المساعد الشخصي الرقمي

مشاهدة النسخة كاملة : خاص بدفعتنا *دفعه 2010*



المستشار محي
19-05-2010, 07:26 PM
طبعا ياشباب
انا بكتب الموضوع ده وان كان هو مخالف لقانون منتدي الشعبه العامه
الا اني كتبته حتي يكون هذا الموضوع زكري جميله لكل دفعه 2010 الي هو احنا في الكليه
طبعا باخر محاضره لدكتور طلعت امبارح دي تعتبر اخر محاضره في حياتنا العلميه انا بتكلم علي اغلب الدفعه لان في ناس مش هتاخد الدبلومه
تعتبر محاضره دكتور طلعت دي اخر محاضره لينا في حياتنا
وخلاص انا اعتقد ان في ناس معايا في الكليه ممكن معدتش اشوفهم تاني الا بعد فتره كبيره كصدفه
انا عاوز الموضوع ده كل واحد في سنه رابعه يكتب كلمه كده بحيث يبقي الموضوع ده يكون عامل زي المفكره الي بتجمع كل زكرياتنا
فكل واحد ياريت ياشباب سنه رابعه يكتب كلمه كده من عنده يوصف فيها اربع سنين من عمره قداها في الكليه
نهايه كلامي ياريت لو انا حد زعلان مني من حاجه او موقف سواء في الكليه او هنا علي المنتدي ياريت ميزعلش او حد تاني زعلان من حد من الدفعه ياريت برده ميزعلش منه ويصالحو بعض لان لازم واحنا بنسيب الكليه الي خلاص هيربطنا بيها 5 ايام كمان
يوم امتحان السكشن واربعه ايام الامتحنات ياريت واحنا بنسيب الكليه ميكونش حد زعلان من التاني
اسف بجد اني طولت عليكم

yoya
19-05-2010, 09:23 PM
فكره روعه جدا يا احمد
واتمنى مش تتحذف
اربع سنين عدو كانهم يوم فاكره اول يوم فى الجامعه كانه امبارح
بس عرفت ناس كتير ناس كويسين والى مش كويسين اتعلمت منهم
فعلا كانت احلى مرحله فى حياتى
عرفت اخوات كتير وياريت مش يبقى فى حد زعلان منى
وبتمنى فعلا اقدر اقابل اصحابى تانى بعد الدراسه كتير
بس هييبقى صعب بس هحاول اقدر اعمل ده ولو يبقى باتفاق
واسفه للتطويل واتمنى كل طالب فى دفعتنا يدخل يكتب كلمه

((بحبكم كلكم يا احلى اخوات عرفتهم))

دعاء@
19-05-2010, 09:51 PM
السلام عليكم فكرة جميلة جداااااااااا يامحي وكفاية ان كل واحد زعلان من حد يتصالح معاه ونفتكر بعض بكل خيررررررر و علي فكرة امبارح بعد محاضرة الدكتور طلعت كنا كلنا زعلنين ان الايام عددت بسرعة ومش حسينا بيها خالص وفعلا ايم عمرها ما هتتنسي واكتر حاجة زعلتني ان في ناس رغم ان مافيش كلام بيني وبينهم الا اني زعلانه علي فراقهم وربنا يكملنا الايام الباقية علي خير يارب وانا عندي طلب اخيرررر وهوا اقتراح في نفس الوقت : ياريت لو حد يقترح انه يعمل حاجة تجمعنا مع بعض وصفحة تكون خاصة بينا بحيث ان كلنا نشارك فيها ونعرف اخبار بعض ولو حد محتاج مساعدة او استفسار ونكون ديما مع بعض في الخير وايد واحدة حتي بعد ما نتخرج رجاء منك ان توافقو علي اقتراحي

احمد يسرى
19-05-2010, 10:21 PM
من السهل ان تنقلب الصداقة الى حب ولكن من الصعب ان ينقلب الحب الى صداقة انا مريت بالنسبة لى خمس سنوات من اجمل ايام حياتى اتذكر مش اول يوم فى الدراسة لا من قبل ذالك ومدى الرعب والخوف اللى جوايا من جامعة المنصورة وصعوبتها وبالذات كلية الحقوق ولكن كان دافع وتحدى بالنسبة لى ان اتحدى كل هذة الاقاويل والادعائات على الكلية واول يوم فى هذة الكلية الجميل بدئة الرهبة والخوف يروح وبدئت اكون صدقات ومن خلالها عشت احلى واجمل ايام حياتى مع اصدقائى وتحولت الصداقة الى حب ليس حب بين ولد وبينت لالا كان حب من اجل الحب معنى الحب نفسة وكل يوم يعيدى عليا فى هذة الكلية كائنها وردة تقطف من بستااااااااااااااااااااان كبير اسمها جامعة المنصورة ومش هطول عليكم ولكن انا جوايا كلام كتير قوى احب اقول لكل الناس ولكل زوملائى اللى اعرفهم واللى حتى عشت معاهم على المنتدى بجد هتوحشونى واتمنى كل التوفيق لكل اصدقائى وزملائى بالنجاح الدائم فى حياتهم العملية واشوف كل واحد فيهم محامى ناجح او وكيل نيابة او مستشار محترم وفى نهاية كلامى رجاء تقبلو سلامى

لولا احمد
19-05-2010, 10:26 PM
العمر سنين والسنين شهور والشهور ايام والايام دقايق بتفوت وبتموت بولاده دقيقه جديده العمر لحظه واللحظه بتنتهى وبتتنسى ومع اخر ايام بودع كليتى سلاااااااااااااااااااااااااااااااااااااااااااااااا اااااام يااحلى كليه واجمد شباب واجمل منتدى ان ضاقت بيك الدنيا فلا تنظر للامام فقد يحبطك الانتظار ولكن انظر للخلف ماذا حققت وكيف عدى عمرك

حبيبة
19-05-2010, 10:38 PM
انا مش مصدقة ان خلاص كلها أيام ونتخرج ونبدأ حياة جديدة
وإلي مزعلني اووووووووي اني معتش هشوف صحابي لان اغلبهم مش هيعملوا دبلومة وكان لقائنا الوحيد في الكلية
انا عرفت ناس كتييييير اوي والكويس فيهم كان قليل اووووي اوووي بس انا سعيدة بمعرفتهم
ويارب أفضل أنا وأصدقائي إلي بجد مع بعض علي عطول
وكمان المنتدي عرفت من خلاله بعض الشخصيات كان من حسن حظي اني عرفتهم وبقينا اصدقاء
اتمني ان الي اتعرفت عليهم في الكلية او خلال المنتدي ميزعلوش مني لاي سبب
اسفه طولت عليكوا
بس بجد انا بحب الكلية بتاعتنا اووووووووووووي وبحب منتدانا وسعيدة جدا اني عضو فيه وسعيده بالاربع سنين الي فاتو بكل مافيهم ويارب يوفق الجميع ويكون الي جاي احسن ان شاء الله....

supernova
19-05-2010, 10:44 PM
طبعا ياشباب
انا بكتب الموضوع ده وان كان هو مخالف لقانون منتدي الشعبه العامه
الا اني كتبته حتي يكون هذا الموضوع زكري جميله لكل دفعه 2010 الي هو احنا في الكليه
طبعا باخر محاضره لدكتور طلعت امبارح دي تعتبر اخر محاضره في حياتنا العلميه انا بتكلم علي اغلب الدفعه لان في ناس مش هتاخد الدبلومه
تعتبر محاضره دكتور طلعت دي اخر محاضره لينا في حياتنا
وخلاص انا اعتقد ان في ناس معايا في الكليه ممكن معدتش اشوفهم تاني الا بعد فتره كبيره كصدفه
انا عاوز الموضوع ده كل واحد في سنه رابعه يكتب كلمه كده بحيث يبقي الموضوع ده يكون عامل زي المفكره الي بتجمع كل زكرياتنا
فكل واحد ياريت ياشباب سنه رابعه يكتب كلمه كده من عنده يوصف فيها اربع سنين من عمره قداها في الكليه
نهايه كلامي ياريت لو انا حد زعلان مني من حاجه او موقف سواء في الكليه او هنا علي المنتدي ياريت ميزعلش او حد تاني زعلان من حد من الدفعه ياريت برده ميزعلش منه ويصالحو بعض لان لازم واحنا بنسيب الكليه الي خلاص هيربطنا بيها 5 ايام كمان
يوم امتحان السكشن واربعه ايام الامتحنات ياريت واحنا بنسيب الكليه ميكونش حد زعلان من التاني
اسف بجد اني طولت عليكم













