المساعد الشخصي الرقمي

مشاهدة النسخة كاملة : استفسارات الأعضاء بخصوص دبلوم القانون الجنائي 2011 / 2012



el-malek
10-10-2010, 08:55 PM
بسم الله الرحمن الرحيم

السلام عليكم ورحمة الله وبركاته



تحية طيبة وبعد ،،



إذا كانت لديك اي استفسارات متعلقة بدبلوم القانون الجنائي في جميع موادها أو أى طلب ، فضلا اضف رداً على هذا الموضوع وسوف تجد المساعدة من زملائك إن شاء الله .

تمنياتنا للجميع بالنجاح والتوفيق .........

ranona....
10-10-2010, 09:53 PM
انا قدمت دبلومة جنائى السنة دى ودى اول مرة اعمل دبلومة وعايزة اعرف هي الدراسة هتبدأ امتى؟؟؟؟؟؟؟؟؟؟؟

الاستاذ
10-10-2010, 09:58 PM
انا قدمت دبلومة جنائى السنة دى ودى اول مرة اعمل دبلومة وعايزة اعرف هي الدراسة هتبدأ امتى؟؟؟؟؟؟؟؟؟؟؟

الدراسه هتبدا يوم السبت الموافق 10/23
وباذن الله الجدول هينزل الاسبوع الجاي واول ما ينزل هيكون علي المنتدي..

ranona....
10-10-2010, 11:49 PM
مادة يحددها مجلس الكلية سنويا بعد أخذ رأى مجالس الأقسام المعنية . ويجوز للمجلس أن يحدد أكثر من مادة يختار الطالب من بينها المادة التي يدرسها.
1- القانون الجنائي الدولي.
2- علم الإجرام.
3- السياسة الجنائية( المادة دى هنختارها قبل ما تبدء الدراسة ولا بعدها؟؟؟؟؟؟؟؟؟؟؟؟؟؟

الاستاذ
11-10-2010, 12:16 AM
مادة يحددها مجلس الكلية سنويا بعد أخذ رأى مجالس الأقسام المعنية . ويجوز للمجلس أن يحدد أكثر من مادة يختار الطالب من بينها المادة التي يدرسها.
1- القانون الجنائي الدولي.
2- علم الإجرام.
3- السياسة الجنائية( المادة دى هنختارها قبل ما تبدء الدراسة ولا بعدها؟؟؟؟؟؟؟؟؟؟؟؟؟؟

مجلس الكليه هو الي بيقرر وبتنزل في الجدول..
يعني الجدول هو الي بيحسم مسأله الماده دي..

ranona....
11-10-2010, 01:01 AM
شكرا اوى بجد

samsoma.n
11-10-2010, 06:33 PM
انا عملت دبلومه فى القانون العام السنه اللى فاتت وحابه اعمل دبلومه فى القانون الجنائى بس عاوزه اعرف هيفيدنى اكتر فى الحياه العمليه لو حبيت اشتغل ولا المفروض اخد دبلومه ايه؟ ارجو الإفاده وكمان امتى موعد التقديم . شكرا

ahmed99
11-10-2010, 10:10 PM
انا عملت دبلومه فى القانون العام السنه اللى فاتت وحابه اعمل دبلومه فى القانون الجنائى بس عاوزه اعرف هيفيدنى اكتر فى الحياه العمليه لو حبيت اشتغل ولا المفروض اخد دبلومه ايه؟ ارجو الإفاده وكمان امتى موعد التقديم . شكرا

انا كمان زيك لسه مخلص دبلوم العام 2009/2010 وانا من فترة وحاسس بميل ناحية دبلوم الجنائي وفي نيتي من السنة اللي فاتت اني ادخل الجنائي السنة دي بس فيه ناس بتقول دبلوم القانون الخاص اصعب دبلومة ومتعمقة اكتر من اي دبلومة تانية والمواد اللي بتدرس في الخاص كويسة ومجال شغلها كويس زي المدني والتجاري ودبلوم الجنائي برضوا مجاال شغلها كويس
فأنا دلوقتي محتار بين الاتنين الجنائي والخاص


اخر موعد للتقديم 30/12

el-malek
12-10-2010, 02:29 AM
انا عملت دبلومه فى القانون العام السنه اللى فاتت وحابه اعمل دبلومه فى القانون الجنائى بس عاوزه اعرف هيفيدنى اكتر فى الحياه العمليه لو حبيت اشتغل ولا المفروض اخد دبلومه ايه؟ ارجو الإفاده وكمان امتى موعد التقديم . شكرا

كل الدبلومات بتفيد في الحياة العملية والأفضل تختار القسم اللي انت حابه كدراسة
وبالنسبة للشغل فالدرجة العلمية لجميع الدبلومات واحدة ومفيش فرق بينهم
اللي يفرق معاك المواد اللي هتدرسها والأفضل تدرس اللي حابه وسهل بالنسبة لك
أما دراسة الأصعب لك فمش هتستفاد بيه لا فايدة في الحياة العملية ولا الدرجة العلمية لانك مش هتنجح فيها بالمقدار
المطلوب طالما انت مش حاببها ... توكل علي الله وسجل في القسم الأسهل لك واللي هتقدر تدي فيه كل طاقتك .
وبالله التوفيق ...،،

samsoma.n
14-10-2010, 10:42 PM
[QUOTE=el-malek;349425][FONT=Arial][SIZE=3][COLOR=darkgreen][B]كل الدبلومات بتفيد في الحياة العملية والأفضل تختار القسم اللي انت حابه كدراسة
وبالنسبة للشغل فالدرجة العلمية لجميع الدبلومات واحدة ومفيش فرق بينهم
اللي يفرق معاك المواد اللي هتدرسها والأفضل تدرس اللي حابه وسهل بالنسبة لك
أما دراسة الأصعب لك فمش هتستفاد بيه لا فايدة في الحياة العملية ولا الدرجة العلمية لانك مش هتنجح فيها بالمقدار
المطلوب طالما انت مش حاببها ... توكل علي الله وسجل في القسم الأسهل لك واللي هتقدر تدي فيه كل طاقتك .
وبالله التوفيق ...،، أشكرك شكرا جزيلا أن شاء الله هتكون جنائى لحبى الشديد للقانون الجنائى اكرر شكرى وتقديرى لسرعه الرد

samsoma.n
14-10-2010, 10:44 PM
انا كمان زيك لسه مخلص دبلوم العام 2009/2010 وانا من فترة وحاسس بميل ناحية دبلوم الجنائي وفي نيتي من السنة اللي فاتت اني ادخل الجنائي السنة دي بس فيه ناس بتقول دبلوم القانون الخاص اصعب دبلومة ومتعمقة اكتر من اي دبلومة تانية والمواد اللي بتدرس في الخاص كويسة ومجال شغلها كويس زي المدني والتجاري ودبلوم الجنائي برضوا مجاال شغلها كويس
فأنا دلوقتي محتار بين الاتنين الجنائي والخاص


