المساعد الشخصي الرقمي

مشاهدة النسخة كاملة : طلابي الاعزاء



د.طلعت خاطر
28-05-2011, 12:46 PM
الحمد لله رجعت من زيارتي في الخارج لمدة ثلاثة شهور، وقد تأكد ان طلاب كلية الحقوق جامعة المنصورة، من افضل الطلاب، لما لهم من قدره علي التحمل، وجدية في العمل، وصبر في الأداء، ولديهم ذكاء يجعلهم من افضل الطلاب علي مستوي الوطن العربي. وسأكون سعيد في التواصل معكم بخصوص اي استفسارات. ولكم مني كل التحية التقدير، د/ طلعت خاطر

البريتور
28-05-2011, 03:15 PM
اهلا ومرحبا بك معانا من جديد يادكتور طلعت
نورت مصر كلها وجامعه المنصوره بالتحديد
الطلبه فعلا مفتقدينك
ربنا يزيدك من علمه ان شاء الله

A7med Osama
28-05-2011, 03:19 PM
اهلا بيك يا دكتور مرة اخرى ويا ريت متسبناش تانى ونورت مكانك تانى

doodoo
28-05-2011, 03:34 PM
السلام عليكم ورحمة الله وبركاته

حمدالله على سلامة حضرتك يا دكتور

والله فعلا كل الطلبه مفتقدين حضرتك خاصة طلاب الفرقه الرابعه

وياريت لو حضرتك تساعدنا فى مادة التنفيذ الجبرى ...

وليا استفسار اخر ... هل حضرتك سوف تقوم بوضع الامتحان للفرقه الرابعه ؟؟

اسفه للاطاله على حضرتك

تقبل تحيااتى لحضرتك

د.طلعت خاطر
28-05-2011, 03:47 PM
الرد علي الاستفار المتعلق بوضع الامتحان، انا لن اضع اي امتحان لان الدكتور علي الشيخ هو الذي درس المادة، وهو الذي يقوم بوضع الامتحان، وانشاء الله يكون سهل وموفقين فيه جميعا

doodoo
28-05-2011, 03:51 PM
ميرسى لاهتمام حضرتك على الرد

وربنا معانا يارب ويكون امتحان كويس وفى متناول كل الطلبه

A7med Osama
28-05-2011, 04:18 PM
ياريت يا دكتور طلعت تتوسط لدينا ليه وتشوفلنا نظام الامتحان ياريت يا دكتور والله الكتاب الاحمر بتاع الاجراءات تقيل جداا
والكتاب بتاع حضرتك لغى منه اجزاء كبيره وخلى عليه 7 درجات فقط ياريت تتوسط لديه
وجزاك الله عنا خير

ناديه لطفى
28-05-2011, 08:05 PM
اولا حمدا لله على سلامت حضرتك ورجوعك الى ارض الوطن بجد يادكتور كنا مفتقدين حضرتك جدا جدا جدا وبجد احنا طلبة سنة رابعة خسرنا كتير ان حضرتك لم تدرس لنا المادة بس الى مصبرنا على الخسارة ان اكيد حضرتك شرفتنا بالخارج واعطيت مثلا مشرفا للدكتور المصرى نتمنى لحضرتك التوفيق ومزيد من التقدم والرقى

M.Adnan
29-05-2011, 02:26 AM
حمد الله على السلامة يا دكتور طلعت ويارب تكون بصحة وبخير
انا عندى سؤال انا فى الفرقة الرابعة انتظام واعوز اعرف امتحانات الدكتور على الشيخ بتاعت لسنوات السابقة ممكن ان ننظر عليها ولا من طبيعة حال الدكتور على مش بيكرر فى امتحاناتة

د.طلعت خاطر
29-05-2011, 01:23 PM
السلام عليكم، لا تقلقوا يا جماعه، انشاء الله سأكلم الدكتور علي الشيخ وسيكون الامتحان سهل انشاء الله، لا اريد القلق، ذكروا وتوكلو علي الله، ولن يكون هناك مشاكل انشاء الله، وسيكون الامتحان سهل.

Marwa El Nagar
30-05-2011, 12:28 PM
حمد الله على سلامة يادكتور طلعت ان شاء الله يادكتور حضرتك تدرسلنا التنفيذ الجبرى السنة الجاية

A7med Osama
30-05-2011, 02:33 PM
سلام عليكم
ازيك يا دكتور طلعت
انا والله اسف يا دكتور انى بكرر رجائى تانى
يا دكتور طلتن المشكله ان الامتحان مش ييجى سهل ولا صعب دى حاجه مش بتاعتنا احنا بنذاكر من الكتاب
وربنا يسهل
المشكله ان احنا شم عارفيين نظام الامتحان هييجى ازاى هل صح ولا غلط ومقالى ولا الحكم القانونى ولا هل يجوز ولايجوز ولا...... ؟
والله يا دكتو ر طلعت احنا مش بنتلكك بس الماده كبيره وعاوزيين نطمن كلام حضرتك ان الامتان جاى سهل
ده على عنينا وثقه منقدرش نقول حاجه
بس احنا عاوزيين نظام الامتحان بس مش اكتر علشان نبقى عارفيين داخليين على ايه بس وجزاك الله كل خير عنا
واسف للاطاله وانا عراف انى بتعب حضرتك معانا
بس يا ريت تعذرنا يا دكتور
والسلام عليكم

asmaa hegazi
03-06-2011, 04:16 AM
حمدلله على السلامة دكتور طلعت وبجد كنا مفتقدين حضرتك ونورت مصر وكلية الحقوق

د.طلعت خاطر
04-06-2011, 10:28 AM
اخي الفاضل، الدكتور علي الشيخ رافض تماما التكلم في موضوع الامتحان، وانا لا اداري ماذا افعل معه، هو قال لن اتكلم في هذا الموضوع مع اي احد، ونظرا لاني لم ادرس المادة ولم اشترك في تدريسها فليس لي الحق في الالحاح عليه في معرفة نظام الامتحان، في الترم الاول حدث نفس المشكلة مع طلاب الفرقة الثالثة، وتدخلت في اخر محاضرة وقلت للطلاب نظام امتحان الدكتور علي الشيخ، ووقتها كان لي الحق، اما الان فصعب ان يقول لي النظام، ولي في يدي شئ لكم، لو عندي اي حل لاسرعة لاعمله من اجلكم والله.

حنين قلبى
05-10-2011, 12:27 PM
يا دكتور طلعت انا عرفت ناس محامين كتير والكل اجمع ان اللى لم يدرس المرافعات على يديك فانه قد خسر الكثير
فلك منى وافرالاحترام