المساعد الشخصي الرقمي

مشاهدة النسخة كاملة : (الدراسات العليا) إستفسارات للرد عليها من قبل المشرف والأعضاء



الصفحات : [1] 2 3

سالي جمعة
17-04-2007, 01:56 AM
:slam:

هذه الصفحة مخصصة لجميع إستفسارات طلاب الدراسات العليا كلية الحقوق - جامعة المنصورة المتعلقة بنظام الدراسة وكيفية وشروط الإلتحاق.

وسيحاول مشرفي المنتدى وأعضاءه الرد علي هذه الإستفسارات بقدر الإمكان وتقديم الإفادة بإذن الله .

ونرجو من الأعضاء الكرام البحث في الموضوع قبل وضع إستفسارتهم , للتأكد من عدم تكرار الإستفسارات التي تم الإجابة عليها من قبل .

ولمعرفة كيفية الإلتحاق بالدراسات العليا بكلية الحقوق - جامعة المنصورة اضغط
هنا (http://www.f-law.net/law/showthread.php?t=5887)

ولزيارة الموقع الخاص بالدراسات العليا بكلية الحقوق - جامعة المنصورة اضغط
هنا (http://www.f-law.net/law/showthread.php?t=1074)

:s22:

محمد بوند
10-07-2007, 11:26 PM
إذا سمح السادة الأعضاء إفادتي في مواعيد تقديم الدبلوم في الأقتصاد وهل سوف يتعارض ذلك مع مواعيد الجيش ......وهل يشترط التقدير للتقدم وشكرا

عبير حمدي
11-07-2007, 01:10 AM
مواعيد التقديم من اول اغسطس وحتي نهايه ديسمبر


لا يشترط التقديرات للالتحاق بالدبلومات

بالتوفيق للجميع

lola_85
12-07-2007, 06:54 PM
مساء الخير عليكو انا عندى استفسارات ارجو الرد عنها فى اقرب وقت ممكن وهى كالاتى [I]:
[LIST=1] انا عاوزه اعرف ايه هى خطوات التقدم للدرسات العليا واخر ميعاد وتكاليفها بالنسبه للى فحالتى خريجة حقوق انجليزى
وكمان انا عاوزه اعرف الكورس اللى بتقولو عليه ده اللى هو مد تو قد ايه وهل هو مفيد للحقوقيين ولا ايه النظام انا قرات محتوياتو لكن اهم حاجه عندى مدتو وبس كده واشكركم وارجو الاهتمام لانها اول مشاركه ليه [/:director:I]icdl

محمد الشلقامى
12-07-2007, 09:13 PM
لمعرفة شروط الالتحاق بالدراسات العليا بالرجاء زيارة هذا الرابط محمد الشلقامى كلية الحقوق جامعة المنصورة (http://aldrasaat.jeeran.com/%D4%D1%E6%D8%C7%E1%C7%E1%CA%CD%C7%DE.html)

أسامة أحمد
16-07-2007, 01:34 AM
الى الإخوة و الأخوات الطلبة بكلية الحقوق جامعة المنصورة الرجاء الإفادة بتاريخ بداية القيد بالدراسات العليا - الدبلوم - علوم جنائية لاأن الكلية وافقت على قبولى من أجل الدراسة بها و أنا ساكن بالمغرب و مش عارف أعمل إيه و كمان عايز أعرف أسعار الشقق المفروشة بمدينة المنصورة و شكرا على الرد

M&H
16-07-2007, 07:08 PM
قد قمت بتوضيح كل ذلك لحضرتك فى ردى على رسالتك الخاصه
من خلال رابط موقع الجامعه
اما بالنسبه لاسعار الشقق فارجو من المتواجدين فى مدينة المنصوره الرد لانى لست مقيمه بها
تمنياتى بالتوفيق

mr_lawer
16-07-2007, 07:19 PM
والله اسعار الشقق بتختلف من مكان لمكان . وان الى اعرفه كويس اسعار الايجار العادى اما المفروش . يعنى ممكن يبدا من 300 جنيه الى ما تشاء حسب المساحه والمكان .
دى الحد الادنى . وياريت لو حد عنده معلومات اكثر يساعدك .
وبالتوفيق انشاء الله