فكرة ممتازة فعلا يا محى
نسيب ذكرى حلوة نفتكر بعض بيها فى كل مكان وفى اى وقت
فى احلى ايام عشناها معا فى كلية جميلة وتعلمنا فيها الكثير والكثير لحياتنا القادمة
التى ننتقل اليها بعد رحلة استمرت خمسة عشر عاما بالنسبة لى على الاقل وقد تكون اكثر لغيرى من الاخوة الزملاء والاصدقاء الذين عرفهم فى طوال رحلتى العملية ارجو ان كنت زعلت حد منى سواء كان يعرفنى شخصيا او بالاسم فقط . مرت الايام وعدت السنين وجاءت اللحظة الاخيرة فى حياتنا العلمية
مع كل الحب والاحترام والتقدير لكل الزملاء والاصدقاء ولاسرة المنتدى الذين لم اعش معهم سوى وقت قصير


مع تحياتى super nova او محمد ثروت المنزلاوى
جامعة المنصورة 19/5/2010

4za
19-05-2010, 10:52 PM
كل سنه وانتوا طيبين وانا عايز اشكر القائمين على المنتدي واقولهم ان انتوا من اسباب نجاحي في الكليه دي ..,
بعد ربنا طبعا وكام سبب كده

فرحة 2011
19-05-2010, 11:26 PM
اولا بشكرك يااحمد على الفكره دى بس فعلا من اجمل الايام ايام الجامعه واجمل ما فيها الاصدقاء اللى اتعرفت عليهم انا عرفت اعز صحباتى فيها وكنا مع بعض اربع سنين من اجمل سنين عمرى وكمان عرفت فيها شخصيه يمكن كان وقتى قصير معاها بس من اجمل واندر الشخصيات اللى ممكن اقابلها فى حياتى ويمكن دول سبب اكبر حزنى على انى مش هبقى معاهم زى ما كنا الاول فى الجامعه واتعرفت على ناس كتير فيها بعزهم جدا وما بينا كل احترام ويارب يدوم ما بينا ولكل مشرفى المنتدى اللى بجد المنتدى بيهم كان جميل بتعاونهم وخوفهم على بعض ويمكن مهما اتكلمت مش هقدر اوصف ايام الجامعه بس لو انا زعلت حد منى اعرفه او معرفوش ميزعلش منى ويارب دايما نفتكر بعضينا بالخير وبالنسبه لاقتراحك يادعاء فااحمد سيف عامل جروب للجامعه الكل يشترك فيه ونكون دايما سوا ونطمن على بعض وف الاخر يارب يوفقنا كلنا ويحقق لكل واحد فينا اللى تمناه
امضاء/شيماء احمد "فرحه قلبى"

تمر حنه
19-05-2010, 11:50 PM
فكره حلوه كتير فعلا ايام الجامعه عمرها ماتتعوض انا يمكن مش كونت صداقات كتير خلال الاربع سنين بس انا عندى اصحاب قليلين بعتز بيهم جدا وبتمنى انى افضل على اتصال بيهم طول عمرى ولو فى يوم زعلت حد بتمنى انه يسامحنى , يمكن انا مش قدرت افيد المنتدى بحاجه لانى بقالى سنه تقريبا مش بنزل الجامعه بس مش اقدر انكر فضل كل شخص كتب معلومه على المنتدى لانى فعلا استفدت منه كتير وانتوا ساعدتونى كتير انا بشكركم كلكم وبتمنالكم كل الخير وجزاكم الله خيرا

basma2009
20-05-2010, 12:07 AM
بجد كانت فترة حلوة واحلى مافغيها هى الاصدقاء وان احنا نتجمع كدة مع بعض يارب كل واحد يكون موفق فى حياتة انشاء الله وياريت تقولى الجروب بتاع الجامعة دة فين علشان نتواصل فية مع بعض

ahmed*saif
20-05-2010, 12:56 AM
اولا / بشكرك يااحمد على الموضوع الجميل ده جدا وفعلا الكلام من الزملة طالع من القلب
لدرجة الواحد حزين جدا واحب افكرك بحاجة حصلت منك اول مسجلت على المنتدى ده
انت قمت بأعطائى مخالفة مش متزكر على اية وكانت المخالفة دية نقطة جميلة لى على
المنتدى يكفى انى اتعرفت عليك شخصيا ياحمد وانا سعيد بجد انى اتعرفت عليك
وبحمد ربنا انى بجد اتعرفت على شخصيات
جميلة جدا على المنتدى ده بصراحة يتقال عليهم اخوات واصدقاء لولا المنتدى بالفعل مش كنت اتعرف عليهم بالفعل حسيت معاهم ان احنا اسرة واحده كلام كثير بجد هيحتاج كتب علشان اقدر اعبر بية
وبخصوص الكلية بجد القلب يحزن والعين تدمع على فراق اصدقاء واصحاب فى اصدقاء عرفتهم وقت قصير لكن حسيت انى اعرفهم العمر كله وشلة ومدرج وبنش ودكتور بتحضرلة المحاضرة ومواظبة على محاضرات وحاجات كثيرة هنفتقدها ونروح لحياة ثانية ان شاء الله هتكون اجمل مع التفائل لان هذه سنة الحياة
وان شاء الله مش اخر الدنيا صحيح هنفتقد حاجات كثيرة ان شاء الله هنعمل الدبلومة ونشوف الحياة الى بعد كده منتظر لينا اية فيها
واخرن وليس نهايتا احب اوجة كلمة شكر للفرقة الرابعة كلها الذى اعرفة والذى لااعرفة وبدعوا لى ولكم ربنا يوفقنا جميعا فى كل شئ ومفيش احد يزعل منى لوكنت ضايقة احد او زعلتة
وشكرا

ميونا
20-05-2010, 01:33 AM
السلام عليكم فكره جميله يامحي انا عشت اجمل سنين عمري في الكليه ولو العمر يرجع بيا تاني هختار نفس الكليه ونفس الصحاب اجمل واحلي ناس عرفتهم واتمني نكون دايما فكرين بعض بالخير وعلقتنا متنتهيش علي كدا

ماهيتاب
20-05-2010, 02:26 AM
دمعت لما كنا في اخر محاضره وشايفه الكل عمال يتصور صور للذكرى
افتكرت اول يوم ليا في الكليه واول محاضره حضرتها كانت لدكتور صقر
مش قادره اصدق اني خلاص في اليسانس وكلها اسابيع واتخرج
كانت احلى اربع سنين في حياتي بجد
اتعلمت فيهم حجات كتير واستفدت حجات اكتر
واكتسبت اصدقاء كتير بقوا اكتر من اخواتي
وفي المنتدى هنا انا بشكر كل الزملاء ع المجهود الجبار الي قامو بيه في نقل المحاضرات والاسئله والروح الجميله الي عمري في حياتي ما شفتها الا هنا
الكل عايز يساعد التاني والكل عايز يفيد التاني من غير انانيه وكل ده بحب واخلاص
ياريت يا جماعه كل الي بجد حب الايام الي عدت دي واستمتع بيها يكمل معانا دراسات عليا وياريت العلاقات ما تتقطعش لحد اربع سنين وبس
في الاخر بالتمنى التوفيق للجميع وحياه سعيده للكل باذن الله