اخر موعد للتقديم 30/12 والله اعتقد اننا الأفضل نختار اللى حابينه لأن دا اللى ممكن نتميز فيه مش بالسهوله ولا بالصعوبه انا قررت اعمل دبلومه جنائى إن شاء الله .... شكراَ

samsoma.n
14-10-2010, 10:46 PM
كل الدبلومات بتفيد في الحياة العملية والأفضل تختار القسم اللي انت حابه كدراسة
وبالنسبة للشغل فالدرجة العلمية لجميع الدبلومات واحدة ومفيش فرق بينهم
اللي يفرق معاك المواد اللي هتدرسها والأفضل تدرس اللي حابه وسهل بالنسبة لك
أما دراسة الأصعب لك فمش هتستفاد بيه لا فايدة في الحياة العملية ولا الدرجة العلمية لانك مش هتنجح فيها بالمقدار
المطلوب طالما انت مش حاببها ... توكل علي الله وسجل في القسم الأسهل لك واللي هتقدر تدي فيه كل طاقتك .
وبالله التوفيق ...،، أشكرك جزيل الشكر على النصيحه الغاليه وإن شاء الله هتكون دبلومه جنائى لانى بحب جدا القانون الجنائى ولاقيه نفسى فيه أكرر شكرى لسرعه الرد

محمد الملا
22-10-2010, 12:46 AM
السلام عليكم ورحمة الله وبركاتة
ارجو التفضل بافادتي عن محتوى هذه المادة علماة باني حاصل على ماجستير في القانون الجنائي وارغب بالاستزادة من هذه المادة
ولكم الشكر

بنت الشاطئ
28-10-2010, 12:15 AM
لو سمحتم
الكتب نزلت ولا لا ؟ ولو نزلت ايه اسعارها؟

samsoma.n
30-10-2010, 04:09 PM
ايوة ياريت لو حد يعرف يقولنا الكتب نزلت ولا لا ونزلت فين وإيه اسعارها ؟؟؟؟ وشكرا

el-malek
01-11-2010, 12:19 AM
ايوة ياريت لو حد يعرف يقولنا الكتب نزلت ولا لا ونزلت فين وإيه اسعارها ؟؟؟؟ وشكرا

تقدروا تسألوا الاستاذ محمد أمين الدور التاني مبني إدارة الكلية آخر الطرقة شمال أمام حجرة التصوير ، هو عنده كتب جميع الدبلومات تقدروا تستفسروا منه أي الكتب نزلت وأيها منزلش وأسعارها كام ....

وبالتوفيق إن شاء الله ..... ،،

el-malek
01-11-2010, 12:21 AM
السلام عليكم ورحمة الله وبركاتة
ارجو التفضل بافادتي عن محتوى هذه المادة علماة باني حاصل على ماجستير في القانون الجنائي وارغب بالاستزادة من هذه المادة
ولكم الشكر

أي مادة بالظبط ؟؟ ياريت حضرتك توضح اكتر ...

شعاع النور
01-11-2010, 04:37 AM
كنت عايزة اعرف ميعاد محاضرة الدكتور محمود حسن امتى عشان هى محاضرة مشتركة ما بين الجنائى والشريعة

el-malek
02-11-2010, 02:14 AM
كنت عايزة اعرف ميعاد محاضرة الدكتور محمود حسن امتى عشان هى محاضرة مشتركة ما بين الجنائى والشريعة


يوم الأربعاء الساعة 5 مساءاً - قاعة 15

المصدر : اضغط هنـــــــــــا (http://www.f-law.net/law/showthread.php?44672-%CC%CF%E6%E1-%E3%CD%C7%D6%D1%C7%CA-%CF%C8%E1%E6%E3-%C7%E1%DE%C7%E4%E6%E4-%C7%E1%CC%E4%C7%C6%ED-%E1%DA%C7%E3-2011-2010)

بنت الشاطئ
03-11-2010, 02:14 AM
كتاب قانون الاجراءات الجنائية نزل ب 80 ج

ahmed99
05-11-2010, 11:48 PM
مكتوب في جدول المحاضرات المكان ق 28 او قاعة 15
مكان الحضور فين بالظبط في المبني بتاع الكلية يعني الدور الكام وفي اوله ولا اخره ولا اي حاجه بحيث لما ادخل مبني الكلية اقدر اوصل للمكان
انا هنزل الكلية اول الاسبوع الجاي اقدم دبلوم جنائي ، ياتري فيه اوراق مطلوبة من اللي بيقدموا دبلومة تانية لاني معايا دبلوم العام 2009/2010 والمفروض ورقي عندهم ،،، بس انا بسال لاني مكنتش بحضر عشان الشغل وكمان مكنتش اعرف اعرف حد في الدبلومات غير عن طريق المنتدي دا

el-malek
06-11-2010, 01:20 AM
مكتوب في جدول المحاضرات المكان ق 28 او قاعة 15
مكان الحضور فين بالظبط في المبني بتاع الكلية يعني الدور الكام وفي اوله ولا اخره ولا اي حاجه بحيث لما ادخل مبني الكلية اقدر اوصل للمكان
انا هنزل الكلية اول الاسبوع الجاي اقدم دبلوم جنائي ، ياتري فيه اوراق مطلوبة من اللي بيقدموا دبلومة تانية لاني معايا دبلوم العام 2009/2010 والمفروض ورقي عندهم ،،، بس انا بسال لاني مكنتش بحضر عشان الشغل وكمان مكنتش اعرف اعرف حد في الدبلومات غير عن طريق المنتدي دا

القاعات يا أحمد في مبني إدارة الكلية علي ايدك اليمين وانت داخل من المبني الرئيسي وكل قاعة مكتوب فوق الباب بتاعها رقمها وقاعة 15 في الدور الأرضي أما 28 فتقريبا دي في الدور التاني بص ع القاعات او اسأل أي حد من الأمن اللي واقف في الطرقة وهو هيقولك هي فين .

ولو دي الدبلومة التانية ليك المفروض لما تيجي تستخرج شهادة الدبلومة الأولي بتستلم اوراقك اللي كانت عندهم وتقدمها في الدبلومة التانية وع العموم هات معاك نسخ من الاوراق دي احتياطي وانت رايح تقدم وشوف هما هيقولولك إيه بالنسبة للأوراق التانية عشان انت لو مستخرجتش الشهادة بتاع اول دبلومة ممكن متعرفش تاخدها في وقتها لان مفيش اوراق زيادة عن الاوراق اللي انت قدمتها في أول مرة هي هياها يعني .

وبالله التوفيق .... ،،

ahmed99
09-11-2010, 04:19 PM
انا نزلت الكلية النهاردة وقدمت دبلوم جنائي

وياريت نتفاعل مع بعض شوية ونفيد بعض لان معظمنا بيشتغل واللي ينزل الكلية ويعرف شيء جديد بخصوص دبلوم الجنائي او غياب او كتب او محاضرات يعرفنا وانا برضوا ان شاء الله اليوم اللي مش فيه شغل هنزل الكليه ولو فيه جديد هعرفكوا بيه وياريت دبلوم جنائي بالمنتدي يبقا فيه تفاعل اكتر من كدا شوية لان السنة اللي فات كنت ملاحظ ان القسم هنا نشيط بخصوص دبلوم الجنائي
اخوكم احمد

ranona....
22-11-2010, 12:08 AM
انا عايزة اعرف لما نختار موضوع البحث بتاعنا لازم نعرض علي الدكتور الاول الموضوع ولا نعمل خطة البحث وبعدين نعرضه عليه ؟؟؟؟وهو لازم يبقي موضوع من المواضيع الل اقترحها الدكتور ولا ممكن موضوع من عندنا احنا؟؟؟؟؟