M&H
26-07-2007, 01:20 AM
المواد والاسعار الكتب سوف تحدد مع بدأ العام الدراسى

رجل قانون
26-07-2007, 03:34 AM
طيب يعنى فى حدود كام يا افندم ممكن اعرف ؟؟؟؟

M&H
26-07-2007, 12:29 PM
طيب يعنى فى حدود كام يا افندم ممكن اعرف ؟؟؟؟

ممكن توضيح يااستاذرجل قانون
ايه الى فى حدود كام ؟؟؟؟
وهل السؤال ده ليا ؟؟؟؟؟؟؟؟؟؟

شادي حامد
28-07-2007, 02:49 AM
ممكن ياجماعه لو سمحتم اعرف ايه اخبار النتيجة وياترى نسبة النجاح في حقوق الانسان كانت كام تقريبا

yoya
30-07-2007, 11:42 AM
يا جماعه خلينا فى دور عشره هو الامتحان حيكون امته بالضبط انا سمعت ان الامتحان فى اول شهر سبتمبر او اخر شهر اغسطس علشان نمتحن بعض المواد قبل شهر رمضان فهل ده صحيح يا ريت اى حد يفدنا بسرعه لان كده مفيش وقت وارجو الافاده بمعلومات اكيده

هشام شاهين
30-07-2007, 03:55 PM
احنا لو امتحنا الشهر الجاى او فى اغسطس نكون ضعنا محدش لسه راجع ياريت اللى يعرف حاجه يوافينا بيها وياريت المشرفين يفيدونا اكتر كده احنا تيهين خالص وربنا يوفق الجميع

M&H
30-07-2007, 04:55 PM
ان شاء الله خير ياجماعه
لا اعتقد ان الامتحان ممكن يكون اخر شهر اغسطس
ولكن كل شئ سوف يوضح قريبا
وان شاء الله هحاول اجيب معلومات قريب
وعزرا لى لانى اقيم خارج المنصوره
مع تمنياتى للجميع بالتوفيق

محمد عمر55
31-07-2007, 02:48 AM
السلام عليكم اريد معرفة اى اخبار عن دور اكتوبر للدبلومات 0الامتحانات هتبدا امتى 0

موءة
02-08-2007, 12:20 AM
السلام عليكم
على ما اعتقد انا سعمت انها هتبدا يوم 13/9 بس افضل انك تتاكد بنفسك من الكليه واكيد الجدول زمانه نزل فى الكليه.

موءة
03-08-2007, 02:24 AM
السلام عليكم

هى نسبه النجاح كانت فى التحريرى 91 من 268 طالب دخلو الامتحان

بالنسبه للشفوى نزل للاسف 4 فى الشفوى وللعلم كانت نتيجه الدولى من افضل النتايج فى دبلوم القانون العام

بس بالنسبه لدور 10 طبعا بنسمع ان تصحيحه بيبقى اصعب من دور 5 فاللى داخل 10 باذن الله يشد حيله على الاخر لان

الدكاترة بيبقوا اصعب من دور 5 , وربنا يوفق الجميع ياااااااااااااااااارب .

AREEJ
03-08-2007, 03:03 AM
صديقة لي نجحت في القانون العام و قالت نفس كلام الأخ موءة بالضبط


يلا الحمد لله ناس بتنجح مش زينا ..