الوداع مؤقتا لاحلى كليه في الدنيا

روتانا خالد الريس

كابتن_مصر
20-05-2010, 04:11 AM
فكره حلوه كتير وياريت الكل يشارك

kemooo
20-05-2010, 09:31 AM
السلا م عليكم فى ألأول احب اشكرك كل الأساتذة الذين شرفت انهم درسوا لي وأخص بالذكر الأستاذ الدكتور احمد شوقى ابو خطوة والدكتور نصر ابو الفتوح لأن من خلاهم عرفت ان القانون ليس كلام مكتوب فى كتب وبس وانما هو واقع عملى ملموس يقدر اى انسان انه يشوفه بعينيه.
ثانياانا يمكن اول ما دخلت الكلية مكنتش مهتم على لأن بصراحه مش هى دى الكليه الى كنت نفسى ادخلها وقلت اهى كليه وخلاص ولكن مع مرور الوقت بدأت احب الكليه لشعورى انها تهدف الى شئ وبدأت نظرتى للكلية تتغير من طالب بيفكر ينجح وخلا ص الى طالب عايز يوصل للتقدير ويبحث فى كل شئ يخص القانون فاذا كان هناك لعنة الفراعنة فهناك لعنة عشق كلية الحقوق جامعة المنصورة. ثالثا احب اشكر كل من حالفنى الحظ وتعرفت عليه واشكر كل زملائى واصدقائى على احلى ايام العمر الى مش ممكن تتنسى وهتفضل علامه فى حياتى اشكر القائمين على المنتدى الرائع والأفضل على الأطلاق لأنهم مثال للذين ينكرون ذاتهم ويغلبوا المصلحة العامة على مصلحتهم الخاصة. فى النهايه انا اسف انى طولت واتمنى للجميع النجاح والتوفيق وان ينال كل انسان مايتمناه بعد التخرج باذن الله. والسلام ختام

احمدلطفى عبد الحى
20-05-2010, 11:12 AM
السلام عليكم ده موضوع جميل يا استاذ احمد لاننا قعدنا مع بعض سنين كويسة واتمنى يكون فيه تواصل فى المستقبل ان شاء الله ومن خلال موضوعك ده احب ارسل تحياتى لكل طلبة الفرقة الرابعة واتمنى لهم التوفيق جميعا فى الامتحانات ومابعد التخرج ان شاء الله ومن خلال الموضوع ده احب اشكر كل مشرفين المنتدى هما كانوا وقفونى مرة بس الناس دى عملت حاجات لاينكرها الا حاقد واشكر بالاخص البريتور واحمد سيف وحماقى ومحى وقاضى الحق واسف لو كنت نسيت اى حد منهم لان الناس دى جميلها ان شاء الله هيكون فى رقبتى

ندى الرشيدى
20-05-2010, 11:45 AM
السلام عليكم
انا قصتى مختلفة شوية وان كنت دخلت الكلية دى مش عن حب ولكن بصراحة عن مجموع اضطرنى ادخل الكلية دى لكن استفدت من الكلية فى حياتى العلمية والعملية
وعلى الرغم من انى قعدت قيها 7 سنين ألا ان الكلية كانت السبب فى انى لا أتوقف عند حد معين ولكن أتطلع ألى أبعد من المكان اللى أنا واقفة فيه لأنى كنت مصابة بأحباط بسبب عدم نجاحى فى الكلية فبدأت أبحث عن مجال أخر بحبه وهو صيانة الكمبيوتر وانا فعلا خلال السبع سنين دول دخلت معهد كمبيوتر وتعلمت صيانة أجهزة الكمبيوتر وهذا كله بجانب دراستى لكلية الحقوق وكمان بعد ما اتخرجت من المعهد وكنت التانية على دفعتى فى المعهد اشتغلت فى نفس المعهد مسئولة عن صيانة أجهزة المعهد وكنت سعيدة انى حققت ذاتى وقدرت الاقى نفسى فى مجال بحبه ومع هذا كله انا لسه مرتبطة بالكلية وبأصدقائى سواء اللى فى الدفعات السابقة او فى الحالية
شكرا ليكم كلكم وعلى المجهود الكبير اللى بتعملوه
وانا بجد بحبكم كلكم لأننا أحنا كلنا أخوت

mshmsh
20-05-2010, 12:24 PM
بجد كانت اصعب لحظه فى ايام الجامعه كلها لحظه ما دكتور طلعت خلص المحاضره وبيها انهى معاها حياتنا الجامعيه كلها وان كان لسه باقى فيها ايام معدوده

بجد اجمل ايام عشتها فى حياتى بحلوها وبمرها


وكفايه ان الواحد اتعلم منها حاجات كتير اوى وعرف ناس كتير اوى وكمان فى ناس فارقونى من اول سنه وناس كملت معايا مشوار الاربع سنين وقابلت ناس وان شاء الله يشاركونى باقى حياتى

وفى النهايه انا بشكر كل لحظه جميله عرفتنى على ناس اجمل فى كليتى الجميله كليه الحقوق

reem_19
20-05-2010, 12:30 PM
الموضوع صعب جدا بس الى يهون شويه ان لسه فى ايام هنشوف فيها كل الناس الى اتعرفنا عليهم وحبناهم وكانت احلى ايام حياتى وخصوصا الفرقه التالته والرابعه وان شاء الله ربنا يوفقنا فى ايام الجايه ومع احلى الناس الى عرفناهم ويوفقنا جميعا فى الحياه العمليه

a_s_239@y.c
20-05-2010, 12:37 PM
فى البدايه برحب بالفكره الكويسه دى وعدد المعجبين بيها زادو عن المتوقع بكتير ........... وبالنسبه للكليه انا بحمد ربنا كتير انى دخلت كليه الحقوق ويرجع الفضل لكليه الحقوق انها علمتنى كتير وعملت منى شخصيه وعقليه جميله جدا اعتقد كانت شخصيتى هاتختلف كتير لو كنت فى كليه تانيه ....... والحق يقال انى عرفت اصدقاء فى الكليه كويسين جدا جدا لا يقارنو بالاصدقاء السابقين وتستحق الدموع ان تفارف عينايا اذا ما فارقت انا هؤلاء الاصدقاء .......وبتمنى التوفيق لكل خريجى كليه الحقوق جامعه المنصوره خاصه دفعه 2010

adel_hosin2001
20-05-2010, 12:40 PM
فكرة حلوة يامحى:
أن مش هقدر أقول ولا أتكلم ولا أكتب لإن أنا بجد حزين إن الأيام عدت بعد إما إتعودنا على بعض ولكن هى دى سنة الحياة ، وأتمنى من الله أن يوفق الجميع ،
دى حكاية حصلتى إما نزلت فى يوم غير يومنا مكنتش عارف أى حد فى الجامعة نهائى إلا عدد قليل يتعد على الإيد اليمين (ههه)فحسيت إن أنا وحيد فى الكلية فهى حكاية صعبة علينا بسبب فرقنا للكية . فياريت إن إحنا نتكلم ومننساش بعض وإلى عايز ينسانا هو حر ........
أما عن المنتدى أنا هكمل وهكمل لإن أنا حسيت ببيتى التانى وأنا على المنتدى .
فياري وفقنا وخلينا ديما فكرين بعض .........معلش مطولتش عليكم...ههههه

