المساعد الشخصي الرقمي

مشاهدة النسخة كاملة : جــعـــلــــونــى مــــجـــــرمـــا



a7med 7elmy
05-02-2010, 04:27 AM
مساء الخير وصباح أول يوم فى أجازتنا منور بيكو يا أحلى أعضاء فى أحلى منتدى فى الدنيا الموضوع دة يمكن يكون متكرر وقبل كدة غيرى عملو زى رغدة وزى دراكولا بأختلاف أشكال المواضيع انا حبيت أنى أنزل الموضوع بنفس الفكرة بس بشكل مختلف حتى بأسم مختلف زى منتو شايفين جعلونى مجرما الفكرة أن هيكون فى مجرم بس مهواش مجرم يعنى هيكون فيه برىء ومتهم والموضوع حاجة زى الالغاز البوليسية كدة بس هتحتاج مننا تفكير أكتر شوية وهيشاركنى فى الموضوع دة دراكولا وبشكرو طبعا على دورو الى هيساعدكو فيه بأنه هيديكو المعطيات بتاعة الجريمة



وانا هطرح عليكو الجريمة وأنتو عليكو تحلوها عن طريق المطلوب الى فيها ومتخافوش مش هنجيبلكو كلام كبير من بتاع الكتب بتاع حقوق عشان متقولوش أيه الخنقة دى أكن أحنا سايبين الكتب والامتحانات عشان نيجى فى الاجازة وفى منتدى الاجازة نلاقى قوانين وكتب لا انا هعملكو الموضوع بدافع من التشويق



الجريمة الأولى



عيد ميلاد سعيد محاسب فى أحد البنوك البالغ من العمر 34 سنه المتزوج من سعيدة البالغة من العمر 29 سنه سيدة منزل



هنعرض عليكو الاحداث وبعدين نشوف الجريمة الى حصلت ونتوجه بعدها للمعطيات وهى عبارة عن شهادة الشهود وتقرير المعمل الجنائى والطب الشرعى وبعدها بقة ودة الى هيقولو زميلى دراكولا ونقولكو بقة عالمطلوب ونسيبكو بقة تحلو اللغز وتورونا شطارتكو



الاحداث



سعيدة: كل سنه وأنت طيب يا حبيبى



سعيد:وأنتى طيبة يا حبيبتى ويارب كل سنه نحتفل بعيد ميلادى سوا



سعيدة:يارب يا حبيبى



سعيد:هو معتز وسامية أتأخرو كدة ليه



معتزوسامية زملاء لسعيد فى البنك وتم دعوتهم لحضور عيد الميلاد



سعيدة:زمانهم جايين يا حبيبى وبعدين مبراحتهم ياريت ميجوش خالص أنت عارف أنى مبطقش سامية دى من ساعة منتا جيت وقلتلى أنها معجبة بيك وبتحبك



سعيد:معلشى يا حبيبتى مهو الكل بيحبنى بس المهم انا بحب مين



*** جرس الباب بيرن ***



سعيد:أكيد هما (افتحى يا أم هالة الباب)



أم هالة: حاضر يا سيدى



أم هالة البالغة من العمر 55 سنه تعمل خادمة عند سعيد هى وأبنتها هالة



سعيدة:طيب أستأذنك يا حبيبى هروح أحضر مع هالة التورتة والشاى ولوازم عيد الميلاد



سعيد:ماشى يا حبيبتى بس متتأخريش عشان تسلمى علي الضيوف




سعيدة:ماشى يا حبيبى



أم هالة فتحت الباب وأستقبل سعيد كل من سامية ومعتز



سامية:كل سنه وأنت طيب يا سعيد( هامسة فى أذن سعيد مش كان زمانى أنا الى بحتفل معاك بيه دلوقتى )




سعيد:مش هنقفل عالموضوع دة بقة يا سامية




معتز:كل سنه وأنت طيب يا معلم عقبال منشوفك عجوز وبشعر أبيض



هالة:بعد أذنك يا سيدى انا نازلة



أم هالة:راحة فين يا بت



هالة:راحة الصيدلية أجيب دوا ليا عشان معدتى تعبانى



سعيد:ماشى يا هالة بس متتأخريش



هالة:حاضر يا سيدى



سامية:أمال سعيدة فين عشان نباركلها



سعيد:فى المطبخ بتحضرلكو التورتة والشاى أنتى سايباها يام هالة لواحدها روحى ساعديها



أم هالة:حاضر يا سيدى الحقنى يا سيدى



هب سعيد ومعتز وسامية مفزوعين بيبصو لقو سعيدة دايخة وساندة عالحيطة



سعيد:مالك يا حبيبتى أجيبلك دكتور



سعيدة:لا يا حبيبى أنا بس حسيت بدوخة شوية يمكن عشان منمتش كويس أمبارح



سعيد:طب أقعدى يا حبيبتى متعمليش حاجة



سامية:لتكون المدام حامل ومهياش عارفة



سعيدة:ياريت يا حبيبتى



سامية:طيب أقعدى أنتى بقة لا تقعى من طولك وانا هخش أساعد أم هالة فى تحضير عيد الميلاد على أما بنتها تيجى من برة



أم هالة:متخافيش يا ست سامية كله جاهز يادوب هنصب الشاى ونجيب التورتة فى الاطباق



سامية:طيب



قاما كل من سامية وأم هالة بتحضير الشاى والتورتة وتقديمها



سعيد: بقيتى كويسة يا حبيبتى



سعيدة:متقلقش يا حبيبى يلا بقة عشان نحتفل بعيد الميلاد متشكرة يا سامية أنك ساعدتى أم هالة



سامية:لا ياختى لا شكر على واجب أنتى مرات أخويا برده



وبدأت الحفلة



سعيدة:شايك يا حبيبى فى الماج الى بتحبو



معتز:طبعا ياعم محدش قدك ماج عليه أسمك وأسم سعيدة وبتشرب فيه لوحدك محدش يقدر يقرب منه وأحنا ياعم خلي لينا الماجات الازاز



سعيدة:الماج دة جايباهولو هدية عيد ميلادو عشان دايما يفكرنا بالذكرى الجميلة دى ومنقوش عليه أسمه وأسمى الراجل متعبش يادوب زود على أسمه ت مربوطة وبقة أسمى



*****



بعد أن شرب كل من معتز وسامية وسعيدة ووسعيد الشاى



وفجأة



سعيد:أه ه ه ه ه ه ه الحقينى يا سعيدة بطنى بتتقطع الحقووووووووووووونى




سعيدة:مالك يا سعيد مالك يا حبيبى حد يتصل بالأسعاف بسرعة



******



وفجأة ركض سعيد على الأرض ملتقطا أنفاسه الاخيرة



وبالسلامة يا سعيد



كدة القصة كلها وضحه قدامكم أقروها كويس على أما دراكولا ينزلكو المعطيات حالا دلوقت فى المشاركة الجاية



وأن شاء الله موضوعى يكون فتحة خير فى منتدى الاجازة



تقبلو تحياتى

Dracula
05-02-2010, 05:36 AM
طبعا بشكر المحقق أحمد حلمى عقبال مشوفك كدة يا حبيبى غفير فى مديرية الامن قد الدنيا
صاحب أول موضوع فى منتدى الاجازة وانا بعتبرو أول موضوع لان بصراحة المواضيع الى أتعرضت قبله ومتوافقش عليها أنا نوهت وقلت مش هنقبل النوعية دى من المواضيع لان هدفها غير واضح وبدون فائدة مع كل الاحترام والتقدير لأصحابها ولكن دى تعليمات الادارة ليا كمشرف منتدى الاجازة ومقدرش أتخطاها وانا أكيد هقول لاصحاب المواضيع اسباب عدم الموافقة على مواضيعهم نيجى بقة لتكملة اللغز الى كتبه حلمى
زى مشوفنا الجريمة الى طرحها زميلى جريمة قتل مع سبق الاصرار والترصد قلنا يا دراكولا بعيد عن كلام الكتب حاضر من عنيا انا بس قلت أتفلسف عليكو شوية عشان تقولو عليا شاطر فى الجنائى
المهم الجريمة دى مش سهلة ومش صعبة لو ركزتو فى أحداثها مع المعطيات الى هكتبها هتقدرو توصلو لحل
أولا المعطيات
شهادة الشهود
بالنسبة للشهود الحاضرين للجريمة تم أستجوابهم وهذه هى نتيجة الاستجواب
(الله يرحمك يا سعيد ملحقتش تتهنا بالعيد)
المحقق:س لزوجة المرحوم
تقدرى تقوليلى أيه الى حصل بالظبط
سعيدة وهى منهارة :أحنا كنا بنحتفل بعيد ميلاد سعيد جوزى وكان حاضر معانا معتز وسامية زمايلو فى البنك وكمان الخدامه وبنتها أم هالة وفجأة لقيناه وقع عالارض مننا من غير أى سبب وسعيد عمرو مكان بيشتكى من أمراض ولا كان فى حاجة معصباه دة يوم عيد ميلادو يعنى المفروض كله فرحة الله يرحمك يا حبيبى الله يرحمك

المحقق:طب أيه كانت علاقتك مع زوجك يا مدام سعيدة

سعيدة:كنا فى غاية السعادة كنا أسعد زوجين فى الدنيا مش عارفة من بعده هعمل أيه

المحقق فى أستجوابه لأم هالة وأبنتها هالة
قوليلى يام هالة أيه الى حصل قبل مسعيد يغمى عليه
أم هالة:بص يا باشا سعيد بيه كان مع اصحابه وكانو أخر أنبساط وأول مقدمنالو الشاى والجاتووووووه أنا وست سامية دخلت جوا المطبخ وفجأة سمعت صوت سريخ من برة طلعت أبص لقيتو مرمى على الارض
المحقق:طب قوليلى يام هالة كانت أيه علاقة ستك سعيدة بسيدك سعيد
أم هالة:بص يا بيه البيوت أسرار هما كانو قدام الناس حلوين أوى لكن بيناتهم وبين بعض كانت دايما ست سعيدة تشتكى من خياناته الدايمة مع زمايله فى الشغل ومع اصحابها وبصراحة كدة يابيه كان دايما يلمح للبت هالة بنتى بكلام وحش كدة يا بيه واما كانت تيجى تقوللى مكنتش بصدقها لحد مسمعت حكاياته مع الست سعيدة أبتديت أصدق وأخاف على بنتى وكنا قريب هنفضى حسابنا ونسيب البيت دى أحنا محلتناش حاجة غيرو يا بيه
المحقق :خلاص يا أم هالة أنتى هتشكيلى ظروفك نيجى لهالة
عندك كام سنه يا هالة
هالة:أنى أربعة وعشرين سنه يا بيه
المحقق:حقة المرحوم كان بيعاكسك بكلام قليل الأدب زى مبتقول أمك
هالة:لا يا بيه دة أمى دى ولية مجنونة وهابلة متاخدش على كلامها هو كان يادوب بيقولى لما أجى أقدمله حاجة منور يا قمر فى هلاله وبيقوللى أن هلاله دى دلع هالة يا بيه بس مكنش بيعاكس بحاجة تانية
المحقق:(أمال أنتى عايزاه يعمل أيه تانى ما علينا ) كنتى فين ساعة الى حصل دة يا هالة
هالة:انا كنت فى الصيدلية يا بيه بجيب دوا للمعدة أصل أنى بعيد عنك يا بيه عندى المعدة مبتستحملش أى برد وبتعب فى ساعتها فبروح أجيب أى دوا مسكن للبرد دة يا بيه ولما رجعت لقيت أمى والجماعة الى معاها بيصوتو وبيقولو سى سعيد مات الله يرحمك يا سى سعيد ياللى كنت بتدلعنى
المحقق:ماشى يا هالة وأتجه فى الاستجواب الى سامية ومعتز
المحقق لسامية:حصل أيه يا أنسة سامية بالظبط قبل مالمرحوم يغمى عليه
سامية وهى منهارة برده :هاااااااااا الله يرحمك يا سعيد الله يرحمك يا سعيد هيكون حصل أيه أكتر من الى حصل بس الراجل بيحتفل معانا مع زمايله وحبايبه بعيد ميلادو وفجأة يقع من طولو يموت أكيد من الزل الى بيشوفو على أدين مراته القرشانه
المحقق:هى كانت العلاقة بين سعيد وسعيدة متدهورة للدرجة دى
سامية:يااااااااااااااه وأكتر من كدة لدرجة أن كان دايما المرحوم يشتكيلى منها ويقوللى أنا هطلقها معتش طايق أعيش معاها عيشتها بقت تقرف وبصراحة كان بيصعب عليا أوى
المحقق:ميصعبش عليكى غالى وأنت أيه رأيك يا أستاذ معتز
معتز:كل الى أقدر أقولو الله يرحمك يا سعيد
*******
ودى كانت شهادة الشهود
نيجى بقة للطبيب الشرعى والمعمل الجنائى
الطبيب الشرعى أثبت أن القتيل مات عن طريق سم سريع المفعول وضع له بجرعة زائدة فى كوب الشاى الذى شرب منه فبمجرد مشرب منه حصله هبوط فى الدورة الدموية ثم أزمة قلبية أدت الى وفاته
المعمل الجنائى حلل البصمات على كباية الشاى وعلى البراد االى أتعمل بيه الشاى
لقا تعدد البصمات على كل منهم وكان من ضمن هذا التعدد
على كوب الشاى الذى شرب منه القتيل
أكتشف المعمل بصمات طبعا القتيل مندمجة مع بصمات أم هالة الخدامة وسامية وزوجة المرحوم سعيدة
وأيضا وجدت بصمات كل من أم هالة وسامية على براد الشاى
***
وبناء على ذلك تم أسناد التهمة الى أم هالة بصفتها البصمة المشتركة على كل من براد الشاى وعلى كوب شاى القتيل وكمان لان محدش غيرها يقدر يعمل كل الى هو عايزو فى المطبخ من غير محد ياخد بالو مستنيين منكم أنتو بقة تقولولنا مين الى قتل سعيد وقتلو ازااااااااااااااااى وازاى قبل مين عشان بس تكون أجابتك مقنعة للكل وياترى فعلا أم هالة هى الى قلتلته وأيه دليلك على كدة فى أنتظار المحامين بتوعنا عشان يحلولنا اللغز وننزل واحد جديد وأول منحس أنكم غلبتو أو خلاص حليتوه هنقولكو عالاجابة الصح ومش هنطول عليكو متخافوش

وبكدة نقدر نقولكم أحنا قلنالكم كل حاجة تخص القضية أظن مفيش أسهل من كدة ووالله لو فكرتو شوية هتجيبوها بس ركزو فى كل حاجة فى الاحداث وفى المعطيات وأنتو هتوصلو والاهم من كل دة حاولو تركزو عالدافع لأرتكاب الجريمة وترتبو أحداث أرتكابها فى دماغكو وأنتو هتقدرو توصلو للى عمل كدة بسهولة ولو أحتجتم أى مساعدة بس طبعا فى تفسير أحداث أو معطيات القضية انا أو حلمى موجودين غير كدة منعرفكوش
وكل سنه وأنتو طيبين بمناسبة الاجازة وأتمنى أنى أشوف مواضيع من الاعضاء والمشرفين أحسن من الموضوع دة كمان وأن شاء الله فى أفكار كتير جديدة هتشوفوها معانا الاجازة دى وأتمنى منكم أنتو كمان تجولنا بأفكار جديدة زى الاجازة الى فاتت وأكيد كان من ضمن الافكار دى اذاعة شباب الصحراوى ووزارة ما تمت ومين صاحب الصورة ومواضيع كتير نتمنى نشوف ما يعادلها من مواضيع ناجحة فى الاجازة القصيرة دى وأجازة سعيدة عليكو ويلا يا شباب فكرو معانا وقولولنا حلولكو

الضوء المشرق
05-02-2010, 07:31 PM
المفروض يتهموا كلا من سامية وام هالة لان بصماتهم مشتركة على البراد وكوباية الشاى ايضا.

ام هالة مفيش دافع يخليها تقتل سعيد لان هى قالت انها كانت هتاخد حسابها هى وبنتها وهتمشى من البيت اساسا عشان خايفة على بنتها منه.وهو معملش حاجة فى بنتها غير انه بيعاكسها بالكلام ودة مش سبب يستدعى القتل ولكن اكيد يستدعى انهم يمشوا من البيت ودة اللى قالت انه كان هيحصل.

اما سامية فهى المجرمة لانها كانت معجبة بيه وعايزة تتزوجه وزى ما لاحظنا فى بداية دخول سامية بتقول كل سنة وانت طيب يا سعيد مش كان زمانى انا وانت بنحتفل بعيد ميلادك سوا؟وهو طبعا صدها فى الكلام ودة يدفعها للغيرة من سعيدة وبما انه رافض سامية حبت انها تنتقم من سعيدة عشان اخدته منها.كمان حسيت بانها ارتبكت لما بيسألها المحقق( هاااااااااا الله يرحمك يا سعيد الله يرحمك يا سعيد هيكون حصل أيه أكتر من الى حصل بس الراجل بيحتفل معانا مع زمايله وحبايبه بعيد ميلادو وفجأة يقع من طولو يموت أكيد من الزل الى بيشوفو على أدين مراته القرشانه .

وازاى كمان بتقول انه كان بيحكيلها على مشاكله مع مراته اذا كان فضل سعيدة عليها حتى لو كان فيه مشاكل بتحصل سامية اخر واحدة يحكيلها على مشاكله مع سعيدة لانه عارف انها معجبة بيه وهتنتهز الفرصة ولو كان فيه مشاكل بين سعيدة وسعيد كان طلقها فعلا لو مش ظايق يعيش معاها وكان اتجوز سامية.ولكن واضح من خلال اللى شفناه ان علاقتهم كويسة جدا ببعض وسعداء .

وممكن يكون المقصود سعيدة وجت غلط فى سعيد

ولكن سامية هى المجرمة وتستحق الاعدام شنقا

Dracula
05-02-2010, 09:05 PM
المفروض يتهموا كلا من سامية وام هالة لان بصماتهم مشتركة على البراد وكوباية الشاى ايضا.

ام هالة مفيش دافع يخليها تقتل سعيد لان هى قالت انها كانت هتاخد حسابها هى وبنتها وهتمشى من البيت اساسا عشان خايفة على بنتها منه.وهو معملش حاجة فى بنتها غير انه بيعاكسها بالكلام ودة مش سبب يستدعى القتل ولكن اكيد يستدعى انهم يمشوا من البيت ودة اللى قالت انه كان هيحصل.

اما سامية فهى المجرمة لانها كانت معجبة بيه وعايزة تتزوجه وزى ما لاحظنا فى بداية دخول سامية بتقول كل سنة وانت طيب يا سعيد مش كان زمانى انا وانت بنحتفل بعيد ميلادك سوا؟وهو طبعا صدها فى الكلام ودة يدفعها للغيرة من سعيدة وبما انه رافض سامية حبت انها تنتقم من سعيدة عشان اخدته منها.كمان حسيت بانها ارتبكت لما بيسألها المحقق( هاااااااااا الله يرحمك يا سعيد الله يرحمك يا سعيد هيكون حصل أيه أكتر من الى حصل بس الراجل بيحتفل معانا مع زمايله وحبايبه بعيد ميلادو وفجأة يقع من طولو يموت أكيد من الزل الى بيشوفو على أدين مراته القرشانه .

وازاى كمان بتقول انه كان بيحكيلها على مشاكله مع مراته اذا كان فضل سعيدة عليها حتى لو كان فيه مشاكل بتحصل سامية اخر واحدة يحكيلها على مشاكله مع سعيدة لانه عارف انها معجبة بيه وهتنتهز الفرصة ولو كان فيه مشاكل بين سعيدة وسعيد كان طلقها فعلا لو مش ظايق يعيش معاها وكان اتجوز سامية.ولكن واضح من خلال اللى شفناه ان علاقتهم كويسة جدا ببعض وسعداء .

وممكن يكون المقصود سعيدة وجت غلط فى سعيد

ولكن سامية هى المجرمة وتستحق الاعدام شنقا





الاتهام الى وجه لأم هالة دة وجهلها لانها تعتبر المسئولة عن أعمل المطبخ كلها فطبيعى أنها حاضرة كل حاجة ولو فى حد عمل حاجة فى وجودها أكيد كانت قالت وكانت التهمة أتنفت عنها بس مدام مأتهمتش حد يبقى هى الوحيدة الى موجودة فى وش المدفع زى مبيقولو بس طبعا أنتو ليكو الرأى الاول والاخير
طب بفرض أن سامية هى الى قتلت زى مبتقولى هتقوم بالجريمة دى ازاى الطبيب الشرعى قال أن القتيل مات بسم سريع المفعول وضع له فى كوب الشاى مما أدى الى وفاته والمعمل الجنائى اثبت أن فى بصمات لسامية على الكوباية بس مننساش أن أم هالة برده ليها بصمات ولو على الدافع هو دافع سامية الى أنتى كتبتيه ممكن يكون مقنع بس برده مقولتيلناش لو سامية هى الى عملت كدة أشرحيلنا كدة الاحداث على سبيل الفرض

Sorrow Bird
05-02-2010, 09:26 PM
صباح الفل يا عم دراكولا بحيييك ع الفكرة الجامده دى وشكلها اجازة فل
الحل بقى
بص ياعم احمد
القاتل سعيده
الدافع غضبها من معاكسات زوجها لغيرها وزياده الغضب ده ف حضور ساميه الى هى عارفه انها بتحبه واحتمال انها تكون شاكه انه على علاقه بيها

الطريقه بقى

هى دخلت المطبخ ف وصول ساميه ومعتز وام هاله بتفتح الباب واقنعت هاله باى طريقه بحكم سلطتها عليها انها تعمل نفسها نازله الصيداليه تجيب دوا ليها بحيث ان هاله مش تكون شاهده على الى هى هتعمله
ولما كانت هى لوحدها ف المطبخ وانها طبعا عارفه ان سعيد هيشرب ف مج معين وضعت السم له وبما ان المج مش ازاز الى صب الشاى ممكن يكون مش واخد باله ان فيه سائل او اى حاجه الى هى السم

وان ساميه تكون هى القاتله احتمال بعيد لانها مهما كانت بتحبه ممكن تفكر انها تقتل سعيده مش سعيد
وبكده يكون الدافع عند سعيده اكبر من ساميه
لان سعيده هى المتضررة الاولى من خيانته حسب كلام ام هاله

ياريت متتاخرش علينا ف الحل يا دراكولا

magic2
05-02-2010, 11:54 PM
اولا احب اهنئكم جميعا على الاجازة والحمد لله الامتحنات عدت على خير بحلوها ومرها
نيجى بقة للقضية
القاتل
من معطيات القضية ومن التحقيق نجد ان سعيدة هى القاتلة حيث انها قالت فى التحقيق انها لا يوجد اية خلافات بينها وبين سعيد ولكن ام هالة اكدت انهم كان بينهم العديد من المشاكل بسبب خيانات سعيد لها والدافع للانكار طبعا لابعاد الشبهة عنها ومن تحقيقات كل الموجودين الوحيد الذى له مصلحة من قتل سعيد هو سعيدة وذلك بدافع الغيرة
كيف تمت الجريمة
سعيدة تعلم المج الخاص بسعيد فرتبت للموضوع فى عيد ميلاده لوجود سامية وذلك للانتقام منها هى وسعيد وذلك بقتل سعيد واتهام سامية بالقتل فدخلت المطبخ ووضعت السم فى المج وعندما رات سامية عملت انها تعبانه وذلك لكى تدخل سامية المطبخ وتحضر الشاى لكى تصبح بصماتها على المج وتتهم هى فى القتل
ده تحليلى للقضية من وجهة نظرى

فرحة 2011
06-02-2010, 09:18 AM
اولا بشكر كل القائمين على الفكره الرائعه واجازه سعيده على الجميع
ثانيا انا من وجهة نظرى ان القاتله" سعيده" وده للاسباب الاتيه:
اولا انها مدخلتش تحضر الحاجه فى المطبخ الا لما وصل زمايل سعيد الاول وكان معاها هاله وبعد كده هاله سبتها وخرجت " هنا هى اخدت وقت تكون لوحدها وتقدر تضع السم"اى انها تاكدت من وجودهم الاول
ثانيا انها هى اللى عارفه سعيد هيشرب الشاى فى ايه وهى اللى اخبرتهم بكده وهى اللى اختارت الماج بتاعه واعطيته ليه
ثالثا انها كانت عايزه تتهم ساميه بالتهمه دى والدليل انها داخت وخرجت بره المطبخ وسمحت لساميه انها تدخل مع الخادمه وتحضر الحاجه وهى مش حابه ساميه يعنى مكنتش هتسمحلها تحضر حاجة عيد ميلاد سعيد
رابعا تناقض كلامها فى التحقيق مع كلام الخادمه ام هاله وتاكيد كلام ام هاله من ابنتها بطريقه غير مباشره
خامسا ان غيرتها هى الدافع لارتكابها للجريمه
سادسا: ان لو كانت نية ساميه ان تقتله ما كانت قالت له تلك الكلمات اثناء دخولها ولو كانت نيتها قتل سعيده لا سعيد كانت تاكدت من الكوب الذى ستشرب فيه من الخادمه باى حجه مثل كم معلقه تحبها سيدتك وهكذاااا للتاكد
كما ان دخولها المطبخ للاعداد الحاجه جاء فجاه بدون تدبر منها للدخول اى لم يكن هنا دخولها امر متوقع بل جاء فجاه لتعب سعيده وغياب بنت الخادمه فى هذا الوقت ولكبر سن الخادمه
هذا ما استطت التوصل اليه وقريبا نشوف الحل بس قضيه جميله ومحيره

raghda elbana
07-02-2010, 05:09 PM
السلام عليكم ورحمة الله وبركاته

موضوع هايل يا ديراكولا ويا احمد بجد بحيكوا عليه
وحشتني اوي المواضيع دي بحب العابها اوي

اما بخصوص القضية ( جريمة القتل )

في متهم انا شاكة فيه وتقال عليهم من قبل الاعضاء هي : سامية ( زميلة القتيل او المجني عليه)


لو قولنا سامية : فدوافعها كافية جدا بس مش لقتل سعيد
نقول الاول الدوافع :
ان سعيد فصل سعيدة عليها وتزوجها ( الدافع الاول )
وصدها اول ما دخلت الشقة عنده ( الدافع الثاني ) كما ورد بالقضية ( هامسة فى أذن سعيد مش كان زمانى أنا الى بحتفل معاك بيه دلوقتى ) وطبعا زي ما شوفنا ( سعيد ) صدها ولو كان فعلا مش بيحب ( سعيدة ) او مش سعيد في حياته معاها كان ساعتها اقل حاجة يقولها لما ( سامية ) قلتله كدة ياريت وما هذا اثار غيرة سامية من سعيدة

اما بالنسبة كلمها في التحقيق ( أكيد من الزل الى بيشوفو على أدين مراته القرشانه ) مدام سعيد عارف ان سامية بتحبه اكيد مش حيفتح معاها موضوع شخصي بينه وبين مراته زي دة او لو فعلا كان مش سعيد مع مراته كان قال لصحبه مش ل( سامية ) وكل دة بيأكد ان هي حاقدة علي حياة سعيد مع سعيدة بغض النظر انها الحياة بينهم سعيدة او لاء ( معدا ان من سياق الكلام بين سعيدة وسعيد في اول لقاء العيد ميلاد ميوحيش ابدا انهم مش سعداء مع بعض )
حتي هو قال في سياق كلامه (الكل بيحبنى بس المهم انا بحب مين )

ازاي حصلت الجريمة :
مش صعب ابدا وهي بتساعد ام هالة في تحضير الشاي انها تحط السم في المج وخصوصا ان المج مكتوب عليه سعيد وسعيدة ياعني ممكن وباحتمال كبير يكون سعيدة الي حتشرب منه كمان لان الفرق بين الاسمين مش كبيرة ودة كلام سعيدة اثناء العيد ميلاد ( الماج دة جايباهولو هدية عيد ميلادو عشان دايما يفكرنا بالذكرى الجميلة دى ومنقوش عليه أسمه وأسمى الراجل متعبش يادوب زود على أسمه ت مربوطة وبقة أسمى)

فالدافع كلها ان الزميلة ( سامية ) حبت تخلص من ( سعيدة ) زوجة ( سعيد ) فحتطلها السم في مجك الشاي وهي افتكرت ان ( سعيدة ) هي الي حتشرب من مجك الشاي و مش ( سعيد)

ملحوظة صغيرة : العيد ميلاد المفروض فيه بيبسي او كولا مش شاي
محدش بعد كدة يعمل شاي عشان محيصلوش زي سعيد ويكون البيبسي او الكولا مقفولة عشان تشربها :drinks_pepsi:

منتظرة اعرف الحل الصح

l@w man
07-02-2010, 05:43 PM
انا متفق مع احمد sorrow birdجدا
لان انا من نظرى سعيدة هى الى قتلت سعيد
عشان خاطر سامية وعشان خاطر هالة
وهى ادعت المرض بعد ما وضع السم فى الشاى
لان ام هالة قالت ان الشاى جاهز على انه يتحط فى الكوبيان
ومعنى كدا ان سعيدة هى القاتلة
دا بالعربية بعيد عن القانون بالعقل يعنى

Dracula
08-02-2010, 05:49 AM
فى البداية أحب أقول أن ما شاء الله منتدى كلية الحقوق غنى بالمحامين الشاطرين الى بيحبو يفكرو ويشغلو مخهم سواء تحليلهم لأى موضوع او لاى قضية طلع غلط أو صح فى دى بتبقى راجعة للملابسات وبصراحة القضية صعبة ولما ألفناها أنا وأحمد حلمى انا متوقعتش أن حد هيقدر يحلها بكل جوانبها ويشرحلنا حيثياتها كاملة لكن معاكو بجد فى مشاركات انا انبهرت بيها ومشاركات حاولت تحل وتفسر القضية بناء على ثغرات ممكن تكون قريبة جدا لحل تانى بس مش هى دى الحل الصح عالعموم تعالو نشوف مشاركات الاعضاء كلها ونشوف مين الاقرب أوى للصح



الضوء المشرق
المفروض يتهموا كلا من سامية وام هالة لان بصماتهم مشتركة على البراد وكوباية الشاى ايضا.

ام هالة مفيش دافع يخليها تقتل سعيد لان هى قالت انها كانت هتاخد حسابها هى وبنتها وهتمشى من البيت اساسا عشان خايفة على بنتها منه.وهو معملش حاجة فى بنتها غير انه بيعاكسها بالكلام ودة مش سبب يستدعى القتل ولكن اكيد يستدعى انهم يمشوا من البيت ودة اللى قالت انه كان هيحصل.

اما سامية فهى المجرمة لانها كانت معجبة بيه وعايزة تتزوجه وزى ما لاحظنا فى بداية دخول سامية بتقول كل سنة وانت طيب يا سعيد مش كان زمانى انا وانت بنحتفل بعيد ميلادك سوا؟وهو طبعا صدها فى الكلام ودة يدفعها للغيرة من سعيدة وبما انه رافض سامية حبت انها تنتقم من سعيدة عشان اخدته منها.كمان حسيت بانها ارتبكت لما بيسألها المحقق( هاااااااااا الله يرحمك يا سعيد الله يرحمك يا سعيد هيكون حصل أيه أكتر من الى حصل بس الراجل بيحتفل معانا مع زمايله وحبايبه بعيد ميلادو وفجأة يقع من طولو يموت أكيد من الزل الى بيشوفو على أدين مراته القرشانه .

وازاى كمان بتقول انه كان بيحكيلها على مشاكله مع مراته اذا كان فضل سعيدة عليها حتى لو كان فيه مشاكل بتحصل سامية اخر واحدة يحكيلها على مشاكله مع سعيدة لانه عارف انها معجبة بيه وهتنتهز الفرصة ولو كان فيه مشاكل بين سعيدة وسعيد كان طلقها فعلا لو مش ظايق يعيش معاها وكان اتجوز سامية.ولكن واضح من خلال اللى شفناه ان علاقتهم كويسة جدا ببعض وسعداء .