شادي حامد
04-08-2007, 02:09 AM
انا اقدمت استمارات دخول شهر مايو وللاسف مدخلتش فهل يلزم تقديم استمارة امتحان مره اخرى لدور اكتوبر
وهل امتحانات اكتوبر بتكون اصعب كتير من دور مايو

عبير حمدي
04-08-2007, 01:36 PM
ايوة ياشادي ان شاء الله لازم تمضي اقرار دخول دور اكتوبر وده هيكون ان شاء الله ابتدائا من منتصف شهر اغسطس يعني بعد كام يوم والامتحانات غالبا بتكون في شهر سبتمبر (9) ومن ناحية الصعوبه والسهوله ده امر نسبي

اعقلها وتوكل ياشادي

شادي حامد
04-08-2007, 09:40 PM
لو سمحت نفسي في اي حد اتكلم معاه بالتفصيل لاني قلقان فوق اي وصف من الامتحان ده
لاني فعلا انا هتنجنن رغم اني خريج 2005 جيد جدا بس مش عارف انجح في الدبلومه مع اني بحل كويس والله وانا اساسا بدي الطلبه دروس بس مش عارف اعمل ايه في الدبلومات دي
وعاوز اعرف نظام دكاترة المنصورة عاوزين ايه في الاجابات
ياريت استاذه عبير او اي حد يسبلي رقمه او اي حاجه توصلني بيه عشان اقدر افهم
ولكم جزيل الشكر

موءة
16-08-2007, 06:35 PM
السلام عليكم

على فكرة جدول الدبلومات نزل فى الكلية وبداية الامتحانات ان شاء الله فى 16/9 و طبعا كل الدبلومات هتبدا فى

اليوم ده , انا حبيت اصحح المعلومه للامانه لانى نزلت الكليه وشفت الجدول بس للاسف ما نقلتوش كله

ربنا يوفق الجميع .

ابراهيم بيه
18-08-2007, 06:06 AM
الاخ شادى حامد
الدبلومه بتاع العام السنه دى سهله جدا ومتخوفش وبعدين انت مش عارف تنجح ازاى انت دخلت دور 5 وموفقتش عموما لو كان ده حصل متقلقش المواد اصبحت مكشوفه اوى اولا لازم تضمن مادتين كويس الدولى وماده الادارى بتاع الدكتور زين وبعد كده التلات مواد الباقيين سهل جدا الحصول على تقدير فيهم ازاى ؟؟؟؟؟؟؟؟
اولا الجنائى عندك امتحانات الدكتور عبدالروؤف فى المكتبه بتاع السنه اللى فاتت والسؤال اللى موجود فى الكتاب الكبير اللى هو على مااتذكر الركن المعنوى ده جاى فى دور عشره بنسبه 99% وسؤال هيتكرر تانى من دور خمسه باحتمال 80 او سؤال هيتكرر من السنتين اللى فاتوا بنسبه 100%
2/ الماليه الدكتور سيد بيه عبد الخالق حدد جزئين فى الانجليزى ذاكر جزء واحد عليه درجتين والجزء الخاص بالصلاح الضريبى نزل على سيديهات اكيد انته جبتها فرغ السى دى وذاكره وقسمه عناصر هتلاقى الموضوع بقى سهل وده عليه خمس درجات
بالنسبه لل13 درجه الباقيين انت شفت النظام بتاع الاسئله اللى جه فى 5 وعلى الاقل من ال13 هيتكرر خمس اسئله من دور مايو يعنى كده انت معاك 12 درجه حاول تكمل علشان تجيب الدرجتين او تجيب تقدير فى باقى الكتاب
3/ الدستورى الدكتور صلاح بيه فوزى ادى سؤال هديه للدبلوم عليه 6 درجات اللى هو تناول خمس مواد من المواد التى تم تعديلها فى التعديلات الدستوريه الاخيره
ال14 درجه التانين من الكور الخاص اللى طبعا الكتاب بتاعه سهل وصغير وركز على الاختصاصات والمسئوليه الوزاريه
وممكن تفوت ديوان المظالم ومحكمه مجلس الدوله فى عمان وحاول تربط بين الدول لان ممكن يجى سؤال رابط بين الدول كلها ومحدش يخاف من الدكتور صلاح فى اى حاجه
بالنسبه للدكتور زين ركز على الاسئله بتاعته كويس هى طبعا المنهج كله بس متفوتش منها اى حاجه لان الغير متوقع متوقع جدا مع الدكتور زين
الكتور شافعى بقى اهم حاجه انه من اول اما يفتح كراسه الاجابه يحس ان الطالب فاهم ازااااااااااااااااااى
تكتب العناصر الاول كلها ورا بعضهااااااااااااااا وبعدين طبعا انت قبل ما تكتب العناصر هتكون كتبت حوالى نص صفحه مقدمه عن الموضوع شامله وبعدها طبعا العناصر وبعد كل عنصر الشرح الوافى له وياسلام بقى اما تخلص لراى شخصى
وكمان تحاول يبقى عنصر ثابت فى اى سؤال يجيى هو تطبيقات عمليه ومفيش مشكله انك تعنصرهم كمان دى طبعا الجزئيه بتاعت المقالات
وفى الاخر احب اقول متقلقش خالص ان شاء الله هتعدى ومتسمعش كلام حد يعقدك والدكاتره تمام وناس مبتضيعش حق حد وربنا يسهل ونباركلك بعد الامتحانات وبتقدير