كابتن_مصر
20-05-2010, 01:12 PM
هى دى سنة الحياة

الالفي
20-05-2010, 05:24 PM
اما عني فقد فر الدمع مني وكان هذه المحاضره هي الاخيره في حياتي وكان عندما انتهي الدكتور من المحاضره
فقد انتابني شعور غريب لم اكن استطيع اتلفظ باي كلمه وانما ظللت جالسا مكاني انظر الي الجميع حولي انه الفراق
الاصعب في حياتي في مكان هو الاغلي علي في عمري كانما حكم علي بالاعدام وهذه هي النظره الاخيره في عمري
اتدرون لماذا كل هذا لاني اعلم جيدا قد لا اري اصدقائي الي الابد لاني ان شاء الله ساسافر واترك اصدقائي واحبائي
ويالها من لحظه صعبه جدا والله بكيت وانا اقرا كلامكم
ولكني اوعدكم ان نظل علي تواصل مع بعضنا البعض
ولكن يبقي ان نرد الشكر الي اهله الي كل شخص عمل في هذا اللمكان لا يبتغي الا الخير للجميع
واوعدكم باني ساقوم بانزال اغنيه لنا هديه مني للفرقه الرابعه وخريجين 2010
وهي شباب حقوق 2010 لفوق لفوق 2010
ولكن ستكون ان شاء الله في الاجازه وعذرا علي الاطاله وتحيه الي كل اخوتي في هذه الفرقه الجميله
امضاء/
محمد عبد الرازق الالفي

semooooo
20-05-2010, 06:48 PM
الشيء المثير للسخرية ان اغلب الردود كانت ردود حب ووود وتهاني وتفاؤل من الطلبة وتغزل في كلية الحقوق لكن اكيد انتو بتتكلمو بلسان اقلية نسبة ضئيلة جدا لا تتعدي ال10 في الميه من طلبة حقوق ولكم من تجربة شخصية انا كنت علمي علوم بمجموع 97 في الميه سنه تانيه ومجموع كلي 92 في الميه وطبعا معملتش بيها حاجه وبالرغم من اني كنت علمي علوم الا اني كنت بحب دراسة الحقوق وحلمي اني كنت اطلع وكيل نيابة وتطبيق العدل بمعناه الحرفي ولكن مع اصرار الوالد اني حرام اضيع مجموعي في كلية بتاخد من السبيعنات في الميه دخلت سياحه وفنادق اسكندرية مجبر وتعثرت فيها لاني محبتش الدراسه واضايقت زي اي انسان يحس انه مجبر علي شيء وفي النهاية حولت لكلية حقوق بعد مضيعت 4 سنين من عمري في كلية سياحه وبعد مرور 4 سنين في حقوق عدو الحمد لله بتوفيق من الله سبحانه وتعالي اقولها كلمة حق
ياريتني مدخلتها وسمعت كلام ابويا بجد الكلية دي وجدت فيها تعليم يزكرني بمسلسل ( اليس في بلاد العجائب) كنت بشوفه وانا صغير كلية لا يوجد فيها اي مقياس ولاول مره احس كاني زاكرت زي مزاكرتش
عن تجربه شخصيه ماده المرافعات اللي خلاص هعملها اغنيه وانزلها علي مزيكا دخلت الامتحان وحليت وخرجت وعارف حلي وبقول الحمد لله حد يسالني اقول ان شاء الله تقدير 18 او 19 واكرر عارف حليت ايه اتفاجيء يوم النتيجه اني جبت 2 من عشرين ويالسخرية القدر الماده اللي كنت بزاكرها لانها اساس وعماد في الكلية وبقول ابقي اعمل فيها الدبلومه اجيب فيها 2 من عشرين ومن هذا اليوم اتغيرت نظرتي تماما وانا شديد الخجل انني انتمي لهذه الكلية
اقولها كلمة حق وشكرا

شوكت سمير
20-05-2010, 06:57 PM
بجد انتا مش عارف اقول اية الاربع سنين دول عدو مش عارف اوصف شعورى اية بقول عدو وهما عدو كانهم اربع سنين ولحظو انى قولت عدو
معلش على الكلام الى انا مش عارف اساسا معناة اية بجد دول كانو اجمل اربع سنين
ويكفى انى اتعرف على المنتدى الجميل دة بكل ما فية من اعضاء واستفت منو
وكانت حكمتى طول الربع سنين دول
مش عارف بس اكيد كان ليا حكمة
ربنا يوفقنا جميعا
سلام
كلمنى شكراا سلفنى شكرا اشحنلى شكراا ادفعلى شكرا حولى شكرا

الشامى
20-05-2010, 07:34 PM
الله على أجمل فكرةطرحها أجمل شاب فى حقوق ياريت ياشباب بجد نترك ذكرى حلوة وننسى الزعل والخصام اللى كان بيناوبين اخواتنا فى الكليةوهطلب حاجة كمان ياريت ننفذها وهى الوفاء بالوعد ياريت أى حد وعد اى واحد بحاجة ينفذ وعده وأخيرا اتمنى حياة موفقة ان شاء الله لكل الدفعة

magic2
20-05-2010, 10:41 PM
موضوع جميل جدا يا محى بس انا هحجز مشاركة فقط لكن مش هقول شعورى ولا رايى فى الكليه غير بعد الامتحنات ان شاء الله لان احتمال كبير رايى دلوقتى يتغير عن رايى بعد الامتحنات .
بالتوفيق للجميع

محـــــــــــــــــــــ صغنونه ــــــــــاميه
21-05-2010, 01:47 PM
السلام عليكم ورحمة الله وبركاته....اولا انا عايزه اشكركو على الفكره الهايله دي
ثانيا عايز اشكر كل فرد ساهم باي معلومه او اي مساعده في المنتدى وبجد كل الشكر والتقدير للمشرفين والقائمين على المنتدى اللي انا عن نفسي بتواصل مع الكليه من خلاله لاني مش بروح ولولا المنتدى مكنش التواصل ده موجود فالحمدلله انه موجود.....ااما عن الاربع سنين اللي فاتو من عمرنا هوا فبجد بجد انا مش عارفه فاتو ازاي وامتى مع اني كنت نفسي يفوتو باي شكل ومازلت يعني هههههه..على فكره كنت علمي علوم وكان مجموعي محير شويه هو فوق التمانين وكان في كليات كتير قدامي بس معرفش ازاي وليه اخترت كلية الحقوق جامعة المنصوره وكتبتها رغبه اولى والله العظيم وكان اللي ساعدني في اختياري هو ابويا_ ربنا يباركلنا في والدينا ويفرحهم بينا_ ولما رحت الكليه كانت حياه جديده ومنكرش اني تعبت في الاول لكن مع الوقت خدت عليها وقدرت اكمل .....منكرش كمان ان كان نفسي احقق تقدير عالي وكان املي اني اكون حاجه فعلا بس ربنا ما ارادش ومش تقصير مني لكن بحمد ربنا بردو هو اعلم ومش ندمانه ابدا على اختياري لكلية الحقوق جامعة المنصوره لان بجد مش شايفه نفسي كان ممكن اكون في غيرها حتى لو كانت كلية الطب اللي اي حد بيتمناها (( وكفايه اني عرفت فيها اعز الناس عليا وده فضل من الله عز وجل))...معلش طولت عليكو هههههه.....ربنا يوفقنا جميعا ويكرمنا ونبدا حياه عمليه موفقه باذن الله...