وممكن يكون المقصود سعيدة وجت غلط فى سعيد

ولكن سامية هى المجرمة وتستحق الاعدام شنقا

دة كان أول حل معانا وطبعا انا بشكر الضوء المشرق على مجهودها بس انا رديت عليها طبعا وعلى كلامها وللأسف مش دى الاجابة الصح كنتى هتجيبى لسامية أعدام وهى بريئة وذنبها كان هيبقى فى رقبتك للأبد
:hanged:



raghda elbana
السلام عليكم ورحمة الله وبركاته

موضوع هايل يا ديراكولا ويا احمد بجد بحيكوا عليه
وحشتني اوي المواضيع دي بحب العابها اوي

اما بخصوص القضية ( جريمة القتل )

في متهم انا شاكة فيه وتقال عليهم من قبل الاعضاء هي : سامية ( زميلة القتيل او المجني عليه)


لو قولنا سامية : فدوافعها كافية جدا بس مش لقتل سعيد
نقول الاول الدوافع :
ان سعيد فصل سعيدة عليها وتزوجها ( الدافع الاول )
وصدها اول ما دخلت الشقة عنده ( الدافع الثاني ) كما ورد بالقضية ( هامسة فى أذن سعيد مش كان زمانى أنا الى بحتفل معاك بيه دلوقتى ) وطبعا زي ما شوفنا ( سعيد ) صدها ولو كان فعلا مش بيحب ( سعيدة ) او مش سعيد في حياته معاها كان ساعتها اقل حاجة يقولها لما ( سامية ) قلتله كدة ياريت وما هذا اثار غيرة سامية من سعيدة

اما بالنسبة كلمها في التحقيق ( أكيد من الزل الى بيشوفو على أدين مراته القرشانه ) مدام سعيد عارف ان سامية بتحبه اكيد مش حيفتح معاها موضوع شخصي بينه وبين مراته زي دة او لو فعلا كان مش سعيد مع مراته كان قال لصحبه مش ل( سامية ) وكل دة بيأكد ان هي حاقدة علي حياة سعيد مع سعيدة بغض النظر انها الحياة بينهم سعيدة او لاء ( معدا ان من سياق الكلام بين سعيدة وسعيد في اول لقاء العيد ميلاد ميوحيش ابدا انهم مش سعداء مع بعض )
حتي هو قال في سياق كلامه (الكل بيحبنى بس المهم انا بحب مين )

ازاي حصلت الجريمة :
مش صعب ابدا وهي بتساعد ام هالة في تحضير الشاي انها تحط السم في المج وخصوصا ان المج مكتوب عليه سعيد وسعيدة ياعني ممكن وباحتمال كبير يكون سعيدة الي حتشرب منه كمان لان الفرق بين الاسمين مش كبيرة ودة كلام سعيدة اثناء العيد ميلاد ( الماج دة جايباهولو هدية عيد ميلادو عشان دايما يفكرنا بالذكرى الجميلة دى ومنقوش عليه أسمه وأسمى الراجل متعبش يادوب زود على أسمه ت مربوطة وبقة أسمى)

فالدافع كلها ان الزميلة ( سامية ) حبت تخلص من ( سعيدة ) زوجة ( سعيد ) فحتطلها السم في مجك الشاي وهي افتكرت ان ( سعيدة ) هي الي حتشرب من مجك الشاي و مش ( سعيد) طبعا منورة الموضوع يا رغدة ياللى بجد كنت ليكى الريادة فى ظهور المواضيع دى فى المنتدى هنا من سنتين فى منتدى الاجازة برده بس المرة دى طلعت أوت منك وتفسيرك للقضية مش بالاقناع الكافى خلينى أناقشها معاكى ازاى سامية وانتى بتقولى بنفسك وهى بتساعد أم هالة فى تحضير الشاى أنها تحط السم فى المج أكيد كانت أم هالة هتاخد بالها وتشهد بحاجة زى دى فى التحقيق أو كانت منعتها أنا قصدت أصلا واحنا بنكتب اللغز أنى أخلى أم هالة تكون مع سامية فى المطبخ عشان أشككو فى سامية بس فى نفس الوقت أديلكو مانع لانها تعمل كدة أو أبعدها من دماغكو عالعموم حظ موفق ليكى يا أفوكاتو رغدة فى القضية الجاية وبجد شرفنى دخولك الموضوع


magic2
اولا احب اهنئكم جميعا على الاجازة والحمد لله الامتحنات عدت على خير بحلوها ومرها
نيجى بقة للقضية
القاتل
من معطيات القضية ومن التحقيق نجد ان سعيدة هى القاتلة حيث انها قالت فى التحقيق انها لا يوجد اية خلافات بينها وبين سعيد ولكن ام هالة اكدت انهم كان بينهم العديد من المشاكل بسبب خيانات سعيد لها والدافع للانكار طبعا لابعاد الشبهة عنها ومن تحقيقات كل الموجودين الوحيد الذى له مصلحة من قتل سعيد هو سعيدة وذلك بدافع الغيرة
كيف تمت الجريمة
سعيدة تعلم المج الخاص بسعيد فرتبت للموضوع فى عيد ميلاده لوجود سامية وذلك للانتقام منها هى وسعيد وذلك بقتل سعيد واتهام سامية بالقتل فدخلت المطبخ ووضعت السم فى المج وعندما رات سامية عملت انها تعبانه وذلك لكى تدخل سامية المطبخ وتحضر الشاى لكى تصبح بصماتها على المج وتتهم هى فى القتل
ده تحليلى للقضية من وجهة نظرى


حلك قريب يا ماجيك بس مش كامل فين دوافع سعيدة وكمان تفسيرك للأحداث بتاعة القضية مش واضح ومش مقنع بس كويس أنك حاولت وقربت أوى من الاجابة




Sorrow Bird
صباح الفل يا عم دراكولا بحيييك ع الفكرة الجامده دى وشكلها اجازة فل
الحل بقى
بص ياعم احمد
القاتل سعيده
الدافع غضبها من معاكسات زوجها لغيرها وزياده الغضب ده ف حضور ساميه الى هى عارفه انها بتحبه واحتمال انها تكون شاكه انه على علاقه بيها

الطريقه بقى

هى دخلت المطبخ ف وصول ساميه ومعتز وام هاله بتفتح الباب واقنعت هاله باى طريقه بحكم سلطتها عليها انها تعمل نفسها نازله الصيداليه تجيب دوا ليها بحيث ان هاله مش تكون شاهده على الى هى هتعمله
ولما كانت هى لوحدها ف المطبخ وانها طبعا عارفه ان سعيد هيشرب ف مج معين وضعت السم له وبما ان المج مش ازاز الى صب الشاى ممكن يكون مش واخد باله ان فيه سائل او اى حاجه الى هى السم

وان ساميه تكون هى القاتله احتمال بعيد لانها مهما كانت بتحبه ممكن تفكر انها تقتل سعيده مش سعيد
وبكده يكون الدافع عند سعيده اكبر من ساميه
لان سعيده هى المتضررة الاولى من خيانته حسب كلام ام هاله

ياريت متتاخرش علينا ف الحل يا دراكولا

نيجى بقة للاجابات الصح وهنبدأها بالترتيب على حسب أول واحد توصل للحل طبعا المتر سورو بيرد والى قرب كتير جدا من الحل وكان له الفضل فى أنه يكشف ثغرة مهمة أوى وهى أن سعيدة القاتلة كانت لواحدها فى المطبخ وبيتهيقلى كان قدامها الوقت الكافى أنها تحط السم فى الكوبايات من غير متحضر الشاى وكمان تقدر تتحرك فى أى مكان فى البيت فى أى وقت بشكرك طبعا يامتر أحمد على سبقك لينا بالحل ومستقبلك هايل يابنى بس فى محكمة الاسرة أن شاء الله تتراقع فى قضايا الخلع وتشتغل مخلعاتى تبقى عثل :patch_lf:


شيماء احمد
اولا بشكر كل القائمين على الفكره الرائعه واجازه سعيده على الجميع
ثانيا انا من وجهة نظرى ان القاتله" سعيده" وده للاسباب الاتيه:
اولا انها مدخلتش تحضر الحاجه فى المطبخ الا لما وصل زمايل سعيد الاول وكان معاها هاله وبعد كده هاله سبتها وخرجت " هنا هى اخدت وقت تكون لوحدها وتقدر تضع السم"اى انها تاكدت من وجودهم الاول
ثانيا انها هى اللى عارفه سعيد هيشرب الشاى فى ايه وهى اللى اخبرتهم بكده وهى اللى اختارت الماج بتاعه واعطيته ليه
ثالثا انها كانت عايزه تتهم ساميه بالتهمه دى والدليل انها داخت وخرجت بره المطبخ وسمحت لساميه انها تدخل مع الخادمه وتحضر الحاجه وهى مش حابه ساميه يعنى مكنتش هتسمحلها تحضر حاجة عيد ميلاد سعيد
رابعا تناقض كلامها فى التحقيق مع كلام الخادمه ام هاله وتاكيد كلام ام هاله من ابنتها بطريقه غير مباشره
خامسا ان غيرتها هى الدافع لارتكابها للجريمه
سادسا: ان لو كانت نية ساميه ان تقتله ما كانت قالت له تلك الكلمات اثناء دخولها ولو كانت نيتها قتل سعيده لا سعيد كانت تاكدت من الكوب الذى ستشرب فيه من الخادمه باى حجه مثل كم معلقه تحبها سيدتك وهكذاااا للتاكد
كما ان دخولها المطبخ للاعداد الحاجه جاء فجاه بدون تدبر منها للدخول اى لم يكن هنا دخولها امر متوقع بل جاء فجاه لتعب سعيده وغياب بنت الخادمه فى هذا الوقت ولكبر سن الخادمه
هذا ما استطت التوصل اليه وقريبا نشوف الحل بس قضيه جميله ومحيره
بصراحة برافو برافو برافو لانك يا استاذة شيماء فسرتى القضية وحللتيها التحليل الكامل ومش معنى كدة ان أجابتك يا سورو بيرد مش صح هى صح بس أنت لو دى كانت مرافعتك القاضى هيحبسك ويدى للمتهم أعدام حتى لو برىء ولكن طبعا أنت كان ليك السبق فى توضيح بعض الامور الغامضة فى القضية زى منا قلت وبصراحة أجابة شيماء كاملة متكاملة وواضحة جدا وانا لو قاضى وبحكم فى القضية دى أديها عشرة على عشرة ونجمة كمان :thumbsup: بس فى حاجة هى ابتكرتها فى الحل وعادى ممكن تمشى برده أن سعيدة عملت كدة عشان تلفق التهمة لسعيدة لا مش شرط هى عملت كدة وكان هدفها قتل سعيد أما تلفيق التهمة لسامية دى ممكن تكون جات زى منتى شوفتى عن طريق الصدفة لما عملت فيها عيانه وسامية قالت انا هخش أساعد ام هالة وأترتب على دة تداخل بصماتها على البراد بتاع الشاى والكوباية أنتو كلكو بقة نسيتو حاجة مهمة وهى أن سعيدة بصماتها كانت عالكوباية بس
وأم هالة لما سعيدة خرجت وهى عيانه قالت أن الكوبايات واقفة على أنها يتصب فيها الشاى معنى كدة أن الى حضر الشاى ولقم الكوبايات هى سعيدة وهى طبعا الى كانت لواحدها جوا بعد مهالة نزلت الصيدلية وكمان عندها الدافع وهو خيانات جوزها المتكررة ليها وبكدة يبقى كملت كل الجوانب بتاعة القضية وبشكركم كلهم يا محامين المستقبل على تفاعلكم مع الموضوع وأنتظرو القضية التالية من أحمد حلمى فى القريب أن شاء الله جود نايت

الضوء المشرق
09-02-2010, 05:10 PM
منتظرين القضية الثانية يا دراكولا عشان اعوض خسارتى فيها باذن الله وبدل ما اجيب لمتهم واحد اعدام اجيب للكل اعدام حتى القتيل.ههههههههههههههههه

سيندريلا
09-02-2010, 10:13 PM
فكره جميله جدا ولعبه حلوه اوى
وفى انتظار القضيه الثانيه

a7med 7elmy
10-02-2010, 04:35 AM
فى البداية أحب أوجه الشكر لزميلى وصديقى دراكولا على تعاونه معى فى أخراج هذا





الموضوع بهذا الشكل الذى نال أعجابكم





ولازم أوجه أعجابى الشديد بكل الى شاركو معانا فى الموضوع دة وأبدو برأيهم





وحلولهم للقضية الأولى وبجد بقولهم انتو عقليات محامين وليكو مستقبل باهر ينتظركم أن شاء الله





تعالو بقة نخش مع بعض على القضية التانية





كالعادة وكما عودتكم هنبدأ بأحداثها الى انا هكتبهالكو دلوقتى وبعدين معطياتها





والمطلوب فيها الى هنشوفو مع دراكولا فى مشاركة بعد دى






أحداث الجريمة






فى أحدى الفنادق الصغيرة الموجودة على الطريق الزراعي





منال : أهلا وسهلا نورت يا أفندم وأتمنى تكون الاقامة هنا عجبتك





منال صاحبة الفندق والمسئولة عن الاستقبال فيه





أحد النزلاء : جدا يا مدام منال بجد المكان هنا جميل ومفيد للمسافر اللى عايز ياخد قسط من الراحة





منال : أتمنى أشوف حضرتك تانى





النزيل : باذن الله فى أقرب فرصة





منال : سيد يا سيد





سيد هو عامل فى الفندق





سيد :أيوة يا ست منال





منال: وصل شنط الباشا لحد العربية





سيد : ماشى يا ست هانم أتفضل يا باشا





محمد : مساء الخير





منال : مساء النور





محمد :لو سمحتى انا عايز غرفة لمدة يوم واحد لانى كنت سايق وتعبت من الطريق وعايز أريح شوية عشان أقدر أكمل





منال:تشرفنا يا أفندم ممكن بطاقة حضرتك





محمد : معلشى طب ممكن أروح أجيبها لحضرتك من العربية أنا راكنها فى الجراج الى قريب من هنا





منال:لا عادى يا أفندم مش مهم حضرتك ممكن تقوللى بياناتها وخلاص





محمد :أوك





ثم أثناء ما كان يخبر محمد منال ببياناته دخل أحد الاشخاص مرتديا زى ظابط شرطة





أسامة: لو سمحتى عايز غرفة لشخصين





منال : طيب يا أفندم ثوانى يا أستاذ محمد لو سمحت بس هجيبلك مفتاح الأوضة أهو بس أخد بيانات الباشا الأول





محمد : عادى أتفضلى يا مدام





منال: لو سمحت ممكن بطاقتك يا أفندم عشان أخد منها البيانات





اسامة:أتفضلى ولو سمحتى ممكن تعينى الورق والسى ديهات دى عند حضرتك فى الامانات بس ياريت يكون مكان كويس وأمن الى هتعينيهم فيه





منال:متقلقش يا أفندم الخزنه الى بحط فيها متعلقات النزلاء موجودة فى أوضتى





أسامة: تمام كدة يا مدام البطاقة مع حضرتك واسمحيلى أنا بقة أجيب زميلى الى معايا برة عشان نطلع الأوضة





منال:أتفضل يا كابتن أسامة أوضة حضرتك رقم 4 ومفتاحها أهو



وأنت يا أستاذ محمد أوضة حضرتك رقم 6 ومفتاحها أهو





محمد:شكرا





ثم جاء من الخارج الاسطة عبده ميكانيكى سيارات نزيل دائم فى الفندق بحكم ورشه عمله الموجودة بجانب الفندق





الاسطة عبده :مساء الخير يا ست منال الغدا جاهز ولا هاكل برة النهاردة



منال : لا ياسطة عبده ثوانى بس أنده على عابد وأقولو يجهزهولك ويطلعهولك





عابد الطباخ العامل فى الفندق





الاسطة عبده: هى فيها عابد يلا ما علينا الوادة أكله مش حلو زى خليل





خليل الطباخ الذى كان يعمل قبل عابد





منال :معلشى بقة ياسطة عبده مسيرو يبقى شاطر لما أديه تاخد عالشغل



الاسطة عبده :ماشى يا ست منال انا طالع بقة ولما الغدا يجهز أبقى خليه يطلعهولى





منال :ماشى ياسطة عبده





وبعد حلول الليل





منال:انا هخش انام انا ياسيد ولو فى زباين جات أبقى أطلع خبط عليا وصحينى واناأنزل أتكلم معاهم ماشى





سيد:ماشى يا ست هانم





بعد حوالى ساعتين تلاتة كدة دخل أحد النزلاء الجداد بيبص لقا واحد نايم فى الاستقبال





النزيل:لو سمحت لو سمحت اصحى ياعم أنت





سيد:يااااااااااااااااه هو انا كنت نايم ولا أيه





النزيل: فوق يا عم أنت مش خايف حد غريب يخش يسرق المكان





سيد:هو حد يقدر انا نايم أه بس نايم بعين وعين





النزيل:طب عايز أوضة





سيد:طب ثوانى أطلع أصحيلك ست منال





النزيل:طيب متتأخرش عشان انا هلكان أوى وعايز أنام





ومفيش دقيقة





سمع النزيل صوت زعيق وصريخ من فوق وطلع جرى وفجأة صحا كل النزلاء والعمال فى الفندق وتوجهو لمكان الصريخ





لقو أوضة مفتوحة دخلوها لقو سيد قاعد جنب سرير منال وموهوم وبيزعق وبيقولالحقونى الحقونى





دخلو عليه لقو منال فاتحة بقها وعنيها والخزنه بتاعتها جنبها مفتوحة



وواقع منها حاجات جنبها





تدخل أسامة وسمير



سمير الظابط المقيم مع أسامة فى الفندق





أسامة:محدش يلمس حاجة لو سمحتو ومحدش يتحرك سمير أطلع أقفلى على باب الفندق متدخلش حد ولا تخرج حد





وأتصل أسامة بالنجدة



*********



وبعد مخلصت أحداث قضيتنا انتظرو المعطيات والى هيقوم بعرضها عليكو دراكولا



وعلى فكرة القضية دى فيها فكر جامد اوى

فى انتظار المعطيات من دركولا

Dracula
10-02-2010, 06:28 AM
يا ناس يا عثل دراكولا وصل
طبعا زى مشوفنا الزميل والصديق العزيز أحمد حلمى عرض عليكو القضية التانية
تعالو بينا نشوف معطيات القضية والى هتبقى عبارة عن
شهادة الشهود
تقرير المعمل الجنائى
تقرير الطبيب الشرعى

نبدا باستجواب المحقق للشهود
المحقق :هاتلى يابنى أول واحد
سيد :أيوة ياباشا
المحقق:حصل أيه يا سيد
سيد:انا كنت نايم يا باشا فى الرشبشن
المحقق:فين ياخويا
سيد:فى الرشيبشن سعاتك فلقيت زبون دخل عليا وبيصحينى ولما فقت وقلتلو أستنى أطلع اندهلك ست منال طلعت أصحيها خبطت لقيتها مبتردش فضلت أخبط برده مفيش صوت ليها فتحت الأوضة بالمفتاح الى معايا وفضلت أنده عليها زى منا متعود من عالباب مردتش عليا قلت يمكن غطسانه فى النوم قربت منها وعليت صوتى شوية لقيت شكلها متغير أوى يا بيه فاتحة عنيها وبقها ومبتردش عليا بحط أيدى عليها برده ملقتهاش صحت فخفت يكون حصلها حاجة أو تعبانه زعقت بعلو صوتى لقيت الظباط الى نازلين فى الفندق جم جري هما وباقى الناس ولقيتهم بيقولو دة ماتت محدش يخرج أو يدخل الله يرحمك يا ست منال الله يرحمك يا ست منال
المحقق:أنت شغال مع ستك منال بقالك قد أيه
سيد:انا يا باشا كنت الأول مع سيدى أبراهيم صاحب الفندق والى بعد ممات أستلمت الست منال الفندق مكانو وبقت هى الى ماسكاه ومن ساعتها وانى وهى يا بيه شايلين مسئولية البنسيون كلها
المحقق:مين تانى معاه مفتاح الأوضة بتاعتها غيرك أنت وهى
سيد:مفاتيح الأوض بتاعة البنسيون كلها زى بعضها يا بيه أى مفتاح فى البنسيون يفتح أى أوضة والمفتاح بتاع ست منال معاها واحد ومعايا هنا واحد لباقى الأوض عشان لما بكون طالع أنضف الأوض يا بيه وأنى متعود أنى بطلع أخبط وأصحيها مصحتش بفتح الباب وأنده عليها من برة بس المرة دى مردتش خالص يا بيه
المحقق:هو فى كام أوضة فى البنسيون يا سيد
سيد:فى تمن أوض فى البنسيون يا بيه وأوضتين تحت الأوضتين الى تحت واحدة بتاعتى وواحد بتاعة عابد الطباخ والى فوق واحدة بتاعة ست منال والباقى للزباين بتوع البنسيون
المحقق:طب وأنت هنا فى الرسيبشن محستش بأى حركة غريبة فوق أو تحت أى فى البنسيون عموما
سيد:يا بيه وانا فى الرشبشن هنا نمت ومدريتش بحاجة خالص يا بيه غير بالجدع الى صحانى وكان عايز أوضة دة وبس والله لو أعرف أن فى مصيبة زى دى هتحصل مكنت غفلت أصلا
المحقق:طب استنى انت شوية يا سيد هاتولى الطباخ الى اسمه عابد دة
عابد:تحت أمرك يا باشا
المحقق:أزيك يا عابد أنت كنت فين ساعة الى حصل دة يا عابد
عابد:انا ياباشا طلعت العشا لست منال لقيتها زى متكون دايخة كدة وتعبانه سبت العشا وسألتها عايزة حاجة يا ست منال قالتلى لا يا عابد روح أنت وشد الباب وراك نزلت من أوضتها على المطبخ غسلت المواعين وخلصت كام شغلانه فى أيدى ووأنى داخل أوضتى لقيت سيد نايم قلت بلاش أقلقه وسيبته نايم ودخلت أوضتى أنام أنى كمان عشان أعرف اصحى بدرى أحضر الفطار للنزلا بتوع البنسيون وفجأة يا بيه سمعت صوت زعيق وانا نايم قمت مفزوع جرى لقيت الصوت دة جاى من فوق طلعت أشوف فى أيه لقيت فى زحمة عند أوضة ست منال ولقيتهم بيقولو دى ماتت
المحقق:تفتكر مين يكون عمل كدة يا عابد
عابد:معرفش يا بيه العلم لله
المحقق:أنت شغال هنا بقالك قد أيه
عابد:انى بقالى حوالى أسبوع أو أكتر شوية يا بيه بس ما شاء الله الست منال بتعاملنى كأنى أبنها
المحقق:أه طيب هاتلى يابنى النزلاء بتوع الفندق لما نستجوبهم
الاسطة عبده :تمام ياباشا
المحقق:كنت فين ساعة الى حصل دة ياسطة عبده
الاسطة عبده:كنت نايم فى أوضتى يا بيه أصل زى مسياتك عارف الواحد مننا ملوش غير أكل عيشو فبتعشى وأروح نايم عشان أصحى بدرى وأروح ورشتى الى هى جنب البنسيون بشوية صغيرين دى يا بيه ووأنى نايم قمت على صوت صريخ ففتحت أوضتى بصيت لقيت الناس ملمومة قدام أوضة ست منال رحت أشوف فى أيه لقيتهم بيقولو دى أتقتلت وأتسرقت مين بس ولاد الحرام الى هيعملو كدة يا بيه دة كانت ست الستات وفى حالها والبنسيون مكنش له غيرها الله يرحمك يا ست منال
المحقق:أنت بتنزل هنا علطول ياسطة عبده
الاسطة عبده:انى البنسيون هنا عامل زى بيتى يا بيه لان سياتك عارف أننا على طريق وأنى بيتى وعيلتى فى بلد بعيدة عن هنا فبنزل هنا علطول وفى أوقات بقفل الورشة وبنزل البلد أروح أزور الولية والعيال وبصراحة الست منال الله يرحمها وجوزها الله يرحمه سى أبراهيم ناس كرما والواحد حس كأنهم من أهل بيتو حبهم وعشرتهم خلتو يستريح معاهم الله يرحمك يا ست منال
المحقق:ماشى ياسطة عبده روح أنت الى بعده يابنى
النزيل محمد:تمام يا أفندم
المحقق:تعرف أيه يا استاذ محمد عن الى حصل دة وكنت فين ساعتها
محمد:انا يا أفندم لسة جاى الفندق دة أمبارح الصبح كنت سايق عربيتى ولما تعبت من السواقة ومن الطريق قلت أريح هنا فى الفندق شوية لو حتى هبات ليلة على أما أهدا وأبقى أكمل مشوارى جيت وحجزت أوضة وطلعت أتغديت وريحت شوية بس راحت عليا نومة لحد مصحيت على صوت زعيق برة طلعت لقيت فى ناس ملمومة وبيقولو فى واحدة أتقتلت شوية ولقيتهم بيقولو دة صاحبة الفندق
المحقق:حضرتك كنت رايح فين
محمد:انا كنت رايح أجيب مراتى من بلدها أصلها راحت تزور مامتها
المحقق:طيب أخر مرة شوفت فيها القتيلة أمتى
محمد:مشوفتهاش غير ساعة محجزت الأوضة منها وبس لا حول ولا قوة الا بالله الدنيا معتش فيها خير الله يرحمها
المحقق:ويرحمنا جميعا هاتلى يابنى الظباط الى بلغو
الظابط أسامة :مساء الخير يا أفندم
المحقق:مساء الخير يا باشا أيه الى حصل بالظبط ياريت تحكيلى الى أنت شوفتو وتقوللى انت أزاى أكتشفت الجريمة دى
أسامة:انا والنقيب سمير كنا رايحين نستلم شغلنا فى بلد فى الارياف بعيدة عن هنا شوية وواخدين ورقنا وحاجتنا كلها معانا فقلتلو تعالى نستريح شوية فى الطريق لقينا مكتوب فندق فقلنا نيجى نرتاح شوية عشان مندوخش عالطريق وأحنا سايقين ويحصل حاجة لا قدر الله فجينا دخلت حجزت أوضة وسبت ورقى وحاجتى كلها مع المرحومة والى أكتشفت بعد كدة انها صاحبة الفندق لما قالتلى أن الحاجات دى بتتعان فى خزنتها فى أوضتها فقلت خلاص يبقى حاجتنا فى أمان دخلت انا وسمير نريح شوية لأننا جايين من مسافة بعيدة وفجأة سمعت صريخ خرجت برة لقيت فى أوضة مفتوحة رحت انا وسمير نشوف فى أيه لقيت الى أسمه سيد دة قاعد عالأرض بيزعق وبيقول الحقونى دخلت أشوف فى أيه لقيت القتيلة نايمة بس زى متكون ماتت بفعل فاعل والى أكدلى كدة لقيت الخزنه مفتوحة وواقع منها حاجتى وكمان لقيت فى كوباية وأطباق واقعين متكسرين جنب سرير القتيلة بصراحة أنا قلت لازم أبلغ النجدة وقلت لسمير ميدخلش ولا يخرج حد من الفندق لحد مييجو وبس
المحقق:ياترى فى حاجة نقصت من حاجتك ولا كلها كاملة
أسامة:لا حاجتنا الحمد لله كاملة منقصش منها حاجة بس انا قلت ملمسش حاجة منها طبعا الا لما خبراء البصمات ييجو ويعاينو
المحقق:أكيد طبعا يا باشا وخلاص أحنا وصلنا تقرير الطبيب الشرعى والمعمل الجنائى شكرا يا أسامة باشا تقدر تتفضل

بعد مشوفنا استجواب الشهود ونزلاء الفندق تعالو بينا نشوف تقرير المعمل الجنائى والطب الشرعى

الطب الشرعى
*****
الطبيب الشرعى اثبت أن منال ماتت مخنوقة والى قتلها خنقها وكتم عنها النفس لحد مفارقت الحياة
*****
المعمل الجنائى اثبت أن الخزنه أتفتحت بمفك أو طفاشة مما يدل على أن الشخص الى قام بالسرقة محترف فى فتح الخزن وأن مفيش أى كسور فى كالون الباب ومفيش اى بصمات عالخزنه وتم تفتيش الفندق كاملا ولم يتم العثور على أى شىء من المسروقات الى كانت فى الخزنه غير الاوراق التى تخص الظابط اسامة ودى تم العثور عليها بجانب القتيلة على الارض مبعثرة بجانب بعض الاكواب والأطباق المكسورة والمبعثر منها بقايا الطعام والذى كان يخص القتيلة ولكن تم العثور أمام باب الفندق على قطعة من الذهب وبعد تحليلها أتضح أنها تخص القتيلة مما يدل على أن فى شخص خرج من الفندق ودخل تانى وتحليلا لما حدث من عدم وجود أى شىء من المسروقات أن المسروقات تم تهريبها خارج مسرح الجريمة وتم ابعادها عن مكان الحادث وبعد تحليل البصمات الموجودة عالباب تم وجود بصمات سيد العامل بالفندق وبناء عليه تم أسناد التهمة له
*******
المطلوب
وصف تفسيرى لأحداث الجريمة التى وقعت بمعنى أخر عايزينكو تقولولنا الجريمة دى حصلت ازاى وبجانب دة طبعا عايزين نعرف منكو مين القاتل يا ترى سيد زى مالمعمل الجنائى اثبت بناء على بصماته الموجودة على كالون الباب أم أن القاتل حد غيره وأذا أسندت أتهامك لشخص من الأشخاص الموجودة داخل قصة أحداث الجريمة ياريت توضحلنا بناء على أيه أسندت أتهامك دة وأكيد حاجة زى دى هتكون مدعومة بالأحداث الى أرتكب فيها المتهم جريمتى القتل والسرقة
القضية دى يمكن تكون صعبة شوية بس صدقونى فيها ثغرات كتير لو قدرتو تتوصلولها هتحلوها وكمان فيها فكر جامد أوى زى مأحمد حلمى قالكو ورونا بقة شطارتكو ومستنيين مرافعاتكو بقة للقضية دى

فرحة 2011
10-02-2010, 01:58 PM
اولا شكرا على القضيه الاولى
وانا فى القضيه الثانيه شايفه القاتل هنا" محمد" وده للاسباب الاتيه:
اولا انه مكنش معاه اثبات شخصيه وده كان اول سبب للشك فيه لانى ظنيت انه املاها بيانات خاطئه لكن ده محصلشى بس اللى حصل هنا انه مكنش معاه بطاقه واكيد فى التحقيق بيطلب وكيل النيابه اى اثبات يثبت الشخصيه اللى قدامه معنى كده انه خرج و رجع تانى وجاب بطاقته
ثانيا انه كان موجود اثناء ما كان الحوار بين منال واسامه واثناء الحوار اخبرت منال بوجود الخزنه فى حجرتها وهنا عرف مكان وجود الخزنه
ثالثا ان منال كانت تنادى على اسامه بالكابتن واملاها بياناته امام محمد فعرف محمد هويته فلم يقم بسرقة ما يخصهم لانها معلومات للشرطه فلم يقم بسرقتها
رابعا عدم شكى بالباقى للاسباب الاتيه:
اولا ان كلا من سيد وعابد يعملان مع منال منذ فتره وكان من الممكن ان يتم سرقتها فى اى وقت منذ بدا عملهم ولكن وجودهم طوال هذه الفتره دون حدوث شيىء تدل على حسن نيتهم كما ان اقوالهم امام النيابه متطابقه مع الواقع الذى حدث
ثانيا كل من الاسطى عبده : موجود منذ زمن فى الفندق وان عمله قريب فلهذا تم استبعاده
ثالثا ان كلا من اسامه وسمير رجال امن اى هما من تحفظوا على الجريمه حتى يتم رفع البصمات واول من وجدوا عند صريخ سيد
وان محمد قال انه استاجر جراج قريب من الفندق اى انه قد خرج ووضع المسرقات فى السياره وعاد مسرعا
وهنا الجريمه حدثت كالتالى :
عندما عرف محمد بمكان الخزنه اثناء حوار منال واسامه اعتزم على سرقتها و ذهب الى حجرته وانتظر حتى ياتى الليل ويسرقها وفتح باب حجرة منال بفتاح حجرته لان جميع المفاتيح متوحده واثناء فتحه للخزنه استيقظت منال فحاولت تقاومه فوقعت الاطباق على الارض فقام بخنقها لكن هذا حدث فجائى اى لم يكن يقصد القتل من البدايه ولكنه امر محتمل هنا لانه كان من المتوقع وجودها وفتح الخزنه وسرق ما فيها وترك الاشياء الخاصه باسامه واستخدم مقنع فى يده لعدم التعرف على بصماته وهنا كان الاحتراف فى السرقه واخذ المسروقات وخرج بها من الفندق ووضعها فى سيارته واحضر بطاقته لانه لو ماكان معه اى اثبات لشخصيته كان ساله المحقق وعاد مره اخرى الى حجرته لانه لو هرب كانت بياناته الموجوده فى هذا اليوم ستدلهم عليه
وكان لابد للسارق ان يكون له مكان قريب ليضع به المسروقات ومنهم الاسطى عبده لوجود ورشته وانا اسبعدته للاسباب السالف ذكرها ومحمد لوجود سيارته فى جراج قريب
بس اللى محيرنى ان فين بصمات عابد اللى على الباب لما دخل العشاء وانه اللى كان مستيقظ اثناء نوم سيد يعنى هو شاهد ان سيد كان نايم فى وقت الجريمه بس انا مستبعداه
بجد بجد انا احترت
هذا ما توصلت اليه وشكرا بجد على القصص المثيره جدا واتمنى متتاخرشى علينا بالحل

فرحة 2011
10-02-2010, 03:06 PM
وجود كلمة بقايا الطعام هنا ان منال تناولت العشاء بعد خروج عابد من حجرتها اى انه خرج من حجرتها ومنال ما زالت على قيد الحياه وهنا دخل شخص اخر وهو القاتل بعد عابد وكان يرتدى قفازات فقام بمسح بصمات عابد فهنا انا بستبعد عابد من شكى وبرجح ان محمد هو القاتل والله اعلم

l@w man
10-02-2010, 04:11 PM
انا متفق مع الاستاذة شيماء جدا
ومتهيلى نفس التفكير الى فكرت فيه وقت ما قرات
عابد مش ممكن لان الاطباق المكسورة كان فيها بقايا طعام
والبصمات منال كانت مستيقظة وبتاكيد مش هيكون له بصمات على الباب
لانه يحمل الاكل
ممكن يكون نده عليها وهى اخدت الاكل

سيندريلا
10-02-2010, 04:22 PM
انا بتفق مع راى شيماء ان محمد هو القاتل
وبالنسبه لبصمات عابد اعتقد انه بسبب طبيعه عمله انه ممكن يكون مرتدى قفازات واحتمال اخر ان يكون القاتل قام بمسح البصمات من على الباب

فرحة 2011
10-02-2010, 08:22 PM
انا برجح ان القاتل قام بمسح البصمات وده لانه محترف لان لو نادى على منال اين بصمات منال هنا
وكان قالوا اختلطت بصمات سيد ومنال بس وجود بصمات سيد فقط ده دليل على مسح البصمات قبل دخول سيد للحجره

فرحة 2011
11-02-2010, 08:36 PM
فين حل القضيه ياديراكولا انت واحمد انا عايزه اعرف حلى صح ولا خطا

moonyy
12-02-2010, 12:01 AM
اولا انا سعيده انى بشارك فى الموضوع الجميل ده
بس اسمحولى انا بختلف معاكوا فى الرائ لانى شايفه ان القاتل هنا هو الاسطه عبده وده علشان المعمل الجنائى اثبت ان الخزنه اتفتحت بمفك او طفاشه وده بحكم شغله هيكون محترف فى فتح الخزن وفى حاجه كمان ان هو الوحيد الى اكد انها اتسرقت لقيتهم بيقولو دى أتقتلت وأتسرقت مين بس ولاد الحرام الى هيعملو كدة يا بيه دة كانت ست الستات وفى حالها والبنسيون مكنش له غيرها الله يرحمك يا ست منال .
وبالنسبه كمان لقطعه الذهب الى لقوها بجانب البنسيون لان اكيد خباء باقى المسروقات فى الورشه بتاعته الى جنب البنسيون
ودى اسبابى فى اتهامى للاسطه عبده
لكن انا معنديش وصف بالنسبه للجريمه وقعت ازاى
بس ياريت الحل بسرعه

a7med 7elmy
12-02-2010, 05:35 AM
بالنسبة لحل القضية المفروض دركولا كان نزله من بدرى بس ظروف النت عنده منعته

وبامانه معاانا عقليات فى المنتدى بتحلل القضايا كويس جدا سوءا نوصلت للحل الصح او لا

بالنسبة للحل الصح فى القضية فشيماء احمد قدمت تفصيل اكتر من رائع لاحداث الجريمة

والقاتل فعلا هو محمد لاسباب اللى قالتها سيماء احمد

بالنسبة mmoony فقدمت تحليل منطقى جداا لكن محمد كان المتهم الاولى والاساسى

وابسط دليل على كدا انه هو اللى كان عارف المكان اللى بتحتفظ فيه بالحاجات المهمه

وشيماء وضحت الكلام دا فى تحليلها للاحداث


بحيكم بجد على عقلياتكم

واشوفكم بقى ان شاء الله مع القضية الثالثة

moonyy
12-02-2010, 10:27 PM
ميرسى جدا على حلك للقضيه ومستنين القضيه التالته
واتمنى المره دى يكون حلى صح

قاضى الحق
14-02-2010, 05:31 AM
فكرة جميلة جداااااا

tamtam
14-02-2010, 10:25 PM
القضية التالتة فين ياشباب هو الموضوع قفل على كدة ولا ايه

a7med 7elmy
17-02-2010, 06:43 AM
أزيكم يا أحلى شباب طبعا بنعتذرلكو على التأخير فى القضية التالتة بس





الموضوع مكنش ينفع أكملو وصديقى دراكولا غايب لاننا بنكمل بعض





وبنألف اللغز سوا عالعموم تأخيرنا جه بفايدة رجعنالكو بلغز أنما أيه جامد أوى من غير

كتر كلام تعالو نشوف أحداثه





****





أميمة سيدة تبلغ من العمر 65 سنه تعيش وحدها فى منزل مكون من أربع





غرف كانت أميمة تشتكى دائما من الضوضاء لانها ساكنه فى الدور الأول





وكمان لان جنب بيتها محطة ترام الى هو التروماى يعنى ودة كان عامل ليها





قلق جامد أوى فراحت لمهندس وطلبت منه يحجبلها الصوت الى برة عنها أو





بمعنى أصح يعملها غرفة منفردة عن باقى الشقة وكمان طلبت منه يعملها





باب تانى لشقتها وبكدة بقة فى بابين لشقتها باب يطل على غرفتها المنعزلة





دى والى كانت موفرة فيها كل لوازم معيشتها يعنى سرير وتلاجة وكل حاجة





ممكن تحتاجها وفرتها فى الغرفة دى عشان متحتجش باقى الغرف وزى مقلنا





فى باب تانى بيطل على باقى الغرف دى وكمان عملت زى حاجز للصوت





الى بيبقى موجود فى الاستوديوهات بين غرفتها دى وبين باقى الغرف عشان





متسمعش طبعا الصوت الى جاى من برة خالص ومن كتر عقدتها من





الضوضاء عملت جرس الباب عبارة عن لمبة بتنور لما حد يضرب الجرس





برة ولغت خالص الجرس





وفى يوم وهى قاعدة وبتقرا فى الجرنان الكلام دة حوالى الساعة 8 بليل





الموبايل بتاعها رن وأكيد طبعا من ضمن تلاشيها للضوضاء أكيد عاملاه سايلانت
(نفسنه)





المهم نرجع لموضوعنا مين بيتصل بيها





سمية



سمية جارة أميمة ساكنه فى الدور الرابع شابة متزوجة من محاسب أسمه





جاسر وعندهم ولد وبنت سمية كانت الوحيدة الى بتود أميمة وأميمة كانت



بتعتبرها زى بنتها





أميمة:أزيك يا سمية





سمية:أزيك يا ماما أميمة أخبارك أيه





أميمة:انا الحمد لله كويسة أهو لسة عايشة وأنتى أخبارك أيه





سمية:والله تعبانه أوى يا ماما أميمة معلشى معرفتش أنزلك النهاردة أصل





رجليا شدت عليا ويادوب أمبارح قدرت أنزلك بالعافية





أميمة:لا ولا يهمك يا حبيبتى كفاية تعبك أمبارح ونزلتيلى ورجلك فى الجبس





دنتى تشكرى يا بنتى أخبار جاسر جوزك أيه





سمية: تمام الحمد لله راح هو والولاد عند مامته فى حلوان وهييجو أحتمال





على بكرة كان نفسى أروح معاهم بس الجبس دة هدنى يلا خير المهم أنتى





كويسة يا ماما مش عايزة حاجة وانا أخلى سيد يجيبهالك





سيد بواب العمارة





أميمة:لالالالا انا كان عندى الواد عبده المكوجى كان بيجيبلى الهدوم الى





كواها فبعته يجيبلى الدوا بتاعى خليكى أنتى يا حبيبتى متتعبيش نفسك وكفاية





الى أنتى فيه وانا شوية وهنده على سيد يشوفو أتأخر ليه دة بقالو ييجى ربع ساعة





وفجأة ..............





