المساعد الشخصي الرقمي

مشاهدة النسخة كاملة : دفعة المساعدين بالنيابة العامة



الصفحات : 1 2 3 [4] 5 6 7 8 9

ابن حجر العسقلانى
25-12-2009, 06:04 AM
الريس كان فى مجاس القضاء يوم 20/12 و عرضنا عليه موضوع دفعة المساعدين لدفعة 2005 و 2006 و 2007 و رفض دفعة 2007 و رفض نهائي لكن دفعة 2005 و 2006 مضي عليها خلاص و قريبا سيتم الاعلان عنهم.وانا قولت عشان شايفكم ابتديتم تفقدم الامل دى معلومات اكيدة جداا..و نتمنى لكم التوفيق ان شاء الله.........

بعد التحية ,,,
مع كامل احترامى للعضو اللى ذكر هذه المعلومة , ولكنى اعتقد عدم صحة خبر عدم الموافقة على دفعة 2007 .
ودفعة المساعدين ان شاء الله هتكون ل 2006 و 2007 خاصة .


لازم تدخل على هذا الرابط بسرعة وضرورى :
http://www.f-law.net/law/showthread.php?p=245178#post245178

المليجى
25-12-2009, 01:14 PM
يعنى دفعه المقبول معنى كلامكوا هتكون ل2007 و2006
ودفعه 2008و2009
نظمهم ايه
ارجووووا الرد

صدام حسين
25-12-2009, 04:22 PM
السلام عليكم ورجمة الله وبركاته. كنت عاوز ياجماعة استفسر بالنسبه ان شاء الله لو حصل موافقه علي نزول هذه الدفعه الخاصه بالمساعدين هاتكون خلال قد ايه كده يعني الفترة هاتكون قريب ولا مثلا خلال 6 اشهر مثلا.... ياريت لو احد المراقيبين الافاضل يقدر يفيدني بذلك وجزاكم الله كل خير وبالتوفيق للجميع ان شاء الله

محمد 2009
25-12-2009, 04:38 PM
يا اخ صدام حسين كله في علم الغيب ده لو فتحت كمان اوكي

albalshy
25-12-2009, 05:49 PM
بس على فكره يا جماعه انا كانت جاتلى اخبار سابقه ان المساعدين لو نزلت هاتطلب من اخر دفعه خدوا منها مساعدين و اخر دفعه كانت 97 يعنى هاتطلب بداية من دفعة 98
و بعدها بفتره كمان جاتلى اخبار تانيه انها هاتطلب من دفعة 2006 و ما قبلها بدون تحديد للدفعات السابقه على 2006 انما دفعة 2007 قالوا صعب انه يطلب منها مساعدين لانها دفعه ما زالت حديثة فى التعيين
فانا عايز اعرف منكم دلوقتى ما مدى مصداقية هذا الكلام و هذه المعلومات و الاخبار اللى وصلتنى ؟؟؟؟؟؟؟؟

حب الحياة
25-12-2009, 06:11 PM
ان شاء اللة بعد الانتهاء من تقديم ملفات نيابة العامة 2009 سوف يتم نزول الاعلان لكن الى الان لم يتم تحديد الدفعات المطلوبةو هذا كلام مؤكد باذن الله

محمد رفعت أبوزيد
25-12-2009, 09:33 PM
اعتقد انة ليس هناك ما يمنع دفعة 2007 من التعين مع دفعة المساعدين اذا طلبت باذن الله
لأن الشرط الوحيد في دفعة المساعدين هو القيد الابتدائي في نقابة المحامين
و2007 بالفعل تم قيدها ابتدائي في النقابة وانا من دفعة 2007 وأحمل منذ اكثر من شهرين كارنية ابتدائي
وهناك من هم اقدم مني في التسجيل في النقابة من دفعتي اذا هذا الشرط منطبق علي دفعة 2007 فما الشروط الاخري التي لا تنطبق والتي تمنعها من الدخول في دفعة المساعدين؟؟؟؟؟؟؟

(على)
25-12-2009, 10:08 PM
انا ليا استفسار ياجماعة بعد اذنكوا هوة الواحد لو من دفعة 2007 ومسجلش فى النقابة يبقى كدة لو فتحت دفعة المساعدين مالوش نصيب ولا ينفع القيد فى النقابة باثر رجعى ......ارجو الرد

الأمين العام
25-12-2009, 10:38 PM
انا ليا استفسار ياجماعة بعد اذنكوا هوة الواحد لو من دفعة 2007 ومسجلش فى النقابة يبقى كدة لو فتحت دفعة المساعدين مالوش نصيب ولا ينفع القيد فى النقابة باثر رجعى ......ارجو الرد

السلام عليكم ورحمة الله
اخى الكريم مفيش حاجة إسمها القيد بأثر رجعى وحسب ما اعرف ان التقديم فى دفعة المساعدين لازم تكون حضرتك تكون مسجل إبتدائى فى النقابة ولكى تكون مسجل إبتدائى يجب مرور فترة سنتين بداية من تاريخ قيدك بالنقابة .
اسال الله لك التوفيق

رجل القضاء
25-12-2009, 11:22 PM
اخوانى الكرا م اليكم نص المادة 116 فى الفصل الاول من الباب الثالث من قانون السلطة القضائية والتى تحكم تعيين مساعد النيابة سواء بالترقية او بالتعيين :-
&&&يشترط فيمن يعين مساعدا بالنيابة العامة ان يكون مستكملا الشروط المبينة فى المادة 38 على الا تقل سنه عن احدى وعشرين سنة.

ولا يجوز ان يعين احد مباشرة من غير معاونى النيابة فى وظيفة مساعد نيابة الا بعد تادية امتحان تحدد شروطه واحكامه بقرار من وزير العدل بعد موافقة مجلس القضاء الاعلى للهيئات القضائية وبشرط ان يكون مقيدا بجدول المحامين المشتغلين امام المحاكم الابتدائية ان كان محاميا او ان يكون قد قضى سنتين متواليتين مشتغلا بعمل قانونى ان كان من النظراء.

فاذا كان من اجتاز الامتحان من اعضاء الادرات القانونية بالحكومة او الهيئات او المؤسسات العامة او الوحدات الاقتصادية التابعة لها تنقل درجته عند تعيينه بالنيابة العامة باعتمادها المالى المدرج لها فى ميزانية الجهة التى كان يعمل بها الى ميزانية وزارة العدل .

&&&هذا هو نص المادة التى تحكم تعيين مساعد النيابة بطريق مسابقة المساعدين وبالطبع واضح امام حضراتكم اشتراطه القيد ابتدائى او العمل سنتين متواليتين بعمل قانونى واعتقد وكما سبق ان نوه لى احد المستشارين بذلك ان تلك هى الثغرة التى ربما يعتمد عليها المتقدم لتلك الدفعة ان قدر الله ان يتم الاعلان عنها وهى انه فى حالة عدم قيده ابتدائى فله ان يثبت انه كان يعمل عمل قانونى لمدة سنتين او اكثر من تخرجه وبذلك له الحق فى التقدم لتلك الوظيفة فى هذه الدفعة.

النقطة الثانية وهو بخلاف شرط القيد الابتدائى او العمل سنتين متواليتين وهو شروط واحكام المسابقة والتى يحددها وزير العدل بعد موافقة مجلس القضاء والتى فى الغالب الاعم لن تخرج عن الشروط المعتادة والمعروفة لدى الجميع للتعين باى هيئة قضائية وبالطبع التى تخدم الغرض من الاعلان عن هذه الدفعة اصلا فى ظل ضغوط المستشارين وغيرهم لفتح هذه الدفعة

اعتقد ان هذا النص ليس بجديد على سيادتكم وانماانا حاولت فقط ان اوضح كل ما يدور عن شروط التقدم لتلك الدفعة ان قدر الله برحمته وعفوه الاعلان عنها وعن قريب باذن الله تعالى ....

مهند
25-12-2009, 11:37 PM
السلام عليكم
برغم مكنتش ناوى ادخل لانى حسيت ان هناك توتر بدون داع لكن مضطر ادخل لتوضيح بعض الامور
الامر الاول بخصوص دفعة 2007 لاخلاف عليها فى دفعه المساعدين
الامر الثانى تصور ان التظلمات التى قدمت فى نادى القضاه شامله من اول دفعة 2003 لحد دفعة 2008
حجة دفعات 2004 ودفعة 2005 بان التظلمات اتلغت بموجب القانون الجديد واخر تظلمات تمت دفعة 2003
الامر الثالث والمطروح مجرد تقديم مقترح وتحت محل دراسه من مصادرى ان يتم الاعلان عن الدفعات اللى سبق
زكرتها وتعينهم على مراحل بمعنى دفعه 2004 ودفعة 2005 مع بعض ودقعة 2006 و2007 مع بعض
والهدف من ذالك ان هناك بعض المستشارين لم يقيد ابناءهم الى الان ابتدائى من دفعة 2007 ويكون هذا تعطيلا لصالحهم
الامر الرابع من بعد دفعه 2007 سوف يعلن بعد ذالك كل عامين عن دفعة مساعدين حتى دفعه 2011 حتى لا يضار الخريجين الجدد من هذا القانون
الامر الخامس سوف تعلن الهيئات القضائيه الاخرى قضايا الدوله والنيابه الاداريه من 2003 الى 2007
بس هيكون فى بطء فى تعين الدفعات من 2006 الى 2007لانهم مازالو معاونين ومندوبني مساعدين فى كلتا الهيئتين
واخيرا مجلس الدوله من دفعه 2005 اللى دفعه 2007
للعلم ان ده مقترح من كافة مصادرنا من ناس مسؤله فى كافة الهيئات القضائيه
ولم يصل اليهم الى الان من الوزاره بفتح الدفعات
احب اذكر ما قولته ماهو الا مفترحات من ناس مهمه وحبيت اعرضها عليكم لاضعكم فى الصوره
ولله ولى التوفيق

الكويتى
26-12-2009, 02:03 AM
ليه الناس بدات تقلق وتفقد الامل بدرى اوى كده..
بالنسبه لدفعة 2009 اللى فتحت فلا علاقه نهائيا بينها وبين المساعدين لانها كده كده لازم تفتح فى معادها وتتعين فى معادها انما لازم تعرفوا حاجه مهمه وهى ان 2006 فتحت من 13-1 حتى 31-1 و2007 فتحت من 3-1 حتى 31-1 و2008 برده نفس المعاد انما الدفعه دى فتحت فى 26-12 حتى 18-1 ودى حاجه تبشر بالخير هما 13 يوم فرق بس انما هو ده اقصى تعجيل متاح الان لان مينفعش يفتح دفعتين مع بعض فى نفس الوقت.
وان شاء الله ستصلنا بعض التاكيدات فى الايام المقبله على الدفعه لان اللى المفروض يحصل دلوقت هو الاجتماعات الجديه للمجلس لوضع الشروط او اخذ اى اجراء لان اى تاخير مش هيكونلوا اى مبرر عشان كده هنعرف ظروف الدفعه الايام اللى جايه دى. وربنا يسهل ان شاء الله.

احمدرعد
26-12-2009, 11:10 AM
السلام عليكم جميعا

بقالي كتير مشاركتش معاكوا في المنتدي الجميل هنا

من بعد دفعه هيئه قضايا الدوله 2006 وماحدث فيها من ظلم للمرشحين

وسبب مشاركتي اليوم معكم بان قد جائني معلومات من رئيس محكمه المنصوره مباشرا

بان عند اجتماع السيد رئيس الجمهوريه يوم الاحد الماضي مع مجلس الاعلي للقضاء

عرضوا عليه بفتح باب التقدم لدفعه مساعدين نيابه عامه ووافق عليها وهيتم وضع الشروط عنها

وايضا هيكون عدد المقبولين فيها كتير واتقال رقم معرفش هل فعلا ممكن يخدوا الرقم ده ولا لاءه

المهم تعالوا نتفق معا علي شيء مهم جدا جدا


هوه انه فعلا هيتم طلب دفعه مساعدين نيابه عامه الفتره القادمه ولكن دعونا نراقب متي هيتم الاعلان عن تلك الدفعه

وعاوزين ايضا نعرف شروط الدفعه هل فيها مقبول ام جيد فقط ومااعتقده انه هيكون جيد فقط

لانها اصبحت قانون منذ صدوره عن دفعه 2006 ان مايتم تعينه في النيابات والهيئات القضائيه يكون حاصل علي جيد ولكن لن نستبعد انه يكون مقبول ايضا لابناء المستشارين

عشان كده عاوزين نعرف شروط التقدم بما فيها ايضا هل يكون مسجل بالنقابه بدرجه ابتدائي



يبقي احنا المطلوب مننا هنا ان نراقب معاد نزول الاعلان عن الدفعه

ونراقب شروط الاعلان ان شاء الله وسعتها كل واحد هيقدر يضع لنفسه هل هيقدم ولا لاءه


واتمني من الجميع التوفيق واسف علي الاطاله عليكم جميعا وان شاء الله نقدم جميعا ونعمل سويا

hero200451
26-12-2009, 12:50 PM
استاذ احمد رعد ممكن تقول لنا كم العدد المقبولين فى هذة الدفعه ان شاء الله

رجل القضاء
26-12-2009, 07:56 PM
بعد احترامى وتقديرى الكامل لااحمد بيه رعد ,,,,

اولا لك منى كل الشكر والتقدير انت وباقى الاعضاء لتعاونك وامدادك بما لديك من معلومات ربما تكون فيها كل الخير والفائدة لنا جميعا الا اننى اعتقد انه لو قدر باذن الله تعالى فتح دفعة المساعدين فلا مجال ابدا لاشتراط الاعلان على شرط الجيد كحد ادنى للتقديم فيها اذ ان الغرض من فتح هذه الدفعة والكل يعلم بذلك هو استبعاد ابناء مستشارين وغيرهم من دفعات سابقة حاصلين على تقدير مقبول بالاضافة الى عدم تعيين اى خريج مقبول اصلا ابتداء من دفعة 2006 الى وقتنا هذا فاذا اشترطت شرط الجيد فما الجدوى من فتح هذه الدفعة اصلاا؟؟؟؟مجرد راى متواضع وتوضيح بسيط منى ليس اكثر من ذللك,,,,

ابن حجر العسقلانى
26-12-2009, 08:10 PM
بعد احترامى وتقديرى الكامل لااحمد بيه رعد ,,,,

اولا لك منى كل الشكر والتقدير انت وباقى الاعضاء لتعاونك وامدادك بما لديك من معلومات ربما تكون فيها كل الخير والفائدة لنا جميعا الا اننى اعتقد انه لو قدر باذن الله تعالى فتح دفعة المساعدين فلا مجال ابدا لاشتراط الاعلان على شرط الجيد كحد ادنى للتقديم فيها اذ ان الغرض من فتح هذه الدفعة والكل يعلم بذلك هو استبعاد ابناء مستشارين وغيرهم من دفعات سابقة حاصلين على تقدير مقبول بالاضافة الى عدم تعيين اى خريج مقبول اصلا ابتداء من دفعة 2006 الى وقتنا هذا فاذا اشترطت شرط الجيد فما الجدوى من فتح هذه الدفعة اصلاا؟؟؟؟مجرد راى متواضع وتوضيح بسيط منى ليس اكثر من ذللك,,,,

بعد التحية ,,,
كــــــلام سـلــــــــــيم وأتفق معه جملة وتفصيلا.
ونضيف عليه أن دفعة 2006 و 2007 لا خلاف على وجودهم فى المساعدين إن قدر الله لها الظهور بفضله .
وأهلا بجميع الأعضاء القدامى للمنتدى " رجل القضاء , أحمد رعد , وأخى وصديقى / الكويتى "



أحبكم في الله لا غير وأرجوا لكم كل خير .
بالله عليكم نسألكم الدعاء بظهر الغيب .


:hi::hi::hi:

أَغَيْرَ اللَّهِ أَبْغِي رَبًّا وَهُوَ رَبُّ كُلِّ شَيْءٍ ؟؟

كيمو!!
26-12-2009, 09:30 PM
اخر ما وصلنى ان عادل بك عبد الحميد رئيس النقض
رافض للموضوع!!!! لا اعلم لماذا ولكن هذا ماوصلنى لا اعلم وما اسبابه؟

m_gamal
27-12-2009, 02:47 AM
أنا مش عارف ليه يا استاذ ابن حجر رافض فتح موضوع التظلمات
هل لم يصل لمعاليك أى أخبار عنها حتى الان
إن كنت لا تعلم فالمصيبة أعظم

أنا فى انتظار حذف المشاركة
لأن هذا ما تعودناه منكم
وهذا لا يمنع إعجابى واحترامى لأفكارك الدينية يا أستاذ ابن حجر

ابن حجر العسقلانى
27-12-2009, 03:50 AM
أنا مش عارف ليه يا استاذ ابن حجر رافض فتح موضوع التظلمات
هل لم يصل لمعاليك أى أخبار عنها حتى الان
إن كنت لا تعلم فالمصيبة أعظم

أنا فى انتظار حذف المشاركة
لأن هذا ما تعودناه منكم
وهذا لا يمنع إعجابى واحترامى لأفكارك الدينية يا أستاذ ابن حجر

بعد التحية ,,,
أخى الحبيب / m-gamal .
أولا : أنا مش رافض ولا حاجة فتح موضوع التظلمات ولو حضرتك قرأت أخر مشاركة لى فى الموضوع الذى دخل الأرشيف سوف تعلم ذلك , ولكن المشكلة فعلا ان موضوع التظلمات ظل كثيرا مفتوحا ولكن دون جدوى .
وللعلم موضوع التظلمات مغلق قبل تعيينى مشرف بالمنتدى .
ثانيا : بفضل الله بيصلنى المعلومات التى أحسبها صحيحة عن التظلمات وتحدث بفضل الله على أرض الواقع , والأيام الماضية تشهد .
ثالثا : نحن نحى من تحييهم وجميع أعضاء المنتدى وجميع الإخوة , ونحبهم فى الله .
رابعا : بالنسبة لإنتظارك لحذف المشاركة ؟ فهذا ليس عيب فينا بل عيب فى المشاركة نفسها , لأن ليس كل المشاركات تحذف .
خامسا : ألف شكر ليك , ونتمنى الأسلوب يكون أكثر هدوء من ذلك .

احمدرعد
27-12-2009, 12:15 PM
موضوع الجيد او المقبول في اعتقادي هيخضع للقانون وليس لتقديرنا الشخصي

القانون دلوقتي قال ان اي معين بالنيابه العامه لازم حصوله علي تقدير عام جيد

وموضوع ان دفعه المساعدين تفتح عشان ابناء المستشارين ويكونوا جيبين مقبول

مرفوض من قبل رئيس الجمهوريه شخصيا لانهم عرضوا وطلبوا عليه الموضوع

ومقبل شاكر قبل كده تعهد بتقديم طلب للرئيس الجمهوريه بان ابناء المستشارين

يتم اسثتناءهم من شرط الحصول علي جيد واترفض تماما

فموضوع ان يتم تعيين مساعد نيابه اعلي من معاون وبمقبول ده مش متخيله

لان القانون اساس كل شيء وشرط الجيد اصبح من قانون السلطه القضائيه

وعموما سواء مقبول او جيد

المهم عندنا ان فعلا يكون في دفعه مساعدين

ومتكنش اشاعه كل سنه بتظهر اول السنه الجديده في ميعاد ظهور الدفعه الجديده


واتمني بجد انهم يطلبوا دفعه

مساعدين نيابه عامه

ويجماعه عاوزين اي حد من الاخوه

ليه علاقه باي مستشار من مجلس الاعلي للقضاء يساله سؤال مباشر



هل فعلا في دفعه مساعدين نيابه عامه هتطلب لان انا سامع هيبقي اعلان داخلي وايامه بسيطه يعني مش اعلان عام

والله اعلي واعلم

شمس الزناتى
27-12-2009, 01:22 PM
للعلم هزا الكلام ايضا الخاص بشرط الجيد وعدم تطبيقه على المساعد موجود فى المضبطه الخاصه بمجلس الشعب اثناء مناقشة القانون وقيل هزا الكلام على لسان الدكتور فتحى سرور عند سؤال المستشار مقبل شاكر له على من يطبق النص وقيل للمستشار مقبل ان الباب امامكم مفتوح ولم يغلق نهائيا وعندى صوره من هزه المضبطه واخير سؤال هام جدا ازا تم فتح هزه الدفعه بشرط الجيد كما يقول البعض فلمن تفتح والدفع الاصليه والحمد لله موجوده لاهل التقدير من ابناء المستشارين وغيرهم

عاشق عمرو ذكى
27-12-2009, 01:43 PM
يمنع الحاصلين على أقل من جيد من الالتحاق بالنيابة.. التقدير التراكمي يشعل مواجهة بين نادي القضاة ومجلس القضاء الأعلى (http://www.kadyonline.com/index.php?option=com_content&view=article&id=1482:2009-12-27-08-22-30&catid=39:2009-12-04-17-46-04&Itemid=97)


تسود حالة من الترقب في أوساط القضاة، انتظارا لرد مجلس القضاة الأعلى على مذكرة تطعن في دستورية الضوابط التي وضعها المجلس وتقضي بمنع الحاصلين على ليسانس الحقوق- سواء من أبناء القضاة أو غيرهم- من الالتحاق بالنيابة والقضاء لمن يحصل على تقدير مقبول، حيث يشترط الحصول على تقدير جيد بشكل تراكمي طوال سنوات الدراسة.
وطالبت المذكرة التي تقدم بها عشرات القضاة بضرورة التراجع عن هذا القرار وإعطاء الخريجين الفرصة قبل العمل بالتقدير التراكمي لمدة أربع سنوات على الأقل حتى يدرك طلاب كلية الحقوق منذ العام الأول ضرورة تحقيقهم هذا التقدير التراكمي بدلا من مفاجأتهم بمثل هذه القرارات.
وحثت المذكرة مجلس القضاء الأعلى للقضاء على إخضاع الأمر للدراسة، نظرا لأن هذه القرارات كفيلة بإضاعة فرصة الالتحاق أبناء القضاة أو غيرهم بالنيابة العامة، مطالبة بضرورة وجود فترة انتقالية قبل دخول قرار مجلس القضاء حيز التنفيذ.
ويتجه أعضاء النادي لممارسة ضغوط مكثفة خلال المرحلة القادمة لإثناء مجلس القضاء الأعلى عن المضي قدما في قراره، ورجحت مصادر قضائية أن يستجيب المجلس لرغبة القضاة لاسيما أن أقرار القانون بشكل مفاجئ قد يفتح الباب لطعون على دستوريته، في ظل إقراره دون فترة انتقالية يستعد معها الطلاب لهذا النظام الجديد.
وصرح المستشار خالد قراعة وكيل نادي القضاة، أن عددا كبير من القضاة ينتظرون رد مجلس القضاة الأعلى على مذكرتهم، بعد ان فاجئ مجلس القضاء الأعلى الجميع بإقرار التقدير التراكمي يشرط للالتحاق بالنيابة العامة دون فترة انتقالية، مما يحرم المئات من حق أصيل لهم طبقا للوائح والقوانين التي كان معمولا بها منذ فترة طويلة.
ولم يستبعد قراعة أن يستجيب مجلس القضاء الأعلى لرغبات القضاة المتقدمين بالمذكرة بإرجاء تنفيذ القرار قبل الإعلان عن فترة انتقالية، لافتا إلى وجود دعم من جموع القضاة ومجلس نادي قضاة مصر الحالي لهذه المطالب، مشددا على ضرورة وجود فترة انتقالية قبل بدء العمل بالتقدير التراكمي للملتحقين بالنيابة العامة
جريدة المصريون

فرعون القانون
27-12-2009, 05:04 PM
[align=justify]
الى استاذ عاشق عمرو زكى ممكن توضحلى ده يحصل ازاى والنيابة العامة نزلت دفعة 2009 بتقدير جيد وكمان نزلت مبكرا عن ميعادها كل سنة هل ممكن يكون فى دفعة استثنائية هذا العام ؟
ارجــــــــــــــــــــــــــــــــــــو الرد


ولكم جزيل الشكر

عاشق عمرو ذكى
27-12-2009, 06:41 PM
اخى مصطفى اللى وصلنى ان عدد المستشارين الذين لم يعين ابنائهم فى النيابة العامة من النيابة العامة

80 مستشار يزيد او يقل (اكرر داخل النيابة العامة ) انهم فى نادى القضاة يسعون لتغير المقبول

ويأملون فى ذلك وتحركاتهم قوية واتصالات على اعلى مستوى فهم يريدون رغم اعترافى بصعوبة ذلك

بتعديل تشريعى يجعل تطبيق القانون لفترة مؤقتة اى يطبق قانون الجيد بعد دفعات 2011 وعلى العموم فى

السابق الدفعات التكميلية التى هيا بمقبول كانت تعين بعد اعلان الدفعة الاصلية

وولكن يوجد اتجاه اخر وهو فتح المساعدين وذلك حل يرضى به جميع الاطراف كما قال المستشار عادل رئيس

المجلس فى حوار روز اليوسف وادينا منتظرين

رجل القضاء
27-12-2009, 06:41 PM
استاذنا الفاضل احمد بيه رعد بالنسبة لتعديل القانون فكان واضح ولا يحتاج لتاويل او تفسير وهو اشتراط حصول الخريج على تقدير جيد تراكمى كحد ادنى للتعين فى وظيفة معاون نيابة ولم يذكر الشرط من قريب او بعيد لمساعد او وكيل نيابة ....

طبعا معاك ان المنطق بيحتم علينا ضرورة توافر هذا الشرط للوظيفة الاعلى من معاون انما الظروف التى تحيط بنا الان والضغوط التى هى بالاصل وراء فتح هذه الدفعة ان قدر لها الله الاعلان عنها بتوضح من نفسها اننا فى حالة بحث عن اى مخرج قانونى يعبر بنا الى تعيين المستبعدين من ابناء المستشارين وغيرهم من دفعات سابقة حاصلين على مقبول وليس جيد وبالطبع ليس ااقرب من هذا الحل من ينهم بطريق مسابقة المساعدين
التى نص عليها قانون السلطة القضائية فى المادة 116 والتى لم يطرا عليها اى تعديل او اضافة والتى لم تشترط حصول المتقدم لتلك المسابقة على تقدير جيد او اكثر

اتمنى ان اكون وضحت

كيمو!!
27-12-2009, 07:53 PM
ياجماعه الصبر طيب وبعدين خلينا نقدر ان الصحافه برده مش ه تسكت وتعقعد تصيح وتجول وتقول !!!!!!!!!!
دعونا ننظر للمر بجديه ودبلوماسيه وان شاء الرحمن خير للجميع والايام القليله القادمه شوف تكشف لنا الحجاب عنها باذن الله..... لا تخدعكم الصحافه المواليه للموضوع نظراا لاهميته بالنسبه للراى العام ككل وجموع القضاه ليس وراءها شىء غير الاهتمام بهذا الموضوع الشائك فشكراا للقضاه الاجلاء والمهتمين بهذا الامر المستقبلى...
وشكراا لكل من بالمنتدى....

شبراوى
27-12-2009, 11:24 PM
نقيب المحامين تم استقباله اليوم برئاسه الجمهوريه وعرض النقيب على الرئيس اهم مطالب المحامين واهمها وهذا الجزء خاص بنا تقعيل نص الماده47من قانون السلطه القضائيه وهو تعين قضاه من المحامين اليوم السابع

le_pasha_mb
27-12-2009, 11:56 PM
بالقصر الجمهورى صباح اليوم

الرئيس مبارك يستقبل نقيب المحامين

الأحد، 27 ديسمبر 2009 - 14:50

http://www.youm7.com/images/NewsPics/large/small102009892638.jpg حمدى خليفة نقيب المحامين
كتب شعبان هدية
http://www.youm7.com/images/graphics/lg-addthis-en.gif (http://www.youm7.com/bookmark.php?v=20) http://www.youm7.com/images/graphics/igoogle.gif (http://www.google.com/ig/adde?moduleurl=http://activedd.googlecode.com/svn/trunk/iGoogle/Gadgets/Youm7/Youm7.xml) بعد سبعة أشهر من انتخابه نقيبا للمحامين، استقبل الرئيس مبارك نقيب المحامين ورئيس اتحاد المحامين العرب حمدى خليفة صباح اليوم بالقصر الجمهورى، وعلى مدار ساعة تقريبا طرح خليفة على الرئيس عددا من قضايا المحامين والنقابة ومستقبل المحامين.

ووجه خليفة الدعوة إلى الرئيس مبارك لحضور الاحتفال بعيد المحاماة الذى ستقيمه النقابة خلال الفترة المقبلة، كما استعرض نقيب المحامين مع الرئيس ضرورة تفعيل نص المادة 47 من قانون السلطة القضائية، وهو النص المعطل بشأن وجوب تعيين المحامين بالقضاء. كذلك طرح خليفة بعض المقترحات حول تفعيل النصوص الخاصة بأتعاب المحاماة، وما يتعلق بدعم وزيادة موارد النقابة، واقترح خليفة أن تقوم النقابة بتحصيل أتعاب المحاماة من المنبع.

رجل القضاء
28-12-2009, 12:14 AM
اظن بالتحليل السليم وبالاخذ بالمنطق لتلك الاحداث بداية من اجتماع المستشار احمد الزند بنادى القضاه لبحث مسالة تعيين ابناء المستشارين وكيفية حلها بالاعلان بطريق دفعة مساعدين ومرورا بزيارة الرئيس لمحمكة النقض وعرض المسالة عليه ونهاية بتلك الزيارة المبشرة لنقيب المحامين ومقابلته الرئيس وعرضه رسميا ضرورة وجوب تعيين المحامين بالقضاء فلاشك فى ذالك اننا امام بشاير خير باذن المولى عز وجل واعتقد كما يعتقد اكثر مستشار فى حديثى معهم ان تلك الدفعة على وشك الاعلان عنها باذن الله تعالى لتكون امل وحلم جديد لنا جميعا بالتعيين فى النيابة العامة على درجة مساعد باذن الله تعالى ,,,,

mooon
28-12-2009, 01:21 AM
يا جماعة الخير المساعدين اتوافق عليها خلاص بدليل ان مفيشي تظلمان خلاص وبتوع التظلمات عارفين قصدي

على حسانين
28-12-2009, 01:53 AM
يارب سهلها يارب
انا حاسس ان االا جاى خير ان شاء الله

مهند
28-12-2009, 04:18 AM
السلام عليكم
ياجماعه ان شاء الله الدفعه هتفتح جالى والله تاكيدات مهمه جدا عن قرب فتحها وناس جامده جدا داحلين فى الموضوع حسب ما علمت الدكتور فتحى سرور متحمس جدا والامين العام الاسبق لمجلس الاعلى وحاليا فى الكويت ابنه حاصل على تقدير مقبول دفعة 2004 وعلى اتصال يوم بيوم بالمجلس الاعلى وغير مستشارين كتير نواب بمحكمة النقض بياكدو
على فتحها قريبااااااااا
ولله ولى التوفيق

zaki80
28-12-2009, 04:47 PM
انشا اللة خير ياجماعة

albalshy
28-12-2009, 08:14 PM
يا جماعه محدش جاوبنى على سؤالى
هل لو فتحت المساعدين ان شاء الله تعالى ممكن يطلب دفعات من بداية دفعة 98 حتى دفعة 2007 باذن الله تعالى ؟؟؟؟؟؟؟؟؟؟؟؟؟

يا جماعه محدش جاوبنى على سؤالى
هل لو فتحت المساعدين ان شاء الله تعالى ممكن يطلب دفعات من بداية دفعة 98 حتى دفعة 2007 باذن الله تعالى ؟؟؟؟؟؟؟؟؟؟؟؟؟

عاشق عمرو ذكى
28-12-2009, 08:41 PM
استاذalbalshy محدش يعرف والحل انتظار الاعلان ويارب ينزل بقى واعتقد ان الوقت ده

هو اكتر وقت فيه تحركات ويارب

albalshy
28-12-2009, 08:48 PM
يا جماعه محدش جاوبنى على سؤالى
هل لو فتحت المساعدين ان شاء الله تعالى ممكن يطلب دفعات من بداية دفعة 98 حتى دفعة 2007 باذن الله تعالى ؟؟؟؟؟؟؟؟؟؟؟؟؟

شهيد مرعى
28-12-2009, 09:37 PM
فى أخبار بتأكد أنها هتكون فى شهر يناير ... أتمنى أنها تكون أخبار صادقه ...

المليجى
29-12-2009, 01:43 AM
يعنى معنى كلامكوااااااا ان دفعه 2009 اللى حاصلين على مقبول مش ليهم نصيب

شبراوى
29-12-2009, 02:01 AM
بص يا استاذ مليجى دفعه 2009 ليس لها شان من بعيد اوقريب بدفعه المساعدين لان يلزم للمساعدين ان تكون مقيد بالنقابه ابتدائى اى مر عليك سنتان نصيحتى لك ان تسارع بالقيد فى النقابه لعل يتخذو هذه الدفعه عرف وتفتح كل عام وهذا هو السبيل لك اتمنى من الله ان يوفق كل الخريجين

ان من وجهت نظرى وحسب المعلومات التى لدى ان امر الدفعه متوقف على شروطها وبالاخص هتفتح من دفعه كام لان الاختلاف حسب المصادر التى لدى ان الاعضاء المجلس لم يحددو شروط خاصه لهذه الدفعه الا التى فى القانون وهو القيد ابتدائى والمعارضه هنا من الوزير وهو اسؤ وزير من وجهت نظرى للعدل

فرعون القانون
29-12-2009, 04:15 AM
يا جماعة الحل السليم الى يريح كل الاطراف وبالتالى يتطبق نظام الجيد هو نزول دفعة مساعدين لدفعات 2005 و 2006 و 2007 وتنزل دفعات استثنائية لدفعات 2008 و 2009 و هما دول الدفع الى اتظلمت من تطبيق القانون الجديد و بعد كدة من بداية دفعة 2010 يطبقو الجيد

عاشق عمرو ذكى
29-12-2009, 04:14 PM
ياريت يااستاذ مصطفى بس اعتقد ان ده صعب او يكاد يكون مستحيل هو اقصى حاجة

ويارب حتى تحصل دفعة المساعدين

albalshy
29-12-2009, 11:49 PM
مش عارف انا ليه بلاقى فى منتديات تانيه الناس اللى فيها بينفوا تماما موضوع فتح المساعدين
و بيعتبروا هذا الموضوع من رابع المستحيلات ؟؟؟؟؟؟؟
ارجو منكم الرد و التعليق

مهند
30-12-2009, 03:04 AM
السلام عليكم
ياجماعه والله الواحد بيضحك اوى لما يلاقى حد بيدخل بيقول الحل ايه من وجهة نظره وكأنه بيتكلم معانا على اساس احنا مجلس اعلى ياجماعه الموضوع ده موضوع معلومات بنقولها عن مصادر مش احنا اللى نحدد القواعد والشروط
اللى عنده معلومه بيتفضل يقولها اللى معندوش يستفيد من غيره اما راي حد فينا ملهوش اهميه تفتح زى ماتفتح
المهم الشروط والقواعد اللى يحددها المجلس والمجلس هو ادرى بظروفه واللى ملهوش نصيب فى شروط نيابه هيكون انشاءالله هيكون ليه نصيب فى غيرها من مجلس دوله او الهيئات الاخرى لحد علمى بدفعات مختلفه عن
بعض اطمئنوا لاداعى للقلق والتوتر
الخيره فيما يختاره الله

mohamed abd elrahman
30-12-2009, 03:55 AM
ان شاء الله هيكون فى اخبار كويسة قريب

احسنوا الظن بالله

احمدرعد
30-12-2009, 11:07 AM
عندك حق يااستاذ مهند واحييك علي كلامك فعلا موضوع ان لينا رايي في الموضوع مش هيفيد حد فينا لان مش هيتاخد براينا اصلا ولا هيتبصله

ولا احنا نملك شيء زي كده انهم يخدوا براينا اصلا سواء كشروط او اي شيء اخر يخص الموضوع

وكل اللي محتجينه نراقب امتي هينزل الاعلان وياريت الاخوه اللي ليه اي علاقه بمستشار

بمجلس الاعلي للقضاء يفدنا هل في دفعه مساعدين وامتي ممكن تنزل مش مهم شروطها

المهم وجودها من عدمه

ده اهم شيء عندنا طبعا


هل في دفعه مساعدين وامتي هتتطلب

ده المهم وياريت نركز علي كده في الفتره دي

albalshy
31-12-2009, 08:23 PM
يا جماعه انا سمعت ان الموضوع ده ما زال معلق و مازال وزير العدل فارض سيطرته عليه و فيه ناس سمعت من بعض المستشارين ان الوزير ما زال رافض المساعدين و ان اخر حاجه ممكن يوافق عليها هى فتح دفعة المساعدين .
فارجوكم التحقق من هذا الكلام جيدا لانه سبب لى الكثير من القلق لى و لاصدقائى .

لا تنسي ذكر الله
31-12-2009, 09:53 PM
يا جماعة عايزين نرسى على بر هى هتفتح ولا لأ



أ:patch_ordi:

الدبلوماسى المصرى
31-12-2009, 10:11 PM
إن شاء الله هتفتح قريب

mohamed abd elrahman
01-01-2010, 02:01 AM
إنشاء الله خلال شهر واحد يكون فى اخباركويسة عن الدفعة

ابن حجر العسقلانى
01-01-2010, 06:39 AM
بعد التحية ,,,



بعد أن لاحظنا فى هذا الموضوع من مشاركات خارجة عن هدف الموضوع , قررنا وضع ملاحظات وليس تحذيرات للمشاركات بهذا الموضوع :
1 - الهدف من هذا الموضوع هو بحث أمر دفعة المساعدين وأخبارها وليس لبحث دور الواسطة وأبناء المستشارين وغير ذلك , وبالتالى فإن أى مشاركة تخالف هدف الموضوع تكون مخالفة , وتكون الإدارة مجبرة على حذفها .
2 - إن اختلف أحد الأعضاء فى معلومة معينة , فنرجوا أن نلتزم جميعا بأداب الخلاف ولا يتطاول أحد منا على الإخر .
ملحوظة : نحن هنا جميعا إخوة , لا فرق بين مشرف وعضو , أو ابن وزير أو ابن غفير , كلنا إخوة وأحبة فى الله ونحاول مساعدة بعضنا البعض بشتى السبل , تمام يا رجال القانون ؟؟؟




سبق التنبية من قبل على ما ذكر أعلاه , وهذا لا يعنى بالمرة موافقتى أنا شخصيا على ما يحدث , ولكن هذا التنبية تنظيمى بحت ولابد أن يكون لكل موضوع هدف لا تخرج عنه المشاركات حتى يستطيع الجميع الإستفادة .
فنرجوا أن نلتزم بهدف الحوار ومن عنده مشاركة تتحدث عن المجاملات وغير ذلك فهناك موضوع بالمنتدى للحديث عن هذا الأمر على هذا الرابط :
http://www.f-law.net/law/showthread.php?t=21946
و ستجدون رأيى به عن قريب إن شاء الله .


أحبكم في الله لا غير وأرجوا لكم كل خير .


بالله عليكم أسألكم الدعاء بظهر الغيب .




:hi::hi::hi:





أَغَيْرَ اللَّهِ أَبْغِي رَبًّا وَهُوَ رَبُّ كُلِّ شَيْءٍ

على حسانين
01-01-2010, 01:00 PM
جاءنا البيان التالى
اخبار من قلب الاحداث وهيه محكمه النقض

وهذا على لسان رئيس نيابه بمحكمه النقض
لم يوجد اى معلومات عن دفعه مساعدين حته الان
الموضوع فى طى الكتمان لم يعلن عنه حته الان
سوف اوليكم بكل ما هوه جديد ان شاء الله
تحياتى

mohamed abd elrahman
01-01-2010, 03:37 PM
كتر الف خيرك على اللي بتعرفة وبتبلغوا لينا
بس احنا عارفين انها لم يعلن عنها حتى الان بس المهم نحاول نعرف الكلام المكتم علية ناوين يعلنوا عنها امتى
وإن شاء الله يكون عندك اخبار كويسه وتبلغنا بيها

albalshy
02-01-2010, 12:03 AM
يا جماعه انا وصلنى من احد مصادرى اللى ليهم علاقات و معارف موظفين بمكتب تعيينات النيابه فى دار القضاء العالى انهم سألوهم عن المساعدين فقالوا لهم لا نعرف شيئا عن هذه الدفعه و لم تصلنا الى الان اى تعليمات بشأنها أو اى معلومات او اخبار .
معنى ذلك ان المساعدين حتى الان لم تخرج الى حيز التنفيذ الفعلى و انها مازالت داخل عقول و رؤوس المستشارين فقط . !!!!!!!!!!!!!!
أرجو منكم الرد و التعقيب .

شهيد مرعى
02-01-2010, 03:35 AM
- يا أستاذ albalshy الموظفين دول مش هيعرفو حاجه غير ساعه ما الدفعه تفتح بالظبط ساعه ما الملفات تنزلهم أيه علاقه دا بحيز التنفيذ هما ما عليهم غير أن بينزلهم ملفات و هما بيوزعوها

- أما بالنسبه للمعلومات فقد وصلنى أن المستشار عادل عبد الحميد هيجتمع بمجلس القضاء يوم الأحد و هو اليوم المحدد لأجتماع المجلس و هيتكلمو فى موضوع المساعدين و يا رب يوصلو لنتيجه مرضيه زى ما صرح من قبل

شبراوى
02-01-2010, 03:54 AM
ان شاء الله الدفعه هتفتح فى القريب العاجل بس الصبر ياجماعه شويه وانا باكد ان الدفعه هتفتح وخلال 3شهور هيتعين ناس وعادل بك قال على هذه الدفعه مسائله حياه او موت بالنسبالى يايها الذين ءامنوا اصبروا وصابروا ورابطواواتقوا الله لعلكم تفلحون

mohamed abd elrahman
02-01-2010, 09:08 AM
فعلا ماعتقدش ان الموظفين عندهم فكرة غير لما تيجى ليهم تعليمات بسحب الملفات

سيد محسن السيد
02-01-2010, 11:45 AM
السلام عليكم ورحمة الله وبركاته . اولا ازيكم كلكم ويارب يحققلكم كل اللى بتتمنوه . انا بس عايز اسأل سؤال واتمنى تفيدونى فيه . ايه اصلا طبيعة عمل المساعدين فى النيابة ومكانتهم ومكانهم فين على خريطه القضاء ومجال عملهم فين وكده يعنى . اتمنى لو تجاوبونى وياريت كمان لو اعرف مراحل التقديم زيها زى النيابة العامه ولا اخف شويه ولا برده وسايط ولا ايه بالظبط وشكرا ليكم كلكم

كيمو!!
02-01-2010, 05:54 PM
فعلا ياشهيد مرعى انا سمعت كده برده وكلامك هو المعروف لدينا وربنا يقدم مافيه الخير لنا جميعاا .......
ها مش هنتقابل بقى؟
هااا

ان شاء الله خير ودعونا نطمئن سويا باءذن الله نرجواا الدعاء
كل عام وانتم بخير
2010

fox
02-01-2010, 10:05 PM
السلام عليكم ورحمه الله و بركاته
احب اوضح لسيادتك ان اول تعيين فى النيابة بيكون على درجة معاون نيابة بعد مده حوالى سنة واحدة ياخد درجة مساعد نيابة , بمعنى ان المساعد اعلى من المعاون وكلها درجات فى النيابة العامة , واعتقد والله اعلم ان مراحل تقديمها نفس مراحل تقديم الخريجيين الا ان القانون يشترط بالنسبة للمساعد ان يكون محامى ابتدائى او مارس عمل قانونى لمدة سنتين ..

محمد 2005
02-01-2010, 10:33 PM
ملحوظة معانون النيابة يتم ترقيته الى درجة مساعد بعد سنه قضائية واحدة وليس بعد ثلاث سنوات

شهيد مرعى
02-01-2010, 10:35 PM
- فدرجه مساعد نيابه تكون بعد التعيين فى وظيفه معاون بسنه ولكن جرى العمل على الترقيه لوظيفه مساعد نيابه بعد مضى 10 أشهر فى وظيفه معاون نيابه

- أما بالنسبه لأستفسار أستاذ سيد فمساعد نيابه ينطبق عليها نفس ما يطبق على معاون النيابه بالنسبه لطبيعه العمل و الترقيات و أماكن العمل و كل شئ و لكن تختلف فى شروط التقديم فمساعد نيابه تشترط أن تكون عملت بعمل قانونى مده سنتين متتاليتين سواء بالمحاماه ( أى محامى أبتدائى ) أو بأحدى شركات القطاع العام

رجل القضاء
02-01-2010, 10:43 PM
الى كل من يتابع بحرص واهتمام هذه الدفعة المعقود عليها امال الكثير والكثير احب ان اوجه سيادتكم انه باذن المولى عز وجل وبمشيئته انه لن يذهب شهر يناير الا وان تكون ملفات هذه الدفعة بين ايدينا باذن الله تعالى
وعليه يجب علينا الحرص كل الحرص بالمتابعة الشخصية وبانفسنا بمحكمة النقض لااحتمالية ان يكون الاعلان داخلى خلال هذا الشهر .

والله اعلى واعلم وعلى ما ااقول شهيد,,,

افوكاتومصر
03-01-2010, 07:59 PM
ياجماعة وصلى معلومات انا الناس بتقدم فى نادى القضاة بالنسبة لاولاد المستشارين والموضوع سرى وقالوا ان المساعدين فتحت بقالها يومين سرى وهذا موصلنى الان ومش مصدقه ياريت حد من اللى معاهم وسايط يعرفلنا وربنا يوفق الجميع

ابن حجر العسقلانى
03-01-2010, 08:32 PM
ياجماعة وصلى معلومات انا الناس بتقدم فى نادى القضاة بالنسبة لاولاد المستشارين والموضوع سرى وقالوا ان المساعدين فتحت بقالها يومين سرى وهذا موصلنى الان ومش مصدقه ياريت حد من اللى معاهم وسايط يعرفلنا وربنا يوفق الجميع



هذا الكلام عار تماما تماما من الصحة , وهذا هو عين الخطأ .

le_pasha_mb
03-01-2010, 08:33 PM
لا داعي للقلق يا إخواني و لا للإشاعات فالدفعة لم تُفتح بعد و سيتم تحديد ميعاد لها في القريب العاجل و ذلكَ في أول إجتماع للمجلس الأعلي للقضاء و سيُنشر الإعلان في الجرائد الرسمية ....

albalshy
03-01-2010, 10:24 PM
هل اجراءات تعيين المساعد بتستغرق نفس الوقت و المده اللى بتستغرقها فى تعيين المعاون و لا اقل و لا اكثر ؟؟؟؟؟؟
يعنى تعيين المعاون بيستغرق حوالى سنة كامله ----- هل المساعد كذلك ؟؟؟؟؟؟؟؟؟

رجل القضاء
03-01-2010, 11:34 PM
يا جماعة والله الموضوع مش كتر مشاركات واستفسارات انا حاسس اننا بنعقد الموضوع بطريقة غريبة

اولا بالنسبة لان الدفعة تم الاعلان عنها اعتقد انها اشااااااااااااااعة وليس لها علاقة بالواقع لا من قريب او بعيد

ثانيا سبق وان وضح اكثر من عضو ان الدفعة على الابواب وسبق لى شماركة انا شخصيا وقلت اللى اتاكدلى من اكتر من مصدر وقلنا انها باذن الله فى خلال شهر واحد وقلت علينا اننا نتابع بحرص وبانفسنا فى محكمة النقض لعل ان يكون اعلان داخلى

ثالثا الاخ الكريم اللى بيسال عن اجرءات تعيين الدفعة!!!تفتكر مين فينا بيحضر اجتمعات المجلس عشان يتاكد من تلك الاجراءات ولا المجلس نفسه عارف هتمشى فى خلال فترة معينة؟؟؟ يا اخى بالله عليكى دى حاجات سابقة لااوانها تابع وادعى وااقول يارب تفتح وساعاتها نناقش كل التفاصيل دى

يا جماعة الموضوع انشاء تقريبا على وشك نهايته والدفعة هتفتح اكيد انشاء الله بس الصبر والمتابعة يبقى علينا اننا ننتظر الاعلان عشان نشارك فى المنتدى او نحصل على معلومة تاكد هذه الدفعة اعتقد اى مشاركة غير كده او فيها استفسار او السؤال عن الجديد فتعتبر من قبيل اللهو ,,,

أبو النجا 2006
04-01-2010, 04:34 AM
مفيش حاجه فى نادى القضاه نهائيا

حبيب الرحمن
04-01-2010, 08:58 AM
ان شاء الله يكون فى خير باذن الله لمن لم يكون له نصيب فى دفعه المعاونين
اللهم اعطى كل سأل سئله
اميــــــــــــــــــــــــــــــــــــــــــــن يارب العالمين

mohamed abd elrahman
04-01-2010, 09:03 AM
الكلام ده مظبوط ولا اية يا جماعه؟

albalshy
04-01-2010, 05:04 PM
الحمد لله الكل نفى هذا الموضوع نهائيا

mohamed abd elrahman
04-01-2010, 05:57 PM
ربنا يستر ومايكونش الكلام ه بجد

فرعون القانون
05-01-2010, 07:36 PM
يا رب افرجها من عندك ويا شباب اطمئنو الدفعة ان شاء الله هتنزل فى شهر 1 متخافوش

mohamed abd elrahman
06-01-2010, 01:34 AM
ممكن حد يقولى مجلس القضاء بيجتمع كل اد اية؟
كان فى اجتماع يوم الحد اللي فات يبقى الاجتماع القادم هيكون امتى؟

طيب اللي يعرف الاجتماع القادم متى يقول

شهيد مرعى
06-01-2010, 01:45 AM
- يا أستاذ محمد علمت والله أعلم أن المجلس الحالى ليس له ميعاد ثابت فيتم التنسيق بينهم للأتفاق على يوم الأجتماع ... على عكس المجلس السابق الذى كان يجتمع كل يوم أحد بصفه أساسيه و الأربعاء بصفه أستثنائيه

mohamed abd elrahman
06-01-2010, 09:45 PM
يا جماعه اللي وصلنى انه كان من المقرر تحديد موعد لنزول الدفعة فى إجتماع مجلس القضاء يوم الاحد الماضى إلا انه تأجل ذلك الى متى........الله اعلم
انا من ناحية هتابع واللي يقدر يعرف مواعيد اجتماع مجلس القضاء يتابع وربنا يسر لنا الامر جميعاً

وكل مصادر الاخبار بتأكد الضغوط المتزايده لفتح هذة الدفعه وما هى إلا مسألة وقت

albalshy
07-01-2010, 01:47 AM
انا سمعت انها هاتنزل فى شهر 8 القادم ؟؟؟؟
ارجو التأكد من هذا الكلام و مدى معقوليته ؟؟؟؟؟
و لا اعلم لماذا اتحذفت المشاركه السابقه ............... عموما لايهم

ابن حجر العسقلانى
07-01-2010, 03:22 PM
انا سمعت انها هاتنزل فى شهر 8 القادم ؟؟؟؟
ارجو التأكد من هذا الكلام و مدى معقوليته ؟؟؟؟؟
و لا اعلم لماذا اتحذفت المشاركه السابقه ............... عموما لايهم

بعد التحية ,,,
هذا الكلام غير منطقى بالمره , وغير معقول .
مشاركتك حذفت لأن المعلومة بعيدة جدا جدا جدا عن الواقع .

albalshy
07-01-2010, 10:51 PM
هاهاهاهاهاها الحمد لله و الشكر لله و الحمد لله كثيرا
صديقى العزيز ابن حجر العسقلانى اشكرك جدا على ردك المطمئن جدا جدا جدا
فعلا انا اول ما سمعت عن الخبر ده و انا برج من نفوخى هايطير ازاى الدفعه تستنى لشهر 8 و ان صاحب الخبر بيؤكد ان اللى بلغه من المصادر القويه الموثوق منها و دلل على ذلك بان المجلس يكون انتهى تماما من مقابلات دفعة 2009 و ساعتها انتابنى قلق عارم و انزعاج شديد مما قرأت و سمعت و تشتتت أفكارى .
فكتبت اللى وصلنى فى المشاركه السابقه عشان أشوف معنى لهذا الكلام و أشوف رأيكم و ردودكم لعل ان حد وصلتله ايضا هذه المعلومه أو ان حد عنده معلومه تنفى بشده ما وصلنى .
و لكن الحمد لله ان انت اول واحد رديت عليا و طمنتنى جدا جدا
شكرا لك

و لكن يابن حجر العسقلانى ممكن توضحلى كيف ان المعلومه بعيده جدا جدا جدا عن الواقع
ارجو ان يكون لديك اية انباء تبشر بقدوم الدفعه و ظهورها الى النور
تقبل خالص تحياتى

السيد الوزير
08-01-2010, 02:16 AM
:patch_ordi:
فى كلام انها فى شهر1 والكلام ده عارفه من شهرين

مممممكن حد يرد عليا

فرعون القانون
08-01-2010, 03:57 PM
اود ان ارد على حضرتك و على السيد ابن حجر
هذه الدفعة اذا انكتب لها النزول هذا العام هتكون فى شهر 1 فاذا رحل هذا الشهر استنوها العام القادم
وزى ما كنا بنكتب من عام 2007 هنكتب لعام 2011

يا جماعة الموضوع مش كتر مشاركات الى عنده معلومة اكيدة بدليل مادى ملموس وكلنا رجال قانون ونعى ما هو الدليل المادى يتقدم بعرضها وعرض دليله
كمثل ما حدث فى النيابة العامة من قال الخبر اتى بدليل وهو صورة الاعلان

ابن حجر العسقلانى
08-01-2010, 04:19 PM
ها الحمد لله و الشكر لله و الحمد لله كثيرا
صديقى العزيز ابن حجر العسقلانى اشكرك جدا على ردك المطمئن جدا جدا جدا
فعلا انا اول ما سمعت عن الخبر ده و انا برج من نفوخى هايطير ازاى الدفعه تستنى لشهر 8 و ان صاحب الخبر بيؤكد ان اللى بلغه من المصادر القويه الموثوق منها و دلل على ذلك بان المجلس يكون انتهى تماما من مقابلات دفعة 2009 و ساعتها انتابنى قلق عارم و انزعاج شديد مما قرأت و سمعت و تشتتت أفكارى .
فكتبت اللى وصلنى فى المشاركه السابقه عشان أشوف معنى لهذا الكلام و أشوف رأيكم و ردودكم لعل ان حد وصلتله ايضا هذه المعلومه أو ان حد عنده معلومه تنفى بشده ما وصلنى .
و لكن الحمد لله ان انت اول واحد رديت عليا و طمنتنى جدا جدا
شكرا لك

و لكن يابن حجر العسقلانى ممكن توضحلى كيف ان المعلومه بعيده جدا جدا جدا عن الواقع
ارجو ان يكون لديك اية انباء تبشر بقدوم الدفعه و ظهورها الى النور
تقبل خالص تحياتى






اود ان ارد على حضرتك و على السيد ابن حجر



هذه الدفعة اذا انكتب لها النزول هذا العام هتكون فى شهر 1 فاذا رحل هذا الشهر استنوها العام القادم
وزى ما كنا بنكتب من عام 2007 هنكتب لعام 2011
يا جماعة الموضوع مش كتر مشاركات الى عنده معلومة اكيدة بدليل مادى ملموس وكلنا رجال قانون ونعى ما هو الدليل المادى يتقدم بعرضها وعرض دليله
كمثل ما حدث فى النيابة العامة من قال الخبر اتى بدليل وهو صورة الاعلان


بعد التحية ,,,
يا رجال ياريت نحاول نساعد بعض بكل هدوء وبدون أى عصبيه .
دلوقتى من المعلوم أنه قبل زيارة الرئيس لمحكمة النقض , نادى القضاة عقد اجتماع عالى المستوى لعرض الأمر على الرئيس أثناء الزيارة , ومن الأكيد أيضا أن عادل عبد الحميد عرض الأمر على الرئيس والرئيس قال له بالحرف الواحد " اتصرف من غير ما ترجع للوزير وارجعلى انا شخصيا " بمعنى أن الرئيس وافق على الأمر .
وبالتالى :
- ان شاء الله الدفعة سوف تفتح عن قريب والجميع يؤكد أن الأمر خلال هذا الشهر أو التالى .
- أما بالنسبة للشروط فهذه لا نستطيع التحدث عنها إلا حين نزول الإعلان , وإن كنت أرى أن دفعة 2006 و 2007 ضامنين مكانهم بهذه الدفعة .
- الرئيس وافق لعادل عبد الحميد ومن المعلوم أن عادل عبد الحميد هيمشى قبل بدايه شهر 7 و بالتالى صعب الدفعة تفتح بعد انتهاء خدمة عادل عبد الحميد .
وبالفعل الأمر مش كتر مشاركات فالمعلومات واقفة عند ما ذكرت وهذا ما لدى .


فنرجوا الصبر وضبط النفس .


:hi::hi::hi:

محمد 2005
08-01-2010, 05:09 PM
يعنى نفهم كده يا ابن حجر ان دفعة 2005 مالهاش نصيب فى هذه الدفعة أرجو التوضيح

ابن حجر العسقلانى
08-01-2010, 06:32 PM
يعنى نفهم كده يا ابن حجر ان دفعة 2005 مالهاش نصيب فى هذه الدفعة أرجو التوضيح

أنا لم أقول ذلك وان شاء الله دفعة 2005 يكون لها نصيب .
فاصبر أخى الحبيب لحين صدور الإعلان وكل شئ سوف يكون واضح وقتها .

alkingwr
09-01-2010, 09:35 AM
قراءت هذا الموضوع على احد المنتديات القانونية فاذا كان هذا الموضوع غير صحيح فأرجو حذف مشاركتى

موضوع: هام لابناء المستشارين الحاصلين علي تقدير مقبول 6 نوفمبر 2009 ربما يكون الموضوع معروف لدي البعض من الاخوه الاعضاء ولكن فضلت عمل موضوع خاص بهذا الموضوع حتي الفت انظاركم
وذلك لان نادي القضاه يقوم حاليا بعمل كشوف بحصر عدد ابناء المستشارين الحاصلين علي تقدير مقبول وذللك بعد مقابله المستشار احمد الذند ومعه وفد من الساده اعضاء النادي
للمستشار/ عادل عبدالحميد وتحدثوا معه بخصوص دفعه المساعدين من اجل ابناء المستشارين فطلب منهم معرفه عدد ابناء المستشارين الحاصلين علي مقبول فلم يستطبعوا الاجابه علي ذللك فطلبوا منه فرصه لعمل حصر بالعدد الصحيح وبناءا عليه يقوم النادي حاليا بعمل حصر باسماء ابناء المستشارين فعلي الجميع من ابناء المستشارين سواء بنت او ولد يقوم بالذهاب الي نادي القضاه بالقاهره او من ينوب عنه ويقدم طلب باسم السبد المستشار رئيس المجلس يفيد بانه نجل المستشار/.......... رئيس محكمه................. وحاصل علي تقدير مقبول دفعه.............
وتقدم الطلبات لدي السكرتاريه بالدور الارضي بالنادي

M.A.N
09-01-2010, 10:41 AM
الكلام دة مظبوط ودة كان من فترة ورحنا وسجلنا وكان العدد يفوق ال400 من الثلاث هيئات القضائية فى السنين من 2007 ل 2009

albalshy
09-01-2010, 03:31 PM
اليس من المفترض ان دفعات المساعدين بتكون متتاليه لبعضها الدفعه تلو الدفعه ؟؟؟؟؟
بمعنى ان اخر دفعه مساعدين كانت دفعة 97 يبقى المفترض ان المساعدين تطلب من بداية 98 أو 99 حتى 2007 مثلا أليس كذلك ؟؟؟؟؟؟؟؟؟؟؟
أم لا يشترط توالى الدفعات مثل الدفعات الاساسيه فى التقديم للنيابه العامه ؟؟؟؟؟؟؟؟
و أرجو يا جماعه محدش يقوللى كتر مشاركات وخلاص لانى ليس من المفترض انى اكون ملم بكل المعلومات عن هذا الموضوع و انا باتناقش معكم فى صلب الموضوع و لأنى فى النهايه لن أتحصل من المنتدى على فلوس أو جوائز ماديه مقابل كتر المشاركات ........... و أرجوكم لا تؤاخذونى على كلامى .
تقبلوا خالص تحياتى و الرد على استفسارى .

M.A.N
09-01-2010, 03:39 PM
دفعة المساعدين مابداش التفكير فيها غير علشان الدغعات اللى اتظلمت من قرار الجيد هما فكروا فيها علشان مكنش فى مفر لتعديل القانون

albalshy
09-01-2010, 05:43 PM
يا سيدى الفاضل دفعة المساعدين كان معمول بيها من زمان و من قبل قانون الجيد بكتير
يعنى المساعدين كانت بتطلب دفعات للتعيين و مع ذلك كانت توجد دفعات تكميليه و استثنائيه لكل دفعه على حده
بدليل ان اخر دفعه اتعين منها مساعدين كانت دفعة 97

مهند
09-01-2010, 06:57 PM
السلام عليكم
زملائى وصللى معلومات بتؤكد ظهور دفعه المساعدين قريبا جدا اضمئنوا
بخصوص الدفعات وصلنى ايضا هتم من اخر دفعه اتلغى فيها التظلمات مش من اخر دفعه اتلغت فيها التكمليه فقط
ولعلم اخر دفعة تم فيها تعين التظلمات دفعة 2003
اخر دفعتين اتلغى فيها التظلمات دفعه 2004 و2005
2004 اتلغت بحجة عدم وجود الوقت الكافى وخصوصا نزول القانون الجديد وكان الاهم اللحاق بتعيين دفعة تكمليه 2005 اما الغاء تظلمات 2005 تكميلى واساسى اتلغت بحجه ان القانون الغى التعيين بمقبول
ونتمنى التوفيق للجميع

شهيد مرعى
10-01-2010, 03:39 AM
أستاذى الفاضل m.a.n أولا العدد الذى قام النادى بحصره هو 391 أسم لحد يوم أجتماع نادى القضاه اللى كان بخصوص موضوع المساعدين و هذا العدد يضم كل أبناء المستشارين فى الأربع هيئات بنات من دفعه 2004 و ذكور من دفعه 2006 الى 2009 ...

و لك خالص الأحترام

الأستاذ albalshy

-أولا: أخر دفعه مساعدين كانت 1999
-ثانيا : مش شرط على مجلس القضاء اذا وافق على فتح دفعه مساعدين الألتزام بفتحها من بعد أخر دفعه فله الحق فى تحديد عدد الدفعات كيفما أراد

ولكن المتوقع أنها تكون من أول دفعه 2003 أو 2004 علشان السن كمان

معلومه : بالنسبه للنيابه العامه أبناء المستشارين الحاصلين على تقدير مقبول ذكور دفعتى 2006 و 2007 لم يتعدى 100 فرد ... و لو ربنا كرمنا و الدفعه فتحت هيكون العدد مش أقل من 300 يعنى الدفعه مش هتفتح لولاد المستشارين و بس

فرعون القانون
10-01-2010, 04:47 PM
يا جماعة انتو بتتكلمو فى ايه يعنى تبقى دفعة معاونين 450 فرد ومساعدين 400 هيتعينو كل دول فين
يعنى المفروض دفعة 2007 مساعدين حاليا وهى دفعة كبيرة ويعينو كمان 400 مساعدين يبقى الاجمالى 800 عضو
ارجو الرد والتوضيح كل هذه الكمية هتتعين فين
وشكرا

M.A.N
10-01-2010, 06:31 PM
اخى انا بتكلم عن انهم مابدازش التفكير فى دفعة المساعدين الا اما اقفلوا دخول النيابة بالمقبول ما دفعة المساعدين موجودة من زمان لاكنهم اعتمدوا على الدفع الاستثنائية

اما بالنسبة للدفعات انا اللى شوفتة فى نادى الفضاة وقت حصر ابناء المستشارين قسمونا لتلات دفعات دفعة 2007 و2008 و2009

mohamed abd elrahman
10-01-2010, 07:48 PM
مع احترامى لرأى وتفكير كل واحد فيكم
على اى اساس بتقولوا هتشمل دفعات اية ومش هتشمل دفعات اية وازاى 2007 مساعدين غير دفعة المساعدين والعدد 800 هيعملوا بيهم اية هتيجى ازاى
كل الكلام ده ازاى احنا مانعرفش بتتم ازاى وعلى حسب الدرجات فى الميزانة

ولعلمكم ان فى عضوفى مجلس الشعب سمعته بنفسى فى التلفزيون بيتكلم عن تعينات النيابة والعجز الفظيع فى عدد ولاء النيابة و القضا بالمحاكم وقال اننا محتاجين نعين كل سنة 1000 معاون نيابة على الاقل ولمده 10 أعوام لسد العجز

وان شاء الله لما تنزل الدفعه ونشوف الاعلان نبقى نتكلم ساعتها على اساس واضح

شهيد مرعى
10-01-2010, 11:52 PM
الأخ الفاضل m.a.n ما أنا بعرف حضرتك أن دفعه 2006 بردو أنطبق عليهم القانون بتاع الجيد مش من أول 2007 زى ما حضرتك بتقول و البنات من 2004 بردو أنطبق عليهم القانون ولا حضرتك مسمعتش المستشار أللى عندو أبنائو الأتنين توفو الى رحمه الله فى حادث و مش باقيلو غير بنت دفعه 2004 و المستشار الفاضل أللى من هيئه قضايا الدوله اللى بنتو 2004 مقبول و بعد ما عملو مقابلتهم مع هيئه النيابه الأداريه تم تحديد الدفعه بحد أدنى جيد قبل صدور القانون...

- يعنى زى ما بقول لحضرتك ذكور من 2006 الى 2009 و بنات من 2004 الى 2009

M.A.N
11-01-2010, 12:05 AM
اخ شهيد انا بتكلم على اللى شوفتة يمكن يكون كان فيه قبل ما احضر لاكن اللى متاكد منه ان انا شوفت السكرتيرة قالت ياجماعة اللى من دفعة 2007 يجى الاول وبعد كدة 2008 و 2009 علشان مايحصلش لخبطة فى ورق الدفعات
فاممكن يكون عملوا حصر للدفعات اللى قبل كدة انا روحت الساعة 10:30 الصبح فاممكن كان فى حصر قبل كدة

شهيد مرعى
11-01-2010, 12:31 AM
دفعات ايه ... و الصبح أزاى ...و سكرتيره أزاى

- أولا : الأجتماع كان 8 بليل
- ثانيا : نادى القضاه فى 4 سكرتاريه كلهم رجاله
-ثالثا : الحصر معمول ب 391 أسم مع بعض

مهند
11-01-2010, 05:14 AM
السلام عليكم
بردو نفس الكلام بيتكرر الناس بتتخانق على عدد اللى هتعينو والدفعات من كام لكام
بصى ياجماعه الاكيد ده اللى بقوله ايام المستشار مقبل شاكر كان محدد لها من دفعه 2003
وده انا على يقين بيه اما العدد فهو كبير ليشمل عدد كبير من ابناء المستشارين وفيه منهم
محضرش الاجتماع من دفعات 2004 الى 2009 وفى مستشارين كبار جدا يمكن الدفعه ديه
مفتوحه علشانهم بالاسم وانا عارفهم كويس وبيكلمو رئيس المجلس من فترة لاخرى من
دفعه 2004 و2005 اللى تظلماتهم اتلغت لحد 2007 وبعد كده هتم تعينات الدفعه كل على درحه مساعدين
لحد دفعه 2011
ومن اللحظه ديه بدون سخريه ولاتهكم زملائنا اللى فكرين نفسهم اعضاء فى المجلس الاعلى
انتظروا حتى صدور الاعلان لانى واعضاء المنتدى القدامى يسروا فى نفس احترامنا ولانسير
خلف من بثير المشاكل والكلام اللى ملوش علشان يترد
كل تحيه للعسقلانى وشبراوى وشهيد مرعى

المستشار
11-01-2010, 05:08 PM
لو سمحتم يا جماعه انا من دفعة 2008 ومجموع درجاتى 63.64% دفعة المساعدين الى انتم بتتكلموا عنها دى هتشملنا ولا لا مع العلم انا قرأت اخر مشاركات فى الموضوع فقط

شهيد مرعى
11-01-2010, 06:45 PM
لم يحدد بعد يا سياده المستشار هل ستضم هذه الدفعه 2008 و 2009 ولا لا بس عموما لو ربنا كرم و فتحت لدفعات 2006 و 2007 يبقى أكيد هتفتح ل 2008 و 2009 بس بعدها بسنه حتى تكون شروط المساعد منطبقه عليهم

فرعون القانون
11-01-2010, 07:01 PM
يا جماعة اتكلمو كلام منطقى
ازاى تفتح هذه الدفعة لدفعة 2009 و 2008
اولا : دفعة 2009 زملائهم لسة بيقدمو نيابة ولسة النتيجة هتظهر 2011 ولسة اساسا موصلوش ابتدائى فى المحاماة

ثانيا : دفعة 2008 متخرجين من سنة وشرط القيد الابتدائى بيكون بعد سنتين من تاريخ القيد

يا جماعة اتكلمو كلام منطقى وازاى دفعة المساعدين تفتح الشهر ده وتفتح بعد سنة لخريجى 2009 وهما لسة مقيدوش حتى جدول عام

مهند
12-01-2010, 02:29 AM
السلام عليكم
ياجماعه لو الاعلان فتح نزل فى شهر يناير هتكون لدفعه 2007 مش هتكون بعد كده
وبعد كده يهتم الاعلان عن دفعه المساعدين كل سنتين
يعنى 2008 اعلانها 2010 حتى ينتهو من اخر دفعه اتظلمت وهى دفعه 2011
معنى كده كل دفعه هتتخرج هيتعمل لها مساعدين كل عامين حتى دفعه 2011
اتمنى تكون المعلومه وصلت
اصبرو واتمنى الاعصاب تهدىىىىى

شهيد مرعى
12-01-2010, 03:33 PM
فى حوار مع المستشار مقبل شاكر رئيس محكمه النقض و رئيس مجلس القضاء الأعلى الأسبق جريده اليوم السابع ص 11:


-ما رأيك فى مطالبه عدد من القضاه لأستثناء أبنائهم من شرط حصولهم على تقدير جيد للتعين فى النيابه العامه، وهل معنى ذلك أن مهنه القضاء قابله للتوريث؟

. رد قائلا : أى مهنه قابله للتوريث و هذه مسأله طبيعيه فى العالم كله وليث فى مصر فقط ..خاصه أن مبدا المساواه بين المواطنين يقرر بغير أستثناء بمعنى أنه عندما كان يعين أبناء القضاه الحاصلين على تقدير مقبول كان تعينهم لا يأتى الا بعد اعلان تعين جميع من تنطبق عليمه الشروط من الحاصلين على تقدير جيد و أعلى من جيد ثم بعد ذلك كان يتم الأعلان عن قبول الحاصلين على تقدير مقبول من جميع أبناء الشعب بمن فيهم أبناء القضاه و من وجهه نظرى أنه من الأفضل أن تورث مهنه القضاء لأن أبناء القضاه يتربون فى بيئه قضائيه و قانونيه

-وهل معنى هذا التوريث ينطبق على توريث الرئاسه أيضا؟

. رد : هذه مسأله سياسيه محظور على القاضى أن يتحدث فيها

-حتى بعد التقاعد ؟

. رد : نعم حتى بعد التقاعد لأنى مازلت أحمل لقب المستشار مقبل شاكر رئيس محكمه النقض و رئيس مجلس القضاء الأعلى الأسبق

مسلم مجتهد
12-01-2010, 04:05 PM
حسبى الله ونعم الوكيل
ليس لنا غير الله الذى هو احسن من الكل وبفضل الله ربنا هيكرمنا.

mohamed abd elrahman
12-01-2010, 06:18 PM
المهم المتابعه يا جماعه احسن تنزل باعلان داخلى او يكون فعلا التقديم شغال واحنا مش عارفين

rai_uno1
13-01-2010, 02:48 AM
رجاء خاص للجميع

لو في حد منا عنده معلومة عن الدفعة يقولها ويوضحها

اما مين الانسب

فأظن كل واحد منا يتمني ان يكون في الوظيفية القضائية

اللي جايب مقبول واللي جايب جيد جدا

وبرضه ده مش موضوعنا
واسف علي الاطالة

وربنا يوفق الجميع

رجل النيابة
13-01-2010, 06:10 AM
نرجو عدم الخروج عن صلب الموضو ع الاساسى وهوة دفعة المساعدين وعدم التطرق لامور اخرى والا سنضطر اسفين لحزف المشاركات ربما يتطور الامر مع الملاحظة انكم لستم اعضاء عاديين من المفترض فيكم انكم خبرة فى المنتدى وتعرفون المشاركات جيدا وفقكم الله للخير دائما

فرعون القانون
13-01-2010, 05:15 PM
الأحد, 27 ديسمبر 2009 10:17

تسود حالة من الترقب في أوساط القضاة، انتظارا لرد مجلس القضاة الأعلى على مذكرة تطعن في دستورية الضوابط التي وضعها المجلس وتقضي بمنع الحاصلين على ليسانس الحقوق- سواء من أبناء القضاة أو غيرهم- من الالتحاق بالنيابة والقضاء لمن يحصل على تقدير مقبول، حيث يشترط الحصول على تقدير جيد بشكل تراكمي طوال سنوات الدراسة.
وطالبت المذكرة التي تقدم بها عشرات القضاة بضرورة التراجع عن هذا القرار وإعطاء الخريجين الفرصة قبل العمل بالتقدير التراكمي لمدة أربع سنوات على الأقل حتى يدرك طلاب كلية الحقوق منذ العام الأول ضرورة تحقيقهم هذا التقدير التراكمي بدلا من مفاجأتهم بمثل هذه القرارات.
وحثت المذكرة مجلس القضاء الأعلى للقضاء على إخضاع الأمر للدراسة، نظرا لأن هذه القرارات كفيلة بإضاعة فرصة الالتحاق أبناء القضاة أو غيرهم بالنيابة العامة، مطالبة بضرورة وجود فترة انتقالية قبل دخول قرار مجلس القضاء حيز التنفيذ.
ويتجه أعضاء النادي لممارسة ضغوط مكثفة خلال المرحلة القادمة لإثناء مجلس القضاء الأعلى عن المضي قدما في قراره، ورجحت مصادر قضائية أن يستجيب المجلس لرغبة القضاة لاسيما أن أقرار القانون بشكل مفاجئ قد يفتح الباب لطعون على دستوريته، في ظل إقراره دون فترة انتقالية يستعد معها الطلاب لهذا النظام الجديد.
وصرح المستشار خالد قراعة وكيل نادي القضاة، أن عددا كبير من القضاة ينتظرون رد مجلس القضاة الأعلى على مذكرتهم، بعد ان فاجئ مجلس القضاء الأعلى الجميع بإقرار التقدير التراكمي يشرط للالتحاق بالنيابة العامة دون فترة انتقالية، مما يحرم المئات من حق أصيل لهم طبقا للوائح والقوانين التي كان معمولا بها منذ فترة طويلة.
ولم يستبعد قراعة أن يستجيب مجلس القضاء الأعلى لرغبات القضاة المتقدمين بالمذكرة بإرجاء تنفيذ القرار قبل الإعلان عن فترة انتقالية، لافتا إلى وجود دعم من جموع القضاة ومجلس نادي قضاة مصر الحالي لهذه المطالب، مشددا على ضرورة وجود فترة انتقالية قبل بدء العمل بالتقدير التراكمي للملتحقين بالنيابة العامة

رجل القضاء
14-01-2010, 12:12 AM
استبشرو خير باذن الله تعالى خلال الايام القليلة القادمة فى هذا الشهر بحد اقصى فى اخره
ولا نملك سوى دعائنا اللى الله عسى ان يجيب ويحقق رجائنا اللهم امين

ahmed_307
14-01-2010, 01:49 AM
يارب يسمع منكو وتفتح الشهر ده

الحاكم العسكرى العام
14-01-2010, 02:49 AM
السلام عليكم ورحمة الله وبركاته

لم أرد أن أشارك فى هذا الموضوع إلا عندما يأتينى خبر مؤكد , أما وقد أتانى فإليكم نصه
طلب القضاه ( ممثلين فى مجلسهم ) من الرئيس تعيين أبنائهم الحاصلين على مقبول فرد عليهم الرئيس أنه لا يمانع طالما أنه لا توجد مخالفة للقانون وقال لهم نسقوا مع الوزير فى هذا الشأن والوزير وافق بل رحب بالموضوع ولكنه وضع شرط واحد أن تعين هذه الدفعة عن طريق الوزارة وهو ما وضع القضاة فى موقف صعب إما أن يقبلوا أن تهيمن الوزارة على تعيين هذه الدفعة وتعين أبنائهم وإما أن يرفضوا ولا يتم تعيين أبنائهم , وعلى حد علمى أن عادل بيه عبد الحميد لن يوافق على هذا الموضوع بسهوله.
عموماً ستبين لنا الأيام نتيجة هذا الصراع المستمر بين الوزارة ومجلس القضاء فى الهيمنة على شئون القضاء.

mohamed abd elrahman
14-01-2010, 04:19 AM
لو ممكن توضح هتفرق فى اية اذا كانت التعيين هيتم من الوزارة .....مهو ده الطبيعى
و الوزارة هتعمل اية لو كان كدة؟

rai_uno1
14-01-2010, 05:57 AM
نرجو سماع رأي ابن حجر العسقلاني واصحاب المصادر الموثوق منها

فيما يقوله الصديق الحاكم العسكري العام

وشكرا علي سعة صدركم

albalshy
14-01-2010, 03:07 PM
تعقيبا على كلام الاخ الحاكم العسكرى العام :---
سواء التعيين تم بواسطة مجلس القضاء أو الوزاره فى كلا الحالتين اولاد المستشارين هايتم تعيينهم و ده اللى يهم المستشارين ان ولادهم يتعينوا .
يعنى مش هاتفرق معاهم حاجه ايه اللى هايخليهم يرفضوا بقه ان التعيين يكون عن طريق الوزاره ؟؟؟؟؟؟؟

mohamed abd elrahman
14-01-2010, 05:45 PM
اعتقد فعلاً مش هتفرق التعيين هيتم منين كده كده لما تفتح هيخدوا ولاد المستشارين
امال عاملين الكلام ده كلة لية

so 2006
14-01-2010, 06:12 PM
لا هيفرق كتير جدا ولكن هناك لغز لا يعلمه الا القليل ولا يجوز ذكره على المنتدى , وان شاء الله ربنا يكرمكم وتتعينو .
ولكن الى الان لا توجد اخبار مؤكده كل ما يحدث محولات فقط وظغط بشكل جامد عشان ولاد المستشارين ولكن الله اعلم بما يحدث وما سيحدث .
تحياتى للجميع ..

الحاكم العسكرى العام
14-01-2010, 06:22 PM
السلام عليكم ورحمة الله وبركاته

أولاً تحية طيبة إلى معالى القاضى أسامه بك فايد
ثانياً يا شباب أتمنى فهم كلامى جيداً لقد قلت أن الوزير يريد إما أن تكون تعيين دفعة المساعدين عن طريق الوزارة وإما لن تفتح أصلاً

مسلم مجتهد
14-01-2010, 07:05 PM
ياجماعة الوضع هيختلف اختلاف تام لو التعين تم عن طريق الوزير وغدا تعرفوا السبب

مرحبا بك اخى اسامة منور

so 2006
14-01-2010, 07:13 PM
كل الشكر لاخى وحبيبى معالى المستشار وائل بيه , واخى الغالى فيبس ربنا يوفقك باذن الله تعالى وان شاء الله ربنا يكرمكم جميعا وتفتح الدفعه التى طالت انتظارها .

albalshy
14-01-2010, 08:35 PM
انتوا تقصدوا تقولوا ان الوزير لو سيطر على موضوع دفعة المساعدين هايرفض تعيين اولاد المستشارين من ذوى المقبول ؟؟؟؟؟؟؟
أو انه ممكن يوضع للدفعه شروط معينه لا تنطبق أصلا على اولاد المستشارين ؟؟؟؟؟؟؟ مثلا بتقدير جيد ؟؟؟؟؟؟؟
علشان كده الصدام مازال محتدم بين الوزاره و مجلس القضاء ؟؟؟؟؟؟؟

so 2006
14-01-2010, 08:42 PM
لا يا باشا مش ده الى مقصود

سنووايت تويو
14-01-2010, 09:04 PM
طيب يا جماعة بعد اذنكوا
انا عايزة اعرف ايه الفرق لو التعيين تم عن طريق الوزارة ؟؟

بجد ضرورى عايزة اعرف لحاجة فى نفسى
ياريت لو حد يعرف السبب يقولى ان شالله حتى يبعتلى رسالة خاصة لو مش عايزييين تقولوا على الصفحة دى
بس ضرورى ضرورى ضرورى عايزة اعرف لو سمحتوا

تحياتى واحترامى للجميع

لا تنسي ذكر الله
14-01-2010, 09:38 PM
يا جماعة احنا مش عايزين نتعب اعصاب بعض يعنى مش كثرة مشاركات يعنى نقتصر على المعلومات الاكييده فقط وهذا رجاء ليس اكثر ,<ما كان لك سوف ياتيك>

ابن حجر العسقلانى
14-01-2010, 10:11 PM
السلام عليكم ورحمة الله وبركاته



لم أرد أن أشارك فى هذا الموضوع إلا عندما يأتينى خبر مؤكد , أما وقد أتانى فإليكم نصه
طلب القضاه ( ممثلين فى مجلسهم ) من الرئيس تعيين أبنائهم الحاصلين على مقبول فرد عليهم الرئيس أنه لا يمانع طالما أنه لا توجد مخالفة للقانون وقال لهم نسقوا مع الوزير فى هذا الشأن والوزير وافق بل رحب بالموضوع ولكنه وضع شرط واحد أن تعين هذه الدفعة عن طريق الوزارة وهو ما وضع القضاة فى موقف صعب إما أن يقبلوا أن تهيمن الوزارة على تعيين هذه الدفعة وتعين أبنائهم وإما أن يرفضوا ولا يتم تعيين أبنائهم , وعلى حد علمى أن عادل بيه عبد الحميد لن يوافق على هذا الموضوع بسهوله.


عموماً ستبين لنا الأيام نتيجة هذا الصراع المستمر بين الوزارة ومجلس القضاء فى الهيمنة على شئون القضاء.



نرجو سماع رأي ابن حجر العسقلاني واصحاب المصادر الموثوق منها

فيما يقوله الصديق الحاكم العسكري العام

وشكرا علي سعة صدركم

بعد التحية ,,,
معلوماتى أن الرئيس لم يقول لعادل عبد الحميد نسقوا مع الوزير بل قال له اتصرف من غير ما ترجع للوزير وارجعلى انا شخصيا .
وأيضا الوزير لو الموضوع فى يده فقط ولم يأتى الأمر من الرئاسة لم يوافق على موضوع المقبول نهائيا حيث أنه من قام بهذا التعديل ومنع المقبول من التقديم بدون مقدمات .
ومن الصعب بل من المستحيل أن يكون أمر تعيين الدفعة فى يد الوزير حيث أنه ليس له أى سلطة فى مجلس القضاء الأعلى الذى خول له القانون تعيين أعضاء النيابة العامة والقضاء العادى .
مع كاما إحترامى بالطبع لصديقى الحاكم العسكرى , معلومة إشراف الوزارة على الدفعة كلام غير سليم , فكيف يتسنى لها الإشراف على الدفعة؟؟ .
واعتقد أنه بعد أنتهاء الكشف الطبى لدفعة 2008 وانتهاء اجراءات التعيين من قبل المجلس , سوف تشهد الأيام كشف الكثير والكثير من الحقائق .



أحبكم في الله لا غير وأرجوا لكم كل خير .

بالله عليكم نسألكم الدعاء بظهر الغيب .



:hi::hi::hi:


أَغَيْرَ اللَّهِ أَبْغِي رَبًّا وَهُوَ رَبُّ كُلِّ شَيْءٍ ؟؟

الحاكم العسكرى العام
14-01-2010, 11:06 PM
السلام عليكم ورحمة الله وبركاته

تحية طيبة لمشرف المنتدى المحترم إبن حجر العسقلانى
يا شباب الموضوع بالنسبة للمتقدمين لن يفرق كثيرا من الذي سيعين الدفعة الموضوع موضوع هيمنه فقط , يا أستاذ إبن حجر أنا لا أدافع على الخبر الذى أتيت به ولكن هذا ما علمته من إجتماع تم فى النادى وأن الحكومة تريد أن تمسك برقبة القضاء فى أن يكون تعيين أبنائهم الحاصلين على مقبول فى يدها تخيلوا وقتها مدى قوة نفوذ السلطة التنفيذية داخل مجلس القضاء ستكون هى الملجأ الوحيد للقضاه لتعيين أبنائهم كما أن الرئيس لم يقل ذلك لعادل بك بل رمى الموضوع فى يد السلطة التنفيذية , فاكرين موضوع الأكاديمية
كما أنه إذا تم تعيين دفعة المساعدين عن طريق الوزارة لن يسود العرف السائد الأن من أن كل هيئة تشيل ولادها فجميع أبناء المستشارين فى كل الهيئات سيعاملون معاملة واحدة وهذا قد يقلل من فرص فتح دفعات موازية فى باقى الهيئات اللهم بالقدر الازم لدخول بنات المستشارين
ولقد سمعت أن مجلس الدولة عمل حصر لأبنائه فلم يجد من حاصل على مقبول فقرر أنه لن يفتح دفعات مندوبين حتى لو فتحت النيابة مساعدين
عموما إن غداً لناظره قريب
هذا ما أعلمه وقد يكون خطأ لذا أهيب بأخى معالى القاضى أسامة بك فايد أن يعلق على مشاركاتى

سبيط
15-01-2010, 01:35 AM
تحياتي للعضو الفاضل الحاكم العسكري العام بالنسبة لأخر تعليق كتبه فأريد التعليق علي معلومة أن مجلس الدولة عمل حصر لأبنائه فلم يجد من حاصل على مقبول فقرر أنه لن يفتح دفعات مندوبين حتى لو فتحت النيابة مساعدين

هذة المعلومة تكاد تكون صحيحة في دفعات دون الدفعات الأخري بمعني ان أكيد هو يقصد ان في دفعات معينة مفيهاش مقبول وده فعلا ولكن في دفعات أخري فيها مقبول بالفعل ابناء مستشارين بالمجلس حاصلين علي تقدير مقبول وانا اعرف منهم البعض بأسمائهم الرباعية من دفعة 2004 و 2005 و 2007 ولا أعرف هل يوجد في دفعة 2006 أم لا ؟ ولكن عددهم محدود جدا مش كتير قد لا يتعدي العشر أو أقل .

وأحب أن أطمئن الجميع بأن مجلس القضاء الأعلي هو صاحب قراره حاليا خصوصا بعد زيارة الرئيس له فأكيد من الصعب أن يوافق مجلس القضاء بان يجعل التعيين في قبضة الوزارة خصوصا وان الكل منتظر فتح هذة الدفعة من سنوات لتعيين ابناء المستشارين فكيف يتركون الأمر للوزير بأن يضع شروط عليهم في التعيين ؟ فأكيد مجلس القضاء سيتصدي لذلك وحتي لو كان التعيين من خلال الوزارة فأكيد الشروط اللي هيضعوها هتكون بضوابط وبموافقة مجلس القضاء .

المادة 116 فى الفصل الاول من الباب الثالث من قانون السلطة القضائية والتى تحكم تعيين مساعد النيابة سواء بالترقية او بالتعيين :-
يشترط فيمن يعين مساعدا بالنيابة العامة ان يكون مستكملا الشروط المبينة فى المادة 38 على الا تقل سنه عن احدى وعشرين سنة.
ولا يجوز ان يعين احد مباشرة من غير معاونى النيابة فى وظيفة مساعد نيابة الا بعد تادية امتحان تحدد شروطه واحكامه بقرار من وزير العدل بعد موافقة مجلس القضاء الاعلى للهيئات القضائية وبشرط ان يكون مقيدا بجدول المحامين المشتغلين امام المحاكم الابتدائية ان كان محاميا او ان يكون قد قضى سنتين متواليتين مشتغلا بعمل قانونى ان كان من النظراء.

أظن نص المادة واضح وان شروط الوزارة لابد ان يوافق عليها مجلس القضاء الاعلي فلا تقلقوا واصبروا شوية لأن المواضيع دي بتاخد وقت شوية علشان يبقي في إرضاء لكافة الأطراف وحتي تخرج الدفعة في الشكل القانوني المناسب وأرجو ان يكون كلامي واضح ولا يوجد به التباس وبالتوفيق للجميع

so 2006
15-01-2010, 05:00 AM
انا لا اعلم اى حاجه عن موضوع مجلس الدولة بصراحه لكن حكايت انه فى اختلاف فى التعين من الوزاره ام من المجلس القضاء فده لا يجعل مجال للشك وخلى بلكم ان الوزاره لازم توافق حتى ينزل الاعلان يعنى مينفعش المجلس ينزل الاعلان من دماغه ...
نصيحه لا تشغلو بالكم بمن سيعين الاهم متى ستفتح وهل اصبح هذا الكلام حقيقى هناك ضغط جامد جدا جدا جدا فى هذه الايام لفتح تلك الدفعه ولكن الى الان لم يحدد اذا كانت هتفتح ام لا الى يقلك هتفتح لا تصدقه وال يقول مش هتفتح لا تصدقه , ومفيش حاجه فى يناير .
ولعلمكم الوزير مش سيء للدرجه دى الى انتو متخوفين منها وهو راجل بيحب يعدل حتى لو فى شوية مجملات فهناك درجات يتركها لاصحاب الحق ...
تحياتى للجميع وان شاء الله نبارك بنزول الاعلان قريبا .
ويارب يسعدكم جميعا .

safrota
15-01-2010, 02:20 PM
يا جماعه انا اسفه انى مش متابعه الموضوع من الاول بس انا عايزه اعرف هى الدفعه ديه من ابناء المستشارين بس ولا ممكن يكون فيها ناس عاديين

مسلم مجتهد
15-01-2010, 04:05 PM
لا ياخى العزيز ليست لابناء المستشارين فقط بل الى الجميع الذى تنطبق عليهم الشروط

حب الحياة
16-01-2010, 03:03 PM
السلام عليكم. يا جماعة انا نفسى اعرف حاجة واحدة هو بعد قد ايه نعرف ان خلاص مافيش دفعات حتفتح للجايبين مقبول_لان بصراحة على حد علمى ان الوزير هو مهندس القانون السلطة القضائية الجديد_وان الوزير هو الاكيد الى حاطط عراقبل علشان الدفعة تتفتح_وكل شوية الوزير يقول وعادل عبد الحمد يقول ومافيش تنفيذ_ارجو الرد من مشرفين المنتدى

safrota
16-01-2010, 04:29 PM
طيب لو سمحتوا ممكن تقولولى ايه هى الشروط

عاشق عمرو ذكى
17-01-2010, 05:12 AM
بصوا ياجماعة انا لقيت حاجة تهم الموضوع من جريدة الجمهورية

قضاة الإسكندرية يؤيدون الاستقرار
عجوة رئيسا للنادي.. ولجنة لتعديل اللائحة
الإسكندرية - أشرف حجاج
اسفرت انتخابات نادي قضاة الإسكندرية التي تمت لاستكمال مدة المستشار اسماعيل أدهم البسيوني رئيس النادي السابق بعد بلوغه سن المعاش وعلي مقعد النيابة الخامس لانتقال المستشار حسام الباجوري للقضاء عن فوز المستشار محمد عزت عجوة رئيس النادي الأسبق لعدة دورات بمنصب الرئيس بعدد 557 صوتا وفوز وكيل النائب العام كريم محمد سالم رشوان بمقعد النيابة بعدد 484 صوتا..وكان النادي قد بدأ انتخاباته بمنع ممثلي وزارة التضامن من الاشراف علي العملية الانتخابية بأمر من الرئيس السابق بدعوي ان استقلالية القضاء ممتدة لناديهم وبدأ توافد المستشارين واعضاء النيابة حيث حضر 1080 صوتا من اجمالي 2600 صوت لهم حق التصويت..وعقب انتهاء الانتخابات واعلان النتيجة من المستشار سعد عبد الله رئيس اللجنة المشرفة علي الانتخابات انتقل القضاة من نادي مصطفي كامل للنادي البحري بسابا باشا حيث عقدوا جمعية عمومية طالبوا فيها بتشكيل لجنة لتعديل لائحة النادي خاصة المادة 14 التي كانت سببا في عدم استكمال المستشار اسماعيل البسيوني لمهمته كرئيس للنادي.
كما اعترض كثير من اعضاء الجمعية العمومية علي كلمات المستشار محمد عبدالمقصود فاضل من محكمة المنصورة حول الاستقلال وطالبوا بعدم أقحام السياسة في نادي القضاة.. واعترضوا ايضا علي طرح أحد المستشارين لفكرة وجود ابناء القضاة داخل السلك القضائي حتي ولو كان تقدير التخرج من كلية الحقوق مقبولاً.

هل معنى ذلك ان القضاة رافضين المساعدين والمقبول ؟ الواحد مبقاش عارف حاجة

شهيد مرعى
17-01-2010, 05:47 AM
الأخ الفاضل عاشق عمرو ذكى يوم أجتماع القضاه فى النادى النهرى لحل مشكله أبناء أبنائهم الحاصلين على تقدير مقبول كان المستشار الفاضل محمد عزت عجوه هو أكتر شخص متحمس للموضوع و قال باللفظ الموضوع دا لازم يتحل بأى طريقه من الطرق...

- هتلاقى المستشارين اللى معترضين على الموضوع دا بتوع تيار الأستقلال مثل المستشار مكى الذى رفض بشده فكره المساعدين و قال أنا متعاطف مع زملائى لكن العاطفه شى و القانون شى أخر ... و لم يراعى أن أبنه ألتحق بالهيئه بتقدير مقبول و لم يراعى أيضا أن غلق هذه الدفعه كان بسببه هو و من يسمو أنفسهم تيار الأستقلال

- أنا كل اللى متأكد منو أن المستشار عزت عجوه متحمس لفتح هذه الدفعه و أنه من ضمن اللجنه الذى شكلها الأجتماع لحل المشكله ( طرق كل الأبواب المغلقه) كما قال المستشار الفاضل أحمد الزند باللفظ

rai_uno1
17-01-2010, 06:39 AM
الواضح ان موضوع دفعة المساعدين مش واضح له معالم الي الان

ولا يستطيع احد ان يجزم عن قرب فتح دفعة المساعدين ام لا

لان سمعت ان في دفعة 2008 هيتعين فيها تظلمات

ياريت نفهم او مثلا تحذف اي مشاركة مفيش فيها معلومة مفيدة ومؤكدة عن دفعة المساعدين حتي

لا يحدث اللبس والتوتر

واسف علي الاطالة بس بجد غصب عني

شهيد مرعى
17-01-2010, 01:10 PM
الأخ rai_uno1 لا مجال للتظلمات فى دفعه 2008 فالتظلمات ما هى الا سراب لكن موضوع المساعدين فيوجد ما يؤكد الدعوه لفتحها و ليس كلام منفرد بل بناء على تصريحات و أجتماعات ولكن يجب أن نتحلى بالصبر

albalshy
17-01-2010, 05:13 PM
يعنى من الاخر المساعدين ظروفها ايه يا جماعه ؟؟؟؟
نرجو افادتكم بشده بسبب ما قيل مؤخرا ان المساعدين ليس لها محل من الاعراب نهائيا

mohamed abd elrahman
17-01-2010, 06:04 PM
والله اعلى واعلم
ان شاء الله دفعة المساعدين هتفتح فى اخر الشهر ده او فى شهر اثنين
هذا ما وصلنى حتى الان
والله الموفق

albalshy
18-01-2010, 12:22 AM
اين باقى تعليقات الساده الاعضاء و المشرفين ؟؟؟؟؟
نرجو التكاتف و التعاون و التضامن فى هذه الفتره الحرجه

albalshy
18-01-2010, 05:37 PM
اين باقى الاعضاء و المشرفين ؟؟؟؟؟
انتوا مشغولين بنتائج الكشف الطبى ل 2008 ولا ايه ؟؟؟؟؟؟
ربنا يكرمنا كلنا يا رب

فرعون القانون
18-01-2010, 07:57 PM
مبروك لكل الى نزلهم كشف طبى وربنا يوفق الجميع وان شاء الله دفعة المساعدين هتفتح بعد الكشف الطبى

هل ممكن يا جماع دفعة المساعدين تتفتح فى شهر 2 بعد الانتهاء من دفعة 2009 نيابة ادارية


ممكن ابن حجر يرد ويجوبنى

حب الحياة
18-01-2010, 08:57 PM
انا نفسى اعرف هو مافيش اخبار ولا ايه

كيمو!!
18-01-2010, 10:26 PM
هناك اقاويل ان مر شهر 2 علينا ولم يتبين خبر جدى من احد المسئولين عن هذا الموضوع فالامر اصبح؟؟؟؟
انتم تعلمون
بس المور مبشره ومطمئنه حتى الان!!!

الكويتى
19-01-2010, 11:19 PM
اخوانى.......ان شاء الله هجبلكم الخبر اليقينى والاكيد عن المساعدين وموعد الاعلان هنا بالظبط الاسبوع القادم ان شاء الله.

محمد 2009
20-01-2010, 08:32 AM
الدنيا ساعة اجعلها طاعة النفس طماعة علمها القناعة اكسب رضا ربك

ابن حجر العسقلانى
21-01-2010, 05:34 AM
مبروك لكل الى نزلهم كشف طبى وربنا يوفق الجميع وان شاء الله دفعة المساعدين هتفتح بعد الكشف الطبى

هل ممكن يا جماع دفعة المساعدين تتفتح فى شهر 2 بعد الانتهاء من دفعة 2009 نيابة ادارية


ممكن ابن حجر يرد ويجوبنى



انا نفسى اعرف هو مافيش اخبار ولا ايه

بعد التحية ,,,
بالفعل اليومين دول مفيش جديد .
والمعلومات متوقفة عند عزم مجلس القضاء الأعلى فتح دفعة المساعدين خلال هذين الشهرين - شهر يناير وفبراير - وعدم اعتراض الوزير على الدفعة .
ولا جديد غير ذلك , ولا بد أن يعلم الجميع أنه ليس من اسلوبنا كثرة المشاركات بلا فائدة ومادام ليس هناك مشاركات جديدة , إذا ليس هناك جديد عما ذكرناه سابقا .
وهناك تحليل للموقف حاليا : وهو أن المجلس منشغل حاليا بإنهاء إجراءات تعيين دفعة 2008 , وبالتالى سوف تظهر الكثير من الملامح لهذه الدفعة بعد الإنتهاء من هذه الإجراءات .
بالتوفيق للجميع , وبفضل الله إن جد جديد سنكون أول من نوافيكم به , فنرجوا الصبر وأن تكون المشاركات فعالة ولخدمة الموضوع وفقط .


:hi::hi::hi:

لا تنسي ذكر الله
21-01-2010, 06:54 PM
شكرا بن حجر العسقلانى على مجهوداتك وبجد انا بثق فى كلامك ومستبشرة خير ان شاء الله

فرعون القانون
22-01-2010, 04:13 AM
شكرا للاستاذ ابن حجر
بالفعل هو ده الكلام المنطقى

safrota
22-01-2010, 04:56 AM
يا جماعه لو سمحتوا حد يجاوبنى هو لازم شرط المحامى الابتدائى ولا ممكن محام جدول عام

شهيد مرعى
22-01-2010, 05:15 AM
لا لازم شرط قيد أبتدائى أو العمل فى وظيفه قانونيه مده سنتين متتاليتين

فرعون القانون
22-01-2010, 04:01 PM
لا لازم ان تكون مسجل ابتدائى يعنى مريت بسنتين جدول عام او سنة جدول عام ومعاك دبلومتين

حمادة2008
23-01-2010, 04:44 PM
السلام عليكم_انا محمد ومتابع مشاركتكم ولكن حبيت اكون عضو فى هذا المنتدى لانى لسه واصلنى خبر احب انكم تعرفوه_والد صحبى مستشار وفى مصر راحوا لرئيس مجلس القضاء وقلولوة احنة سمعنة مواعيد كتيييييييير _فقلوهم بالحرف الواحد (ايه دة كلة انا لسة مواعدتكمش بحاجة)
يعنى ربناااااااااااا يسترررر

انا اعتقد بتحليلى للكلام دة ان لو فى حااجة وجدية كان قلهم علشان يريحهم
ارجو رد مشرفين المنتدى

فرعون القانون
23-01-2010, 06:01 PM
ازاى يا استاذ الكلام ده اولا: بدء حصر ابناء المستشارين لمعرفة عددهم

ثانيا:وبعدين الرئيس محمدحسنى مبارك قال لعادل بيه عبد الحميد اتصرف وارجعلى انا شخصيا

ثالثا:وقانون المحاماة الجديد يكفل فرص للمحامين للعمل بالقضاء

رابعا: قانون السلطة القضائية ينص على تعين مساعدين

انا راى ان احنا نسبها لله وربنا ان شاء الله مش هيخيب ظن عباده فيه
ومتقلقوش يا جماعة ان شاء الله الدفعة هتفتح بعد اعلان اسماء المعينين فى النيابة العامة دفعة 2008 والنيابة الادارية دفعة 2007
ده فى اعتقادى ان شاء الله خير

حمادة2008
23-01-2010, 06:09 PM
يا استاذ مصطفى انا حاسس من كلام المستشار عادل عبد الحميد ان فيه تخبط او كدة جوة المجلس اصلا
انت نسيت يا استاذ مصطفى فى الجمعية العمومية لنادى قضاه اسكندرية ان فى مستشارين رافضين الموضوع من اساسة
على العموم ربنا يسترهة ان شاء الله تفتح لو لينة نصيب فيهة

شهيد مرعى
23-01-2010, 06:37 PM
يا أستاذ حماده من جهه وعد المستشار عادل عبد الحميد فهو وعد وقال أن شاء الله بعد 2008 هنحل الموضوع دا

أنا معاك أن أحنا سمعنا وعود كتير و أخبار أكتر ... بس أنا واثق كل الثقه فى المستشار الفاضل أحمد الزند أنو هيوصل لحل أن شاء الله عن قريب مع مجلس القضاء

كما أننى واثق من موافقه المستشار عادل عبد الحميد لأن قلبه طيب جدا ولا يرضى بالظلم الذى وقع أبدا بالأضافه للمستشار عبد المجيد محمود النائب العام أثق كل الثقه لموافقته أيضا (كلام على لسانه شخصيا )

لن يبقى عائق الا وزير العدل الذى يعترض طريق أى شى

ندعو الله أن يكون الكلام الذى يردد على لسان الرئيس حسنى مبارك للمستشار عادل عبد الحميد صحيح لو صح ستظهر هذه الدفعه للنور فى أقل من شهر بعد صدور قرار دفعه 2008

كيمو!!
23-01-2010, 10:30 PM
هذا الكلام صحيح وانا اؤيده.... فدعونا نصبر شويه دول الى خلانا نصبر كل هذه السنين نصبرال شهرين دول ولله العلم منقبل ومن بعد
تمنياتى بالتوفيق للجميع

مهند
24-01-2010, 03:20 AM
السلام عليكم
ياجماعه وصلنى من مصادر موثوق منها ان الدفعه قريباااااا جدا اطمنوا

fox_81
24-01-2010, 04:12 AM
ماهي شروط المتقدم لدفعة المساعدين من نص القانون لو تسمحوا

king of romance
24-01-2010, 04:27 AM
طب هى لو سمحتوا يعنى لو نزلت لدفعة 2006 مثلا و 2007 طيب ما دفعة 20077 لسه ماسجلوش إبتدائى واللى سجل

مبقالوش سنة إبتدائى ولا هيا لازمن تبقى بقيت إبتدائى وخلاص بدون مرور سنة عليك وإنته محامى إبتدائى أرجو الرد

لو سمحتم

و صحيح بردجو معلش ممكن نعرف هيبقى فى مجال لو حد مش إبن مستشار إته يسحب الملف من أصله ويمشى فى

إجراءاتها ولا إيه النظام ؟؟؟؟؟؟؟؟؟؟؟؟

شهيد مرعى
24-01-2010, 04:44 AM
يا كنج المهم تكون مسجل أبتدائى حتى لو أمبارح ... أما بالنسبه لو ربنا أراد و الدفعه فتحت فهتفتح للكل مش لولاد المستشارين بس بالعكس هيكون العدد الأكتر من غير أبناء المستشارين علشان الصحافه و القيل و القال

king of romance
24-01-2010, 05:16 AM
الله يطمنك يا شهيد ولو نزلت وربنا كرم والله هيبقالك الحلاوة إن شاء الله :(

فرعون القانون
24-01-2010, 05:53 PM
شرط القيد الابتدائى اتى مرن فى المساعدين ولم يذكرو مدة معينة للقيد

حمادة2008
24-01-2010, 06:12 PM
السلام عليكم_ماهو لازم يا استاذ مصطفى علشان تقيد ابتدائى ان يمر عليك سنتين من بدا القيد كجدول عامااو سنة ودبلومتين

ابن حجر العسقلانى
25-01-2010, 12:12 AM
السلام عليكم
ياجماعه وصلنى من مصادر موثوق منها ان الدفعه قريباااااا جدا اطمنوا

بعد التحية ,,,
هذا بالفعل ما وصلنى اليوم .
أبشرووا يا رجال .

m.khairy
25-01-2010, 03:20 AM
استاذ ابن حجر العسقلانى ممكن تقول لنا قريبا جدا يعنى خلال كام يوم وتحياتى لك

فرعون القانون
25-01-2010, 03:24 AM
ممكن سؤال للاستاذ ابن حجر

هل لو نزلت دفعة مساعدين بمشيئة الله هذا العام لدفعة 2006 و2007
ممكن تنزل لدفعات 2008 و 2009 فى اى عام او بعد كام عام

واستفسار اخر هل العمل بهيئة الرقابة الادارية يعتبر عمل قانونى يعتد به فى هذه الدفعة

شهيد مرعى
25-01-2010, 03:25 AM
يا أستاذ m.khairy قريبا جدا دى ممكن تكون خلال أسبوع أتنين شهر فى الحدود دى لكن أمته بالظبط مفيش حد يعرف يقول غير رئيس المجلس دا لو هو نفسو حدد

حمادة2008
25-01-2010, 08:04 AM
شكراااا_لشهيد مرعى عالتوضيح

كريم المصري..
25-01-2010, 09:20 AM
السلام عليكم...
ممكن سؤال يا جماعه لما ربنا يسهل ان شاء الله ويتم الاعلان عن الدفعه طيب هيبقي ايه نظام الامتحان وهل هيبقي في مده بين الاعلان وبين الامتحان تسمح بالمراجعه وهل هيدونا كتب وهل هيبقي الامتحان في يوم ولا اكتر من يوم انا اسف علي ان الاسئله سابقه لاونها بس عشان نقدر نستعد من دلوقتي وربنا يوفقنا كلنا ان شاء الله.

الحاكم العسكرى العام
25-01-2010, 01:16 PM
السلام عليكم ورحمة الله وبركاته

يا شباب إنتوا ليه شاغلين أنفسكم بحاجات سابقه لأوانها لما يبقى ينزل الإعلان هنعرف كل حاجه.
وفى حاجه غريبه جداً عرفتها إمبارح كنت جالس فى نادى القضاه وتعرفت على مستشار رئيس إستئناف ودردشنا مع بعض شويه وفى سياق الكلام قال لى حاجه غريبه جداً قال لى أن عادل بيه عبد الحميد قال له أن المجلس سينظر تظلمات 2006 و 2007 بعد دفعة 2008 والله هذا حدث
أنا نفسى مستغرب هل هيقبلوا دفعة مساعدين وتظلمات ولا فى إيه بالضبط الحقيقه مش عارف أنا بس قلت أقولكم على سمعته بنفسى .
عموماً إن غداً لناظره قريب

حمادة2008
25-01-2010, 05:43 PM
السلام عليكم_والله انا بشوف يا حاكم العسكرى _ان لو عيزين يفتحوهة كانوا فتوحة من بعد موافقة رئيس الجمهورية وطلب دفعة 2009 جيد_بس لاسف كما تقول بعض المنتديات ان المجلس يحكمةثلاث رؤساء وليس رئيس واحد

هاني المصري
25-01-2010, 11:10 PM
دفعه المساعدين مفتحتش من 1997فهل احد يعرف هتفتح ةمن سنه كام هل من سنه ى1997

rai_uno1
26-01-2010, 12:16 AM
واضح من كلام الحاكم العسكري ان موضوع دفعة المساعدين لم يحسم بعد والي الان مازال الغموض يخيم علي دفعة المساعدين

فاتمني من الاخ الكريم ابن حجر العسقلاني لو فيه معلومات يفيدنا بيها مشكورا

والاخ العزيز الكويتي كان قال في مشاركة ان هيعرفنا الخلاصة عن الدفعة هذا الاسبوع

فنرجو الرد ونأسف علي الاطالة

لا تنسي ذكر الله
26-01-2010, 01:59 AM
انا لو سمحتوا ليا اسفسار ارجو الرد عليه كل المشاركات او معظمها تدور حول دفعتى 2005- 2006طيب وربالنسبة للدفعات التى سبقتها 2003-2004 مفيش اى احتمالية لورودها فى الدفعة نرجو الرد

هل لو فتحت تلك الدفعة ان شاء الله -اللهم قدر الخير اينما كان-هل ستفتح دفعات مقابلة لها فى الهيئات الاخرى وهل ستلتزم فى تلك الحالة بنفس شروط دفعة النيابة العامة خاصة وان لكل هيئة ظروف خاصة بالنسبة لدفعتها اعنى ان هناك هيئات اخدت تظلمات او عينت استثنائية وهيئات لا .أسف للاطالة

فرعون القانون
26-01-2010, 03:29 AM
يا جماعة هذه الدفعة للمتضررين من قانون الجيد وهم 2006-2007-2008-2009
بالنسبة ل 2010 الى لسة متخرجوش القانون انطبق عليهم وهم فى اول سنة فالبتالى الاربع دفع المنوه عنهم هما المتضررين من قانون الجيد لعدم وجود فترة انتقالية عند تطبيق القانون وبالتالى وقع عليهم ظلم كبير اما ما خلاف ذلك من دفعات فكان لهم فرص التقديم فى دفعاتهم بمقبول
دليل ذلك ان هذه الدفعة لم تثار الا من بعد تطبيق قانون الجيد ومن المستشارين الذين لم يتعين اولادهم.

mohamed abd elrahman
26-01-2010, 03:45 AM
ان شاء الله يا جماعه الدفعه هتفتح هتفتح الغموض فى موعد هذة الدفعه لم يتخذ قرار فى ذلك
وان شاء الله نسمع خير قريب

فرعون القانون
26-01-2010, 03:55 AM
استفسار اود استاذ ابن حجر توضيحه لى
هل يعتبر العمل فى هيئة الرقابة الادارية عمل قانونى يعتد به فى التقديم فى هذه الدفعة
لقد سبقى لى طرح هذا السؤال ولم تجاوبنى ايها الاستاذ المبجل
ارجو الرد منك ولك فائق الاحترام والتقدير

king of romance
26-01-2010, 07:01 AM
أعتقد إن الدفعة زى ما الكل بيقول لو هتنزل يبقى حقها تنزل لدفعتى 2006 و 2007 لسببين لأنهم هم اللى اتظلموا مش

قبلهم ولا بعدهم فى الدفعات ثانيا هيكونوا سجلوا إبتدائى ولا إيه ورجاء يا جماعة لو خدمة زيادة من المنتدى لو الدفعة

نزلت أو بدأوا سحب المظاريف يتبعت على الميل ياريت وتتحط فى العناوين الرئيسية للموقع ياريت وشكرا :)

ابن حجر العسقلانى
26-01-2010, 05:05 PM
استفسار اود استاذ ابن حجر توضيحه لى
هل يعتبر العمل فى هيئة الرقابة الادارية عمل قانونى يعتد به فى التقديم فى هذه الدفعة
لقد سبقى لى طرح هذا السؤال ولم تجاوبنى
ارجو الرد منك ولك فائق الاحترام والتقدير


بعد التحية ...
لكى يستطيع التقديم يجب أن تكون مقيد ابتدائى أو تعمل عمل قانونى لمدة سنتين ولو كان عملك فى الرقابة الإدارية فى الشئون القانونية لمدة سنتين وتستطيع الحصول على شهادة بذلك , يبقى كده تمام .
الكل يدخل على هذا الرابط وينشر :
http://www.f-law.net/law/showthread.php?t=33382

الكويتى
26-01-2010, 10:05 PM
ان شاء الله خلال اليومين الجايين دول___بالكتير يوم الاحد

لا تنسي ذكر الله
27-01-2010, 01:04 AM
هل المعلومات دي اكيدة اولا ولو اكيدة ما هى الدفعات التى من المحتمل ان تفتح نرجو الرد

حمادة2008
27-01-2010, 02:34 AM
السلام عليكم_لو سحتم يا جماعة الى عندة معلومات ومتاكد منهة يتكلم ويقولهة_لكن لو سمحتم محدش يقول كلام للتشويق وكدة

يا جماعة لو فتحت مساعدين مش حتفتح ل2009 الا بعد سنتين

ramy katkot
27-01-2010, 03:21 AM
يا جماعة الموضوع دة مهم جدا جدا لالاف من الخريجين ومش عاوزين فية كلام كتير الى يتكلم يبقا متاخد من المعلومة مية فى المية وياريت واتمنى تكون فى خبر يفرحنا كلنا ويبقا فى دفعة مساعدين وخصوصا ل2009 وعاوزن توضيح جااد للظهور او عدم ظهور هذة الدفعة واسف للاطالة وبالتوفيق للجميع

kzakza
27-01-2010, 03:54 AM
2009 عامة فتحت معاونين بتقدير جيد انا شفت الاعلان معلق على الحائط بجوار مكتب المحامي العام اليوم في المحكمة وهذا ان دل على شئ فانما يدل على صعوبة فتح دفعة المساعدين في نفس التوقيت والله اعلم


تصحيح

النيابة العامة بالفعل فتحت لدفعة 2009 بتاريخ 26//12//2009 وقفلت يوم 18//1//2010 حقوق شريعة وقانون وشرطة والمصدر النيابة العامة
وموضوع يوم الاحد دا لتقديم الالتماسات لمن لم يستوف اوراقه

فرعون القانون
27-01-2010, 03:55 AM
اتوجه بالشكر للاستاذ ابن حجر على توضيحه للمعلومة

اطلب من من قال انها يوم الاحد ان يوضح لنا مصدره

ramy katkot
27-01-2010, 04:09 AM
شكرا لااستاذ كذا كذا للاضاحة لكن احنا نفسنا فى الدفعة دى وذلك لانها مش شارطة جيد يكفى المقبول للتقديم فيها

king of romance
27-01-2010, 05:03 AM
يا شباب زى ما قلتلكم إن شاء الله الدفعة لو نزلت قريب إن شاء الله مستحيل بالعقل كده يطلبوا من دفعتى 2008 أو 2009 دلوقتى تيجى إزاى إن الناس اللى هتدخل تسبق زمايلهم اللى جايبين تقدير لازم بيعملوا فى دفعة المساعدين دى سنة أقدمية يعنى أما زمايلك يكونوا بقوا مساعدين من فترة تكون إنته لسه داخل مساعد نيابة إن شاء الله و كده يعنى :)

على حسانين
27-01-2010, 02:30 PM
الدفعه لو نزلت الايام دى حتطلب لحد دفعه 2007 فقط لانها اخر دفعه حاليا مسجله ابتدائى
الله مستعان

لا تنسي ذكر الله
27-01-2010, 02:51 PM
طب بالنسبة ل2003

besyans
27-01-2010, 06:23 PM
لو سمحتو عايزه اسال ان شاء الله لما تفتح الدفعه دى
التعيين حيكون مقتصر على الولاد بما انها نيابه عامه ولا ممكن يطلبو بنات؟

فرعون القانون
27-01-2010, 06:29 PM
النيابة العامة عموما مفيهاش بنات لان عملها لا يتناسب البتة مع طبيعة الانثى
ولا تقبل بنات سواء معاونين او مساعدين

مهند
28-01-2010, 03:06 AM
السلام عليكم
ياجماعه انا وصلى اخبار مفيش معارضه من اى حد داخل المجلس على المساعدين بالعكس الكل متفق من حيث المبدأ
اما الاحتلاف من حيث الدفعات وصلت مذكرة من شخصيه مهمه جدا اسف عن ذكر اسمها انه قد وصله شكاوى بعد صدور القانون ده من دفعه 2003 هذا المسئول بيطالب المجلس بقتح الدفعه من 2003 بناء على شكاوى مستشارين وهنا الاختلاف الى الان لم يحدث اتفاق على عدد الدفعات لكن هناك اتفاق على المساعدين وخلال الفتره القليله القادمه سوف يحسم هذا وتخرج المساعدين الى النور
للعلم كلامى ده ليس فيه ابتكارات من وحى الخيال انما من مصادر قويه جدا جدا جدا وحبيت اضعكم فى الصوره
حتى تكونو على علم بما يحدث
ولله ولى التوفيق

king of romance
28-01-2010, 04:15 AM
بس أعتقد يا مهند إن يبقى بجد من الظلم إنهم يشركوا دفعات مثلا زى 2003 و 2004 و 2005 مثلا وكان أيامهم الدفعة

الأساسية ممكن تدخلها بواسطة وإنته مقبول وممكن تدخل تكميلية كمان يبقى كده كفتة أوى بس عامة المهم إنها تنزل

وخلاص إن شاء الله والواحد لو ربنا كاتبله حاجة وليه نصيب فيها هياخدها بإذن الله :)

مهند
28-01-2010, 05:16 AM
سيدى الفاضل
المشكله مش ان دفعاتهم نزلت ودخلو اختبارات المشكله ان دفعه 2004 اتلعت تظلماتها بحجه مفيش وقت للحاق بتعين دفعه 2005 تكمليه وبالتالى اتلغت ايضا تظلمات 2005 الظلم هنا هما بيعتبروه وقع على المتظلمين من دفعات سابقه لم يبت فى تظلمهم ومن دفعات لاحقه الغيت فيها التكمليه باكملها فالظلم ياسيدى لحق فى دفعات سابقه الغي تظلماتهم وبدفعات مثل 2006 و2007 الغيت التكمليه فيهم بالكامل

ahmed_307
28-01-2010, 06:53 AM
بعد اذن الجميع يعي هو دفعه 2003 لسه حد فيها موجود ولي بيفكر في مساعدين ولي غيره استحاله تبقي دي مشكله ما يفتحو ل 2003 وميخدوش منهم حد لاني اعتقد الكل هيبقي من 2006 و 2007 واعداد متوسطه من2005 والله الموفق

حمادة2008
28-01-2010, 01:22 PM
السلام عليكم_متشكر جدا مهند على هذة المعلومات_ويارب تكون هذة المعلومات صحيحة

مهند
28-01-2010, 06:09 PM
السلام عليكم
ياجماعه انا عارف كويس لما بقول معلومه بتكون ايه مصادرى واعلب الناس ع المنتدى عارفين بجيب معلوماتى منين
والناس دول مين يعنى مش قاعد على قهوه بقول رايى انا لما بدخل اتكلم بتكون عن مصادر ومعلومات
ولله ولى التوفيق

على حسانين
29-01-2010, 03:00 AM
ان شاء الله الخير جاى فى الفتره الا جايه ان شاء الله

فرعون القانون
29-01-2010, 03:24 AM
يا جماعة ممكن تصبرو وان شاء الله هياتى الخبر اليقين ونستريح كلنا

king of romance
29-01-2010, 08:38 AM
ربنا يكرمنا الفترة اللى جاية وخير إن شاء الله وحاضر مش قدام الناس كلها غير الصبر وربنا اللى كاتبهولنا كله حلو إن

شاء الله واللى ليه نصيب فى حاجة هياخدها بإذن الله والله المستعان ومبرووووووووك لينا كلنا يا شباب ومبروووك

لمصر كلها وعقبال ما نفرح بالبطولة إن شاء الله :)

شمس الزناتى
29-01-2010, 09:02 AM
انا منز فتره لم اشارك على المنتدى وتحيه منى لجميع الاخوه فى المنتدى ولكن مااخاف منه ويمنعنى من المشاركه ان يكون الموضوع محل النقاش هو مجرد وهم تم تحويله على ايدينا الى حقيقه مثل موضوع التظلمات والله لا اريد ان احبط احد بالعكس انا بتمنى فتحها لانى من المظلومين من صدور القانون بس الكل مثل الاخ الكويتى بيعطى مواعيد هو وغيره ونبنى عليها امال ثم تصبح بعد زلك سراب اسف على الاطاله ونتمنى من الله ان يحقق لنا جميع مانتمناه امين

ابن حجر العسقلانى
29-01-2010, 08:43 PM
انا منذ فتره لم اشارك على المنتدى وتحيه منى لجميع الاخوه فى المنتدى ولكن مااخاف منه ويمنعنى من المشاركه ان يكون الموضوع محل النقاش هو مجرد وهم تم تحويله على ايدينا الى حقيقه مثل موضوع التظلمات والله لا اريد ان احبط احد بالعكس انا بتمنى فتحها لانى من المظلومين من صدور القانون بس الكل مثل الاخ الكويتى بيعطى مواعيد هو وغيره ونبنى عليها امال ثم تصبح بعد ذلك سراب اسف على الاطاله ونتمنى من الله ان يحقق لنا جميع مانتمناه امين

بعد التحية ,,,
كل التقدير أخى الكريم / شمس الزناتى .
بالنسبة لحديثنا عن موضوع المساعدين : فنحن نتحدث عن شئ يتحدث عنه الجميع بل وصل الأمر إلى اجتماعات بنادى القضاة ووصول الأمر وعرضه على الرئيس , فنحن نتحدث عن شئ وشيك الحدوث بفضل الله , ودائما أقول الأيام تثبت .
أما بالنسبة لموضوع المواعيد : فالأخ الكويتى صديق لى وأعلم عنه الجدية , وإن كنت أرى أن تحديد ميعاد معين أمر صعب ومحل تخمين ليس أكثر , فإن أصاب فله كل التحية وإن أخطأ فلا يلام عليه .
أما بالنسبة لموضوع التظلمات : وإن كنت لا أريد الحديث عن هذا الموضوع , ولكن هذا نقطة تحسب لمنتدانا وإدارته بدون إتهام أحد من إخواننا الذين أكدوا التظلمات , نعم هم مازالوا إخواننا وسيظلوا إخواننا , وطالما تحملنا هجوم الكثير لفتح الموضوع ولكن لحرصنا على عدم خدع الأعضاء وصدق معلوماتنا ظللنا على موقفنا , ولكن الجميع يعلم وجهة نظرى منذ ما يقرب من عامين وهى أنه ليس هناك تظلمات بتاتا وأن المساعدين أقرب من وهم التظلمات , وموضوع التظلمات هذا أثبت حسن إدارة هذا المنتدى وصدقه وتفوقه ولله الفضل كله .


يارجاااال نرجوا الصبر والهدوء .

:hi::hi::hi:

الكويتى
30-01-2010, 01:52 AM
انا مقلتش اى مواعيد....ولا فى اى حد يقدر يدى اى معاد لان لسه لم يستقر على الموعد,,,,, كل اللى انا قلته هجيبلك اخبار تؤكد وجود الدفعه من عدمه بالاضافه الى معاد فتحها ولسه انا مردتش ولا وصلنى هذا الخبر حتى الان

king of romance
30-01-2010, 03:33 AM
صح يا شمس كلام ابن حجر صح فعلا وده اللى حصل بجد لسه محدش عرف ميعاد او حدد ميعاد بالظبط بس ربنا يسهل ويطلع قريب إن شاء الله :)

ابن حجر العسقلانى
30-01-2010, 05:28 AM
المشاركة رقم 1

اخوانى.......ان شاء الله هجبلكم الخبر اليقينى والاكيد عن المساعدين وموعد الاعلان هنا بالظبط الاسبوع القادم ان شاء الله.

المشاركة رقم 2


ان شاء الله خلال اليومين الجايين دول___بالكتير يوم الاحد

المشاركة رقم 3

انا مقلتش اى مواعيد....ولا فى اى حد يقدر يدى اى معاد لان لسه لم يستقر على الموعد,,,,, كل اللى انا قلته هجيبلك اخبار تؤكد وجود الدفعه من عدمه بالاضافه الى معاد فتحها ولسه انا مردتش ولا وصلنى هذا الخبر حتى الان


بعد التحية ,,,
صديقى العزيز / الكويتى , أتمنى أن تكون بخير .
دلوقتى حضرتك قولت فى المشاركة رقم 1 أنك سوف تأتى بميعاد الدفعة الأسبوع التالى وفى الأسبوع التالى شاركت بالمشاركة رقم 2 وقولت أنه بالكثير يوم الأحد , ففهم الكثير وأنا والأعضاء منهم أنك تقصد أن يوم الأحد هو ميعاد فتح الدفعة .
ثم الأن شاركت بالمشاركة رقم 3 وتنفى تحديدك لميعاد .
فنرجوا التوضيح منك يا أخى وصديقى العزيز ؟؟ .

:hi::hi::hi:

شهيد مرعى
30-01-2010, 08:33 AM
الأخ أبن حجر

جميع المصادر تؤكد أنها بعد دفعه 2008 فليس بيدينا غير الصبر الى ما بعد صدور قرار تعين دفعه 2008 ... و أنا معك و مع الجميع أننا كثيرا ما سمعنا وعود و لكن هذه المره تعلم أنت و الكثير أنها خطوات جديه ... فلو لم يستجيب المجلس هذه المره يبقى أمام المستشار أحمد الزند خطوه واحده ان نجحت كان بها وان لم تنجح فليغلق موضوع المساعدين نهائيا و خصوصا مع حلول المجلس الجديد

فرعون القانون
30-01-2010, 04:54 PM
يا جماعة ممكن حد يرد عليا
هل ممكن دفعة المساعدين تقبل من دفعة 2004 لان ليا واحد صحبى عايز يعرف

albalshy
30-01-2010, 07:00 PM
ايوه هاتقبل 2004 ان شاء الله

كيمو!!
30-01-2010, 10:17 PM
فعلا يا شهيد خاصه لو طال الامر اكثر من شهر 3 يعنى من الاخر الموضوع لو نام مش هيقوم تانى خاصه لما يمسك المجلس الجديد وعلى راسه (سرى بك صيام) وكثير يعلم جيدا من هو وما موقفه من هذه الدفعه.. دا غير(احمد مكى) نائب الاول...!!! وانتم تعلمون ليضا رده فى هذا..
اسف ع الاطاله ولكن كنت اوضح بعض النقاط فى هذا وشكراا لاخوتى بالمنتدى

الكويتى
30-01-2010, 11:05 PM
انا كان قصدى ان هيجيلى اخبار عن جدية وجود الدفعه من عدمه بالاضافه الى معاد فتحها وطبعا المعاد ده يعنى يتقالى انها هتفتح فى خلال اسبوع __اتين __شهر__كده يعنى لكن طبعا صعب يتقالى انها هتفتح يوم كذا بالظبط
وبعد كده احد الاعضاء دخل وسال عن الاخبار فدخلت كتبت المشاركه التانيه قلت فى خلال يومين او الاحد بالكتيرهتوصلنى المعلومه(وده طبعا بناء على اللى قالهولى اللى هيجبلى المعلومه)
وطبعا انا كده مقلتش معاد لسه لفتح الدفعه انا بقول معاد هيوصلنى فيه معلومه مؤكده عن جدية الدفعه من عدمه بالاضافه لمعادها التقريبى زى ماقلت لان للاسف فى ناس بتقول ان المساعدين حتى الان مجرد كلام فعشان كده انا مستنى خبر ياكد وجود الدفعه او يؤكد استمرر غموضها.

albalshy
31-01-2010, 12:08 AM
ان شاء الله تجيبلنا الاخبار المؤكده و اليقينه يا استاذ الكويتى
و ان شاء الله تكون اخبار ساره للجميع باذن الله تعالى .

هل الاحداث المؤسفه الاخيره اللى حصلت فى البحيره ممكن تأثر على نزول المساعدين ؟؟؟؟؟؟؟؟؟؟؟

يا جماعه انا قصدى من هذه الاحداث انهم لو طلبوا مساعدين من الممكن انهم ياخدوا ابناء المستشارين فى القضاء العادى و ابناء المستشارين فى الهيئات القضائيه الاخرى و يستبعدوا الناس العاديه اللى مقيده فى نقابة المحامين بسبب الاحداث دى .
ده اللى انا اقصده ويا ريت اعرف أرائكم من وجهة النظر دى .

حمادة2008
31-01-2010, 12:12 AM
يارب تكون اخبار كويسة وسارة للجميع

يا استاذ بلاشى ما هى احداث البحيرة

لو الموضوع كدة يبقة ليس له اى علاقة بالمساعدين نهائيا

على حسانين
31-01-2010, 02:14 AM
يـــــــــــــــــارب


هل تقصد اخى ما جرى من مشادات كلاميه وصلت بالاعتداء على المحامى من قبل وكيل النيابه
اعتقد ان القضاء كان قضاء عادل فى هذا الحدث
تم نقل وكيل النيابه الى مكان اخر اعتقد محافظه الشرقيه فى العاصمه الزقازيق
واعتقد ايضا موضوع دفعه مساعدين ليس لها اى شأن بمثل هذه الاحداث فا هذه الاحداث فا موجود فى حياتنا يوميا
الله المستعان

الصقر الذهبى
31-01-2010, 03:10 AM
بسم الله الرحمن الرحيم
فى البداية انا بحب اشكر جميع الاعضاء وفقكم الله الى ما يحبه ويرضاه وبالاخص بشكر الاخ الكويى وابى حجر العسقلانى انا ما بشركش على المنتدى لكن انا متبعو وبقدر جهد ابى حجر والكويى لان اخبارهم اكثر مصداقية وانا عارف انهم مش عايزين يعشمو حد باى خبر الا بعد الاكد من مصداقيتة 100 فى ال100ودة اللى لنا شاهدتة منذ هيئة قضايا الدولة وان لم يكتب لنا الوفيق والحمد لله على كل حال واحنا منتظرين اخباركم
وان كل اللى وصلنى من احد اصدقائى عمة بالفيش القضاءى اكدلى ان لم يتم حسم التظلمات سوف تفتح دفعة المساعدين فى القريب والله اعلى واعلم وربنا يوفق الجميع

فرعون القانون
31-01-2010, 03:19 AM
نتمنـــــــى من الاستاذ الكويتى فى حين وصول المعلومة له ان يسرع فى ابلاغنا انا دفعة 2009 ولكن اتمنى الظهور لهذه الدفعة لكى يكون عندى امل ان تنزل لدفعتى
والله خيــــــــــ الموفقين ـــــــر


ما هى الاحداث التى حصلت فى البحيرة ارجو التوضيح

يا جماعة زى ما وكيل النيابة فرد له كرامة المحامى لا يقل عنه فى ذلك
فالاثنين تربو فى كلية واحدة ودرسو نفس الدراسة

فما الفرق بينهما ولماذا كل الظلم للمحامين
اقسم بالله انا واحد من الناس من البحيرة ظابط مباحث شتمنى وقمت انا بضربه على اثر هذه الشتيمة
فما كان من النقابة الا ان وقفت بجانبى وتم نقل هذا الظابط


هذه المواضيع لا تؤثر على دفعة المساعدين
اعتقد ان مفيش مستشار هيضحى بتعين ابنه لان وكيل نيابة انضرب

لا تنسي ذكر الله
31-01-2010, 10:22 PM
لو سمحت يا استاذ ابن حجر العسقلانى كنت اود الاستفسار عن احتمالية دفعة 2003 وما هي المشكلة بالنسبة لها نرجو الرد ووشكرا

ابن حجر العسقلانى
01-02-2010, 02:59 AM
لو سمحت يا استاذ ابن حجر العسقلانى كنت اود الاستفسار عن احتمالية دفعة 2003 وما هي المشكلة بالنسبة لها نرجو الرد ووشكرا

بعد التحية ,,,
والله يا جماعة موضوع الحديث عن شروط الإعلان أو ميعاده بالتحديد , هذا من الصعب جدا .
ولا يستطيع أحد التحدث عن هذه الأشياء إلا بنزول الإعلان .
ولابد أن تكونوا على ثـقة 100% ان انا لو عندى أى معلومة تساعدكم سوف أوافيكم بها مباشرة وبكل وضوح ولن أبخل عليكم بها .
وأبشروا وقولوا يارب وقبلها أصلحوا أعمالكم وأنفسكم .


:hi::hi::hi:

albalshy
01-02-2010, 09:10 PM
مفيش اى حد عنده معلومات او اخبار عن سعى نقيب المحامين الى تفعيل المواد المنصوص عليها فى قانون السلطه القضائيه و التى تجيز تعيين المحامين فى القضاء ؟؟؟؟؟؟؟؟؟؟؟
و هل هذا مجرد كلام و خلاص ام انه اقرب الى التطبيق ؟؟؟؟؟؟؟؟؟؟؟؟؟

كيمو!!
01-02-2010, 11:30 PM
اخر خبر وصلنى من جريده الوفد ان عدد دفعه(2008) هو 535 معاون نيابه وده عدد كبير جدااا
مش عارف هل ده مؤثر على دفعه المساعدين ولا لاء
؟؟؟؟؟؟؟

ahmed_307
02-02-2010, 01:33 AM
في راي الشخصي انه عدد قليل ومعقول جدااا

فرعون القانون
02-02-2010, 02:17 AM
لا مش معقول كل سنة بيخدو 490
يعنى فى زيادة 45

حمادة2008
02-02-2010, 02:30 AM
السلام عليكم_يا جماعة دة كلهة مجرد اجتهادات لسة محدش عارف العدد كام بالظبط_استنوا كام يوم لغاية ما ينزل القرار الجمهورى_وعلى اساسهة حنعرف كل حاجة

شهيد مرعى
02-02-2010, 03:39 AM
لو توجهتو لتصريحات و قرارات لوزير العدل و ممثلى الهيئات القضائيه بالمنتدى سوف تجدون أن لا جدوى من مناقشه هذا الأمر ففى جريده الأخبار يوم السبت الماضى على لسان المستشار عادل عبد الحميد أن العدد 400

king of romance
02-02-2010, 05:02 AM
عدد إيه يا شهيد اللى 400 دفعة 2008 ولا المساعدين ????? :(

فرعون القانون
02-02-2010, 07:30 PM
تفاؤلو الخير تجدوه يا شباب ان شاء الله هتنزل


يــــــــــــــــــــــــارب

شمس الزناتى
03-02-2010, 01:37 AM
ارجو من الاخوة الاعضاء فى المنتدى ان يبلغونا باى اخبار تصل اليهم تطمنئنا بان مازال هناك امل فى فتح هزه الدفعة وياريت ان تكون الاخبار هزه المره شبه مؤكده والا لا داعى من المشاركه شكرا والسلام ختام للجميع والله الموفق لنا جميعا

الفتي الطائر
03-02-2010, 03:48 AM
الاخبار المؤكده حتي الان
ان دفعه المساعدين لا تزال مجرد فكره لم يتخذ فيها اي خطوه من المجلس
وحتي في الاجتماعات الاخيره لم يتم التطرق اليها نهائيا من قريب ولا بعيد
اسف علي تلك الاخبار
لكن تلك هي الحقيقه

شمس الزناتى
03-02-2010, 11:12 AM
يعنى الموضوع كان مجرد وهم ولا ايه ياجماعه وبعدين جميع المستشارين واساتزة القانون يقولوا ان هزا القانون مخالف للدستور لعدم وجود فتره انتقاليه لتطبيقه لحين استقرار الاوضاع القانونيه التى اضر بها القانون وهزه قاعده اصوليه معروفه لدى الجميع اللهم ارفع عنا الظلم جميعا انت وحدك القادر على زلك وليس غيرك

n.o.u.r
03-02-2010, 02:00 PM
السلام عليكم ورحمه الله,
احب احى كل شخص وكل عضو بهذا المنتدى انا شخصيا متابعكم منذ فترة تربو على الشهرين وققرت الان ان اشارك معكم ولى الشرف ولى بعض الملاحظات,
اولا| هناك مشاركات كثيرة تاتى بالاخبار وتتضارب مع بعضها.
فهناك من يقول الريس قال واحد تانى يقولك لا مقالش مش عارف النائب العام قال واحد تانى لا مقالش.
فارجو من جميع الاخوة الا يتكلم احد الا بناء على معلومات اكيده وباتصال مباشر باصحاب القرار لان هذا التضارب يتسبب لنا بالاكتئاب واعلموا جميعا ان الخير كله بيد الله.تفتح بقى متفتحش دى فى يد الله ولا احد غيره ولكننا ناخذ بالاسباب
مرة اخرى بعد اذنكم لا ينطق لسانكم الا عن علم اكيد اما بالنسبه للاسئله والتعليق على المشاركات فاهلا بها.
سوف اشارك معكم باذن الله امدكم بالاخبار.
وان شاء الله ما اشارك به هو اخر ما يدور فعلا حول هذه الدفعه
فانا من القاهرة ووسط المعترك حول هذه الدفعه وباتصال دائم بمصادر قويه والحمد لله.
اولا يا اخوتى فى الله فى اجتماع الرئيس بمجلس القضاء الاعلى قال بالحرف الواحد لفتحى سرور شوف موضوع اولادهم يا فتحى
ثانيا بعد اجتماع الرئيس بالمجلس وفى نفس اليوك كان هناك عشاء عمل بفندق الميريديان بالقاهرة بين المجلس وبين رئيس الوزراء ووزير العدل ودكتور فتحى سرور وسياده المستشار احمد بيه الزند رئيس نادى القضاه خلال عشاء العمل هذا قام الدكتور فتحى سرور احمد بيه الزند وقالو خيرا قريبا انشاء الله وهذا على لسان احد الحاضرين
ثالثا قام عادل بيه عبد الحميد والمجلس بالضطلاع على مضبطه جلسات مجلس الشعب فوجدوا انهم بمجلس الشعب لم يتعرضوا لفقرة المساعدين نهائيا اذن يمكن فتحها
وقد خاطب المجلس النائب العام لمعرفة الاعداد المطلوبه والنقص فى الاعداد للساده اعضاء النيابه العامه ليتوقفوا على الاعداد التى سوف تتطلب فى دفعه المساعدين
رابعا لا يوجد احد معترض على هذه الدفعه وان كان يوجد من يعترض فهو ليس النائب العام او عادل بيه عبد الحميد بالنسبه للوزير اذا قالت القياده السياسيه بفتح هذه الدفعه فلا مجال اذا للاعتراض على هذه الدفعه وحتى اذا كان هناك اعتراض من الوزير فهو ليس من اجل العناد مع احد انما من اجل عدم مخالفه ما اقرة مجلس الشعب وهو دخول الهيئات القضائيه بتقدير جيد على الاقل بغض النظر عن دستوريه هذا القانون من عدمه
حتى الان لا يعلم احد ميعاد فتح هذه الدفعه ولكن الاتجاه قوى لفتحها اما بالنسبه للاخوة الذين يقولون بانها ستفتح فى شهر 2 او شهر 3 فكل هذه توقعات ليس اكثر حتى لو من على لسان احد الساده المستشارين هل تتذكرون السنه الماضيه عندما انتشرت الاقاويل وكان الكل يرددها بل ويؤكد على ان هذه الدفعه ستتفتح فى شهر 1 حاء شهر 1 ولم تفتح ثم انتشرت الاقاويل الاكيده بانها ستفتح فى 4 جاء 4 ولم يتم شئ
وبعدين فى نقطه مش واخدين بالكوا منها ان الدفعه لو فتحت مش هتفتح ل 2006 بس لا كمان ل 2007 بالنسبه ل 2006 سجلنا ابتدائى كلنا اما 2007 منهم من سجل ومنهم من هو جدول عام واقترب من التسجيل لدرجة ابتدائى اى امضى فترة العامين وخلال شهرين او تلاته هيكون 2006 و 2007 كلهم ابتدائى لانهم الاكثر ضررا من صدور قانون الجيد اما بالنسبه لدفعات 2008 و 2009فهناك قول شبه اكيد بانه اذا فتحت دفعه المساعدين ل 2006 و 2007 فسيتم فتحها 2008 و 2009 فى وقت لاحق لانهم اصلا ما تجاوزوا فترة السنتين المنصوص عليها بالنسبه للمساعدين

خلاصه القول هناك اتجاه قوى جدا لفتح دفعه المساعدين خلال الفترة القادمه وعليكم ان تعلموا ان الخير بيد الله والله فتحت خير وبركه مفتحتش يبقى ربنا كاتب الخير فى حاجة تانيا ولكن باذن الله خير ولا نملك غير الدعاء لله
واهلا باى تعليق او اعتراض على ما ذكرته فمن الممكن ان توجهونى لشئ لم اخذه فى الاعتبار بالاضافه الى اننا اخوة فى الله جميعا وايضا الغرض واحد وهو طمئنه بعضنا بعضا والله تعالى اعلى واعلم وهو الموفق
تقبلوا مرورى وتحياتى
اخوكم فى الله

albalshy
03-02-2010, 02:28 PM
بارك الله فيك ايها الاخ العزيز و جزاك الله كل الخير .
و شكرا لكلماتك و مشاعرك النبيله .