mr_lawer
10-09-2007, 01:52 AM
الاوراق المطلوبة هى
1- شهادة الليسانس ( الشهاده المؤقته)
2- شهادة الميلادة او مستخرج رسمى منها .
3- الموقف من التجنيد . طبعا سعادتك نصف تانى يعنى هتذهب الى منطقطة التجنيد وتطلب ما يثبت موقفك من التجنيد .
4- 2 صورة شخصية 4*6
5- صورة البطاقة الشخصية .
6- مبلغ 409 رسوم الدراسة .


اما بالنسبة للجدول واسماء الاساتذه فلم ينزل الجدول بعد .

lawer_hassany
12-09-2007, 01:01 PM
اخوتى بالنسبه لامتحانات جامعة اسيوط سوف تكون في 20/10

salwa_morcus
24-09-2007, 05:07 PM
شكرا لمجهوداتكم واتمنى أن تقدروا على ايفادتى بميعاد قفل باب التقديم للدراسات العليا وهل بعد قفل باب التقديم
لها سوف يتم فتحها مره اخرى أرجو منكم الايفاده فى ذلك وميعاد ذلك وووشكرا

mr_lawer
24-09-2007, 11:34 PM
إذا سمح السادة الأعضاء إفادتي في مواعيد تقديم الدبلوم في الأقتصاد وهل سوف يتعارض ذلك مع مواعيد الجيش ......وهل يشترط التقدير للتقدم وشكرا

كما تفضلت الاستاذه عبير بالرد عليك بالنسبه لميعاد التقديم وعدم اشتراط التقدير .
سوف اكمل الرد عليك بخصوص موضوع الجيش .
فلا تعارض بين الجيش والدراسة فى الدبلومة فلك الحق فى حضور الامتحان . ويكون ذلك بناء على افادة من الكلية الى الجيش بمواعيد الامتحانات وتستطيع بمقتضاها الحصول على اجازة لحضور الامتحان . كما انك تستطيع المذاكرة اثناء تأدية مدة التجنيد .
وللعلم انا كمان دخلت الجيش وطالب بدبلوم القانون العام .