الحقينى يا سمية عفرييييييييت عفريييييييييييييت





***********





متتخضوش مفيش عفاريت دى ست منفسنه بس وتلاقيها شافت فار ولا حاجة





المهم عشان تكمل عندكم الصورة أنتظرو المعطيات الى هيخش يكتبها فى





المشاركة الجاية دراكولا هى هتبينلكو كل حاجة

Dracula
17-02-2010, 08:06 AM
مساء الليل عليكو وحشتووووووووونى وحشتووووووووونى وحشتوووووووووونى معلشى أنى غبت اليومين دول بس ظروف النت كانت منيلة بنيلة ربنا ميوريكو عشان مطولش عليكو تعالو بينا نشوف معطيات قضيتنا اللذيذة الغريبة الى أكيد قروها بيقولو أيه الهبل دة واحدة مجنونة شافت خيال فى شقتها أفتكرتو عفريت طب متيجو نشوف أيه الحكاية
*********
تلقت النجدة أتصال هاتفى من سيد بواب العمارة بيفيد بوجود أميمة القتيلة متوفية دون معرفتهم للسبب هتقولولى أيه دة هى ماتت أيون ماتت
ثم جائت الشرطة للمكان محل الواقعة لتقوم بتحليل ما حدث وحصل بالفعل معاينه المكان وفى التحقيق ثبت ما يلى عن طريق الطب الشرعى وشهادة الشهود والمعمل الجنائى
فى البداية قبل منعرض عليكو شهادة الشهود نحب نقولكم تقرير الطب الشرعى فى الى حصل وأيضا تقرير المعمل الجنائى
الطب الشرعى أثبت أن أميمة ماتت بسبب أزمة قلبية حادة
تعالو بقة
**
نشوف تقرير المعمل الجنائى
المعمل الجنائى اثبت أن مجوهرات القتيلة سرقت ودة لما أكتشف المعمل الجنائى وجود قطعة من الذهب تخص القتيلة داخل غرفتها مبعثرة على الأرض وأيضا وجود أثار للعنف وجروح طفيفة وحديثة فى أدين المجنى عليها ودة كان نتيجة أن الى سرقها أنتزع مجوهراتها من أديها بالعنف بعد متوفت نتيجة الأزمة القلبية ولم يتم العثور على أى كسور أو خدوش فى كالون ابواب الشقة وأيضا تم ضبط ملابس سوداء مع قناع غريب الشكل فى غرفة القتيلة ودة الى أدى الا الخوف الشديد من ناحية المجنى عليها والى أدى بيها للأزمة القلبية وأيضا تم أكتشاف دواليب غرفة المجنى عليها مفتوحة ومبعثر ما بداخلها ولم يتم العثور على أى بصمات للجانى وبعد تفتيش العمارة تم العثور على أحد درجات سلم العمارة على قطعة من الذهب تم أكتشاف أنها تخص المجنى عليها وكان هذا تحديدا أمام شقة المهندس حسن الذى يسكن فى الدور التانى فى العمارة فوق المجنى عليها مباشرتا
*******
بعد مشوفنا تقرير المعمل الجنائى وتقرير الطب الشرعى
تعالو بينا نشوف أستجواب المحقق للشهود
المحقق:أندهلى يابنى عالشاهد الأول
سمية:تمام ياأفندم
المحقق:أحنا أسفين يا مدام سمية أننا أستجوبناكى وجبناكى المشوار وأنتى رجليكى فى الجبس بس أنتى شايفة فى جريمة قتل وسرقة وحضرتك حسب معلوماتى من ضمن الى بلغو عن الحادثة وكمان أخر واحدة نمرتها كانت عند القتيلة فشهادتك ضرورية جدا
سمية:لا يا أفندم عادى دة يادوب صدعة بسيطة وأن شاء الله هبقى كويسة وبعدين المرحومة غالية عليا أوى الله يرحمك يا ماما
المحقق:ماما هى المرحومة تبقى والدتك أنا حسب التحريات أن المرحومة ملهاش قرايب وكانت وحيدة
سمية:المرحومة الله يرحمها كانت بتعتبرنى زى بنتها من يوم مجات العمارة من حوالى شهر وانا بودها وأقرب واحدة ليها لان ملهاش حد ومفيش حد بيزورها فكنت بود عليها من وقت للتانى ويمكن كنت بنزلها كل يوم بس اليوم دة أنا مقدرتش أنزلها لان رجلى شدت عليا بسبب الجبس دة وكمان كان جوزى مسافر بقالو خمس تيام هو والولاد عند مامته يمكن لو كان موجود كنت خليته ينزل يطمن عليها
المحقق:طب أحكيلى لو سمحتى أيه الى حصل
سمية:أنا كنت بكلمها فى التليفون وفجأة يافندم لقيتها بتزعق وبتقول عفريت عفريت عفريت ندهت على سيد وأديتله مفتاح الشقة وقلتله ينزل يشوفها مالها لان طبعا رجلى كانت بتوجعنى ومكنتش قادرة أنزل
المحقق:مفتاح شقة مين
سمية:مفتاح شقة ماما أميمة أصلها كانت عاملالى نسخة من مفتاح شقتها عشان لو فى يوم مكلمتنيش أبقى أنزل وأطمن عليها
المحقق:طب وبعدين
سمية:بعد مندهت على سيد وأديتو المفتاح يشوف فى أيه لقتيو بيزعق وبيقول الحقونى الحقونى بقولو فى أيه يا سيد قاللى أن ماما أميمة واقعة عالأرض فقلتلو يتصل بالأسعاف ونزلت أشوف فى أيه أتصلنا بالأسعاف وجه قالو دة ماتت نتيجة تعرضها لأزمة قلبية وشاكين أن دة حصل بسبب حاجة أتعرضتلها بنبص فى أوضتها لقينا كركبة وحاجات غريبة وكمان حسيت أن فى حاجة غريبة بتحصل خليت سيد يكلم النجدة ييجو يشوفو فى أيه
المحقق:طب مفيش حد لاحظ حركة غريبة فى العمارة حد طالع حد نازل كدة
سمية:انا كنت جوا فى شقتى وأول محصل الى حصل ندهت على سيد يشوف فى أيه لكن مخدتش بالى بأى حركة غريبة فى العمارة
المحقق:يا مدام سمية المرحومة أتسرقت مجوهراتها وماتت بفعل فاعل يمكن هو مقتلهاش بأيدو بس ساهم فى دة بأنو خوفها وعمل فيها عفريت وهى بحكم سنها أعصابها حساسة فمستحملتش وماتت وبعدها قام الفاعل دة بسرقة كل مجوهراتها الى كانت لابساها والى كانت عايناها كمان وللأسف مقدرناش نحصل على بصمات
سمية:يا حبيبتى يا ماما أميمة الله يرحمك الله يرحمك أنا أفتكرت حاجة يا أفندم حصلت فى وقت الجريمة
المحقق:هى أيه قولي بسرعة
سمية:وأنا بكلمها فى التليفون كانت قالتلى أن الواد عبده المكوجى بيجيبلها الدوا بتاعها وأنه أتأخر عليها ولسة كانت هتنده على سيد البواب عشان يشوفو فين
المحقق:أها سيد وعبده طب شكرا أوى يا مدام سمية لو أحتجت حضرتك تانى هبعتلك والبقاء لله

المحقق:أندهلى يابنى عالشاهد التانى
سيد البواب:أيوة يا باشا
المحقق:أنت الى بلغت صح
سيد:أيوة يا باشا
المحقق:طب أحكيلى بقة الى حصل يا سيد
سيد:أنا يا باشا كنت فى الشارع بتفرج على الحادثة الى حصلت قدام العمارة
المحقق:حادثة أيه
سيد:جوز عربيات يا باشا خبطو فى بعض والناس كلتها كانت واقفة وانى كنت واقف معاهم والدنيا كانت مقلوبة
المحقق:وبعدين
سيد:فجأة يا باشا سمعت ست سمية بتنده عليا من قدام شقتها وبتقوللى تعالى بسرعة
المحقق:الكلام دة كان الساعة كام بالظبط
سيد:الكلام دى كان حوالى الساعة 8.30 بليل كدة ياباشا
المحقق:وبعدين يا سيد
سيد: طلعتلها أشوف فى أيه لقيتها بتقولى خد المفتاح دة وأنزل أفتح على ستك أميمة وشوفها مالها نزلت بخبط الأول مردتش فتحت عليها لقيتها واقعة عالأرض وزى متكون طبت ساكته زعقت وقلت لست سمية قالتلى أتصل بالأسعاف وأتصلنا بالأسعاف ولما جه قالو دة ماتت ومرضوش ياخدوها الا لما نتصل بالنجدة الأول فأتصلت علطول بيكو يا باشا
المحقق:طب وأنت واقف وبتتفرج عالحادثة مشوفتش حد طالع حد نازل
سيد:بص يا باشا أنى كنت مشغول مع الحادثة دى لحد مست سمية ندهت عليا وطلعتلها الكلام دة ساعة الحادثة الى قدام العمارة قبل كدة مكنش فى غير الواد عبده كان مطلع الهدوم لست أميمة وبعدين نزل
المحقق:طب مفيش أى حد تانى
بعدها طلع أو نزل
سيد:مفيش حد بعدها خالص طلع أو نزل يا باشا لحد محصلت الحادثة الى قدام العمارة دى وبعدها معتش خت بالى
المحقق:طيب يا سيد روح أنت
الشاهد التالت يابنى
عبده المكوجى:أيوة يا باشا انا تحت أمرك
المحقق:الامر لله يا عبده أنت عرفت أن ستك أميمة ماتت
عبده:الحارة مبتبطلش كلام عن الموضوع دة يا باشا أيوة عرفت
المحقق:طب وعرفت أنها أتقتلك
عبده:مهما بيقولو كدة يا باشا بس أنى أيه علاقتى بالكلام دة وحضرتك جبتنى هنا ليه دوقت
المحقق:أنت أخر واحد كنت نازل من عند القتيلة يا عبده كنت بتعمل عندها أيه
عبده:والله يا باشا أنى هقولك على كل حاجة انا رحت للست أميمة وأدتلها الهدوم الى كنت بكويهالها زى كل يوم وجاى أنزل قالتلى والنبى يا واد يا عبده هاتلى الدوا أصل مش قادرة أنده على سيد وكمان أنت أولى بالبقشيش منه قلتلها حاضر يا ست أميمة وقلت أهو ثواب وبالمرة أستفاد البقشيش وخدت منها الفلوس ونزلت أجيبلها الدوا ووأنى راجع لقيت الحادثة الى تحت دى فضلت واقف أتفرج عليها وبعد شوية لقيت فى زعيق والواد سيد البواب بتاع العمارة بيزعق وبيقول الحقونى الحقونى بشوف فى أيه لقيت الزعيق من شقة ست أميمة بصراحة يا بيه خفت أطلع ليكون فى حاجة والست ترمى بلاها عليا بعد كدة عرفت أنها أتقتلت ومن ساعتها وانى مرعوب يا بيه والله يابيه مافى حاجة زيادة عن الى أنا قلته دة يا بيه
المحقق:ماشى يا عبده الشاهد الى بعده يابنى
المهندس حسن:تمام يا أفندم
المحقق:كنت فين ساعة الى حصل يا بشمهندس حسن
حسن:انا كنت نايم يا أفندم وفجأة سمعت زعيق فى العمارة قمت أشوف فى أيه لقيت سيد بيقول أن الست أميمة مغمى عليها وبلغو الاسعاف يا عالم فدخلت أغير هدومى لقيت النجدة موجودة وبيقولو دى أتقتلت بس
المحقق:طب تفسر بأيه يا بشمهندس وجود قطعة من الذهب أمام عتبة شقتك فى الدور التانى والقطعة دى تخص مدام أميمة الى أتقتلت فى الشقة الى تحتك
حسن:الله أعلم وانا هعرف منين حضرتك بتوجهلى أتهام بأنى انا الى عملت كدة ولا أيه
المحقق:لالالالا ازاى بتقول كدة انا بس بسألك
حسن:والله معرفش بصراحة انا قلت لحضرتك الى حصل ومعنديش أكتر من كدة أقولو
************
وأقفل المحضر على ذلك وتم أسناد التهمة ضد مجهووووووووووول
بس طبعا الكلام دة فى التحقيق
لكن عندنا أحنا بقة مبناخدش بيه
أحنا بقة زى الشطار كدة هنفكر ونطلع القاتل والسارق ونعرف هو مين وأكيد طبعا مطلوب مننا نفسر ازاى حصلت الجريمة ودة هيكون مش بتحليل خيالى لا بتحليل واقعى من خلال وقائع الأحداث الى زميلى أحمد حلمى كتبها ونتيجة طبعا للأستنتاجات الى هنبنيها على المعطيات الى أنا كتبتها فى أنتظار حلولكم يا شباب
جود لاك

الضوء المشرق
17-02-2010, 01:52 PM
اولا اهلا بعودتك مرة تانية يا دراكولا
ثانيا من خلال الوقائع والاحداث سوف اسند الاتهام الى المهندس حسن (المجرم والسارق)
لان الست اميمة سبق واحضرت مهندس لعمل غرفة لها منفصلة عن بقية الغرف الاخرى ويعمل ليها حاجب للصوت لمنع تسلل الضوضاء اليها وايضا عمل باب خاص بهذه الغرفة طبعا لم يذكر اسم المهندس فى البداية ولكن بما انها ست كبيرة فى السن ممكن متكونش على علم بناس كتيرة ومش بتخرج بس اكيد عارفة ان ليها جار فى العمارة بيشتغل مهندس فأكيد هو اول من تفكر فيه لتنفيذ فكرة الغرفة المنعزلة.طبعا المهندس حسن بما انه هو اللى شغال فى الشقة وعمل لها كل حاجة بناء على كدة حفظ مداخل ومخارج الشقة كلها وعارف ان غرفتها دى حطة كل حاجة فيها تخصها.
ومن السهل اوى انه يعمل نسخة على مفتاحها بما انه كان دائم الوجود فى الشقة بحجة العمل.
الجريمة تمت كما يلى طبعا هو عزم النية على سرقتها وساعدته حادثة العربيات اللى حصلت فى الشارع وانشغل الناس بيها ومن ضمنهم سيد البواب اللى كان واقف بيتفرج ومش شايف مين اللى طالع واللى نازل وزيه عبد المكوجى.
فتح بالمفتاح واكيد كان لابس جوانت عشان متظهرش البصمات ودخل الشقة من برة وطبعا عشان حاجب الصوت اللى فى الغرفة مش هتسمع مين اللى داخل من برة.واعتقد انه كان فى نيته سرقتها فقط وليس قتلها ولكن فكر فى تخويفها فقط انها ممكن يحصل ليها اغماءة ويسرقها وخلاص وليس سكتة قلبية.طبعا بكلامها مع سمية فى التليفون لحظة دخوله وصريخها وهى بتقول عفريت عفريت عفريت خلاه يرتبك و يحاول يخلع من ايديها الذهب بسرعة فدة ادى الى وجود اصابات فى ايديها وايضا الغرفة(دواليب غرفة المجنى عليها مفتوحة ومبعثر ما بداخلها) وطبعا عشان سمية سمعت صريخها اكيد هتحاول تنده اى حد عشان يشوف ايه الى حصل للست اميمة وطبعا مش هتقدر هى تنزل عشان رجليها فأول حد هتنده عليه هو سيد البواب فالمهندس حسن جرى بسرعة على السلم قبل ما سمية تنده على سيد وينتبه بعد انشغاله بالحادثة لطلوع المهندس على السلم ومن سرعته وهرولته على السلم وقع قدام شقته قطعة الذهب الخاصة بالست اميمة ولم ينتبه لذلك.

منتظرة الرد والحل
:wa:

فرحة 2011
17-02-2010, 07:31 PM
اولا بشكركم على قضاياكم المثيره جدا والممتعه.
ثانيا القضيه ليست ضد مجهول والسارق الذى تسبب بالقتل هنا هو "المهندس حسن "
وسنبدا الاتهام كالتالى :
اولا انا السيده اميمه سيده مسنه وكبيره بالسن ومن المرجح هنا انها لا تستطيع الخروج واحضار مهندس لشقتها والدليل على ذلك ان جارتها تساعدها والبواب وايضا طلبها من المكوجى باحضار الدواء لها وهنا افترض بانها قامت بالاستعانه بجارها المهندس حسن
ثانيا ان المهندس الذى قام بالتصميم الغرفه لها هو من قام بتركيب الباب لها اى انه كان معه المفاتيح وهنا من السهل الحصول على نسخه منها.
ثالثا اجد ان دخول السارق للشقه بفتح الشقه بمفتاح ودخولها بهذه السهوله انه على علم انها تجلس فى حجرتها الخاصه وانها لن تسمع شيىء ومن المؤكد ان المهندس هو الذى على علم بذلكلانه من قام بالتصميم
وعدم شكى بباقى الاشخاص للاتى :
اولا ان سميه كانت تحدثها على الهاتف و ان تعب رجلها يمنعها من النزول والصعود والسرقه والتفتيش فى هذه المدهلان حركتها ستكون بطيئه.
ثانيا ان سيد البواب كان بالشارع وان السارق صعد الى اعلى ووجوده اثناء حادث ووجود المكوجى معه.
ثالثا ان المكوجى كلامه يتطابق مع كلام سميه والبواب
وهنا الشك بالمهندس وذلك لان البواب لم يرى احدا عند العماره يخرج ومعنى ذلك ان السارق احد سكان العماره
وجود قطعة الذهب امام شقته وهو بالدور الثانى فلو كان السارق احد غيره كان هرب من بوابة العماره ولكن لماذا كان سيصعد الى اعلى الا لو كان احد سكان العماره
وهنا الجريمه حدثت كالتالى
انه اثناء انشغال السيده اميمه بالمكالمه التليفونيه دخل السارق " المهندس" الى الشقه بالنسخه التى قام بعملها اثناء عمل الابواب لها وهى لم تسمع ذلك لوجودها بالغرفه الحاجبه للصوت وذلك لمعرفته بذلك وقام بتخويفها بملابسه المخيفه والقناع الذى كان يلبسه وهنا حدث لها ازمه قلبيه وهذه الازمه كانت متوقعه لكبر سنها ولانها مريضه ايضا وقام بتفتيش حجرتها وسرقة الذهب منها كما ان القول بتفتيش هذه الحجره فقط دون باقى الحجر الاخرى دليل على معرفة السارق بان كل متعلقاتها التى تحتاجها بهذه الغرفه
هذا هو تحليلى للقضيه لان السارق هنا اخذ وقت ليفكر فى الجريمه وذلك باستخدام مقنع ومفتاح خاص بشقتها واستخدام مقنع فى يده ليمحى البصمات فهنا تفكير وتخطيط للجريمه واختيار للوقت ايضا وذلك ضمن اسباب اتهامى للمهندس
متتاخروش علينا فى الحل وبجد انتوا عملين شغل جميل جدا على منتدى الاجازه

Dracula
17-02-2010, 08:31 PM
أحب أولا أشكر كل من الضوء المشرق وشيماء أحمد على متابعتهم للموضوع وأتمنى بجد أنه يكون نال أعجابهم
نيجى بقة لتحليلهم للقضية الى يكاد يكون قريب أوى من بعضو بأختلاف بعض التفاصيل لكن مضمونو واحد بيتهيقلى انا أحب أقولكم يا جماعة حاجة واحدة بسيطة أن الاحكام الجنائية لا تبنى على الشك والتخمين ولكنها تبنى على الجزم واليقين يعنى مينفعش أفترض أن المهندس حسن هو المهندس الى عامللها الشقة لمجرد أنى قلت أنه مهندس والى عامللها الشقة مهندس فتستنتجو أنتو أن انا قلتلكو كدة عشان أقربكو للأجابة أو دة خيط لحل القضية لا يا جماعة انا لما بعمل قضية بعملها مبنية على أسس وليها معطيات وبرهانها بيكون بناء على حقائق من خلال الاحداث ومن خلال المعطيات دى مش من خيالى أو بخليكو تشغلو خيالكو يعنى لما تيجو تحللو قضية بعد كدة حاولو تحللوها من الى أنا كاتبه مش من دماغكم وانا مش هتكلم فى حلكم الى فات دة انا هقولكم راجعوه عشان خاطر الجزئية دى وبرده مش بأكدلكم أو بنفى مين القاتل ممكن يكون حسن ممكن يكون مش هو انا بس بوضحلكم نقطة ياريت ناخد بالنا منها وهعيدهالكم تانى الأحكام الجنائية لا تبنى على الشك والتخميييييييييييين وبشكركم مرة تانية وفى أنتظار حلولكم

فرحة 2011
18-02-2010, 02:47 AM
اولا : كان حلى للقضيه على اساس افتراضات ولكن بعد تفكيرى بها توصلت الى حل واقعى بعيدا عن الافتراضات وهو كالتالى :
انا اتهم " سميه بالسرقه " وذلك للاسباب الاتيه:
1- ان سميه قامت بمكالمة الست اميمه الساعه(8) وقال سيد البواب انها قامت بمناداته الساعه(8.30) اى ان هناك وقت بين المكالمه التى حدثت ومناداتها على سيد كما انها قامت بمكالمتها على الموبايل اى انه يسهل عليها الانتقال اثناء المكالمه .
2- ان سميه هى من كانت معها نسخه من مفتاح شقتها اى هى من تسطيع الدخول والخروج بسهوله لشقة اميمه وهذا ما اثبته البحث الجنائى وذلك بعدم وجود كسور فى الباب .
3- قول سميه ان الست اميمه لم يكن لها احد ولم يكن يزورها احد فمعنى ذلك انها لم تكن لها علاقه بجيرانها اى لم يكن هناك من يعرف بتفاصيل منزلها وبحكم وجود اميمه معها تكون على علم بذلك.
4- تناقض كلام اميمه الواضح مع الست اميمه اثناء المكالمه التليفونيه وكلامها اثناء التحقيق.
ومن ذلك انها قالت للست اميمه بان رجلها شدت عليها وانها لا تستطيع النزول وقولها فى التحقيق انها صدعه بسيطه وان الست اميمه غاليه عندها فلو كان كذلك كانت نزلت اليها .
وايضا تناقض كلامها على زوجها وسفره فاثناء محادثتها مع الست اميمه قالت لها انه راح هو واولاده عند اهله فى حلوان اى ان زوجها سافر هذا اليوم وذلك واضح من سؤال اميمه لها .
وقالت فى التحقيق انه مسافر منذ خمسة ايام .
5- سهولة التنقل اثناء المكالمه بالمحمول دون انقطاع المكالمه.
وهنا الجريمه حدثت كالتالى:
من خلال زيارة سميه المتكرره للست اميمه وجدت عندها ذهب ووجدتها تعيش بمفردها لا يوجد لها احد وساعدها على ذلك وثوق الست اميمه بها واعطائها نسخه من المفتاح وهذا ما اعطاها فرصه للتفكير بالسرقه .
وانتهزت وجود حادث بالشارع وانشغال البواب به ونزلت لها اثناء مكالمتها لتنفى حادث السرقه عنها وذلك باخافتها والقيام بسرقتها ولكن لكبر سنها لم تتحمل الصدمه فماتت بازمه قلبيه ولعلمها بحضور المكوجى فى اى وقت فاسرعت ولهذا وقعت منها قطعة ذهب بالحجره وقطعه اخرى على السلم التى تصادف وجودها امام شقة المهندس والتى كانت سبب فلى الشك فيه
وهذا تحليل واقعى للقضيه وشكرا على النصيحه يادراكولا واتمنى يكون الحل صح ونرى الحل قريبا

Dracula
19-02-2010, 08:27 PM
اولا : كان حلى للقضيه على اساس افتراضات ولكن بعد تفكيرى بها توصلت الى حل واقعى بعيدا عن الافتراضات وهو كالتالى :
انا اتهم " سميه بالسرقه " وذلك للاسباب الاتيه:
1-ان سميه قامت بمكالمة الست اميمه الساعه(8) وقال سيد البواب انها قامت بمناداته الساعه(8.30) اى ان هناك وقت بين المكالمه التى حدثت ومناداتها على سيد كما انها قامت بمكالمتها على الموبايل اى انه يسهل عليها الانتقال اثناء المكالمه .
2-ان سميه هى من كانت معها نسخه من مفتاح شقتها اى هى من تسطيع الدخول والخروج بسهوله لشقة اميمه وهذا ما اثبته البحث الجنائى وذلك بعدم وجود كسور فى الباب .
3-قول سميه ان الست اميمه لم يكن لها احد ولم يكن يزورها احد فمعنى ذلك انها لم تكن لها علاقه بجيرانها اى لم يكن هناك من يعرف بتفاصيل منزلها وبحكم وجود اميمه معها تكون على علم بذلك.
4-تناقض كلام اميمه الواضح مع الست اميمه اثناء المكالمه التليفونيه وكلامها اثناء التحقيق.
ومن ذلك انها قالت للست اميمه بان رجلها شدت عليها وانها لا تستطيع النزول وقولها فى التحقيق انها صدعه بسيطه وان الست اميمه غاليه عندها فلو كان كذلك كانت نزلت اليها .
وايضا تناقض كلامها على زوجها وسفره فاثناء محادثتها مع الست اميمه قالت لها انه راح هو واولاده عند اهله فى حلوان اى ان زوجها سافر هذا اليوم وذلك واضح من سؤال اميمه لها .
وقالت فى التحقيق انه مسافر منذ خمسة ايام .
5-سهولة التنقل اثناء المكالمه بالمحمول دون انقطاع المكالمه.
وهنا الجريمه حدثت كالتالى:
من خلال زيارة سميه المتكرره للست اميمه وجدت عندها ذهب ووجدتها تعيش بمفردها لا يوجد لها احد وساعدها على ذلك وثوق الست اميمه بها واعطائها نسخه من المفتاح وهذا ما اعطاها فرصه للتفكير بالسرقه .
وانتهزت وجود حادث بالشارع وانشغال البواب به ونزلت لها اثناء مكالمتها لتنفى حادث السرقه عنها وذلك باخافتها والقيام بسرقتها ولكن لكبر سنها لم تتحمل الصدمه فماتت بازمه قلبيه ولعلمها بحضور المكوجى فى اى وقت فاسرعت ولهذا وقعت منها قطعة ذهب بالحجره وقطعه اخرى على السلم التى تصادف وجودها امام شقة المهندس والتى كانت سبب فلى الشك فيه
وهذا تحليل واقعى للقضيه وشكرا على النصيحه يادراكولا واتمنى يكون الحل صح ونرى الحل قريبا



بجد برافو برافو برافو
:m20(11)::m20(11):
دايما بيعجبنى في حلك يا شيماء أنك دقيقة وبتركزى فى التفاصيل البسيطة الى بتكون نتايجها كبيرة يعنى حكاية الوقت بين المكالمة وبين مناداه سمية لسيد البواب دى ثغرة بسيطة أوى بس مش أى حد ممكن ياخد بالو منها بجد أنا بحييكى على قدرتك على الاستخلاص السليم والتحليل المنطقى للغز أكيد الى قتلت هى سمية والمكالمة دى كانت تمويه فعلا وعشان أميمة بتثق فيها وكمان مبقلهاش فترة طويلة مع سمية فطبيعى أن أميمة تتخم فى سمية وغير كدة بسبب أن مفيش كسور فى البيبان فسهل أوى أن سمية تخش بنسخة من المفتاح الى معاها من الباب التانى الى بيطل عالغرف التانية الى أميمة مبتقعدش فيها ووكمان سهل أنها تتكلم فى التليفون قبل متخش لأميمة مباشرة على غرفتها الى هى مقيمة فيها اما بالنسبة للحل الى قبل كدة والى كنتو بتقولو فيه أن المهندس حسن دة هو القاتل أكيد لا يعنى كل ذنب الراجل أنه مهندس يا جماعة فجأة كدة تعملوه قاتل كنتو هتسجنو الراجل ظلم عالعموم بكدة يبقى أنتهت الغازنا بس مخلصتش لسة فى الغاز كتييييييييييييييير وبشكر كل الى شاركو معايا فى الموضوع وطبعا تحية شكر وتقدير للعضوة شيماء أحمد الى كان على أديها حل أغلب الغاز الموضوع أو يمكن كلهم وأكيد مش هننسى أحد صناع الموضوع أحمد باشا حلمى الى لولاه مكنش هتقوم للموضوع دة قومة وبجد كان وقت جميل الى قضيناه معاكو فى الموضوع وأنتظرونا فى الاجازة الكبيرة أن شاء الله

فرحة 2011
20-02-2010, 02:02 AM
بشكركم بجد على الموضوع الاكثر من رائع فعلا وانا اول مره اشارك فى منتدى الاجازه لكن فعلا الاجازه معاكم شكل تانى وشكرا على كلامكم واتمنى يكون الموضوع موجود فى اجازة الترم التانى

a7med 7elmy
03-07-2010, 03:31 AM
أزيكم يا شباب مبروك عالاجازة ويارب يوفقنا كلنا فى النتيجة ان شاء الله



معلشى ياجماعة أننا بنكمل عالقضايا الى فاتت وعلى المشاركات القديمة بتاعة الاجازة الى فاتت



بس أنا أتفقت مع دراكولا مشرف منتدى الاجازة وشريكى فى الموضوع والى كان بيعاوننى فى الموضوع وبيكملنى فيه أننا نسبيهم عشان الى داخل لسة الموضوع يعرف النظام



أول قضية



من قضايانا الى أكيد وحشتكو



فى أحدى مكاتب الصرافة الساعة العاشرة مساء



أدهم:بقولك أيه يا عادل عايزك تصحى بكرة من بدرى عشان تورد الفلوس الى هنا للمركز الرئيسى تمام



(أدهم مدير فرع المكتب وعادل أحد العاملين بالمكتب)



عادل:ماشى يا كبير متقلقش كله هيبقى تمام ان شاء الله بس أهم حاجة أنت بس متنساش تجهزهم لى بكرة أجى أخدهم وأمشى علطول عشان ورايا مشوار ضرورى عالظهر كدة ومش عايز أتأخر عليه



أدهم:ماشى ياعادل انا هاجى أفتح قبلك ان شاء الله بس أنت متتأخرش وخلاص



عادل:ماشى انا همشى انا بقة عايز حاجة منى أنت ناوى تقفل أمتى بالحق ؟



أدهم:أنا كلها ساعتين وهقفل



عادل:طيب ابقى طمنى عليك لما تروح انا همشي أنا بقة تؤمرش بأى حاجة



أدهم:شكرا يا عادل خد بالك من نفسك وطمنى أنت كمان لما توصل



عادل:أوك يلا سلام



أدهم:سلام



بعدها بحوالى ربع ساعة



سيد: أتفضل يا أستاذ أدهم



(سيد القهوجى صاحب الكافيتيريا الى فى مكان المكتب)



أدهم:أيه دة يا سيد



سيد:دى كوباية شاى يا استاذ أدهم بعتهالك استاذ عادل وهو ماشى وقاللى أعديها عليك



أدهم:فيه الخير والله وكمان كوباية ميا ساقعة بقولك أيه يا سيد أنت أيه رأيك فى الواد عادل دة



سيد:والله إن جيت للحق يا أدهم باشا الراجل فى الاسبوعين تلاتة الى قعدهم معملش حاجة تزعل حد



أدهم:ماشى يا عرب مهو عشان مبياخدش منك حاجة شكك لازم يكون راجل زى العثل ما علينا أمشي أنت بقة عشان انا كلها شوية وهقفل قبل مييجى بوز الاخص صاحب البيت ويطلب الايجار ولسة اصلا المركز الرئيسى مبعتليش فلوس بقولك أيه روح أنت روح



سيد:ولا يهمك يا أدهم باشا أنت ملكش فيه أنت راجل شغال فى المكتب ويادوب مندوب للمركز الرئيسى مالك أنت ومال الايجار سيبك منه



أدهم:على رأيك



سيد:انا ماشى انا يااستاذ أدهم تؤمرنى بحاجة



أدهم:لا يا سيد ابقى تعالى بس خد الكوبايات قبل ممشى ولا هتسيبهم للصبح أحسن



سيد:لا يا باشا انا بس هودى القهوة لعم مرزوق بتاع محل الملابس وأفوت عليك تكون خلصت الشاى بالهنا والشفا



( وأثناء جلوس أدهم فى المكتب دخل عليه شخص فى حالة غضب شديد )



محسن :هات الايجار يا استاذ أدهم لو سمحت دلوقت حالا لأنى عندى ظروف وبجد محتاج كل مليم



( محسن ابن صاحبة البيت الى فيه مكتب الصرافة )



أدهم:يا استاذ محسن اصبر لحد أخر الاسبوع أكون وردت الفلوس الى هنا للمركز الرئيسى وأخد منهم الايجار وأجيبهولك انا شغال هنا يعنى مش صاحب المصلحة



محسن:ياعم انا مليش دعوة من ساعة مجيت هنا وانت المسئول قدامى فى دفع الايجار وبصراحة انا زنقتى دى مخليانى أعمل أى حاجة عشان أجيب فلوس فلو سمحت أنجز لأنى مش فاضى



أدهم:أييييييييييه ياعم أنت بتتأمر كدة ليه ميولع الايجار ويولع البيت بلى فيه أنا ميتزعقليش كدة انا مش شغال عندك



محسن:حسن ملافظك يا أفندى يا محترم بدل موالله أخلى ليلتك مش معدية



( الناس أتلمت وحصل هوليلة )



سيد:خييييييييييييير ياجدعان هدو نفسكم شوية مينفعش كدة



مرزوق:متهدو شوية يا مسلمين مينفعش كدة



(مرزوق صاحب محل ملابس فى نفس البيت بتاع والدة محسن )



أدهم:منتاش شايف ياعم مرزوق بيقل أدبه ازاى دة راجل عايز يتربى



محسن:انا عايز أتربى يا أدهم ماشى انا بقة هعرف أجيب حقى منك ازاى



سيد :أهدا يا استاذ أدهم دة راجل عقلو تعبان



ولا يهمك أهدا أنت بس يا عم الحج وفكك منه وهو خلاص خد الى فيه النصيب وراح لحالو



أدهم:عكر دمى الهى يعكرو بقولك أيه انا اتخنقت وهقفل خد كوباياتك يلا ياعم بدل مكسرها فوق دماغو دتو القرف هو واشكالو ملو البلد



سيد:ماشى يا استاذ أدهم عن أذن



( أنتهى اليوم وظهر صباح يوم جديد فيه ذهب أدهم المكتب كما قال لعادل )



أدهم: يافتاح يا عليم يا رزاق ياكريم


دة أيه دة بقة مش وقته خالص يا سيد يا سيد



سيد:أيوة يا أدهم باشا صباح الفل



أدهم:بقولك أيه مشوفتش مفاتيح واقعة هنا أمبارح بليل



سيد:لا يا كبير والله مفاتيح أيه



أدهم:مفاتيح المحل



سيد:لا والله يا استاذ أدهم



أدهم:طب والعمل أما أتصل بعادل ييجى يفتح وخلاص


الو أيوة يا عادل معلشى صحيتك تعالالى دلوقت وهات مفتاحك عشان نفتح الشركة أصل المفتاح بتاعى ضاع يلا بسرعة انا مستنيك أهو



عادل:ماشى يا كبير هاخد شاوار وأجيلك حالا



أدهم:أيه ياعادل كل دة



عادل:معلشى يا كبير منتا عارف زحمة المواصلات



أدهم:طب افتح ياعم افتح ومعلشى أنى جبتك بدرى عن معادك انا عارف أن مكنش دة الاتفاق بس نعمل أيه بقة الظروف حكمت



عادل:ولا يهمك يا كبير أيه دة أيه يا ريس دة أيه الى مكركب الحتة كدة



أدهم:أيه دة أيه دة يا نهار أسود ومش فايت الحقنى يا عادل الخزنه مفتوحة ومفيهاش أى حاجة أحنا أتسرقنا يا خراااااااااااابى أتصل بالحكومة حااااااااااالا






كدة أحداث قضيتنا أنتهت وزى متعودنا هيخش فى مشاركة تانية دراكولا يكتبلنا المعطيات الى هتساعدنا فى حل القضية



الميك مع دركولا..........

