المساعد الشخصي الرقمي

مشاهدة النسخة كاملة : تظلمات مجلس الدولة دفعة 2006



القاضى المصرى
26-06-2009, 09:48 PM
بسم الله الرحمن الرحيم

هذا الموضوع سنتناول فيه جميع الاستفسارات حول التظلم من قرار تعين مجلس الدولة دفعة 2006 التكميلية وكيفية عملة وكيفية رفع الدعوى القضائيه مع تمنياتى لكم جميعا بالتوفيق.

medo elshreef
26-06-2009, 11:35 PM
بالله عليكم اللي يعرف اسماء اتعينت فى المجلس اقل من73% وخاصة لو جامعة بنى سويف يردعليا ولية السادة المشرفين مابيردوش عليا للاطمئنان ليس اكثر

MMBS
27-06-2009, 02:26 AM
اخى العزيز هنا ليس مجال للسوال عن تعيينات مجلس الدولة وياريت الاخ العزيز القاضى المصرى يفتح موضوع لتظلمات المجلس وعموما القرار صدر بتعيين 133 واحد ... ابتداء من رقم 77 اقل من 73%

ابن حجر العسقلانى
27-06-2009, 03:21 PM
بالله عليكم اللي يعرف اسماء اتعينت فى المجلس اقل من73% وخاصة لو جامعة بنى سويف يردعليا ولية السادة المشرفين مابيردوش عليا للاطمئنان ليس اكثر




سيادة القاضى المصري جزاك الله خير على ردك عليا انا اقصد مجلس الدولة رجاء ساعدنى




بعد التحية ,,,



كل التقدير أخى الحبيب / medo elshreef , و صديقى / القاضى المصرى .



كل ما أعرفه إلى الأن أخى الحبيب ميدو أن التعيينات فى المجلس هذا العام , لم يكن لها حد أدنى , يعنى بصريح العباره فأخر أربع أسماء أو ثلاثة أسماء فى القرار حاصلين على 65% و منهم من هو مرفوع أى أقل من 65% .



يعنى انت مثلا لو تقديرك 73% تقدر تكتب أخر عشر أسامى فى التظلم و انت ضامن أنهم أقل منك فى التقدير .



و حسبى الله و نعم الوكيل , و مبروك لتولى سيادة المستشار / محمد أحمد الحسينى , خلفا لميرهم .



:hi::hi::hi:

medo elshreef
28-06-2009, 02:36 AM
تحية طيبة للاخ ابن حجر والقاضى المصرى انا مش عارف اجيب اسماء الناس اللي ا تعينت منين وبعدين انا عايز اسماء ناس من جامعة بنى سويف وعايز صورة احكام او ارقامها صادرة من المجلس قبل كدة خاصة بذالك الموضوع بالله عليكم اللى عندة معلومة يريحنى ومايبخل بيها عليا وجزاكم الله كل خيرويسر امركم امين

الحاكم العسكرى العام
28-06-2009, 02:52 AM
تحية طيبة للاخ ابن حجر والقاضى المصرى انا مش عارف اجيب اسماء الناس اللي ا تعينت منين وبعدين انا عايز اسماء ناس من جامعة بنى سويف وعايز صورة احكام او ارقامها صادرة من المجلس قبل كدة خاصة بذالك الموضوع بالله عليكم اللى عندة معلومة يريحنى ومايبخل بيها عليا وجزاكم الله كل خيرويسر امركم امين

بص أنا عندى حكم بس خاص بالنيابة الإدارية
الحكم فى الطعن رقم 7946 لسنة 49 ق . عليا , بتاريخ 14/5/2006 , المحكمة الإدارية العليا الدائرة السابعة
ربنا معاك

طارق عزيز
28-06-2009, 12:17 PM
تحية طيبة للاخ ابن حجر والقاضى المصرى انا مش عارف اجيب اسماء الناس اللي ا تعينت منين وبعدين انا عايز اسماء ناس من جامعة بنى سويف وعايز صورة احكام او ارقامها صادرة من المجلس قبل كدة خاصة بذالك الموضوع بالله عليكم اللى عندة معلومة يريحنى ومايبخل بيها عليا وجزاكم الله كل خيرويسر امركم امين
اخى العزيز
انا عندى الكثير من الاحكام القضائيه بس حضرتك اتفضل بيتقديم التظلم وان شاء الله هحاول قريب انزل نسخه من هذة الاحكام ع المنتدى
لا تقلق القرار صادر بتاريخ 14/6
يعنى لسه قدامنا كتير
تحياتى

ابن حجر العسقلانى
28-06-2009, 03:08 PM
رقم قرار المجلس 194 لسنة 2006



بتاريخ :
21 جمادى الأول سنه 1430ه
14 يونية 2009 م



و نسألكم الدعاء بظهر الغيب .



:hi::hi::hi:

حماده
28-06-2009, 04:26 PM
ياريت ياجماعه استفسار من فضلكم جميعا
هل التظلم ورفع الدعوي مرتبط بنزول تحريات للشخص المقدم ام لا
ثم
ماوجه الدعوي اذا لم يكن نزل لي تحريات المجلس فهذا تفسيره اني لم انجح في المقابله الشخصيه وهذا ماستعرضه المحكمه ومن الممكن جدا ان تاخذ به .....
ياريت حد يفهمني من فضلكم

افوكاتومصر
29-06-2009, 10:08 PM
شكر خاص لعمدة المنتدى القاضى المصرى على استجابتة السريعة واسف على تاخير الشكر لسموكم

ابن حجر العسقلانى
30-06-2009, 03:25 PM
ياريت ياجماعه استفسار من فضلكم جميعا

هل التظلم ورفع الدعوي مرتبط بنزول تحريات للشخص المقدم ام لا

ثم

ماوجه الدعوي اذا لم يكن نزل لي تحريات المجلس فهذا تفسيره اني لم انجح في المقابله الشخصيه وهذا ماستعرضه المحكمه ومن الممكن جدا ان تاخذ به .....
ياريت حد يفهمني من فضلكم








بعد التحية ,,,




كل التقدير لصديقى العزيز / حماده , و موفق إن شاء الله .





ما أنا متأكد منه تمام التأكد أن التظلم غير مرتبط نهائيا بنزول التحريات , فالجميع له الحق فى تقديم تظلم .





و ما أنا متأكد منه أيضا أن من حق كل من قدم تظلم و لم يرد عليه أو تم الرد عليه بدون أسباب مقنعه فمن حقه رفع دعوى قضائية .





و لكن السؤال الذى أريد أن أعرفه و أدعوا الأخ الفاضل / عمر 2007 للإجابه عليه لعلمه السابق بهذه المسئلة , و هو ما هو وجه الدعوى إذا لم يكن نزل لى تحريات ؟ و هل يكون تفسير هذا أنى لم أنجح فى المقابله الشخصية ؟ و هل نستطيع رد هذا الدفع المفترى به علينا ؟ .






