المساعد الشخصي الرقمي

مشاهدة النسخة كاملة : شد حيلك ياحبيبى وانا افتحلك مستشفى , الرشوة وداء الحمير.................



الخط
27-07-2012, 01:56 AM
صديقى الصيدلانى الذى حالفه الحظ وقفش فى شغلانة فى صيدلية مستشفى
درجة قحطة
اهى شغلانة والسلام بدل البطالة
المهم الكلام جاب بعضه
قالى كل دكتور كبير فى كلية الطب اول ماابنه يتخرج يجيبه المستشفى هنا (مستشفى خاص)
قلت عادى يعنى امال هيروح فين يسيبه من غير شغل لغاية مايصدى وينسى اللى اتعلمه
قلى لا انت مش فاهم قصدى انا اقصد مابيجبوش يتمرن دا جاى على الشغل على طول
قلت عادى برضو ابن الوز عوام
قالى مش فاهم قصدى
قلتله اتكلم وخلص خالص وانا اقولك راى بدل التنقيط ده
قال
الواحد فيهم وعده لابنه مش عيادة دا كان من زمن فات
الوقت
شد حيلك ياحبيبى وانا افتحلك مستشفى
على سبيل المثال المستشفى اللى انا شغال فيها موجودة من الثمانينات ويتم كل فترة ضم شريك جديد لها
الواد من دول يتخرج حلو كده يروح نازل دافس ايده فى الشغل طوالى واتعلم واقبض ياحبيبى
دى ناس مالهاش حد يدور عليها وفلوسهم مستباحه الاف مؤلفة
والداخل مفقود والخارج مش موجود
اه
ركب قسطرة غلط مش مشكلة
ادى دواء غلط او فاسد مش مشكلة
علق الجثة على العناية المركزة وعلى الفاتورة مش مشكلة
هات خطيبتك الامورة وفسحها وفرجها على العيانين وسفالة اهلك فى التعامل معاهم مش مشكلة
فك الاجهزة وانقلها لحبايبك وسيب العيان اللى محتاجها يموت مش مشكلة
خد قرارات مهببة من غير مايكون فى هباب اسمه الاستشارى ترجعله محدش هيتكلم و مش مشكلة
قال لى يعنى العملية بقت لعب عيال الكبار يسرقونا ويدربوا الانصاص فينا
هنا وختم الكلام عن المستشفى
الا انى لاحظت كيس فيه شريط دواء به حبوب بلو
استغربت وهنا ضحك قائلا لا دى رشوة
قلت له وما الداعى لرشوة طبية الفلوس اسهل دا كدا الخسارة اكبر
قال لى لا
دى حبوب داء الحمير تشبه حبوب البلو
اقوم بتوزيعها على الموظفين لما اروح اخلص ورق بدل الرشوة
والخسارة قليلة تكاد لاتذكر
الحبه الواحدة تكلفتها مليم بيجبوها ويطحنوها للحمير بكمية كبيرة عندما تصاب بمرض عضال يشبه الرفه الثابتة التى تصيب الطيور
قلت له طب ماهتتكشف
قال لى ابدا انا على كدا من ساعة ظهور حبوب بلو والناس مبسوطة وزى الفل واول ما ادخل اى مكان لى مصلحة فيه ويعرفوا انى صيدلى
كل الصعاب تزلل واخلص شغلى فى وقت قياسى
ولا ادفع رشوة و اخسر دينى يعنى ؟!