احمد الشوربجي
21-05-2010, 06:39 PM
السلام عليكم ورحمه الله وبركاته مرحبا بكم اخواتي في الفرقه الرابعه بصراحه احلي 4 سنين في حياتي وشوفت دكاترة واخدت منها قضوة ليا واتعلمت منهم كتير واتعرفت علي ناس كتيرة جداااا ويارب ما ينسونا وكلهم الحمد لله كويسيين وبدعي لطلاب الكليه بالنجاح والتفوق ونصيحه للطلاب الجدد خلي دايما عندكم حافز كبير ومش تيأس بالكلام اللي مش ليه لازمه دي كليه صعبه وكدا بالعكس هيا كليه حلوة جدااا حبها ويارب يوفقكم واشكر اسرة المنتدي كلها ويارب ما يكون حد زعلان مني من اسرة المنتدي او زملاء الدراسه لانكم اخواتي بجد واتعلمت منكم كتير ويارب يوفقنا في حياتنا القادمه ونسمع اخبار حلوة لينا كلنا ان شاء الله كلمه صغيرة واخيرة بحبكم كلكم بجد

لا تنسي ذكر الله
21-05-2010, 08:14 PM
بعد كل الكلام اللى اتقال حقيقى مش لاقيه حاجة اقولها ؛انا دخلت الكلية مش مجموع لكن ايمانا منى ورضاء انه قدرى الذى سيرنى الله اليه ويسرى لى فيه مؤمنه بقوله\ من رضى بقدرى اعطيته على قدرى \000 فاكرمنى الله بابتلائى باصدقاء احبطونى وحاولوا يهدوا من عزيمتى لكن سرعان ما عوضنى الله فى السنة الثالثة والرابعة باصدقاء حقيقيون احمدالله عليهم ؛ ولكن على قدر ما تمنيت انى انهى دراستى على قدر حزنى بفراقهم ؛ولايفوتنى ان اذكر اصدقاء المنتدى الذين وواللاتى لم ارهم ولكن لمست فيهم روح التعاون والحب والايثار معلنين شعار الله فى عون العبد ما كان فى عون اخيه اشكرهم جميعا وامنيتى ان يوفقنا الله لما يحب ويرضى

ISLAM_ELASAL
21-05-2010, 08:40 PM
بسم الله الرحمن الرحيم
انا بقى كلامى قليل قوى بقولكم أصدقائى وزمايل الكلية أستودعكم الله وأراكم فى المحاكم واكيد لو قدامى أكيد أكيد هتخسروا طبعا واشوفكم بقى فى امتحان التخلف بتاع الفقه ومننك لله ياللى ظلمتنى انتوا عارفين طبعا هو مين وحسبى الله ونعم الوكيل هاخد شهادتى دور تانى للأسف
مع السلامة أخواتى وأخواتى
باى باى

اّيات
21-05-2010, 10:59 PM
اولا احب اشكر المستشار محى على الموضوع الجميل ده
اما بالنسبة للكلية فبجد احلى ايام عشتها كانت سنين الكلية
واحلى اصحاب واخلصهم اللى عرفتهم فيها واللى بدعى ربنا اننا نكون مع بعض طول العمر ومننساش بعض ابدا
اما المنتدى فاحب اشكر كل عضو كان بيساعد زملائة وبجد كان المنتدى فيه روح جميلة ربنا يديمها حتى بعد التخرج وكلنا نحاول على قد مانقدر ندخل ونسال على بعض
وفى الاخر بتمنى لينا كلنا مستقبل موفق وحياة سعيدة وكل واحد ربنا يوفقه فى اللى بيحلم بيه
واحب اقول لاى حد اكون زعلته يسامحنى ويارب محدش يفتكرلى غير الخير

تحكيم2009
22-05-2010, 03:10 AM
بسم الله الرحمن الرحيم

من فضلكم ألأقوا نظرة على كلامى

أنا فى الحقيقه عاوز أٌقول الحمد لله ، لأن الكليه دى كانت فى يوم من الايام بالنسبالى حلم بعيد المنال ، لانى بإختصار مادخلتهاش من الثانوى دا أنا داخلها من معهد - معهد فنى تجارى شعبة علوم قانونيه - يعنى كنت قبل الكليه بسنتين بذاكر مذاكرة الكليه ، يعنى انا دلوقتى بقالى ست سنوات فى التعليم العالى ، المهم انى تعبت جدا والحمد لله بعد ما كانت كلية الحقوق أحد أحلام حياتى فأنا أنهاردة بخلصها أهو ، ومش عارف الحقيقه يعنى أعيط ولا أفرح .

فالوضع الطبيعى أن لكل شئ نهاية ، زى ما ابتدينا الكليه لازم نخلصها ، وزى ما أتوجدنا فى الدنيا لازم بردوا نخلصها ، بس عاوزكم تفتكروا ديما ، أن الحق والعدل والعلم ، هما الهدف ديما لرجل القانون .

وكمان عاوزكم تعرفوا ان رجال القانون هما اللى على أساسهم بتبنى دول وأنظمه ، وبتتقدم أمم ، وينتصر المظلوم ، وأن كل كلمه أتعلمناها فى كتاب أو سمعناها من أساتذتنا ممكن فى يوم من الايام تكون سبب فى إرجاع حق مسلوب ، أو تفريج عن قلب مقروب .

وفى النهايه لابد أن تكون قويا

تحكيم2009
22-05-2010, 03:11 AM
بسم الله الرحمن الرحيم

* كلمة باقية فى ضمير الانسان *

أنا فى الحقيقه عاوز أٌقول الحمد لله ، لأن الكليه دى كانت فى يوم من الايام بالنسبالى حلم بعيد المنال ، لانى بإختصار مادخلتهاش من الثانوى دا أنا داخلها من معهد - معهد فنى تجارى شعبة علوم قانونيه - يعنى كنت قبل الكليه بسنتين بذاكر مذاكرة الكليه ، يعنى انا دلوقتى بقالى ست سنوات فى التعليم العالى ، المهم انى تعبت جدا والحمد لله بعد ما كانت كلية الحقوق أحد أحلام حياتى فأنا أنهاردة بخلصها أهو ، ومش عارف الحقيقه يعنى أعيط ولا أفرح .

فالوضع الطبيعى أن لكل شئ نهاية ، زى ما ابتدينا الكليه لازم نخلصها ، وزى ما أتوجدنا فى الدنيا لازم بردوا نخلصها ، بس عاوزكم تفتكروا ديما ، أن الحق والعدل والعلم ، هما الهدف ديما لرجل القانون .

وكمان عاوزكم تعرفوا ان رجال القانون هما اللى على أساسهم بتبنى دول وأنظمه ، وبتتقدم أمم ، وينتصر المظلوم ، وأن كل كلمه أتعلمناها فى كتاب أو سمعناها من أساتذتنا ممكن فى يوم من الايام تكون سبب فى إرجاع حق مسلوب ، أو تفريج عن قلب مقروب .

وفى النهايه لابد أن تكون قويا

chiclets
22-05-2010, 08:24 AM
انا بشكر كل المنتدى وخاصة المستشار محى لمجهوده الاكثر من رائع وكل من ساهم فى المنتدى باقل معلومة بقوله ميرسى جدا ليك ومن علمنى حرفا صرت له عبدا والمنتدى علمنى كتير اوى وده طبعا بمجهودكم كلكم وبدون مجاملة فى المنتدى ده كان فى ترابط بينا وكل واحد فينا بيكمل التانى ويارب تخلصوا على كل خير وتبقى نتيجة الترم التانى كويسة وكله ينجح يارب واشوفكم على خير ان شاء الله ونسمع عن بعض اخبار حلوة امين

judgee
22-05-2010, 02:43 PM
*السلام عليكم ورحمه الله وبركاته*
ازيكوا يا شباب يارب الكل يكون بخير وتمام ومتفائل كده عشان الامتحانات
(بعد التحيه , طبعا يا احمد الموضوع من غير كلام ممتاز جدا بجد انتا من يومك متميز, ربنا يوفقك دايما يارب وتحقق كل الى بتتمناه)