:hi::hi::hi:

الحاكم العسكرى العام
30-06-2009, 09:13 PM
لقد قلت سابقا أن التحريات هى حق لكل مرشح , فإذا لم تنزل إليك التحريات فهذه مخالفة من المجلس .
وإن كنت لا أتذكر الدليل ولكنى رفعت قضية على النيابة العامة ولم يكن نزل لى تحريات ولم تدفع الدولة ذلك بأى دفع ولم تتعرض له المحكمة بالذكر , مما يستفاد معه أنهم يعلمون أن التحريات هى حق لكل مرشح

النائب العام المصرى
30-06-2009, 09:54 PM
لقد قلت سابقا أن التحريات هى حق لكل مرشح , فإذا لم تنزل إليك التحريات فهذه مخالفة من المجلس .
وإن كنت لا أتذكر الدليل ولكنى رفعت قضية على النيابة العامة ولم يكن نزل لى تحريات ولم تدفع الدولة ذلك بأى دفع ولم تتعرض له المحكمة بالذكر , مما يستفاد معه أنهم يعلمون أن التحريات هى حق لكل مرشح


الكلام ده عارى تماما من الصحة
التحريات بتكلف الدولة فلوس اساسا ازاى واحد اترفض يعنى خلاص مش هناخده ومن المقابلة الشخصية عارفين انه اترفض ننزله تحريات ليييه ؟؟؟
اسال السؤال لنفسك كدة وهات رد
مفيش حاجة اسمها من حقه يعنى هما نزلوها فى الاعلان...... وبعدين اترفض يا سيدى ونزلناله تحريات وجت التحريات بتاعته سليمة مية مية نقوم مقطعنها ورمينها ورفضينه بردو سبحان الله!!!

الحاكم العسكرى العام
01-07-2009, 12:46 AM
الكلام ده عارى تماما من الصحة
التحريات بتكلف الدولة فلوس اساسا ازاى واحد اترفض يعنى خلاص مش هناخده ومن المقابلة الشخصية عارفين انه اترفض ننزله تحريات ليييه ؟؟؟
اسال السؤال لنفسك كدة وهات رد
مفيش حاجة اسمها من حقه يعنى هما نزلوها فى الاعلان...... وبعدين اترفض يا سيدى ونزلناله تحريات وجت التحريات بتاعته سليمة مية مية نقوم مقطعنها ورمينها ورفضينه بردو سبحان الله!!!




الرد
تنص المادتين 38 / 116 من قانون السلطه القضائية الشروط الواجب مراعاتها للتعيين فى الوظائف القضائية وهذه الشروط هى
1- أن تكون له جنسية جمهورية مصر العربية ويكون متمتعا بالأهلية المدنية الكاملة
2- أن يكون حاصلا على درجة الليسانس من إحدى كليات الحقوق ......................
3 - ألا يكون قد حكم عليه من المحاكم أو مجالس التأديب لأمر مخل بالشرف ولو كان رد إليه إعتباره
4- أن يكون محمود السير حسن السمعة
وإليكم الأحكام إللى مش فاكر أرقامها " فإذا ما أفصحت الجهة الإدارية عن إرادتها فى شغل إحدى الوظائف القضائية , ووضعت لها شروطاً محدده وجب عليها أن تلتزم بالقواعد التى وضعتها وأعلنت جميع المواطنين بها "
" وإذا كان للإدارة فى شتى مجالاتها سلطة تقديرية واسعة فى وضع الشروط التى تراها مناسبة لشغل الوظفة القضائية , فإن إعلانها لتلك الشروط يفرغ سلطتها التقديرية فى قاعدة تنظيمية تتيح لكل من إستوفى الشروط المعلن عنها أن يتقدم لشغل الوظيفة , ويحظر على من إفتقدها أو أخطأها التقدم لها, وتكون سلطة الإدارة فى هذا الشأن سلطة مقيدة لا تملك فى شأنها تقديراً أو تترخص فيه بأى تجاوز أو إستثناء فإذا تجاهلت الإدارة بتلك الشروط أو أغفلت إحداها عند قبول المرشحين أو النظر فى تعيينهم أضحى قرارها مخالفاً للقانون خليقاً بالإلغاء "
ولا شك أن الشروط السابقة والواردة فى قانون السلطة القضائية ملزمة لجهة الإدارة أو مجالس الهيئات القضائية خاصة وأن جميع قوانين الهيئات القضائية نصت على ذات الشروط , إذا فهم من وضعوا هذه الشروط بمطلق سلطتهم إذا وجب عليهم الإلتزام بها عند المفاضلة بين المرشحين .
فيجب أن يقدم كل مرشح ما يفيد أنه مصرى وما يفيد أنه خريج إحدى الجامعات المصرية ويجب على الإدارة أن تتأكد من صحة هذه المستندات طبعا بالتحرى
أما بالنسبة للشرط الثالث والرابع فلا نقدم نحن أى شئ بخصوصهما وطبعا الفيش لا يكفى مطلقاً لأنه فى حالة رد الإعتبار أو فى مدى حسن السيرة أو السمعة لن يتضح ذلك فى الفيش ده إنت لو عامل معارضه لحكم مش هيبان فى الفيش , إذا يجب على الإدارة ( مجالس الهيئات القضائية ) التحرى عن هذه الشروط قبل المقابلة .
نعم فالتحريات يجب أن تكون قبل المقابلة الشخصية فيجب أن تعرض أوراق كافة المرشحين متضمنة إستيفائهم لكافة الشروط التى نصت عليها كافة قوانين الهيئات القضائية على المجلس حتى تتم المفاضلة بين المرشحن بناء على معرفة جميع العناصر وبذلك يتم تلافى عيوب المقابلة السابقة على التحريات حيث يمكن إختيار مرشحين ثم يخضعوا للتحريات فتسقط تحريات كثير منهم فيضطروا إلى إنزال تحريات أخرى وما إلى ذلك من أخطاء متبعة فى كل الهيئات القضائية .
وأريد أن أذكر أخر دفع دفعت به الدولة فى قضيتى التى رفعتها على النيابة العامة " ولما كان الثابت بالأوراق أن الجهة قد إستعملت سلطتها التقديرية التى خولها إياها القانون وتخيرت أصلح العناصر اللازمة لشغل الوظيفة القضائية على ضوء الضوابط والمعايير التى وضعتها سواء من حيث التقدير العام ( الشهادة ) وشخصيته ومظهره وقدرته على التعبير السليم ( المقابلة الشخصية لأن إجتيازها يعتبر شرط خامس ) والبيئة التى ينتمى إليها وتحريات الجهات الأمنية والرقابية وما إلى ذلك ( طبعا الكلام واضح التحريات )
أنا أفهم من ذلك إن التحريات هى حق لكل مرشح طبقاً للشروط الواردة فى قانون السلطة القضائية وفى قوانين باقى الهيئات القضائية الأخرى .
أرجو ألا تحذف مشاركتى كما لم تحذفوا مشاركة المشرف شكراً

