المساعد الشخصي الرقمي

مشاهدة النسخة كاملة : مواعيد التظلمات وصيغتها



شمس
19-07-2008, 08:49 PM
السلام عليكم ورحمة الله وبركاته


هذا القسم يختص بالتظلمات الخاصه بالتعيين في الهيئات القضائية واجراءاتها واجراءات التقاضي في حالة رفض التظلم ومتابعة هذه الأحدااااااث للدفعات التي صدر لها قرارا جمهوريا فتابعوا معنا رواد منتدي الخريجين وفي انتظاااااار مشاركاتكم وتفاعلكم معنا

شمس
19-07-2008, 09:13 PM
السلام عليكم ورحمة الله وبركاته


بالنسبه لميعاد التظلم بيكون خلال 60 يوم من تاريخ صدور القرار الجمهوري ..ويتم ارسال التظلم للهيئه القضائية المراد التظلم من قرارها ولوزير العدل عن طريق البريد السريع ...او مسجل بعلم الوصول ..



صيغة التظلم

السيد الأستاذ المستشار رئيس هيئة ......تحية طيبه وبعد

مقدمه لسيادتكم ....

أعرض الأتي :

حيث أنني حاصل علي....دفعه... من كلية ...جامعة... وحاصل علي تقدير.... وتقدمت بطلب التعيين في وظيفة ...وتقدمت للاختبارات
وحيث أنه صدر القرار الجمهوري بتاريخ... بتعيين الدفعه الحاصلين علي تقدير ...ولم يشملني هذا القرار
وحيث أن تقديري أعلي من بعض اللذين شملهم القرار وعلي سبيل المثال .... لذلك
فانني أتظلم من هذ القرار بطلب تعييني في ظيفة... ووضع أقدميتي حسب تقديري بين المعينين

وتفضلوا بقبول فائق الاحترام

مقدمه
.....

dero
20-07-2008, 02:24 AM
اولا ___ احب اسأل الاستاذة شمس هل يتقدم التظلم الى الهيئةالقضائية وكمان الى وزير العدل طيب الناس اللى اقدمت التظلم الى الهيئة فقط ولم تقدم التظلم الى الوزير ؟؟؟؟ وممكن التظلم يرسل عبر البريد ؟؟؟؟
2 __ دلوقتى الواحد بيقدم التظلم خلال 60 يوم من القرار الجمهورى الصادر فى الجرايد الرسمية ثم بعد ذلك الهيئة مش بتبت او مش بتنظر التظلم خلال 60 يوم من تانية من تاريخ التظلم اللى عملتة انا وبعد ذلك لما بترفع قضية واحنا طبعآ عارفين بتأخذ رفض لانة بتترفع بعد الميعاد وبكدة الهيئة او المجلس تكون قاصدة ان ما تنظرش التظلم علشان اللى يرفع قضية تأخذ رفض لفوات الميعاد القانونى وهى الــ 60يوم التانية اللى بنستنا المجلس يرد علينا بالقبول او الرفض وبذلك بيكون متعمد علشان تترفض فى القضاء ؟؟؟ الرجاء الرد والتوضيح

شمس
20-07-2008, 02:35 AM
اولا ___ احب اسأل الاستاذة شمس هل يتقدم التظلم الى الهيئةالقضائية وكمان الى وزير العدل طيب الناس اللى اقدمت التظلم الى الهيئة فقط ولم تقدم التظلم الى الوزير ؟؟؟؟ وممكن التظلم يرسل عبر البريد ؟؟؟؟
2 __ دلوقتى الواحد بيقدم التظلم خلال 60 يوم من القرار الجمهورى الصادر فى الجرايد الرسمية ثم بعد ذلك الهيئة مش بتبت او مش بتنظر التظلم خلال 60 يوم من تانية من تاريخ التظلم اللى عملتة انا وبعد ذلك لما بترفع قضية واحنا طبعآ عارفين بتأخذ رفض لانة بتترفع بعد الميعاد وبكدة الهيئة او المجلس تكون قاصدة ان ما تنظرش التظلم علشان اللى يرفع قضية تأخذ رفض لفوات الميعاد القانونى وهى الــ 60يوم التانية اللى بنستنا المجلس يرد علينا بالقبول او الرفض وبذلك بيكون متعمد علشان تترفض فى القضاء ؟؟؟ الرجاء الرد والتوضيح

السلام عليكم ورحمة الله وبركاته

لا مش لازم يتبعت لوزير الاساس هو التظلم للهيئه القضائيه ...ايوة التظلم بيتبعت عن طريق البريد اما البريد السريع او بعلم الوصول

بالنسبه للمواعيد بقي انت ليك 60 يوم تبعت التظلم خلالهم ودول بيبقوا من تاريخ صدور القرار تمام و60 يوم بعدهم تنتظر الجهة ترد عليك ويكون ليك الحق في رفع الدعوي خلال 60 يوم من تاريخ رد الجهة عليك وفي الغالب ميبقاش فيه رد وده بيعتبر بمثابة امتناع عن الرد وهو قرار سلبي وبالتالي ال 60 يوم اللي ليك حق ترفع الدعوي خلالهم بيتحسبوا من انتهاء المده المحدده لرد الهيئه
يعني المدة كلها 180 يوم
ياريت اكون قدرت اوضح

dero
20-07-2008, 03:52 AM
ا شكر الاستاذة شمس على التوضيح ... واتمنى ان يقوم المنتدى بكيفية رفع القضية؟ واجراءتها؟ وما هى المستندات المطلوبة للقضية ؟ وطبعآ احنا عندينا ناس رفعت قضايا واخذت احكام ومن ضمنهم اللى حيتعينو فى مجلس الدولة؟ وفى ناس فى الادارية ؟؟ ياريت الاشخاص اللى اخذوا احكام يعرفونا اجراءتها؟؟؟ وهذا مش صعب على منتدانا الجميل الذى نفخر بة ؟؟ونثق بة فى كل المعلومات والأخبار ..... شـكــ وبارك الله فيك ـــرا لك ... لك مني أجمل تحية .