الاستاذ
22-11-2010, 01:39 AM
انا عايزة اعرف لما نختار موضوع البحث بتاعنا لازم نعرض علي الدكتور الاول الموضوع ولا نعمل خطة البحث وبعدين نعرضه عليه ؟؟؟؟وهو لازم يبقي موضوع من المواضيع الل اقترحها الدكتور ولا ممكن موضوع من عندنا احنا؟؟؟؟؟

الترتيب المنطقي لعمل البحث
1- اختيار الماده التي يتم عمل البحث فيها.
2- تحديد الدكتور المشرف.
3- عرض موضوعات علي الدكتور المشرف لحصول علي موافقه.
4- كتابه خطه بحث وعرضها علي الدكتور المشرف.
5- البدء في البحث بعد الموافقه علي الخطه المقدمه.

ahmed99
22-11-2010, 08:10 PM
الجدول بعد التعديل عليه

السبت ( اجراءات جنائية ) د/ محمد عيد الغريب ق28 في الدور الاخير في مبني الكلية الساعه3.30
السبت (قانون عقوبات) د/ احمد شوقي ق28 في الدور الاخير في مبني الكلية الساعه 4.30
الاثنين (السياسة الجنائية) د/ غنام ق15 في الدور الاول في مبني الكلية الساعه3
الثلاثاء ( قاعة بحث+عقوبات خاص) د/ تامر ق15 في الدور الاول في مبني الكلية الساعه 3
الاربعاء (جنائي اسلامي ) محمود محمد حسن (مشتركة جنائي وشريعة )الدور الثاني قاعة د/ ثروت الساعة 2



ياريت اي مشرف ينقل الجدول بعد تعديل المواعيد اللي الموضوع الخاص بجدول دبلوم القانون الجنائي

ranona....
26-11-2010, 05:25 PM
لو سمحتوا انا عايزة اعرف الكتب اللى نزلت لحد دلوقتى واسعارها؟؟؟؟؟؟؟؟؟؟شكرا

ayman saleh
05-12-2010, 01:42 AM
انا درست جنائى من باب انى احصل على الدبلومة وان اخفقت لا قدر الله اكون حصلت على كم هائل من الثروة القانونية اللى بجد هتفدنى جدا فى الحياة العملية غير حبي لتلك الماده وشارحيها

ayman saleh
05-12-2010, 01:45 AM
بالنسبة للكتب فى كتابى الدكتور محمد عيدالغريب على ما اعتقد فى الدعم ب 80 ج وباقى الكتب عند الاستاذ محمد امين فى الدور الاول علو عند مدرج انجلش ب 360 ج وهو مش بيكون موجود الا بعد الساعه الواحده ظهرا

بنت من زمن فات
07-12-2010, 04:47 PM
شكرا للمنتدى الاكتر من رائع الى سندنا طول دراستى بدبلوم القانون العام والسنة دى ان شاء الله انا هنضم لاسرة دبلوم القانون الجنائى اتمنى مزيد من التفاعل وتبادل الخبرات مع خالص شكرى

ahmed99
07-12-2010, 07:28 PM
شكرا للمنتدى الاكتر من رائع الى سندنا طول دراستى بدبلوم القانون العام والسنة دى ان شاء الله انا هنضم لاسرة دبلوم القانون الجنائى اتمنى مزيد من التفاعل وتبادل الخبرات مع خالص شكرى

نورتي بنت من زمن فات ومبروك النجاح
وحتي الدكاترة كانوا مستينكوا تخلصوا ومش عاوزين يخشوا في المنهج بتعمق الا لما دبلوم عام يخلص امتحانات عشان مجموعة كبيرة من العام بتدخل جنائي الا دكتور الجنائي الاسلامي بيقولوا خلص كتير في المنهج
بالنسبة للمواعيد هتلاقيها في موضوع الجدول لانها اتعدلت وكمان يوم الاثنين د/ غنام هيكون الساعه 2ونص بدل من 3

بالنسبة للاهتمام اعتقد والله اعلم اهم مادتين بتكون درجاتهم مش كويسة او امتحاناتهم صعبه هما الجنائي اسلامي والاجراءات ودا لاحظته من نتائج دبلوم الجنائي السنة اللي فاتت


وعاوزين السنة دي ان شاء الله نجيب تقدير عشان سمعت انهم ناويين انه شرط للتقديم للدكتوراه ان تكون احد الدبلوماتين جيد ، عشان لو فكرنا نكمل في يوم من الايام نكون مستعدين لاي تغيير ممكن يحصل هههه

بنت من زمن فات
08-12-2010, 02:30 AM
متشكرة جدا يااحمد وان شاء الله ربنا يوفقنا لان نيتنا الخير للجميع وطبعا متابعة معاكم باذن الله هنا على المنتدى ربنا معانا

المجرفي
12-12-2010, 01:41 PM
شكرا للمنتدى الاكتر من رائع الى سندنا طول دراستى بدبلوم القانون العام والسنة دى ان شاء الله انا هنضم لاسرة دبلوم القانون الجنائى اتمنى مزيد من التفاعل وتبادل الخبرات مع خالص شكرى


وأنا كمان هضم صوتي معاك بنت من زمان فات كنت في دبلوم القانون العام ونجحت والحمد لله وكان منتدى وتواصل مع جروب بتاع دبلوم القانون العام أكثر من رائع وهالدبلوم بنضم لأسرة القانون الجنائ وان شاء الله بتعم الفائدة على الجميع والي عنده معلومات يا ريت ينورنا بيها على طول

ayman saleh
18-12-2010, 03:20 AM
مشكورين بجد على المتابعه

ayman saleh
18-12-2010, 03:22 AM
وأنا كمان هضم صوتي معاك بنت من زمان فات كنت في دبلوم القانون العام ونجحت والحمد لله وكان منتدى وتواصل مع جروب بتاع دبلوم القانون العام أكثر من رائع وهالدبلوم بنضم لأسرة القانون الجنائ وان شاء الله بتعم الفائدة على الجميع والي عنده معلومات يا ريت ينورنا بيها على طول
انا كمان بضم صوتى ليكم انتم الاتنين واشوف المواضيع والمشاركات لانى مش قادر اشارك فى االصمت الرهيب ده

masharey
05-01-2011, 06:19 PM
لو سمحتوا ياجماعة حد يكتب أسماء الكتب الموجودة فى دبلومة الجنائ

وأسعارها بالتفصيل ومكان الكتب**

ياريت حد يرد عليا لو سمحتوا لان أنا من جامعة الزقازيق ومعرفش حاجة ف المنصورة وبعمل دبلومة جنائى فى المنصورة

فرج شلبى
06-01-2011, 04:12 AM
السلام عليكم ورحمة الله وبركاتة
اخيكم فرج شلبى من ليبيا اود من اخوتى الكرام اعطائى نبذة عن كيفية الدراسة مرحلة الدبلوم والماستر وعن كيفية رسوم الدراسة هل بالعملة المصرية او غيرها وكيفية السكن هل هو داخلى وعلى حساب الطالب او الجامعة ام سكن خارجى على حساب الطالب
وجزاكم الله منى الف خير

ahmed99
06-01-2011, 04:09 PM
لو سمحتوا ياجماعة حد يكتب أسماء الكتب الموجودة فى دبلومة الجنائ

وأسعارها بالتفصيل ومكان الكتب**

ياريت حد يرد عليا لو سمحتوا لان أنا من جامعة الزقازيق ومعرفش حاجة ف المنصورة وبعمل دبلومة جنائى فى المنصورة

جميع الكتب في مبني الكليه بالدور الثاني ثمنها 360 الا مادة الاجراءات الجنائية دي موجوده خلف المدرجات في الدعم وسعرها 80
يعني سعر الكتب اجمالي 440 جنية
لما تنزل الكليه روح الدور التاني واسال كتب الدراسات العليا بنتشريها منين هيقولك من كذا بدايه من الساعه 1
ومادة اجراءات اللي في الدعم خلف المدرجات لازم تروح قبل علي الساعة 1 عشان تلحقهم قبل ما يقفلوا وبرضوا تسال هناك اي حد هيقولك مكانها

ناني
07-01-2011, 03:33 PM
لو سمحت ياجماعه ممكن اسال عن باب التقديم في الدبلومه الجنائي لسه مفتوحه ولا قفلت
وياريت لو لسه ارجو الرد سريعا والتفاصيل عشان انا عايزة اقدم فيها باذن الله

el-malek
07-01-2011, 04:57 PM
لو سمحت ياجماعه ممكن اسال عن باب التقديم في الدبلومه الجنائي لسه مفتوحه ولا قفلت
وياريت لو لسه ارجو الرد سريعا والتفاصيل عشان انا عايزة اقدم فيها باذن الله

التقديم اتقفل بجامعة المنصورة يوم 30 ديمسبر 2010
يمكنك التقديم في العام القادم إن شاء الله سبتمبر 2011 .

el-malek
07-01-2011, 05:20 PM
السلام عليكم ورحمة الله وبركاتة
اخيكم فرج شلبى من ليبيا اود من اخوتى الكرام اعطائى نبذة عن كيفية الدراسة مرحلة الدبلوم والماستر وعن كيفية رسوم الدراسة هل بالعملة المصرية او غيرها وكيفية السكن هل هو داخلى وعلى حساب الطالب او الجامعة ام سكن خارجى على حساب الطالب
وجزاكم الله منى الف خير
تعرب الكلية عن بالغ سعادتها لاستقبال الدارسين من أبناء البلدان العربية للدراسة في الكلية في مرحلة الليسانس وكذلك الدراسات العربية لذا تمنح كلية الحقوق - جامعة المنصورة الدرجات العلمية والدبلومات الآتية :

درجة ليسانس الحقوق
دبلوم الدراسات العليا في أحد الفروع الآتية


القانون الخاص
القانون العام
العلوم الاقتصادية و المالية
الشريعة الإسلامية
القانون المقارن
دبلوم القانون الجنائي
القانون الدولي
الدراسات القضائية
دبلوم العلوم الإدارية



درجة الماجستير في الحقوق
درجة الدكتوراه في الحقوق

الرسوم الدراسية

- رسم قيد لأول مرة 1200 جنيه استرلينى
(أو ما يعادلها بالعملات الحرة)
- رسوم سنوية 1000 جنيه استرلينى
(أو ما يعادلها بالعملات الحرة).

الأوراق المطلوبة لدبلومات الدراسات العليا للطلاب الوافدون

- أصل شهادة الليسانس + معادلتها من المجلس الأعلى للجامعات بالقاهرة .
- أصل شهادة الميلاد
- صورة جواز السفر .
- 6 صور شخصية .
- ترسل جميع الأوراق موثقة باسم السيد أ.د/ عميد الكلية عن طريق المستشار الثقافي لسفارة البلد التابع لها بالقاهرة بعد توثيقها .

السكن خارج الجامعة وعلي حساب الطالب ولكن يمكنك التأكد من هذا الأمر بالاتصال علي أرقام التالية .

للاستفسار والتواصل بإدارة الكلية :

- تليفون 2264453/050 - 2259391/050 - 2245803/050
- فاكس 2266879

ranona....
07-01-2011, 09:16 PM
لو سمحتو ياجماعة عايزة اعرف بس الدكتور أحمد ابو خطوة هيبقى موجود بكرة فى المكتب ولا لا انا سألت قالولى ممكن ميجيش انا بس عايزة أتاكد انا روحت كتير قبل كده وملقتوش وانا باجى من دمياط فلو حد يعرف ومتأكد يعرفنى شكرا

بنت الشاطئ
07-01-2011, 11:52 PM
احنا بنشتري الكتب ب440 وغيرنا بيشتريها باقل من 200 ج بجد حرام كدا

ايه الاجراء اللي ممكن يتاخد ناحية المكتبة اللي بتعمل كدا؟؟

el-malek
08-01-2011, 12:00 AM
لو سمحتو ياجماعة عايزة اعرف بس الدكتور أحمد ابو خطوة هيبقى موجود بكرة فى المكتب ولا لا انا سألت قالولى ممكن ميجيش انا بس عايزة أتاكد انا روحت كتير قبل كده وملقتوش وانا باجى من دمياط فلو حد يعرف ومتأكد يعرفنى شكرا

الدكتور أحمد شوقي أبو خطوة متواجد يومي السبت والأحد من كل أسبوع بمكتبه بالدور الثالث من مبني إدارة الكلية
لكن مسألة إنه جاي بكرة أو لا دي تبعه هو .

el-malek
08-01-2011, 12:01 AM
احنا بنشتري الكتب ب440 وغيرنا بيشتريها باقل من 200 ج بجد حرام كدا

ايه الاجراء اللي ممكن يتاخد ناحية المكتبة اللي بتعمل كدا؟؟

مين اللي بيشتريها بأقل من مين وفين دي بالظبط وسعرها الحقيقي كام أصلاً ... ياريت التوضيح عشان أقدر أجاوبك وياريت تحددي أنتي دبلوم إيه ؟؟؟

بنت الشاطئ
08-01-2011, 02:04 AM
انا دبلوم قانون جنائي
وفيه مكتبة ف شارع النخله بتبيع كتب الدبلومات كلها باقل من 200 ج

اسد العرب
08-01-2011, 02:16 AM
انا دبلوم قانون جنائي
وفيه مكتبة ف شارع النخله بتبيع كتب الدبلومات كلها باقل من 200 ج

اعتقد انها كتب مصوره من الكتب الاصلية

بنت الشاطئ
08-01-2011, 03:07 AM
هي مصورة بس مش ف شكل مذكرات دي بالظبط كتب وكمان عاملينها بمستويين من الجودة

el-malek
08-01-2011, 04:11 PM
هي مصورة بس مش ف شكل مذكرات دي بالظبط كتب وكمان عاملينها بمستويين من الجودة


يمكنك التبليغ بذلك لدكتور المادة أو إدارة الكلية ممثلة في وكيل الكلية للدراسات العليا والبحوث
وهما هيتخذوا الإجراء اللازم

masharey
08-01-2011, 08:17 PM
ياريت لو حد بيحضر المحاضرات وخريج جامعة المنصورة ياريت يقولى نظام الدكاترة عاملين ايه؟؟؟
وامتحاناتهم ونظامهم ف الشرح والامتحان والحضور وهل المحاضرات منتظمة والا لا؟؟؟