افوكاتومصر
01-07-2009, 12:47 AM
طيب اية رايكم فى نكتب تظلم موجة لرئيس الجمهورية زى بتاع احمد رعد اللى عملة فى هيئة قضايا الدولة

so 2006
01-07-2009, 02:07 AM
اخوانى الاعزاء ربنا يوفقكم جميعا وتتعينو ويارب تستطيعو تعملو حاجه ...
بس احب الفت نظركم لحاجه الدفعه دى كل الى نزلها التحريات وكانت كويسه اتاخد وده قول واحد لا يقبل الشك ...
كثير من رفع دعوه قيلا لهم انهم لم يجتازو المقابله الشخصيه ودى اول حجه بيدفع بها القاضى عدم اجتيازك المقابله
التحريات بتنزل للجميع من رابع المستحيل ان يحدث ذالك اخى اخوانى القانون بيشترط ان يكون المتقدم حاصل على 65 على الاقل يعنى طلامه جاب 65 من حقه يقدم طب العدد ده كل هيخدو منه الناس ازاى الا بالتصفيه...
لعلمكم المجلس السنه دى كان اكثر مره عادل لانه جعل المقابله عليها عامل عكس باقى الهيئات دون استثناء انا ليه اصحاب كتير معاهم وسايط كبيره جدا جدا جدا ولم ينزل لهم تحريات او يتعينو...
واعتقد ده اكثر دليل على كلامى وفى ناس متعينه من غير وسطه انا مش بقلكم كده على متسعوش لا اسعو محدش يعرف الخير فين بس انا بشرحلكم عشان الناس الى ممكن تقول الدفعه دى كلها وسايط دول ظلمو ناس اكيد فى ناس اتظلمت كتير زى اما فى ناس بتدخل وجيبه امتياز ومتستحقش وناس بتجيب 65 وبردو متستحقش انا مش هدحك عليكم فى ناس كتير دخلين بتوصيه واعتقد انه معدش غريب فى الزمن ده...
اما من يقول ان الدفعه دى كان ملهاش حد فى التقدير السنادى فعلن معانه ناس جيبين 65 ومش السنادى وبس 2005 - 2004 - 2003 ومتصدقوش الى يقلك بناخد باعلى التقدير دى حجه عشان بيهرب منك اسف فى الكلمه ده نص الاعلان اشترط انك تجيب 65 يعنى من حقق تقدم ومن حقك تتعين ..
ارجو من الله ان يوفقكم جميعا وتتعينو ويكون ليكم نصيب زى دفعه 31 اما ربنا كرمهم واتعينو ...
اما اخى الى بيسئل عن الى جايب 65 فى القرار خد اى اسماء من تحت من اخر القرار لكن بنى سويف معرفش والله بالتوفيق للجميع ..

الحاكم العسكرى العام
01-07-2009, 02:10 PM
ياريت ياجماعه استفسار من فضلكم جميعا
هل التظلم ورفع الدعوي مرتبط بنزول تحريات للشخص المقدم ام لا
ثم
ماوجه الدعوي اذا لم يكن نزل لي تحريات المجلس فهذا تفسيره اني لم انجح في المقابله الشخصيه وهذا ماستعرضه المحكمه ومن الممكن جدا ان تاخذ به .....
ياريت حد يفهمني من فضلكم

أولا وقبل كل شئ أدعوا الله أن يوفقك لما يحبه ويرضاه .
ثانياً مجرد الدفع بعدم نجاحك فى المقابلة الشخصية ليس مبرراً يغل يد القاضى تجاه الإدارة فكل قرار يجب أن يبنى على سبب يبرره أى يجب ان يذكر لماذا لم تنجح , وهذا السبب يخضع لرقابة القضاء , فلا تقلق من هذه النقطة , وربنا معاك .
ثالثاً أهلاً وسهلاً بك معالى المستشار so2006 , يعلم الله ما أكنه لك من حب وتقدير داعياً الله أن تكون دائماً فى أفضل حال , وقد ذكرت فى المشاركة السابقة رأيى أرجو أن تناقشنى فيه إن كنت لم تقتنع به .

so 2006
01-07-2009, 05:26 PM
اخى الحبيب الحاكم العام العسكرى انا بحترم حضرتك جدا وانته تعلم ذالك وكلامك صح فيما تقوله والدليل على ذالك ان مفيش شرط لتقديم التظلم اى مش بيقلك لازم ينزلك تحريات عشان تقدم تظلم ...
لكن انا بتكلم على الواقع وما يفعله القضاء عند النظر لتلك الدعاوى لا يوجد احد صدر له حكم بتعين الا وكان نزله تحريات والله اعلم ...
هناك معاير كتير ممكن يدفع بها المجلس او الهيئه بصفه عامه ممكن يقول مجوبش كويس لم يكتمل بعض الشروط انته عارف الناس دى ليها حجج كتير جدا وان كانت غير صحيحه ...
يعنى مقبل قال ان كل الى مدخلوش ليهم عوره فى تحرياتهم طب ازاى وهما بيقبلو فى هيئات تانى كانت كلمه خاطئه من رجل قانون بل من شيوخ القانون اهون عليه كان قال ان الاعداد كبيره ولا نستطيع ان ناخذ كل هذه الاعداد فبنحاول نختار الاحسن لكن للاسف حتى وهو بيدحك على الناس مش عارف يدحك...
ولعلمك علطول بيقلك دى معاير تختص بها المجلس ودى مسئله تقديريه انته عارف مبيغلبوش فى حاجه ...
انا بكلمك على الواقع الى بيحصل فى ناس اتظلمت اكيد فى ناس دخلت ولم تستحقها اكيد بلا شك..
ارجو من الله ان يوفقكم جميعا وبارب ينصر كل مظلوم وده اكيد هيحصل فى يوم من الايام ....
تحياتى للجميع .

مصطفى الحسين
01-07-2009, 06:51 PM
سلامى لكل الاعضاء والسادة المشرفين انا منزلتليش تحريات المجلس بس تحرياتى فى الوزارة بتاع الهيئة والعامة ممكن اقول كدة فى الدعوى وبعدين انا تحرياتى مشرفة والحمد لله ياجماعة القرار رقم 194 لسنة2009ولالسنة 2006

مصطفى الحسين
01-07-2009, 07:12 PM
السلام عليكم لوسمحتوا عندى استفسارهل مدى كفاءة المحامى فى الدعوى القضائية تؤثر فيها ولا هى مذكرة ممكن اى محامى يقدمها ولا تعتمد على الكفاءة القانونية ارجو الرد من كافة الاعضاء والسادة المشرفين

الحالــــم
07-07-2009, 04:24 AM
ما هو عنوان المرسل اليه عند تقديم التظلم لمجلس الدولة ..
والحقيقة أنا مش لاقى اجابة قاطعة بخصوص .. هل قبول الدعوى القضائية منوط بنزول تحريات للمدعى من عدمه ؟؟

وياريت من الاعضاء الافاضل الذين قد سبق لهم تقديم تظلمات افادتنا فى هذا الخصوص عن شكل التظلم وعنوان المرسل اليه واجراءات ارساله ..
أرجو الاهتمام وسرعة الرد

so 2006
07-07-2009, 04:40 AM
ما هو عنوان المرسل اليه عند تقديم التظلم لمجلس الدولة ..

والحقيقة أنا مش لاقى اجابة قاطعة بخصوص .. هل قبول الدعوى القضائية منوط بنزول تحريات للمدعى من عدمه ؟؟


وياريت من الاعضاء الافاضل الذين قد سبق لهم تقديم تظلمات افادتنا فى هذا الخصوص عن شكل التظلم وعنوان المرسل اليه واجراءات ارساله ..

أرجو الاهتمام وسرعة الرد



لا يا اخى الحبيب التظلم ليس من شروطه نزول تحريات وارجو من كل واحد اتظلم وحاسس انه يستحق ذالك ان لا يترك حقه ويسعى ورائه حتى عشان يبئه عمل الى عليه

الحالــــم
07-07-2009, 03:31 PM
خالص الشكر للاستاذ so 2006 على الاهتمام ..