شمس
20-07-2008, 03:59 AM
ا شكر الاستاذة شمس على التوضيح ... واتمنى ان يقوم المنتدى بكيفية رفع القضية؟ واجراءتها؟ وما هى المستندات المطلوبة للقضية ؟ وطبعآ احنا عندينا ناس رفعت قضايا واخذت احكام ومن ضمنهم اللى حيتعينو فى مجلس الدولة؟ وفى ناس فى الادارية ؟؟ ياريت الاشخاص اللى اخذوا احكام يعرفونا اجراءتها؟؟؟ وهذا مش صعب على منتدانا الجميل الذى نفخر بة ؟؟ونثق بة فى كل المعلومات والأخبار ..... شـكــ وبارك الله فيك ـــرا لك ... لك مني أجمل تحية .

السلام عليكم ورحمة الله وبركاته

ان شاء الله هنعمل موضوع يكون فيه كل المعلومات المطلوبه ويشارك فيه اللي مر بالموضوع ده ورفع قضيه

mr_mohamed
20-07-2008, 03:42 PM
استاذة شمس ممكن رقم قرار هيئة قضايا الدولة 2005 وتاريخة لوسمحتي

شمس
20-07-2008, 03:45 PM
استاذة شمس ممكن رقم قرار هيئة قضايا الدولة 2005 وتاريخة لوسمحتي

السلام عليكم ورحمة الله وبركاته

هو تاريخ القرار 2-7-2008

انما الرقم انا مش متأكده منه لما اتأكد هكتبه ان شاء الله

المعتصم بالله
27-07-2008, 10:09 PM
لو سمحتم يا جماعة انا دفعة 2005 جيد وقدمت مره وما كنش لى نصيب ممكن اقدم فى مجلس الدوله مره تانيه
لو سمحتم يا جماعة ردوا على بسرعه انا منتظر الرد وشكرا

القاضى المصرى
27-07-2008, 10:13 PM
لو سمحتم يا جماعة انا دفعة 2005 جيد وقدمت مره وما كنش لى نصيب ممكن اقدم فى مجلس الدوله مره تانيه
لو سمحتم يا جماعة ردوا على بسرعه انا منتظر الرد وشكرا

لا حضرتك انت مينفعشى تقدم تانى لانك دفعة 2005 والمطلوب دلوقتى دفعة 2006 لكن ممكن لو حضرتك عملت تظلم بعد صدور القرار الجمهورى الخاص بتعيين دفعة 2005 تستطيع ان ترفع دعوى لعدم تعيينك ونتمنى لك التوفيق

احمدالمصرى
28-07-2008, 12:12 AM
طعن ايه ودا ينفع وايه شروطه وبنسبة كام % ولو كدا امال ليه الناس مبترفعش

القاضى المصرى
28-07-2008, 12:58 AM
طعن ايه ودا ينفع وايه شروطه وبنسبة كام % ولو كدا امال ليه الناس مبترفعش

تقدر حضرتك تتدخل على قسم التظلمات بمنتدى الخريجين وتعرف كل شىء وهتلاقى ايضا احكام صدرت بالفعل لنصرة المتفوقين

على الرابط دة http://www.f-law.net/law/forumdisplay.php?f=253

احمدالمصرى
28-07-2008, 01:07 AM
انا دخلت على الرابط ممكن من فضلك تبين الطريقة والشروط اللازمة أرجو الرد من السادة ادارة المنتدى

الأفــوكــــاتــــو
18-08-2008, 08:39 PM
اية ياجماعة مش المفروض تشرحلنا كيف بيتم أجراءات التقاضى واة المستندات المطلوبة ...مش كدة... انا دورت فى المنتدى لكى اعرف كيف بيتم ذلك لكن للاسف ما تلاقتش حاجة خالص,,على المشرفين يفدونا وكذلك الاعضاء ..والناس اللى حصل معاهم كدة......الرجاء التوضيح

احمدالمصرى
09-09-2008, 04:14 PM
اية ياجماعة مش المفروض تشرحلنا كيف بيتم أجراءات التقاضى واة المستندات المطلوبة ...مش كدة... انا دورت فى المنتدى لكى اعرف كيف بيتم ذلك لكن للاسف ما تلاقتش حاجة خالص,,على المشرفين يفدونا وكذلك الاعضاء ..والناس اللى حصل معاهم كدة......الرجاء التوضيح
مشرفى المنتدى والاستاذة شمس كنتم وعدتم انكم هتفتحولنا ملف لنتواصل من خلاله فى هذا الموضوع من خلال منتدانا الرائع علشان كدا بنرجوا سرعة فتح الملف خاصة بعد تزايد عدد القضايا والدعاوى لنظرا للخرق فى التعيينات وعايزين مساعدتكم من خلال الاحكام الى صدرت

القاضى المصرى
19-09-2008, 01:36 AM
بسم الله الرحمن الرحيم

السلام عليكم ورحمة الله وبركاته

بالنسبه لاجراءات التقاضى فى حالة التخطى من التعيين فى احدى الهيئات القضائيه

بيكون بالاتى:

اولا بتقديم تظلم الى الهيئه التى تم فيها تخطى المرشح من التعيين وذلك خلال 60 يوما من تاريخ صدور القرار الجمهورى بالتعيين.

