات مجلس الدولة او غيرها اللى بتشترط تقدير عام جيد ولا اية ؟



لا يجوووز ياباشا لان الهيئات دى بتشترط التقدير فى شهادة الليسانس نفسها مالهاش دعوة بالاعتبارات او المعادلة

Moly_Cam5
16-09-2012, 11:01 PM
لا يجوووز ياباشا لان الهيئات دى بتشترط التقدير فى شهادة الليسانس نفسها مالهاش دعوة بالاعتبارات او المعادلة

امال الدبلومة دى ملهاش تأثير غير على انها تخلينى احصل على الماجستير بس تقصد..
حتى لو حاصل عليها بتقدير جيد او جيد جدا
متعززش فرصى مثلا فى الوظائف القضائية فى المحاكم او غيرة ؟

mohamedkhafaga
16-09-2012, 11:10 PM
امال الدبلومة دى ملهاش تأثير غير على انها تخلينى احصل على الماجستير بس تقصد..
حتى لو حاصل عليها بتقدير جيد او جيد جدا
متعززش فرصى مثلا فى الوظائف القضائية فى المحاكم او غيرة ؟

موضوع المحاكم والوظايف التانية ده موضوع تانى
بص ياباشا
اى مصلحة او هيئة بتفتح تقديم بتقول التقدير مقبول عالاقل او جيد عالاقل يبقى محدش يقدم الا اللى جايب التقدير ده
بالنسبة للدبلومة بقى دى معيار تفضيل يعنى اكيد هتساعدتك وتفضلك بس ده طبعا بعد ماتكون متوافر فيك الشرط الاساسى
للتقديم وهو التقدير اللى طالبينه

Moly_Cam5
16-09-2012, 11:29 PM
شكرا جدا على ردك أ/ محمد ...

mohamedkhafaga
17-09-2012, 03:31 PM
شكرا جدا على ردك أ/ محمد ...

العفو ياباشا
بالتوفيـــــــــــــــــــــــق

مصطفى فاروق
17-09-2012, 05:26 PM
شكرا على الرد ويارب ميكنش كلامى صحيح

محسن2000
19-09-2012, 03:51 AM
السلام عليكم
ممكن أسأل شوية أسئلة:
ـ هل يشترط جيد للتقديم للدبلومة؟
ـ هل يوجد امتحان تحريري وامتحان شفوي في الدبلومات؟
ـ هل يلزم الحضور في جميع مواد الدبلومات؟
ـ ما هو عدد مواد الدبلومات؟
ـ ما هي مصاريف الدبلومة الواحدة؟
مع الشكر

مصطفى فاروق
19-09-2012, 05:04 PM
السلام عليكم / انا محتاج اعرف معلومات عن مادة البحث بالدراسات العليا يعنى اختيار مادة البحث انا اللى

اختارها وفى اى مادة من دبلومة القانون العام ولا مجلس الكلية هو اللى يحدد نوع مادة البحث ....



وشكرااااااا

سعد آل مبارك
03-10-2012, 10:20 AM
انا عضو جديد بالموقع ولقد التحقت مؤخرا لإكمال دراستي العليا في القانون ولقد اخترت الدبلومة الاولى القانون الدولي الخاص وانا من سلطنة عمان وحاب اعرف عن المحاضرات تبدأ امتى وهم يتم نشرها في الموقع أون أحد الطلبه أو المشرفين يقوم بمساعدتي في كيفية الحصول على المحاضرات .
وأيضا بالنسبة للكتب هل هي موجوده حاليا او لسه وكيف يمكنني الحصول عليها وكم تقدر قيمة الكتب تقريبا ؟
وفي الاخير لا يسعني الا ان اشكر كل من يتفضل بمساعدتي والوقوف بجانبي ولسه جزيل الشكر والتقدير والاحترام والمحبه

justice
27-11-2012, 01:59 AM
لو سمحتم لو حد موجود عاوزة اعرف جدول امتحانات الشفوى دور اكتوبر دبلوم قانون عام نزل ولا لسة؟

justice
27-11-2012, 02:19 AM
فى استفسار تانى انا عاوزة ادخل دبلومة تانية السنة دى وفكرت فى القانون الدولى ولكن المعظم بيقول انها صعبة ممكن اعرف ايه وجه الصعوبة هل المواد نفسها ولا الدكاترة ولا الامتحانات وهل فى حد دخلها ووجدها كويسة ولا صحة لدة ؟ياريت حد يجاوبنى

طهران
19-01-2013, 09:57 AM
السلام عليكم.. استفسار هل لا زال هناك إمكانية للتقديم الآن بأي دبلومة؟

el-malek
25-02-2013, 10:55 PM
السلام عليكم.. استفسار هل لا زال هناك إمكانية للتقديم الآن بأي دبلومة؟
يمكنك انتظار فتح باب القبول في العام الجامعي الجديد 2013 / 2014 ابتداءاً من شهر سبتمبر 2013

el-malek
25-02-2013, 10:57 PM
فى استفسار تانى انا عاوزة ادخل دبلومة تانية السنة دى وفكرت فى القانون الدولى ولكن المعظم بيقول انها صعبة ممكن اعرف ايه وجه الصعوبة هل المواد نفسها ولا الدكاترة ولا الامتحانات وهل فى حد دخلها ووجدها كويسة ولا صحة لدة ؟ياريت حد يجاوبنى

لا تعتمد علي أحد في السمع .. إذا كانت لديك القدرة في فهم ودراسة مواد القانون الدولي ويوجد حب لديك في مواد هذا القسم وسيولة في فهم معلوماته فتوكل علي الله بالتسجيل فيها بإذن الله

el-malek
25-02-2013, 11:01 PM
انا عضو جديد بالموقع ولقد التحقت مؤخرا لإكمال دراستي العليا في القانون ولقد اخترت الدبلومة الاولى القانون الدولي الخاص وانا من سلطنة عمان وحاب اعرف عن المحاضرات تبدأ امتى وهم يتم نشرها في الموقع أون أحد الطلبه أو المشرفين يقوم بمساعدتي في كيفية الحصول على المحاضرات .
وأيضا بالنسبة للكتب هل هي موجوده حاليا او لسه وكيف يمكنني الحصول عليها وكم تقدر قيمة الكتب تقريبا ؟
وفي الاخير لا يسعني الا ان اشكر كل من يتفضل بمساعدتي والوقوف بجانبي ولسه جزيل الشكر والتقدير والاحترام والمحبه

يمكنك المتابعة في قسم الدبلومات مع زملائك بدبلوم القانون الخاص أو الانتظار هنا ليجيبك أحد من زملائك بنفس قسم القانون الخاص عن المحاضرات وعدد الكتب واسعارها