اتمنى معرفة عنوان المرسل اليه ف التظلم ولو حضرتك عندك نموذج لتظلم تم ارساله لمجلس الدولة أرجو رفعه على المنتدى ..

khaled1985
08-07-2009, 03:27 AM
التظلم بيكون مقدم لرئيس مجلس الدولة ولا بيكون لمين ؟؟ ارجو الرد وشكرا

الأفــوكــــاتــــو
08-07-2009, 04:31 AM
معالى المستشار// so 2006 ...... تحية طيبة .........
كنت عاوز اسأل :: سمعت انة سوف يتم قبول تظلمات من دفعة 2006 مع 2007 فهل ذلك مطروح ام لا ؟؟؟؟؟؟ بس مش عارف امتى بالتحديد فهل هذا صحيح ام لا بصفتك فى قلب الاحداث ...........

الحالــــم
10-07-2009, 03:29 AM
ياجماعه لو سمحتم اللى عندوا خبرة ف التظلمات وبصفة خاصة التظلمات الخاصه بمجلس الدولة ...

ايه عنوان المرسل اليه .. ولو اى عضو عندو اى مستند أو حتى حكم قضائى ياريت يتفضل برفعه على المنتدى .. أخر طلب وأسف للاطاله .. اسماء السادة المستشارين المعينون جدد اللى تقديراتهم 65 0/0 ولو حد يعرف منهم جامعة اسكندرية يكون أفضل ...

eee
10-07-2009, 04:32 AM
دفعة 2006 تم تعيين 178 فيها و كمان احتمال تظلمات مع 2007 اعتقد صعب جداا لكن مش مستحيل
ربنا يكرمكم

شميكل
13-07-2009, 04:30 PM
بص ياسيدى الفاضل التظلم بيكون باسم رئيس مجلس الدولة وبتروح تقدمه هناك فى مجلس الدولة فى شارع عصام الدالى بتروح تقدمه بنفسك وتاخد رقم وبالنسبة للجايبن 65% خد اخر 5اسماء فى القرار

شميكل
13-07-2009, 04:32 PM
تظلم من قرارالتخطى

قبل رفع دعوى الإلغاءالقرار



سعادة / رئيس .................. ( رئيس مجلس الدولة)

تحية طيبة وبعد ،،،

مقدمه لسيادتكم ...الاسم.......... حيث اننى من المتقدمين للعمل بويظيفة مندوب مساعد
وأتشرف بعرض الأتي :-

في ............ صدر القرار رقم ..... لسنة ......... من .......... بـ .تعيين مندوب مساعد دفعة 2006
وحيث أن الأسباب التي صدر بناء عليها القرار عارية عن الصحة وتخالف حقيقة الواقع ، كما أن الجهة التي أصدرت القراراصدرته مخالف لصحيح القانون حيث لم تراعى الحيطة والموضوعيه فى الاختيار واننى اجتزت المقابلة الشخصية باجابتى النوذجية على الاسئلة
وقامت باساءة استعمال السلطة بزعم تحقيق المصلحة العامة
حيث اننى متوافر بى الشروط الموضوعية لشغل هذه الوظيفة واننى حاصل على تقدير..........وتم تعين ماهو اقل منى فى التقدير ومنهم:-
1-
2-
3-
وحيث انا تحرياتى الامنية سليمة ولايوجد موانع تعوقنى فى شغل هذه الوظيفة

ولما كان هذا القرار قد أضر بي على النحو التالي ( يذكر وجه الإضرار ) .

لذلك

ألتمس من سعادتكم إعادة النظر في هذا القرار وإلغائه فيما يتضمن من تخطى الطالب مع ما يترتب على ذلك من آثار .

وتفضلوا بقبول فائق التحية والاحترام ،،،،،

مقدم التظلم

..............

الحالــــم
13-07-2009, 10:58 PM
خالص شكرى واعتزازى للاستاذ شمبكل على الاهتمام والرد ...

ارجو ان اكون على اتصال دائم بحضرتك عن طريق المنتدى وأى معلومات عند حضرتك ممكن تفيدنى فى الموضوع أنا متأكد أن حضرتك مش حتبخل بيها ...

أكرر شكرى واحترامى لحضرتك

fox
20-07-2009, 01:08 PM
السلام عليكم ورحمه الاه وبركاته
ياريت ياجماعة لو حد يعرف يجيب نسب وجامعات اخر 5 فى الكشف

على عليوة
29-07-2009, 01:47 PM
لو سمحت هو اخر ميعاد لتقديم التظلم متى ارجوا الرد سريعا

MمحمدM
02-08-2009, 04:45 AM
رقم القرار 194 لسنة2009

بتاريخ
14 /6/ 2009

والتظلم خلال 60 يوم من تاريخ صدور القرار الجمهوري
فيكون آخر موعد هو 14/8/2009

عمرخليفه
05-08-2009, 10:05 PM
السلام عليكم ياريت لو اى حد فى المنتدى يجيب على هذا السؤال وهو هل يشترط لهذه الدعوى محام كفء ام انها اجراءات عادية يمكن اى محام ان يقوم بها ارجوكم الرد سريعا

القاضى المصرى
06-08-2009, 01:02 AM
السلام عليكم ياريت لو اى حد فى المنتدى يجيب على هذا السؤال وهو هل يشترط لهذه الدعوى محام كفء ام انها اجراءات عادية يمكن اى محام ان يقوم بها ارجوكم الرد سريعا

وعليكم السلام

بص يا استاذ عمر القضيه مش محتاجه محامى كفء ولا حاجه لان اجراءاتها عاديه وكمان معظم الناس اللى خدوا احكام بالتعيين كانوا بيروحوا يحضروا الجلسات بنفسهم ويتكلموا عن نفسهم لان انت هتكون اكثر واحد ادرى بمشكلتك وبما حدث معك وبعدين فى النهاية انت حاصل على ليسانس حقوق يعنى محامى وتقدر تدافع وتتكلم عن نفسك لكن ان حبيت توكل محامى فلا مانع وان كنت افضل ان تحضر جلسات قضيتك بنفسك

محمد1979
09-08-2009, 11:04 PM
اسامة محمد محمد بكر رقم 133 حاصل على تقدير 65% دور نوفمبر وحاصل على درجات رأفة للحصول على تقدير جيد ومن جامعة القاهرة
http://www.f-law.net/law/images/greenzero/misc/progress.gif http://www.f-law.net/law/images/greenzero/buttons/edit.gif (http://www.f-law.net/law/editpost.php?do=editpost&p=206632)

كريم محمود
11-08-2009, 09:09 PM
أشكر القاضى المصرى هذا الكلام صحيح 100%100

الحالــــم
13-08-2009, 05:07 AM
أنا سافرت مصر وقدمت التظلم الحمد لله .. واكتشفت ان الموضوع فيه طلب لجنة فض منازعات

من فضلكم احنا محتاجين كل الدعم بخصوص الدعوى القضائية .. ياريت لو فيه عريضه دعوى كويسة حد من الاعضاء يتفضل برفعها على المنتدى ... والاهم من ده كله الاحكام الصادرة بالاحقية فى التعين فى قضايا مشابهة يا جماعة عشان نعرف المحكمة بتاخد بتكون شايفة الموضوع ازاى