ثانيا بعد 60 يوما من تقديم التظلم بيكون ليك الحق فى رفع دعوى قضائيه وذلك فى حالة رد الهيئه على التظلم او عدم ردها عليك ويكون لك الحق فى رفع الدعوى القضائيه خلال 60 يوما من تاريخ رد الهيئه على تظلمك او مرور 60 يوم على تقديم التظلم دون رد منها .

ثالثا اذا كان الهيئه القضائيه التى تم تخطيك فيها من التعيين هى النيابه العامه فتقوم برفع الدعوى اما دائرة طلبات رجال القضاة بدار القضاء العالى بالقاهرة
وان كانت الهيئه التى تم تخطيك من التعيين فيها هى النيابه الاداريه او هيئة قضايا الدوله او مجلس الدوله فبيتم رفع الدعوى اما مجلس الدوله

وحتى نكون واقعيين وفيه شفافيه بالنسبه للنيابه العامة بيكون دائما احكام دائرة طلبات رجال القضاء سلبيه ولا يتم تعيين احد اما بالنسبه لاحكام مجلس الدوله فهناك احكام كثيرة ايجابيه وهناك امثلة كثيرة ويمكنكم رؤية ذلك فى موضوع احكام عادلة لنصرة المتفوقين .

رابعا : اهم شىء عند رفع الدعوى ان يكون هناك بالفعل ناس اقل منك فى التقدير قد تم تعيينه ووردت اسمائهم بالقرار الجمهورى هذا بالاضافه الى انه بيتم طلب محضر المقابله الشخصيه اللى تمت لحضرتك حتى يعلموا هل اجتازت المقابله ام لا هذا بالاضافة الى التقرير الامنى الخاص بك التحريات وطبعا كل دة بيتم فى الدعاوى التى ترفع امام مجلس الدوله ضد هيئه النيابه الاداريه وهيئة قضايا الدوله وحتى مجلس الدوله نفسه ، وهذا الرابط شارح لجميع الإجراءات
http://www.f-law.net/law/showthread.php?t=32270

وذلك بخلاف الوضع فى النيابه العامة التى يتم الطعن ضدها اما دائرة طلبات رجال القضاء وبيرفض المجلس ان يعطيهم محضر المقابله الشخصيه ودائما ماتصدر احكام تلك الدائرة سلبيه ومؤيدة لاختيار مجلس القضاء الاعلى.

وفى النهايه اتمنى ان اكون قدمت شىء مفيد.................

memo200545
24-09-2008, 04:15 AM
بعد ازنك يا استاذة شمس انا ليا سوال عند حضرتك وحتعب حضرتك معايا بس ارجو الاجابة على سوالى بمنتهى الدقة لو امكن ممكن اذا سمحتي تشرحيلي ازاى اجيب مجاميع ونسب اللى تم قبولهم فى اى مهنة وشكرا

القاضى المصرى
25-09-2008, 08:38 AM
بعد ازنك يا استاذة شمس انا ليا سوال عند حضرتك وحتعب حضرتك معايا بس ارجو الاجابة على سوالى بمنتهى الدقة لو امكن ممكن اذا سمحتي تشرحيلي ازاى اجيب مجاميع ونسب اللى تم قبولهم فى اى مهنة وشكرا

اولا انت وجهت السؤال للاستاذة شمس يعنى المفروض انك عاوزها هى اللى تجاوبك ليه بقى مضايق

المهم

دائما بيكون اخر ناس اسمائهم موجودة فى القرار الجمهورى الصادر بالتعيين هم اقل الناس تقديرا لذلك وانت جاى ترفع دعوى بتعملها على اساس مساواتك بفلان وفلان واختار اخر 5 اسماء فى قرار التعيين ادى ياسيدى كل الحكاية واتمنى لك التوفيق

waleed02006
21-01-2010, 09:36 AM
الأخ الفاضل القاضي المصري والأستاذة شمس برجاء الرد علي سؤالي - زوجتي قدمت في النيابةالادارية وسافرت معي خارج الدولة بعد الاختبار علما انها من العشرة الاوائل في البنات وتقديرها75% وتم تعيين اختها لكن التحريات تمت وهي خارج الدولة هل سيؤثر ذلك علي تعيينها خصوصا ان امن الدولة كانو متزمديين في التحريات ارجو الرد وشكرا وهل يمكننا التظلم ان لم تعين

waleed02006
21-01-2010, 09:40 AM
توضيح: تم تعيين اختها في الدفعة التي تسبقها

roomeroo9
19-02-2010, 07:06 PM
يا جماعه انا ليا استفسار انا دفعة 2008 وعايز اتظلم على قرار تعيين دفعتى للنيابه العامه تنصحونى انى اتظلم واكمل مشواره وللا مااتظلمش بما ان مفيش سابقه فى الموضوع .... ولو تنصحونى بالتظلم اعمل ايه ارجو الرد وشكراااااااا

ابن حجر العسقلانى
19-02-2010, 11:14 PM
يا جماعه انا ليا استفسار انا دفعة 2008 وعايز اتظلم على قرار تعيين دفعتى للنيابه العامه تنصحونى انى اتظلم واكمل مشواره وللا مااتظلمش بما ان مفيش سابقه فى الموضوع .... ولو تنصحونى بالتظلم اعمل ايه ارجو الرد وشكراااااااا

بعد التحية ,,,
فى البداية لم يتم تعيين تظلمات للنيابة العامة منذ دفعة 2003 , ولن تكسب أى قضية فى تعيينات النيابة العامة , ولكن لازم تعمل اللى عليك وتقدم تظلم لعل وعسى أن يكون مع دفعة 2009 تظلمات , فكل شئ جائز وممكن , فعليك بالأخذ بالأسباب وترك النتيجة على رب الأسباب .