شادي حامد
25-09-2007, 12:27 AM
جدول القانون العام السنه دي عامل ايه ومين الدكاتره الموجودين ؟

mr_lawer
25-09-2007, 12:33 AM
بالنسبه للجدول هيكون على الاسبوع القادم انشاء الله .

kemico
26-09-2007, 06:23 AM
هام ارجو افادتى هل يمكن القيد في دبلومين في نفس العام الجامعي ولو كان في جامعتين مختلفتين مثل القيد في دبلوم الخاص في جامعة المنصورة والعام فى الاسكندرية وان كان هذا جائزا الاتثورمشكلة في حالة النجاح في الدبلومين في نفس العام خاصة عند التسجيل للدكتوراة

ارجو الرد من مصدر موثوق
شكررررررررررررررررررررررررررررررررررررا

احمد على احمد على
06-10-2007, 01:56 AM
سلامو عليكو
هوا حقيقى ان رسوم الدبلومه زادت وبقت 600 وانا قريت على الوقع انها 400 هل هيا فعلا زادت
وكنت عايز اعرف هل كل دبلومتين بيعادلو ماجستير ولا دبلومة القانون العام والخاص فقط وهل هما فعلا مفيدين بعيد عن الاستفاده العلميه ولا مجرد مضيعه للوقت وشكرا ليكم

صدام حسين
06-10-2007, 03:45 PM
انا كنت عاوز اعرف من فضلك تقدير مقبول ممكن يقدم في الدراسات العليا والميعاد امته وهل اتنين دبلومه يعادل ماجستير ولو ممكن حضرتك تنصحني في اي دبلومه ادرس تكون الافضل للتاءهيل لو فيه امل في الالتحاق بالقضاء ومتشكرجدا جدا علي الافاده

رجل قانون
06-10-2007, 05:16 PM
تم فصل المشاركة عن موضوع النيابة العسكرية لخروجها عن الموضوع وسيتم توجيهها الى منتدى الدراسات العليا للا جابة عليها من قبل المختصين هناك .

mr_lawer
06-10-2007, 05:48 PM
بالنسبه للتسجيل بالدراسات العليا فلا يشترط تقدير معين . اى يجوز ان تلتحق بالدراسات العاليا وانت حاصل على تقدير مقبول.
بالنسبه للميعاد فهو من بدايه شهر سبتمبر الى شهر ديسمبر .
وكذلك الحصول على دبلومتين يعادل الحصول على الماجستير وذلك بشرط ان تكون احدى الدبلومتين فى القانون العام او القانون الخاص .
بالنسبه للالتحاق بالقضاء فانت وعلى ما ذكرت حاصل على تقدير مقبول اى لن تستطيع ان تلتحق بالسلك القضائى الا فى دفعة المساعدين . وهى دفعه ليس لها توقيتات محدده وللتوضيح اكثر ارجع لموضوع ( دفعة المساعدين بالهيئات القضائيه ) بمنتدى الخريجين .
اما بالنسبه للنصيحه بماذا تبدأ فهذا يرجع الى توجهاتك الشخصيه . لكن عامة لو لم يكن لديك رؤيه محدده فبدأ بدبلوم القانون العام الى حين اتضاح الرؤيه بالنسبه لك .
ارجوا ان اكون اوضحت الامور

mr_lawer
06-10-2007, 05:54 PM
بالنسبه للرسوم فهى 409 جنيه ولم تزيد الى 600 جنيه .
كل دبلومتين بيعادلوا ماجستير لكن بشرط ان تكون احدى الدبلومين القانون العام او القانون الخاص , وليس القانون العام والخاص معا .
العلم لم يكن فى يوما من الايام مضيعه للوقت , فاذا كنت تريد ان تتعلم فسوف تستفيد واذا كنت تريد الحصول على مجرد شهاده فلن تستفيد الا بالشهاده . الامر متوقف عليك .

صدام حسين
06-10-2007, 09:12 PM
مواعيد التقديم من اول اغسطس وحتي نهايه ديسمبر


لا يشترط التقديرات للالتحاق بالدبلومات

بالتوفيق للجميع



ممكن لوسمحتي استاذه عبير اعرف اقدم في الدراسات العليافي جامعة القاهره لان انا قاعد هناك في القاهره بس انا خريج جامعة المنصوره 2007ا فممكن اقدم هناك ولا لازم يكون في المنصوره ارجو الافاده وشكرا جدا

mr_lawer
06-10-2007, 11:30 PM
ممكن تقدم فى اى جامعة وليس شرط ان تكون جامعة المنصورة.

احمد على احمد على
09-10-2007, 01:56 AM
السلام عليكم
انا كنت سالت حضراتكم قبل كدا هل رسوم الدبلومه زادت وبقت 600 بدل 400 واحد الاعضاء الكرام مستر لوير قال انها ب409 زى مهيا النهارده زميل سال فى الكليه بيقول انها بقت 1200 عايز بس اتاكد من الخبر ولكم جزيل الشكر وهل الرسوم متساويه فكل الجامعات يعنى مثلا جامعة اسكندريه نفس الرسوم وانا ناوى اخدها ان شاء الله من اسكندريه وياترى ليها نفس قوة او الاسم زى دبلومة عين شمس او المنصوره

mr_lawer
09-10-2007, 03:41 AM
استاذ احمد انا شخصيا مسجل دبلومه ودافع 409 جنيه . لا اعلم من اين تاتوا بهذه الشائعات .
باختصار حكايه ال600 جنيه كانت غلطه مطبعيه فى الاعلان الموجود بشئون الدراسات العليا ليس اكثر من هذا .
اما 1200 فدى جديده خالص اول مره اسمع عنها منك .
والرسوم بتختلف من جامعة لأخرى ممكن تكون فى جامعة الاسكندريه اكثر اول اقل لا اعلم بصراحه .

Zeinab_m
16-11-2007, 05:34 PM
السلام عليكم و رحمة الله ,

انا عضوه جديده هنا فى المنتدى مع انى من جامعة الزقازيق :hi:

انا طالبه فى دبلومة العلوم الجنائيه و طبعا عندنا قاعة بحث ,:cry:

كنت عايزه مساعدتكم فى طريقة عمل الأبحاث لأنها اول مره اعمل بحث ,

جزاكم الله خير .

الاستاذة إسلام
16-11-2007, 07:36 PM
اهلا بكى معنا فى المنتدى يمكنك متابعة طريقة كتابة الابحاث على هذا الرابط

http://www.f-law.net/law/showthread.php?t=7352

ويمكنك متابعة طريقة كتابته وشكله فى صورته النهائية هنا

http://www.f-law.net/law/showthread.php?t=7354

ويمكنك الاشتراك معنا بهذا الموضوع لسهولة عمل الابحاث

http://www.f-law.net/law/showthread.php?t=7479

Zeinab_m
16-11-2007, 07:47 PM
جزاكى الله خير على المساعده :yes:

Zeinab_m
16-11-2007, 09:15 PM
انا وضعت إستفسار فى موضوع تانى ,

ياريت تشاركينى بمقترحاتك بخصوص عنوان البحث ,

http://www.f-law.net/law/showthread.php?p=39846#post39846

الخط
28-11-2007, 03:00 AM
ارجو من الاخوه الزملاء فى دبلوم القانون الخاص
اعلامى باخر موعد للتسجيل فى الدبلوم
ومحتوى المواد الدراسية وليس التصنيف فقط ارجو ذكر اسماء الموضوعات التى تدرس
ولكم جزيل الشكر
اخيكم الخط :pirateinhat:

الخط
28-11-2007, 04:52 PM
هل من مجيب :cry:

الخط
30-11-2007, 12:11 AM
مر من هنا 16 عضو ولم يصلنى رد
اشكركم على حسن تعاونكم

سالي جمعة
30-11-2007, 04:18 AM
عذرا يا خط فأعتقد أنه ليس هناك طلاب من دبلوم القانون الخاص معنا بالمنتدى

قد أفيدك في آخر ميعاد للتسجيل وهو 31 ديسمبر 2007

أما بخصوص المواد أعدك إن شاء الله إن استطعت أن أحصل على تلك المعلومات المطلوبة عن تصنيف المواد سأرد عليك بالإجابة عندما أنزل الكلية إن شاء الله يوم السبت واستفسر لك من أحد الطلاب .

الخط
30-11-2007, 04:51 AM
شكرا يا f-law2
ياريت لو تتوفر معلومات بشأن المصاريف والاوراق المطلوبة
ولك جزيل الشكر

سالي جمعة
30-11-2007, 04:58 AM
المصاريف المطلوبة : 409 جنيه

الأوراق المطلوبة : شهادة الليسانس - شهادة الميلاد - 2 صورة شخصية - ملف لحفظ هذه الأوراق .

صدام حسين
02-12-2007, 09:33 PM
الاوراق المطلوبة هى
1- شهادة الليسانس ( الشهاده المؤقته)
2- شهادة الميلادة او مستخرج رسمى منها .
3- الموقف من التجنيد . طبعا سعادتك نصف تانى يعنى هتذهب الى منطقطة التجنيد وتطلب ما يثبت موقفك من التجنيد .
4- 2 صورة شخصية 4*6
5- صورة البطاقة الشخصية .
6- مبلغ 409 رسوم الدراسة .


اما بالنسبة للجدول واسماء الاساتذه فلم ينزل الجدول بعد .

السلام عليكم ورحمة الله وبركاته انا دفعة 2007 بس دور اكتوبر ولسه هاجيب الشهاده من الكليه فهل ممكن الحق اسجل في الدبلومه وطبعا لسه مش عارف موقفي من التجنيد فهل ده يعوق تقديمي للدبلومه لان انا سامع ان اخر تقديم للدبلومه هايكون شهر ديسمبر واجراءات التجنيد بتاخد وقت طويل لما النتيجه تظهر ارجو من سيادتك الافاده وجزاك الله كل خير واكون شاكر جدا لحضرتك

KASHCOOL
12-12-2007, 03:50 PM
السلام عليكم
يا شباب الله يعطيكم العافيه

لدي اسئلة كثير ,و أرجو ممن لديه أجابات عليها أن يفيدني في ذلك

أنا خريج كلية اللغات و الترجمة بجامعة الملك سعود تخصص أنجليزي/عربي
1- هل يحق لي الالتحاق بأحد دبلومات القانون، أو مواصلة الماجستير في تخصصات "" القانون"". لا سيما "دراسات قانون الشريعة الإسلامية" أو التحكيم.
2- هل يتطلب مني دراسة دبلوم أو مواد استدراكية قبل الإنخراط في الماجستير، وكم المده أو الساعات المطلوبة أو أنه يحق لي التخصص مباشرة.
3- مدى صعوبة تخصص القانون في هذه المرحلة.
4- ما هي التخصصات الأفضل في القانون و التي تلقى رواجاً في سوق العمل.
5- كم هي مدة دراسة الماجستير في هذا التخصص .
6- و إذا لم تكن جامعة المنصوة متاحة فما هي الجامعات التي تعطي ماجتسير في هذا التخصص من داخل مصر أو خارجها.
أنا عارف خلصت كل الأسئلة اللى في الدنيا!
ملاحظة: ربما أنني من المتابعين لبعض المنتديات الأكاديمية، و لكنني لم أشهد منتدى بهذا التفصيل و القوة. ما شاء الله عليكم ، و سدد الله خطاكم في مسيرتكم العلمية و العملية.