والناس اللى رفعت دعوى مماثلة قبل كده .. ياريت يفهمونا الموضوع ماشى ازاى والدولة غالباً ايه دفوعها .. وهل موضوع النجاح أو عدمه فى المقابلة الشخصية بيكون ليه تأثير ؟؟؟
ارجوكم استحملونا شوية لحد ما الموضوع ينتهى بالتعين أو بغيره
والحقيقة أنا شايف ان المشاركات قليلة فى الموضوع ده .. ليه ؟؟ هل لقلة المتظلمين ولا ده احباط .. ياجماعه صدقونى دى مش مجرد دعوى ده مستقبل .. لازم نشارك ونطمن بعض اننا عاوزين نعمل حاجه

الحالــــم
19-08-2009, 02:52 AM
ياجماعة من فضلكم سوف ارفع دعوايا انشاء الله يوم 24 / 8 القادم .. ارجو من الاعضاء اللى يقدر يرفعلنا عريضة دعوى كويسة على المنتدى ..

النجم الماسى
19-08-2009, 03:40 AM
ازاى ياأستاذ الحالم هاترفع الدعوى من غير ماتنتظر المدة المقررة قانونا لرفع الدعوى وهى مرور 60 يوم من تاريخ تقديمك للتظلم

الحالــــم
19-08-2009, 07:55 PM
استاذ النجم الماسى بمجرد صدور القرار موضوع التظلم يبدا حساب مدة الستون يوماً التى يحق لك ابداء تظلمك خلالها ... بعد ذلك لا يحق لك رفع دعواك الا بعد رد الجهة الادرارية أو مرور ستون يوماً اخرين ايهما اقرب
انا بقول انشاء الله ارفعها اذا وجدت رد للجهة الادراية عند سؤالى عن التظلم
وعلى فكرة انا قمت بتقديم طلب للجنة فض المنازاعات واتحددلى جلسة كمان وبعد انتهاء الجلسة سوف اقوم بالسؤال عما تم بالتظلم وانشاء الله يكون هناك ردا بالايجاب او السلب عشان نكسب وقت


السؤال المهم .. هل الطلب المقدم منى للجنة فض المنازعات مرتبط ايضا بمرور الستون يوماً أو رد الجهة الادارية .. ولا ممكن اخد التوصية من اللجنة قبل كده ؟؟

so 2006
04-09-2009, 03:59 AM
أنا سافرت مصر وقدمت التظلم الحمد لله .. واكتشفت ان الموضوع فيه طلب لجنة فض منازعات



من فضلكم احنا محتاجين كل الدعم بخصوص الدعوى القضائية .. ياريت لو فيه عريضه دعوى كويسة حد من الاعضاء يتفضل برفعها على المنتدى ... والاهم من ده كله الاحكام الصادرة بالاحقية فى التعين فى قضايا مشابهة يا جماعة عشان نعرف المحكمة بتاخد بتكون شايفة الموضوع ازاى


والناس اللى رفعت دعوى مماثلة قبل كده .. ياريت يفهمونا الموضوع ماشى ازاى والدولة غالباً ايه دفوعها .. وهل موضوع النجاح أو عدمه فى المقابلة الشخصية بيكون ليه تأثير ؟؟؟
ارجوكم استحملونا شوية لحد ما الموضوع ينتهى بالتعين أو بغيره

والحقيقة أنا شايف ان المشاركات قليلة فى الموضوع ده .. ليه ؟؟ هل لقلة المتظلمين ولا ده احباط .. ياجماعه صدقونى دى مش مجرد دعوى ده مستقبل .. لازم نشارك ونطمن بعض اننا عاوزين نعمل حاجه




نعم يا اخى الحبيب طلب فض المنازعات او اخطار لجنه التوصيه من الاشياء الهامه فى الدعوى اسف على تاخرى فى الرد ربنا يكرمكم ويجعل لكم نصيب باذن الله تعالى ...

افوكاتومصر
13-09-2009, 01:51 AM
هل لجنة فض المنازعات بالنسبة للهيئة والمجلس برضو هى نفسها لجنة فض المنازعات فى لاظوغلى وهل حد راح هناك وعمل كداااا

الحالــــم
13-09-2009, 08:06 AM
لجنة فض المنازعات الخاصة بهيئة مجلس الدولة بمبنى مجلس الدولة بالقاهرة بالدور التاسع أو الثامن مش متذكر الدور تحديداً ..

محمد2007
15-09-2009, 06:55 PM
استفسار
هل حدث فى تاريخ مجلس الدولة وتم تعيين احد من التظلمات
سورى اصل انا دفعة 2007 ومن الناس اللى ملهاش نصيب خالص فى اى هيئة

MمحمدM
17-09-2009, 07:27 AM
استفسار
هل حدث فى تاريخ مجلس الدولة وتم تعيين احد من التظلمات
سورى اصل انا دفعة 2007 ومن الناس اللى ملهاش نصيب خالص فى اى هيئة



للأمانة لا أعلم عن قبول تظلم بمجلس الدولة لكن حدوث ذلك سابقا في النيابة العامة يجعل ذلك ممكنا رغم صعوبات وبالطبع يتوقف الأمر علي مدي القدرة علي إحداث ضغوطات للقبول وقد يحدث صدور قرار بقبول تظلم منفرد كما هو الأصل في النيابة العامة

لكن ذلك كله بالطبع لا يغني عن إستمرارك في الدعوي وبالطبع أيضا لازال أمامك فرص متاحة إن شاء الله في النيابة الإدارية وهيئة قضايا الدولة

so 2006
18-09-2009, 05:38 AM
استفسار
هل حدث فى تاريخ مجلس الدولة وتم تعيين احد من التظلمات
سورى اصل انا دفعة 2007 ومن الناس اللى ملهاش نصيب خالص فى اى هيئة




اخى الحبيب لو انته حسس انك تستحق هذا المكان وليس لديك مانع امنى من اى جها بعد القرار الجمهورى قدم تظلم وبعد كده ارفع قضيه وان شاء رب العالمين تكسبها هتقلى فى ناس كسبت قضيه اه ولو عدد بسيط محدش يعرف نصيبه فين ....
ربنا يوفقك ان شاء الله ..:my:

سبيط
18-09-2009, 08:05 AM
اخواني الاعزاء بداية كل عام وانتم بخير بمناسبة عيد الفطر المبارك.

بالنسبة لموضوع التظلمات للمجلس أصبح الأمر مختلف عن كل عام وبداية ألفت النظر بألا يفهم أحد من كلامي أني أريد أن ييأس أحد من كلامي ولكنها الحقيقة والواقع في ظل الهيئات القضائية .

اولا / بالنسبة لتعيين اي شخص في المجلس دفعة 2006 تكميلية تم ذلك علي معايير أول تلك المعايير وأهمها هو النجاح في المقابلة الشخصية ومن ثم عند نجاح الشخص في المقابلة الشخصية يتم نزول التحريات له .