:hi::hi::hi:

roomeroo9
21-02-2010, 06:08 PM
اخى الحبيب ابن حجر العسقلانى بما ان حضرتك بتنصحنى بالتظلم ايه اللى مفروض اعمله دلوقتى يعنى ايه الاجراءات والمطلوب منى والتظلم بيتبعت بالبريد وللا ايه بالظبط ........وشكرا لردك

التوفيق يارب
21-02-2010, 06:50 PM
طيب انا حطيت سؤال واتحزف
انا مش عارف هو السؤال اللي انا سألته فيه اية
انا دفعة 2008 كلية الحقوق وتقديري جيد بنسبة 71.5% والحمد لله مكنش ليا نصيب
مع العلم ان انا دور تاني ومنزلتليش تحريات
هل اقدم بردو تظلم ولا اية وهل موقفي هيبقي اصعب من موقف اي حد تاني ؟؟؟
وشكرا لمن يهتم ويقوم بالرد

roomeroo9
22-02-2010, 05:42 PM
ارجو من الاعضاء او المشرفين ان يردوا على سؤالى واتمنى السرعه لأنى عايز اقدم التظلم ومش عارف اعمل ايه وايه الاجراءات وبيتبعت ازاى وكده ( تظلم النيابه العامه 2008 ) فياريت حد يرد عليا لأنى مش عارف ايه المطلوب عشان اعمله وشكرا

محمد2010
22-02-2010, 06:34 PM
ممكن يا استاذ ابن حجر تقولى التظلم وانا بقدمة اضعة فى ظرف ولا اية ولو وضعتة فى ظرف اكتب على الظرف اية وجزاك اللة كل خير

medobobo
22-02-2010, 08:14 PM
بالنسبة للتظلم للنيابة العامة انت بتكتب الصيغة المناسبة للتظلم سواء كان بخط اليد او مطبوع ولو مش عارف الصيغة ممكن تستعين بالصيغة المكتوبة هنا فى المنتدى فى قسم القضايا او لما تروح هناك هتلقى صيغة مكتوبة ومحطوطه ممكن تستعين بيها مكان التقديم بيكون فى نفس المكان الى سحبت منه الملف او الطرقه الى قبله تقريبا وبتسلم الورقه باليد للموظف المختص وبيقيدها عندوا وبيديلك رقم التظلم الموضع بسيط جدا . اما حكاية تبعته عن طريق الخطابات ده فى حالة لو حضرتك هترفع دعوى قضائية مع انى انصحك بان لا تضيع وقتتك فى هذه القضية لان الدعوى بتاعتك بتتنظر امام محكمة استئناف القاهرة يعنى امام المحمكة الى رئيسها احد اعضاء مجلس القضاء الاعلى وبالتالى بترفض الدعوة ولكن لو حبيت حضرتك تمشى فيها دى حاجة ترجعالك وربنا يوفقق


وده شكل مبسط للتظلم لو حبيت تستعين بيه

السيد المستشار / رئيس مجلس القضاء الاعلى



تحية طيبة وبعد


مقدمه لسيادتكم / ........ الحاصل على ليسانس حقوق دفعة 2008 بتقدير عام ....... جامعة ........ وحيث اننى مستوفى جميع الشروط القانونية من تقدير ووسط عائلى محترم وحسن السير وطيب السمعة الا وانه قد صدر القرار رقم ..... لسنة ........ بتعيين دفعة جديدة من معاونى النيابة ومع ذلك لم يتم قبولى فى الدفعة .

لذلك التمس من سيادتكم النظر فى امر تعيينى




وتفضلوا بقبول فائق الاحترام والتقدير






مقدمه لسيادتكم





الاســــم :


الجامعة :
التوقيع :

تحرير فى : / /

التوفيق يارب
23-02-2010, 01:23 PM
يعني اية بيتبعت بالبريد لو هترف قضيه ؟؟؟؟
طيب مهو اللي بيقدم التظلم دي بتكون بداية لرفع القضية
واحنا عاوزين فعلا نقدم تظلمات يعني نبعت بالبريد ولا نعمل اية انتوا كل ما بتحاولوا تشرحوا الحاجة بتصعبوها اكتر
نرجو توضيح كل الامور من حد يكون علي دراية كافية
الصح نعمل اية كلنا بنقدم تظلمات علشان نرفع قضايا مهو مفيش حد بيقدم التظلم وهيسكت

medobobo
23-02-2010, 01:49 PM
انا اقصد تبعتها بالبريد لو هترفع قضايا لان حضرتك فى الجلسة هيجى عضو هيئة قضايا الدولة الى هو ممثل الخصم ينكر انك قدمت التظلم وعلى الكتظلم عبء الاثبات لذلك انا بقولك ابعتها بجواب مسجل عشان حضرتك هتثت انك بعت تظلم بالكعب بتاع الجواب الى انت بعته ده كان مقصدى مش قصدى اصعب الامر ولا حاجة ونسيت اقولك حاجة بعد اسبوع او اتنين من ارسال الجواب تروح دار القضاء عشان تاخد رقم التظلم بتاعك يارب اكون وضحطلك كل الامور دلوقتى