*اما بالنسبه لاربع سنين الكليه فهما بجد بجد عدوا بسرعه جدا من غير ما الواحد يحس بيهم ولو رجع بذكرياته ورا كده للحظه
كانه لسه داخل الكليه هيفتكر مواقف وحاجات جميله جدا... وع الرغم من ان الاربع سنين عدوا طياره كده الا انى اتعلمت فيهم حاجات كتير جدا جدا بصراحه و واستفدت حاجات جميله كتير وعرفت ناس اجمل ,, و ع الرغم من ان الواحد تعب كتير وبالذات ايام
الامتحانات زما انتو عارفين الا انه والحمد لله ربنا مش بيضيع تعب حد... عرفت ناس جميله من جوا مش من برا بس ومنهم طبعا احمد محى الى
غالى عندى جدااا مش كلام والله يا احمد ويمكن انتا متاكد من كده ا.. اقول ايه تانى؟؟؟ مش عارف,,, احلى ايام قضيتها بجد كانت ف الكليه حبيت احلى واصدق حب وانا ف الكليه يعنى الاربع سنين بالنسبه ليا كانوا حياه جميله جدا,,, وانا من هنا بقول ياريت لو اى
حد زعلان منى يسامحنى ع اى حاجه عملتها بس اكيد مكنش قصدى انى ااذى حد لان اى حد بعرفه بعتبره زى اخ ليا تمام,, واخيرا ربنا يوفقنا كلنا وخلاص كلها اياااااااااام وهيبقى من الصعب بالنسبه للبعض فينا انه يقابل بعض اصحاب ليه .الدنيا بقه.
وشدوا حيلكو كده عشان الامتحانات *

دينا الباز
22-05-2010, 05:51 PM
تم تأجيل صدور رأييى لحين الانتهاء من الامتحانات وظهور نتيجة الترم الثانى ان شاء الله

ايه عمرو
23-05-2010, 12:55 AM
ميرسى خالص يا نونا بس مش فى حد زعل منك اصلا ويارب الفكره تنجح ونبقى الدفعه الدايمه

توينكى
23-05-2010, 12:36 PM
السلام عليكم...:lovel:
شكرا يامحى على فكرة الموضوع دة بجد هاتسيب ذكرى حلوة عندنا كلنا
انا واحدة من الناس اللى عاشوا ايام حلوة كتييير فى جامعتنا مع اصدقائى وزمايلى .....اكيد عشنا ايام صعبة برضة بس الحمد لله لما بيكون معاك ناس كويسة بيكون كل شئى بيهون ..انا كنت بحس ان الجامعة دى عالم خاص للطلبة اللى عايشين فيها بعيد عن الحياة براها وليها زكريات كتير عندنا كلنا .... واكيد زكرياتنا مع المنتدى ماتتنسيش وازاى كل الناس هنا ساعدونا وتعبوا معانا كتير ولو خصينا ناس بالشكر هانظلم ناس تعبوا فانا بشكر كل المشرفين ولاعضاء اللى كان هدفهم مساعدة زمايلهم وربنا يجازيهم خير انشاء لله.....واتمنى من لله انه يكون نهاية الزكريات دى حلوة وختامها مسك بنجاحنا كلنا ان شاء لله ويوفق الجميع فى الحياة الجديدة برة عالم الجامعة .....
وربنا يوفق الجميع ونشوفكم فى لامتحانات باذن لله
:s22::m20(28):

ELHOUT
24-05-2010, 06:00 AM
انا من اجمل مافى الكلية هو انك تجد صديق يدلك على نفسك و
نسيب ذكرى حلوة نفتكر بعض بيها فى كل مكان وفى اى وقت
فى احلى ايام عشناها معا فى كلية جميلة وتعلمنا فيها الكثير والكثير لحياتنا القادمة

شاهين
24-05-2010, 07:13 AM
السلام عليكم جميعاااااااااااااااااااا

انا بقالى فتره طويلة بدخل المنتدى زائر فقط
لما قريت الموضوع ده حقيقى اثر فيا كلام المستشار محى ال معرفش هو اسمه ايه
سمعت احمد لكن معرفش اسمه ايه هقول المستشار محى ال اعرفه
الموضوع خلانى اتذكر لما دخلت الجامعه من تمن سنين
محدش يستغرب مكنتش طالب فاشل ولا حاجه
بس ظروف الحمد لله وكمان مش اكبر واحد فى الدفعه يعنى
نحمد الله على كل شئ
المهم
انى بصراحه من ساعه ما دخلت المنتدى ده
وانا بستفاد كل الاستفادة وخصوصا بسبب ظروفى التى تمنعنى من الحضور للكليه
لانى منتسب
وحبيت اتقدم بكل الشكر للمستشار محى وحماقى ويويو واحمد سيف وفرحة قلبى وكل الناس عشان ما انساش حد
حقيقى كانوا خير مثال للناس المحترمه ال عرفتهم كالقاب على المنتدى ولكن تصرفاتهم تدل على رقى فكرهم وعقلهم واخلاقهم كمان
وحبيت بس اشكرهم جدا على مجهودهم الرائع ال كانوا بيقدموه ال استفدت منه انا شخصيا
وحقيقى قدموا لى ولغيرى الالاف من الدفعه كل عون ومساعدة
فلكم منى كل حب وتقدير وشكر على ما بذلتموه من جهد وعمل
واتمنى من الله ان يوفقكم فى حياتكم
وفى الختام
دعواتكم بقى ليا عشان ما تبقاش سنه تاسعه
ههههه
وجزاكم الله كل خير

اخوكم شاهين
والسلام عليكم ورحمه الله وبركاته

امبراطورية اكشن
25-05-2010, 04:14 PM
يا جماعة انا متعاطف معاكوا بس انا قعدت اربع سنين فى الكلية مش مصاحب ولا واحد والله اربع سنين مصاحبتش واحد على رغم كثرة الحضوررررررررر ؟ طبعا عارفين لية؟؟؟؟؟؟؟؟؟؟؟ ههههههههههههه

سماء المنصوره2
26-05-2010, 01:40 AM
الفكره بجد جميله جدا و عجيتنى اوى
و انا عن نفسى الاربع سنين عدوا عليا بسرعه جدا جدا جدا مش عارفه ازاى
و حزينه اوى على الايام اللى عدت بسرعه دى و خصوصا سنه رابعه عدت
اسرع من اى سنه فى الكليه
و كليه حقوق كليه بجد بحبها جدا جدا و اتمنى اكمل فيها دراسات بأذن الله
و حزينه بجد على اصحابى اللى عرفتهم و حبتهم اوى سواء فى اول سنه
او فى اخر سنه او حتى فى اخر تيرم لانى فعلا مش هلاقى زيهم من تانى
و يارب نفضل فاكرين بعض بالخير ان شاء الله
و على فكره انا اصحابى اللى حبتهم فعلا بجد و كانوا كويسين جدا و مش هلاقى
زيهم تانى للأسف اتعرفت بيهم و انا فى سنه رابعه و يمكن ده اللى مزعلنى بجد
جدا على فراقهم سواء اتعرفت عليهم فى الكليه فى المدرج او فى المنتدى هنا
و يارب يوفقنا كلنا معلش طولت عليكوا

اختكم سما

tornado death
26-05-2010, 01:57 AM
للاسف مش لاقي كلام اقوله غير (ان الدموع بتنزل من عيني )

قاضى الحق
29-05-2010, 05:26 PM
بسم الله الرحمن الرحيم وعليه متوكلين لا متواكلين

السلام عليكم اخوانى واخواتى فى الله

العبد لله مش لاقى اى كلام يقولوا غير ان فعلا كانت ايام حلوة ومرت بمرها وعسلها

وسعدنا بتدريس اغلى هيئة اباء لينا فعلا

فعلا 4 سنين مروا مرور الكرام

العبدلله مش زعلان لانتهاء الجامعة بل فرحان وبيستعد لحياة جديدة

والسبب انى مش زعلان ان الاخوة والصوحبة الحلوة والزمالة الدايمة موجودة فى كل آن وكل آوان