اذن المستفاد من المعيار الاول أن من لم ينجح في المقابلة الشخصية لا يحق نزول التحريات له ومن ثم دعوته مردودة عليه - للأسف الشديد - لأن المعيار واضح والمجلس الخاص اعتمد هذا المعيار ايام نبيل بيه ميرهم بالاجماع لذلك لا معقب علي قرارات المجلس الخاص باعتباره - اعلي سلطة ادارية - بالمجلس لذلك معظم التظلمات سيتم رفضها بسهولة من المحكمة بناء علي هذا المعيار والكل سوف يكتشف هذا مع مرور الوقت .

فالتظلمات ستكون غير مفيدة وغير مجدية لمن لم يجتازوا المقابلة الشخصية لأن الرد من المحكمة بيكون بعدم اقتناع اللجنة الخاصة بالمقابلات بتعيين الشخص المرشح في وظيفة مندوب مساعد وذلك لعدة أسباب منها ( 1- ........... 2- .......... 3- ......... ) طبعا من ضمن الاسباب عدم النجاح بالمقابلة الشخصية وحصولة علي درجة ضعيفة وهو معيار اساسي يتم نزول التحريات بناء عليه ........................................... الخ


ثانيا / يوجد امل لبعض الاشخاص / فبالنسبة لدفعة 2006 تكميلية الذين اجتازوا المقابلة الشخصية بنجاح حوالي 220 شخص تقريبا وتم تصفيتهم ل 150 شخص نزلت لهم التحريات وتم استبعاد من كانت تحرياته غير سليمة وتبقي 133 الذين تم تعيينهم .

المستفاد من ذلك أن هناك 70 شخص لم ينزل لهم تحريات بالرغم من اجتيازهم المقابلة الشخصية بنجاح فهؤلاء احق الناس برفع التظلمات والدعاوي وقد لا تجد المحكمة مبرر ولا مسوغ قانوني للرد عليهم لذلك الامل كبير بالنسبة لهؤلاء الاشخاص فقط دون غيرهم .


تنويه / ليس من طبعي ولا من اخلاقي ان اقوم بتنفير احد من شئ او أن أقوم ببث روح اليأس في أحد ولكنها الحقيقة والواقع الذي اردت ان يعرفها الجميع وأن يضعها في حسبانه حتي لا يصطدم أحد بالواقع وان كنت اتمني ان يتم قبول الجميع بالهيئات القضائية المختلفة .

فعلي الجميع ان يفعل ما عليه وان يرضي نفسة ولا يترك باباً إلا وأن يطرق عليه ويدخله طالما هو حاسس ان من حقة التعيين وانه اتظلم ولا يدري احد اين الخير ؟ لكن في نفس الوقت لا تعلقوا الأمال علي ذلك فاسعوا في وظائف اخري ولا يجلس احد ينتظر رد المحكمة كل واحد يحاول يشتغل ويتابع المحكمة في ذات الوقت فان حكمت المحكمة بأحقية الشخص بالتعيين يبقي خير وبركة ولم يخسر شئ وان حكمت بعدم الاحقية برده لم يخسر شئ لأنه لم يجلس في البيت بدون عمل ويبقي نصيبه كده ومفيش حاجة تانية في ايده يعملها ولعله خيرا له .

الدليل علي كلامي هذا ليس عنا ببعيد وهو موضوع التماسات دفعة 2007 الدفعة لم يتم تعيينها وتم قبول الالتماسات وبالرغم من ذلك لم يتم قبول الا 11 شخص ممن قدموا التماسات ومش بس التماسات ده كمان اعادوا المقابلات الشخصية ليهم علشان يجتازوا المقابلة بنجاح طبعا هما اعادوا المقابلات لأن الدفعة لم يتم صدور قرار جمهوري خاص بها لأن لو صدر القرار الجمهوري بيكون من المرهق اعادة المقابلات لبعض الاشخاص لأن القرار الجمهوري مش هيتجزأ علي مرتين عموما ان المعيار اللي وضعوة من اجتياز المقابلة الشخصية معيار اساسي ومتوقف عليه كل شئ وهذا قد يختلف عن الدفعات السابقة . فاذا كان الحال بدفعة لم يتم تعيينها حتي الان ولم يقبلوا الالتماسات المقدمة من الاعضاء الا بعد اجتيازهم المقابلة الشخصية من جديد ونجاحهم فيها . فكيف يكون الحال بدفعة 2006 التي تم تعينها وتم امضاء القرار الجمهوري بها وتم تسليم العمل للأعضاء وتم فتح دفعات ورائها فكيف يتم قبول التظلمات ؟

ولو تم قبولها هل من الممكن ان يعيدوا المقابلات لبعض المتظلمين ان كانوا لم ينجحوا في المقابلة في المرة الاولي ؟. الاجابة عند كل واحد .

عموما عذرا علي الاطالة وأرجو ان لايفهم احد كلامي علي غير محمله ولكني أحببت ان اوضح الحقيقة والواقع المعمول به في ظل الهيئات القضائية وارجو ان يتم قبول تظلمات الجميع وأدعوا لهم الخير أينما كان.

الأفــوكــــاتــــو
18-09-2009, 10:27 PM
كل الشكر ليك معالى المستشار ..سبيط بية .... على توضيح كثير من المعلومات بخصوص التظلمات ....

بس ليا كان سؤال ازاى الشخص يعرف نفسة انة من ضمن الــــ 70 شخص اللى اجتازوا المقابلة ..... وما نزلهوش تحريات .... لان الدفاع هيقولوا الشخص لم ينزل لة تحريات وبالتالى انة رسب فى المقابلة بدليل عدم نزول التحريات وهيحضروا محضر المقابلة غير الواقع او محضر مقابلة مزور ........

سبيط
19-09-2009, 05:14 AM
طبعا يا باشا الامر صعب اثباته لكنه ليس مستحيل وذلك يتم من خلال الموظفين الموجودين بالمجلس لأن الاوراق بيتم حفظها عندهم وخصوصا بتجد تلك الاوراق ونتائج المقابلات الشخصية عند موظفين المكتب الفني بالمجلس فان احببت اثبات ذلك حاول تاخد معاك أحد كبير وتحاولوا توصلوا لمدير هؤلاء الموظفين وتتكلموا معاه ويكون الاسلوب لائق ولا تيأسوا ان رفض اذهب مرة واتنين وتلاتة مع ناس تانية وقد تجد الموظف يعطي لك البيانات من اول وهلة طبعا الموضوع متعلق بقبول الموظف من عدمه المهم حاول ولا تيأس .

لكن موضوع انهم يحضروا محضر مقابلة مزور ده كلام غير صحيح وإلا كانوا فعلوا ذلك مع مجموعة ال 31 الذين استطاعوا ان يثبتوا اجتيازهم المقابلة الشخصية بنجاح .

وبالتوفيق للجميع ان شاء الله .

الأفــوكــــاتــــو
19-09-2009, 12:07 PM
لك كل الشكر والاحترام معالى المستشار //سبيط بية .... على مساعدتنا وامددك بكل المعلومات لنا وانا اعلم انك لا تحفى علينا شيئآ ........ وكل عام وانت بخير ... واعاد اللّه هذة الأيام المباركة بالخير على الجميع ........

يبقى الاول قبل البدء فى اجراءات القضية نحاول مع الموظفين لكى نعرف هل اننا اجتزنا المقابلة ام لا لكى نعرف مصير القضية ..........حتى لاندخل فى القضية على الفاضى لاننا بالفعل نشعر بالظلم .......