roomeroo9
23-02-2010, 06:05 PM
طيب هو فى سؤال انا لو بعت التظلم بالبريد هتفرق عن لما اسلمه باليد يعنى لما ابغته بالبريد انا هيبقى موقفى ايه ولما اسلمه باليد هيبقى موقفى ايه ... يعنى ما هو الافضل بالنسبه للنتيجه اللى انا عايز اوصلها وهى وقت ما ينظروا للتظلمات ونقول هايخدوا منها بيبصوا للى سلمها باليد وللا اللى بعتها وكمل مشوار القضيه ايهما اقوى وايهما يتم البحث فيه وشكرا وارجو الرد بسرعه لأن لو الأفضل التسليم باليد هسافر بكره وشكرا

medobobo
23-02-2010, 06:21 PM
بص يا اخى الكريم التظلم الى هتقدموا باليد تمام ومش هيأثر فى حاجة اما موضوع انك تبعتوا بخطاب ده فقط لضمان حقق وتقوية موقفك فى القضية حتى لا يقع عليك عبء اثبات تقديمك للتظلم وهناك طريقك اخرى افتراحها العضو الفاضل بن الحجر وهى انك تقدم التظلم بتاعك عادى جدا باليد وتاخد رقموا ولكن تقوم بأخطرهام بأنذار على يد محضر وده ايضا لتقوية موقفك فى القضية . اما بالنسبة بقى لانهم هينظروا للتظلم ام لا فعن تجربة وعن خبرة شخصية التظلمات كلها واحد وبتتركن من الاخر كده محدش بيبوصلها الموضوع كله معتدم على بعد فضل الله عز وجل على الواسطه وعن خبرة شخصية مش اى واسطه كمان لا واسطه اتقل من الى اتكلمت فى الدفعة الاساسية لان الى بيتاخد ده بيبقى مستثنى وبيبقى اتاخد بعد ضغط كبير وعناء شديد . وحابب اقولك نصيحة اخرى القضايا فى النيابة العامة غير موجدية وبتاخد عدم احقية دى نصيحتى ليك لكن لو حضرتك حابب تكمل كمل وربنا يوفقق يارب وتكسب الدعوة بأذن الله و انا تحت امرك فى اى استفسار اخر واسئلك الدعاء

roomeroo9
23-02-2010, 06:48 PM
يعنى راى حضرتك انى اسلمه باليد وآخد رقمه وخلاص وملوش لازمه وجع القلب بتاع القضيه طالما كده كده هتترفض.... انا اصلا مش عايز اعمل التظلم بس هعمله عشان ( لو ) هياخدوا من التظلمات يبقى انا عامله.. سؤال لو الواسطه التقيله موجوده يكفى فقط وجود رقم التظلم حتى تقوم بدورها ام المضى فى القضيه ؟ واسف للاثقال عليك

medobobo
23-02-2010, 08:06 PM
اولا : فى البداية بلاش اثقل عليك واسف والكلام ده انا زى اخوك
ثانيا : توكل على الله وقدمه باليد وخد الرقم والقضية فعلا بتترفض لانها بعد لما بترفعا بتروح امام المحكمة المختصة وهىة محكة استئناف القاهرة
ثالثا : لو الواسطه التقيلة موجوده مش عاوز اقولك مش محتاجة رقم التظلم كمان ده كفاية اسمك بس .
ياريت تنسى موضع النيابة بقى شوية عشان ميعطلكش فى حياتك يعنى تسعى فيه باذن الله بس وانت فى عملك يعنى متقعدتش تنتظر النيابات الاخرى ولا دى لان لومكتوبلك تتقبل بأذن الله هتتقبل والشغل مش هيضرك بل هيفيدك وانا تحت امرك فى اى وقت

التوفيق يارب
23-02-2010, 08:32 PM
انا اسف يا استاذ ميدو لو استفساري لحضرتك وصلك بصورة مندفعه شوية
لان انت عارف الواحد اعصابه عاملة ازاي
واكيد انا حبيت بس اعتزرلك ادام الكل علي الاسلوب
وان شاء الله هتبقي دي بداية صداقة
بس عندي استفسار
انا عاوز حضرتك تحطلي رقم القرار والعنوان اللي هبعت علية لان انا مش من القاهرة
وهبعت القرار لكام جهه انا اسف لو بتقل علي حضرتك
واية نوع الواسطة اللي انت بتتكلم عنها ؟؟؟؟؟

medobobo
23-02-2010, 08:47 PM
ياحبيى ماتتأسفش على حاجة وانامتقبل من اى حد اى شئ لانى ببساطه حاسس بالى انتوا فيه انا مرت بنفس هذه الظروف وانا اتشرف انك تكون صديق ليا والقرار هو رقم 35 لسنة 2010 اما العنوان هو القاهرة شارع 26 يوليو دار القضاء العالى ولكنى افضل ان تذهب بنفسك لتسليمه عشان تاخد رقموا لانك ها تطر تروح بعد اسبوعين او ثلاث عشان تشوف الرقم يبقى تنزل نزلة واحده احسن وتخلص كل حاجة اما الواسطه الى انا اقصدها حد كبير اوى او حد ليه دلال جامد اوى على مجلس القضاء الاعلى لان الى مقدرش يعيين حد فى دفعة اساسية هيبقى صعب يعينوا فى حاجة استثنائية يبقى الى لازم يدخل فى موضع التظلم يبقى حد تقيل اوى

التوفيق يارب
24-02-2010, 12:53 AM
لا هو كل المشكلة ان انا كنت نايم في العسل ومكنش معايا الواسطة او بمعني اصح مدورتش كويس
واعتمدت علي الناس الغلط نيموني وقالولي احنا هنعمل وهنكلم لان انا في الجيش اصلا
فعلشان كدة انشغلت عن حوار النيابة غصب عني
وان شاء الله ربنا ييسر الحال وهشوف الناس اللي في دماغي دلوقتي وربنا ييسر