معلش ياجماعة لان انا خريج جامعة الزقازيق ومعرفش أى شئ ف الكلية ف المنصورة **

ياريت بنت الشاطئ ترد لو بتحضر ع طول أو أى حد بيحضر وعنده اجابة لاسئلتى***

ahmed*saif
09-01-2011, 12:22 AM
احنا بنشتري الكتب ب440 وغيرنا بيشتريها باقل من 200 ج بجد حرام كدا

ايه الاجراء اللي ممكن يتاخد ناحية المكتبة اللي بتعمل كدا؟؟

اية الحرام فى كده وكل واحد وحريتة الشخصية لان فى طلبة مش بتقدر تشترى الكتب من الكلية
فبيصواروها وبعدين الطلبة مش ملزمة انها تشترى الكتب من الكلية

masharey
10-01-2011, 06:09 PM
ياجماعة فى محاضرات شغاله؟؟؟

masharey
10-01-2011, 06:09 PM
ياريت لو ف محاضرات شغالة حد يقول

masharey
10-01-2011, 06:10 PM
ياجماعة الكتب غير بتاعت سنوات دراسة الكلية والا مختلفة؟

masharey
10-01-2011, 06:14 PM
ياريت لو حد من الموجودين ف المنتدى بيحضر وعنده فكرة عن الدكاترة كويس والكلية ياريت نساعد بعض لانى بجد لحد دلوقتى مش عارف حاجة ف جامعة المنصورة والواحد حاسس انه تايه**
يمنع وضع تليفونات شخصية طبقا لقوانين المنتدي .. يمكنك المتابعة من علي صفحات المنتدي أو استخدام الرسائل الخاصة في المساعدة

el-malek
10-01-2011, 07:01 PM
ياجماعة فى محاضرات شغاله؟؟؟

المحاضرات شغالة عادي جداً

masharey
12-01-2011, 11:58 PM
ياجماعة لو سمحتوا عايز أعرف
مكتبة ايه
اللى بتبيع الكتب بتاعت دبلومة الجنائى لانى عايز أشتريها
ياريت الرد للى عارف لانى لسه مشترتش الكتب وعايز اجبهم

masharey
12-01-2011, 11:59 PM
انتوا قلتوا انها فى شارع النخل وأنا روحت هناك وقالوا مفيش مكتبة هنا بتبيع كتب دراسات عليا
ياريت حد يقولى أجيبهم ازاى عن طريقها

ranona....
13-01-2011, 07:50 PM
لو سمحتوا ياجماعة الدكتور أحمد شوقى ابو خطوة هيدينا محاضرة يوم السبت الجاى عادى ولا خلاص مفيش نحاضرات تانى؟

masharey
19-01-2011, 11:30 AM
لو سمحتوا ياجماعة حد من الاعضاء يكتب اسماء الكتب بتاعت الدبلومة وينسقها ** مثلا / الاجراءات كتب كذا وكذا
المرافعات كتب كذا وكذا

السياسة الجنائية كتب مذا وكذا

لو سمحتوا حد يرد ضرورى**

masharey
19-01-2011, 06:01 PM
ايه ياجماعة محدش بيرد ليه على الاستفسار؟؟؟؟

المجرفي
23-01-2011, 11:20 AM
فعلا يا جماعة لو يحضر المحاضرات يبقى يقولنا على المهم

***kapoo***
24-01-2011, 04:37 AM
لو سمحتوا ياجماعة حد من الاعضاء يكتب اسماء الكتب بتاعت الدبلومة وينسقها ** مثلا / الاجراءات كتب كذا وكذا
المرافعات كتب كذا وكذا

السياسة الجنائية كتب مذا وكذا

لو سمحتوا حد يرد ضرورى**
بالنسبه للمكتبه اللى بتبيع الكتب فى هى فى الكليه فى المبنى فى الدور التانى تحت السلم اسئل ع عم محمد بتاع كتب الدراسات العليا وميت واحد هيدلك اما بالنسبه للى قالك ع المكتبه بتاعة النخله فا دى اللى بيتبع الكتب متصوره وانصحك تجيب منها لان الكتب كلها فيها ب100 وحاجه لاكن فى الكليه ب400 وحاجه ومفيش فرق بينهم المكتبه اللى فى النخله اسمها طيبه روح اخر شارع النخله واسئل ....
اما بالنسبه لاسامى المواد فهى كا الاتى ....
1_ التشريع الجنائى الاسلامى .. وده كتاب واحد :دكتور محمود محمد حسن
2_ مادة السياسه الجنائيه .. وتنقسم الى كتابين 1- اجرام وعقاب 2-حقوق انسان فى السجون .: دكتور غنام
3_قانون عقوبات مع التعمق ومقسم الى كتابين 1-قانون عقوبات خاص 2-جرائم التحريض للخطر العام.:دكتور احمد شوقى
4_اجراءات جنائيه وده مقسم ايضا لكتابين 1-الاجراءات الجنائيه 2-النظام العام.:دكتور محمد عيد الغريب
5_قانون عقوبات خاص وده كتاب واحد اسمه الحمايه الجنائيه لسوق الاوراق الماليه . : دكتور تامر صالح
............
وبالتوفيق ان شاء الله للجميع .
اما بالنسبه للمحاضرات فهى شغاله عادى وهيتدوا تانى شرح مش تقلقو اهم اشترو الكتب وخدو فكره عامه عنها .. وبالتوفيق

shitos
29-01-2011, 05:36 AM
السلام عليكم
انا زميلكم شادى دبلومة القانون الجنائى
وكنت عايز اعرف مواعيد د/ تامر صالح
علشان البحث ياريت اللى يعرف يقولى

masharey
24-02-2011, 12:52 AM
متشكر ياصاحبى على الرد
بس ياريت لو المحاضرات شغالة حد يقول والا الدراسة واقفة؟؟؟؟

el-malek
27-02-2011, 08:10 PM
السلام عليكم
انا زميلكم شادى دبلومة القانون الجنائى
وكنت عايز اعرف مواعيد د/ تامر صالح
علشان البحث ياريت اللى يعرف يقولى

مواعيده سبت وتلات من كل أسبوع من 10 ص لحد 1 ظ بمكتبه بالدور الرابع من مبني إدارة الكلية

ranona....
10-03-2011, 02:37 AM
المحاضرات هتبدأ يوم السبت عادى ان شاء الله ولا لسا هتتأجل؟؟؟؟؟؟؟؟

el-malek
10-03-2011, 04:32 AM
المحاضرات هتبدأ يوم السبت عادى ان شاء الله ولا لسا هتتأجل؟؟؟؟؟؟؟؟

الدراسة هتبدأ في جميع الجامعات من يوم السبت 12 مارس 2011 إن شاء الله
ولكل كلية التكيف منهجياً ودراسياً مع طلابها بحسب المواد التي يتم تدريسها من حجمها وقواعد الأسئلة عليها
وذلك مراعاة بالفترة التي تم انتقاصاها من الأحداث التي مرت بها البلاد من تأجيل الدراسة بها
بحسب ما ورد علي لسان رئيس المجلس الأعلي للجامعات .

ranona....
11-03-2011, 11:50 PM
لو سمحتم ياجماعة امتى اخر ميعاد نقدم فيه خطة البحث للدكتور علشان يوافق عليها وياترى هيأخروها شوية علشان كل التاجيلات اللى حصلت انا مخلصاها من زمان اكتر من شهر بس اتأخرت علشان الظروف اللى كانت موجودة وكنت عايزة انزل بكرة بس الطرق وحشة اوى اوى ومفيش أمان خالص وانا بسافر لوحدى هستنى اسبوع كمان لحد ما أطمن شوية وانا خايفة ملحقش اقدم خطة البحث ياريت حد يرد عليا ويطمنى؟

الاستاذ
12-03-2011, 01:50 AM
لو سمحتم ياجماعة امتى اخر ميعاد نقدم فيه خطة البحث للدكتور علشان يوافق عليها وياترى هيأخروها شوية علشان كل التاجيلات اللى حصلت انا مخلصاها من زمان اكتر من شهر بس اتأخرت علشان الظروف اللى كانت موجودة وكنت عايزة انزل بكرة بس الطرق وحشة اوى اوى ومفيش أمان خالص وانا بسافر لوحدى هستنى اسبوع كمان لحد ما أطمن شوية وانا خايفة ملحقش اقدم خطة البحث ياريت حد يرد عليا ويطمنى؟

معاكي لحد اخر 3..

maiada
13-03-2011, 01:48 AM
لو سمحتوا انا دفعة2010 وتقديرى جيد جدا عايزة اعرف ازاى بيختاروا المعيدين وتعيينهم على اى اساس انا عايزة ابقى معيدة بس مش عارفة ازاى ياريت حد يقولى

الاستاذ
13-03-2011, 01:51 AM
لو سمحتوا انا دفعة2010 وتقديرى جيد جدا عايزة اعرف ازاى بيختاروا المعيدين وتعيينهم على اى اساس انا عايزة ابقى معيدة بس مش عارفة ازاى ياريت حد يقولى

هما عينوا الاربعه الاوائل علي الدفعه معيدين.

maiada
13-03-2011, 01:58 AM
يعنى مش هيعينوا تانى خلاص؟؟؟؟؟؟ولو سمحت انا بسمع عن حاجة اسمها تكليف؟؟؟؟؟؟؟؟

masharey
14-03-2011, 12:00 AM
ياستاذة روحى وكيل شئون الطلاب ف الكلية واسألى وشوفى الاستفسارات دى كلها لان هوا اكتر واحد هيفيدك لانه دكتور الكلية ودا شغله
وشوفى ترتيبك ع الدفعة وبعدين لو محصلش نصيب ان شاء الله يكون لكى النصيب الاكبر ف الهيئات القضائية ودى افضل من التدريس بكتير
وحاولى تهتمى لانك معاكى التقدير وده هيساعدك كتير

masharey
14-03-2011, 12:04 AM
ياجماعة عايزين حد يكون بيحضر المحاضرات يقولنا الدكاترة وصلوا لحد فين ف الكتب
والمحاضرات بتبدأ الساعة كام؟؟؟؟؟

الاستاذ
14-03-2011, 12:21 AM
يعنى مش هيعينوا تانى خلاص؟؟؟؟؟؟ولو سمحت انا بسمع عن حاجة اسمها تكليف؟؟؟؟؟؟؟؟

لا خلاص كده
ومعتقدش في حاجه اسمها تكليف في التعين في هيئه التدريس

بس تقدير حضرتك كويس وربنا يكرمك بالتعين في النيابه الادارية.

مشتاقة للجنة
14-03-2011, 12:28 AM
سمعت ان فى امتحان مادة تشريع جنائى اسلامى الدكتور عامله يوم الاربع ده أكيد ولا لا ولازم نحضره ولا ممكن منحضرش وده ميأثرش على درجاتنا اللى يعرف يعرفنا عشان نلحق نذاكر بس بسرعة شكراااااااااااااااااااا اوى

مشتاقة للجنة
14-03-2011, 01:31 AM
ياجماعة عايزين نعرف فى امتحان يوم الأربع ولا لأ ومهم ولالأ بجد انا عايزة اعرف بسرعة عشان نذاكر

ahmed99
14-03-2011, 01:37 AM
ياجماعة عايزين نعرف فى امتحان يوم الأربع ولا لأ ومهم ولالأ بجد انا عايزة اعرف بسرعة عشان نذاكر

الامتحان مش عليه درجات، الدكتور عامله علي اساس نفهم نظامه في وضع الاسئله وطريقة الاجابه علي الاسئله
هل الامتحان مهم؟ في نظري انا ، اها الامتحان مهم و اعتقد هيفيدك في انك تعرفي الدكتور عاوز ايه تحديداً في الاجابة وازاي نجاوب علي الاسئلة بتاعته

el-malek
14-03-2011, 10:59 PM
سمعت ان فى امتحان مادة تشريع جنائى اسلامى الدكتور عامله يوم الاربع ده أكيد ولا لا ولازم نحضره ولا ممكن منحضرش وده ميأثرش على درجاتنا اللى يعرف يعرفنا عشان نلحق نذاكر بس بسرعة شكراااااااااااااااااااا اوى

مالوش علاقة بالدرجات النهائية ... هذا يشابه الامتحان التجريبي لقياس المستوي ومعرفة كيف تأتي الأسئلة
والدكتور متبع هذا النظام كل عام ... يعني يفضل تحضريه ولكنه مش شرط .

drmahmoud.salah
17-03-2011, 04:54 PM
بالنسبة لمادة الاجراءات الجنائية التى بيدرسها دكتور محمد الغريب
انا مش فاهم حاجة فى المادة دى , واة المهم فيها ؟ وهل فى حاجة ملغية؟ ونصوص القانون الفرنسى فيها معانا ولا ملغية ؟؟؟؟؟؟, المادة فيها حشو كتير اوى ومش عارف هل مفترض ان الحشو دا معانا ولا نلغية ولا نعمل اية ؟؟؟؟؟؟؟؟؟؟؟

Karem Mahmoud
19-03-2011, 11:00 PM
انا كنت عايز مساعداتكم
كنت عايز اعرف الدكتور محمد عيد الغريب بيبقى موجود فى الكلية ايام ايه فى الاسبوع
ارجو الرد سريعا

maiada
20-03-2011, 08:26 PM
الدكتور محمد عيد الغريب يبقى موجود يوم السبت والاحد ان شاء الله انا كنت هناك النهاردة وكان موجود

maiada
20-03-2011, 08:32 PM
لو سمحتوا انا عندى مشكلة انا روحت للدكتور احمد شوقى ابو خطوة النهادرة علشان اقدمله الخطة فقالى اعدل فيها وعدلت فيها بس انا خايفة ملحقش اقدمها لو قالى اعدلها تانى لانه بيجى السبت والاحد بس فهل ممكن ان انا اقدم خطة البحث بتاعتى لدكتور تانى بيجى كتير علشان بس الحق يعنى دكتور تانى ممكن يوافقلى على الخطة اللى انا عملاها حتى لو مكنش هو الل اختارلى الموضوع انا بس خايفة لان اخر ميعاد لتقديم الخطة زى ماسمعت اخر 3 ياريت حد يقولى ينفع ولا لا وكمان مواعيد الدكتور غنام ودكتور احمد فاروق زاهر بيبقوا فى مكاتبهم امتى عشان اقدمله الخطة بتاعتى ياريت تردوا عليا بسرعة بس تكونوا متأكدين بجد انا مش عارفة اعمل ايه ياريت تهتموا وتفهمونى اعمل ايه وهلحق ولا لا؟؟؟؟؟؟؟؟

ahmed99
20-03-2011, 11:41 PM
maiada
عدلي الخطة وقديمها الاسبوع الجاي ولعلمك موضوع ميعاد تقديم الخطة سوا شهر 2 او 3 دا ميعاد مش اجباري يعني السنة اللي فاتت كنت بدبلوم عام وناس كانت بتقدم الخطة متأخر جداا عن ميعادها و بتتقبل عادي
انا زيك لسه مش روحت اقدم الخطة ولا مرة عشان مشغول في الشغل شوية

هو الدكتور احمد شوقي بيجي السبت والاحد ، كنت عاوز اعرف بيمضي خطة البحث الساعة كام عشان اروح علي ميعاده لاني هضطر اسيب الشغل واروح امضي الخطة وارجع الشغل تاني


بيمضي الخطة الساعة كام سواا السبت او الاحد؟

drmahmoud.salah
21-03-2011, 02:34 AM
بالنسبة لمادة الاجراءات الجنائية التى بيدرسها دكتور محمد الغريب
انا مش فاهم حاجة فى المادة دى , واة المهم فيها ؟ وهل فى حاجة ملغية؟ ونصوص القانون الفرنسى فيها معانا ولا ملغية ؟؟؟؟؟؟, المادة فيها حشو كتير اوى ومش عارف هل مفترض ان الحشو دا معانا ولا نلغية ولا نعمل اية ؟؟؟؟؟؟؟؟؟؟؟

maiada
21-03-2011, 04:52 AM
هو كان النهاردة موجودة 10ونص وقبل كده كان بيجى 9 وكمان بيبقى موجود من واحدة ونص

يعنى ممكن اروح لدكتور تانى ويوافقلى على الخطة اللى انا عملاها عادى ولا لازم الدكتور اللى قالى عالموضوع

maiada
21-03-2011, 06:30 PM
يعنى ممكن اروح لدكتور تانى ويوافقلى على الخطة اللى انا عملاها عادى ولا لازم الدكتور اللى قالى عالموضوع يعنى اروح بالخطة لأى دكتور ممكن يوافق عليها مش هيقولى حاجة؟؟؟؟؟؟؟؟؟؟؟؟؟؟؟؟؟؟؟؟

el-malek
21-03-2011, 09:21 PM
يعنى ممكن اروح لدكتور تانى ويوافقلى على الخطة اللى انا عملاها عادى ولا لازم الدكتور اللى قالى عالموضوع يعنى اروح بالخطة لأى دكتور ممكن يوافق عليها مش هيقولى حاجة؟؟؟؟؟؟؟؟؟؟؟؟؟؟؟؟؟؟؟؟

تقدري تمضي الخطة من اي دكتور ترتاحي معاه سواء ع المستوي الشخصي أو بالنسبة لمواعيده في الكلية
ولكن بشرط متقوليش انا كنت ماضية مع فلان وسيبته .. اعرضيها علي اي حد يعجبك وكانها لأول مرة
وطالما انتي مودعتيش الخطة في إدارة الدراسات العليا يبقي عادي تقدري تغيري براحتك بس أهم حاجة تنجزي في الوقت
وتحددي موقفك مين هيشرف ع البحث بتاعك .

samsoma.n
04-04-2011, 12:14 AM
السلام عليكم
انا كنت عاوزه اعرف موعد الأمتحان انا سمعت انه إتأجل لو حد يعرف ممكن يفيدنى ...وشكرا

beautygirl
12-04-2011, 01:23 AM
انا سالت النهاردة استاذ احمد عيسى وقال انها هتكون يوم 11/6 واخرنا نخلص فى اخر 6

samsoma.n
13-04-2011, 12:11 AM
السلام عليكم ورحمه الله وبركاته إلى كل زملائى الأعزاء تم انشاء صفحه على الفيس بوك تتعلق بطلبه دبلوم القانون الجنائى وحدهم ياريت اى حد يحب يشارك يتفضل على الرابط ده http://www.facebook.com/#!/pages/%D8%AF%D8%A8%D9%84%D9%88%D9%85-%D8%A7%D9%84%D9%82%D8%A7%D9%86%D9%88%D9%86-%D8%A7%D9%84%D8%AC%D9%86%D8%A7%D8%A6%D9%89-%D9%83%D9%84%D9%8A%D9%87-%D8%A7%D9%84%D8%AD%D9%82%D9%88%D9%82-%D8%AC%D8%A7%D9%85%D8%B9%D9%87-%D8%A7%D9%84%D9%85%D9%86%D8%B5%D9%88%D8%B1%D9%87/100326813389750

samsoma.n
13-04-2011, 12:14 AM
السلام عليكم ورحمه الله وبركاته إلى كل زملائى الأعزاء تم انشاء صفحه على الفيس بوك تتعلق بطلبه دبلوم القانون الجنائى وحدهم ياريت اى حد يحب يشارك يتفضل على الرابط دهhttp://www.facebook.com/#!/pages/%D8...00326813389750 (http://www.facebook.com/#%21/pages/%D8%AF%D8%A8%D9%84%D9%88%D9%85-%D8%A7%D9%84%D9%82%D8%A7%D9%86%D9%88%D9%86-%D8%A7%D9%84%D8%AC%D9%86%D8%A7%D8%A6%D9%89-%D9%83%D9%84%D9%8A%D9%87-%D8%A7%D9%84%D8%AD%D9%82%D9%88%D9%82-%D8%AC%D8%A7%D9%85%D8%B9%D9%87-%D8%A7%D9%84%D9%85%D9%86%D8%B5%D9%8)

maiada
26-04-2011, 11:22 PM
لو سمحتوا انا عايزة اعرف امتى النيابة الادارية دفعة 2010 هيبتدى التقديم فيها

ranona....
18-05-2011, 07:48 AM
ياريت ياجماعة حد يكون متأكد من الملغى والمقرر علينا فى كتاب قانون العقوبات الخاص لدكتور احمد شوقى لا بجد محدش عارف ولا متأكد من الملغى والمقرر فى الكتاب ده بالذات ياريت حد يفيدنا ضرورى علشان نلحق نذاكر

judgee
18-05-2011, 02:19 PM
السلام عليكم
انا كنت عاوزه اعرف موعد الأمتحان انا سمعت انه إتأجل لو حد يعرف ممكن يفيدنى ...وشكرا

موعد امتحان تحريرى ولا ايه وبتاع مين ؟؟؟؟؟؟؟؟؟

ahmed99
18-05-2011, 04:15 PM
تم اضافة المهم والملغي في مواد الدبلومة والمقرر تحريري او شفوي ، في المواضيع الخاصة بكل مادة
وشكرررا

احمد عيسي
20-07-2011, 01:25 AM
عايز اعرف التقديم لدبلومه القانون الجنائي امته وشهاده القيد بتطلع بعد اد ايه

mostafa10
30-07-2011, 04:03 AM
الى طلاب دبلوم القانون الجنائى السلام عليكم ورحمة الله وبركاته
اخوكم مصطفى باحث فى مرحلة الدكتوراه كلية الحقوق جامعة القاهرة
الى كل من يجعله الله سببا فى مساعدتى فى رساله الدكتوراه حيث ان موضوعى يتعلق بالسياسة الجنائية فمن يستطيع مساعدتى وفقه الله ومن لم يستطيع فيرشدنى الى من يقدر على ذلك وفقنا الله جمعيا
بسم الله الرحمن الرحيم
" وتعاونوا على البر والتقوى "
صدق الله العظيم

ولكم جزيل الشكر والاحترام
مصطفى

احمد عيسي
20-09-2011, 04:56 PM
ممكن طلب
باب القيد بالدبلومات اتفتح ولا لسه
لو اتفتح هيتفتح لحد امته
شكرا

judgee
10-11-2011, 03:05 PM
السلام عليكم ورحمه الله وبركاته
جدول شفوى دور اكتوبر لدبلوم القانون الجنائى نزل ولا لسه ى جماعه
ياريت الى يعرف اى حاجه يطمنا
وشكرااااا

اميرة ن
10-11-2011, 04:24 PM
ياجماهة ياريت اللى معاه جدول الشفوى يقوله او يقول هينزل امتى

اميرة ن
14-11-2011, 07:54 PM
احتمال الجدول ينزل الاسبوع ده

Ahmed Elamsry
16-12-2011, 06:33 AM
السلام عليكم
ممكن حد يقولي اسامي الكتب اللي نزلت واماكن بيع الكتب

حماقي
16-12-2011, 10:13 PM
السلام عليكم
ممكن حد يقولي اسامي الكتب اللي نزلت واماكن بيع الكتب
التشريع الجنائي الاسلامي للدكتور محمود حسن سعره 50جنيه
حقوق الانسان في السجون للدكتور غنام سعره 70 جنية وناقص كتاب لس منزلش داخل ضمن هذا المبلغ
المركذ القانوني لحائز المنقول المتحصل من جرائم الاموال للدكتور عبدالعظيم وزير سعره 45 جنية
هذه الكتب موجودة في منفذ بيع الكتب بجوار مدرج عبدالعزيز الشافعي
كتاب النظام العام في الاجراءات الجنائية للدكتور عيد الغريب سعر هذان الكتاب80 جنية
ومبادئ الاجراءات الجنائية للدكتور عيد الغريب
هذان الكتابان موجودان في الدعم الخاص بشعة التعليم المفتوح

المليجى البرنس
21-12-2011, 03:34 AM
شكرا ع مجهودكم الرائع

eme_2009
26-12-2011, 07:57 PM
يا جماعة هو فى محاضرات يوم الاربع ولا لسه فى امتحانات

dif
02-01-2012, 10:37 PM
انا مش عارف تقسيمات المواد وايه الي اقدر اختاره والفرق بين الدبلومه والماجستير والمواد الي اختار الدبلومه منها . ويارب نور طريق الى يساعدني

احمد على العشرى
27-04-2012, 11:51 PM
السلام عليكم
ممكن الاجابة على القضية دى ؟
تقدم (أ) الى النيابة العامة بشكوى يتهم فيها (ب) بسه فتولت النيابة التحقيق فى هذه الواقعة . واثناء ذلك قام (أ) برفع دعوى مباشرة ضد (ب) امام محمكة الجنح مطالبا فيها بتعويضه عما لحقه من اضرار مادية ومعنوية نتيجية جريمة السب ذاتها فقضت المحكمة بعدم قبول هذه الدعوى فهل اصابت المحكمة ام اخطات ؟ وماهو الاجراء الصحيح الذى كان على المضرور من تلك الجريمة ان يقوم به على فرض ان الحكم الصادر من المحكمة صحيح

joseph99
10-05-2012, 06:59 PM
حد يعرف عن موضوع البحث اللى هايتعمل فى دبلومة الجنائى ارجو الرد

لكــــــــــى الله يا مصـــــــــــر
11-05-2012, 02:03 AM
حد يعرف عن موضوع البحث اللى هايتعمل فى دبلومة الجنائى ارجو الرد
تقصد ايه حضرتك البحث ام الورقه البحثيه ؟؟؟
اولا لو كنت حضرتك تقصد البحث فدا حضرتك بتختار الموضوع وبتعرضه على دكتور الماده اللى انت عايز او حبب تعمل معاه .... وبعدين هيقولك اعمل خطه للبحث واعرضها عليا فى المكتب .. وبعد كدا بيوافق عالخطه ان شاء الله .. وعليه بتقوم بتجميع الماده العلميه للبحث.
ثانيا اما لو حضرتك تقصد الورقه البحثيه فدى بتبقى مكونه من حوالى خمس ورقات وبتعملها فى اى موضوع بتختاره انت دون الرجوع للدكتور اللى طلبها( اللهم الا اذا طلب موضوع معين او عدة مواضيع من طلاب الدبلومه عموما ودا محصلش معانا السنادى فى دبلومتنا واللى حصل انه قال اعملوه فى اى موضوع تختاروه )
ارجو ان اكون اجبت اجابه شبه شافيه على سؤال حضرتك
تحيااااااااااااااتى
ويارب وفقنا للخير والنجاح

eme_2009
15-05-2012, 12:35 AM
يا جماعة لو سمحتوا عاوزة اعرف هو انا ممكن ااجل امتحاناتى لشهر 10 ولا مش هينفع ياريت اللى يعرف يرد عليا

لكــــــــــى الله يا مصـــــــــــر
15-05-2012, 01:18 AM
يا جماعة لو سمحتوا عاوزة اعرف هو انا ممكن ااجل امتحاناتى لشهر 10 ولا مش هينفع ياريت اللى يعرف يرد عليا
ايوه حضرتك ممكن ...
بس نصيحة من أخ ادخلى دور مايو كتجربه حتى لو مذاكرتيش
ويارب بالتوفيق لينا جمييييعا

eme_2009
15-05-2012, 01:26 AM
هو دور اكتوبر بيكون اصعب ولا ايه

لكــــــــــى الله يا مصـــــــــــر
15-05-2012, 02:30 AM
هو دور اكتوبر بيكون اصعب ولا ايه
بصراحه ايون ... واسالى حضرتك اللى كان معانا فى العام السنه اللى فاتت

لكــــــــــى الله يا مصـــــــــــر
15-05-2012, 02:34 AM
وبعدين اللى ليه نصيب فى حاجه ربنا بيكرمه فيه وبيوفقه
وربنا مش بيضيع تعب حد
بالتوفيق لينا كلنا
يااااااااارب

almohamy
22-09-2012, 11:43 PM
[QUOTE=el-malek;348966]

بسم الله الرحمن الرحيم

السلام عليكم ورحمة الله وبركاته



تحية طيبة وبعد ،،



اسأل الله العلي العظيم ان يوفق اعضاء المنتدي الي ما فية الخير

تمنياتنا للجميع بالنجاح والتوفيق .........

بنت الشاطئ
13-11-2013, 03:30 PM
برجاء الافاده

انا كنت دبلوم قانون جنائي 2010 ومكملتوش ومعرفتش نتيجتي لحد النهارده وفقدت الكارنيه ، ممكن اوصل لنتيجتي اون لاين دلوقتي ولالا ؟ وهل انا لسه مقيده هناك ولا كدا خلاص واعيدها من الاول تاني؟