محمد1979
22-09-2009, 10:52 PM
مع كل الاحترام والتقدير لكلام الاستاذ الفاضل سبيط بية احب اوضح ان المقابلة الشخصية فى المجلس كان اجتيازها عامل هام لنزول التحريات ولكن ذلك لا يمنع من الطعن على القرار بالنسبة لمن لم ينزل لم تحريتات وذلك لان هذة المقابلة ما هى الا اجراء صورى وليس لها اى قيمة من الناحية القانونية حتى لا تكون زريعة تتحجج بها جهة الادارة لتعين اصحاب الوسطة وتعظيم المحسوبية وببالرجوع الى احكام القانون والدستور فان ما تقوم بة هذة اللجنة هو تقيم المرشح ام ماا طبيعة عمل هذة الجنة ؟!!!!!!! ولقطع الحديث عن طبيعه عمل هذة الاجنة اود من الجميع مراجعة حكم المحكمة الادارية العليا فى هذا الشأن رقم 11358 لسنة 49 ق وهو من الاحكام التاريخية التى اصدرها المستشار عادل فرغلى رئيس الدائرة فى ذلك الوقت وقد تحدثت المحكمة الموقرة باسهاب شديد حول طيبعة عمل هذة اللجنة

سبيط
23-09-2009, 04:15 PM
مع كل الاحترام والتقدير لكلام الاستاذ الفاضل سبيط بية احب اوضح ان المقابلة الشخصية فى المجلس كان اجتيازها عامل هام لنزول التحريات ولكن ذلك لا يمنع من الطعن على القرار بالنسبة لمن لم ينزل لم تحرتات

يا أستاذ محمد 1979 أنا مقولتش ان من لم يجتاز المقابلة الشخصية يمنع من الطعن علي القرار فحق الطعن مكفول لكل المتقدمين والمرشحين لدفعة 2006 سواء اجتازوا المقابلة او لم يجتازوها ومن الطبيعي ان مش كل اللي هيطعن علي القرار هيتحكم ليه بالاحقية وده كان معني كلامي انا مقولتش ان الطعن ممنوع علي من لم يجتاز المقابلة الشخصية .



وذلك لان هذة المقابلة ما هى الا اجراء صورى وليس لها اى قيمة من الناحية القانونية حتى لا تكون زريعة تتحجج بها جهة الادارة لتعين اصحاب الوسطة وتعظيم المحسوبيه

وأنا اتفق معك في هذة النقطة فلا يجب ان يتم اتخاذ المقابلة الشخصية معيار للنجاح لأنه معيار فاسد فكيف يتم تحديد نجاح شخص بسؤال في موضوع غير محدد مسبقا . مرة يسألوا في الجنائي وشوية مدني وشوية ادراي وشوية تجاري يعني مفيش منهج اصلا نستطيع مراجعته قبل المقابلة فهو معيار متوقف علي الصدفة وليس التفوق فكم من شخص نجح في المقابلة بناء علي الصدفة اتسأل سؤال كان ساهل او لسه مراجعه مع اي حد من اللي اتسألوا قبله وكم من متفوق وتقديره جيد جدا وله ترتيب علي الكلية ولم يجتاز المقابلة بسبب سؤال واحد . فهو معيار فاسد بلا شك .

ولكن انا حينما تكلمت عليه تكلمت من حيث وجهة نظر اللجنة حيث جعلت في دفعة 2006 المقابلة معيار اساسي لنزول التحريات والدليل علي ذلك كل اللي نزلت له تحريات وكانت سليمة تم قبوله وتعيينة بخلاف السنوات السابقة كانت التحريات بتنزل لعدد كبير جدا من المرشحين وبيتم اختيار البعض منهم وفي ناس كانت تحرياته سليمة ولم يتم اختيارهم .

والكل يعلم ان كل رئيس يأتي المجلس له طبيعة وله منهج معين بيسير عليه تجد كل سنة في شئ جديد وطريقة جديدة للتعيين وللأسف لا يوجد شفافية لطريقة التعيين وما هي المعايير التي بناء عليها يتم التعيين ولكن من يقوم بالطعن علي القرار يفاجئ برد المحكمة عليه بمعايير كانت قد وضعتها اللجنة وهي غير متوافرة في المرشح الطاعن وبالتالي يحكم بعدم الاحقية .

ولو كان الامر علي غير ما ذكرت اذا فأعطني كم شخص حتي الان قام بالطعن علي قرارات التعيين في مختلف الهيئات القذائية وقد حكم له بالاحقية ستجد اعداد قليلة جدا ومعدودة بيتحكم لها بالاحقية وذلك لتوافر المعايير التي وضعتها اللجنة ومن ضمن المعايير لدفعة 2006 اجتياز المقابلة وهما 70 اللي متبقين ولهم الحق في التعيين لأن المحكمة مش هتعرف ترد عليهم أما سواهم هيكون مصيرهم مثل باقي السنوات الماضية عد م احقية لعدم مطابقة المعايير علي الشخص الطاعن ولا حياة لمن تنادي . فكل عام تقدم طعون بالمئات من المرشحين فلماذا يتم الحكم عليها بعدم الأحقية ؟؟؟؟

ارجو التوفيق للجميع وما قصدت من كلامي الا الحقيقة والواقع المعمول به وان كنت غير موافق علي طريقة التعيين هذة الا ان ذلك واقع علينا وكل عام وانتم بخير

medogame
30-09-2009, 09:37 PM
السلام عليكم ورحمه الله وبركاته
ياريت يا جماعه حد يكتب لنا صوره من العريضه ويهرها علي المنتدي

memo200545
06-10-2009, 02:03 PM
بداية احب ان اهنى السادة المستشارين الجدد بمجلس الدولة لصدور القرار الجمهورى لهم ثانيا نتكلم فى هذا الموضوع عن تظلمات مجلس لدولة دفعة 2007 بداية منصدور القرار مرورا بالتظلم ورفع الدعوة القضائية وصدور الاحكام والتعيين بمشيئة الرب فى مجلس الدولة واحب ان انوه لسيادتكم ان هذا الموضوع لابد ان نكون فيه ليس متعاونين فقط بل فى قمة التعاون لناخذ بايادى بعضنا الى التعيين ان شاااااااااااااء الله وارجو ان توافق الادارة على موضوع هذا واختم قولى بــــ ربنـــــــا موجــــــــــود

النائب العام المصرى
06-10-2009, 04:33 PM
سيخصص هذا الموضوع باذن الله للدفعتين 2006و2007 معا

الحالــــم
08-10-2009, 08:42 PM
كفاية شعارات وخطب .. أنا مش شايف اى حاجة عملية
فين الاعضاء اللى وعدونا بالمساعدة ف رفع عرائض لدعاوى مماثلة وأحكام صادرة بالاحقية ف التعيين بمجلس الدولة ..
كمان إسمحولى انا شايف ان دور السادة المشرفين قليل جداً ف دفعة التظلمات بالمقارنة بالدفعات الاساسية والحقيقة مش قادر أفهم ايه السبب ؟؟

بجد ربنا هو المستعان

ابن حجر العسقلانى
08-10-2009, 09:11 PM
كفاية شعارات وخطب .. أنا مش شايف اى حاجة عملية

فين الاعضاء اللى وعدونا بالمساعدة ف رفع عرائض لدعاوى مماثلة وأحكام صادرة بالاحقية ف التعيين بمجلس الدولة ..
كمان إسمحولى انا شايف ان دور السادة المشرفين قليل جداً ف دفعة التظلمات بالمقارنة بالدفعات الاساسية والحقيقة مش قادر أفهم ايه السبب ؟؟


بجد ربنا هو المستعان






بعد التحية ,,,

فى البداية أسأل الله العلى القدير , أن يقضى حوائجنا و أن يستجب دعاؤنا .