وانا شاكر افضالك وان شاء الله هبعتلك عالخاص الايميل علشان نتعرف اكتر

medobobo
24-02-2010, 11:04 AM
ولا يهمك وقدر الله ومشاء فعل انشاء الله الخير فى القادم

يارب اكون وكيل نيابه
24-02-2010, 08:30 PM
هو ممكن اعمل التظلم ولو منزليش تحريات عامه اساسا لاني معرفش انا نزلي ولالا بتاع امن الدوله قالي عامه وفي البحث الجنائي لقيت ملف الاداريه ايه العمل

medobobo
25-02-2010, 12:03 AM
اه ممكن تعمل التظلم حتى اذا لم ينزل لك تحريات عادى خالص

التوفيق يارب
25-02-2010, 12:37 AM
الموضوع دة يا جماعه سوري بيفكرني بفيلم عوكل
لما شهادة الميلاد بتاعته اتحرقت وقال للموظف ( مصر كلها هتسنن )
هههههههههههه
الدفعه كلها عاوزة تظلم ودة حقنا والله
انت عارف لو من الاول ينزل في الاعلان يقولك التعيين قاصر علي ابناء المستشارين وبعض من لديهم الواسطة يبقي زي الفل
انما بيتخرج من حقوق كام واحد وشوف كام واحد جايب منهم جيد فيما فوق وشوف في الاخر بياخدوا كام واحد
بلد بتاعه كوسة صحيح
بس انت طمنتنا يا مدو بيك لان انا بردو منزلتليش تحريات

يارب اكون وكيل نيابه
25-02-2010, 12:42 AM
يالتوفيق يارب امال هياخدو الخمسين جنيه من مين وبعدين انت متاكد ياميدو ان المنزلهوش يعمل تظلم عادي

medobobo
25-02-2010, 01:52 AM
يا اخى الفاضل من حق اى واحد مقدم فى الدفعة ولم يقبل ان يتظلم من القرار توكل على الله واعمل التظلم وبالتوفيق بأذن الله

bebsi_man
28-02-2010, 11:46 PM
هو الافضل انى اعمل التظلم حتى ولو لم ينزلى تحريات اونزلى تمام والافضل انى اسلمه للموظف المختص طيب سؤالى اى موظف هنال السؤال التانى بيردوا امتى عليا

احمد
04-03-2010, 03:32 PM
السلام عليكم ورحمة الله وبركاته كان عندى استفسار صغير هل التظلمات اللى بتتركن دى زى ما الاعضاء بتقول بتفضل مركونه كده سنين يعنى ممكن فى اى وقت لو فيه واسطة جامدة ممكن يبعتو لصاحب التظلم ده ولا هى لما بيعدى سنة او اكتر خلاص ميبقاش للمتظلم اى حق او فرصة للقبول وشكرا

خيرالدين برباروسا
08-03-2010, 02:48 AM
السلام عليكم أخوانى الأعزاء حدث امر لى لا أعلم ماهيته وهو منذ يومين جائنى مظروف مختوم بختم وزارة العدل إدارة النيابات النيابة الأدارية وختم اخر مكتوب فيه جزيرة بدران وداخل المظروف أوراق لى هى الليسانس وبيان الدرجات وشهادة الميلاد إلخ المهم أخوانى والغريب هنا أنى دفعت 2005 والأن تأتنى هذه الأمرواق ما معناها أرجو منكم التكرم بالتوضيح وهل يجوز لى بعد هذه المدة الطويله عمل تظلم بناء على هذه الأوراق اتى وصلت بعد هذه المدة أرجو المتابع من الأخوة الأفاضل

القاضى المصرى
08-03-2010, 04:12 PM
السلام عليكم أخوانى الأعزاء حدث امر لى لا أعلم ماهيته وهو منذ يومين جائنى مظروف مختوم بختم وزارة العدل إدارة النيابات النيابة الأدارية وختم اخر مكتوب فيه جزيرة بدران وداخل المظروف أوراق لى هى الليسانس وبيان الدرجات وشهادة الميلاد إلخ المهم أخوانى والغريب هنا أنى دفعت 2005 والأن تأتنى هذه الأمرواق ما معناها أرجو منكم التكرم بالتوضيح وهل يجوز لى بعد هذه المدة الطويله عمل تظلم بناء على هذه الأوراق اتى وصلت بعد هذه المدة أرجو المتابع من الأخوة الأفاضل


وعليكم السلام

اخى الفاضل ماحدث معك امر طبيعى وانا اعرف ناس كتير ارسل لهم ايضا الملف اللى كانوا متقدمين به ولم يوفقوا فى التعيين فالهيئه كل فترة بترسل للناس ملفاتهم بعد كذا سنه من التقديم وخصوصا اللى لم يتظلموا او يرفعوا قضايا بسبب التخطى فى التعيين

اما بالنسبة لسؤالك عن انك عاوز تعمل تظلم ده وقته انتهى خلاص لان التظلم ورفع الدعوى بيكون خلال مده قانونية معينه وهى 60 يوما من تاريخ صدور القرار الجمهورى الخاص بدفعتك وهى دفعة 2005 اما الورق اللى وصلك لايعطيك اى حق مطلقا فى عمل تظلم او رفع دعوى

وربنا يوفقك فى اى مكان افضل ان شاء الله

ارجو ان اكون افادتك

احمد
08-03-2010, 05:47 PM
ايه يا جماعة هو انا سؤالى صعب اوى كده ولا مش ذو اهمية علشان مفيش حد يجاوبنى عليه انا كنت بسال التظلم لما بيتقدم بيفضل فى ملف كل واحد وممكن فيما بعد يعنى بعد مرور مثلا 3 او 4 سنين على الدفعة ممكن الواسطة تحركو ولا بيبقى ايه مصيره بظبط