وطبعا اصحابى وصحباتى هيفضلوا فى قلبى لحد ماقابل وجه ربى وانزل الى قبرى

وربنا يوفقنا الترم ده ونقول جميعا مبرووووووووك النجاح بعد الكفاح


ويكون ختامه مسك عتر


انى احبكم فى الله/ محمد طاهر ابن بورسعيد

مشرف الفرقة الرابعة

مسعد حامد
30-05-2010, 03:14 PM
بسم الله الرحمن الرحيم
انا بشكرك جدا يا سيادة المستشار ويارب تبقى فعلا مستشار زى ما انت اكيد بتتمنى وبجد انا بشكرك فعلا على الفكرة دى لانها فكرة حلوة بجد لان لينا اصدقاء فى الدفعة يمكن ربنا ما يكتبش لينا اللقاء تانى وبجدنا كان نفسى اصاحب الدفعة كلها لاننا وبعد اربع سنين مع بعض فى مدرج واحد كان لازما نبقى كشخص واحد وبجد انا كان نفسى يكون فية لقاء فى اخر المحاضرات يجتمع فية كل الدفعة وكل واحد يعرف نفسة ويقول كل انطباعة عن الدفعة لان الايام هى اجمل ايام حياتنا وبجد هنندم عليها واحنا كبار ونفتكر ايام دى ونحكى لاولادنا على اصدقاءنا فى الكلية بس انا عارف ان فكرة اللقاء دى فكرة مستحيلة بس دى كانت امنيتى وكنت اتمنى ان اعضاء الاتحاد او حضرتكم يقترح مثل هذا الاقتراح لانة كان هيلاقى اهتمام من المسئولين فى الكلية
وفى اختام اعذورنى ان كنت اتطلت فى كلامى بس دة احساسى بجد
وسلامي للجميع واتمنى لكل الدفعة التوفيق فى الدراسة والحياة العملية

احمد التابعي
01-06-2010, 04:34 AM
لم اجد كلام يعبر عما بداخلى غير ابيات مختصره رقيقه من الشعر
- باسم اللقاء وكل دمعه فراق*** باسم العلم تجمعنا

- باسم كل لحظه سعاده عشناها***باسم كل مكان تعلمنا

- باسم كل لحظه فراق صعبه***تنتهى بمرور الايام
-

كابتن_مصر
02-06-2010, 09:47 PM
ولا اى كلام يوصف اللحظات دى

lamar
03-06-2010, 12:34 AM
بصراحه مش لاقيه كلام اقوله غير انها كانت اجمل ايام حياتى وخاصه السنتين اللى فاتو ويارب دايما نكون سعداء ونجتمع على خير دائما

لامـــــــــــــــــــــــــــــــــــــــــــــــ ــــــــــــــار

mohamed4888
10-06-2010, 12:25 AM
بجد فكرة حلوة و والله دى فعلا احلى ايام تقريبا ً قضيتها هى ايام الجامعة ايام جميله مع اصحاب كويسين
ربنا يوفقهم كلهم يارب فى حياتهم العملية بعد كدة
واحب اقول ليس الاعجاز ان تصنع 1000 صديق فى السنه ولكن الاعجاز ان تصنع صديق لـ1000 سنه

كابتن_مصر
10-06-2010, 12:28 AM
احلى ايام هى ايام الجامعه بس ربنا يكملها على خير ونخلص

هانى هاشم
29-06-2010, 11:03 AM
فكرة ممتازة جدا يا محى وهى فعلا فرصة هايلة اننا نفضل على اتصال حتى بعد ما نتخرج

هبة الله
29-06-2010, 01:34 PM
فكرة جميلة جدا ويارب دائما نكون متذكرين بعض
الكلية هتوحشنى جداااااااااااااااااااااااااااااااااااا

s.alshafay
29-06-2010, 04:26 PM
السلام عليكم ورحمة الله وبركاتة
بجد انا مش عرفة اقول اية كل مرة ادخل واقول هكتب حاجة بحس ان خلاص احنا هنخلص
والفترة الجميلة دى من عمرنا خلصت بسرعة كان فيها تعب اة بس كانت ايام جميلة انا فرحانة اننا هنتخرج
وبتمنى لينا كلنا اننا نحقق امانينا فى حياتنا اللى لسة هتبدأ بجد
سلاااااااااااااااااااااااااااااااااااااااااااااااا اام

madmoda
29-06-2010, 09:16 PM
معلش ياجماعة انا عندى بس استفسار ومعلش استحملونى هو فى امتحان التجارى القسم الاول بتاع الاوراق المالية كان جايب سؤالين مقالى نختار واحد انا اخترت شروط صحة الوفاء بالكمبيالة فاممكن بس والنبى اى حد يقولى اية هى شروط صحة الوفاء بالكمبيالة عشان اتأكد منها وبرضة عايز اتأكد من حاجة بالنسبة للسؤال بتااع الاموال التى لايشملعا غل اليد مش هما اربعة 1-الاموال التى لايجوز الحجز عليها قانونا والاعانة التى تتقرر للمفلس..2- الاموال التى تكون غير مملوكة للمفلس..3-الحقوق المتصلة بشخص المفلس واحوالة الشخصية..4-التعويضات التى تستحق للمستفيد فى عقد تأمين صحيح ابرمة المفلس

Rabe3 Met3eb
29-06-2010, 09:34 PM
بعد كده عرفوا زمايلنا بالموضوع ده

madmoda
29-06-2010, 09:52 PM
معلش ياجماعة انا عندى بس استفسار ومعلش استحملونى هو فى امتحان التجارى القسم الاول بتاع الاوراق المالية كان جايب سؤالين مقالى نختار واحد انا اخترت شروط صحة الوفاء بالكمبيالة فاممكن بس والنبى اى حد يقولى اية هى شروط صحة الوفاء بالكمبيالة عشان اتأكد منها وبرضة عايز اتأكد من حاجة بالنسبة للسؤال بتااع الاموال التى لايشملعا غل اليد مش هما اربعة 1-الاموال التى لايجوز الحجز عليها قانونا والاعانة التى تتقرر للمفلس..2- الاموال التى تكون غير مملوكة للمفلس..3-الحقوق المتصلة بشخص المفلس واحوالة الشخصية..4-التعويضات التى تستحق للمستفيد فى عقد تأمين صحيح ابرمة المفلس

البريتور
30-06-2010, 11:14 AM
معلش ياجماعة انا عندى بس استفسار ومعلش استحملونى هو فى امتحان التجارى القسم الاول بتاع الاوراق المالية كان جايب سؤالين مقالى نختار واحد انا اخترت شروط صحة الوفاء بالكمبيالة فاممكن بس والنبى اى حد يقولى اية هى شروط صحة الوفاء بالكمبيالة عشان اتأكد منها وبرضة عايز اتأكد من حاجة بالنسبة للسؤال بتااع الاموال التى لايشملعا غل اليد مش هما اربعة 1-الاموال التى لايجوز الحجز عليها قانونا والاعانة التى تتقرر للمفلس..2- الاموال التى تكون غير مملوكة للمفلس..3-الحقوق المتصلة بشخص المفلس واحوالة الشخصية..4-التعويضات التى تستحق للمستفيد فى عقد تأمين صحيح ابرمة المفلس
بالنسبه ل قسم الاوراق التجاريه
شروط صحة الوفاءهى:
1- ان يتم الوفاء للحامل الشرعى للكمبيالة
2-ان يتم الوفاء دون غش او خطا جسيم
3-ان يكون المسحوب علية اهلا للوفاء ومالكا للشئ الذى وفى بة

وبالنسبه لسؤال الاموال التي لا يشملها غل اليد اللي حضرتك ذكرته مظبوط

وربنا يوفقنا جميعا لكل خير
بالتوفيق..،،

khakha
02-07-2010, 03:04 AM
650 موضوع جميل جداااااااااااااا
بالتاكيد ده افضل موضوع انا قابلتة أتمنى ان الكل يشارك فيه وان كانت الكلية انتهت بيننا فان ذكر حبنا لن تنتهى
اجمل اصحاب انا عرفتهم فى حياتى اتمنى ان لا ينسونى وأيضا اتذكراصعب ايام حياتى بتلك الكلية وان كانت ذكرى تولمنى الى هذا اليوم الا انى لن انساها طوال حياتى
اقدم شكرا خاص الى كل دكتور عظيم منحنى علمه والى كل عالم جليل سعت بلقائة بكلية العظماء
الخضر محمد محمد الجمل

ahmed 7assan
04-07-2010, 10:45 PM
واللة يجماعة انا مش عارف اقول اية بس دى سنة الحياة والذكرى احيانا بتكون مؤلمة اكتر من هية سعيدة اتمنالكم السعادة اخوكم احمد السيد الداودى........................................... .........

