المساعد الشخصي الرقمي

مشاهدة النسخة كاملة : هلال : لا صحة لإلغاء درجات الرأفة .. ولن نحرم المنتقبات من الامتحان



el-malek
19-01-2011, 01:08 AM
نفى الدكتور هانى هلال وزير التعليم العالى اصدار الوزارة قراراً بالغاء درجات الرأفة اعتباراً من العام الدراسى 2011- 2012 ، موضحاً ان الرأفة ليس لها وجود فى القانون لكن ينظر اليها باعتبارها عرف.
وانتقد هلال بعض الممارسات الخاطئة التى تأتى من التطبيق الحالى للرأفة حيث انه غير قانونى وضد حقوق الانسان وتكافؤ الفرص.

جاء ذلك فى تصريحات صحفية للوزيرالثلاثاء عقب لقائه بالدكتور بطرس بطرس غالى رئيس المجلس القومى لحقوق الانسان والمستشار مقبل شاكر نائب الرئيس واعضاء المجلس ، بناءاً على دعوة المجلس لهانى هلال لبحث موضوعى درجات الرافة وأزمة طلاب الدبلومة الانجليزية.

واشار هلال ان الجامعات لم تحرم اى طالبة منتقبة من اداء الامتحانات باعتباره حق مهما كان شكل الزى، موضحاً احترام الجامعات لقرار القضاء الادارى بالسماح للطالبات المنتقبات باداء الامتحانات والذى اشترط " ان تكشف وجهها ماذا طلب منها ذلك .. وللوقت الكافى وهو وقت الامتحان " .

ورفض هلال ان ينظر لموضوع النقاب باعتباره تعنتاً ، قائلاً " نحن نحترم اى زى لكن نراعى تكافؤ الفرص .. ونسعى لتحقيق الانضباط وتكافؤ الفرص "، حيث لا يعترض احد اية منتقبة بسبب زيها داخل الجامعة.
وحول ما تردد عن منع طلبة من اداء الامتحانات وفصلهم بجامعة عين شمس، شدد الوزير على انه لا يتدخل فى الشئون الخاصة للجامعات باعتبار ان الجامعة صاحبة السلطة المختصة داخلها، مستطرداً: الوزير لا يتدخل فى الامور التنفيذية للجامعات باعتباره مخالف للقانون.
واشار هلال الى ان دوره طبقاً للقانون يكون بتلقى شكوى من اى طالب متضرر ثم يأمر الجامعة باجراء تحقيق فى الواقعة حيث ان من سلطته المتابعة والمحاسبة، مطالباً من منع من دخول امتحانات التوجه بشكوى اليه.

الشهادة الانجليزية :
وفى سياق متصل ، اكد هلال ان جميع احكام القضاء الادارى الخاصة بالسماح لطلاب الشهادة الانجليزية المعروفة بـ ig وان الوزارة لم تستشكل عليها لكن يحق لنا الطعن فى المضمون، موضحاً قرار وزير التربية والتعليم عام 1999 اشترط مرور الطالب بـ3 سنوات ما بعد التعليم الاساسى بحيث يستوفى 12 عام ما قبل الجامعة ، وبالنسبة للطلاب الشهادات الاجنبية الذين لم يحصلوا سوى على 11 عام ماقبل الجامعة ندموا على عدم تنفيذ نصيحة وزارة التعليم العالى لهم بالالتزام بالتنسيق الحكومى حيث لا يحق لهم التقدم الى مكتب التنسق سوى لمرة واحدة.

حول الحرس الجامعى، شدد وزير التعليم العالى ان جامعة القاهرة بصدد حصر منشاتها الداخلية حتى تتمكن وحدة امن الجامعات من القيام بمهامها بالكامل لحماية الطلاب والمنشأت، حيث اصدر القضاء الادارى حكمه النهائى باخراج الحرس الجامعى التابع لوزارة الداخلية من جامعة القاهرة نهاية عام 2010.

المصدر : الموقع الرسمي - أخبار مصر - اتحاد الإذاعة والتليفزيون 2011 **** في 18 / 1 / 2011

الكابتن هيما
19-01-2011, 03:08 AM
يعنى آخر كلام ان درجات الرأفة مش هتتلغى وشكرا

caio2010
10-02-2011, 01:39 AM
يعنى الدرجات مش هتتغلى بجد ولا اية حد ياكد لنا

eldigetal010
10-02-2011, 03:12 AM
على فكرة يا جماعة الرأفة دى نظام فاشل ويا ريت يتلغى وكل واحد يتعامل على اد تعبة
لأن فية شريحة كبيرة من الطلبة الهدف الاساسى عندها تجيب 7 فى المادة

caio2010
10-02-2011, 02:43 PM
على فكرة يا جماعة الرأفة دى نظام فاشل ويا ريت يتلغى وكل واحد يتعامل على اد تعبة
لأن فية شريحة كبيرة من الطلبة الهدف الاساسى عندها تجيب 7 فى المادة

مع احترام راى حضرتك بس رايك مش صح خالص الدرجات دى بتساعد الطلبة ع النجاح وممكن تكون الدرجات دى و درجة منهم هى سبب نجاح الطالب وانتقالة لمرحلة جديدة من مراحل الكلية وكمان لتعدى مرحلة الكلية خالص ويخلص وينتبة لمستقبلة لذلك للدرجات دى اهمية كبيرة اوووى اما بالنسبة للطلبة اللى كل همهم يجيبوا 7 فاكيد دول عمرهم ما هينجحوا علطول كدة وهيلقوا مشقة ف النجاح
وربنا يوفقك الكل يا رب ويا ريت درجات الرافة تفضل ويستخدمها كل طاب جامعى

lili
13-02-2011, 04:30 AM
ياريت فعلا يكون الكلام دا فعلا وميلغوش درجات الرأفه لان فعلا ف ناس تستحقها ودا اللى بيبقى مذاكر وممكن يكون نسى واللى بيعتمد عليها اعتماد كلى فعلا مبينجحش

naughty cat
15-02-2011, 05:18 PM
طبعا درجات الرأفه مهمه جدا بالنسبه للى بيذاكر وبيجى الامتحان صعب جدا او للطالب اللى توتره بيزيد فى وقت الامتحان وبينسى وبعد مابيطلع من الامتحان بيفتكر كل حاجه وانا مش مع الدجيتال خالص مع احترامى لرأيه واحب اقوله ان مش معنى ان فى بعض الطلبه بيستخدوا درجات الرأفه انهم يعنى هيبقوا احسن منك لو حضرتك متفوق جدا لا هيبقوا عدوا مش تفوقوا وهما لما يخدوا درجات الرأفه مش بيكونوا اخدوا من درجاتك انا بجد نفسى كلنا ننجح وربنا معانا باذن الله مع العلم انى عمرى مااستخدمت درجات الرأفه بس بحب الخير للناس والله قبل مااحبه لنفسى وعارفه ان كل واحد بياخد نصيبه ومحدش هياخد نصيب حد حتى لو احنا كلنا داخلين الامتحان وعارفين فيه ايه.ربنا يوفق الجميع

ياسمين سوسو
06-03-2011, 08:06 PM
يا ريت الدرجات دي تبقة موجودة على طول انا بسببها اتنقلت للفرقة الثانية والحمد لله يا رب يبقة خبر صحيح ويبقة كل الخير لرئيس الجامعة انه يسبها زي ما هي

meslmat
31-03-2011, 12:59 AM
الخلاصة
فيه رأفه والا لا ؟