عمرو إبراهيم زيدان
26-08-2010, 07:34 PM
بسم الله الرحمن الرحيم




صدر قرار رئيس الجمهورية بتعيين مندوبيين مساعدين من دفعة 2007 م

صدر القرار يوم 19 / 06 / 2010م فى الجريدة الرسمية العدد 24 مكرر

ومنذ هذا الميعاد يبدأ حساب الستين يوم للتظلم حتى لا ترفض الدعوى شكلا

وتارخ العلم بالقرار يوم 23 / 06 / 2010م من نشر القرار فى جريدة الجمهورية

SPANSH
18-09-2010, 07:36 PM
يا استاذه؟ هل هناك تظلمات يتم قبولها؟ ومتى يتم اعلان عن قبول التظلمات؟ وعند قبول التظلم هل يتم تحديد ميعاد مقابله او ارسال تحريات جديده لك؟ وشكرا

عمرو إبراهيم زيدان
23-09-2010, 10:43 PM
يا استاذه؟ هل هناك تظلمات يتم قبولها؟ ومتى يتم اعلان عن قبول التظلمات؟ وعند قبول التظلم هل يتم تحديد ميعاد مقابله او ارسال تحريات جديده لك؟ وشكرا

الكلام الى انته كاتبه مش مفهوم ،،،

التظلم بيكون بعد صدور القرار الجمهورى ولمدة 60 يوم من تاريخ نشره فى الجريدة الرسمية

والتظلم يكون تمهيدا لرفع الدعوى امام المحكمة الأدارية العليا ( التخطى فى التعيين )

والجهة الأدارية فى الغالب لا ترد على التظلم

ahmed_asdee
07-01-2011, 05:16 PM
السلام عليكم انا عندى سوال هام ارجو حد يجاوبلى عليه بس بمعرفه بالموضوع
انا دفعه 2009 ولم يزل لى تحلريات وبالتالى اسمى غير موجود فى كشف الطبى
هل يوجد التماس اعاده النظر ويقدم الان وما هو ميعاد تقديمه علما بان الكشف الطبى سيظهر بعد 3 ايام
ومتى ستظهر نتيجته

احمد خيرى
08-06-2011, 11:39 AM
السلام عليكم
ممكن ياجماعة رقم القرار الخاص بالنيابة العامة 2008 وتاريخة

فاروق الامة
08-06-2011, 12:15 PM
السلام عليكم
ممكن ياجماعة رقم القرار الخاص بالنيابة العامة 2008 وتاريخة
رقم القرار 35 لسنة 2010 بتاريخ 7/2/2010

احمد خيرى
08-06-2011, 05:06 PM
رقم القرار 35 لسنة 2010 بتاريخ 7/2/2010
منشكر جدا استاذ فاروق عالرد والاهتمام
وربنا يكرمنا جميعا ان شاء الله

ممكن ياجماعة اسم واحد واتنين دفعة 2008 جايبين تقدير جيد وتم تعيينهم
عشان اذرهم فى التظلم بتاعى
وربنا يوفقنا جميعا لما فيه الخير لنا

عماد عادل المحامى
16-06-2011, 07:10 PM
السلام عليكم ورحمة الله وباركاتة انا عضو جديد فى اتمنى ان اكون ضيف خفيف عليكم

يارب اشكيلك بحالي
21-06-2011, 09:21 PM
السلام عليكم ورحمة الله وبركاته
انا كان ليا استفسار وياريت يا جماعة لو حد يقدر يفيدني ميتأخرش
انا دفعة 2009 وتقديري جيد 73 % ونجحت في المقابلة الشخصية الخاصة بمجلس الدولة ونزلي تحريات واسمي مش موجود في الكشف
هل يجوز اني اتظلم من القرار ورفع دعوي التخطي في التعيين وما هي فرصة نجاحها
ياريت تردوا عليا ضروري جد

emo
21-06-2011, 10:10 PM
يا جماعة انا كمان دفعة 2008 وتقديرى 75% ونجحت فى المقابلة بتفوق (مجلس الدولة) ونزلى تحريات ولم اقبل فى القرار اتظلم فين بالظبط ؟ والناس بتقول فى الغالب التظلمات مش بتتقبل لكن هل فى حالات اتقبلت فيها ؟ وعلى فرض التظلم اتقبل اية الى بيحصل بيتعين فى الدفعة الى بعدها ولا اية ؟

dr.vip.r
21-06-2011, 10:36 PM
انا دفعة 2008 وتقديري 84,23% منزليش تحريات على الرغم اني جاوبت وكنت لابس كويس اوي وبالتالي تم استبعادي وتم تخطيّ في التعيين وان شاء الله لما ينشر القرار في الجريدة الرسمية هتظلم منه للجهة الادارية (مجلس الدولة) خلال 60 يوم من تاريخ نشرة وطبعاً محدش هيرد على التظلم وبعد انتهاء ال60 يوم هعمل الطعن بتاعي ان شاء الله.
وبالمناسبة القرار يحمل رقم 111 لسنة 2011 بالنسبة لدفعة 2008 ورقم 112 لسنة 2011 بالنسبة لدفعة 2009

محمد علي الفقي
26-06-2011, 09:21 AM
هو القرار اتنشر في الجريدة الرسمية ولا لسة

حسام الاسيوطى
16-07-2011, 12:23 AM
السلام عليكم تحياتى للساده المشرفين والساده الاعضاء
هل من الممكن ان اعرف تقدير اقل المقبولين فى 2009 مجلس الدوله يعنى اخر واحد فى القرار نسبته كام وهل فى رفع الدعاوى يشترط ان يكون الاقل منك من جامعتك ؟؟

محمد فتحى حمدى
11-10-2011, 01:53 AM
انا كنت عايز استفسر على حاجة معينة ياريت الافادة لو سمحتوا انا نزلتى التحريات الخاصة بالنيابة الادارية وانا دفعة 2006 وتظلمت من القرار وتقرير المفوض جه فى صالحى باحقيه فى التعيين وتحددت جلسه 17/12/2011
ودى اول جلسة ومش عارف اللى هيحصل بعد كده وطبعا الهيئه رفضت تقديم محضر المقابله
ايه المدة اللى ممكن يستغرقها الموضوع ده فى القضاء وهل التاجيل فى مثل هذه القضايا يأخد وقت طويل وماهى الاوراق التى يتم تقديمها امام الدائرة بخلاف مذكرات الدفاع
ارجو الافادة لو سمحتواا

ماما كوكو
07-03-2012, 01:30 PM
لو سمحتو الاخوة اعضاء المنتدى ما هو موعد التظلم بعد صدور قرار تعيين النيابة العامة 2009
وما هى الصيغة والاوراق المطلوبة
ارجو الاهتمام والرد ولكم كل الشكر

ماما كوكو
07-03-2012, 01:31 PM
لو سمحتو الاخوة اعضاء المنتدى ما هو موعد التظلم بعد صدور قرار تعيين النيابة العامة 2009
وما هى الصيغة والاوراق المطلوبة
ارجو الاهتمام والرد ولكم كل الشكر

شريف عبد الله
16-08-2012, 04:55 AM
"اللهم انصر كل مظلوم. سبحانك ولا تقال إلا لك عز جاهك. انت القاهر فوق عبادك وانت علي كل شىء قدير اللهم لا مانع لما أعطيت ولا معطي لما منعت. أعلم أن الله علي كل شىء قدير وان الله قد أحاط بكل شىء علما ماشاء الله كان وما لم يشأ لم يكن

لله الامر
19-08-2012, 04:38 AM
يا جماعة ليا استفسار وياريت حد يكون فاهم يرد عليا .... لو سمحتم يا جماعة لو حد عمل تظلمين للهيئة او النيابة الادارية واحد باليد والتانى بخطاب مسجل والتظلمين مثبوتين بتواريخ مختلفة وبارقام مختلفة ... وتواريخ متقاربة الى حد ما .. فهل ده ليه تأثير على القضية فى حاجة ........ وكل عام والجميع بخير

baka_2010
19-08-2012, 04:49 AM
ايه اخبار تظلمات دفعه 2008 النيابة العامه

الصبر جميييل
01-09-2012, 08:49 PM
لوسمحتم ممكن الافادة بشأن الاستشهاد في التظلم بان هناك ناس جايبين اقل من التقدير و انا مش عرفاهم اكتبهم ازاى و لا اتغاضى عن الموضوع دا الاستشهاد دا ؟
في راي بيقول اكتب اخر اسمين في القرار الى صادر بتعيينهم و خلاص ما رايكم؟
لوسمحتم سا عدونى و لكم جزيل الشكر

الصبر جميييل
03-09-2012, 12:14 AM
الملاجظ ان مفيش حد بيهتم بالقسم دا للاجابه على أسئلتنا ياريت بعد أذنكم ساعدونا بما في ايديكم من معرفه او تفاصيل ممكن اسماء الناس اللى نسبتهم اقل من 70% في القرار 22 الخاص بالمعنيين في هيئة قضايا الدولة
و لـــــــــــــكـــــــــــــــــــــــــــــــــــ ـــــــــــــــــــــــم جـــــــــــــــزيــــــــــــــــــــــــــــــــ ـــل الـــــــــــشـــــــــــــــــــــــكــــــــــــ ـــــــــــــــــــــــــــر و لكم التوفـــــــــــــــــــــــيــــــــــــــــق

justiceman
03-01-2013, 03:04 AM
ياجماعة مفيش جديد عن تظلمات 2008 ..من فضلكم لو حد عنده معلومة يقولها نطمن شوية.

kelanton
14-01-2013, 12:12 PM
برجاء الافادة بخصوص رقم القرار الجمهوري الصادر بتعين دفعة 2005 للنيابة العامة للاهمية من فضلكم

tonyplk
28-10-2014, 04:58 AM
الاخوة الاعضاء الكرام والمحامين المبجلين

ارجوا مساعدتي وافادتي في كيف ارفع دعوى على قرار تعيين الوظائف الادارية في مصلحة الخبراء
حيث انى مستوفي جميع شروط المسابقة و امتحنت الامتحان التحريرى و حصلت على 28 درجة و دخلت المقابلة الشخصية و جاوبت على كل الاسئلة و لكن فوجئت في النهاية بظهور النتيجة واسمى لم يرد فيها مع العلم لم يمر 60 يوم على صدور القرار ولم اقدم التظلم حتى الان

مع العلم ان معظم الذين تم اختيارهم حاصلون على 25 درجة (اقل مني مجموع ) و اصغر مني سنا و احدث مني تخرجا ومعى ما يثبت ذلك بكامل البيانات

سؤالي الى السادة المحامين الاجلاء اعضاء المنتدي
هل يحق لي عمل طعن؟
وما هي شروطه باتفصيل ( لاني لست قانونيا ) ؟
يرفع في اي محكمة ؟
كم هي مدة التقاضي ؟
ما هي نسبة نجاحه؟
واريد ان ترشحون لي محامين قاموا برفع هذا النوع من القضايا؟

ارجو مساعدتي للاهمية القصوى
جعله الله في ميزان حسناتكم