بالنسبة لسؤالك الأول أخى الحبيب , فأنا أكرره مثلك , فأين السادة الأعضاء الذين وعدوا إخوانهم بإمدادهم بالعرائض و كافة المعلومات عن رفع القضية .

أما بالنسبة لسؤالك بالنسبة للمشرفين , فاعلم أخى الحبيب أن دور المشرفين تنظيمى بحت , و لكن إذا توافرت أى معلومات مؤكده أو قدرة على المساعدة فلن يبخلوا على إخوانهم نهائيا .

و شكرا لك على تفاعلك و تذكيرك لإخوانك بالوعد .

:hi::hi::hi:

dero
15-10-2009, 03:21 AM
بداية احب ان اهنى السادة المستشارين الجدد بمجلس الدولة لصدور القرار الجمهورى لهم ثانيا نتكلم فى هذا الموضوع عن تظلمات مجلس لدولة دفعة 2007 بداية من صدور القرار مرورا بالتظلم ورفع الدعوة القضائية وصدور الاحكام والتعيين بمشيئة الرب فى مجلس الدولة واحب ان انوه لسيادتكم ان هذا الموضوع لابد ان نكون فيه ليس متعاونين فقط بل فى قمة التعاون لناخذ بايادى بعضنا الى التعيين ان شاااااااااااااء الله وارجو ان توافق الادارة على موضوع هذا واختم قولى بــــ ربنـــــــا موجــــــــــود


الف مبروووك معالى المستشار .......

المفروض بقى عليك دلوفتى انك تساعد زمايلك اللى متعينوش

الحق هو الله
18-10-2009, 06:31 PM
شوفوا المسخرة دى

http://www.s4it.net/AllAboutNews/102009/17102009/p09-006-17102009.jpg

m.khairy
25-10-2009, 07:26 AM
القاضى المصرى تحياتى لك ونرجو ان تعرض لنا صيغة الطعن فى قرار التعيين الخاص بمجلس الدولة

افوكاتومصر
07-11-2009, 01:52 AM
السلام عليكم ازيكم اخباركم اية فى حد عارف اخر 5 اسماء فى القرار جامعتهم وتقديرهم ياريت الرد لاننا هنحتاج نعرف المعلومات دى وياريت لو حد عرف يقولنا ولكم جزيل الشكر والعرفان عشان القضية

دفعة 2006 تكميلية

الحالــــم
07-11-2009, 10:16 PM
سؤال مهم فعلاً .. أسماء الجامعات المنتسب لها أخر خمس أسماء تم تعينهم وتقديراتهم إن أمكن هو أساس دعوانا ضد المجلس


أستاذه سنو وايت أنا بعتذر لو إنفعلت ف مشاركات سابقة بخصوص تجاهل ألأعضاء لرفع نماذج لطعون مماثلة على المنتدى لكن بجد الوقت بيسرقنا ..

أشكرك على مجهودك وإهتمامك .. : )

.. iN GOD WE TRUST

ابن حجر العسقلانى
08-11-2009, 02:48 AM
السلام عليكم ازيكم اخباركم اية فى حد عارف اخر 5 اسماء فى القرار جامعتهم وتقديرهم ياريت الرد لاننا هنحتاج نعرف المعلومات دى وياريت لو حد عرف يقولنا ولكم جزيل الشكر والعرفان عشان القضية

دفعة 2006 تكميلية




سؤال مهم فعلاً .. أسماء الجامعات المنتسب لها أخر خمس أسماء تم تعينهم وتقديراتهم إن أمكن هو أساس دعوانا ضد المجلس




أستاذه سنو وايت أنا بعتذر لو إنفعلت ف مشاركات سابقة بخصوص تجاهل ألأعضاء لرفع نماذج لطعون مماثلة على المنتدى لكن بجد الوقت بيسرقنا ..


أشكرك على مجهودك وإهتمامك .. : )


.. iN GOD WE TRUST




بعد التحية ,,,,

فى البداية لكم منى كل التقدير , و أسأل الله لكم و لنا التوفيق و الرشاد .

مع كامل إحترامى لإخواننا الذين سوف نتكلم عليهم - أخر خمس أسامى فى القرار - و صدقونى لو انا شايف انهم ممكن حد يضرهم بالدعوى القضائية , كنت همتنع عن ذكر جامعاتهم .

رقم 133 بالقرار من جامعة القاهره , و تقديره فى الأصل مقبول و أخذ درجات رأفة .
رقم 132 بالقرار مش عارف من جامعة ايه
رقم 131 بالقرار من جامعة عين شمس و أخذ درجات رأفه .
رقم 130 بالقرار من كلية الشرطة .
رقم 129 بالقرار معرفش هو جامعة ايه .


نسألكم الدعاء ,,, متنسوش .
:hi::hi::hi:

افوكاتومصر
09-11-2009, 01:46 AM
مشكور ياعمدة منتدى الخرجين وياريت تكلمنى زى موعدتنى ولك جزيل الشكر والعرفان ياباشا

الحالــــم
10-11-2009, 05:12 AM
شكر وإحترام للعضو الفعّال ف المنتدى الأستاذ إبن حجر العسقلانى


in god we trust

افوكاتومصر
19-11-2009, 12:35 AM
فى حد عارف اخر 5 اسماء فى القرار جامعتهم وتقديرهم ياريت الرد لاننا هنحتاج نعرف المعلومات دى وياريت لو حد عرف يقولنا ولكم جزيل الشكر والعرفان او اقل من 70% لو كان من جامعة المنصورة يبقا افضل ياريت يبقا فيه تفاعل

ابن حجر العسقلانى
10-12-2009, 06:12 AM
بعد التحية ,,,

بعد أن وضح للإدارة عدم جدوى موضوع التظلمات بعد مرور الستين يوم من تاريخ القرار وتاريخ صدور القرار , وأن كل الكلام بعد الستين يوم يكون بشأن قضية التخطى فى التعيين .

قررت إدارة المنتدى مشكورة فتح موضوع خاص لقضية التخطى فى التعيين على هذا الرابط :
http://www.f-law.net/law/showthread.php?t=32270 (http://www.f-law.net/law/showthread.php?t=32270)
بحيث تكون هناك سهوله فى تناول موضوع القضية لدى السادة الأعضاء وبخاصة أن إجراءات رفع القضية واحدة بالنسبة لمجلس الدولة وهيئة قضايا الدولة وهيئة النيابة الإدارية .



وتكون المشاركات الخاصة بصيغة التظلم وميعادها على هذا الرابط :
http://www.f-law.net/law/showthread.php?t=15402 (http://www.f-law.net/law/showthread.php?t=15402)



ولكم من الإدارة العليا لمنتدى الخريجين كل التحية ومنى خاصة .



:hi::hi::hi: