المساعد الشخصي الرقمي

مشاهدة النسخة كاملة : 'نصائح لطلاب الفرقة الثانية'



الاستاذ
27-07-2008, 11:43 PM
بسم الله الرحمن الرحيم


بدايه ارحب بيكم في الفرقة الثانيه وهي ليس كما يقال عنها انها اصعب سنه في كليه الحقوق ولكن تحتاج فقط الي مزيد من بذل الجهد وكمال يقال "من جد وجد"

سوف تدرسون في هذه الفرقة 10 مواد مقسمه علي ترمين

ستدرسون في الترم الاول مايلي:-
1- الشريعه الاسلاميه.
2- الاحوال الشخصيه لغير المسلمين.
3- قانون جنائي.
4- لغة.
5- اقتصاد وهو مقسم الي فرعين:
أ- نقود وبنوك.
ب- علاقات اقتصاديه دوليه
6- مدني 1.

ستدرسون في الترم الثاني مايلي:-
1- مدني2.
2- تاريخ القانون.
3- القانون الاداري.
4- القانون الدولي.
5- التمرينات العمليه(السكاشن).

طبعا كل المواد دي لا تمثل لكم شئ غير انها حروف عربيه اجتمعت فكونت كلمات واسماء لمواد ستدرسوها
لذا ساتحدث عن كل ماده علي حدي

ولكن قبل انا ابداء في التحدث عن كل ماده باسهاب اود ان اسدي لكم نصيحه وهي
حاولوا تجيبوا تقدير كبير الترم الاول لان ده هو الي هيعتمد عليه تقديركم في نهايه السنه
وده لعده اسباب:-
1- الترم الاول اسهل بكل المقايس من الترم الثاني.
2- الترم الاول اطول من الترم الثاني من حيث المدة الزمنية.
3- التقدير الي هتجيبوه في الترم الاول هيديكوا دفعه للتفوق في الترم الثاني.

وهتلمسوا الكلام ده لما اتحدث الان عن مواد كل ترم


اولا: الترم الاول
1- الشريعه الاسلاميه

بصراحه شديده الماده دي محتاجه حفظ للايات والاحاديث
وهي مقسمه الي زواج وطلاق
الزواج هو القسم الاكبر بعكس الطلاق
وسر التفوق في هذه الماده هو الاكثار من حفظ الايات والاحاديث لكي تضفي رونق خاص علي اجابتك عندما تتطمع الاجابه بالاستشهاد بهذه الايات القرائنيه او تلك الاحاديث.

2- الاحوال الشخصيه لغير المسلمين:

هي ماده فهم من الطراز الاول ومن اسهل مواد الترم الاول وهي ماده امتياز او جيد جدا علي الاقل.

3- القانون الجنائي:

هي اكثر ماده شايقه في الترم الاول وسر التفوق فيها هو الفهم ثم الفهم او مانظلق عليه جمله **التحصيل**
ويلزم لذلك
1- الحضور المستمر لمحاضره القانون الجنائي والتركيز التام مع الدكتور ايبان المحاضره.
2- قراءه الكتاب اكثر من مره مع الفهم.
وذلك وصولا للتعرف علي لغه الكتاب وهي المفتاح السري للحصول علي امتياز في هذه الماده

4- اللغه:

هذه الماده لا يجب باي اي حال من الاحوال ان تتنازلوا فيها عن 20
والطريقه المثلي هي حضور المحاضرات وكتابه الترجمه في الكتاب وراء الدكتور وعدم الاعتماد علي احد في الحصول علي هذه الترجمه وبكده هتجيبوا 20 انشاء الله.

5- الاقتصاد:

وطبعا انتم عارفين كويس ان هذه الماده هي ماده فهم وليس حفظ


الترم الثاني



1- القانون الاداري:

هي من المواد اللذيذه والتي ستتمتعون بدراسته وماده ممكن يجي فيها امتياز.

2- القانون الدولي:

برده هذه الماده تحتاج الي حفظ بعض الشئ ولكنها ليست صعبه.

3- تاريخ القانون:

طبعا هي ماده حفظ بالدرجه الاولي ومافيش كلام فيها.....

4- السكاشن:

لازم تحضروها حرام تضيعوا درجتها بسبب عد الحضور

وفي النهايه اتمني ان اكون قد وفقت في عرض المواد ونظامها
وانا مستعد للاجابه علي اي استفسار عن الدراسه وكذلك عن المذكرات وخلافه
وده الميل
elostazlaw@yahoo.com

المستشار محي
28-07-2008, 05:50 AM
طبعا مفيش يمكن تفسير لسنه تانيه احسن من الي عمله زميلي العزيز الاستاذ
بس انا عاوز اوضح حاجه ان فعلا فرصه كبيره ليكم جدا ان انتم تجيبوا تقدير كويس في الترم الاول لانه اكيد حيساعدكم في الترم التاني
وده لاسباب الاتيه
بالنسبه لشريعه فهي بتلكم علي الزواج والطلاق وكلام لذيذ جدا مع حفظ ايات قرانيه واحاديث بالاضافه الي ان الاسئله بتكون الي حد ما مكرره من الامتحنات السابقه
بالنسه لاحول فمنهجها 50 % منه ويمكن اكتر زي الشريعه بس طبعا لغير المسلمين
بالنسبه لجمائي يمكن هو اتقل ماده الترم الاول بس بجد لذيذ جدا ومن المواد الي حتحبوا بس تعملوا زي مقال محمد
بالنسبه للغه فمش حقول اكتر من انها ماده امتياز
بالنسه لاقتصاد بجد حيبقي حظكم حلو لو اداه ليكم الدكتور سيد عبد الخالق لان نظام اسئلته بيبقي صح وغلط من غير تعليل وده معظم الامتحان وده طبعا بيكون في مصلحه الطالب برغم زي مبيتقال ان الاسئله بتاعه الصح والغلط بتبقي متنقيه بس بتبقي في مقدور الطلاب
بالنسبه بقي لترم التاني
المدني برغم انه ماده فعلا مش سهله وكتيره قوي بس الدكاتره بسهلوها علي قد مايقدورا وعموما الدكاتره بتراعي كبر الماده
بالنسبه بقي لتاريخ مش حقول غير لازم تحفظوا
اما الدولي نفس نظام التاريخ بالظبط
ام الاداري بجد ده هديهه الترم لطلاب لسهولتها
وربنا يوفقكم يارب في سنه تانيه وتبقي سنه سعيده عليكم

mems
28-07-2008, 08:02 AM
يا عم محى صدقنى بعد كلامك مفيش حاجه تتقال خالص ............... طبعا الاخ محى عنده حق فى كل كلمه قالها وصدقونى لو احتاجتوا اى حاجه هتلاقونا معاكوا وربنا يوفقكوا ويوفقنا جميعا

اّيات
28-07-2008, 10:01 AM
هى تانية صعبة صحيح
لكن بشوية مجهود
ان شاء الله ربنا يوفقكم كلكم
وربنا معاكم ومعانا ان شاء الله

professor
28-07-2008, 03:29 PM
شـكــ وبارك الله فيك ـــرا لك ... لك مني أجمل تحية .

حقوق المنصورة
28-07-2008, 03:49 PM
انا مش عارف اقول ايه بعد كلامك يا استاذ ويا محى
ربنا يوفقكوا واحنا موجودين هنا علشان نخدمكوا

نورالصبايا
28-07-2008, 04:15 PM
طبعا مجهود رائع جدا ومختلف
لكن بماان خير الكلام ماقل ودل
فلكل طالب وف اى فرقة كانت اعلم جيدا ان لكـــــــــــــــــــــل مجتهــــــــــــــد نصيــــــــــــــــــب

ومفيش حاجة صعبة على اللى بيذاكر وكل واحد بياخد على قد اجتهادة
مرة تانية شكرا على المجهود المختلف والمتميز دا ياريت تعملنا كدا للفرقة الثالثة اية المواد اللى هندرسها

ابراهيم حامد
28-07-2008, 07:28 PM
الف الف شكر ليك يا أستاذ وسيادة المستشار

البريتور
28-07-2008, 10:09 PM
مجهود ممتازه ..،
وفعلا سنه تانيه شيقه جدا خاصه الترم الاول لانه سهل وسهل الواحد يجيب تقدير فيه
يا استاذ محمد احنا عاوزين نتعرف علي مواد الفرقه التالته ...
موفقين باذن الله...،

الاستاذة
29-07-2008, 12:12 AM
سنه تانيه مش صعبه اووي بس اكيد محتاجه مجهود وبذل جهد لان من جد وجد في النهايه

موضوع متميز بس ياريت يتكتب يااستاذ في الفرقه التالته موضوع يبين لينا المواد الدراسيه زي الموضوع ده ولك جزيل الشكر

الاستاذ
29-07-2008, 12:17 AM
بالنسبه لشاهنده والاستاذه
علي الرابط ده هتالاقوا المواد الي هتدرسوها في ثالثه
http://www.f-law.net/law/showthread.php?t=5592

اّيات
29-07-2008, 02:54 PM
بالنسبه لشاهنده والاستاذه
علي الرابط ده هتالاقوا المواد الي هتدرسوها في ثالثه
http://www.f-law.net/law/showthread.php?t=5592

طب لو سمحت يا استاذ تراجع الرابط ده
لانى دخلته اكتر من مرة لكن مشاركات حضرتك الاولى اللى فيها المواد مش شغالة
ياريت تشوف ايه السبب
شـكــ وبارك الله فيك ـــرا لك ... لك مني أجمل تحية .

الاستاذ
29-07-2008, 03:23 PM
جربي حضرتك الرابط ده
http://www.f-law.net/law/showthread.php?t=5591

الماضى لايعود
31-07-2008, 09:21 PM
شكرا لكل من شارك فى الموضوع ده وافادنا
بس المشكلة ان الترم الاول قصير جدا لانه هيبدأفى 10 وهنمتحن فى 12
فبتالى الترم التانى اطول منه
وكمان انا انتساب وبحس ان مفيش حد بيهتم انه يعطينا تقديرات وأنا بجد هحاول اعمل اللى عليه السنة دى انشاء الله بس خليكم فاكرينى للسنة الجاية وأقولكم هما بيظلموا الانتساب ولا لأ...
وربنا يوفقنا جميعا.. وسنة سعيدة عليكم

A7MED 3LI
31-07-2008, 11:27 PM
ألف شكر ليكم يا جماعه بجد انتوا طمنتونى
بس انا شايف ان المشكله الوحيده هتبقى الاقتصاد فى السنه دى عندى

ابراهيم حامد
01-08-2008, 08:21 PM
والله مش عارف أقولك اية الكلام معدش فية كلمة شكر تتقال لك

اّيات
02-08-2008, 12:25 AM
ألف شكر ليكم يا جماعه بجد انتوا طمنتونى
بس انا شايف ان المشكله الوحيده هتبقى الاقتصاد فى السنه دى عندى

الاقتصاد مادة جميلة ولذيذة جدا
متخفش منها وذاكر انت بس كويس وربنا يوفقك ان شاء الله
طبعا الدكاترة فى الكلية ما شاء الله تمام
بس لو استاذنا الدكتور سيد عبد الخالق اعطاك بجد بجد حتحب المادة دى جدااااااااااااااااااا
يالتوفيق والنجاح باذن الله

حبيبه القانون
02-08-2008, 04:35 AM
ياجماعه انا عاوز اعرف بس ان سنه تانيه ديه سهله يعني ممكن نجيب تقدير لاني بجد لحد دلوقتي محدش قالي علي سنه تانيه سهله
ياريت بس تجاوبوا عليا

اّيات
02-08-2008, 09:36 AM
ياجماعه انا عاوز اعرف بس ان سنه تانيه ديه سهله يعني ممكن نجيب تقدير لاني بجد لحد دلوقتي محدش قالي علي سنه تانيه سهله
ياريت بس تجاوبوا عليا


حبيبه حقولك على حاجة
احنا اللى بنخلى الحاجة صعبة واحنا اللى بنخليها سهلة
يعنى ايه
يعنى انت لو من اول يوم اهتميتى وحضرتى المحاضرات وذاكرتى باهتمام ومسمعتيش للناس المريضة اللى بتقول لسه بدرى على المذاكرة وبتذاكرى ليه من الاول والكلام ده ان شاء الله تكون سنة سهلة عليكى وتنتهى بخير وبتقدير عالى ان شاء الله
لكن لو مهتمتيش وطنشتى المحاضرات واجلتى المذاكرة طبعنا حتكومى على نفسة وساعة لما تفوقى وتيجى تذاكرى حتلاقى المسالة صعبة جداااااااااااااااااااا وخصوصا لو الترم بداء فى شهر 10 زى ما بيقولوا لان الترم الاول اصلا قصير فما بالك لو اتاخر كمان

يعنى من الاخر ذاكر كويس واعملى اللى عليكى ومتسمعيش للى بيقول صعب وربنا مش حيضيع تعبك ان شاء الله

وربنا معانا جميعا ويوفقنا ان شاء الله

dododo
08-08-2008, 12:04 AM
http://img252.imageshack.us/img252/3928/170fi9.gif

كلام جميل مقدرش اقول حاجة عنة .............. فعلا واللة مفيش اجمل من كدة ................ربنا يوفقنا جميعا

a7med 7elmy
10-08-2008, 01:20 AM
شكرا ياغالى على المجهود

alaa mourad
16-08-2008, 02:34 AM
مشكووووور يا استاذ على النصائح الغاليه دى ويارب نعمل بيها شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية .

midotito
26-08-2008, 01:54 PM
هو الكلام يطمن بس كله بيخوفنى من سنه تانية وبيقولوا صعبه بس ربنا يستر الواحد بيذاكر ويعمل الى عليه وخلاص دعواتكوا

حماقي
29-08-2008, 10:34 PM
شكرا ليك يا محمد انت والمستشار محي ولكن اود ان اوجوة ملحوظتان هامتان لطلاب الفرقة الثانية وهما 1- ان الترم الاول اسهل ترم في الفرقة الثانية ومن السهل يتجاب فية تقدير كويس اوى يساعدكم علي ان تزودوا التقدير في الترم الثاني 2-اما بانسبة للمدني علي الرغم من انة اربع كتب الا انه مادة سهلة جدا سواء المصادر (الارادية والغير ارادية)واحكام الالتزام او الاثبات من السهل انكم تجيبوا فيها تقدير كويس واود ان لاتسمعوا الي من يقول ان المدني مادة صعبة جدا لان العبرة بالكيف وليست بالكم كما ان اريد منكم ان تسوا بين دراسة المدني وباقي المواد في الترم الثاني لانها مادة 20درجة مثلها مثل الدولي والاداري والجنائي والغة وغيرها لان السنة الماضية بعض الطلاب ركزوا علي المدني شالوا مادتين بسب التركيز عل المدني وترك المواد الاخر
(نقطة مهمة امتحان المدني معتمد بنسبة كبيرة علي المحاضرات وارجوا الاتفوتوا محاضرة المدني حتي يتسني لكم ان تحصولوا علي اعلي تقدير في تلك المادة)
واوجة شكرى مرة اخرى الي الاستاذ والمستشار محي علي هذا الجهد الكبير

البريتور
31-08-2008, 04:20 AM
شكرا ليك يا محمد انت والمستشار محي ولكن اود ان اوجوة ملحوظتان هامتان لطلاب الفرقة الثانية وهما 1- ان الترم الاول اسهل ترم في الفرقة الثانية ومن السهل يتجاب فية تقدير كويس اوى يساعدكم علي ان تزودوا التقدير في الترم الثاني 2-اما بانسبة للمدني علي الرغم من انة اربع كتب الا انه مادة سهلة جدا سواء المصادر (الارادية والغير ارادية)واحكام الالتزام او الاثبات من السهل انكم تجيبوا فيها تقدير كويس واود ان لاتسمعوا الي من يقول ان المدني مادة صعبة جدا لان العبرة بالكيف وليست بالكم كما ان اريد منكم ان تسوا بين دراسة المدني وباقي المواد في الترم الثاني لانها مادة 20درجة مثلها مثل الدولي والاداري والجنائي والغة وغيرها لان السنة الماضية بعض الطلاب ركزوا علي المدني شالوا مادتين بسب التركيز عل المدني وترك المواد الاخر
(نقطة مهمة امتحان المدني معتمد بنسبة كبيرة علي المحاضرات وارجوا الاتفوتوا محاضرة المدني حتي يتسني لكم ان تحصولوا علي اعلي تقدير في تلك المادة)
واوجة شكرى مرة اخرى الي الاستاذ والمستشار محي علي هذا الجهد الكبير
كلام جميل اوووي ياكينج شكرا ليك جعله الله في ميزان حسناتك
انا مع احمد في الكلام الي قاله وباذن الله تبقي سنه دراسيه سعيده عليكم كلكم محدش يخااف من الفرقه الثانيه ياشباب احضرو المحاضرات وركزو شويه مع شويه مذاكره باذن الله تنجح بتقدير
والله المستعان...،

حقوق المنصورة
31-08-2008, 04:48 AM
بصوا يا جماعة نصيحة اى حد من الفرقة التانيةعاوز اى حاجة
يسئل فيها حد بالفرقة التالتة او الرابعة على الاقل
ده اللى هيقدر يفدكوااكتر
واحنا هنا علشان نخدمكم
تقبلوا مرورى

Dracula
19-09-2008, 11:40 AM
انا مبسوط من تفكير شباب المنتدى هنا ومن السنه الى فاتت وانا معجب بيه رغم ان كان ليا شوية ملحوظات بس كله بقة تمام ومعتش فى غيا ب انشاء الله وعلى فكرة انا مفيش حد قال فى حق تانية ورابعة كلمة حلوة خصوصا فى حقوق بس انا بقة شايف ان اى حاجة بالمذاكرة انشاء الله انشاء الله هتبقى سهلة وسلامى للجميع

ابتهال
21-09-2008, 02:40 AM
:tulips:شكراعلى المجهود الرائع ده وكل عام وانتم بخيرlolo_adel2008@yahoo.com

shahesta
22-09-2008, 03:12 AM
شكرا ليك يا استاذ وشكرا يااستاذة وليكى يا شاهندة والمستشار محى على انتكم بتطمنونا وربنا معاكم وادعولى بقة

beshooo
29-09-2008, 03:52 PM
بسم الله رب العالمين.....

بجد والله متشكر جدا على المجهود الرائع من كل الاساتذة والزملاء
انا لسى رايح سنة ثانية.............. بس اخدت نبذة عن السياسة العامة للمذاكرة السنة دى ودة بالنسبة ليا
وربنا يوفق الجميع

beshooo
29-09-2008, 03:56 PM
اة اسف والله بج بس الزهيمر والحر وكدة

كل سنة وانتم طيببين ......... كل سنة وانتم بخير ......... وكل سنة واحنا مع بعض فى ملتقى طلاب كلية الحقوق

karem_adam_14
06-10-2008, 03:03 AM
تمام بجد جامد اخر حاجه وربنا يستررررررررررررررررر انا مرعوب الموضوع شكله كبير بس قدها ان شاء الله

ياسرأبوذيد
06-10-2008, 05:21 AM
انا أتفق مع الجميع فيما قالوه وحقيقة سنة تانية هى تمثل عنق الزجاجة بالنسبة للفرق الأخرى فى الكلية وأهم شىء هو اخلاص الطا لب فى جهده ومع تمنياتى لجميع الطلاب بالكلية بالتفوق والتقدم والسلام عليكم ورحمة الله وبركاته

Retage
06-10-2008, 03:18 PM
السلام عليكم ورحمة الله وبركاته عالفكرة يا جماعة انا اعرف طلبة جابوا تقدير فى النصف الاول والنصف الثانى مجبوش تقدير وكانو مذكرين كويس ممكن تقولولى ايه السبب لان انا خايفة اوى

الاستاذ
06-10-2008, 05:26 PM
السلام عليكم ورحمة الله وبركاته عالفكرة يا جماعة انا اعرف طلبة جابوا تقدير فى النصف الاول والنصف الثانى مجبوش تقدير وكانو مذكرين كويس ممكن تقولولى ايه السبب لان انا خايفة اوى

مافيش داعي للخف والقلق ولا حاجه
لان الي بيذاكر اكيد هيجيب تقدير كويس
بس في نقطه عايز اوضحها

ان النجاح بتقدير هو طائر لا يمكن ان يحلق الا بجناحين

الجناح الاول هو المذكره
والمهم في هذه النقطه هو الادارك التام لمحتوي المادة الدراسية
وهل هذه المادة تقوم علي الفهم ام علي التحصيل
ثم السؤال الاهم ما اسلوب الدكتور الذي يدرس المادة في وضع الامتحان
وده ممكن تعرفوه من خلال هذا الموضوع الي انا وبعض الزملاء شرحنا نظام كل مادة بداخله

اما الجناح الاخر
فهو لا يقل اهمية عن المذاكره بلا من وجهه نظري
فهو الفيصل في الحصول علي تقدير
وهو ما نطلق عليه ميكانزم الاجابة بين الفن والاجادة
وقد افردت موضوع لشرح هذا النظام
وهذا هو رابطه
http://www.f-law.net/law/showthread.php?t=13919

ارجو قرائته واستيعابه جيدا لانه في غايه الاهمية
واي استفسار انا علي اتم استعداد للاجابة عليه
وربنا يوفقكم جميعا..

Eman Taher
11-11-2008, 06:53 PM
السلام عليكم ورحمة الله وبركاته
أشكرك ياأستاذ على هذه النصيحة وكم أنا كنت بحاجة إليها في هذا الوقت أنا كنت عايزة أعرف كم عدد ساعات المذاكرة الي هذاكرها في اليوم وكيفية تنظيم المذاكرة بين المواد اعتبارا من اليوم أرجو أن تفيدوني

الاستاذ
11-11-2008, 09:13 PM
السلام عليكم ورحمة الله وبركاته
أشكرك ياأستاذ على هذه النصيحة وكم أنا كنت بحاجة إليها في هذا الوقت أنا كنت عايزة أعرف كم عدد ساعات المذاكرة الي هذاكرها في اليوم وكيفية تنظيم المذاكرة بين المواد اعتبارا من اليوم أرجو أن تفيدوني

بداية يجب ان تضعوا جميعا نصب اعينكم الوقت المتبقي علي الامتحان علي ان تتركوا اسبوعين لمراجعة اول مادة او اسبوع واحد علي حسب اول مادة واعتقد اول مادة هي الجنائي
لو افترضنا ان الامتحان في الاسبوع الثاني من شهر واحد
يبقي لسه علي الامتحان 8 اسابيع
وبعد ازاله الاسبوعين الخاصين باول ماده
يبقي لسه علي الامتحان 6 اسابيع او 5 اسابيع اذا تم تقديم موعد الامتحانات
اذا نحن نتحدث عن 5 اسابيع فقط واعتقد هذا وقت ليس بكثير لمن لا يستطيع تنظيمه
وكافي جدا لمن لديه ارداه علي النجاح ويستطيع استغلال هذا الوقت
ده اول شئ يجب ان نضعه نصب اعيننا
نيجي لسؤالك الثاني يايمان
وهو عدد ساعات المذكره
هذا السؤال يختلف اجابته من شخص لاخر
ولكن هقلكم افضل اسلوب هو زياده عدد الساعات تدريجي
فمثلا لو نفترض ان تكون عدد ساعات المذكره في الاسبوعين المتبقين في شهر 11 هو 4 او 5 ساعات
ومن بداية شهر 12 تصل الي 7 او 8 ساعات
ويفضل البعض ان يوجد فاصل بينهم يعني تذاكر ساعه وتريح عشر ودقائق وهكذا
بس ده امر يختلف من شخص لاخر
في ناس بتحب انها تذاكر متواصل
سواء كان هذا او ذاك فيجب تحقيق عدد الساعات اليومي كما ذكرت
ولكن العبره هنا بالجلس هذه المده امام الكتاب فحسم
ولكن لابد من التركيز الجيد وان تلقي باي مشوشات ذهنيه او مشاكل نفسيه او اجتماعيه خلف ظهرك في هذه الفتره...

اما بالنسبة لتنظلم المواد فهو غالبا الدكتره علي اول 12 هيكون ملامح الكتاب اتضحت وايه الملغي وايه المكرر وايه المهم
وافضل مذكره ماده بماده لان ده هيساعدك انك تحسس انك خلصت اكثر من ماده كامله ويديك دافع
بالاضافه ان مذاكرت ماده متصله بيجعل المعلومات متصله واسهل في المذكره.....
واي حد عنده اي استفسار او مشكله ممكن يبعتلي رساله خاصه علي المنتدي
وسوف اساعده في تجاوزها باذن الله
وربنا يوفقكم يارب..........

كوكا
11-11-2008, 09:31 PM
موفق بإذن الله ... لك مني أجمل تحية . شـكــ وبارك الله فيك ـــرا لك ... لك مني أجمل تحية .

forlan
17-11-2008, 10:18 AM
شكرا للافاده

mkh_vip
18-11-2008, 10:39 AM
بسم الله الرحمن الرحيم
السلام عليكم ورحمة الله وبركاته
اللهم اعنا على ذكرك وشكرك وحسن عبادتك
يارب النجاح لنا كلنا
اللهم اجعل اعمالنا خالصة لوجهك الكريم لانبغي من ورائها غير رضاك
يارب
شكرررررررراً

the_princss
18-11-2008, 02:03 PM
بجدشكرا علي المعلومات والنصائح الغاليه
بس انا عاوزة الخوف يزول من عندي اعمل ايه
عندي حاله رعب كبيره جدا كل ما ميعاد
الامتحان يقرب

Dracula
18-11-2008, 06:19 PM
خايفة من ايه يا برنسيسة بس ايه يا جماعة دة لسة على الامتحان كتييييييييييييييييييييير مش كتير اوى بس لسة الفترة الى تلحق نفسك فيها الفترة الى تقدر تجمع نفسك فيها اقولك على حاجة يا ستى انا والله لسة مفتحت كتاب بس انا خلاص قررت انى هبدأ بالانتظام فى الحضور وبعد كدة واحدة واحدة هلاقى نفسى بذاكر الى انا خدته فى المحاضرات وعلى فكرة اانا لما قريت شوية فى المواد بتاعة السنه دى لقيتها سهلة ولذيذة جدا وبجد بس هى عايزة تقراها وانت بتذاكرها بتركيز شوية ولازم الحضور انا بقولوكم على النصيحة وانا باذن الله بحاول التزم بيها ومتخافيش يا برنسيسة السنه سهلة دحنا الخبرة امال الشباب بتوع اولى يعملو ايه يقفو جنب البدراوى ويعيطو يا عينى عشان هما لسة جدد فى الكلية وميعرفوش عنها حاجة وفجأة هيلاقو نفسهم فى الامتحان والله عيب علينا

الاستاذ
18-11-2008, 07:30 PM
بجدشكرا علي المعلومات والنصائح الغاليه
بس انا عاوزة الخوف يزول من عندي اعمل ايه
عندي حاله رعب كبيره جدا كل ما ميعاد
الامتحان يقرب

كل ماتحسي انك خايفه من الامتحان تذكري مايلي

أن الله لا يضيع اجر من احسن عملا

هند صبرى
19-11-2008, 02:10 PM
أرجوك يا أستاذ ساعدنى أرجوك انا شايفة انك بتعرف كل حاجة يا ريت تساعدنى اصل لى ظروف صعبة شوية
وما ينفعش اقولها لأن هذا منتدى قانونى فقط وميرسى جدا لحضرتك

mkh_vip
21-11-2008, 12:26 AM
بسم الله الرحمن الرحيم
السلام عليكم ورحمة الله وبركاته
العضوة الكريمة هند
هذه الروابط الي كنت بتدوري عليها
مادة الجنائي
http://www.f-law.net/law/showthread.php?t=16176

http://www.f-law.net/law/showthread.php?t=16176&page=2

الشريعة
http://www.f-law.net/law/showthread.php?t=16174
تحياتي وبالنجاح

الملكة نونو
26-11-2008, 10:24 PM
شـكــ وبارك الله فيك ـــرا لك ... لك مني أجمل تحية . محتاجة مساعدة

وليد البيومى
03-12-2008, 09:26 PM
انا مش عارف اشكركم ازاى والله
كتر الف خيركم
شكرا اوى

shosho m
10-12-2008, 12:28 AM
ارجو رفع حل القضايا بسرعه

موغا
21-12-2008, 06:14 PM
الف شكر على المجهود العظيم ده واتمنى لك دوام الصحه

midogo
25-12-2008, 05:01 PM
تسلم ايدك بجد

ويارب يوفق الجميع

ايساف المصرى
13-02-2009, 09:33 PM
نصيحة من طالب بالفرقة الرابعة الى طلبة الفرقة الثانية اولا ربنا يوفقكم ثانيا خلى بالكم اوى من ان الدراسة فى تانية هى اساس لفهم مواد 3و4 حقوق والا لو مفيش اهتمام هتوجوا صعوبة خصوصا لمن يريد تقدير ثالثا خلوا باكوا اوى من تاريخ القانون لانها السهل الممتنع عندكم وهى دى مفروض تهتموا بيها علشان تعدوا بسلام وسيبكم من الى بيقول ان هناك مواد تانية صعبة فلو عديت فى تاريخ القانون هتعدى ان شاء الله فى الباقى ويارب التوفيق لل جميع

شمس الاسلام
22-03-2009, 01:14 PM
والله الكلام جميل بس التنفيذ وبصراحة انا بشوف ان كل شيخ ولية طريقة
والافضل ان الواحد يذاكر وخلاص ويتركها لله

7amed
03-04-2009, 11:29 AM
التيرم الاول كان سهل بس انا حصلى ظلم والله فى اللغه والجنائى مع انى كنت مقفل الاثنين
بس الحمد الله
وخلى تقدير جيد بعد ان أملت ان يكون جيد جدا بس الحمد الله برده
انا دلوقتى اليترم التانى ان شاء الله هبذل مجهود اكثر لكن اريد نصحيه من اخوتى الاكبر كيف يمكنى ان أتى بتقدير جييد جدا على الاقل فى هذا التيرم
اريد اعرف ازاى اقدر الم الماده بسهوله وافهم بسهوله
وياريت تضعوا قواعد التى يمكن ان استخدمها الطال بجانب مجهوده ان يكون تقديره عالى ان شاء الله

سندريلا نونا
21-05-2009, 02:16 PM
جزاك الله خيرا ربنا يوفق الجميع احنا نعمل اللى علينا ونتوكل على الله
ربنا يوفقنا كلنا ان شاء الله

افوكاتو مصرى
28-05-2009, 12:54 AM
مشكور على النصائح دى ويارب تيجى بفايدة معانا

eimo_star
06-06-2009, 09:12 PM
انا مقلق والله

الفارس الصغير
12-08-2009, 05:20 PM
ياجماعة احب اشكركم على المجهود الرائع .

(ان المتقين فى جنات ونهر) اللهم ارحم د/زين بدر فراج.

dr_amira
16-08-2009, 01:07 PM
متشكرين جدا على المعلومات دى لانى بجد خايفة من سنة ثانية اوى بس الحمد للة النصائح دى هتفيدنا اوى

just gudge
16-08-2009, 02:09 PM
شكرا على النصائح الغالية

حور الجنه
16-08-2009, 04:08 PM
بجد نصائح جميله جدااااا وان شاء الله نعمل بيها
جزاك الله خيرا يااستاذ ع الافاده

RedRose
17-08-2009, 07:07 AM
شكرا عالنصائح
وشكرا لكل واحد قال رد يطمنا شوية
وربنا يوفقنا ان شاء الله...

vampire20
23-08-2009, 01:47 AM
احاول القول اننا في سنة من اهم السنين كبداية في كلية الحقوق لما فيها من اندماج واستيعاب قوانين ومعلومات جديدة لا يعرفها الا من في هذه الكلية وتستطيع في هذه السنة تقدير نفسك ومعرفة قدراتك واتجاهاتك فكل من يريد الاستفادة فعليه الندماج بصدق داخل هذه السنة لما فيها من تمهيد قانوني للدخول علي نهج الدستور الذي نسير عليه لكي تستقيم حياتنا وامورنا فعليك اخي الطالب قبل ان تحفظ المنهج ان تستوعبه خير استيعاب

ahmed*saif
23-08-2009, 05:55 PM
بجد موضوع جامد ونصائح غاليه
بتمنى زملائنا الذين فى الفرقه الثانيه يأخذو بها
وبتمنا لكم التفوق والنجاح

الفنجرى
28-08-2009, 03:02 PM
جدول الفرقة الثانية انتظام 2009 نزل

vampire20
29-08-2009, 05:05 AM
merciiiiiiiiiiiii

الاستاذ
29-08-2009, 01:59 PM
جدول الفرقة الثانية انتظام 2009 نزل

الجدول بينزل قبل الدراسه باسبوع تقريبا...