الصقر المهاجر
06-07-2010, 09:01 PM
بادئ ذي بدء اود ان القى بظلال الكلمات على ثنايا ماض عشناه خلال سنوات الدراسة في كلية الحقوق فكانت في حلوها و مرها ايام ندين لها بالكثير و لكن في النهاية من زرع خيرا فقد حصد ما زرع و من زرع شرا فسيحصد ما زرع فاتمنى من الله ان تكون هذه الايام شاهدة لنا لا علينا و ان يجعل مستقبلنا عامر بالتقوى و الا تنقطع الموده بين الاحباء في الله

akokoo
14-07-2010, 11:33 AM
يعنى طبا يا محى الواحد مش ضامن اولا دى اخر سنة ولا لأ
بس لو اتكتبلنا وخرجنا منها على خير
مش هودعكو لأنى باقى ان شاء الله
لان ناوى على دبلوما بأذن الله

كاكا المصرى
18-07-2010, 07:57 PM
فاتت السنيين :مرت الايام وانتهت الايام وما انتهت الا احلى ايام ولكن ننظر الى الامام ياشباب فالايام القادمه اصعب واصعب وربنا يوفقنا جميعا وعلى فكره انا مش صاحبت فى الجامعه خالص ومش ليا اصحاب انا شخصيه غريبه وليس انطوائى انا اجتماعى جدا بس للاسف مش صاحبت وانا اسف انى طولت وربنا يوفقنا جميعا وادعولى

اجمل شئ الطموح
31-07-2010, 04:27 PM
انا ارحب الاول بزمايلى واخواتى وكل شخص فى كلية حقوق سواء من اول عميد الكليه الى عامل الكليه لانى بصراحه انا بحب كل من يوجد بالكليه رغم تعنت بعض الكتره ولكنى احبهم لانهم يمثلون اعظم كليه على مستوى جمهورية مصر العربيه اولا اشكر وزميلى واخى احمد محى او كما يحب ان يقال له المستشار محى وكانت معرفتى بى مستحدثه عن طريق رحله واحنا فى الفرقه الرابعه ولكنه شخصيه جميله تجذب اى شخص على حبه وانا لما كنت اقرا مايكتب فى هذا الموضوع قبل الامتحانات وبعدها احزن انى ساترك هذه الكليه من اساتذى الذى تتلمزت على ايديهم وانى ساترك اخواتى الطلبه والطالبات واصدقائى الذين هم اعز الناس على بعد والدتى واخى وانا حسيت بذلك بعد الاجازه والبعد عن اصحابى والفتره الطويله التى قضيتها بعيد عنهم بعد ان كنا لا نتفرق عن بعض وانا داخل الكليه دى بصراحه عن حب لانى كنت ارى فيها الشخصيه القويه وارى انها تمثل شخصيتى وارى انها تعلمنى الحق والمحافظه على حقوقى رغم اننى قبلت بمهاجمه عند كتابتى للرغبات بعد الانتهاء من امتحان الثانويه العامه بانى اكتب كلية حقوق فى ال28 رغبه الاولى من الرغبات والحمد الله اتى لى اول رغبه حقوق المنصوره رغم انى امى اول من هاجمتنى على دخولى حقوق وكانت تريد ان ادخل اداب اجتماع او علم نفس لظروف عملها وكانت تريد ان ادير هذا العمل من بعدها وكانت خائفه من الذى تسمعه من شائعات عن الكليه بانها صعبه والدكتره متعسفين والطلبه يسقطون ويعيدون بالسنوات الطويه والتخرج يكون بعد 10 سنوات وحاجات من هذا ولكنها عند ظهور نتيجة الترم الاول من اولى وكنت من الناجحين بتفوق هى اول من هنئتنى وقالت لى كنت قد المسئوليه وفى اخر الامر انا اشكر زملائى الذين قاموا بذلك الفكره والتى ستكون تذكره لدفعتنا دفعة 2010 واشكر جميع الدكتره فى الكليه الذين قاموا بالتدريس لنا او الذين لم يقوموا بالتدريس لنا واخص بالشكر الاستاذ الدكتور الذى علمنى الكثير فى القانون وفى شخصية رجل القانون الدكتور شريف يوسف خاطر واشكر واحده كانت اعز شئ عندى بالكليه انا لا اذكر اسمها ولكنها ستظل بقلبى الى اخر العمر لانى متاكد انى لن اقدر ان اقابلها بعد ذلك ولو حصلت المقابله ستكون بمحض الصدفه واقول لها انتى اعز شئ عندى بعد امىواتمنى للجميع التوفيق والنجاح .

مشمشه الدلوعه
31-07-2010, 05:44 PM
فعلا ياجماعه الاربع سنين عدوا كانهم اربع ايام وشوفنا ايام جميله فعلا وانا عن نفسى بعتبر فتره الكليه من اجمل الفترات اللى مريت بيها وربنا ينجحنا اجمعين

مازن المنشاوى
24-08-2010, 07:51 AM
كن فى الدنيا كمسافر استظل بشجرة ثم تركها

alahakbr
02-10-2010, 11:47 AM
انا شخصيا مكنتش بحضر غير السكاشن لكن فعلا فى ناس الواحد اتعود يشوفهم على مدى اربع سنين حتى لو كان الواحد عمره مكلمهم قبل كده الانسان سعات بيوحشه يشوفهم بتفائل بيهم. مع اخلص امنياتى بالتوفيق للجميع وكلكو تدخلو النيابات يرب samba-love, romancia فاكرك يلى فبالى

البريئة
07-10-2010, 04:46 PM
بسم الله الرحمن الرحيم

جميل الموضوع ده يا احمد وسنه سعيده على الجميع يارب وبفرحتهم وصحبتهم دايما متألقين

عن نفسى ايام الجامعه عمرى ما هانساها صحيح الدنيا هتشغلنا وجايز تبعدنا شوية بس الأكيد ان حب الناس دايما فى القلب موجود ومهما طال الزمان مش هننسى احلى أيامنا مع اصحابنا واحبابنا
الجامعه زى الكتاب قرأنا حياتنا فيه وبعد فتره نرجع تانى بس بذكرياتنا ونستعيد شبابنا وأيامنا الجميله اللى عشناها
كل أصحابى وأحبابى مش هأنساهم وان شاء الله ربنا يجمعنا تانى لو مش فى الدنيا أتمنى يجمعنا فى الآخره فى جنته ومحبته نفضل على طول مع بعض
أنا بشكر كل اللى ساعدونى وعرفونى على المنتدى الجميل ده اللى اتعلمت منه كتير وما زلت بتعلم منه وهأتعلم
سنه سعيده وايام أحلى جايه عليكوا بالسعاده اللهم امين يسعدنا ويسعدكوا

مياده حسن

النائب العام المصرى
07-10-2010, 04:55 PM
انتهت الكلية
فعلا ومن غير ما نكابر ونقول اى حاجة
انتهت اجمل سنين العمر
احسن دفعة دفعة 2010 وذكريات جميلة اووووووى ولا تنسى
اللهم اغفر لنا كل خطأ وقعنا فيه وارحم لنا ذلاتنا واغفر لنا اخطاء الشباب