فرعون القانون
03-02-2010, 04:49 PM
بارك الله لكم يا استاذ نور كلامك جميل ومنطقى جدا
وارجو من حضرتك لو فى اى خبر اكيد عندك لازم تمدنا به
ولك جزيل الشكر والاحترام

كيمو!!
04-02-2010, 12:40 AM
والله يااخوانى الموضوع بدء يزيد عن حده جداااااااا والامر طال كثيراا!!!!!!
انا مع الاستاذ نور الى فى بعض المستشارين مش عارفين اى معلومه وبيدواا مواعيد
الخلاصه:
ان مافيش حد عارف مواعيد ولا حتى بعض اعضاء المجلس على حد قولهم ....
ولله العلم من قبل ومن بعد

البدويهى
04-02-2010, 03:56 PM
http://blogs-static.maktoob.com/wp-content/blogs.dir//139191/files//2009/12/kodaa-3-300x90.jpg

لم ينتهِ النشطاء السياسيون والمعارضون فى مصر من الحديث عن توريث الحكم وضرورة مواجهته حتى تظهر لنا مطالب جديدة من المستشارين بتوريث القضاء وذلك من خلال الدعوات المتزايدة فى الفترة الأخيرة لعدد من القضاة وعلى رأسهم المستشار أحمد الزند رئيس نادى القضاة باستثناء أبناء المستشارين من أحد أهم شروط التعيين فى القضاء والمنصوص عليها فى قانون السلطة القضائية وهو الحصول على تقدير عام جيد للتقدم للعمل فى النيابة العامة.
وكان استثناء أبناء القضاة من هذا الشرط للتعيين فى القضاء هو من أبرز الوعود الانتخابية للمستشار أحمد الزند أثناء خوضه انتخابات نادى القضاة جعل الكثير من القضاة الذين يريدون تعيين أبنائهم فى النيابة العامة وهم حاصلون على تقدير مقبول يساندون “الزند” للفوز برئاسة نادى القضاة.
وقبل لقاء الرئيس مبارك بالقضاة فى احتفالية مجلس القضاء الأعلى تعالت أصوات العديد من القضاة تقترح مطالبة الرئيس مبارك خلال الاحتفال باستثناء أبنائهم من هذا الشرط للحصول على تعيين النيابة العامة.
وقد وجدت هذه المطالبات ردود أفعال مختلفة داخل الوسط القضائى فمنهم من وافق وأيد الفكرة ومنهم من رفض واعتبرها إخلالاً بمبدأ تكافؤ الفرص.
يقول المستشار إسماعيل البسيونى- رئيس نادى قضاة الإسكندرية: إن رؤساء مجالس إدارات نوادى القضاة قدموا مذكرة إلى المستشار عادل عبد الحميد رئيس مجلس القضاء الأعلى لكى يتم استثناء أبناء القضاة والمستشارين من هذا الشرط للتعيين فى النيابة العامة كنوع من التكريم لقضاة مصر.
وأضاف: إن التعيين فى الوظائف الحكومية تكون الأولوية فيه لأبناء العاملين لأن التوريث أمر قائم فى كل فئات المجتمع فلماذا يحرم منه أبناء القضاة خاصة أنهم ينشئون فى بيئة قضائية وتشريعية تؤهلهم للعمل بالقضاء فيما بعد.
وقال المستشار أحمد مكى نائب رئيس محكمة النقض، أحد رموز تيار الاستقلال: إن تيار الاستقلال يتعاطف مع القاضى كأب يريد أن يجد ابنه فى وظيفة جيدة بعد تخرجه ولكن لا يرى مبررًا أن يستثنى أبناء القضاة من أحد الشروط التى تطبق على غيرهم وهو أمر مرفوض مطلقًا.
كما دعا مكى إلى إنشاء مدارس القضاء فى أقرب وقت ممكن لمواجهة ما يتردد حول ترك نادى القضاة لإنجاز تعديل تشريعى بإدخال أبناء القضاة الحاصلين على تقدير مقبول إلى القضاء.
وقال مكى: إن الهدف من إنشاء هذه المدارس أن تستقبل الخريجين وتقوم بالتدريس لهم لإعطائهم ما يؤهلهم للقيام بممارسة مهام المهنة بصورة دقيقة، كما أشار إلى أن هذه المدارس موجودة فى أوروبا وقد سبق أن دعونا لإنشائها فى توصيات المؤتمر المنعقد فى سنة 1986 ولكن لم يستجب لها حتى الآن علمًا بأن السيد الرئيس قد وعد القضاء بتنفيذ توصيات هذا المؤتمر.
وأوضح أن إدارة هذه المدارس يجب أن تكون منفصلة عن المجلس الأعلى للقضاء بحيث تجرى استطلاع على المرشحين من حيث السمعة لا الثروة والكفاءة لا الوساطة مشيرًا إلى أن مجلس إدارة النادى الحالي برئاسة المستشار أحمد الزند يريد استثمار هذه القضية لإرضاء بعض القضاة والمواطنين على حساب قيم القضاء، مشيرا إلى أن الزند استغل تمسك تيار الاستقلال بنصوص قانون السلطة القضائية ودخول الخريج القضاء بتقدير جيد على الأقل كجزء من الدعاية المضادة لزملائه المنتمين لتيار الاستقلال.
وقال المستشار محمد عيد سالم الأمين العام لمجلس القضاء الأعلى: إنه يقدر عاطفة بعض القضاة تجاه أبنائهم ولكن الرأى القانوني شيء والعاطفة شىء آخر، وطالما أن القانون يشترط الحصول على تقدير جيد للتعيين فى النيابة، فإن مجلس القضاء الأعلى ملتزم بذلك إما فى حالة تغيير القانون وإصدار تشريع يستثنى فيه أبناء المستشارين سنوافق عليه فى الحال.
وأوضح لنا أن مجلس القضاء الأعلى ليس من سلطاته تغيير القانون كما أكد أن المجلس لم يتلقَ أى طلبات من جانب القضاة لتبنى هذا الموضوع ولو تقدم أحد بهذا سيتم دراسته ولكنه أكد أن الموضوع سياسي أكثر منه قانونى.
__________________

M_omara
04-02-2010, 04:09 PM
استاذي الفاضل ما مصدر هذه المعلومات ؟؟

ما هو تاريخ النشر ؟ و أين ؟

albalshy
04-02-2010, 06:14 PM
دى مش معلومات دى مقاله صحفيه كانت منشوره سابقا

البدويهى
04-02-2010, 06:48 PM
ايوه يا اساتذه دى مقال منشور سابقا ولكن ماجاء به صحيح من أن القانون يشترط الحصول على تقدير جيد للتعيين فى النيابة، وان مجلس القضاء الأعلى ملتزم بذلك إما فى حالة تغيير القانون وإصدار تشريع يستثنى فيه أبناء المستشارين فانه سوف يطبق و أن مجلس القضاء الأعلى ليس من سلطاته تغيير القانون
.فعلينا الانتظار حتى تعديل هذا القانون

حمادة2008
04-02-2010, 11:50 PM
السلام عليكم_يا استاذ بدويهى عايز اعرفك ان كلة دة مجرد اراء وتكهنات _بس انا فى اعتقادى ان الاقرب هو ظهور دفعة المساعدين للنور وليس تعديل للقانون لان استحالة قانون ينزل وبعديهة بسنتين يتعدل لان طبعا فيهة تناقض من الحكومة نفسهااااااا _وخصوصا ان الوزير نفسة الى صدر القانون فى عهدة لسة مجود فى الوزارة
كل الى ناملة ان يكون فى حاجة بديلة عن القانون وهى( دفعة المساعدين)_هى مشكلة وقت ليس اكتر ولا اقل

فرعون القانون
05-02-2010, 04:01 PM
ازاى بتتمنو نزول المساعدين للمقبول بعد ما المحاكم الابتدائية بطلب موظفين خريجى حقوق بتقدير عام جيد

فرعون القانون
06-02-2010, 04:48 PM
حب لاخيك ما تحبه لنفسك
اولا انت راجل جايب 73 % بس متعينتش ولا نزلك كشف طبى وانت بتتكلم وخلاص
ثانيا فى ناس فى جامعة اسكندرية وعين شمس المقبول بتاعهم ده يعادل الجيد جدا عندك فى القاهرة
ثالثا الى عايز يتعين فى النيابة بمقبول ده حق دستورى له لانه دخل الكلية وعلى علم ويقين ان التعين بمقبول ايه ذنبه انه اترفع جيد

انا عايزك بقى تكتب اسمك كدة علشان نبقى نقراه فى الجريدة ونباركلك ده لو كان نزلك طبى

ahmed_2009
07-02-2010, 02:13 AM
طيب ياجماعة من وجهت نظركم هل حتفتح هذه الدفعة هذ العام ولا لسا بدرى عليها؟

rai_uno1
08-02-2010, 01:23 AM
لاحظت حالة من الترقب الشديد من جميع الاعضاء وقلة مشاركات بشكل ملفت للنظر

فما هو سبب الصمت الرهيب الذي يخيم علي دفعة المساعدين والمشاركات الفعالة

والاخ العزيز الكويتي قال هجيب الخبر اليقين عن وجود الدفعة ده من اسبوع ولا رد علينا لا فيه ولا مفيش

بصراحة مبقناش عارفين في ايه

تحية طيبة الي اخي الغالي ابن حجر العسقلاني

واسف علي الاطالة

حمادة2008
08-02-2010, 01:28 AM
السلام عليكم_الف مبروك لدفعة 2008_العدد الدرجات المالية لدفعة 2008 (525)_هل هذا معناه تقل فرص فتح الدفعة المساعدين او لا؟
لان كان المتوقع ان العدد يقل عن هذا لاتاحاة الفرصة لفتح دفعة المساعدين
ارجو الرد مشرفين المنتدى

mohamed abd elrahman
08-02-2010, 01:34 AM
لا اعتقد ان عدد دفعة 2008 سوف يؤثر على فرص فتح دفعة المساعدين
خصوصاً انه يوجد عجز فى جميع النيابات على مستوى الجمهورية
بالاضافة الى ان فتح دفعة المساعدين اصلاً لدخول ابناء المستشارين بالمقبول بغض النظر عن الاعداد
وان شاء الله استبشروا خيراً قريب

shady87
08-02-2010, 03:42 AM
لو سمحت ياجماعه أنا كنت عايز أسئل علي حاجه لو حصل وفتحت دفعه المساعدين هل حيبقي برده موجود شرط
أن اكون مسجل أبتدائي سنتين ولا لأ لان مش مسجل ؤاانا دفعه 2008 وكنت عايز اسئل علي حاجه يعني انا مثلا لو عاندي واسطه جامده هل فرص حصولي اكبر ولا لا ياريت الرد وهل الشرط بتاع الابتدائي ممكن يتعدل بحيث انو يقللو المده او بشيلو الشرط ولا هو شرط لازم

كريم المصري..
08-02-2010, 01:49 PM
الشرط الاساسي في دفعه المساعدين هو ان يكون الشخص مقيد ابتدائي او مر عليه سنتين في عمل قانوني

ahmed_307
08-02-2010, 11:21 PM
وجوب تعيين المحامين بالقضاء
بقلم: حمدى خليفة

إنه لمن الواضح الجلي لكل من له صلة بالمنازعات القضائية سواء من القضاء أو أعضاء النيابة العامة والمحامين أو حتي المتقاضين أنفسهم‏,‏ أن هناك أزمة استعصت علي كل من حاول الاقتراب منها لحلها وهذه الأزمة تتمثل في التراكم الهائل للقضايا بالمحاكم بمختلف درجاتها وأنواعها‏..‏



وكان السبب الأساسي والمباشر في هذه الأزمة هو قلة عدد القضاة بمختلف درجاتهم‏,‏ بالنسبة لعدد القضايا والمتقاضين‏,‏ وهذا يرجع إلي العدد الضئيل الذي يتم تعيينه في مجال القضاء والوقوف عند مصادر معينة دون غيرها من الهيئات التي يمكن تعيين أعضائها في هذا المجال‏..‏ وليس بخاف علي أحد الآن مدي التكدس الرهيب من القضايا في كل دائرة قضائية سواء جنائية أو مدنية أو تجارية أو شرعية أو غيرها‏..‏ وذلك إلي أن وصلت الأزمة بالفعل إلي حد الكارثة ولم تجد معها الحلول رغم كثرتها‏,‏ فتارة يتقرر زيادة عدد الدوائر القضائية‏,‏ وتارة أخري يتقرر أن تنشأ دوائر مسائية‏..‏ ولم تجد أيضا تعليمات وبيانات الحث علي سرعة الفصل في القضايا‏,‏ ولم تجد التشريعات المتوالية التي من شأنها الانجاز الأسرع في الفصل في القضايا‏.‏
ونحن في هذا المقام ننوه إلي أن المشرع والسلطة التشريعية بأجمعها قد أعياها التفكير في محاولة التوصل إلي حل لهذه الأزمة التي ـ وبحق ـ تسببت في إضاعة بعض حقوق المواطنين‏,‏ وتعطيل البعض الآخر‏,‏ وذلك كله في الوقت الذي يبدو فيه الحل لهذه الأزمة واضحا جليا في نصوص القانون الموجودة بالفعل‏..‏ فلن نحتاج إلي تشريع جديد أو مناقشات طويلة أو إجراءات معقدة‏,‏ بل يكفينا مطالعة قانون السلطة القضائية لنجد الحل الآتي‏:‏
بداية‏,‏ تأتي المادة‏38‏ من القانون رقم‏46‏ لسنة‏1972‏ بشأن السلطة القضائية لتحدد الشروط الواجب توافرها في من يتولي القضاء‏,‏ وهي أن يكون متمتعا بجنسية جمهورية مصر العربية وكامل الأهلية المدنية‏..‏
ألا تقل سنه عن ثلاثين سنة إذا كان التعيين بالمحاكم الابتدائية وعن ثمان وثلاثين سنة إذا كان التعيين بمحاكم الاستئناف‏,‏ وعن ثلاث وأربعين سنة إذا كان التعيين بمحكمة النقض‏..‏ الخ‏..‏ كما تضمنت المادة‏39‏ من ذات القانون‏..‏ يعين قضاة الفئة‏(‏ ب‏)‏ بالمحاكم الابتدائية‏..‏ المحامون الذين اشتغلوا أمام محاكم الاستئناف أربع سنوات متتالية‏,‏ بشرط أن يكونوا مارسوا فعلا لمدة تسع سنوات المحاماة أو أي عمل يعتبر بقرار تنظيمي عام يصدر من المجلس الأعلي للهيئات القضائية نظيرا للعمل القضائي‏..‏ كما تضمنت المادة‏41‏ من القانون نفسه علي أنه متي توافرت الشروط الأخري المبينة في هذا القانون جاز أن يعين‏..‏
أولا‏:‏ في وظائف قضاة من الفئة‏(‏ أ‏)..‏ المحامون الذين اشتغلوا أمام محاكم الاستئناف مدة تسع سنوات متتالية بشرط أن يكونوا مارسوا المحاماة فعلا أو أي عمل يعتبر بقرار تنظيمي عام من المجلس الأعلي للهيئات القضائية نظيرا للعمل القضائي مدة أربع عشرة سنة‏..‏
ثانيا‏:‏ في وظائف رؤساء فئة ب بالمحاكم الابتدائية‏..‏ المحامون الذين اشتغلوا أمام محاكم الاستئناف مدة اثنتي عشرة سنة متوالية بشرط أن يكونوا مارسوا المحاماة فعلا أو أي عمل يعتبر بقرار تنظيمي عام من المجلس الأعلي للهيئات القضائية نظيرا للعمل القضائي مدة سبع عشرة سنة‏..‏
ثالثا‏:‏ في وظائف رؤساء فئة‏(‏ أ‏)‏ بالمحاكم الابتدائية‏..‏ المحامون الذين اشتغلوا أمام محاكم الاستئناف خمس عشرة سنة متوالية بشرط أن يكونوا مارسوا المحاماة فعلا أو أي عمل يعتبر بقرار تنظيمي عام من المجلس الأعلي للهيئات القضائية نظيرا للعمل القضائي مدة عشرين سنة‏..‏ رابعا‏:‏ في وظائف المستشارين بمحاكم الاستئناف‏..‏ المحامون الذين اشتغلوا أمام محكمة النقض خمس سنوات متوالية‏..‏ وكذلك نصت المادة‏43‏ من ذات القانون علي أن يشترط فيمن يعين مستشارا بمحكمة النقض أن يتوافر فيه أن يكون من المحامين الذين اشتغلوا أمام محكمة النقض مدة ثماني سنوات متتالية‏...‏ ومن ثم‏..‏ ومن جماع نصوص المواد سالفة الذكر يتضح وبجلاء أن الحل لأزمة تراكم القضايا سهل ويسير ومنصوص عليه فعلا بالقانون‏..‏ إذ إن في تعيين المحامين في منصب القضاء سيكون له أبلغ الأثر الايجابي في حل هذه المشكلة حيث إن لديهم من الخبرة العلمية والعملية مايؤهلهم لتقلد هذه المناصب‏,‏ لأنهم يعتبرون من أكثر الفئات إلماما بالقوانين وتعديلاتها ويعلمون كيف ومتي تطبق القوانين‏..‏ بل ولأنهم أكثر احتكاما بالقضاة ويشعرون بآلامهم ومايعانون من إرهاق بدني وذهني نتيجة تراكم القضايا المطروحة عليهم‏.‏
ولايخفي أنه في حالة تطبيق النصوص المشار إليها أن ذلك سيعود بفائدة جمة علي القضاة الحاليين حيث إن ذلك سيقلل الضغط العملي عليهم فتقل نسبة القضايا المطروحة علي كل قاض مما سيعود بالنفع أيضا علي العدالة حيث إنه في هذه الحالة لن يقضي قاض في دعوي إلا بعد دراستها وفحصها بتمعن وروية‏..‏ فضلا عن ذلك‏..‏ فان ماتقدم سوف يمنح القضاة قسطا من الراحة دونما تأثير علي حسن سير القضايا وسرعة إنجازها‏..‏ وغير ذلك من فوائد تعيين المحامين في هيئة القضاء الكثير والكثير مما يستوجب تطبيق النصوص المشار إليها سلفا لاسيما أنها كانت مطبقة بالفعل من ذي قبل وكانت تؤتي ثمارها‏..‏ بل علي العكس‏..‏ فان في عدم تطبيق هذه المواد المشار إليها سلفا لمخالفة جسيمة للقانون حيث نصت المادة‏47‏ من قانون السلطة القضائية علي أن‏..‏ لايجوز عند التعيين في وظيفة قاض بالمحاكم الابتدائية أن تقل نسبة التعيين من المحامين المشتغلين بمهنة المحاماة عن الربع‏..‏ ولايجوز عند التعيين في وظيفة رئيس بالمحكمة الابتدائية أو مستشار بمحاكم الاستئناف أن تقل نسبة التعيين من المحامين المشتغلين بمهنة المحاماة عن العشر‏..‏ وتحسب هذه النسبة لكل فئة علي أساس الوظائف الخالية خلال سنة مالية كاملة‏..‏ لما كان ذلك‏..‏ ومن جماع ماتقدم بات واضحا وبحق أنه يجب الاستعانة بالمحامين للتعيين في القضاء لما في ذلك من ضرورة عملية وقانونية‏.‏
نقيب المحامين ورئيس اتحاد المحامين العرب


الاهرام المصري

albalshy
09-02-2010, 12:30 AM
يا جماعه المساعدين كده الله يرحمها لان عدد 2008 كبير اوى

keeperman
09-02-2010, 02:35 AM
السلام عليكم ورحمة الله وبركاته
يا جماعة انا انهارده وانا رايح اخد جواب الرغبات من المحكمة حصل قدامى موقف غريب جدا خاص بيكم الا انى حبيت انى افدكم بيه
مستشار في التفتيش القضائي بيكلم مستشار آخر وبيقوله ان جواب وزير العدل بخصوص دفعة المساعدين وصل انهاردة
فانا حبيت اقولكم علي اللي حدث افادة ليكم وادعولى ربنا يسهل ويعينا علي تحمل المسئولية
وشكرررررررا

eman_eman
09-02-2010, 03:25 AM
بس انا عايزة اعرف ازاى مقبول ويدخل النيابة ولا دة عرف ولا قانون ؟

shady87
09-02-2010, 04:27 AM
طب لو سمحت ياجماعه كنت عايز أسئل علي حاجه لو دفعه المساعدين فتحت طبعا مينفعش اروح أسجل أقيد ابتدائي في نفس الوقت الي فتحت في يعني لازم أكون مسجل قبليها بمده ولا ينفع وبالمره ياريت حد يقولي أسجل
أزاي لاني سمعت أني لازم اروح عند محامي وكده

البدويهى
09-02-2010, 04:17 PM
معالى وكيل النائب العام keeperman
تحيه طيبه بخصوص دفعه المساعدين اللى الجواب بتاعهم وصل ممكن ان يكون بتاع دفعه المعاونين دفعه 2007 اللى تمت ترقيتهم الى درجه مساعد نيابه والله اعلم