الفارس الصغير
08-09-2009, 02:50 AM
جزاك الله خيرا

eldigetal010
09-09-2009, 12:18 AM
شكرا على المجهود الرائع


مافيش كلام يتقال بعد اللى إتقال لكن احب اوضح ان الالتزام الدنيى مهم جدا وعلية عامل كبير في التفوق واكتر وقت بيذاكر فية الانسان عندما يكون ملتزم دينيا _تعرف على اللة فى الرخاء يعرفك فى الشده

THE MATRIX 100
23-09-2009, 06:44 PM
الف الف شكر على المعلومات المفيده يأستاذ

محمد عمر
24-09-2009, 05:43 AM
والله يا استاذ بجد مفيش حاجة تتقال بعد الكلام الى انتا قولتة بجد انتا فهمتنا السنة الدراسية كلها

وكلامك كله صحيح :wa:

بجد شكرأأأأأأأأأ

محمودالسعيد
26-10-2009, 05:26 AM
شكراااا على المجهود الرائع دة ؟؟
وبالتوفيق والنجاح باذن الله

أحمد الغريب
26-10-2009, 02:27 PM
شكرا يا أستاذ

xpress
04-01-2010, 12:14 PM
thxxxxxxxxxxxxxxxx

عـ‘ـًُ/ـَمـ‘ـًُ/ـَرو
04-01-2010, 08:34 PM
تسـلم يـآ آستـآذ عـلى آلمعومـآت وتسَـلم عـلى آلتوٍِضِيَـح يَـآ مسَتشـَِآرٍِ

رٍِبـنَـآ يَـوٍِفـَِقَنـآ يَـآرب ونَـَعـِدى آلتـَرٍِم ده عَـلـِى خيَـرٍِ

حافظ ابراهيم
15-01-2010, 05:03 PM
شكرا لكم جميعن

Ahmed Mansour
18-02-2010, 12:08 PM
شكراااا على المجهود الرائع دة

معالي الباشا
20-02-2010, 10:15 PM
يارب استر في السنه دي

المستشارة
22-02-2010, 11:38 PM
مرسى جدا على التوبيك وعلى المعلومات الرائعه
دومت بالف خير

فارس الاسلام
24-02-2010, 04:20 PM
والله الكلام كله جميل بس اللى مش جميل انه كل التفوق بيجى بالحظ لانه فى انسا يذاكر طول السنة ولكن يجى للامتحانات ويلاقى درجاته مش كويسة وفى واحد تانى يذاكر الثلاثة ايام اللى قبل الامتحان وتلاقيه جايب تقدير

غيوم
24-02-2010, 05:01 PM
فعلا كلام حضرتك صح ويمكن دا بزعل الا بذاكر طول السنه بس كل واحد بياخد نصيبه
وشكرا يا استاذ على مجهودك الرائع تقبل تحياتى

Ma7mOuD KaMeL
19-09-2010, 10:32 PM
مفيش حاجه اسمها تانيه صعبه احنا اللى بنصعب الامور على نفسنا
وعلى العموم ربنا يستر
موضوعك اكثر من رائع
شكرا

إيتاشى
30-09-2010, 01:05 PM
- القانون المدني:

هو اربع كتب كتاب يدرس في الترم الاول والثلاث الباقين يدرسو في الترم الثاني ولكن يمتحنوا الاربعه في الترم الثاني


بعد إذنك فسر العباره دى معناها إننا مش هنمتحن الماده دى فى الترم الأول ولا إيه ؟؟؟؟؟

الاستاذ
30-09-2010, 04:54 PM
بعد إذنك فسر العباره دى معناها إننا مش هنمتحن الماده دى فى الترم الأول ولا إيه ؟؟؟؟؟

لا ياباشا الموضوع ده مكتوب من سنتين
قبل التعديل الحالي
حاليا المدني مقسم الي مدني 1 بتدرسه وتمتحنه في الترم الاول
ومدني 2 بتدرسه وتمتحنه في الترم الثاني

ياريت تكون الامور اتضحت..

إيتاشى
30-09-2010, 11:31 PM
اه أنا برده إستغربت من الكلام وشكرا على التوضويح

اسلام الامير
04-12-2010, 12:34 AM
لو سمحت مش مادة اللغة دى فى الترم التانى ام فى الترم الاول

الاستاذ
04-12-2010, 12:46 AM
لو سمحت مش مادة اللغة دى فى الترم التانى ام فى الترم الاول

الموضوع ده تم كتابته قبل ادخال هذا التعديل..

omdae
18-12-2010, 07:19 PM
شكرا على النصائح الغالية والمهم دى

omdae
18-12-2010, 07:24 PM
مشكووووووووووووووووووووووووووووووووووووووووور

ايوووي
15-01-2011, 02:49 PM
شكرا علي النصائح

اروى كامل السبع
05-10-2011, 08:32 AM
يسلموو استااذ الله يعطيك العاافيه ولا تنسووني من الدعااء والنجاااح ياارب