Dracula
03-07-2010, 03:46 AM
أزيكم يا حلوييييييين ازيكم يا طعميييييييييين وحشتكو قضايانا ولا زهقتو منها مأظنش لأن أحنا بصراحة بسبب عقليات كتير جبارة هنا فى المنتدى كانت بتتعبنا أوى فى أنها بتحل القضايا بسرعة فى الترم الأول زى المشرفة فرحة قلبى وقاضى الحق وطمطم والضوء المشرق وسيندريللا وغيرهم وغيرهم عشان منساش حد طبعا بس بجد كل الى كان بيخش الموضوع ويفكر معانا انا بحييه
نيجى بقة لتكملة قضيتنا الجميلة دى مع المعطيات

والى مش عارفين نظامنا القضية أحنا بنعرضها للكل أحداث ومعطيات أحمد حلمى بيكتب الاحداث وانا بكتب المعطيات زى تحليل المعمل الجنائى عن الحادث وتقرير الطب الشرعى لو فى أصابات أو جريمة أزهاق روح وطبعا شهادة الشهود

نيجى بقة لقضيتنا والى هنستعرض فيها تحليل المعمل الجنائى وشهادة الشهود العيان على الحادث

شهادة الشهود
بعد الشرطة مجت وعاينت المكان بتاع الحادث والى ظاهر قدامنا أنه حادثة سرقة
تعالو نشوف شهادة الشهود العيان على الحادث كانت أيه والتحقيق مع ظابط الوقعة

المحقق:أندهلى يابنى عالناس الى عندك
أسمك أيه
مرزوق:اسمى مرزوق الدخاخنى يا باشا
المحقق:بتشتغل أيه يا حج مرزوق وتعرف أيه عن الى حصل
مرزوق:انا يا باشا عندى محل جنب الشركة بتاعة الصرافة محل ملابس والى أعرفو أنى الصبح وانا بفتح لسة لقيت زعيق من جوا شركة الصرافة والاستاذ أدهم بيقول الحقونى انا اتسرقت يا عالم وبلغو الحكومة رحت أشوف في أيه لقينا الخزنه مفتوحة مسروق كل الى فيها
المحقق:طب تفتكر مين الى عمل كدة يا مرزوق
مرزوق:العلم لله يا باشا بس انا الحمد لله فى حالى ومليش دعوة بحد وقلت كل الى أعرفو
المحقق:ماشى يا حج مرزوق الى بعدو اسمك أيه
سيد:أسمى سيد الصعيدى يا باشا
المحقق:بتشتغل أيه يا سيد وتعرف أيه عن الى حصل
سيد:انا ياباشا صاحب الكافيتيريا الى جنب عمارة الشركة والى حصل ياباشا أن كان فى قلق من أمبارح أصلا هنا فى المنطقة بس احنا افتكرناها مشكلة عادية بس أنا هقولك على كل حاجة ياباشا يمكن كلامى يفيد
امبارح أستاذ محسن صاحب البيت دخل لأدهم باشا يطلب منه الايجار فشدو قصاد بعض واتشاكلو راح محسن بيه مستحلف لأدهم باشا أنه هيعرف ياخد فلوسو ازاى لأن أدهم باشا قاللو يصبر لحد أول الاسبوع وهو مرضاش المهم الصبح يا باشا لقيت أدهم باشا بيسألنى عن مفاتيح الشركة باين أو مش عارف مفاتيح أيه الى كانت ضايعة منه المهم أنه أتصل باستاذ عادل عشان ييجى وجه استاذ عادل وفتح الشركة وببص وانا جوة فى القهوة لقيت استاذ أدهم بيزعق وبيقول أنه أتسرق جريت لقيتو بيقول الخزنه أتسرق كل الى فيها
المحقق:أه ومين بقة محسن دة أن شاء الله
سيد:محسن دة ياباشا ابن صاحبة البيت بس هو المسئول عن كل حاجة فيه وبيلم الايجارات وكل حاجة وشقتو أول دور فوق الشركة وفوق محل عم مرزوق
المحقق:أنت قافل أمتى يا سيد أمبارح ملاحظتش أى قلق أمبارح بليل
سيد:بصراحة يا باشا الكدب خيبة انا امبارح مشيت مع عم مرزوق بعد مأستاذ أدهم قفل بساعة وروحت نمت لأنى كنت هصحى بدرى أسلم وردية لواد جديد جاى يشتغل معايا وبالمرة اسلمو العهدة بتاعة الشغل
المحقق:أهااااااااا طيب يا سيد روح أنت
أندهلى يابنى على محسن السرماطى
اسمك أيه وبتشتغل أيه وتعرف أيه عن الى حصل
محسن:انا محسن السرماطى وبشتغل محاسب فى شركة بلاستيك وبالنسبة للى حصل على قد منا مخنوق من أدهم دة بس والله صعب عليا لما سمعت بلى حصل انا كنت نايم سمعت صوت زعيق ودوشة ببص من البلكونه لقيت فى زحمة قدام المحل نزلت أشوف في أيه لقيتهم بيقولو الشركة أتسرقت
المحقق:طب وأيه الى حصل قبل الحادثة بيوم مع الاستاذ أدهم انا وصلنى أخبار أنك كنت بتزعق معاه ووصلت الامور بينكو لدرجة الخناق وأنك هددتو وقلتلو هعرف أخد منك حقى ازاى
محسن:حضرتك تقصد أيه بكلامك دة انا كل الحكاية أنى كنت متعصب شوية وقلت كلمة زى دى فى لحظة غضب وبعدين انا كنت ناوى فعلا أنى أروح أشتكيه لأنه أتأخر فى دفع الايجار وانا كنت محتاج فلوس
المحقق:ليه خير محتاج فلوس ليه يا أستاذ محسن
محسن:بيتهيقلى ميخصش الشرطة حاجة زى دى
المحقق:أحنا يخصنا أى حاجة يا أستاذ محسن أنت فى شبهات حواليك تخلينى أوجهلك أتهام سرقة محتويات الخزنه وأشيلك الليلة فتقول أحسن
المحقق:بيتهيقلى مش من حق الحكومة تعرف لما أكون عايز أعالج والدتى العيانة والى عشانها مستعد أعمل أى حاجة انا استلفت على فكرة من ناس صحابى غير أيجار العمارة وبرده لسة مكفتش ربنا يتولانا
المحقق:ماشى يا استاذ محسن أتفضل أنت الى بعدو يابنى
اسمك وبتشتغل أيه وتعرف أيه عن الى حصل
عادل:انا عادل سعيد بشتغل فى الشركة وبالنسبة للى حصل دة كارثة يا أفندم أحنا كنا لسة رايحين نورد الفلوس دى للمركز الرئيسى نصحى الصبح نلاقى الخزنه مسروقة ازاى ازاى دة كدة ممكن الادارة هناك يتهمونا أحنا فيها
المحقق:أهدا بس وقوللى أيه الى حصل
عادل:يا افندم انا صحيت من النوم على تليفون بيرن من أدهم بيقوللى أجى عشان افتح لأن مفاتيحو ضاعت فجيت بفتح لقيت شكل المكان غريب أوى ومكركب ولقيت فجأة أدهم بيزعق وبيقول الخزنه مفتوحة وأتسرق كل الى فيها
المحقق:طب أنت شاكك فى مين يا استاذ عادل وتفتكر مين الى عمل كدة
عادل:العلم لله يا افندم انا قلت كل الى أعرفو
المحقق:ماشى يا استاذ عادل الى بعدو يابنى
اسمك وبتشتغل أيه وتعرف أيه عن الى حصل
أدهم:انا أدهم المنيلاوى مدير فرع الشركة للأسف والى هيروح فى داهية بسبب الشورة الطين دى
المحقق:أهدا بس يا استاذ أدهم وقوللى أيه الى حصل
ادهم:انا صحيت النهاردة الصبح واصطبحت من أول اليوم بأن المفاتيح ضاعت ومنيش لاقيها بس من شوية وقبل مخش لحضرتك لقيت فى البيت عندى بيتصلو بيا وبتقولولى أنى نسيت المفاتيح فى البيت عشان كدة كلمت عادل جه فتح
المحقق:هو عادل معاه مفتاح
عادل:أيون عادل معاه نسخة من مفتاح المحل لما بقولو ييجى يفتح فى أى وقت بييجى لما أكون فى مشوار أو حاجة وفى كمان محسن صاحب البيت معاه برده مفتاح للطوارىء لو المفتاح بتاعنا ضاع
المحقق:طب وتفتكر يا استاذ أدهم مين الى عمل كدة
أدهم:علمى علمك يا أفندم انا مصدوووووووم بجد وخايف لأن المركز الرئيسى مش هيرحمنى
المحقق:دة حقيقى ادارة الشركة مقدمة فى حضرتك بلاغ أنك أنت الى سرقت محتويات الخزنه وأبتدعت التمثيلية دى عشان توهمهم أنها حادثة سرقة
أدهم:والله حراااااااااااااااااام والله مظلووووووووووووووووووم مظلوووووووووووووم
المحقق:أهدا بس أهدا أحنا برده مستنيين تقرير المعمل الجنائى هو الى هيحكم فى الموضوع بس تقدر تكلمنى شوية عن مشكلتك مع محسن صاحب البيت الى حصلت قبل الحادثة بيوم
أدهم:دة راجل ابن تييييييييييت وش أمه شؤم كان جاى يطلب منى الايجار أمبارح وشدينا مع بعض
المحقق:بس انا سمعت أنه هددك وقالك هيعرف ياخد فلوسو ازاى
أدهم:فعلا دة حصل وناس كتير شاهدين عم مرزوق وسيد القهوجى تقصد يا افندم أنه هو الىىىىىى
المحقق:انا بسألك
عالعموم كل حاجة هتبان بعد تقرير المعمل الجنائى بس هنضطر يا استاذ أدهم بناء على الأتهام الموجه ليك من أدارة الشركة اننا نخليك معانا شوية لحد منشوف تقرير المعمل الجنائى

**********
دى كانت شهادة الشهود
تعالو نشوف
تقرير المعمل الجنائى
المعمل الجنائى اثبت أن مكنش فى أى كسور فى قفل باب الشركة الخارجى وأن الشركة أتفتحت بمفتاحها عادى جدا
ثانيا مكنش فيه أى بصمات داخل المحل تدل على الفاعل دة غير طبعا بصمات عادل الى على القفل وهو بيفتح المحل الصبح
أما بالنسبة للخزنه فالغريب أوى الى أكتشفو المعمل الجنائى
أن الخزنه ببصمة الأيد والى أكد التقرير أن مفيش أى مخلوق يقدر يفتحها غير شخص واحد بس الى الخزنه متبرمجة على بصمة أيدو وبعد أعادة التحقيقات أتضح أن مفيش غير أدهم بس هو الوحيد الى يقدر يفتح الخزنه ببصمة صابعو الكبير ومكنش فيه أى بصمات تانية على الخزنه
******
وبكدة يبقى خلصت معطياتنا المتمثلة فى المعمل الجنائى وشهادة الشهود وكدة تبقى قضيتنا كملت أتفضلو يلا يا شباب ورونى شطارتكو مع أول قضايا الأجازة الكبيييييييرة والى أن شاء الله مستنيكو فيها مفاجئات
وطبعا مستنيين أى استفسارات منكو بس تكون خارج نطاق مين الى عمل كدة والجو دة طبعا فاهمييننى أنت لو شاكك فى حد براحتك قول الى أنت عايزو بس محدش فينا انا أو حلمى هنرد الا على استفسارات مقبولة أو الحلول الكاملة والى هتكون كالتاتى
سيناريو الحادثة كان أيه يعنى حصلت ازاى
مين الفاعل طبعا ولو ليه شركا نقولهم عادى
كل الى هيحلو معانا ميكونش حلهم مبنى على تخمين لا يا جماعة أحنا هنبقى محامين مينفعش نروح نقول للقاضى المتهم برىء عشان انا حاسس بكدة لا لازم يكون فيه براهين وأدلة على كلامكو
ولو أحترتو خالص قولولى وأنا أقولكو الحل وأقول مين أقرب سيناريو لحل لغزنا فى مشاركاتكو والى هيحل طبعا هخش أقول أنه صح
ورونى شطارتكو يلا يا شباب
جود لاك

AMANY*
03-07-2010, 05:04 AM
انا اول مره اشارك في الحل هنا فهتبقي الاجايه علي قدي
بس هو عادل طبعا اللي سرق لان هو معاه مفتاح ففتح بيه عادي (مكنش فيه اي كسور في الباب )
اما عن الخزنه اللي محتاجه بصمة ادهم فليلة الحادثه سيد جاب لادهم كوباية شاي وقاله دي من استاذ عادل سابهالك قبل ما يمشي فطبعا بصمات ادهم كده بقت علي الكوبايه
ده اللي قدرت اوصله

فرحة 2011
03-07-2010, 06:16 AM
اولا بشكر احمد حلمى ودراكولا على الموضوع الرائع
اجد السارق هنا عادل وذلك للاسباب الاتيه:
اولا: وجود نسخه من المفتاح معه وتبين من التحقيق والمعمل الجنائى ان السرقه قد تمت بفتح الخزنه ولا يوجد كسور بالباب.
ثانيا: انه قام بارسال كوب شاى للاستاذ ادهم وذلك لكى يااخذ البصمه من عليه لان الخزنه لا تفتح الاببصمته.وكان الوقت اثناء وجوده الساعه العاشره وعندما هب له سيد بكوب الشاى كان قد مر من الوقت ربع ساعه اى انه وقت كاف لترتيب عادل باخذ البصمه من على الكوب.
ثالثا: علمه بتوريد الاموال غدا مع علمه ايضا بميعاد خروج الاستاذ ادهم وذلك عندما ساله عن ميعاد خروجه من الشركه وطلبه منه الاتصال به عندما يذهب .
رابعا: انه مازال جديدا فى هذا العمل وهم مازالوا لا يعرفوا شخصيته جيدا وذلك وضح من سؤال الاستاذ ادهم لسيد عن معرفته به ورايه به.
اما استبعادى للباقى للاتى :
اولا : محسن كان قد تلفظ بذلك لانه كان منفعل ومن الطبيعى عند الانفعال خروج تهديدات منه كما ان ضائقته الماليه وتعب والدته مبررا لذلك وكما انه قد اخذ منهم مالا لقول سيد انه قد اخذ اللى فيه النصيب ومشى
اى انه لو اراد السرقه لما قال ذلك ولكن احتياجه للمال وتعب والدته جعله يقول ذلك
ثانيا انه لو اراد السرقه ما كان قد تلفظ بذلك علنا امام الجميع بل كان قد يقوم بالامر بدون قوله حتى لا تاتى الشبهه به
ثالثا: كلام الاستاذ ادهم عنه قبل مجيئه يدل على انه يقول ذلك كثيرا
رابعا وأثناء جلوس أدهم فى المكتب دخل عليه شخص فى حالة غضب شديد )اى انه كانت فى حاله غضب من البدايه وعلما ما سبب غضبه
وبالنسبه للاستاذ ادهم
اولا : لو كان ينوى السرقه كان يقول ان مفتاحه ضاع منه ولا يجده ولكن اعلامه بظهور مفتاحه دليل على حسن نيته
ثانيا عدم الصاقه التهمه باحد ايضا مثل محسن وتهديداته
اما بالنسبه لسيد والحاج مرزوق
فهم لم يكن معهم مفتاح ولا يوجد دليل ضدهم ولا شبهه توجه اليهم

SOKRA
03-07-2010, 07:06 PM
ممكن يكون محسن علشان قال

وبصراحة انا زنقتى دى مخليانى أعمل أى حاجة عشان أجيب فلوس

a7med 7elmy
05-07-2010, 02:43 AM
السارق هو عادل طبعا للاسباب اللى قالتها فرحه قلبى وامانى


انا اول مره اشارك في الحل هنا فهتبقي الاجايه علي قدي
بس هو عادل طبعا اللي سرق لان هو معاه مفتاح ففتح بيه عادي (مكنش فيه اي كسور في الباب )
اما عن الخزنه اللي محتاجه بصمة ادهم فليلة الحادثه سيد جاب لادهم كوباية شاي وقاله دي من استاذ عادل سابهالك قبل ما يمشي فطبعا بصمات ادهم كده بقت علي الكوبايه
ده اللي قدرت اوصله



الحل تمام بس بينقصه تفاصيل كتيررررر


اولا بشكر احمد حلمى ودراكولا على الموضوع الرائع
اجد السارق هنا عادل وذلك للاسباب الاتيه:
اولا: وجود نسخه من المفتاح معه وتبين من التحقيق والمعمل الجنائى ان السرقه قد تمت بفتح الخزنه ولا يوجد كسور بالباب.
ثانيا: انه قام بارسال كوب شاى للاستاذ ادهم وذلك لكى يااخذ البصمه من عليه لان الخزنه لا تفتح الاببصمته.وكان الوقت اثناء وجوده الساعه العاشره وعندما هب له سيد بكوب الشاى كان قد مر من الوقت ربع ساعه اى انه وقت كاف لترتيب عادل باخذ البصمه من على الكوب.
ثالثا: علمه بتوريد الاموال غدا مع علمه ايضا بميعاد خروج الاستاذ ادهم وذلك عندما ساله عن ميعاد خروجه من الشركه وطلبه منه الاتصال به عندما يذهب .
رابعا: انه مازال جديدا فى هذا العمل وهم مازالوا لا يعرفوا شخصيته جيدا وذلك وضح من سؤال الاستاذ ادهم لسيد عن معرفته به ورايه به.
اما استبعادى للباقى للاتى :
اولا : محسن كان قد تلفظ بذلك لانه كان منفعل ومن الطبيعى عند الانفعال خروج تهديدات منه كما ان ضائقته الماليه وتعب والدته مبررا لذلك وكما انه قد اخذ منهم مالا لقول سيد انه قد اخذ اللى فيه النصيب ومشى
اى انه لو اراد السرقه لما قال ذلك ولكن احتياجه للمال وتعب والدته جعله يقول ذلك
ثانيا انه لو اراد السرقه ما كان قد تلفظ بذلك علنا امام الجميع بل كان قد يقوم بالامر بدون قوله حتى لا تاتى الشبهه به
ثالثا: كلام الاستاذ ادهم عنه قبل مجيئه يدل على انه يقول ذلك كثيرا
رابعا وأثناء جلوس أدهم فى المكتب دخل عليه شخص فى حالة غضب شديد )اى انه كانت فى حاله غضب من البدايه وعلما ما سبب غضبه
وبالنسبه للاستاذ ادهم
اولا : لو كان ينوى السرقه كان يقول ان مفتاحه ضاع منه ولا يجده ولكن اعلامه بظهور مفتاحه دليل على حسن نيته
ثانيا عدم الصاقه التهمه باحد ايضا مثل محسن وتهديداته
اما بالنسبه لسيد والحاج مرزوق
فهم لم يكن معهم مفتاح ولا يوجد دليل ضدهم ولا شبهه توجه اليهم

حل نموذجى جداااااااااا

ممكن يكون محسن علشان قال

وبصراحة انا زنقتى دى مخليانى أعمل أى حاجة عشان أجيب فلوس

دا مش دليل كافى على اتهامه بالجريمه

وجارى تقيم امانى وفرحه قلبى

واستنوا القضية الجاية

A7med Osama
05-07-2010, 03:30 PM
على فكره توبيك جميل جداااا
هو طبعا عادل الى سرق لانه بعت كوباية الشاى لادهم واخذ بصماه ولكن ممكن يكن سيد سئ النيه ويعلم ومشترك مع عادل ليه انا هقولكم لان ادهم قال لعادل لما تروح ابقلى كلمنى ده معناه انه كان ماشى خلاص ومشى خلاص لكنه بعت كوباية الشاى والمشكله الى حصلت بيت ادهم ومحسن ممكن تكون اخذت حوالى ربع او نصف ساعه ولما سيد اخد الكوبيات اكيد كان عارف ان عادل مستنى الكوبيات ..... معلشى يا جماعه ده الى قدرت اوصله وانا اسف انى اتاخرت بس والله لسه شايف التوبيك الوقتى .... مستنى تعليقك يا حلمى ودراكولا

SOKRA
05-07-2010, 08:51 PM
فين القضية اللى عليها الدور

A7med Osama
05-07-2010, 09:46 PM
فين القضية اللى عليها الدور
انا والله قاعد مستنى

moonyy
06-07-2010, 12:41 PM
السلام عليكم
انا كان نفسى اشارك بس يالا خير فى انتظار القضيه التاليه

a7med 7elmy
06-07-2010, 01:16 PM
على فكره توبيك جميل جداااا
هو طبعا عادل الى سرق لانه بعت كوباية الشاى لادهم واخذ بصماه ولكن ممكن يكن سيد سئ النيه ويعلم ومشترك مع عادل ليه انا هقولكم لان ادهم قال لعادل لما تروح ابقلى كلمنى ده معناه انه كان ماشى خلاص ومشى خلاص لكنه بعت كوباية الشاى والمشكله الى حصلت بيت ادهم ومحسن ممكن تكون اخذت حوالى ربع او نصف ساعه ولما سيد اخد الكوبيات اكيد كان عارف ان عادل مستنى الكوبيات ..... معلشى يا جماعه ده الى قدرت اوصله وانا اسف انى اتاخرت بس والله لسه شايف التوبيك الوقتى .... مستنى تعليقك يا حلمى ودراكولا



تمام يامعلم

دموع
08-07-2010, 07:43 PM
فين القضية اللى عليها الدور

فرحة 2011
08-07-2010, 08:48 PM
ايه يااحمد انت و دراكولا شكلك مش لاقى قضيه صعبه ولا ايه كل ده بتحضرها هههههههه على العموم فى انتظارها لانك كده شوقتنى للقضيه وحلها

a7med 7elmy
09-07-2010, 04:05 AM
أزيكم يا شباب بصراحة انا ودراكولا أحترنا فى العقول الى زيكم دى عشان نحيرها نجيبلهم قضايا عاملة ازاى قضايا مستحيلة



بس أدينا بنحاول نخليكم تفكرو وهنشوف





ومتنسوش أن كل مدى قضايا هتبقى فى الاصعب





تعالو نشوف قضيتنا التانية الى هيكون ليها طابع مختلف شوية عن القضايا الى فاتت



يعنى أحداثها مش هتتم بشكل مباشر لا أحنا هنحكيلكو أيه حصل ونخش علطول على المعطيات





فى أحد العمارات فى وسط البلد المتكونه من ست أدوار كل دور تلات شقق





فى الدور التالت





يسكن كل من الاستاذ محمد محاسب وأعذب ويعمل فى شركة الكترونات



واسرة الاستاذ محمود والى تتكون من زوجته وأولاده الاثنين ووالدته



وفى الشقة الأخرى





مدام علياء وزوجها الاستاذ نوفل



وفى يوم من الايام حصل حادثة غريبة وهى وفاة مدام علياء



مدام علياء دكتورة وجوزها دكتور



مدام علياء تبلغ من العمر 34 عاما وزوجها يبلغ من العمر 45 عاما



بدون كلام كتير على المرحومة مش عايزين نجيب فى سيرة الناس عشان متجوزش عليها غير الرحمة هنخش علطول على المعطيات والى هتكون متمثلة فى تحليل الطبيب الشرعى وتقرير المعمل الجنائى وكمان شهادة الشهود



تعالو نشوف تقرير المعمل الجنائى



والى المرة دى عشان مفيش أحداث انا الى هكتبو



وهيكتب المعطيات الباقية دراكولا والى هتكون عبارة عن شهادة الشهود وتقرير الطبيب الشرعى





تقرير المعمل الجنائى





المعمل الجنائى بيثبت أن مفيش كسور فى كالون باب الشقة وأخر بصمات موجودة على الكالون والأوكرة بتوع باب الشقة من جوة هما بصمات المرحومة وأخر بصمات موجودة على أوكرة الباب من برة هى بصمات عم سعيد





( عن سعيد بواب العمارة )





· والى قام بتبليغ أفراد النجدة عن ما حدث *




خلال البحث من رجال المعمل الجنائى وجدو قطعة من الحلى (الذهب) أمام باب الشقة من الداخل



والغريب أنه لم يكن عليهم أى بصمات مختلفة عن بصمات المرحومة والى بطبيعة الحال لازم يكونو عليها لأنها الى كانت بتستعملهم دايما



وجد المعمل الجنائى فى كثير من الاماكن فى الشقة كسور فى بعض الاجهزة الكهربائية وفى بعض اثاث المنزل






وبكدة يبقى خلص أول معطى من معطياتنا وانا عارف أن لسة غموض جامد بس البقية بقة هتكتشفوها من شهادة الشهود وتحليل الطبيب الشرعى الى هنشوفو مع دراكولا






الميك مع دركولاااااااااااااااااا

Dracula
09-07-2010, 07:16 AM
حسيت انا شوية بالقلق فى نظرتكو للكلام الى حلمى كتبو لالالالالالا أطمنو أطمنو يا خوانا الموضوع يقلق فعلا لأن قضيتنا النهاردة من غير أحداث لأن أصلا لا النجدة ولا اى جهاز فى وزارة الداخلية ولا حتى المفتش كرومبو عارف يكتشفلها مغزى زى مهنشوف دوقت أحداثها صعب تتمثل لو أتمثلت تتحرق ويتحل اللغز تعالو بدون كتر كلام نشوف شهادة الشهود والى هنتعرف فيها على شخصيات جديدة مشوفنهاش فى الجزء الأول من القضية
والى هنتعرف عليها فى الجزء التانى من قضيتها والى بيتمثل فى
شهادة الشهود وتحليل الطبيب الشرعى
وهنبدأ بشهادة الشهود
المحقق:أندهلى يابنى عالشاهد الأول
عم سعيد : أيوة يا باشا أئمر
المحقق:الأمر لله يا سعيد أنت الى بلغت عن الحادثة
عم سعيد :أيوة يا باشا الله يرحمك يا ست علياء
المحقق:طب متحكيلنا كدة تعرف أيه عن الى حصل لستك علياء ياعم سعيد
عم سعيد :أنا يا باشا هقولك على كل حاجة حتى الى شوفتو قبل معرف الى حصل دة هقولهولكو برده
انى كنت جاعد تحت فى الأوضة بتاعتى فى مدخل العمارة فجأة لقيت سى نوفل نازل وراح جاى عليا وقاللى الى يسأل عليا من زباين العيادة أو غيرهم يا سعيد قوللو أنى مسافر الغردقة أسبوع فى مؤتمر طبى هناك وهرجع تانى قلتله ماشى ياسى نوفل وبعد ممشى يوميها الساعة 3 بليل لقيت ست علياء بتنده عليا من فوق وبتقولى أروح أجيبلها حبوب مهيئة أو مهزقة
المحقق: نعم ياخويا
عم سعيد :أظدى حبوب من الى بتهدى دى
المحقق:أه حبوب مهدئة
عم سعيد : أيون هى الحبوب المهببة دى ياباشا رحت لفيت على صيدليات البلد كلتها ياباشا لحد ملقيت الحبوب المهربة دى وبعدين طلعتهالها فوق وكان منظرها يخوف بصراحة يا باشا عنيها مقفول ولا الى شاربة طن بانجو ووشها مخطوف ولا الى شامة شكارة بودرة انى أدتلها الى هى طلبتو دة ورحت نازل
تانى يوم لقيت واحد جاى بيسألنى على سى نوفل أذا كان فى عيادته ولا لا
المحقق:أيه دة هى عيادة الدكتور نوفل فى العمارة هنا
عم سعيد:أيوة يا باشا فى الدور التانى عيادة الدكتور نوفل دكتور نسا وتوليد
المحقق:أه جميل أوى
عم سعيد:ولما ياباشا قلتلو أن سى نوفل فى الغرمقة وهيرجع بعد اسبوع
المحقق:غرمقة مين
عم سعيد :فى الغردقة أظدى باشا
المحقق:أه ماشى وبعدين
عم سعيد:لما قلتلو كدة راح طالع برده ولما راقبته كدة من بعيد لبعيد لقيتو طلع فى الدور بتاع شقو سى نوفل وست علياء مش الدور بتاع العيادة
المحقق:الكلام دة كان أمتى بالظبط ياسعيد
عم سعيد: الكلام دة كان حوالى العصرية كدة يا باشا أنى بصراحة ياباشا الفار ابتدى يلعب فى رجلى وقلقت لما لقيتو أتاخر ومنزلش رحت جارى بسرعة عشان أتصل بسى نوفل وأقولو رحت السنترال الى فى أخر الشارع وأتصلت بيه لقيت تليفونو مقفول
رحت راجع تانى وفضلت متربص للجدع الى طلع دة على أنه ينزل ملقتوش نزل خالص يا باشا فضلت مستنى ساعة أتنين تلاتة مفيش برده لحد ملقيت الواد مرسى المكوجى طالع قلتلو رايح فين قاللى طالع عند ست علياء فخليتو يسألها لما ترد عليه أذا كانت محتاجة حاجة ولا لا خفت برده ليكون الجدع دة بيعمل حاجة وحشة فى ست علياء ولا حاجة ودى ولية وحيدة وجوزها مسافر ولازملها راجل ياخد بالو منها
المحقق:أه نبيه وشهم أنت يا عم سعيد
عم سعيد : طبعا ياباشا انى لو مكنتش مخلص فى شغلى هكون مخلص فى أيه وبعدين يا باشا بعد الواد مرسى مطلع بحوالى ربع ساعة لقيتو بيندهلى رحت ساحب نبوتى وطلعت جرى على فوق لقيت الواد مرسى واقف قدام باب الشقة وبيقولى الباب كان مفتوح وانا فضلت أخبط محدش رد عليا قلتلو طب استنى ياولا ورحت مخبط انا كمان محدش رد رحت مقتحم الشقة ياباشا وداخل لقيت فى حاجات كدة منطورة وواقعة عالارض متكسرة وكراسى سفرة خربانه ومتدغدغة بصراحة ياباشا انا قلقت أوى فدخلت كدة بدون أحم ولا دستور على ست علياء لقيتها بدون مؤاخذة يعنى ياباشا يعنى بهدوم كدة خفيفة أوى يا باشا عالسرير فأتحرجت وخفت تكون نايمة بس قلقى كان تعابنى أوى يا باشا فرحت داخل فضلت أصحى فيها أصحى فيها أصحى فيها وهى متردش
المحقق:لا والله خجول ياعم سعيد أه وبعدين
عم سعيد:بصراحة ياباشا انا خوفت أوى رحت ساترها بالملاية وقلت للواد مرسى يتصل بالأسعاف لما جم ولقو الشقة متكركبة كدة وكشفو عليها لقوها ماتت قالولى أتصل بيكو فأتصلت ياباشا بالنجدة تيجى تشوف أيه الى حصل الله يرحمك يا ست علياء
المحقق:مشوفتش الجدع الى طلع عندها ومشوفتوش نزل دة قبل كدة يا سعيد
عم سعيد :بصراحة شوفتو يا باشا كتير مع سى نوفل ولما أتطقصت عرفت أنو دكتور هو كمان بس دكتور صيدلى وصاحب سى نوفل وكان بييجى ساعات مع سى نوفل ويطلعو العيادة أو البيت سوا وساعات كان بييجى لواحدو وساعات كان بييجى وسى نوفل فوق وساعات كان بييجى وهو مش فوق أو فى العيادة ويطلع هو يستناه فوق فى البيت لما يخلص العيانين وفى مرة كان سى نوفل فوق بس الكلام دة اليوم الى سى نوفل سافر فيه ولقيت دة سألنى سى نوفل فوق ولا لا قلتلو أه سى نوفل فوق فى العيادة راح طالع الله يرحمك يا ست علياء الله يرحمك
المحقق:تعرف اسم الجدع دة ولا لا
عم سعيد:مش فاكر والله يا باشا بصراحة
المحقق:ماشى ياسعيد روح أنت
هاتولى يابنى الواد الى اسمه مرسى دة
مرسى: أيوة يا باشا أئمرنى
المحقق:الأمر لله يا مرسى تعرف أيه عن الى حصل يا مرسى
مرسى:انا كل الى أعرفو يا باشا انى كنت طالع عند ست علياء لقيت عم سعيد بيقوللى طب لما تفتحلك وترد عليك أبقى أسألها اذا كانت محتاجة حاجة ولا لا وبعد لما طلعت يا باشا لقيت الباب مفتوح فضلت أخبط أخبط أخبط وهى متردش وأرن الجرس وبرده مفيش حد يرد رحت ناده على سعيد قلتلو ييجى ولما جه دخل وقاللى استنى برة ولما دخل لقيتو بعدها بحوالى خمس دقايق ولا عشر دقايق بيندهلى وبيقوللى الحق بسرعة يا مرسى أتصل بالأسعاف دوقت رحت متصل بالأسعاف ونازل عشان أجيبو وأوصلهم للشقة وبس ولما جم ودخلو يكشفو عليها لقيتهم بيقولو دة ست علياء ماتت
المحقق:متعرفش يعنى حاجة تانية يا مرسى
مرسى : لا يا باشا دة كل الى أعرفو
استدعيتلى يابنى جيران المرحومة دى
دخلهوملى
الاستاذ محمد الجار( الأول والساكن مباشرتا أمام شقة المرحومة ):أيوة يا أفندم
المحقق:ملاحظتش أى حاجة غريبة يا أستاذ محمد فى شقة المرحومة قبل الجريمة أو قبل ميكتشفوها
الاستاذ محمد:بصراحة يا أفندم انا من النوع الى فى حالى مليش دعوة بحد بس انا لاحظ حاجة غريبة أوى باب شقة الاستاذ نوفل كان مفتوح وانا بفتح باب شقتى كدة وبطلع الزبالة وبحطها برة قدام باب شقتى عشان الى بيلم الزبالة ييجى ياخدها كالعادة يعنى فبصراحة مركزتش أوى فى حكاية الباب المفتوح دة وقلت عادى مهو كتير بيكون مفتوح كدة برده عشان أى زباين بيجولها لو مهياش تحت تشوفها أو لو العيادة بتاعتها هى والدكتور نوفل زحمة بتستقبل المرضى عندها فى البيت
المحقق:الكلام دة أمتى
استاذ محمد: اليوم الى أكتشفو فيه الجريمة الصبح حوالى الساعة 10 كدة
المحقق:طب مفيش أى حاجة عايز تضيفها يا استاذ محمد
الاستاذ محمد :لا مأظنش فى حاجة تانية أعرفها
المحقق: طب الى بعدو يابنى
الاستاذ محمود ( الجار التانى ) :افندم
المحقق : ملاحظتش أى تغيرات فى أحوال العمارة أو فى الدور الى حضرتك ساكن فيه فى الوقت الى حصل فيه الجريمة أو قبلها
الاستاذ محمود :بصراحة يا أفندم أحنا سمعنا صوت دوشة قبل متكتشفو الجريمة ونسمع سعيد بيزعق والاسعاف ييجى والهوجة دى بوقت قليل دوشة غريبة أوى زى ميكون حاجات بتتكسر فى الشقة بتاعة علياء هانم وكان الصوت واضح عندنا أوى عشان المصقط بتاعها الى بيطل علينا ومراتى حاولت تقنعنى أروح أشوف فى أيه بس انا بقى للأسف الى مرضتش وقلتلها ملهاش لازمة أتطفل على الناس عشان محدش يحرجنى وصدقنى دة كل الى أعرفو يا أفندم بكل أمانه
المحقق:وانا مصدقك يا أستاذ محمود وياريتك كنت تطفلت
أستدعيتو يابنى جوز المرحومة ولا لسة برده تليفونو مقفول
لسة ياافندم
****
وعلى أما يستدعوه هنروح كدة فى جولة بسيطة مع قضيتنا
ونتعمق فيها أكتر مع تحليل الطبيب الشرعى الى هيبين غموض كتير لسة وانا متأكد أنه موجود فى قضيتنا
تحليل الطبيب الشرعى
الطبيب الشرعى اثبت أمور فى غاية الأهمية
أولا
فى بادىء الأمر كان فى شكوك حول أن القتيلة أنتحرت لأن بعد الكشف عليها وجد الطبيب الشرعى أن القتيلة ماتت نتيجة أزمة قلبية حادة نتيجة تعاطى جرعة كبيرة جدا من المهدئات والى أدت بالنتيجة لأرتفاع ضغط الدم وسرعة تدفق الدم فى جسم القتيلة مما أدى لأزمة قلبية حادة
بس بعد كدة تم أكتشاف ما هو أخطر
أن المريضة كانت بتعانى من أرق شديد شديد جدا مما يتعارض مع كمية المهدئات الى هى تعاطتها
يعنى المفروض بما أنها كانت بتاخد مهدئات المفروض أنها كانت أعصابها تبقى هادية ومتحتاجش تكتر من المهدئات دى وكمان تنام
غير كدة وكدة كمان أكتشف الطبيب الشرعى أن كل الى حصل والافراط فى تعاطيها للمهدئات دى والى أدى لموتها نتيجة الازمة كان سببو أن القتيلة أتعرضت لتعاطى عقار شبيه بالسم الغير مباشر وبعيد المدى يعنى تأثيرو مبيبانش فى ساعتها وفى نفس الوقت مبيكونش ليه هو التأثير المباشر ومينفعش يتحدد معاد تعاطيه بالظبط السم دة مهمته أنه بينشط الادرينالين فى الجسم (الادرينالين مادة بيفرزها الجسم بتساعدو على النشاط وبتديلو طاقة غير عادية ) الأدرينالين دة لما تعرضت القتيلة للسم الى بينشطه فى الجسم وبيزيد من أفرازو دة أدى لأن القتيلة تبقى غير مستقرة صحيا ويبقى عندها حالة من النشاط والقدرة الغير عادية على فعل أى شىء ولكن بعد فترة معينه بيحصل أنهيار للجسم دة لأن بيكون أستنفذ طاقته كلها
فكان نتيجة للطاقة أو الحالة من الهياج أو الأنفعال المصطنع دة الى سببو زيادة نسبة أفراز الأدرينالين فى الجسم أتجهت القتيلة دون وعى لتعاطى المهدئات دى عشان تستقر بس المهدئات دى كانت بتهديها شوية وترجع تانى الحالة للأسوأ عشان كدة كانت علطول بتزود من جرعة المهدئات ودة الى أدى للكارثة الى حصلتلها
بجانب كل المعطيات دى الى أظهرها الطبيب الشرعى ظهر حاجة جديدة وغريبة
الطبيب الشرعى اثبت أن القتيلة نتيجة للأضطرابات الى حصلتلها فى جسمها أدت لنزيف فى الرحم والى كان فيه جنين عمرو تلات شهور الجنين دة صقط ومات فى بطنها نتيجة النزيف دة
*****
المهم
بعد مشوفنا تحليل الطبيب الشرعى تعالو بينا بقة نرجع تانى لشهادة الشهود والى هيكون معانا فيها بعد عودتو من السفر الدكتور نوفل زوج القتيلة
ولعلمكو التحقيق معاه تم قبل ميشوف تحليل الطبيب الشرعى
المحقق:أزيك يا دكتور نوفل
نوفل:الحمد لله يا أفندم خير فى أيه أستدعيتونى فجأة كدة ليه من غير حتى مروح بيتى وأطمن على الجماعة بتوعى
المحقق:للأسف يا دكتور حتى لو سيبناك تروح مش هتلاقى حد تطمن عليه
نوفل:مش فاهم كلام سياتك فى أيه يا أفندم لو سمحت وضح انا أبتديت أقلق
المحقق:البقاء لله يا دكتور المدام أتوفت
نوفل:لاااااااااااااااااااااااااااااااااااااااا ازاى مستحيل مستحيييييييييييل لأةةةةةةةةةةةةةةةةةةةةةةة
(وبعد طبعا محصل حالة أنهيار عصبى لدكتور نوفل وأتنقل المستشفى أستكمل المحقق التحقيق معاه فى المستشفى بعد مفاق )

المحقق: حمد لله عالسلامة يا دكتور ياريت تكون دوقت بخير
نوفل :خير هو هييجى منين الخير بس يا أفندم
المحقق:الخير هييجى لما نوصل أنا وأنت للى قتل مراتك لأن بصراحة انا مش مصدق أنها أنتحرت زى مالكل بيقوللى
نوفل:قتلها وأنتحرت أحكيلى لو سمحت فى أيه يا افندم
المحقق:مراتك لو كانت أتقتلت فأكيد ماتت على أيد واحد مش أنسان واحد حب يخليها تقضى هى على حياتها أنسان ذكى وللاسف لحد دوقت الانسان دة مجهول والواضح من تقرير المعمل الجنائى أن فى كمان حادثة سرقة حصلت فى شقة حضرتك للمجوهرات بتاعة المدام والى لقينا منها قطعة على أما أظن أنها وقعت من السارق وهو خارج من باب الشقة من جوا
نوفل:مراتى ماتت ازاى يا افندم لو سمحت أحكيلى الى حصل بالتفصيل
المحقق:الأول قبل مقولك مراتك ماتت ازاى أحب أقولك أنها كانت حامل
نوفل: نعمممممممممممممممم حامل ازاى ازاااااااااااااااى دة مستحيييييييييل دة من رابع المستحيلات
حامل ازاى أذا كان محصلش السنين الى فاتت هيحصل دوقت أكيد فى حاجة غلط أكييييييييييييد
المحقق: أزاى تقول كدة يا دكتور أنت كدة بتشكك فى شرف مراتك
نوفل:انا مبشككش بس ازاى حامل ازاى انا عملت مرة واحدة تحاليل قبل كدة وأثبتت ان الامل ضعيف أنى أخلف حامل حامل ازاى بقة بعد كل دة لما قدر ربنا يريد تبقى حامل تموت وتيسبنى
المحقق: طب أنت ليك أصدقاء صيادلة أو بتتعامل مع حد صيدلى بيتردد على بيتك كتير
نوفل:أه الدكتور سامح دة صديق شخصى ليا وللمدام وبنتعامل مع شركة الادوية الى هو شغال فيها
المحقق:ساااااااااااااامح الخيط الناقص فى اللغز ممكن تدينى عنوانو هستجوبو وأرجع أكمل تحقيقى معاك
(وبعد مأعطى نوفل عنوان سامح للمحقق أرسل المحقق لأستجوابو )
المحقق:أسمك وسنك وبتشتغل أيه
سامح:الاسم سامح حسين السن 38 سنه المهنه دكتور صيدلى فى أحدى شركات الأدوية
المحقق:تعرف مدام علياء ودكتور نوفل منين
سامح :دول أصدقائى أتعرفنا على بعض فى مؤتمر طبى فى لندن ومن ساعتها وأحنا مبنسيبش بعض وكمان بيننا بيزنس
المحقق:أمال قتلت مدام علياء ليه وهما أصدقائك ليه هى وجوزها
سامح:أفندم قتلت مين
المحقق:قتلت مدام علياء
سامح :أيه دة هى ماتت لا حول ولا قوة الا بالله أمتى حصل دة
المحقق:أنت هتستعبط ياجدع أنت
سامح:لو سمحت انا مش جدع انا دكتور ومن حقى تكلمنى بأسلوب أحسن من كدة
المحقق:أنت متعلمنيش أكلمك ازاى أنت الى قتلتها ياسامح الشهود أثبتو أنك كنت عندها قبل ميكتشفو الجريمة علطول وغير كدة كنت عندها قبلها بيوم وأنت الى عطيتها السم الى بينشط الادرينالين فى جسمها وأحتمال كمان تكون أنت ابو الطفل الى أبوه بيستنكر وجودو ومحناش لسة عارفينلو أب
سامح:لالالالالالالا ثوانى يا باشا ثوانى أنت كدة بتخبط فى الحلل خالص انا كنت عندها أه بس عمرى معملت معاها حاجة غلط ولا فكرت والى كان بيحفزنى على كدة جوزها وصداقتى بيه كانت بتحتم عليا أنى أصون الصداقة دى ومخونهاش وانا فعلا كنت عندها بس عشان بيزنس انا بورد للمستشفى بتاعتها ولعيادتها هى والدكتور نوفل أدوية من الشركة بتاعتى وكنت هناك اليوم دة الى بتقولو ماتت فيه عشان بوريلها عينات جديدة من أدوية الشركة منزلاها جديد وعلطول بتقابل معاها حتى لو كان جوزها مش موجود وبرده ليا تعامل مع جوزها فى مجال الادوية لأنه كمان بياخد من الشركة بتاعتى يعنى التعامل بيننا كله بنية سليمة مفيش أى حاجة من الى حضرتك بتقولها دى وانا يومها فعلا لاحظت عليها تغيرات غريبة وسألتها فى أيه قالتلى عادى عادى أرهاق واليوم الى قبلها كنت عند نوفل فى العيادة وبعدين طلعت أوريها الأدوية الجديدة الى انا جايبهالها بس انا مقتلتهاش طب هقتلها ليه
المحقق:عشان تسرقها
سامح: لو سمحت أنت كدة بتهننى وبتوجهلى أتهام رسمى
المحقق: طب فرضا لو أنت مش عشيقها ولو أنت مش الى قاتلها ولا الى سارقها تفتكر مين قتلها ولو هنقول أنها ماتت منتحرة طب ازاى أتسرقت مش بزمتك حاجة تحير والمفروض أنك كنت أخر واحد عندها وأنت الى تجاوب على كل الاسئلة دى
سامح:ياافندم انا كنت عندها عشان شغل مش أكتر صدقنى
المحقق:طب وقبلها بيوم برده عشان شغل
سامح:لو قلتلك أه هتصدقنى وبعدين لو أنا عاشقها زى منت بتقول ازاى هكون اليوم الى قبل الوفاة دة عند جوزها تحت وأطلع أقعد معاها فوق أيه كنت بستأذن منه مثلا
المحقق:عالعموم مسير الحقيقة هتبان وللأسف كان نفسى يكون فى أيدى دليل واحد أقدر أوجه الاتهام ليك بيه بس معلشى
************
طبعا أكييييييييد زهقتو منى وأتخنقتو منى ومن قضيتى بس صدقونى القضية دى مستحيل هتواجهو زيها ولو واجهتو زيها فى الحقيقة هتدعولى والله لأنها فيها الغاز كتيييييييييييييييييييييييييييييييييييييييييييييييي يييير
عالعموم من غير كتر كلام
القضية دى انا وحلمى تعبنا فيها وعايز بقة بصراحة أسمع منكو مرافعة بحق ربنا مش مجرد رد فيه القاتل وخلاص انا عايز أسمع منكو الأتى
أولا الاحداث بتاعة الجريمة الى احنا مكتبنهاش فى قضيتنا دى تكتبوها على قد متقدرو تتخيلو من سيناريوهات
ثانيا القاتل مين وأيه دوافعو
ولو القاتل هو الى سارق أكيد هتقولولنا ولو مش هو الى سارق والسرقة دى حادثة منفصلة أكيد هتقولولنا
يعنى من الاخر عايز أعرف منكو السرقة دى تمت ازاى أو السيناريو بتاعها أيه
وعشان تعرفو أنى حنين لما تحتارو خاااااااااااااااااااااالص خااااااااااالص وتغلبو قولولى أحنا خلاص يادراكولا تعبنا مع القضية دى وانا بقة هطلع جدع معاكو
أوعو تفتكرو أننا هنحلها أنا أو حلمى لا وحياتكو أحنا هنديكو طرف خيط ممكن يسهل العملية عليكو شوية
ودة أخر ما عندنا
فى أنتظار بقة يا شباب مرافعاتكو

فرحة 2011
09-07-2010, 12:46 PM
اولا شكرا على القضيه يااحمد انت ودراكولا وده حلى ليها بعد تفكير استغرق عشر دقايق بس معلهش
المهم حلها كاالاتى:
اولا القاتل هو دكتور نوفل زوج علياء وده للاسباب الاتيه:
1- اثبات الطبيب الشرعى ان الوفاه حصلت كالاتى :
أكتشف الطبيب الشرعى أن كل الى حصل والافراط فى تعاطيها للمهدئات دى والى أدى لموتها نتيجة الازمة كان سببو أن القتيلة أتعرضت لتعاطى عقار شبيه بالسم الغير مباشر وبعيد المدى يعنى تأثيرو مبيبانش فى ساعتها وفى نفس الوقت مبيكونش ليه هو التأثير المباشر ومينفعش يتحدد معاد تعاطيه بالظبط السم دة مهمته أنه بينشط الادرينالين فى الجسم (الادرينالين مادة بيفرزها الجسم بتساعدو على النشاط وبتديلو طاقة غير عادية ) الأدرينالين دة لما تعرضت القتيلة للسم الى بينشطه فى الجسم وبيزيد من أفرازو دة أدى لأن القتيلة تبقى غير مستقرة صحيا ويبقى عندها حالة من النشاط والقدرة الغير عادية على فعل أى شىء ولكن بعد فترة معينه بيحصل أنهيار للجسم دة لأن بيكون أستنفذ طاقته كلها
فكان نتيجة للطاقة أو الحالة من الهياج أو الأنفعال المصطنع دة الى سببو زيادة نسبة أفراز الأدرينالين فى الجسم أتجهت القتيلة دون وعى لتعاطى المهدئات دى عشان تستقر بس المهدئات دى كانت بتهديها شوية وترجع تانى الحالة للأسوأ عشان كدة كانت علطول بتزود من جرعة المهدئات ودة الى أدى للكارثة الى حصلتلها
وطبعا ده متطابق لكلام عم سعيد البواب اثناء استجوابه فى التحقيق وهو قال
وبعدين طلعتهالها فوق وكان منظرها يخوف بصراحة يا باشا عنيها مقفول ولا الى شاربة طن بانجو ووشها مخطوف ولا الى شامة شكارة بودرة انى أدتلها الى هى طلبتو دة ورحت نازل
اى انها اخدت العقار طويل المفعول يوم سافر الدكتور نوفل ونظرا لانه طويل المفعول وبيقوم المهدىء بنوع من تبطىء هذا العقار فى الجسم اخذ وقتا
ثانيا : سفره لمده اسبوع وغيابه عن المنزل لينفى التهمه عن نفسه واخبار سعيد البواب بذلك .
ثالثا : انه دكتور نسا وتوليد اى يستطيع معرفه اذا كانت زوجته حامل ام لا ولوجود تحاليل تثبت ضعف الامل فى وجود حمل مما ادى الى شكه بزوجته الدكتوره علياء . فهذا بيكون دافع له ليقوم بذلك.
رابعا :علمه بوجود بعض الشخصيات الذين يترددون على منزله وعيادته ومن هنا يمكن الصاق التهمه بهم .
خامسا: انه يتعامل مع صديقه الدكتور سامح دكتور صيدلى اى يسهل اخذ ذلك العقار منه بدافع تعامله معه فى هذا المجال وعدم شكه به لانه دكتور وبيقوم باستعمال مثل هذه الادويه.
سادسا: قول الدكتور سامح متطابق مع البحث المعمل الجنائى وشهاده عم سعيد وهو قوله
وانا يومها فعلا لاحظت عليها تغيرات غريبة وسألتها فى أيه قالتلى عادى عادى أرهاق واليوم الى قبلها كنت عند نوفل فى العيادة وبعدين طلعت أوريها الأدوية الجديدة الى انا جايبهالها بس انا مقتلتهاش طب هقتلها ليه
سابعا : قول عم سعيد رحت جارى بسرعة عشان أتصل بسى نوفل وأقولو رحت السنترال الى فى أخر الشارع وأتصلت بيه لقيت تليفونو مقفول
اى ان عم سعيد لم يظل امام العماره ليرى الدكتور سامح وهو نازل من العماره اى ان الدكتور سامح خرج اثناء ذهاب عم سعيد من العماره بدليل انه عندما صعد هو والمجوجى لم يجدوا الدكتور سعيد بالشقه.كما يدل ذلك على ان عم سعيد يبلغ الدكتور سامح بما يجرى فى شقته بدليل وجود رقمه مع البواب وذهاب البواب ليخبره بذلك.
ثامنا: قول محمد جار الدكتوره علياء المحقق:ملاحظتش أى حاجة غريبة يا أستاذ محمد فى شقة المرحومة قبل الجريمة أو قبل ميكتشفوها
الاستاذ محمد:بصراحة يا أفندم انا من النوع الى فى حالى مليش دعوة بحد بس انا لاحظ حاجة غريبة أوى باب شقة الاستاذ نوفل كان مفتوح وانا بفتح باب شقتى كدة وبطلع الزبالة وبحطها برة قدام باب شقتى عشان الى بيلم الزبالة ييجى ياخدها كالعادة يعنى فبصراحة مركزتش أوى فى حكاية الباب المفتوح دة وقلت عادى مهو كتير بيكون مفتوح كدة برده عشان أى زباين بيجولها لو مهياش تحت تشوفها أو لو العيادة بتاعتها هى والدكتور نوفل زحمة بتستقبل المرضى عندها فى البيت
المحقق:الكلام دة أمتى
استاذ محمد: اليوم الى أكتشفو فيه الجريمة الصبح حوالى الساعة 10 كدة
اى ان باب الشقه بيترك مفتوحا لان الدكتور سامح ذهب وقت العصر وجارهم محمد راى الباب مفتوح فى الساعه العاشره صباحا اى ان ترك باب الشقه مفتوح امرعادى بالنسبه لشقه الدكتوره علياء
اما بالنسبه للسرقه فقد تمت منفصله عن جريمه قتلها والسارق هنا عم سعيد البواب وذلك للاتى :
لمحقق : ملاحظتش أى تغيرات فى أحوال العمارة أو فى الدور الى حضرتك ساكن فيه فى الوقت الى حصل فيه الجريمة أو قبلها
الاستاذ محمود :بصراحة يا أفندم أحنا سمعنا صوت دوشة قبل متكتشفو الجريمة ونسمع سعيد بيزعق والاسعاف ييجى والهوجة دى بوقت قليل دوشة غريبة أوى زى ميكون حاجات بتتكسر فى الشقة بتاعة علياء هانم وكان الصوت واضح عندنا أوى عشان المصقط بتاعها الى بيطل علينا
اى ان تكسير الاشياء فى الشقه تم بعد دخول عم سعيد البواب للشقه وبذلك هو قام بسرقتها لانه دخل عليها وهنا قام بالسرقه وقام بالتكسير ليقول انها حادث سرقه. وايضا للاتى
ثانيا:رحت ناده على سعيد قلتلو ييجى ولما جه دخل وقاللى استنى برة ولما دخل لقيتو بعدها بحوالى خمس دقايق ولا عشر دقايق بيندهلى وبيقوللى الحق بسرعة يا مرسى أتصل بالأسعاف دوقت رحت متصل بالأسعاف ونازل عشان أجيبو وأوصلهم للشقة وبس ولما جم ودخلو يكشفو عليها لقيتهم بيقولو دة ست علياء ماتت
اى انه استغرق وقت بعد دخوله الشقه وطلبه من مرسى بطلب الاسعاف
ثالثا: وجود قطعه الحلى داخل الشقه مماد يدل على ان السارق لم ينزل بالحلى لانه لو نزل كان سيتم اكتشاف ايضا على سلم العماره او خارج الشقه.كما ان بصماته على الباب من بره وبصمات الدكتوره علياء من الداخل اى انه لم يكن قد خرج بعد كما انه لو كان احد اخر كانت توجد بصماته او لو لبس قفاز كان سيقوم بمسح بصمات علياء من على الكالون .
وهنا الجريمه حصلت كالاتى:
عند اكتشاف الدكتور نوفل ان زوجته حامل وبعد التحاليل التى اثبتت ضعف وجود حمل شك بها واعتزم على التخلص منها ومن هذا الجنين الذى يشك انه ابنه وانتهز وقت مؤتمر له فى الغردقه وقام باعطائها العقار وذهب وتركها ودارت احداث اليوم كما هى حيث ذهب الدكتور سامح للدكتور نوفل ولم يجده فذهب للدكتوره علياء ليعرض عليها الادويه التى يتعاملون بها وبعد مرور الوقت بدات حالتها تسوء الى ان جائتها لحظه الوفاه واكتشفت الجريمه فدخل عم سعيد وعندما وجدها كذلك انتهز ذلك وقام بسرقتها وتكسير بعض اثاث المنزل للتمويه وهكذا حدثت الجريمه
وعدم شكى بالدكتور سامح للاتى :
اولا : لو ان الدكتور سامح هو اب الجنين الذى تحمله علياء فهنا علياء متزوجه واى حمل سوف ينسب لزوجها
ثانيا: كما ان سؤاله على زوجها يدل على عدم معرفته بذهابه
ثالثا: ولو اراد قتلها ما كان سيصعد امام البواب ليشك به.
رابعا: عدم وجود بصماته على الباب ووجود بصمات الست علياء بيدل انها كانت على قيد الحياه قبل وفاته لانها اخر بصمات موجوده على الباب من الداخل ولو كانت ماتت اثناء وجوده كانت بصماته ستظل موجوده من الداخل.
والله اعلى واعلم والسلام عليكم ورحمة الله وبركاته

Dracula
09-07-2010, 02:16 PM
أولا أنتى لو كنتى وصلتى فعلا للحل الصحيح الى انا مستنيه بعد عشر دقايق بس من التفكير صدقينى انا كنت هبطل كتابة قضايا تانى لان كدة كنتى تبقى خلاص عقلية فذة يا شيماء بس صدقينى القضية دى محتاجة منك تفكير أكتر من كدة وقبل مقولك أجابتك صح ولا غلط
عايزك بس تراجعى الجملة دى
اى ان عم سعيد لم يظل امام العماره ليرى الدكتور سامح وهو نازل من العماره اى ان الدكتور سامح خرج اثناء ذهاب الدكتور سامح من العماره بدليل انه عندما صعد هو والمجوجى لم يجدوا الدكتور سعيد بالشقه.كما يدل ذلك على ان عم سعيد يبلغ الدكتور سامح بما يجرى فى شقته بدليل وجود رقمه مع البواب وذهاب البواب ليخبره بذلك.
وتفسريها ولو فهمتى منها كلمة قوليلى فهمتى أيه والنبى
وطبعا حلى للقضية مش هيكون دوقت ومش هقول برده فرحة قلبى حلها صح ولا غلط وصدقونى مش معنى قرارى دة أن حلها صح أو حلها غلط فكرو جايز تقدرو توصلو لسيناريو تانى وتتناقشو سوا فى المعطيات وتوصلو للحل الصح الى انا مستنيه وربنا معاكو يا شباب وكلنا ندى لمدام علياء ربنا يطولنا فى عمرها

فرحة 2011
09-07-2010, 02:43 PM
دراكولا انا صلحت الجمله وبعدين انا فعلا حليت القضيه وقت ما قراتها على طول لان حل القضايا ده لعبتى انا وبالنسبه للباقى هشوف انا

raghda elbana
09-07-2010, 03:34 PM
السلام عليكم ورحمة الله وبركاته

يمكن اول مرة في الاجازة دي اشترك في الموضوع دة وسبحان الله اول ما جيت اشترك الاقي قضية صعبة زاي دي
بس بجد احي ا.احمد حلمي وا.احمد " ديراكولا " علي القضية بجد قضية حلوة اوي ومحتاجة فعلا تفكير

وانا اختلف قليلا مع ا.شيماء " فرحة قلبي " علي شوية حاجات كدة
بس المشكلة ان عندي تحليلن للقضية حقول واحد الاول


تحليلي حيكون كالاتي :

" جريمة القتل "

اعتقد ان القاتل د . نوفل لاسباب عديدة :
1) ان د . نوفل سافر قبل الوفاة بيوم واكدت علي عم سعيد انه مسافر الغردقة وبالرغم من كدة قفل موبيله (وحكاية ان قفل موبيله عشان يبعد اكبر قدر ممكن من البيت من غير ما حد يعرف يوصله ليبعد عنه الشبوهات ان يكون هو القاتل ) .
2) ان د . نوفل دكتور نساء وولادة ياعني طبيعي ان يعرف اعراض الحمل وطبقا للطبيب الشرعي ان د. علياء حامل في 3 شهور ياعني استحالة ان يكون مش عارف ان مراته حامل ( ان د . نوفل الامل ضعيف جدا من الجهته لحدوث حمل ) فدة يعتبر دافع قوي .
3) د . سامح صديق لد . نوفل ود . علياء وحسب قوله ان ممكن يروح لد . علياء بدون وجود د . نوفل لعرض عليها الادوية الجديدة طبقا لقول د . سامح ( علطول بتقابل معاها حتى لو كان جوزها مش موجود وبرده ليا تعامل مع جوزها فى مجال الادوية ) ياعني ان ممكن جدا د . نوفل ياخد الدوا الناسب من د . سامح الي هو شبيه بالسم او بمعني اخر مادة تؤدي اخذها الي سقوط الجنين وان كمان د . سامح بقابل مراته د . علياء في عدم وجود د . نوفل كتير وبالتالي في مجال للشك في وجود علاقة بين د . علياء و د. سامح .

اما عن السيناريو بتاع الجريمة :

ان د . علياء لما عرفت انها حامل اتوترت جدا عشان عارفة ان الامل ضعيف في الحمل من زوجها د . نوفل كمان ان د . نوفل دكتور نساء وولادة فاكيد حيعرف في وقت من الاوقات فبتالي اتوترت وبتالي بدات تاخد مهدئات ودة الي استغله د . نوفل ان يديها مادة شبيهة بالسم او منشطة لمادة الادرينالين وهي طبقا لكلام الطبيب الشرعي ان المادة دي لما بيكون في زيادة في افرازها بيزيد نشاط الجسم كما ان افراز المادة دي اثبت علميا ان يزيد من توتر وخوف الانسان فبتالي مع توتر د . علياء مع اخذ المادة دي زاد من توترها اكتر وبالتالي زاد من تناول د . علياء المهدئات وبالتالي ارتفع ضغط الدم وبالتالي عمل نزيف ومات الجنين وهو دة الي كان قصده د. نوفل مش قتل د . علياء لان بان ان د . نوفل بيحب د . علياء لما جاله انهيار عصبي لما علم بوفتها وبالتالي حصل الوفاة

ملحوظة : ان د . نوفل كان قصده سقوط الجنين وليس قتل د . علياء لانه يعمل جيدا كيفية اسقاط طفل لانه دكتور نساء وولادة


" جريمة السرقة "

1) الدوشة الي قبل اكتشاف وفاة د . علياء هو د . سامح راح للد . علياء ولو فعلا وجود علاقة بينه وبين د . علياء يبقي هي فتحت الباب وسبتهوله لان الطب الشرعي اثبت ان مفيش بصمات داخل الشقة لحد غريب ولا علي الباب غير بصمات عم سعيد ولما دخل وجد د. علياء متوفيه فتوتر وهو خرج من الشقة خبط في بعض الاثاث
2) عم سعيد لما راح يكلم د . نوفل يبلغه د . سامح جيه وقاله ان د . نوفل مسافر وبردوه طلع لشقة د . نوفل في وجود د . علياء بمفردها وفي الوقت دة د . سامح نزل
3) لما رجع عم سعيد طلع مرسي المكوجي و عم سعيد طلع ودخل الشقة واستغرق من 5 ل 10 دقائق داخل الشقة قبل ما يبلغ مرسي المكوجي علي حد قول مرسي المكوجي ( ولما دخل لقيتو بعدها بحوالى خمس دقايق ولا عشر دقايق بيندهلى وبيقوللى الحق بسرعة يا مرسى أتصل بالأسعاف ) ان د . علياء تعبانة وان يتصل بالاسعاف فمعني كدة ان السرقة تمت من جهة عم سعيد باستغلاله ان د . علياء تعبانه ودة واضح جدا من القاء اللوم علي الراجل الي جيه وسأله علي د . نوفل

يارب اكون قدرت اتوصل لحاجة في التحليل دة

عندي تحليل تاني بس الاول عايزة اعرف تعليقك يا ديراكولا الاول وبعد كدة اقول التحليل التاني
منتظرة تعليق حضرتك علي التحليل دة الاول
واكتب التحليل التاني ولا لاء ؟

A7med Osama
09-07-2010, 05:35 PM
بسم الله الرحمن الرحيم
بجد والله يا جماعه انا مبسوط جدااااااااااااا دى تعتبر احمد قضيه قا بلناه والله شوفوا معايا واحده واحده
القاتل هو د/ نوفل ليه انا هقولكم
1__ د/ نوفل يبلغ من العمر 45 عاما السن ده يا جماعه هو د/ ويعلم انه من الصعب انه يكون فى حمل فيه
2__ وجد علاقه مشبوهه بين مدام علياء د/ سامح د/ نوفل كا ن بيشك طبعا لكن د/ سامح طلع لمدام عليلء نفس اليوم الى قابل د/ نوفل لينفى العلاقه دى امام د/ نوفل
3_ حمل د/ علياء وده اكد شكوك د/ نوفل فى العلاقه الاثمه الى بين مراته ود/ سامح
تنفيذ الجريمه
د/ نوفل اعطا ها الماده السامه الادرينالين وهو خبير ويعلم بهذه الماده و على ما يسافر يرجع تكون ماتت لكن عملية السرقه دى تمويه مش اكتر يعنى علشان يضلل ضباط المباحث والمحقق ده الى انا قدرت اوصله طبعا يا جماعه لكن انا مستبعد باقى الاشخاص تماما من التهمه لان ما فيش دليل ده الى انا قدرت اوصله يا جماعه ويارب اكون وفقت

فرحة 2011
09-07-2010, 06:17 PM
انا عندى تعديل بالنسبه للسرقه وهى انى اللى قام بيها برده هو الدكتور نوفل وده للاتى :
اولا انه شك بخيانه زوجته الدكتوره علياء ليه وطبعا كان اللى بيتردد عليها كتير هو الدكتور سامح فاراد الانتقام منهم ولذلك قام بقتل زوجته بالسم بطىء المفعول واراد ايضا ان يلصق التهمه بالدكتور سامح فابتدع فكره سفره للغردقه لعقد مؤتمر هناك والذى اخبر البواب سعيد به وعندما ذهب سعيد ليتصل به صعد هو الى عيادته وانتظر بها حتى ينزل الدكتور سامح ثم صعد الى اعلى وقام بتحطيم بعض اثاث واجهزه الشقه وقام باخذ بعض مجوهرات زوجته ليقال انها حادث سرقه ونزل مره اخرى الى عيادته التى بالدور الثانى دون ان يراه احد بالعماره فى ذلك الوقت ومن الادله على ذلك بعد الاقوال الاتيه:
رحت جارى بسرعة عشان أتصل بسى نوفل وأقولو رحت السنترال الى فى أخر الشارع وأتصلت بيه لقيت تليفونو مقفول
اى انه ترك بوابه العماره فتره وهى الفتره التى خرج فيها الدكتور سامح وصعد فيها الدكتور نوفل
رحت راجع تانى وفضلت متربص للجدع الى طلع دة على أنه ينزل ملقتوش نزل خالص يا باشا فضلت مستنى ساعة أتنين تلاتة مفيش برده
اى ان هناك فتره من الزمن بعد نزول الدكتور سامح من اعلى وصعود مرسى المكوجى واكتشاف الجريمه
الاستاذ محمود :بصراحة يا أفندم أحنا سمعنا صوت دوشة قبل متكتشفو الجريمة ونسمع سعيد بيزعق والاسعاف ييجى والهوجة دى بوقت قليل دوشة غريبة أوى زى ميكون حاجات بتتكسر فى الشقة بتاعة علياء هانم وكان الصوت واضح عندنا أوى عشان المصقط بتاعها
اى ان صوت التكسير كان قبل صعود البواب سعيد الى اعلى
وهنا يوجد شخص ثالث قام بالدخول بعد خروج الدكتور سامح وقبل صعود المكوجى وسعيد للشقه وهنا الشخص هو الدكتور نوفل وبذلك هو قام باختلاق فكره سفره لينفى التهمه عنه تماما كما انه لم يهتم بالحادث السرقه عند استجوابه وذلك ظهر فى اقواله
المحقق:مراتك لو كانت أتقتلت فأكيد ماتت على أيد واحد مش أنسان واحد حب يخليها تقضى هى على حياتها أنسان ذكى وللاسف لحد دوقت الانسان دة مجهول والواضح من تقرير المعمل الجنائى أن فى كمان حادثة سرقة حصلت فى شقة حضرتك للمجوهرات بتاعة المدام والى لقينا منها قطعة على أما أظن أنها وقعت من السارق وهو خارج من باب الشقة من جوا
نوفل:مراتى ماتت ازاى يا افندم لو سمحت أحكيلى الى حصل بالتفصيل
اذا الدكتور نوفل هو الذى قام بحادث السرقه ليعرفوا بقتل علياء ويتهم بها اخر من زارها وهو الدكتور سامح وهنا الجريمه قام بها الدكتور نوفل وذلك لكى ينتقم من خيانتهم له
ده تعديلى للقضيه وحبيت اخليه لوحده علشان تعرف انى عدلت القضيه

a7med 7elmy
11-07-2010, 04:40 AM
قبل ما نقول حل القضية هنضيف حاجه يمكن تساعدكم فى الحل

تحليل الدى أن أيه الى أتعمل للجنين والى أتعمل لنوفل أكتشفنا أن الجنين أبن للدكتور نوفل

kingDrifter
11-07-2010, 10:47 AM
القضيه دي في فلم انا سمعته قبل كداه بس اسمه ايه ايه مش فاكر ههههه اه ادرينالين

والنهايه ان القاتل هو دكتور سامح من غير تفاصيل بقي سيب التفاصيل للفلم .
وكلام راغدا البانا بخصوص سيناريو الجريمه بالنسبه لللماده المهدئه الادرينالين صح ميه ميه لو سمعتي الفلم كنتي هتكتبي اجابه نموزجيه .
دكتور نوفل فعلا بيكون هو المتهم الاول في القضيه لاكن الطبيب الشرعي العريس الجديد دا كان له دور مهم في حل القضيه بسبب كلام الموتي له وظابط الشرطه طبعا بيكمل الباقي وبيكتشفو ان دكتور سامح هو المتهم الحقيقي

بس فلم حلو وقضيه احلي . والاحلي حل الاعضاء السبب هو اهمالكم للسينما المصريه والاتجاه للمسلسات الكوري !!!!! بوظت القضيه انا عارف

الاحلي اسلوب دراكولا واحمد حلمي في عرض القضيه ههههه دراكولا ملكاش حل رغاااااي هههه بهزر . بجد اسلوبك جميل

فرحة 2011
11-07-2010, 04:48 PM
انا اجابه القضيه هتفضل زى ما هى وان القاتل هو الدكتور نوفل زوج الدكتوره علياء وده بسبب شكه فيها وشكه بوجود علاقه بين زوجته الدكتوره علياء والدكتور سامح ولكن بعد الاثبات التحليل بان الجنين ينسب للدكتور نوفل فهنا الدكتور سامح بعيد عن الاتهام لعدم وجود ما يدفعه للقتل وهنا الجريمه كامله تمت من جانب الدكتور نوفل لوجود شك لديه فى زوجته وفى حملها والى ابتدع حادث السرقه من خلاله ليبعد التهمه عن نفسه وف انتظار القضيه القادمه

A7med Osama
11-07-2010, 06:50 PM
اجابتى زى ما هى القاتل د/ نوفل لالاسباب الى انا قولتلها

kingDrifter
29-07-2010, 07:31 AM
طيب استنو بقي لما يجي حد ياكد كلامكو وتعرفو انه غلط غلط .....

sabrino
19-08-2010, 06:58 PM
رمضان كريم على كل اعضاء المنتدى

a7med 7elmy
15-10-2010, 03:14 AM
أول قضية فى موضوع جعلونى مجرما بعد نقله لمنتدى الترحيب والتهانى


وأحب أقدم جزيل الشكر للأدارة الى وافقت دراكولا فى رأيه أن الموضوع دة يتنقل وان شاء الله يستمر ونكون عند حسن ظنكو


اللغز الى فات طبعا أحنا محليناهوش لأن كان فى مشاغل كتير فى المنتدى وبرة خلتنا ننسى أننا محليناهوش لكن ملحوقة


وأدينا هنحلهلكم دلوقتى ونقولكم على القضية الجديدة الى هنستناكو تحلوها ان شاء الله


القضية الى فاتت القاتل فيها هو الدكتور نوفل ظنا منه فى أن مدام علياء بتخونه مع الدكتور سامح والى كان بينها وبينه برده علاقة شغل


فحب ينتقم لشرفه وحطلها فى الأكل العامل المثير لمادة الأدرينالين فى جسمها والى أتسبب فى أنها يبقى عندها حالة أرق والى خلتها تفضل


تاخد مهدئات لحد معملتلها الأزمه الى أتسببت فى موتها


بس أحنا مهنش علينا طبعا المرحومة سمعتها تبوظ


وصلحنا شك نوفل لما قلت فى مشاركة ليا أن تحليل الدى أن أيه اثبت ان المولود ابن نوفل


سيبكو بقة من القضايا السهلة دى وتعالو بينا نخش عالشغل


القضية الجديدة


أنتظروها بعد لحظات من الأن

فرحة 2011
15-10-2010, 01:25 PM
شكرا على حل القضيه السابقه وفى انتظار القضيه الجديده

a7med 7elmy
16-10-2010, 02:35 AM
القضية الجديدة


فى أحدى الأيام تلقت شرطة النجدة بلاغ بوجود حادث أمام أحدى المبانى السكنية


وبعد ذهاب رجال الشرطة وجدو الأتى


شاب يبلغ من العمر 35 سنه ملقى حتفه أمام المبنى وبعد الكشف عليه من رجال الاسعاف الى كالعادة بييجو بعد مالضحية


تكون فارقت الحياة وخلاص بتتحاسب


أكتشفو أنه مات نتيجة القاء حتفه من الدور السادس الى هو ساكن فيه


وزى محنا شايفين مفيش أحداث للجريمة أكتر من الى قلناه نيجى بقة لتقرير المعمل الجنائى وتقرير الطبيب الشرعى وهنشوف كمان


تحقيقات النيابة والشرطة فى الحادثة دى وزى متعودنا هنشوف مع دراكولا فى المشاركة الى بعد دى


شهادة الشهود





تقرير المعمل الجنائى


المعمل الجنائى أكتشف فى بادىء الأمر أن القتيل أنتحر والى أكدلهم كدة ورقة مكتوب فيها ( يأست من حياتى فأنتحرت)


فى بلكونه شقة القتيل والى تمت عملية القفز من خلالها


لأن مفيش غير البلكونه دى هى الى موجودة فى الشقة وكمان لأن مكان وجود القتيل تحت البلكونه دى مباشرة مما يدل أنه قفز منها


مباشرة للأرض


لكن المعمل الجنائى استبعد بعد كدة موضوع الانتحار دة وهنعرف ليه مع تقرير الطبيب الشرعى ونرجع تانى


لتحليل المعمل الجنائى بعد تشريح الجثة عشان نعرف الى وجدوه أفراد المعمل الجنائى فى الشقة


أكدلهم بجانب تقرير الطبيب الشرعى أن دى حادثة بفعل فاعل مش حادثة أنتحار زى مهو ظاهر





تقرير الطبيب الشرعى





الطب الشرعى بيأكد أن القتيل مات نتيجة ضربه بألة حادة على رأسه مما أفقده الوعى ومن السهل أستنتاج


أن الى عمل كدة عشان يدارى على جريمته مسك القتيل ورماه من البلكونه عشان تبان حادثة انتحار


والى أكد للطبيب الشرعى أن الضربة دى نتيجة الة حادة مش نتيجة الواقعة الى وقعها القتيل من دور عالى


أن القتيل ملقى حتفه على وجهه والاصابات كلها كسور فى الجزء الأمامى من جسمه زى الضلوع والرجلين والدراع


والقفص الصدرى وأكيد تشوه كامل فى الوجه


لكن الطبيب الشرعى وجد كدمة فى رأس القتيل وبعد تحليلها وجدو أنها نتيجة الضرب بألة حادة وليس نتيجة


القفزة وبعد ما الخبطة دى أفقدت القتيل الوعى تم حتفه من البلكونه


نرجع بقة لتقرير المعمل الجنائى تانى عشان نعرف باقى المعطيات





تقرير المعمل الجنائى


قبل متتعرض الجثة طبعا على الطبيب الشرعى أو السبب اصلا فى أنها تتعرض عالطبيب الشرعى


أن المعمل الجنائى أكتشف تزوير فى خط القتيل فى الورقة الى مكتوب فيها يأست من حياتى فأنتحرت ودة طبعا


بعد مقارنه خط القتيل مع الخط الموجود فى الورقة


وكمان افراد المعمل الجنائى وجدو الخزنه الموجودة فى بيت القتيل مفتوحة وكل الى فيها متاخد معادا ورقة صغيرة


وجدت جنب الخزنه ومن الواضح أن القاتل نسى ياخدها مع الى خدو الورقة دى كانت عبارة


عن شيك على بياض مكتوب بأسم شوكت السلحدار ويتم صرفه لصالح القتيل وهنعرف بعد كدة دة مين لما يتم استدعائه فى التحقيق


وكمان المعمل الجنائى أكتشف أن الخزنه ببصمة الأيد والى تم فتحها ببصمة أيد القتيل الى أكيد بعد مفقد الوعى ممكن


القاتل يعمل أى حاجة هو عايزها


فى حاجة غريبة بقة أكتشفها المعمل الجنائى ودى كانت محيرة أوى أن مفيش أى كسور فى باب الشقة ودة معناه أن يا أما


القاتل دة محترف أوى يا أما خبط على القتيل فالقتيل فتحله وبعدين تم بينهم شجار وأنتهى بالخبطة الى أفقدت القتيل الوعى


أو أو أو فى أستنتاجات كتير ممكن نستنتجها لأن كمان مفيش أى بصمات تدل على القاتل أو حتى أى أثر يخلينا


نشك فى حد مفيش غير الشيك الى لقيناه ومنقدرش نبنى عليه أتهام لشوكت السلحدار الى هنستجوبه ونشوف


فى شهادة الشهود هو مين


وبكدة يبقى أنتهى تقرير المعمل الجنائى وأنتهى جزء من المعطيات أنتظرو بقة الجزء التانى من المعطيات وكمان المطلوب منكم


فى المشاركة الجاية من دراكولا والى هتتمثل في تقرير الشرطة والتحريات وكمان شهادة الشهود والى هتوضح لينا غموض كتير


منه مين القتيل واسباب كتير ممكن نبنيها كدافع للقتل وكمان نتعرف على شخصيات القضية

Dracula
16-10-2010, 03:20 AM
مساء الخير على كل أعضاء منتدى كلية الحقوق زى مشوفنا مع أحمد حلمى وصف بسيط لقضيتنا وبعض المعطيات زى تقرير المعمل الجنائى وتقرير الطبيب الشرعى نيجى مع بعض لجزء جديد ومهم فى قضيتنا وهو تحريات الشرطة عن القتيل واستجواب بعض الشخصيات المحيطة بالقتيل للبحث عن القاتل وعن دوافعه للقتل

التحريات

أثبتت تحريات الشرطة أن القتيل اسمه
هانى سعيد أبورية ابن رجل الأعمال المرحوم سعيد أبو رية والى توفى قبل هانى بحوالى سنه فى حادثة تصادم سيارته على طريق اسكندرية الصحراوى الحادثة دى على فكرة أثبتت التحقيقات أنها مدبرة مش طبيعية وبدون منخش فى تفاصيل كفاية تعرفو المعلومة دى بس
التحريات بتقول أن القتيل هانى سعيد كان يسكن فى شقته فى المعادى فى الدور السادس وكان يعيش وحيدا
سعيد أبورية عنده ولد وبنت الولد هو هانى القتيل والبنت هى شيماء متزوجة وتعيش مع زوجها أيمن شاكر محاسب فى شركة أبورية للأستيراد والتصدير ويسكن هو وزوجته شيماء سعيد أبورية فى شقة فى وسط البلد
سعيد أبورية هو رجل أعمال يملك شركة تدعى شركة أبورية للأستيراد والتصدير بس مش هو المالك الوحيد بعد التحريات تم أكتشاف أن شوكت السلحدار هو شريك سعيد أبورية من الباطن بنسبة 49 % من اسهم الشركة والى تتيح له حق الأنتفاع بمكسب رأس المال فقط لكن الأدارة هى حق لسعيد وورثته الى هما طبعا هانى القتيل وشيماء وتم أكتشاف كمان نيرة الزوجة التانية لسعيد أبورية لأن والدة هانى وشيماء توفيت من عشر سنين ونيرة دى زوجة المرحوم سعيد أبورية من حوالى سنتين يعنى قبل موت سعيد أبورية بحوالى سنة
هانى كان رئيس مجلس أدارة الشركة بعد وفاة والده سعيد أبورية وكان المسئول عن كل كبيرة وصغيرة فى الشركة
المعلومات الى جاتلنا عن هانى بتقول أنه كان بيمر بظروف نفسية صعبة بعد وفاة والده بس كان شخص طبيعى جدا وملوش أى ميول للأنتحار زى مهنعرف بعد كدة من طبيبه النفسى أثناء أستجوابه
سيناريو الحادثة تم كالأتى
النجدة تلقت بلاغ من بواب العمارة ( مصيلحى ) التى يسكن فيها هانى القتيل والعمارة دى مكونه من تمن طوابق وزى مشوفنا بيسكن فى الطابق السادس هانى القتيل كل طابق فيه شقتين بجوار شقة القتيل يسكن المهندس عادل عرابى والى هيتم استجوابه لأخذ أقواله من قبل الشرطة
لما تلقت النجدة البلاغ بادرت بالذهاب لمكان الحادث ووجدت القتيل ملقى حتفه على وجهه الى طبعا تشوه نتيجة السقوط من الدور السادس
وزى مشوفنا تقرير الطبيب الشرعى والمعمل الجنائى وكمان تحريات الشرطة الى فسرت شوية ملامح القضية وعرفتنا على بعض الشخصيات المهمة فى أحداث القضية تعالو بينا نخش على استجواب الشرطة لشخصيات القضية والى هكتبها لواحدها فى المشاركة الجاية عشان المشاركة متبقاش كبيرة أوى
أنتظروووونا

Dracula
16-10-2010, 05:44 AM
بعد مشوفنا تحريات الشرطة عن الحادث نيجى للجزء الأخير فى قضيتنا وهو
استجواب الشخصيات المحيطة بالقتيل

المحقق: افتح التحقيق يابنى وأندهلى على مصيلحى سيد العربى
أزيك يا مصيلحى نبتدى التحقيق على بركة الله
اسمك وسنك ومهنتك يا مصيلحى
مصيلحى: انا مصيلحى سيد العربى يا باشا عندى خمسين سنه وبشتغل بواب فى عمارة الشروق فى المعادى
المحقق: تمام يا مصيلحى قولى بقة أيه الى حصل من الأول للأخر كدة
مصيلحى : انا يا باشا كنت قاعد الساعة بتاعة العصرية دى بأيل شوية ونايم فى أمان الله بعد متغديت انا والعيال ولادى ومراتى فى أوضتى الى فى مدخل العمارة فجأة لقيت زعيق جامد وناس بتصوت برة جيت أخرج لقيت مراتى بتقولى ملناش دعوة فقعدت لحد ملقيت واحد بيخبط عليا وبيقولى أنت بواب العمارة دى قلتله أه قاللى طب تعالى معايا لقيت فى زحمة قدام العمارة وناس خلق واقفة ببص لقيت واحد مرمى عالأرض والأرض غرقانه دم رحت متصل بيكو علطول يا باشا وعرفت بعد كدة أنه سى هانى الله يرحمه هو الى مات
المحقق: مشوفتش أى حد تعرفه يا مصيلحى طالع العمارة من طرف هانى القتيل أو حد غريب مشوفتوش قبل كدة أى حد طلع فى الوقت دة طيب
مصيلحى : الكدب خيبة يا بيه انا فى الوقت دة بالذات الساعة الى بين العصر والمغرب دى بكون فى أوضتى بتغدى وبريح شوية عشان بليل انا بسهر لحد الصبح أخد بالى من العمارة والمحلات الى تحت والأوضة الى جوا الى بيبقى قاعد فيها مياخدش بالو من الى طالع والى نازل الكدب خيبة يابيه معرفش مين طلع ومين نزل
المحقق: طب لما الناس ندهولك عشان تخرج وتشوف فى ايه برة ملاحظتش حد نازل من فوق من العمارة
مصيلحى: يا بيه هو كان حد فايق لحاجة دة الدم كان مغرق قدام العمارة والناس مشغولة فى الجدع الى كان مرمى ياعينى ومحدش فايق لحد وبعدين دة العمارة كلها نزلت يا بيه عشان تشوف ايه الى حصل مركزتش بصراحة يا بيه
المحقق: طب خلاص يا مصيلحى روح أنت الى بعده يابنى أندهلى على شيماء سعيد أبورية
العسكرى: مجتش يابيه الى واقف برة جوزها
المحقق: طب خليه يدخل
الأستاذ ايمن شاكر صح
أيمن: أيوة ياأفندم أنا ايمن جوز شيماء أبورية أخت القتيل ومعلشى أنها معرفتش تيجى أصلها فى حالة أنهيار عصبى فوديتها المستشفى ولما عرفت أن حضرتك عايزنى سبتها وجتلك
المحقق: ولا يهمك وسلامتها ألف سلامة عرفت حضرتك طبعا بلى حصل وان القتيل ممتش منتحر ولا حاجة وأنه مات بفعل فاعل
أيمن : الله يرحمك يا هانى كأن أكتر من أخ بجد رغم كل الخلافات الى كانت بيننا فى وجهات النظر وتعقيباتى عليه بس كان أخ بجد
المحقق: ياريت توضح كلامك أكتر يااستاذ أيمن أحنا أى حاجة هتقولها دوقت ممكن تفيدنا حتى لو كانت بسيطة
أيمن: بص ياأفندم هو متجوزش عالميت غير الرحمة بس انا هتكلم وأقول الى أعرفه عن هانى الله يرحمه هانى شخص كويس وابن ناس بس كان عنيد ولما بيعوز حاجة محدش بيقدر يقف قصاده كان على خلافات علطول فى الشركة مع الموظفين بسبب أنه كان عايز يمشى الشركة على مزاجه ويتبع سياسة غير السياسة الى كان بيتبعها سعيد باشا الله يرحمه والده
المحقق: ياترى من ضمن الخلافات خلافاته مع شوكت السلحدار
ايمن: أيه دة أنتو عرفتو منين بشوكت باشا
المحقق: مش مهم عرفنا منين المهم تجاوبنى على الى سألتك فيه الخلافات دى من ضمنها خلافاته مع شوكت السلحدار
أيمن: هو مكنش بينهم خلافات أوى أكتر من أن شوكت باشا كان عايز يشترى باقى الأسهم الى بنسبه 51% ويبقى هو المالك الوحيد للشركة بس هانى الله يرحمه كان بيرفض وكان عايز يفض الشراكة معاه بس طبعا بنود العقود بتفرض شروط جزائية لو هانى كان فسخ العقد كان ممكن تؤدى لأنهيار الشركة وخسارة ما بعدها خسارة فكان كل واحد فيهم بيمشى بمنطق يبقى الوضع كما هو عليه وخلاص شوكت شريك بنسبته وله حق الاستفادة من الربح بنسبة معينه برده هما الى كانو متفقين عليها وهانى طبعا شريك بالنسبة الأكبر وكمان بالأدارة الكاملة للشركة
المحقق: أها طب أحنا لقينا شيك جنب خزنه القتيل واقع عالأرض ومن الواضح أن القاتل نساه أو وقع منه وهو بياخد الحاجة الى فى الخزنه الشيك دة متوقع عليه من شوكت لهانى شيك على بياض
ايمن: شيك شيك ايه هانى مكلمنيش بصراحة فى حاجة زى دى خالص
المحقق: حضرتك بتشتغل ايه بالظبط فى شركة أبو رية يا استاذ أيمن
أيمن: انا مدير الحسابات فى الشركة والكلام دة حتى من قبل مأتجوز شيماء
المحقق: جميل يعنى المفروض موضوع الشيك دة يكون هانى كلمك عنه مثلا
أيمن : هانى حويط جدا جدا جدا ومبيديش سره لحد لكن الى عرفته من شيماء أنه كان بيقعد كتير مع دكتور نفسانى أسمه سامى سمير وبتحكيلى بتقولى أن الدكتور دة يعرف عن هانى أكتر ما هى تعرف لأنه من أصحابه ومن المقربين ليه قبل ميكون طبعا الدكتور بتاعه
المحقق: جميل أوى حلوة المعلومة دى يا استاذ ايمن كمل بقة وقوللى يا ترى فى خلافات تانية بين هانى وبين أى حد
أيمن: هو كان فى بس دة خلاف عائلى ومأظنش أنه يوصل لحاجة زى القتل وكان أطرافه كتير وأنا ومراتى كنا طرف فيه بس مع الوقت نسينا الخلاف دة كان بين نيرة زوجة المرحوم سعيد باشا التانية وبين المرحوم هانى لأنها كانت مرات أبوه وكان بيكرهها دة حتى الله يرحمه بقة كان زور وصية والده عشان يحرمها من أنها تورث أى حاجة فى أبوه دة غير أنه كمان ضم ليه من ضمن التركة رئاسة مجلس أدارة الشركة وكتبها بأسمه وحرم شيماء أختى من حقها فى الأصول وأكتفى بأنه يديلها نصيبها فى رأس المال بس
المحقق: دة واضح أن المرحوم كان داهية طب نيرة دى متعرفش أراضيها فين دلوقتى
ايمن: نيرة دلوقتى كنت عرفت أنها ساكنه فى الساحل فى فيللا هناك كان كتبها المرحوم بأسمها بيع وشرا ودى بقة الى هانى كانت هتطلع من عنيه وكان نفسه يحرمها منها هى كمان بس البت كانت ناصحة ومسجلاها فى الشهر العقارى وكانت ملكاها من أيام مكان سعيد باشا عايش
المحقق: تمام أوى طب أنت بنظرتك يا أستاذ ايمن شايف مين ممكن يكون عمل كدة
ايمن: والله يا أفندم زى منتا شايف المرحوم الله يرحمه حبايبه كتير ومش عايز أظلم حد بس كل الى هقدر أقوله الله يرحمك يا هانى ويغفرلك كل الى عملته
المحقق: طب متشكرين يا أستاذ أيمن وأكيد هحتاجك تانى لو فى أى جديد أندهلى يابنى على شوكت السلحدار وأبعت استدعيلى حالا المدعوة نيرة البرعى والدكتور سامى سمير وكمان جار القتيل الى اسمه عادل عرابى
شوكت : تحت أمرك يا أفندم
المحقق: شوكت السلحدار صح
شوكت : تحت أمرك
المحقق: البقاء لله يا شوكت باشا طبعا أنت عرفت بوفاة شريكك هانى أبورية
شوكت: شريكى اها هو مفيش حاجة تخفى عالحكومة أبدا البقاء والدوام لله
المحقق: أكيد يا شوكت باشا والا منبقاش حكومة طبعا أنت أكيد مستغرب انا أستدعيتك ليه
شوكت : بصراحة أه
المحقق: يعنى هدردش معاك شوية كدة فى الى حصل وفى علاقتك بالقتيل
شوكت: قتيل أيه دة هو هانى أتقتل
المحقق: أنت متعرفش ولا ايه
شوكت: بصراحة انا الى سمعته أنه رما نفسه من بيته وأنتحر
المحقق: هو الى قتله كان عايز يورينا كدة فعلا بس أحنا أكتشفنا بعد كدة أن الى حصل حاجة تانية خالص وأنه أتقتل منتحرش
شوكت: لا حول ولا قوة الا بالله طب ووصلتو للى قتلو ولا لسة
المحقق: هنوصللو يا باشا متقلقش ومش بعيد وأنت قاعد معايا تلاقيه داخل علينا حالا المهم بس خلينى أسألك فى حاجة كدة
شوكت: أتفضل يا أفندم
المحقق: المعمل الجنائى لقا أن الى قتل هانى سرق خزنته وواضح أنه كان ملبوخ عشان كدة وقعت منه ورقة من ضمن الى كان فى الخزنه الورقة دى شيك مكتوب بأسمك وحق صرفه كان للمرحوم هانى أبورية تفسر وجود الشيك دة فى خزنه المرحوم بأيه
شوكت: الشيك دة انا كتبته على نفسى لهانى علشان بضاعة كنا هنستوردها فى خلال الشهر الجاى هانى مكنش بيثق حتى فى نفسه وكان المفروض أنى أدفعله مبلغ معين مكنش فى حوزتى فى الوقت دة لأن زى محضرتك عارف أحنا تجار وفلوسنا كلها فى السوق فقلتله هكتبلك شيك بالمبلغ ومضينا الأتفاق بالشراكة فى العملية الجديدة دى لحد ميجيلى السيولة المطلوبة وأسددلو المبلغ بس طبعا هو شكاك لدرجة فظيعة وقال أنى أكتب الشيك على بياض الله يرحمه كان طيب شوية فى معاملات الفلوس الله يرحمه بقة
المحقق: بس انا على حسب معلوماتى أنك كنت عارض عليه تشترى اسهمه فى الشركة وتكون أنت المالك ليها منين بقة مديون ليه ومنين كنت هتشترى اسهم الشركة
شوكت : انا فعلا كنت عرضت عليه موضوع الشرا دة وهو كان بيرفض دايما وبالنسبة لأنى كنت هجيب سيولة منين انا مش لواحدى يا أفندم انا معايا فى نسبتى فى أسهم الشركة شركا تانيين برده من الباطن شخصيات مهمة مبتحبش تظهرعلى مسرح البزنس بيخشو برأس المال وانا بخش بأسمى فى السوق كدة يعنى
المحقق: أها طب ياترى كان فى خلافات بينك وبين المرحوم
شوكت: كتير جدا بس خلافات بخصوص الشغل طبعا لأنه بيعوز ينفذ كل حاجة بدماغه من غير ميشوف نتيجة تصرفه دة ايه ودة مش ينفع فى البزنس البزنس خصوصا لو كان بمبالغ كبيرة محتاج المشورة قبل متاخد أى قرار لكن المرحوم كان صوته دايما من دماغه ومجلس الأدارة بالنسبة ليه كان شىء صورى ملوش لازمة فكنت دايما على خلاف معاه فى النقطة دى أن لازم يسمع للى حواليه وكدة
المحقق: هانى مكنش له أعداء فى الشغل أو من المنافسين ليكو من الشركات التانية أى شىء من هذا القبيل
شوكت : أيمن كان معاملته فى الشغل ميرى مع الكل فمقدرش أحددلك مين حبيبه ومين عدوه لأنه بيتعامل بمنطق المصلحة فين بس
المحقق: يعنى مبترميش الشك على حد مثلا أنه يكون الى عمل كدة
شوكت: بصراحة لا عشان برده مظلمش حد لأن دى جريمة قتل مش لعبة
المحقق: شكرا يا شوكت باشا على وقتك معايا ولو أحتجت حضرتك تانى هبعتلك أندهلى يابنى على الى عندك برة والى انا طلبت أستدعيهم
سامى : خير يا أفندم حضرتك طلبتنى
المحقق: دكتور سامى سمير
سامى: أيوة يا أفندم خير
المحقق: حضرتك تعرف واحد أسمه هانى أبورية
سامى: أيوة يا أفندم مالو هانى دة صديقى وانا الطبيب الخاص بتاعه
المحقق: هانى مات أمبارح نتيجة سقوطه من بلكونه بيته فى الشارع
سامى: ايييييييه ازاى لا حول ولا قوة الا بالله الله يرحمك يا هانى ازاى دة هانى مات
المحقق: اهدا شوية يا دكتور انا عارف أن دى صدمة بالنسبة ليك بس دة قضاء وقدرو كدة بقة
سامى : ازاى هانى يعمل كدة انا الطبيب النفسى بتاعه واقرب واحد ليه واقدر ائكدلك يا افندم ان هانى مستحيل يعمل فى نفسه كدة
المحقق: ليه يا دكتور اذا كان لقينا جنبه ورقة مكتوب فيها يأست من حياتى فأنتحرت
سامى: يا أفندم مستحيييييييل هانى شخصية فخورة بنفسها وحاسس أن دماغه مفيش زيها عنده أحساس بالذات غير عادى والنوعية دى من الناس بتخاف على نفسها جدا ومستحيل تعمل حاجة تضرها دى من الناحية التحليلية لشخصيته نيجى بقة للناحية العملية هانى صاحبى وانا أعرف عنه حاجات كتير ومستحيل يفكر فى كدة برغم أنه كان منهار نفسيا فى وقت من الأوقات بسبب وفاة والده بس دة كان لمدة بسيطة وقدر يتغلب على دة بسرعة يا أفندم فى واحد داخل على ثفقة عمره الى هتكسبه ملايين ويروح ينتحر عشان يأس من حياته
المحقق: أهااااا ثفقة عمره جميل أوى الكلام دة كلمنى عن الى تعرفه عن هانى شوية يا دكتور
سامى: هانى برغم أعتراضى على تصرفات كتير عملها بس هو مقتنع من جواه أن كل حاجة عملها لسبب
المحقق: حقة يا دكتور هانى زور وصية والده وكتب الشركة بأسمه وحرم مرات أبوه من حقها فى الميراث
سامى: أيوة يا أفندم بس هو كان عامل كدة لغرض معين نيرة مرات أبوه دى حرباية وصعبة كانت مصطادة المرحوم سعيد باشا فى أخر أيامه وبتحلبه فى الفلوس وكمان الوصية الى أكتشفها هانى بعد وفاة والده بتقول أن سعيد باشا الله يرحمه كان كاتب لنيرة دى نص التركة فى وصيته بالنسبة للشركة ورأس المال الموجود فى البنك ودة خلا هانى يتجنن ويعمل حركة التزوير دى عشان يضمن حقه وحق أخته وبالنسبة لحكاية كتابة الشركة بأسمه فدة عشان جوز أخته أيمن ميطمعش فى الشركة خصوصا أن شيماء عاملاله توكيل عام يعنى ممكن يبيع نصيبها فى الشركة لأى حد أو يطالب بنصيبها فى الشركة ويقسمها وزى محضرتك عارف أن الشركة دى مش ملك هانى لواحده وفى معاه شركا زى شوكت السلحدار مثلا
المحقق: بتاخد الكلام من على لسانى يا دكتور أيه رأيك صحيح فى شوكت دة وأيه علاقة هانى بيه
سامى: هانى كان حريص أن أسرار شغله متطلعش برة دماغه حتى لأقرب الناس ليه بس كل الى أعرفه عن شوكت أن علاقتهم ببعض شغل وبزنس بس كان بينهم خلافات كتير لكن معرفش تفاصيلها وعلى ما أعتقد أن شوكت شريك مع هانى فى العملية الكبيرة الى كان هانى هيعملها فى الشهر الجاى الله يرحمك يا صاحبى
المحقق: طيب يا دكتور سامى البقاء لله ولو أحتجت حضرتك أكيد هبعتلك أندهلى يابنى على نيرة زوجة المرحوم سعيد أبورية
نيرة: أئمر يا أفندم انا نيرة زوجة المرحوم سعيد أبورية الله يرحمه
المحقق: أهلا يا مدام نيرة معلشى لو كنت أستدعيت حضرتك على فجأة كدة بس كنت عايز أدردش مع حضرتك شوية
نيرة: خير يا أفندم
المحقق: تعرفى ايه عن هانى سعيد أبو رية أبن المرحوم .........
نيرة : قطوع وقطعت سيرته مطرح مهو موجود الهى يجيبله ويحطلو الهى يديله وميخليلوش
المحقق: طب قولى الله يرحمه
نيرة : أيه دة هو مات
المحقق: أه مات أمبارح
نيرة: الله يرحمه لا حول ولا قوة الا بالله الله يرحمه ويدشدش الطوبة الى تحت راسه فى جهنم الحمرا بأذن واحد أحد
المحقق: يااااااااااه دنتى واضح أنك بتحبيه أوى
نيرة: طبعا بحبه وانا عندى غيرو دة هانى دة الحيلة منه لله
المحقق : هدى نفسك بس وقوليلى بتكرهيه أوى كدة ليه
نيرة: ضحك عليا ونصب عليا أبوه كان كاتبلى نص تركته لما مات راح ابن النصابة دة ضاحك عليا ومزور الوصية ولاهفها لحسابه وحتى معطانيش حقى الشرعى ولولا أنى عرفت أخلى المرحوم سعيد جوزى يكتبلى الفيللا الى انا قاعدة فيها كان زمانى فى الشارع
المحقق: لا ليكى حق تكرهيه فعلا بس دة مات دلوقتى يعنى المفروض تترحمى عليه
نيرة : يلا أهو مات بقة ومتجوزش عليه غير الرحمة بس دة مات ازاى
المحقق: أتقتل واحد حطله فى ودانه سلك كهربا عريان وحطو فى البانيو وشغل الحنفيه عليه فمات
نيرة : ياعيييينى دة موته شنيعة
المحقق: أه شنيعة المهم يامدام نيرة متعرفيش أى معلومات عن أعداء أو حد ممكن نوجه له أصابع الأتهام فى الى حصل لهانى دة أى حاجة تعرفيها قوليها
نيرة : هعرف ايه بس يا أفندم انا من يوم مالمرحوم مات من سنه وابن النصابة دة ضحك عليا معتش ليا دعوة بيه هو الى متربصلى فى كل حتة وأكتر من مرة هددنى أنه هيقتلنى وبعتلى فعلا ناس الفيللا قبل كدة يضربونى بس لولا البودى جاردات بتوعى لحقونى كان زمانى معاه دلوقتى
المحقق: لا والله سلامتك أهو راح لواحده أهو ومعتش حد هيهددك تانى يعنى مفيش أى حاجة ممكن تفيدينا فى التحقيق بيها يا مدام نيرة
نيرة: صدقنى انا قلت كل الى أعرفه يا أفندم ولو فيه حاجة أفتكرتها أكيد هقولهالك مكنش دلوقتى يبقى لما أفتكرها
المحقق: شرفتى وأنستى يامدام نيرة ولو أحتجتك فى أى حاجة فى أى وقت هبعتلك أندهلى يابنى على عادل عرابى جار القتيل
عادل: أيوة يا أفندم انا عادل عرابى
المحقق: أهلا يا بشمهندس أتفضل
عادل: خير يا أفندم
المحقق: طبعا أنت عارف الى حصل لجارك هانى أبورية
عادل: هانى بيه الله يرحمه كان راجل كله زوق الله يرحمه
المحقق: تمام متعرفش أيه الى حصل وقت وقوع الحادث دة بالظبط فى شقة القتيل يعنى مسمعتش صوت كسر أو زعيق أو مشوفتش حد غريب داخل عنده
عادل: انا سمعت فعلا صوت زعيق بس مكنش باين غير صوت هانى بيه بس حتى انا قلت دة بيتكلم فى التليفون وبيزعق مع حد وكدة بس بعدها بشوية لقيت الناس تحت البيت بيقولو دة هانى بيه مات ورما نفسه من فوق الله يرحمك يا هانى بيه الله يرحمك
المحقق: مقدرتش تميز أى صوت مع صوت المرحوم يا بشمهندس عادل يعنى مثلا الصوت الى كان معاه صوت راجل ولا ست كدة يعنى
عادل: بصراحة لا لأنى ساعتها كنت بتغدى والزعيق دة انا كنت سامعه من المسقط الى بيطل على شقة هانى بيه الله يرحمه
المحقق: يعنى مسمعتش أى حاجة غريبة وقت الحادثة ممكن تقولهالنا أى حاجة مهما كانت بسيطة هتفيدنا فى التحقيق
عادل : انا الى سمعته كان صوت جرس الباب عند هانى بيه والكلام دة قبل محضر الغدا يعنى قبل معرف بالحادثة بحوالى نص ساعة أو تلات تربع ساعة كدة يعنى
المحقق: أها طيب يا بشمهندس عادل شكرا على وقتك معايا ولو أحتجتك فى أى وقت تانى هبعت لحضرتك

وبكدة يبقى أنتهى الجزء الأخير فى قضيتنا وهو أستجواب الشرطة
نيجى بقة للمطلوب
حاجة سهلة أوى أوى أوى
مين القاتل وأيه دوافعه للقتل وسيناريو الجريمة الى تم بس كدة شوفه قضية سهلة وبسيطة ازاى
الى هيقول فى مشاركته مين القتل ويسكت مش هرد عليه لكن الى هيكتب المطلوب كامل يعنى القاتل وليه قتل وسيناريو الجريمة تم ازاى هخش وأتناقش معاه وواحدة واحدة ممكن يوصل للحل الصحيح
القضية دى فيها شغل عالى أوى أوى أوى الى هيحلها ليه منى تقييم بس طبعا مش كل الى هيحلوها أول واحد هيحلها والحل الى انا عايزو يعنى مش حل قريب حتى لا لازم عشان ياخد التقييم يكون حل القضية حل كامل
ورونى بقة مرافعاتكو يا سادة يامحامين ومعاكم أسبوع من هنا لحد الخميس الجاى بليل هننزل الحل النهائى للقضية عيشو بقة
تشااااااااااااااااااااااااو

فرحة 2011
16-10-2010, 06:49 PM
اولا بشكر كل من الاستاذ احمد حلمى والمؤلف السنيمائى دراكولا
وحل القضيه كاتلى ولعلمك يادراكولا انا حليتها بعد ما نزلتها فى دقيقتين واتمنى يكون اجابتى صح وهى كالتالى
اولا بالنسبه للقضيه هناك جريمتين
الاولى :مقتل رجل الاعمال سعيد ابو رايه والقاتل هنا هى زوجته نيره وذلك لكى ترثه بعد ان جعلته يكتب باسمها نصف تركته وجعلته يظهر كحادث
الثانيه: جريمه الثانيه وهى مقتل هانى ابن رجل الاعمال سعيد ابو رايه والقاتل هنا هو ايمن زوج اخته شيماء وذلك للاسباب الاتيه:
1- انه بعد مقتل سعيد والد كلا من هانى وشيماء قام هانى بتغير الوصيه ولم يعطى لشيماء اخته سوى الربح من المال
2- مسؤليه ايمن عن اموال زوجته شيماء ولك عملها توكيل عام له وشعوره بظلم زوجته من اخيها
3- علمه بصفقه كبيره سيقوم بها هانى وكسبه ربح هائل من وراءها
4- ان المستفيد من موت هانى هى اخته شيماء وزوجها لان زوجته شيماء هى من سترث اخيها وايمن لديه توكيل عام بجميع اموالها
5- عدم تفاجىء ايمن اثناء التحقيق بان وفاه هانى لم تكن انتحارا بل جريمه قتل وقوله الله يرحمك ياهانى دون ظهور الدهشه عليه من سماع الخبر بالرغم من انه قال ان هانى مثل اخيه
اثبات المبحث الجنائى بعدم وجود كسور بالباب واثبات جاره المهندس انه جاء اليه احد وانه سمع جرس الباب اى ان القاتل شخص يعرفه ويسمح له بدخول المنزل
وهناااااااااااااااااا حدث السيناريو كالاتى
ذهب ايمن الى هانى بالشقه لمناقشه اموال زوجته معه وميراثها من والدها وعلمه بوجود صفقه وحق زوجته بها ولاصرار هانى على موقفه وانه لن يعطى لاخته غير لك لان زوجها ياخ الاموال بتوكيل عام قامت به اخته لزوجها اشتد الحوار بينهم وتعالت الاصوات ففكر ايمن فى التخلص من هانى وقام بضربه باله حاده على راسه ادت الى فقده للوعى وقام باخذ بصمته وفتح الخزنه وترك شيك لشوكت السلحدار حتى اذا كتشف انها جريمه يبعد الشك عنه وانه كان على خلاف مع شوكت فمن السهل الصاق التهمه به
ثم كتب عباره بخط يشبه خط هانى وهى انه انتحر لانه ياس حياته وقام بالقاءه من البلكونه حتى يتبين انه انتحار وحاول تضليل الباحثين فى التحقيق بان هانى له اعداء كالشركاء ومنهم شوكت السلحدار وزوجه والده نيره لتزويره فى الميراث ونزل دون ان يراه احد فى المكان
عدام شكى بشوكت السلحدار للاتى
اولا: نه لو كان القاتل كان اول شيىء بحث عنه واخذه هو الشيك حتى ينهى الدين الذى عليه
ثانيا: انه بقتل هانى لن يستفيد شوكت السلحدار لانه له حصه فى الارباح بنسبه49% ولن تزيد له بموت هانى لانه ليس وريث له
ثالثا : عدم انكاره للمشاكل التى كانت بينهم والتى هى عاديه بالنسبه للعمل وطبيعته والتى لا تكون سبب كاف لفعل جريمه كهذه
وده تحليل سريع للقضيه واتمنى يكون اجابتى صح

kingDrifter
19-10-2010, 08:12 AM
هو كلام فرحه مقنع وممكن اضيف عليه سبب كمان ان محدش يعرف ان هاني بيتعالج عند دكتور نفسي الا ايمن ودا من خلال مراته وبالتالي لو السلحدار هو القاتل يبقي مكنش هيكتب الورقه مكتوب فيها ياست من حياتي اما نيرة زوجه والده ملهاش دخل في الحكايه

والبواب قال انه مشفش حد غريب نازل لان ايمن مش غريب وهو شخص اكيد بيتردد ع المكان بحكم انه زوج اخته

انت استدعي البواب ثاني واسئله مشفتش ايمن وقت الحادثه نازل من السلم ...
يمكن بعد مرجع من التحقيق سال مراته وتكون هي شافت ايمن نازل ولا حاجه

بس الخلاصه لو القضيه بس كدا تبقي سهله جدا

انا متوقع القاتل هو الدكتور النفسي صديق هاني بس مش لاقي اسباب كافيه

1- ان هو يعرف انه مريض نفسي وصديقه ودايم يقعد معاها بالساعات ( وشاهده عرابي بتقول انه سمع رن الجرس قبل الحادثه ب 4 سعات ) وبحكم الصداقه قدر انه يقلد الخط ويكتب يأست من الحياه فقررت انتحر
2- الشيك سابه جمب الخزنه لسببين الاول لانه اتفاجأ ان الشيك باسم هاني ولا يمكن ان يصرف الا لحامله فاستفاد منه بانه يرميه جمب الخزنه لسبب ثاني وهو انه يخلي الشك في السلحدار
3- من كلام الدكتور في التحقيقات ظاهر انه يعرف كل حاجه عن هاني حتي الصفقه الجديده يعرف ان فيها مكسب ملايين يبقي اكيد هي راس مالها ملايين
ولانه يعرف كل دا فاكيد يعرف ان هاني اخذ شيك علي بياض من شوقت علشان يضمن حقه
طمع الدكتور وفكر وخطط واختار وقت يكون البواب مش موجود فيه وطلع نفذها بطريقه تبين انها انتحار عادي جدا
لاكن المفاجئه لما لاقي الشيك باسم هاني يعني ميقدرش انه يصرفه سابه جمب الخزنه علشان يكون الشك في السلحدار
واخذ كل الاوراق والاشياء الي فيها
وكلامه في النيابه اتعمد يدخل جوز شيماء اخت القتيل في القضيه واتكلم عن انها عامله له توكيل عام لكي يظهر ان له صله ودوافع بمقتل هاني لانه مستفيد من وفاته

لو لقيت اسباب كمان هكتبها بس استدعي البواب زي مقلتلك مفيش حاجه بتخفي عنهم هو اكيد شاف بس اتعمله جلسه نفسيه علشان يسكت

كمان اطلب من المعمل الجنائي انه يطابق الخط الي موجود في الورقه مع خط الدكتور النفسي وايمن والسلحدار

في انتظار تعليقك علي استدعاء البواب ومطابقه الخط ....

ann1
04-11-2010, 05:11 PM
الف شكر على المجهود الرائع

a7med 7elmy
06-11-2010, 12:38 AM
اولا بشكر كل من الاستاذ احمد حلمى والمؤلف السنيمائى دراكولا
وحل القضيه كاتلى ولعلمك يادراكولا انا حليتها بعد ما نزلتها فى دقيقتين واتمنى يكون اجابتى صح وهى كالتالى
اولا بالنسبه للقضيه هناك جريمتين
الاولى :مقتل رجل الاعمال سعيد ابو رايه والقاتل هنا هى زوجته نيره وذلك لكى ترثه بعد ان جعلته يكتب باسمها نصف تركته وجعلته يظهر كحادث
الثانيه: جريمه الثانيه وهى مقتل هانى ابن رجل الاعمال سعيد ابو رايه والقاتل هنا هو ايمن زوج اخته شيماء وذلك للاسباب الاتيه:
1- انه بعد مقتل سعيد والد كلا من هانى وشيماء قام هانى بتغير الوصيه ولم يعطى لشيماء اخته سوى الربح من المال
2- مسؤليه ايمن عن اموال زوجته شيماء ولك عملها توكيل عام له وشعوره بظلم زوجته من اخيها
3- علمه بصفقه كبيره سيقوم بها هانى وكسبه ربح هائل من وراءها
4- ان المستفيد من موت هانى هى اخته شيماء وزوجها لان زوجته شيماء هى من سترث اخيها وايمن لديه توكيل عام بجميع اموالها
5- عدم تفاجىء ايمن اثناء التحقيق بان وفاه هانى لم تكن انتحارا بل جريمه قتل وقوله الله يرحمك ياهانى دون ظهور الدهشه عليه من سماع الخبر بالرغم من انه قال ان هانى مثل اخيه
اثبات المبحث الجنائى بعدم وجود كسور بالباب واثبات جاره المهندس انه جاء اليه احد وانه سمع جرس الباب اى ان القاتل شخص يعرفه ويسمح له بدخول المنزل
وهناااااااااااااااااا حدث السيناريو كالاتى
ذهب ايمن الى هانى بالشقه لمناقشه اموال زوجته معه وميراثها من والدها وعلمه بوجود صفقه وحق زوجته بها ولاصرار هانى على موقفه وانه لن يعطى لاخته غير لك لان زوجها ياخ الاموال بتوكيل عام قامت به اخته لزوجها اشتد الحوار بينهم وتعالت الاصوات ففكر ايمن فى التخلص من هانى وقام بضربه باله حاده على راسه ادت الى فقده للوعى وقام باخذ بصمته وفتح الخزنه وترك شيك لشوكت السلحدار حتى اذا كتشف انها جريمه يبعد الشك عنه وانه كان على خلاف مع شوكت فمن السهل الصاق التهمه به
ثم كتب عباره بخط يشبه خط هانى وهى انه انتحر لانه ياس حياته وقام بالقاءه من البلكونه حتى يتبين انه انتحار وحاول تضليل الباحثين فى التحقيق بان هانى له اعداء كالشركاء ومنهم شوكت السلحدار وزوجه والده نيره لتزويره فى الميراث ونزل دون ان يراه احد فى المكان
عدام شكى بشوكت السلحدار للاتى
اولا: نه لو كان القاتل كان اول شيىء بحث عنه واخذه هو الشيك حتى ينهى الدين الذى عليه
ثانيا: انه بقتل هانى لن يستفيد شوكت السلحدار لانه له حصه فى الارباح بنسبه49% ولن تزيد له بموت هانى لانه ليس وريث له
ثالثا : عدم انكاره للمشاكل التى كانت بينهم والتى هى عاديه بالنسبه للعمل وطبيعته والتى لا تكون سبب كاف لفعل جريمه كهذه
وده تحليل سريع للقضيه واتمنى يكون اجابتى صح

تمام كداا

حل القضية زى ما شيماء حلت كدا

Dracula
07-08-2011, 05:34 PM
انتظروا أول قضايا موضوع جعلونى مجرما فى منتدى الاجازة بعد رجوعه من منتدى الترحيب والتهانى

Dracula
07-08-2011, 06:28 PM
للى ميعرفوش نظام موضوعنا وقضيتنا كان قبل كدة زميلى احمد حلمى وانا الى كنا ماسكين الموضوع وكان هو بيخش يكتب الاحداث الى انا هكتبها دلوقت وانا بخش بعديه بكتب التحقيقات فى القضية وتقرير المعمل الجنائى وتقرير الطبيب الشرعى فى مشاركة تانية وطبعا بعد مبنعرض عليكو كل دة بنطلب منكو شوية طلبات كدة فى الاخر
نبتدى مع بعض يلا
القضية الأولى

فى احدى المستشفيات الخاصة وفى يوم الثلاثاء الساعة الثالثة عصرا

شيماء : الحقنى يا دكتور سامح الحقنى
( شيماء احدى الممرضات بالمستشفى )

سامح : فى ايه يا شيماء خير ايه الى حصل
( سامح دكتور الباطنه والقلب فى المستشفى )

شيماء : الاستاذ شوقى الى فى العناية المركزة حالته خطر جدا النبض واقف ومبيتنفسش
( الاستاذ شوقى رجل اعمال واحد المرضى بالمستشفى )

سامح: يانهار اسود اندهيلى الدكتور أيمن بسرعة هتلاقيه فى مكتبه وخليه يحصلنى على الأوضة

شيماء : حاضر يا دكتور
دكتور ايمن دكتور ايمن الحقنا الدكتور سامح عايز حضرتك حالا فى أوضة الاستاذ شوقى فى العناية المركزة لأن حالته خطر جدا

ايمن: لا حول ولا قوة الا بالله كلميهم يحضرو أوضة العمليات بسرعة عشان لو احتجنالها
( دكتور ايمن رئيس قسم الباطنه والقلب بالمستشفى )
^^^^^^^^^^^^^^
خير يا دكتور سامح فى ايه مالها الحالة

سامح : للاسف يا دكتور ايمن اتأخرنا أوى الاستاذ شوقى مات والوفاة حصلت من ساعة تقريبا

ايمن : ازاى انا كاشف عليه بنفسى الصبح وكان كويس والنبض كان مستقر والضغط كان مظبوط وكان كل حاجة تمام ايه الى حصل قلب حاله فجأة كدة وفين الممرضة الى كانت متابعة الحالة وازاى حالة الوفاة تحصل من ساعة وهى نايمة على ودانها

شيماء : ايوة يا دكتور انا الممرضة الى كنت متابعة حالة الاستاذ شوقى ووالله انا منمتش ولا حاجة انا يادوب رحت اتغدى فى فترة البريك ورجعت لقيت جهاز النبض بيقول ان القلب وقف وجهاز التنفس كمان كان مبيديش اى اشارات فجريت على الدكتور سامح وقلتله لكن والله انا مكنت بغيب عن الاستاذ شوقى ابدا وحتى كان بييجى عليا أوقات بتغدى معاه بس هو قاللى انا عايز انام شوية لأنه معرفش ينام امبارح فخفت اكل جنبه لأقلقه ولا حاجة

أيمن : الموضوع دة مش مريحنى انا كاشف عليه الصبح بنفسى وكان كل حاجة تمام بقولك ايه يا سامح خلى السكرتارية يكلمو حد من أهله عشان نعرفهم ويشوفو هييجو يستلمو الجثة امتى ويخلصو الاجرائات

سامح: دكتور أيمن لازم تبلغ البوليس حالا

ايمن : ليه فى ايه يا سامح

سامح : الموضوع مش مجرد حالة وفاة طبيعية الموضوع فيه شبهة جنائية

ايمن : ايه الى اوحالك بكدة

سامح : بص حضرتك كدة على المحلول الى كان متعلق للحالة

ايمن : ايه دة فى لون غريب زى ميكون فى مطهر أو سبرتو أحمر دى كارثة أتصل بالبوليس حالا ومتخليش أى حد يدخل أو يخرج من المستشفى لحد مالشرطة تيجى وارفع حالة الطوارىء فى المستشفى


بعد مكتشف كل من الدكتور ايمن والدكتور سامح وجود شبهة جنائية فى حالة وفاة الاستاذ شوقى قام الدكتور سامح باخطار المباحث وحضر رجال الشرطة للتحقيق فى الاحداث السابقة
انتظرونا فى المشاركة القادمة لتحليل احداث القضية فى التحقيقات ونشوف خط سير التحقيقات من شهادة الشهود وايضا هنشوف مع بعض تحليل الطبيب الشرعى وتحليل المعمل الجنائى

فرحة 2011
07-08-2011, 11:09 PM
نورت المنتدى يادراكولا ومبروك رجوعك مكانك والاشراف من تانى وبجد انا سعيده جدا برجوع الموضوع من تانى وف انتظار باقى الموضوع لانى نفسى احلها بجد ومتشوقه جدا للقضيه

Dracula
07-08-2011, 11:51 PM
بعد مشوفنا الاحداث فى المشاركة الى فاتت تعالو نشوف سوا تحقيقات الجريمة طبعا رجال المباحث ذهبوا للمستشفى ووجدو فى استقبالهم الدكتور ايمن والدكتور سامح

المحقق : مساء الخير ياجماعة خير البلاغ الى جالنا بيقول ان فى شبهة جنائية فى وفاة احد المرضى

ايمن : ايوة يا افندم فى شبهة جنائية لأن المريض كانت تقاريره كلها الصبح بتؤكد ان صحته كويسة ولما الوفاة حصلت واحنا فى أوضة المريض لاحظنا لون مادة غريبة فى المحلول الى كان متركب للمريض فاستدعينا الشرطة عشان تحقق والموضوع يمشى ميرى والطبيب الشرعى يشرح الجثة ويعرف سبب الوفاة ايه

المحقق: تمام يادكتور ياريت بس تشرفنى فى مكتبى ان شاء الله بكرة انت وكل الطاقم الى كان متابع حالة المتوفى وياريت كمان تستدعى حد من أهله عشان يعرفو ويتابعو معانا الموضوع

أيمن : المتوفى يا أفندم رجل اعمال معروف اسمه شوقى شاكر وملوش أى حد حسب تقارير المستشفى غير ولاد اخوه وهما الى كانو بيودوه هما والمحامى بتاعه شوكت رستم دة غير طبعا الزيارات العشوائية الى بتكون مرة وبتتقطع من معارف وكدة والمرحوم كان فى غيبوبة لما جه المستشفى نتيجة أزمة قلبية حادة

المحقق : تمام ممكن عناوين ولاد اخوه دول الى موجودة عندكم وزى مقولت لحضرتك ياريت تشرفنى بكرة ان شاء الله فى مكتبى حتى يكون المعمل الجنائى والطبيب الشرعى انتهوا من تقاريرهم عشان تكون الظروف وضحت اكتر وياريت برده تتصل بيهم تعرفهم بلى حصل

ايمن : ان شاء الله يا أفندم

وفى اليوم التالى
تم استدعاء كل من الدكتور ايمن رئيس القسم والدكتور سامح والممرضة المسئولة عن الحالة شيماء واولاد اخو المتوفى وهم حسين وأروى
تعالو نشوف التحقيق معاهم بس قبلها تعالو نشوف نتيجة تقرير المعمل الجنائى والطبيب الشرعى

تقرير المعمل الجنائى

المعمل الجنائى مكتشفش أى بصمات غريبة مفيش غير بصمات الاشخاص العاملين بالمستشفى والمسئولين عن الحالة وهم دكتور أيمن ودكتور سامح والممرضة شيماء
وبعد البحث والتدقيق المعمل الجنائى وجد سرنجة مستعملة بجانب سرير القتيل ملقاة على الأرض وبعد الكشف عنها وجد انها كانت تحتوى على مادة كحولية زى المطهر او السبرتو وتم التأكد ان السرنجة دى هى الى استخدمها مرتكب الجريمة ودة الى هنعرفه مع تقرير الطبيب الشرعى

تقرير الطبيب الشرعى

الطبيب الشرعى اثبت ان الوفاة كانت نتيجة حالة تسمم فى الدم ودة نتيجة اختلاط مادة كحولية مع المحلول الى كان متركب للمريض ولو قارننا تقرير المعمل الجنائى بالطبيب الشرعى هنلاقى ان تم استخدام السرنجة الى اكتشفها المعمل الجنائى فى ضخ المادة الكحولية للمحلول مما أدى الى حالة التسمم ومن ثم الى الوفاة

*************

أكيد لسة مبانتش معالم القضية بس هتبان أوى أوى لما نشوف نتيجة تحقيقات المباحث
زى معرفنا ان المباحث استدعت الدكتور ايمن وسامح والممرضة شيماء وولاد اخو القتيل حسين وأروى

المحقق: انده يابنى على الدكتور أيمن زيدان

ايمن : مساء الخير يا أفندم

المحقق: مساء الخير يا دكتور أيمن اتفضل
حضرتك طبعا كنت متابع حالة القتيل قبل متحصل الوفاة

ايمن: طبعا يا أفندم كنت متابعها انا والدكتور سامح فى البداية الموضوع كان خطير لما جه المستشفى لكن مع الوقت الأمور بدأت تستقر والازمة عدت

المحقق: طب ومقدرتوش تكتشفو منه او حتى بالتحليل الطبى ايه سبب الأزمة دى يعنى كان سببها عضوى ولا سبب تانى

ايمن : بص يا افندم الازمات القلبية بيكون ليها سببين يا اما خلل فى الجسم أو بيكون سببها نفسى وبدون مخش فى تفاصيل طبية مع حضرتك سبب الازمة الى كان فيها الاستاذ شوقى الله يرحمه كان نفسى

المحقق: ومقدرتوش تعرفو منه ايه السبب الى أدى لتدهور حالته النفسية كدة لدرجة انها توصل لأزمة قلبية

ايمن : طبعا الطبيب النفسى فى المستشفى حاول يقعد معاه ويتكلم أكتر من مرة ويشوف سبب المشكلة ايه عشان نحاول متتكررش تانى لكنه كان غامض جدا ومكنش حد بيقدر يتكلم معاه أو حتى يسمع صوته

المحقق: معقول يا دكتور مكنش بيتكلم مع حد طول فترة وجوده فى المستشفى

ايمن : لا طبعا فى شخص كان ملازم ليه دايما الممرضة شيماء الى كانت مسئولة عنه هى الوحيدة الى كان بيقعد معاها بالساعات وكان بيحب يتكلم معاها حتى مكنش بياخد الدوا غير من اديها ولو حد فينا جه يديهولو ميرضاش وهى كمان كانت بتقعد معاه حتى بعد وقت نبطشيتها حتى انا استغربت وسألتها ايه السر ورا كدا قالتلى انه بيعتبرها زى بنته وانه مبيثقش فى حد غير فيها

المحقق: ها زى بنته طب والدكتور سامح مش كان بيتابع الحالة مع حضرتك هو كمان

ايمن : اكيد يا أفندم بس صدقنى محدش هيقدر يفيدك بمعلومات عن القتيل غير شيماء هى الوحيدة الى تقدر تقولك كل حاجة عن شوقى شاكر

المحقق: تمام أوى الف شكر يا دكتور تعبتك معايا اندهلى يابنى على الدكتور سامح الفيومى

سامح: تمام يا أفندم
انا سامح الفيومى

المحقق: اتفضل اقعد يا دكتور سامح انا مش هاخد من وقتك كتير انا كنت عايز اعرف بس شوية معلومات منك عن القتيل شوقى شاكر

سامح: بص يا أفندم طبيعة شغلنا بتخلينا منتدخلش فى خصوصيات المريض أوى الا لو هو الى بدأ بكدة وأتكلم معانا فى خصوصياته شوقى شاكر كان من الشخصيات المحيرة أول مفاق من الغيبوبة وصحته اتحسنت كان زعلان وبعد شوية بقة فرحان ومبسوط بوجوده فى المستشفى وقبل يومين من الى حصل كان مخنوق وزعلان جدا ولما كشفنا عليه لقينا ضغطه عالى وعطيناه حقنه منومة عشان اعصابه متتوترش أكتر من ما كانت ويوم الوفاة الصبح الدكتور ايمن كشف عليه بنفسه وقال انه كان كويس وكل حاجة مظبوطة

المحقق: تسمحلى اقاطعك يا دكتور واسألك مين اكتر حد كان بيتردد على أوضة القتيل من العاملين بالمستشفى

سامح: عادى كنت انا ساعات بس لما بيبقى فى ضغط شغل فى المستشفى اكيد الممرضة المسئولة عن حالة المرحوم شوقى شاكر هى اكتر حد بيتردد عليه ودة بطبيعة شغلها لأنها هى المتحملة مسئوليته فى المتابعة والرعاية حضرتك عايز توصل لأيه

المحقق : يا دكتور سامح القتيل مات نتيجة تسمم فى الدم

سامح : انا قلت كدة برده لما اكتشفت المادة الغريبة الى كانت فى المحلول الى متركبله
طب وقدرتو تكتشفو المادة دى هى ايه وياترى هى الى سببت القتل ولا اعراض تانية

المحقق: الطبيب الشرعى بيقول ان المادة دى مادة كحولية وانها هى الى سببت التسمم فى الدم وبعدين الوفاة
سامح : الموضوع فعلا محير

المحقق: عالعموم شكرا يادكتور ولو احتجتلك تانى اكيد هستعدى حضرتك ومعلش على تضييع وقتك

سامح: لا مفيش تعب ولا حاجة

المحقق: انده يابنى على حسين عونى وأروى عونى

المحقق: البقاء لله ياجماعة شدو حيلكو

حسين : البقاء لله يا أفندم

المحقق: البقاء لله يا مدام أروى

أروى : البقاء لله يا أفندم ممكن نعرف ايه الى حصل بالظبط احنا لما جالنا الخبر من المستشفى مصدقناش الى أتقالنا

المحقق : هو ايه الى اتقالكو بقة من المستشفى

أروى : أتقالنا ان فى ورا قتل عمو شوقى شبهة جنائية يعنى ايه يا أفندم يعنى ايه

حسين : اهدى بس يا أروى لما نفهم من حضرته ايه الى حصل

المحقق: بصو ياجماعة انا مش عارف اقولكو ايه بس الخلاصة ان المرحوم أتقتل مماتش موتة طبيعية

حسين : ازاى يا أفندم دة يحصل فى المستشفى ومين الى قتله وليه

أروى : صحيح ازاى كل دة يحصل فى مستشفى وخاصة كمان المفروض ان يكون متوفر لعمو فيها الرعاية والحماية ازاى دة يحصل

المحقق:اهدى شوية يا أروى هانم اهدا يا حسين بيه احنا مش بنلعب ياجماعة القضية فيها غموض كبير ولحد دلوقتى محناش عارفين الى عمل كدة ايه دوافعه وازاى قدر يدخل المستشفى وينفذ جريمته دى بدون محد ياخد باله عالعموم انا عايز اعرف منكم مبدئيا أى حاجة عن تفاصيل حياة المرحوم يعنى مثلا كان له أعداء ومين أكتر حد بتشكو فيه وممكن تتهموه بارتكاب الجريمة ولو فى حد ايه الى يخليه يعمل كدة

حسين : بص يا أفندم عمى بطبيعة شغله فيه له اصدقاء كتير وله اعداء أكتر بس أكتر واحد ممكن يكون بيكره عمى هو سمير السلحدار رجل الاعمال المعروف والمنافس الوحيد لشركة عمى

المحقق: طب وليه وجهت اتهامك ليه بمعنى أوضح ايه الدوافع الى ممكن تكون ورا ارتكابه لجريمته

حسين :بص يا أفندم هما فى الايام الاخيرة وقبل معمو يخش المستشفى كان بينهم خلافات كبيرة على صفقة هيتعمل عليها مزاد الشهر الى جاى وطبعا الشركة الوحيدة الى كانت تعتبر ند لشركة سمير السلحدار هى شركة عمى فمن مصلحته انه يبعد بأى شكل من الاشكال عن المزاد دة بحيث انه يقدر يحسم الثفقة لحسابه

المحقق: اها طب بعيدا عن سمير السلحدار الى ممكن يكون خيط مهم فى القضية عايز أعرف من حضرتك حاجة

حسين : أتفضل يا أفندم

المحقق: حضرتك ومدام أروى انتو الاتنين بس قرايب المرحوم ولا فى حد غيركم

حسين: لا يا أفندم احنا بس من قرايب المرحوم الى فاضلين مكنش ليه حد غيرنا

المحقق: طب ياترى ايه كان سبب الازمة الى أتعرضلها المرحوم والى اتسببت انه يدخل المستشفى

حسين: المشكلة أن الضغوط كانت على عمو كبيرة جدا فى الشغل مشاكل فى مجلس ادارة الشركة دة غير المشاكل الاقتصادية الى بتمر بيها البلد بعد الثورة وخوفو الكبير لكل الى عملو فى السنين الى فاتت ينهار فى لحظة

المحقق: اها طيب تمام يا حسين بيه الف شكر لحضرتك وليكى يا مدام أروى والبقاء لله وان شاء الله تكون اخر الاحزان ولو فى اى جديد فى القضية أكيد هبلغكم
اندهلى يابنى على الممرضة شيماء
شيماء : مساء الخير يا أفندم

المحقق: مساء الخير يا انسة شيماء مش حضرتك لسة انسة برده

شيماء : ايوة يا أفندم

المحقق: حضرتك طبعا كنتى الممرضة المسئولة عن المرحوم

شيماء : الله يرحمه ايوة يا أفندم

المحقق: رئيس القسم الدكتور ايمن قال فى التحقيق انك كنتى على علاقة كبيرة بالمرحوم لدرجة أنك كنتى كاتمة اسراره وكنتى مش بس ممرضة شاطرة بتراعيه لا وكنتى كمان بمثابة بنت ليه

شيماء : دة حقيقى يا أفندم الله يرحمه كان حنين جدا رغم أنه كان كتوم وغامض جدا بس فى الفترة الى قربتله فيها أكتشفت ميزات كتير فيه منها انه طيب جدا

المحقق: طيب جدا طب دلوقتى وبدون مخوفك أو اقلقك انتى مسئولة مهنيا عن الى حصل دة لأن المرضى المفروض ملزومين منك وكون ان يحصلهم حاجة وهما تحت رعايتك فدة أكيد بيوقع عليكى المسئولية المهنية الى ممكن تؤدى بيكى لمسئولية جنائية لو استلزم الأمر

شيماء : مش فاهمة حضرتك ممكن توضح كلامك

المحقق: يعنى يا انسة شيماء حضرتك المفروض كنتى اقرب واحدة للمريض والمفروض انه ملزوم منك يعنى أى حاجة تحصلله فهى نتيجة اهمالك أو انك مثلا يعنى

شيماء : ايه أكون انا الى عملتها حضرتك عايز توجهلى تهمة قتل الاستاذ شوقى بس بشياكة صح

المحقق: انا مقلتش كدة بس بصراحة البراهين كلها بتقول انك مسئولة عن الى حصل وزى مقولتلك حتى لو مش انتى الى عملتيها وقتلتيه فكفاية أنك اهملتيه واهملتى رعايته وحمايته المرحوم شوقى شاكر اتقتل بفعل فاعل حطله فى المحلول بتاعه سرنجه تحتوى على مادة كحولية ودة أدى الى انه يحصللو تسمم فى الدم ودة طبعا اتسببله فى الوفاة ايه رد حضرتك على الكلام دة بما أنك الممرضة المسئولة عنه

شيماء : بص يا أفندم انا الحمد لله وممكن تسأل عنى أى حد فى المستشفى براعى ربنا جدا فى شغلى ومسمحش لاى حد انه يتهمنى بالاهمال أو بالتقصير دة أولا ثانيا المرحوم شوقى الله يرحمه كان بيعزنى وانا كنت بعزه ومكنتش بعتبره مريض وانا مشرفة عليه بالعكس انا كنت بعتبره والد ليا لأنه كان شخصية محترمة

المحقق: امال تسمى الى حصل دة ايه مش تقصير واهمال

شيماء: بص يا أفندم المستشفى ورديتين واحدة بتبتدى من الساعة سبعة الصبح لسبعة بليل ووردية تانية من سبعة بليل لسبعة الصبح فى لكل وردية من دول بريك لطاقم العمل بالمستشفى عشان الأكل والراحة والذى منه فى الوردية بتاعتى البريك دة بيكون فيه فترة الغدا الى بتكون من الساعة 2 للساعة 3 العصر وطبعا فترة الفطار من الساعة 9 صباحا ل10 مسائا البريك الأولانى بتاع الفطار انا مروحتش فى حتة بعيد عن أوضة المرحوم وفطرت انا وهو فى الأوضة كالعادة زى كل يوم فترة الغدا هى الى يمكن مبقعدهاش معاه علطول ممكن مرة اقعدها معاه ومرة لا لأنه ساعات بيكون مرهق وعايز ينام زى محصل كدة بالظبط ليلة الحادثة انا مشيت من غرفة المرحوم الساعة 2 لأنه كان عايز ينام وأتفقت معاه هعدى عليه بعد البريك اصحيه عشان ياخد الدوا بتاعه روحت ورجعت لقيت الى حصل حصل وحتى مكنتش اعرف انه مات بفعل فاعل غير لما الدكتور سامح اكتشف اللون الغريب الى فى المحلول الى كان متركبله وطلب من الدكتور ايمن انه يبلغ الشرطة

المحقق: طيب بغض النظر عن النقطة دى يا شيماء ملاحظتيش فى الوقت بتاع البريك دة أى حركة غريبة فى أوضة المرحوم

شيماء: للاسف يا أفندم الغرفة بتاعة الكانتين فى الدور الرابع وأوضة المرحوم فى العناية المركزة كانت فى الدور التالت يعنى الى فى الكانتين ميشوفش ايه الى بيحصل تحت فى المستشفى

المحقق: تعرفى ايه عن حياة المرحوم يا أنسة شيماء

شيماء: المرحوم كان شخصية غامضة جدا لكل الى حواليه بس فى الفترة الى قعدها فى المستشفى والى انا كنت ملازمة ليه فيها اتكلم معايا عن حاجات كتير فى حياته حاجات حتى الدكتور النفسى فى المستشفى مقدرش يلمسها اتكلم معايا انه بيعانى من الوحدة برغم أن حواليه ناس كتير أتكلم معايا عن شركته وعن مشاريعه الى بيحلم أنها تفيد البلد وتتقدم بيها لقدام خصوصا بعد الثورة والمرحلة العظيمة الى مصر مرت بيها أتكلم معايا فى أنه كان نفسه يخلف بنت زيى أو ابن يبقى سنده لما يكبر لكن مراته اتوفت بدرى فى السن وهو كان بيحبها فمقدرش انه يتجوز حد بعدها

المحقق: طب مجابلكيش سيرة واحد اسمه سمير السلحدار

شيماء : ايوة كان فى مرة حكالى ان فيه منافس ليه فى السوق دايما بيناقرو فى شغله وبيدور على أحلامه عشان يحققها لنفسه ولشركته بس طبعا هو مكنش بيعطيله الفرصة دى وكان قالى ان فى ثفقة مهمة جدا اليومين الى جايين دول أكيد برده مش هيعديها الا لما يتنافس معاه عليها كدة يعنى

المحقق: ها طب تقدرى تقوليلى مين الى كان بيزور المرحوم فى المستشفى غير ولاد اخوه

شيماء: كان فى ناس كتير بس أكتر واحد كان بيزوره خصوصا فى ايامه الاخيرة المحامى بتاعه الاستاذ شوكت رستم وفى مرة شوقى بيه طلب منى انى اسيبهم لواحدهم وقعدو يتكلمو وقت طويل أوى فى الأوضة حتى انا قلقت على شوقى بيه يوميها

المحقق: أها شوكت رستم المحامى طيب يا انسة شيماء كدة التحقيق مع حضرتك خلص بس فى سؤال أخير عايز اسألهولك بحكم عملك فى المستشفى

شيماء : اتفضل يا أفندم

المحقق: فى العناية المركزة فى المستشفى بيبقى مسموح لأى حد يدخل لأى مريض ولا بيبقى فيه ضوابط أو اذن قبلها

شيماء: بص يا أفندم هو المفروض ان مفيش زيارات للعناية المركزة الا بأذن قبلها بس طبعا دة كله روتين مبيتطبقش والموضوع كله فى أيد الأمن الى واقف على الدور التالت بتاع العناية المركزة هما الى فى أديهم يدخلو أو ميدخلوش اى حد

المحقق: وطبعا الأمن فى الوقت دة كان مش موجود علشان البريك

شيماء: بالظبط كدة يا أفندم حتى انا سألتهم بعد الحادثة ان كان فى حد غريب دخل على المرحوم فى الوقت دة ولا لا قالولى ميعرفوش لأنهم كانو فى الدور الرابع بتاع الكانتين

المحقق: أوك يا أنسة شيماء متأسفين على تضييع وقتك ولو فى أى حاجة جديدة تخصك أكيد هستدعيكى والبقاء لله

شيماء : شكرا يا أفندم والبقاء لله بجد الاستاذ شوقى كان مثال للأب المحترم وبجد رغم أنه مقعدش معانا كتير فى المستشفى الا أنى والله استريحتلو جدا واتأثرت جدا بلى حصل دة بس هنقول ايه قدره كدة

المحقق: الله يرحمه شكرا يا انسة شيماء أتفضلى تقدرى تروحى

عسكرى القسم : لو سمحت يا أفندم فى واحد برة اسمه شوكت رستم وبيقول انه المحامى بتاع شوقى شاكر وعايز يقابل حضرتك

المحقق: أهلا أهلا خليه يتفضل

شوكت : مساء الخير يا أفندم

المحقق: أهلا يا شوكت بيه دنا كنت لسة هطلب حضرتك للتحقيق بخصوص قضية الموكل بتاعك

شوكت : الله يرحمه انا جاى لحضرتك فى حاجة مهمة جدا جدا يا أفندم

المحقق: خير يا شوكت بيه

شوكت : حضرتك عارف انى المحامى بتاع شوقى بيه الله يرحمه المرحوم بعد مدخل المستشفى بكام يوم طلبنى فى التليفون على غير عادة انا كنت كل يوم بروحله بس اليوم دة طلبنى وطلب أنى أجيبله كل عقود الشركات والأصول بتاعته الله يرحمه فلما سألته ليه قاللى لما تيجى
روحتله وقعدت معاه لقيته بيقولى انه عايز ينقل ملكية كل املاكه وعقاراته وشركاته لشخص ولما سألته مين الشخص دة

المحقق: ها قالك مين

شوكت : قاللى أنه شيماء الممرضة بتاعته

المحقق: معقول طب حاجة زى دى كان فى حد على علم بيها غير حضرتك والمرحوم قبل ارتكاب الجريمة

شوكت: طبعا لا انا الموضوع دة مكنتش هفتحه لولا أنى عرفت من المستشفى أن ورا وفاته شبهة جنائية فقررت أنى أجى لحضرتك وأقولك جايز حاجة زى دى تفيدك


المحقق: شكرا يا شوكت بيه واكيد ان شاء الله هتفيدنى القضية غامضة وكبيرة ومفيش أى دليل ادانه لأى حد الدوافع ورا قتل شوقى شاكر كتير وفى أكتر من شخص دوافعهم كفيلة أنها توجهلهم الاتهام بس المشكلة أن مفيش دليل مفيش دليل



وبكدة يبقى خلصت قضيتنا
المطلوب منكم بقة يا أعضائى الحلوين ايه تعرفولى أولا

مين القاتل وبناء على ايه بنيتو اتهامكو ليه
وايه الدوافع الى ممكن تكون ورا ارتكاب القاتل لجريمته
وياترى ايه السيناريو الى تم بالظبط فى ارتكاب الجريمة أو بمعنى أصح احداث الجريمة نفسها بناء على اتهامكو الى اسندتوه لشخص من اشخاص القضية بيتهيقلى سهلة أوى صح

ومسموحلكو طبعا تستفسرو عن أى حاجة فى القضية ومسموحلى انا كمان مجاوبش على استفساراتكو دى بس متخافوش لو استفساراتكو موضوعية ومهياش مجرد تسهيل للقضية أكيد هجاوبكو يلا بقة يا متر أنت وهو وهى ورونى شطارتكو القضية اظن مفيش أسهل من كدة دة بتقولكو حلونى

Dracula
07-08-2011, 11:57 PM
نورت المنتدى يادراكولا ومبروك رجوعك مكانك والاشراف من تانى وبجد انا سعيده جدا برجوع الموضوع من تانى وف انتظار باقى الموضوع لانى نفسى احلها بجد ومتشوقه جدا للقضيه


شكرا يا فرحة على زوقك واكيد انا كمان فرحان أنى رجعت مكانى بس مش فى الاشراف مكانى فى المنتدى زيى زى أى عضو المهم انى أكون معاكو وبس وان شاء الله القضية تعجبكو وتبقو شطار وتحلوها

فرحة 2011
08-08-2011, 12:56 AM
لا صعبه جدا بجد يااحمد بس ليه مش استدعى رجل الاعمال اللى شككوا فيه السلحدار ده
بس هقولك تفسيرى ليها سريعا
اولا : انا بستبعد كلا من الدكتور سامح والدكتور ايمن وطبعا لان قتل رجل الاعمال مش هيفيدهم بشىء لانهم ليسوا غير المتابعين لحالته المرضيه
ثانيا بالنسبه للممرضه اللى اسمها عزيز عليه ههههههههه مقدرش اتهمها مش علشان اسمها اكيد بس لان بالعقل لو رجل الاعمال كتب ليها املاكه وهى مش عارفه على حسب كلام المحامى فهى فى الاخر مش اكتر من مجرد ممرضه للحاله والحاله وثقت فيها ولو فكرت تقتله هتتهم فيها لانها اول حاجه: الممرضه المسؤله عن حالته الصحيه واول من سيقع عليها الاتهام
ثانيا لو كانت قد علمت ان رجل الاعمال كتب ليها املاكه هنا هيكون فيه شكر مش انكار وقتل ولو قولتلى علشان تاخد الفلوس لان الراجل طيب زى ما هى قالت فاكيد الشك فيها كان هيبقى كبير جدا انها اللى حرضته علشان يكتب ليها املاكه بس ولو كتبها هتموته علشان تستعجل تاخدها فلو كان كده كان خلاها فى الاوضه اثناء وجود المحامى لكن الواضح انها لم تكن تعلم اى شيىء
اجيلك بقى للى شكيت فيهم وان بعض الظن اثم طبعا
وهما اولا د اخوه لان واضح من شكواه للممرضه اولا انه بيعانى من الوحده فمعنى ده انهم مش كانو دايما معاه ولما دخل المستشفى بداوا يقربوا منه علشان هما الورثه الوحيدين ولما وجدوا حالته الصحيه بدات تستقر فارادوا انهم يتخلصوا منه علشان يورثوه وطبعا استغلوا انه له اعداء فى الشغل واللى بياكد ده انه وجه اتهامه لمنافسه للشغل وبدون ما يعرفوا ان عمهم كتب الاملاك للممرضه وطبعا بستعين باقوال مدام اروى وهى بتقول
المحقق: البقاء لله يا مدام أروى

أروى : البقاء لله يا أفندم ممكن نعرف ايه الى حصل بالظبط احنا لما جالنا الخبر من المستشفى مصدقناش الى أتقالنا

المحقق : هو ايه الى اتقالكو بقة من المستشفى

أروى : أتقالنا ان فى ورا قتل عمو شوقى شبهة جنائية يعنى ايه يا أفندم يعنى ايه

"معنى كده انهم كانوا عارفين انه اتقتل وهى المعروف كان مجرد شبهه جنائيه " فبقول ان اللى قام بالجريمه هما اولاد اخوه
والله اعلى واعلم



فدى اسبابى لقتل عمهم رجل الاعمال اما اشوف بقى لسه بعرف احل قضايا ولا مش عدت بعرف وشكرا ليك يااحمد على القضيه الجميله دى اللى اتمنى اعرف حلها قريب

*RoSe * AMouR*
08-08-2011, 01:17 AM
بسم الله الرحمن الرحيم

انا ع ماعتقد بقى ان الجانى هو الدكتور ايمن رئيس القسم
لية بقى اقولك اكيد قرايبة اللى هما ولاد المرحوم هما اللى حرضوه ع كدة انه يقتله عشان الورث
وتانى حاجة لانه هو اللى اكد اانه راح للمريض الصبح وانه كويس وتمام واكد بردة للمحقق ان شيماء اقرب واحدة ليه عشان يثبت التهمة عليها
ووغير كدة ان المعمل الجنائى قال ان مفيش بصمات غريبة موجودة غير بصمات العاملين بالمستشفى
وكدة كدة اصلا الدكتور طبعا مش محتاج اذن انه يدخل العناية المركزة فبتوع الامن مش هياخدوا بالهم دا غير انهم كانوا ف الكانتين
هو بقى لما زار المريض الصبح حطله الحقنة بتاعة الكحل ف المحلول بتاعة ورمى الحقنة جنب السرير وطبعا مفعولها تم بعد قترة وهى وقت البريك بتاع شيماء
دا ع ماعتقد بس اعتقد انها خطأ هههههههههه الله اعلم بقى

l@w man
08-08-2011, 01:22 AM
السلام عليكم
اولا اهلا بعودتك يا احمد نورت المنتدى من تانى
وكل سنة وانت طيب
انا مش شاركت فى الموضوع كتير بس جميل جدا
انا قراءات كل الكلام القضية صعبه جدا
بس انا كنت شايف ان الى قتله المحامى شوكت ( اسمه مش مريحنى )

الاسباب :-
- هو الوحيد الى بيزوره كتير واكيد عارف فترة البريك
- كمان هو الوحيد الى يعرف الوصية ومحدش تانى يعرف بكدا ولاد اخوه مش ليهم دافع انهم يقتلوه
- لكن مش ليه دافع فى انه يقتله وكمان بكدا ولاد اخوه مش ليهم دافع برده لانهم مش يعرفو الوصية


اما الشك التانى فهو فى سمير السلحدار (نفسى اعرف انت بجيب الاسماء دى منين )
فهو القاتل
- الاسباب من نظرى :-
الخلاصة لانه هو الوحيد الى ليه مصلحه وهى الثفقه الكبيرة الى كانت قريبه
وانه فى كل ثفقه لازم انه يكون عقبه
وكمان لان ولاد اخوه مستبعدين لانهم مش يعرفو على حد قول المحامى
ومش لقى كلمه ان الدكتور ايمن قريبهم اكيد سهيت عنها
وكمان لان كاتب القضية انت على ما انا اعرفك ذكى ممكن تعطينى الاجابة قدامى وتخلينا نفكر ونلف وندور
وتكون القضية صعبه اوى والحل سهل اوى

وبكدا هيكون السلحدار هو القاتل
ومنتظر ردك يااحمد باشا

مسك الجنان
08-08-2011, 04:24 AM
الموضوع جميل جدا وبصراحه بتساعدنا فى التفكير
المهم
الجانى هو قصدى هى شيماء الممرضه ليه بقى السبب الاول
يوم ما المجنى عليه اتصل بالمحامى اكيد هى كانت عرفه أنه هيتصل المحامى بتاعه و ان المجنى عليه طلب من المحامى انه يجيب معاه العقود الشركات وكل حاجه طبيعى جدا ان الممرضه شيماء هى اللى هتجيب التليفون للمجنى عليه هتقولى ليه بقى لان المجنى عليه فى العنايه المركزة و طبعا مبيكنش موجود جامبه تليفون عشان يتصل بالمحامى و اكيد هى عرفت بحكايه ان المحامى يجيب كل العقود وكده يعنى
و بما انها اصبحت مقربه ليه فى الفتره التى كان موجود فى المستشفه
السبب الثانى
مفيش دليل انها تركت الاوضه فى ميعاد البريك ممكن انها استغلت ميعاد البريك عشان تخرج من القضيه
واستغلت ان الامن مش موجود وكان فى الكانتين يعنى محادش شافها فى الاوضه تدخل الاوضه وتقدر تحقن المحلول بهذه الماده وتخرج من غير ما حد يشوفها لان الامن مش موجود و منقدرش
السبب الثالث
و كمان هى اللى بتعطيله الدواء
وشوف قالت ايه فى التحقيق بس نعمل ايه قدره كده
يارب يكون تحليلى صح

Dracula
08-08-2011, 04:29 AM
طبعا كل الى شاركو فى الموضوع شرفوه وشرفونى بحلولهم الجميلة ابتداء من فرحة لروزتى لمحمد باشا لاو مان وطبعا مسك الجنان عجبنى أوى خيالكم بجد كل واحد فيكم رسم سيناريو للقضية فى دماغه وبيحاول يوصل للحل طبعا انا مش هقولكو الحل دلوقت قدامكو لبكرة قبل الفطار جايز نلاقى افكار تانية ولعلمكم مش معنى كدة ان اجاباتكو غلط بالعكس ممكن تكون الاجابة الصح وسط اجاباتكو الله اعلم كله هيبان بس انا ليا كدة تعليق على كل واحد فيكو بحيث اخليكو تفكرو برده شوية كل واحد فيكو هساله كدة كأنى انا القاضى وانتو محامين وبتترافعو قدامى بس انتظرو التعليقات دى فى المشاركة الجاية كل واحد فيكو ليه عندى تعليق على كلامه

Dracula
08-08-2011, 04:39 AM
لا صعبه جدا بجد يااحمد بس ليه مش استدعى رجل الاعمال اللى شككوا فيه السلحدار ده
بس هقولك تفسيرى ليها سريعا
اولا : انا بستبعد كلا من الدكتور سامح والدكتور ايمن وطبعا لان قتل رجل الاعمال مش هيفيدهم بشىء لانهم ليسوا غير المتابعين لحالته المرضيه
ثانيا بالنسبه للممرضه اللى اسمها عزيز عليه ههههههههه مقدرش اتهمها مش علشان اسمها اكيد بس لان بالعقل لو رجل الاعمال كتب ليها املاكه وهى مش عارفه على حسب كلام المحامى فهى فى الاخر مش اكتر من مجرد ممرضه للحاله والحاله وثقت فيها ولو فكرت تقتله هتتهم فيها لانها اول حاجه: الممرضه المسؤله عن حالته الصحيه واول من سيقع عليها الاتهام
ثانيا لو كانت قد علمت ان رجل الاعمال كتب ليها املاكه هنا هيكون فيه شكر مش انكار وقتل ولو قولتلى علشان تاخد الفلوس لان الراجل طيب زى ما هى قالت فاكيد الشك فيها كان هيبقى كبير جدا انها اللى حرضته علشان يكتب ليها املاكه بس ولو كتبها هتموته علشان تستعجل تاخدها فلو كان كده كان خلاها فى الاوضه اثناء وجود المحامى لكن الواضح انها لم تكن تعلم اى شيىء
اجيلك بقى للى شكيت فيهم وان بعض الظن اثم طبعا
وهما اولا د اخوه لان واضح من شكواه للممرضه اولا انه بيعانى من الوحده فمعنى ده انهم مش كانو دايما معاه ولما دخل المستشفى بداوا يقربوا منه علشان هما الورثه الوحيدين ولما وجدوا حالته الصحيه بدات تستقر فارادوا انهم يتخلصوا منه علشان يورثوه وطبعا استغلوا انه له اعداء فى الشغل واللى بياكد ده انه وجه اتهامه لمنافسه للشغل وبدون ما يعرفوا ان عمهم كتب الاملاك للممرضه وطبعا بستعين باقوال مدام اروى وهى بتقول
المحقق: البقاء لله يا مدام أروى

أروى : البقاء لله يا أفندم ممكن نعرف ايه الى حصل بالظبط احنا لما جالنا الخبر من المستشفى مصدقناش الى أتقالنا

المحقق : هو ايه الى اتقالكو بقة من المستشفى

أروى : أتقالنا ان فى ورا قتل عمو شوقى شبهة جنائية يعنى ايه يا أفندم يعنى ايه

"معنى كده انهم كانوا عارفين انه اتقتل وهى المعروف كان مجرد شبهه جنائيه " فبقول ان اللى قام بالجريمه هما اولاد اخوه
والله اعلى واعلم



فدى اسبابى لقتل عمهم رجل الاعمال اما اشوف بقى لسه بعرف احل قضايا ولا مش عدت بعرف وشكرا ليك يااحمد على القضيه الجميله دى اللى اتمنى اعرف حلها قريب




نبدأ بفرحة ولنفرض ان فرضك صح يا فرحة طب تفتكرى ايه الدوافع الى تخلى واحد وواحدة يقتلو عمهم الوحيد يعنى مثلا الورث زى منتى قلتى طب مهما كدة كدة هيورثوه لأن هما الورثة الوحيدين زى منتى قلتى وبعدين انتى كتبتى كل دة وبرده مقولتيش سيناريو تنفيذ الجريمة بناء على اتهامك الى وجهتيه لولاد اخو شوقى شاكر وانا على فكرة مش بشكك فى اجابتك زى مقولت بس دة مجرد مناقشة معاكى

Dracula
08-08-2011, 04:40 AM
بسم الله الرحمن الرحيم

انا ع ماعتقد بقى ان الجانى هو الدكتور ايمن رئيس القسم
لية بقى اقولك اكيد قرايبة اللى هما ولاد المرحوم هما اللى حرضوه ع كدة انه يقتله عشان الورث
وتانى حاجة لانه هو اللى اكد اانه راح للمريض الصبح وانه كويس وتمام واكد بردة للمحقق ان شيماء اقرب واحدة ليه عشان يثبت التهمة عليها
ووغير كدة ان المعمل الجنائى قال ان مفيش بصمات غريبة موجودة غير بصمات العاملين بالمستشفى
وكدة كدة اصلا الدكتور طبعا مش محتاج اذن انه يدخل العناية المركزة فبتوع الامن مش هياخدوا بالهم دا غير انهم كانوا ف الكانتين
هو بقى لما زار المريض الصبح حطله الحقنة بتاعة الكحل ف المحلول بتاعة ورمى الحقنة جنب السرير وطبعا مفعولها تم بعد قترة وهى وقت البريك بتاع شيماء
دا ع ماعتقد بس اعتقد انها خطأ هههههههههه الله اعلم بقى



انتى رسمتى سيناريو حلو أوى أوى يا روزتى ونورتى الموضوع طبعا بس ليفتكرو انى بغششك نفس السؤال الى وجهتو لفرحة بوجههولك يا روزتى ايه هى الدوافع الى بنيتى عليها اتهامك لدكتور ايمن ومش معنى انى بوجهلكو الاسئلة دى ياجماعة أنى بشكك فى اجاباتكو كلكو لسة الحكم بعد المداولة الفكرة دلوقتى انى بتناقش معاكم بس

Dracula
08-08-2011, 04:48 AM
السلام عليكم
اولا اهلا بعودتك يا احمد نورت المنتدى من تانى
وكل سنة وانت طيب
انا مش شاركت فى الموضوع كتير بس جميل جدا
انا قراءات كل الكلام القضية صعبه جدا
بس انا كنت شايف ان الى قتله المحامى شوكت ( اسمه مش مريحنى )

الاسباب :-
- هو الوحيد الى بيزوره كتير واكيد عارف فترة البريك
- كمان هو الوحيد الى يعرف الوصية ومحدش تانى يعرف بكدا ولاد اخوه مش ليهم دافع انهم يقتلوه
- لكن مش ليه دافع فى انه يقتله وكمان بكدا ولاد اخوه مش ليهم دافع برده لانهم مش يعرفو الوصية


اما الشك التانى فهو فى سمير السلحدار (نفسى اعرف انت بجيب الاسماء دى منين )
فهو القاتل
- الاسباب من نظرى :-
الخلاصة لانه هو الوحيد الى ليه مصلحه وهى الثفقه الكبيرة الى كانت قريبه
وانه فى كل ثفقه لازم انه يكون عقبه
وكمان لان ولاد اخوه مستبعدين لانهم مش يعرفو على حد قول المحامى
ومش لقى كلمه ان الدكتور ايمن قريبهم اكيد سهيت عنها
وكمان لان كاتب القضية انت على ما انا اعرفك ذكى ممكن تعطينى الاجابة قدامى وتخلينا نفكر ونلف وندور
وتكون القضية صعبه اوى والحل سهل اوى

وبكدا هيكون السلحدار هو القاتل
ومنتظر ردك يااحمد باشا





طبعا منور الموضوع يا محمد باشا
انا بس ليا عيب كبير عليك بوظت البالطو الاسود بالدم يا لاو مان حرام عليك ياراجل بقة فى محامى هيقتل الموكل بتاعه عايز توقف حالنا يامتر دحنا لسة متخرجين
طبعا الفرض الاولانى انا بعترفلك اهو فكك منه خالص لأن هبقى اهبل أوى لو كنت حاطط القضية وبانيها على الجانى دة الى هو المحامى يعنى
اما الفرض التانى فهو فرض موضوعى وممكن يكون صح بس برده انت عطيتنى دوافع لسمير انه يقتل بس معتطنيش احداث سيناريو للجريمة ايه الى حصل ازاى سمير الى انت وجهتلو الاتهام دة قتل شوقى شاكر بيتهيقلى المرافعة كدة ناقصة صح وعلى فكرة انا مش بغلط او بأكد حلك للقضية بس كل الحكاية انى بتناقش معاك فيها وبقولك اقنعنى بأنه هو القاتل

Dracula
08-08-2011, 04:52 AM
الموضوع جميل جدا وبصراحه بتساعدنا فى التفكير
المهم
الجانى هو قصدى هى شيماء الممرضه ليه بقى السبب الاول
يوم ما المجنى عليه اتصل بالمحامى اكيد هى كانت عرفه أنه هيتصل المحامى بتاعه و ان المجنى عليه طلب من المحامى انه يجيب معاه العقود الشركات وكل حاجه طبيعى جدا ان الممرضه شيماء هى اللى هتجيب التليفون للمجنى عليه هتقولى ليه بقى لان المجنى عليه فى العنايه المركزة و طبعا مبيكنش موجود جامبه تليفون عشان يتصل بالمحامى و اكيد هى عرفت بحكايه ان المحامى يجيب كل العقود وكده يعنى
و بما انها اصبحت مقربه ليه فى الفتره التى كان موجود فى المستشفه
السبب الثانى
مفيش دليل انها تركت الاوضه فى ميعاد البريك ممكن انها استغلت ميعاد البريك عشان تخرج من القضيه
واستغلت ان الامن مش موجود وكان فى الكانتين يعنى محادش شافها فى الاوضه تدخل الاوضه وتقدر تحقن المحلول بهذه الماده وتخرج من غير ما حد يشوفها لان الامن مش موجود و منقدرش
السبب الثالث
و كمان هى اللى بتعطيله الدواء
وشوف قالت ايه فى التحقيق بس نعمل ايه قدره كده
يارب يكون تحليلى صح

طبعا نورتى الموضوع يا مسك بس برده اجابتك ليا تعليق عليها وزى مقولت قبل كدة مش معنى كدة انها صح او غلط لسة ياجماعة الحل مش دلوقت
تعليقى على مرافعتك يا مسك انتى بنيتى اسبابك وتصوراتك بناء على سيناريو الجريمة بس يعنى انا لاحظت انك كاتبة الاسباب الى تمكن شيماء انها تقتل ماشى ما علينا من كل دة ولنفرض ان اجابتك صح واوعى تفتكرى انى كدة بغششك انا لسة مقولتش صح او غلط بس فين الدافع للجريمة ايه ياجماعة عايزين تبقو محامين يبقى لازم ترسم الجريمة كاملة بأركانها ودى هلفت نظركو ليها دلوقت بس المهم خلينا فى حلك يا مسك فين الدافع المادى او المعنوى لارتكاب الجريمة

l@w man
08-08-2011, 04:56 AM
طبعا منور الموضوع يا محمد باشا
انا بس ليا عيب كبير عليك بوظت البالطو الاسود بالدم يا لاو مان حرام عليك ياراجل بقة فى محامى هيقتل الموكل بتاعه عايز توقف حالنا يامتر دحنا لسة متخرجين
طبعا الفرض الاولانى انا بعترفلك اهو فكك منه خالص لأن هبقى اهبل أوى لو كنت حاطط القضية وبانيها على الجانى دة الى هو المحامى يعنى
اما الفرض التانى فهو فرض موضوعى وممكن يكون صح بس برده انت عطيتنى دوافع لسمير انه يقتل بس معتطنيش احداث سيناريو للجريمة ايه الى حصل ازاى سمير الى انت وجهتلو الاتهام دة قتل شوقى شاكر بيتهيقلى المرافعة كدة ناقصة صح وعلى فكرة انا مش بغلط او بأكد حلك للقضية بس كل الحكاية انى بتناقش معاك فيها وبقولك اقنعنى بأنه هو القاتل

سيناريو هيكون من وحى الخيال لان الى انا شكيت فيه مش من الى اتحقق معاهم ولا من الى ممكن يوصلو ليه بسهولة
يبقا مفيش غير الخيال وخاصة الجانب الاجرامى ههههههههههه:shifty::shifty:
وانا ضعيف جدا فى انى ابنى حاجة مش على اساس
وبكدا مش هعرف اقول سيناريو لانه هيكون من وحى الخيال المحض

*RoSe * AMouR*
08-08-2011, 05:01 AM
انتى رسمتى سيناريو حلو أوى أوى يا روزتى ونورتى الموضوع طبعا بس ليفتكرو انى بغششك نفس السؤال الى وجهتو لفرحة بوجههولك يا روزتى ايه هى الدوافع الى بنيتى عليها اتهامك لدكتور ايمن ومش معنى انى بوجهلكو الاسئلة دى ياجماعة أنى بشكك فى اجاباتكو كلكو لسة الحكم بعد المداولة الفكرة دلوقتى انى بتناقش معاكم بس



شئ بديهى اكيد عشان قرايب المتوفى اتفقوا هيعطوله نسبة من الورث دا وبكدة هيقدر يموته من غير مايحس حد وخصوصا سلط الضوء كله ع شيماء وهياخد نسبته وطبعا مكنش حد عرف اية اللى حصل مع المحامى فاهما ع يقين ان الورث هيبقى ليهم

Dracula
08-08-2011, 05:31 AM
سيناريو هيكون من وحى الخيال لان الى انا شكيت فيه مش من الى اتحقق معاهم ولا من الى ممكن يوصلو ليه بسهولة
يبقا مفيش غير الخيال وخاصة الجانب الاجرامى ههههههههههه:shifty::shifty:
وانا ضعيف جدا فى انى ابنى حاجة مش على اساس
وبكدا مش هعرف اقول سيناريو لانه هيكون من وحى الخيال المحض



عيب عليك يا محمد باشا لما تتهمنى اتهام خطير زى دة انا عمرى مهعرض عليك قضية مفيش ليها اساس سواء فى السيناريو بتاع تنفيذها وحتى فى الدوافع والادلة الموضوع مش خيال ولا حاجة الفكرة انك تقدر تخمن سيناريو متوافق مع الواقع الى انا بانيهولك على اسس كتير مش اساس واحد ولو دورت هتلاقى بس انت ركز
وعلى فكرة مفيش قضية بتتبنى على الدوافع وأدلة الاثبات بس لما ربنا يرزقك كدة يا كبير وتبقى وكيل نيابة هتشوف وكيل النيابة والى معاه بيمثلو الجريمة فى مسرح الجريمة زى محصلت لو كانت معالمها واضحة ليهم ولو مكانتش واضحة بيخمنو سيناريوهات ليها والله أعلم بس انا شوفت دة حقيقى فى جريمة قتل حصلت جنب بيتنا وممكن حد من سلك النيابة العامة فى المنتدى هنا او من أهل الخبرة يخشو يكدبونى وعمرى يا باشا مهتوهك أو أخليك تدور فى الوهم والخيال دور بس وركز وانت هتوصل وزى مقولتلك كلامى ليك مش معناه انى بشكك فى اجابتك أو بأكدها

Dracula
08-08-2011, 05:40 AM
شئ بديهى اكيد عشان قرايب المتوفى اتفقوا هيعطوله نسبة من الورث دا وبكدة هيقدر يموته من غير مايحس حد وخصوصا سلط الضوء كله ع شيماء وهياخد نسبته وطبعا مكنش حد عرف اية اللى حصل مع المحامى فاهما ع يقين ان الورث هيبقى ليهم




بصى انتى عاطية ملامح للقضية حلوة يا روزتى بس مش شايفة ان حكاية ان رئيس قسم فى مستشفى خاصة ممكن يقتل مريض ويخالف القسم الى هو حالفه عشان خاطر فلوس هو ممكن بياخد الى مكفيه ومش محتاجلها انا بقولك كدة مش عشان بشكك فى اجابتك بس مش بديهى انه ممكن يوافق على حاجة زى دى بسهولة ولا انتى ليكى رأى تانى

*RoSe * AMouR*
08-08-2011, 05:46 AM
بصى انتى عاطية ملامح للقضية حلوة يا روزتى بس مش شايفة ان حكاية ان رئيس قسم فى مستشفى خاصة ممكن يقتل مريض ويخالف القسم الى هو حالفه عشان خاطر فلوس هو ممكن بياخد الى مكفيه ومش محتاجلها انا بقولك كدة مش عشان بشكك فى اجابتك بس مش بديهى انه ممكن يوافق على حاجة زى دى بسهولة ولا انتى ليكى رأى تانى


ولية متقولش انه بيتمنى يكون هو صاحب المستشفى دى خصوصا انت كاتب انها خاصة يعنى ممكن يشتريها ويبقى صاحبها مش مجرد رئيس قسم فيها وف بعيدعنك ناس طماعة مش بيملى عنيها راتبها حتى لو كان راتب كبير

The Colonel
08-08-2011, 08:39 AM
مين القاتل وبناء على ايه بنيتو اتهامكو ليه
وايه الدوافع الى ممكن تكون ورا ارتكاب القاتل لجريمته
وياترى ايه السيناريو الى تم بالظبط فى ارتكاب الجريمة أو بمعنى أصح احداث الجريمة نفسها بناء على اتهامكو الى اسندتوه لشخص من اشخاص القضية بيتهيقلى سهلة أوى صح

بسم الله الرحمن الرحيم
الموضوع عن جد فوق الرائع جدا وتأليف فكره تنم عن شخصيه ممتازة وعبقريه
بعد البحث والتحرى ف اركان القضيه المعروضه يتضح الاتى :
القاتل هو شخص غامض لم يعرف ولم يذكر ف احداث القضيه وهو اما احد عمال الدور الثالث او ممرض يستطيع التجول ف ارجاء المشفى
وذلك للسبب التالى : هو الوحيد القادر ع معرفه اوقات الراحه والاوقات التى يستطيع ان يدخل اى غرفه داخل المشفى
ولكن نوجه اصابع الاتهام بالتحريض لكل من حسين واروى
وذلك لان المجنى عليه ابلغ المحامى الخاص به بان سوف يتنازل عن تركته لشيماء الممرضه وبما ان حسين واروى هم الورثه الوحيدين للمجنى عليه
وبعد ان عرفوا ذلك من المحامى كأمر مفترض حدوثه بالفعل اتفقوا مع احد العمالين بالمشفى والذى يستطيع التحرك بسهوله ليتم جريمته وليجعلها غامضه لهذه الدرجه
وتمام الجريمه لكى لا يمكن المجنى عليه من التنازل فعلا لشيماء الممرضه ولكى يكون حسين واروى الورثه الشريعين بعد وفاته

خلاصه الموضوع :
حسن واروى حرضوا شخص من داخل المشفى ليتم الجريمه
والسبب مجرد تفكير المجى عليه بالتنازل عن التركه لشيماء
واكيد المحامى بلغ حسين واروى بما انهم الورثه الوحيدين للمجنى عليه
وبالتالى قاموا بتلك الفعله قبل ان يتمكن المجنى عليه من تمليك شيماء جميع ممتلكاته

l@w man
08-08-2011, 05:21 PM
عيب عليك يا محمد باشا لما تتهمنى اتهام خطير زى دة انا عمرى مهعرض عليك قضية مفيش ليها اساس سواء فى السيناريو بتاع تنفيذها وحتى فى الدوافع والادلة الموضوع مش خيال ولا حاجة الفكرة انك تقدر تخمن سيناريو متوافق مع الواقع الى انا بانيهولك على اسس كتير مش اساس واحد ولو دورت هتلاقى بس انت ركز
وعلى فكرة مفيش قضية بتتبنى على الدوافع وأدلة الاثبات بس لما ربنا يرزقك كدة يا كبير وتبقى وكيل نيابة هتشوف وكيل النيابة والى معاه بيمثلو الجريمة فى مسرح الجريمة زى محصلت لو كانت معالمها واضحة ليهم ولو مكانتش واضحة بيخمنو سيناريوهات ليها والله أعلم بس انا شوفت دة حقيقى فى جريمة قتل حصلت جنب بيتنا وممكن حد من سلك النيابة العامة فى المنتدى هنا او من أهل الخبرة يخشو يكدبونى وعمرى يا باشا مهتوهك أو أخليك تدور فى الوهم والخيال دور بس وركز وانت هتوصل وزى مقولتلك كلامى ليك مش معناه انى بشكك فى اجابتك أو بأكدها

ولا اتهام ولا حاجة يا احمد باشا
انا معاك فى الكلام لكن انت مش فهمت قصدى
انا معاك فى كل الكلام دا
لكن انا بقول انا عاجز بس عن انى اخمن سيناريو للاحداث لان مش فى معلومه توصلنى ليه
ودا بيعطنى شعور ان تخمينى من الاول غلط
لكن هتمسك براى لان هو الوحيد الى ليه دافع فى الموضوع
وولاد اخوه مش يعرفو الوصية وبكدا مش يكون لهم دافع
والسيناريو ممكن ان يكون
بما انه راجل اعمال مشهور وكبير يبقا فى مقدرته انه عن طريق رجال الامن والرشاوى زاى ما انت فاهم يوصل لاوضته اوضه كام
وكمان ممكن فى وقت الرست يدخل وبسهولة لان المرحوم الله يرحمه هههه كان نايم وبسهولة يحط المحلول الى هيكون محضره اكيد
والمحلول دا شكننى فى بعض الوقت فى دكتور لان مش اى حد يعرف المحلول الى يقتل لكن دا راجل اعمال وبتاكيد بسهولة ممكن يسال
وبرده الدافع ان فى ثفقه كبيرة واكيد عايز يخلص من المنافس
بس كدا كفاية

فرحة 2011
08-08-2011, 06:28 PM
نبدأ بفرحة ولنفرض ان فرضك صح يا فرحة طب تفتكرى ايه الدوافع الى تخلى واحد وواحدة يقتلو عمهم الوحيد يعنى مثلا الورث زى منتى قلتى طب مهما كدة كدة هيورثوه لأن هما الورثة الوحيدين زى منتى قلتى وبعدين انتى كتبتى كل دة وبرده مقولتيش سيناريو تنفيذ الجريمة بناء على اتهامك الى وجهتيه لولاد اخو شوقى شاكر وانا على فكرة مش بشكك فى اجابتك زى مقولت بس دة مجرد مناقشة معاكى

بص يااحمد انا ببنى اتهامى على الاتى اولا انهم الورثه الوحيدين وان عمهم كان دخل فى حاله غيبوبه وفجاه اتحسنت صحته وغير كده الاسباب اللى قالوها والازمه اللى بتمر بالبلد وانهم خافوا عمهم يفقد امواله فى المنافسه والتجاره المقدم عليها فبدل ما يخسروا كل حاجه فكروا يموتوه وياخده الفلوس
وبما انهم بيزوروا عمهم فمن السهل يعرفوا ورديه المستشفى والبريك بسبب زيارتهم المعتاده لعمهم
اما بالنسبه للاحداث فهى كالاتى
اولا هما ذهبوا لعمهم فى وقت البريك وكانوا بيحملوا حقنه تحتوى على ماده مطهر ودخلوا الحجره اثناء غياب الممرضه والحرس الدور ووضعوا الحقنه فى المحلول المعلق لعمهم ورموا الحقنه فى الحجره واللى وضع منهم الحقنه كان بيرتدى جوانتى مما جعل عدم وجود بصمات له فى الحجره وخرجوا قبل ان تنتهى فتره البريك ولم يلحظهم احد " بس طبعا يااحمد انت معمم القضيه قوى فمن الصعب ان احط ليك احداث واثقه منها او دقيقه وانا قلت كده من الاول فقولى بقى اجابتى صح ولا خطا لانك من ردودك مشكك فى الكل ........................... فى انتظار الحل

مسك الجنان
08-08-2011, 07:43 PM
[QUOTE=Dracula;432529]

طبعا نورتى الموضوع يا مسك بس برده اجابتك ليا تعليق عليها وزى مقولت قبل كدة مش معنى كدة انها صح او غلط لسة ياجماعة الحل مش دلوقت
تعليقى على مرافعتك يا مسك انتى بنيتى اسبابك وتصوراتك بناء على سيناريو الجريمة بس يعنى انا لاحظت انك كاتبة الاسباب الى تمكن شيماء انها تقتل ماشى ما علينا من كل دة ولنفرض ان اجابتك صح واوعى تفتكرى انى كدة بغششك انا لسة مقولتش صح او غلط بس فين الدافع للجريمة ايه ياجماعة عايزين تبقو محامين يبقى لازم ترسم الجريمة كاملة بأركانها ودى هلفت نظركو ليها دلوقت بس المهم خلينا فى حلك يا مسك فين الدافع المادى او المعنوى لارتكاب الجريمة
[/QUOTE ]

الركن المادى
هو اكيد الماده التى تم حقن المحلول بها مما مما ادر الى ان المجنى عليه توفى لانها من المواد السامه ودخلت جسم المجنى عليه مما ادى الى وفاته

الركن المعنوى
هو اتجاه الجانى الى احداث الوفاه بشخص المجنى عليه و توافر القصد الجنائى من القتل {علم و اراده}
ولذلك بما أن توافر الركن المعنوى و هو نيه حدوث الوفاه بالشخص طبعا منقدرش نقول ان النيه لوحدها هى السبب ولكن توافر الركنين الجريمه

الركن المادى و هو وجود الماده الكحوليه فى المحلول وذللك و فقا لتقرير المعمل الجنائى وكذلك توافر الركن المعنوى و هو نيه او دافع القتل و السبب هو انا كانت على علم بالمكالمه التليفونيه بين المجنى عليه و المحامى كما قلت قبل ذلك

المهم عند توافر الركن المادى للجريمه و كذللك توافر الركن المعنوى للجريمه مما ادى الى احداث نتيجه وهى حدوث الوفاه وهى ارادت الوفاه

نسيت اقولك شيماء كانت مقربه ليه جدا فى الفتره الاخيره وكان بيحكلها عن حياته و ده خيط كمان نقدر نستغله فى القضيه ضدها مش معاها

الحل بقى صح ولا غلط الله اعلم ان كان صح فان جريمه القتل بتكون عمديه اذا عقوبتها تكون الاعدام

Dracula
09-08-2011, 06:03 AM
مساء الخيييير على كل اعضاء المنتدى القمامير طبعا القضية دى واضح انها حيرتكو جامد جدا لدرجة أنكو بعد كل التخمينات دى فيه الى متفقين على جانى واحد بس السيناريوهات مختلفة وفيه الى مختلفين فى ارائهم نبسطلكو العملية خالص ونبينلكو قد ايه القضية سهلة بس كانت عايزة شوية تركيز منكم وعلى فكرة انا بحييكم كلكم على ذكائكم الى كانت اجابته قريبة والى تخمينه مكنش فى محله كفاية انكم فكرتو وتفكيركو دة كان موضوعى وكان بناء على اساس

حل القضية
انا طلبت منكم القاتل وبناء على ايه وجهتو اتهامكو ليه
والدوافع الى ورا ارتكابه لجريمته
والسيناريو الى تم تنفيذه فى ارتكاب الجريمة

أولا القاتل هو الدكتور سامح بتحريض من ولاد اخو شوقى شاكر الى هما حسين وأروى

ودة بناء على التاتى أولا

الدكتور سامح من ضمن طاقم العمل الى بيشرف على حالة شوقى شاكر وطاقم العمل دة بيتكون من رئيس القسم الدكتور ايمن والدكتور سامح وشيماء الممرضة

طبعا شيماء مستحيل هتقتل واحد وثق فيها وكان بيعتبرها زى بنته ومستحيل هتخونه علشان خاطر رشوة او مقابل مادى من اى حد لو كان دة ممكن مكنش كتبلها كل املاكه

الدكتور أيمن مش من السهل انه يتم رشوته دة راجل رئيس قسم يعنى مرتبه كفيل انه يعيشه مرتاح وكمان حاجة زى دى هتبقى فى وشه لأنه رئيس القسم فهيخاف يعملها حتى لو اتخلى عن شرف مهنته

أما سامح فهو دكتور عادى فى المستشفى ومن السهل يتم اقناعه ورشوته عشان يرتكب جريمة زى دى مش هتتنسبله لأنه مش الى مسئول عن الحالة بشكل مباشر وكمان مهواش رئيس القسم وهتبقى فى وشه وهو برده الى عنده الخبرة والمعرفة عشان يحط السرنجة الى فيها المادة الكحولية المستخدمة فى القتل
وطبعا هتقولولى انت خيالى أوى فى السيناريو هقولكو لا تعالو نشوف دوافع القاتل والمشتركين معاه وبعدين اقولكو سيناريو الجريمة

الدوافع لولاد اخوه زى مشيماء وروزتى قالو هو طمعهم فى الورث مش مهم بقة اذا كانو استعجلو كدة عشان حسو انه هيضيع الفلوس والكلام دة كل دى تفاصيل متهمنيش دافع الطمع فى الورث عموما كفيل أنه يخليهم يقتلوه خصوصا انه عمهم وملوش ورثة تانيين غيرهم والدليل الكافى أنه كان على خلاف بينهم انه كتب كل ثروته لشيماء لأنه عارف ان ولاد اخوه طمعانين فيه وعايزين يورثوه بالحيا

اما دافع سامح انه يرتكب الجريمة أو أنه يكون أداة الجريمة فأكيد هو المقابل المادى الى هيتقاضاه من ولاد اخو القتيل طمعان فى أنه يأمن لنفسه مستقبل كويس وفى فترة قصيرة وبشكة دبوس وطبعا نقبهم طلع على شونه بعد كتابة كل املاك شوقى شاكر لشيماء

سيناريو الجريمة أو احداث تنفيذ الجريمة

سيناريو الجريمة مهواش من وحى الخيال ياجماعة ولا حاجة
الفكرة كلها أنك تشوف البراهين الى انا عاطيهالك وتشوف القاتل الى ممكن يكون متاح ليه انه يخلص عملية قتل زى دى من غير محد يشوفه

ولاد اخو القتيل لازم يخافو انهم يروحو المستشفى وينفذو عملية زى دى لا حد يشوفهم لأن أكيد اصابع الاتهام هتتوجه ليهم أول ناس لأنهم فى نظر الكل هما المستفيدين من موته وغير كدة هما اخر ناس كانو عنده
لكن مين أكتر ناس عارفين مواعيد البريك بتاع المستشفى ومين أكتر ناس مسموحلهم يخشو أوضة أى مريض فى المستشفى من غير محد يشك فيهم أكيد هما طاقم العمل فى المستشفى
ايمن وسامح وشيماء وبما اننا استبعدنا ايمن وشيماء للاسباب الى قلتها قبل كدة فوق فمفيش غير سامح
هو الوحيد الى متاح ليه أنه يدخل ويخرج من غير ميتشك فيه ولو لاحظتو هتلاقو أنه كان عارف مكان الدكتور ايمن لما شيماء جات ندهتلو معنى كدة أنه كان مأمن على كل الى ممكن يشوفوه وهو داخل أوضة القتيل وبينفذ جريمته طبعا ايمن فى مكتبه والسيكيوريتى وشيماء فى الكانتين فوق يعنى كل الظروف متوفرالو ولو لاحظتو هتلاقو انه اول واحد خد بالو من المحلول ولفت نظر الكل ليه ولازم عشان يسبك جريمته قصد انه يسيب اثر لجريمته بحيث يحير الكل ويخليهم يدورو فى أكتر من شخص من اشخاص القضية زى محصل معاكو كدة

اى حد له تعليق على حل القضية باب النقاش مفتوح ولازم تعرفو أنى مش بالسزاجة الى تخلينى أجيبلكو قضية اركانها مش مبنية على اساس أو من وحى خيالى وبطلب منكو تشغلو مخيلاتكو معايا كل حاجة لو ركزتو هتلاقو ليها رد فعل وليها اساس ولازمة بس ركزو
وانتظروا القضية الجديدة
واتمنى انى اكون قدرت اشغل واحير تفكير اشخاص قمة فى الذكاء والله وبجد ومن غير مجاملة وبشكر كل الى شاركو فى حل القضية واتمنى ان القضية الى جاية تكون اصعب من دى كمان وتحتارو برده

مسك الجنان
09-08-2011, 11:48 AM
شكرا يا دراكولا
ويا رب القضيه الجايه تكون قريب منتظرينك تكتبها

the ambitious
09-08-2011, 05:25 PM
ههههههههههههههه
قضيه حلوه والله
تسلم

فرحة 2011
09-08-2011, 05:41 PM
انا فعلا كنت مقتنعه ان فيه شخص استخدم لارتكاب الجريمه بس اللى مش مقتنعه بيه صراحه ان لو انا فى مجال عملى طلب منى شيىء اكيد هكون اكثر خبره وهعمله بطريقه خفيه جدا متوصلش ان حد يشك انه هو ارتكاب جريمه واكيد ده دكتور وفاهم كده كويس وعلشان محدش يشكك فيه او فى اى شخص من الطاقم هيقوم بيه بطريقه افضل من كده يعنى كان ممكن يحقن المريض بالحقنه وكان هيموت برده وهيقوله ازمه ومش كانت ممكن تنكشف ولو قولتلى كان هيبقى ظاهر على المتوفى اى شيىء ما هو فى كلتا الحالتين ميت بتلوث فى المحلول الموصل للدم بس ان يحقن المحلول بحقنه ويرميها فى الحجره وهو اللى يقول انه مات مقتول وفيه شبهه جنائيه رغم ان رئيس القسم قال خلصوا الاجراءات واستدعوا اهله ياخدوا المريض وانه ايضا من الطاقم المسؤل ما هى الممرضه مسؤله بس برده بيقع عليه هو كمان مسؤليه الاشراف على المرضى والممرضات بيقوموا بعملهم ولا لا غير كده كلام الدكتور ايمن فعلا كان هو مدعاه للشك " لانه اوحالك انها شبهه وخلصوا الاجراءات وقلنا نخليها تمشى ميري وغيرها" تشكك فيه هو مش سامح وكمان كلام سامح ميدلش انه هو قام بالجريمه لانه كان اقل شيىء يلقى الشك على اى شخص بحيث ان الشكوك تبقى كتير زى ما قلت وحتى لو كان ايمن مبسوط ورئيس قسم فاحنا هنا بنتكلم عن رجل اعمال لديه الملاين من الاموال وزى ما روز قالت ممكن يكون طموح الانسان وطمعه يخليه عايز المزيد " فخلاصه كلامى ان اللى قام بالجريمه بيدل على انه انسان مش فاهم المهنه لانه لو فاهمها كان اخفى وجود شبهه جنائيه وخلاها بانت انها موته طبيعيه مش هيبين انها جريمه ويتشكك فى الموجودين واكيد اولاد اخوه لما طلبوا من الدكتور يقوم بيها ده علشان مش يبقى فيه اى شبهه جنائيه والا كانوا استخدمو اى شخص اخر وكان هيراقب المشفى ويعرف كل ده من خلال سؤال اى شخص بطريقته الخاصه لكن من الدكتور فاكيد علشان محدش يشك فيهم وزى ما انت قولت انهم مش عايزين يروحوا هما علشان هما اول ناس هيشكوا فيهم لو وجد اى شبهه جنائيه وده اللى حصل معانا لما حللنا القضيه وكمان هو احد افراد الطاقم اللى هيتشك فيهم " واكيد طبعا بحترم تفكيرك جدا يااحمد وتحليلك للقضيه

ashrafkhalifa
09-08-2011, 05:50 PM
موضوح مرح ومفيد اللهم صلى وسلم على سيدنا محمدوعلى اله وصحبه وسلم تسليما كثيرا

صبرة جروب
11-09-2013, 03:03 PM
هههههههه موضوعك جميل

سارةمدحتالراقية
09-10-2014, 04:14 PM
مشكووووووووووووووووووووووووووووووووووووووووووووووو وووووووووووووووووووووووووووووووووووووووووورررررررر ررررررررررررررر

سارةمدحتالراقية
09-10-2014, 04:15 PM
هههههههه موضوعك جميل

نهى المغربى
04-11-2014, 03:50 PM
thnxxxxxxxxxxxxxxx

على حمد 1991
02-01-2015, 12:29 PM
اللهم صلي علي محمد عبدك ورسولك وصلي علي المؤمنين والمؤمنات والمسلمين والمسلماتï»؟

حنيني للدعاءء
13-09-2015, 03:30 AM
ياااااارب اهدنا