المساعد الشخصي الرقمي

مشاهدة النسخة كاملة : استفسارات الأعضاء بخصوص دبلوم العلوم الإدارية 2011 / 2012



el-malek
20-10-2010, 01:13 AM
بسم الله الرحمن الرحيم

السلام عليكم ورحمة الله وبركاته



تحية طيبة وبعد ،،



إذا كانت لديك اي استفسارات متعلقة بدبلوم العلوم الإدارية في جميع موادها أو أى طلب ، فضلا اضف رداً على هذا الموضوع وسوف تجد المساعدة من زملائك إن شاء الله .

تمنياتنا للجميع بالنجاح والتوفيق .........

الملكة
25-10-2010, 01:28 AM
لو سمحتوا ياجماعه ياريت لو فيه حد حضر محاضرات امبارح وانهاردة يقولنا ايه اللى حصل ... ومواعيد المحاضرات هتتغير ولا لأ؟

اّيات
25-10-2010, 11:53 AM
لو سمحتوا ياجماعه ياريت لو فيه حد حضر محاضرات امبارح وانهاردة يقولنا ايه اللى حصل ... ومواعيد المحاضرات هتتغير ولا لأ؟

الدكتور شريف اعطى محاضرة بس مبداش شرح لسه اعطى فكرة عن المنهج بس
وقال ان محاضرة يوم الاثنين هتكون مشتركة مع دبلومه القانون العام وهما عندهم الدكتور عبد الروؤف قبلها فبمجرد ما الدكتور عبد الروؤف ينتهى من المحاضرة هناخد معاهم مش هنستنى للساعة 5 ونصف زى الميعاد اللى فى الجدول
اما الدكتور صلاح فوزى فغير ميعاد المحاضرة من يوم الاحد ليوم السبت بعد محاضرة الدكتور شريف مباشرة و الدكتور صلاح اعطى فكرة عن المنهج ومبداش شرح لسه

شيماء سعيد
25-10-2010, 05:45 PM
لو سمحت كنت عوزة اسال عن موضوع الامتحان اية شهر (1)واية شهر(5) وهل فى اخبار عن الكتب هتنزل امتة وهتبقى فين جوة الجامعة ولا برة

الملكة
25-10-2010, 11:34 PM
شكرا ليكى ياايات
ليا سؤال تانى هو الدكتور شريف ساب الميعاد زى ماهو الساعة 4 ولا غيره للساعة 3
وايه اخبار محاضرة انهاردة وكانت الساعة كام بالضبط ؟وايه هو موضوع المنهج؟

اّيات
26-10-2010, 11:42 AM
شكرا ليكى ياايات
ليا سؤال تانى هو الدكتور شريف ساب الميعاد زى ماهو الساعة 4 ولا غيره للساعة 3
وايه اخبار محاضرة انهاردة وكانت الساعة كام بالضبط ؟وايه هو موضوع المنهج؟

اها محاضرة يوم السبت فى ميعادها الساعة 4
محاضرة امبارح هو انا مروحتش بس عرفت ان الدكتور عبد الرؤوف اعتزر عن المحاضرة فى دبلومه العام فالدكتور شريف دخل بدرى واعطى فكره عن المنهج بس مبداش شرح برضوا بس معرفش الساعة كام بالضبط
بس عموما هو ميعاد امبارح مش مقياس لان الدكتور عبد الروؤف هيبدا من الاسبوع الجاى ان شاء الله واحنا محاضرتنا هتكون بعد ما حضرته يخلص وان شاء الله يوم السبت نعرف من الدكتور شريف هتكون امتى بالضبط يوم الاثنين

اّيات
26-10-2010, 11:49 AM
لو سمحت كنت عوزة اسال عن موضوع الامتحان اية شهر (1)واية شهر(5) وهل فى اخبار عن الكتب هتنزل امتة وهتبقى فين جوة الجامعة ولا برة

شيماء هو مفيش امتحان فى شهر 1
هو الامتحان بيكون فى شهر 5 او فى شهر 10
وده بيرجع لرغبه الطالب اللى عاوز يقدم فى 5 او اللى عاوز يقدم فى 10
وبرضوا اللى قدم ودخل امتحان 5 وربنا موفقوش فيه لا قدر الله بيدخل تانى فى 10

بالنسبة للكتب هو الدكتور شريف قال يوم السبت ان فى كتاب نزل وهو فى الكلية فى الدعم الخاص بالدراسات

الملكة
28-10-2010, 11:45 PM
لو سمحتى ياايات ايه اللى حصل فى محاضرات الثلاثاء والاربعاء

1212
29-10-2010, 02:38 PM
لو سمحتى ياايات ايه اللى حصل فى محاضرات الثلاثاء والاربعاء

انا محضرتش عموما الاسبوع ده بس لما سالت ناس اصحابي حضروا قالوا ان مفيش اي حد من الدكاتره شرح
يعني كانوا بيعطوا فكره كده عامه عن المنهج

وان شاء الله من اول الاسبوع القادم انا هكون بحضر كل المحاضرات وهنقلها لحضارتكوا علي المنتدي بصوره تفصيليه عشان اللي مش هيقدر يحضر
واي استفسار تحت امرك

وان شاء الله تكون السنه دي علينا بخير

اّيات
29-10-2010, 10:49 PM
تعديلات جدول دبلومه العلوم الادارية

السبت / الساعة 3
محاضرة الدكتور شريف
يليها مباشرة محاضرة الدكتور صلاح

الاثنين / الساعة 2,30
محاضرة الدكتور شريف

الثلاثاء / الساعة 3
محاضرة الدكتور وليد
واجل سيادته قاعة البحث ليوم الاربعاء

الاربعاء / الساعة 2,30
محاضرة الدكتور وليد وقاعة البحث

mosab51
07-11-2010, 10:38 PM
فين المحاضرات بتاعت الدبلومه يا جماااعه

1212
08-11-2010, 04:27 PM
بجد بعتذر لحضرتك عن عدم كتابه المحاضرات

بس معلش كان عندي( حاله وفاه) ومقدرتش احضر وانقل لحضارتكوا المحاضرات
وان شاء الله في اقرب وقت هتكون المحاضرات موجوده علي المنتدي

تقبل اعتذاري

لكــــــــــى الله يا مصـــــــــــر
09-11-2010, 02:11 PM
بسم الله الرحمن الرحيم
اتوجه باقتراح لحضراتكم ويارب يكون مقبول من وجهة نظركم المحاضرات المشتركه بين دبلومة العام والعلوم الاداريه اللى مش هيلاقيها على احد الدبلومتين ان شاء الله هيلاقيها عالتانى وطبعا لانلقى عبء المحاضرات على مشرف واحد او عضو واحد عشان فى حاجه اسمها ظروف ويارب تكون الفكره كويسه ووصلت لوجهة نظر حضراتكم واخيرا اتوجه الى المستشاره دودو بخالص التعازى والبقاء الله
تقبلوا مرورى

ماهيتاب
10-11-2010, 01:12 PM
بعد ازنكم يا جماعه الي بيحضر من الاول ياريت بس يقول كل دكتور بيدي كتاب ايه عشان انا متلخبطه
وكمان ايه الكتاب الي فيه شفوي وايه التحريري

1212
11-11-2010, 02:40 AM
بصي ياماهيتاب

الدكتور وليد الشناوي بيدرسلنا :كتاب الضبط الاداري _ واجراءات القضاء الاداري_وماده قاعه البحث

والدكتور شريف خاطر (كتاب الوظيفه العامه_والعقود الاداريه
والدكتور صلاح (الاداره المحليه)
والكتب دي نزلت بالفعل ماعدا كتاب الدكتور صلاح

وبالنسبه للشفوي والتحريري

ماده قاعه البحث:الدكتور وليد قال انها هتكون مقسمه الي :خمس درجات علي الحضور والتفاعل في المحاضره_ وخمسه عشر درجه علي هتكون من الدكتور اللي هتعملي البحث تحت اشرافه
وباقي المواد هرد عليكي فيهم الاسبوع اللي بعد العيد

واي استفسار تحت امرك

القاضيه الجريئه
13-11-2010, 11:45 PM
فين ياجماعه المحاضرات بتاعت العلوم الادرايه

يعني اللي كان مسافر يعمل ايه؟

وفين المستشاره دودو وليه عضويتها اتوقفت ياريت حد يرد عليا

لكــــــــــى الله يا مصـــــــــــر
16-11-2010, 08:58 PM
المحاضره المشتركه معانا عندنا على منتدى دبلوم القانون العام

shlaw88
05-12-2010, 09:54 PM
من فضلكم عايزه اعرف هى الكتب كلها نزلت ولا ف كتب لسه ما نزلتش؟
واسعار الكتب الى نزلت كام؟
ضرورى من فضلكم
وصلى اللهم على سيدنا محمد وعلى اغله وصحبه وسلم

number1
08-12-2010, 10:45 AM
لو سمحت كل دكتور وصل لحد فين فى كتابه

number1
09-12-2010, 12:05 PM
لو سمحت ايه الكتب اللى نزلت و فين وايه اسعارها

abognnh
04-01-2011, 02:10 PM
ارجو من الاخوه الاعضاء التفاعل في المنتدي لان انا شايف ان المنتدي مش بيتغير
كل يوم مفيش جديد ارجو المشاركة حتي تعم الفائدة

M.NASER
03-03-2011, 09:41 AM
هو فيه ايه مالكم نايمين كده ليه محدش بيشارك ليه
مكسلين ولا ايه اصحوا معدتش الاشهرين عليه

المستشار محي
06-03-2011, 06:16 AM
هو فيه ايه مالكم نايمين كده ليه محدش بيشارك ليه
مكسلين ولا ايه اصحوا معدتش الاشهرين عليه

حضرتك أكيد شايف حال البلد يعني
مش مكسلين ولا حاجه

number1
12-03-2011, 10:44 PM
لو سمحت حد حضر النهاردة ياريت اى حد حضر يقول ايه اللى حصل و فى بكرة محاضرة ولا لا

M.NASER
13-03-2011, 01:27 AM
لو سمحت حد حضر النهاردة ياريت اى حد حضر يقول ايه اللى حصل و فى بكرة محاضرة ولا لا
ان شاء الله الدراسة مستمرة ومنتظمة فى ميعاها زى ماكانت
كما صرح د/وليد الشناوى بالاتى :
1- كتاب الاجهزة التنظيمية المستقلة فى المجال الاقتصادى عليه 20 درجه تحريرى +20 درجه شفوى .
2- امتحان مادة الاجهزة التنظيمية المستقلة سوف يأتى سوال واحد اجبارى عليه 20 درجه مقــــــــــــــــــــــــــــــــــــــــالى .
3- كتاب دور القضاء المستعجل فى حماية حقوق وحريات الافراد عليه 14 درجه تحريرى و6 درجات من كتاب الالغاء والتعويض الخاص بالفرقه الثالثة .وهو ايضا (الالغاء والتعويض) سوف يكون عليه 20 درجه شفوى .
4- مادة قاعة البحث سوف يعطى الدكتور منها 5 درجات لمن يتجاوب معه فى المحاضرة الخاصة بقاعة البحث ويتبقى 15 درجه على البحث ذاته اثناء الامتحان على البحث فى الشفوى .
وربنا يوفقنا جميعا الى خدمه ديننا وبلدنا الحبيب مصر .

maiada
13-03-2011, 01:45 AM
لو سمحتوا انا دفعة2010 وتقديرى جيد جدا عايزة اعرف ازاى بيختاروا المعيدين وتعيينهم على اى اساس انا عايزة ابقى معيدة بس مش عارفة ازاى ياريت حد يقولى

الاستاذ
13-03-2011, 01:52 AM
لو سمحتوا انا دفعة2010 وتقديرى جيد جدا عايزة اعرف ازاى بيختاروا المعيدين وتعيينهم على اى اساس انا عايزة ابقى معيدة بس مش عارفة ازاى ياريت حد يقولى
هما عينوا الاربعه الاوائل علي الدفعه معيدين.

الطفلة
25-06-2011, 12:47 AM
ممكن اعرف نظام الدبلومات ايه

lord haker
08-08-2011, 03:23 PM
هو سؤال واحد - عمل دبلومه العلوم الاداريه في جامعه المنصوره صعبه ولا سهله يعني في مرونه في التعامل ولا تعنت الدكتره منهجهم سهله ولا صعبه وللي يعرف هل عمل الدبلومه في جامعه طنطا اسهل من المنصوره ولا لا

النمر999
13-08-2011, 06:52 AM
الدبلومات لازم تاخذ اما قانون عام او قانون خاص او الاثنين معا وبعد كدة يبقى فية دبلومة اخرى عشان تبقى ماجيستير
ودرجات كل مادة من عشرين فى التحريرى5 مواد والشفوى 5 مواد والاثنين لهم درجات رفع وهم 4 درجات للعشر مواد
ولازم عشان تترفع فى مادة لازم لايقل درجة المادة عن 11 وممكن تمتحن فى 4 مواد ولو لقدر الله فيه مادة وقعت من ال5 مواد ممكن تتاجل لشهر 10 هى والشفوى لكل المواد ويلزم لدخول الشفوى النجاح فى التحريرى اولا

انا بكرة
20-09-2011, 06:02 PM
السلام عليكم ورحمة الله وبركاته
كل عام وحضراتكم بخير وبتمام العافية
اود معرفة المواد التي تدرس بدبلومة العلوم الإدارية ويا ريت الجدول اول ماينزل لهذا العام 2011/2012
قد اقدم فيها هذا العام
احمد عيد - المحامي
كفر سعد -دمياط

وجيه عقل
13-12-2011, 08:14 PM
السلام عليكم هل فعلا بدأ الدراسة في دبلومة العلوم الادارية لأنني ان شاء الله سأتقدم لالتحاق بالدبلومة من الاسبوع القادم وهل هناك فعلا امتحان في شهر 1. ارجو الافادة وشكرا

المليجى البرنس
21-12-2011, 03:37 AM
مــــــــالك الملوك اذا وهب فلا تسألن عن السبب
اللهم ارزقنا ما فيه الخير لنا

salmشفت
03-10-2012, 10:27 AM
السلام عليكم ورحمة الله وبركاته
انا لى واحد زميلى اعتمد خطة البحث من الاستاذ الدكتور وليد وقد سافر للخارج على حد معلوماتى ووصل الان الاستاذ الدكتور شريف فهل يجوز اعتماد البحث من الدكتور شريف ام ماذا يفعل ارجو الرد لو فى حد عنده معلومة عن هذا السؤال
سؤالى انا انا معايا وظيفة عامة ممكن المهم فيها