المساعد الشخصي الرقمي

مشاهدة النسخة كاملة : خطه للمذاكره



1212
27-10-2010, 08:02 PM
عندي فكره اننا نبتدي نفكر من دلوقتي ازاي نذاكر علشان المواد متتراكمش علينا في الاخر
واي حد عنده فكره معينه ازاي نذاكر في الدبلومه يقولها علي طول

لكــــــــــى الله يا مصـــــــــــر
27-10-2010, 08:14 PM
ياااااااااااااااااااااريت بس المشكله مفيش وقت ياريت اللى يقترح افكار يقترح مش لحالته بس
لجميع الحالات الشائعه
يعنى ممكن حد شغااااال
او فى الجيش
او واحد متجوزه
وكدا
ونرجو الاسهامات العديده فى هذا الموضوع لانه بجد متميز واكثر من رائع

بنت من زمن فات
28-10-2010, 11:06 PM
ياجماعة متنسوش ان امتحانات دوور عشرة مخلصتش وبعدين عن تجربة يكفى انك تقرا الموضوع بشكل عام وتتابع المناقشات الى فى المحاضرات وانت كدة تبقى عملت نصف المزاكرة وطبعا تقرا مستخرج عناصر الموضوع

1212
29-10-2010, 12:21 AM
ماهو حضرتك احنا بنحاول نفكر في بعض الاراء عشان نساعد كل الناس اللي ظروفهم متسمحش ليهم بالحضور

وان شاء الله من اول الاسبوع القادم هيكون فيه المام باي حاجه تحصل في المحاضرات اول باول

وفي طريقه انا بفكر اطرحها علي الطلبه عشان كلنا نذاكر بيها ومن اول الاسبوع القادم هقولها لحضارتكوا

el-malek
29-10-2010, 03:20 AM
فكرة جميلة يا دودو

بس غصب عن الطلبة مش هينفع يذاكر إلا علي طريقة الدكتور
بمعني كان عندنا في مادة قانون عقوبات عام لدبلوم الجنائي
اللي كان بيدينا د.عبد الرؤوف مهدي كان بيشرح من اول السنة وبكم كبير جدا والمادة كانت كتابين كتاب واحد منهم كان 1228 صفحة
ولكنه جه في اخر السنة ومحددش من الكتاب ده غير 8 ورقات فقط وبقيت المادة اخدناها من الكتاب التاني

الأفضل انكوا تحاولوا تخلصوا البحث بتاعكوا من دلوقت وتجتهدوا فيه كويس وتبدأوا مذاكرة التحريري ابتداء من شهر فبراير انا وناس كتير كنا بنمشي علي هذا النظام لان البحث له وضعه ومقداره مش مجرد كلام بيتكتب وخلاص وكفاية انه هيتحفظ بإسمك في النهاية كمرجع ليك بالمكتبة

وعلي شهر فبراير يكون علي الاقل جميع الاساتذة أخدوا كم كويس من المادة وحددوا فيها وكمان المذاكرة في الدراسات العليا تختلف عن الليسانس لأنك مش بتلتزم بالكتاب ولكنك تفهم عناصر المادة كويس جدا وتطبعها بأسلوبك في سرد العناصر لانك في الدبلومات بتتعامل كباحث وليس بطالب

بمعني فرضا إن دكتور المادة سارد عناصر موضوع معين في 4 عناصر فقط
ممكن أنت تسردها في 6 أو 3 علي حسب طريقتك في عرض الموضوع وزي مهتلاحظوا إن في بعض الأسئلة في الامتحانات بتيجي يقولك تكلم عن كذا - مستعينا بخطة مناسبة .. أي طريقة عرضك للمعلومة ، فالمذاكرة بالفهم وتوصيل المعلومة السليمة للمصحح في الامتحان مش بالحفظ أبداً .

وأرجو أني أكون افادتكم .. وبالله التوفيق ...... ،،

نجلاء
29-10-2010, 05:47 PM
السلام عليكم ورحمه الله وبركاته
ممكن اسال سوال وارجو الرد سريعا انا لسه هقيد دبلومه قانون عام وعاوزه اعرف هل التاخير ف التقيد فيه ضرر ام لا ؟

الاستاذ
29-10-2010, 05:55 PM
السلام عليكم ورحمه الله وبركاته
ممكن اسال سوال وارجو الرد سريعا انا لسه هقيد دبلومه قانون عام وعاوزه اعرف هل التاخير ف التقيد فيه ضرر ام لا ؟

التقديم مفتوح عادي بس الحضور مهم وخصوصا في قاعه البحث اذا كان في غياب بيتاخد..

el-malek
01-11-2010, 12:28 AM
التقديم مفتوح عادي بس الحضور مهم وخصوصا في قاعه البحث اذا كان في غياب بيتاخد..

الغياب مش بيتحسب إلا من أول تاريخ القيد بالدبلومة وغالبا استاذ المادة بيتساهل ومش بياخد حضور في أول كام شهر للتسجيل
وبيفضل الدكتور إن اللي بيعمل بحث في مادة قاعة البحث بيقوم ويعرض مناقشة الخطة علي زمايله وبياخد ال 5 درجات بتوع الحضور
ومش بيلتزم بالحضور بعد كده عشان الناس اللي وراها أعمال ومبتعرفش تيجي وطبعا بتختلف من دكتور لآخر ومن قسم لآخر

وبالله التوفيق بإذنه ومشيئته .

الاستاذ
01-11-2010, 12:32 AM
الغياب مش بيتحسب إلا من أول تاريخ القيد بالدبلومة وغالبا استاذ المادة بيتساهل ومش بياخد حضور في أول كام شهر للتسجيل
وبيفضل الدكتور إن اللي بيعمل بحث في مادة قاعة البحث بيقوم ويعرض مناقشة الخطة علي زمايله وبياخد ال 5 درجات بتوع الحضور
ومش بيلتزم بالحضور بعد كده عشان الناس اللي وراها أعمال ومبتعرفش تيجي وطبعا بتختلف من دكتور لآخر ومن قسم لآخر

وبالله التوفيق بإذنه ومشيئته .

والله ياباشا مش شرط يعني عندنا في الدراسات القضائيه الحضور مهم جدا وعليه 5 درجات
فهو كل دكتور ليه نظام
وربنا يوفق الجميع..

el-malek
06-11-2010, 10:47 PM
وطبعا بتختلف من دكتور لآخر ومن قسم لآخر



زي عندكوا ده كان قصدي لأن كلامي كان علي العموم لكل الاقسام .

farah noor
14-11-2010, 10:46 PM
اوك هى فكرة برده

shlaw88
03-12-2010, 09:15 PM
سؤال وارجو الرد عليه
انا معايا دبلومة قانون عام اخته9 والحمد لله
وانا محتاره جدا اخد الدبلومه الجايه ايه بجد
انا عايزه حد ينصحنى اى الدبلومات مطلوبه ومجالها اوسع ف الشغل
لانى بحب مواد القانون جدا مش فارقه صعب من سهل
ارجو من حضرتكم ان حد ينصحنى بس بسرعه لانى محتاره جدااااااااااا والله
ولكم جزيل الشكر واسفه انى طولت عليكم
وصلى اللهم على سيدنا محمد وعلى اله وصحبه وسلم

el-malek
03-12-2010, 10:35 PM
سؤال وارجو الرد عليه
انا معايا دبلومة قانون عام اخته9 والحمد لله
وانا محتاره جدا اخد الدبلومه الجايه ايه بجد
انا عايزه حد ينصحنى اى الدبلومات مطلوبه ومجالها اوسع ف الشغل
لانى بحب مواد القانون جدا مش فارقه صعب من سهل
ارجو من حضرتكم ان حد ينصحنى بس بسرعه لانى محتاره جدااااااااااا والله
ولكم جزيل الشكر واسفه انى طولت عليكم
وصلى اللهم على سيدنا محمد وعلى اله وصحبه وسلم

كل الأقسام بالدبلومات ليها درجة علمية واحدة بيحصل عليها الدارس في النهاية وهي " حاصل علي دبلوم في القانون "
وإذا كانت الدبلومة التانية بتبقي " معادلة للماجستير " ، إذن كل الأقسام واحدة وما عليك سوي اختيار القسم الأسهل والاحب ليك في الدراسة كمواد علمية .
ومن ناحية الشغل فمفيش حد بيدقق أنت معاك ماجستير في قسم إيه عشان تتعين أو لا لكنك بتقوله أنا معايا ماجستير في القانون فقط
ومن ناحية طبيعة العمل فالواقع العملي مختلف تماماً عن الواقع الدراسي الأكاديمي .
وبالتوفيق إن شاء الله في الاختيار الأفضل والأسهل لك كدارس .