أشكر لكم حسن تجاوبكم

mr_lawer
14-12-2007, 12:17 AM
السلام عليكم ورحمة الله وبركاته انا دفعة 2007 بس دور اكتوبر ولسه هاجيب الشهاده من الكليه فهل ممكن الحق اسجل في الدبلومه وطبعا لسه مش عارف موقفي من التجنيد فهل ده يعوق تقديمي للدبلومه لان انا سامع ان اخر تقديم للدبلومه هايكون شهر ديسمبر واجراءات التجنيد بتاخد وقت طويل لما النتيجه تظهر ارجو من سيادتك الافاده وجزاك الله كل خير واكون شاكر جدا لحضرتك

بالنسبه للموقف للتجنيد فامفيش مشكله حضرتك ممكن تتوجه الى منطقة التجنيد وتحصل على موقفك الراهن من التجنيد وهو نموذج ب2 جنيه تقريبا واجراءاته بسيطه دا بالنسبه للجيش .
اما بالنسبه لشهادة الليسانس فانا معرفش ميعاد سحب ملفات دور اكتوبر امتى بالظبط لكن لو سحبتها فى خلال شهر ديسمبر فاعتقد انه مفيش مشكله .
وللتاكد حضرتك ممكن ترجع لشؤن الطلاب والدراسات العاليا .
وبالتوفيق انشاء الله

mr_lawer
14-12-2007, 12:25 AM
السلام عليكم
يا شباب الله يعطيكم العافيه

لدي اسئلة كثير ,و أرجو ممن لديه أجابات عليها أن يفيدني في ذلك

أنا خريج كلية اللغات و الترجمة بجامعة الملك سعود تخصص أنجليزي/عربي
1- هل يحق لي الالتحاق بأحد دبلومات القانون، أو مواصلة الماجستير في تخصصات "" القانون"". لا سيما "دراسات قانون الشريعة الإسلامية" أو التحكيم.
2- هل يتطلب مني دراسة دبلوم أو مواد استدراكية قبل الإنخراط في الماجستير، وكم المده أو الساعات المطلوبة أو أنه يحق لي التخصص مباشرة.
3- مدى صعوبة تخصص القانون في هذه المرحلة.
4- ما هي التخصصات الأفضل في القانون و التي تلقى رواجاً في سوق العمل.
5- كم هي مدة دراسة الماجستير في هذا التخصص .
6- و إذا لم تكن جامعة المنصوة متاحة فما هي الجامعات التي تعطي ماجتسير في هذا التخصص من داخل مصر أو خارجها.
أنا عارف خلصت كل الأسئلة اللى في الدنيا!
ملاحظة: ربما أنني من المتابعين لبعض المنتديات الأكاديمية، و لكنني لم أشهد منتدى بهذا التفصيل و القوة. ما شاء الله عليكم ، و سدد الله خطاكم في مسيرتكم العلمية و العملية.

أشكر لكم حسن تجاوبكم

بداية يا استاذى الفاضل من شروط الالتحاق بدبلوم الدراسات العليا فى القانون فى جميع كليات الحقوق المصرية هو ان يكون المتقدم حاصل على شهادة الليسانس فى الحقوق من احدى الجامعات المصرية واو على معهد علمى معادل .
وبما ان حضرتك غير دارس للقانون فلن تستطيع الالتحاق بدبلومات الدراسات العاليا الا اذا اجتزت مرحلة الليسانس اولا .

CINA2000
26-12-2007, 03:04 PM
السلام عليكم ازجو الافادة حول كيفية اعداد خطة بحث لنيل درجة الدكتو راة ولكم وافر الشكر والا حترام

hesham2008
28-12-2007, 01:37 PM
السلام عليكم
اخوانى واخواتى
ضيف وصديق جديد بدى مساعدتكم الغاليه
فى ايجاد موقع او جامعه مفتوحه بمصر تقبل ان اكمل فيها دراسات عليا ترجمة فورية لغة انجليزيه
اتمنى الرد وشكرا لمجهودكم ومساعدتكم
سلام

brahim
31-12-2007, 03:31 AM
بسم الله الرحمان الرحيم
السلام عليكم و رحمة الله تعالى و بركاته.
أنا طالب بكلية الحقوق بالمغرب بسلك الاجازة.
أتساأل ان كنت أستطيع اتمام دراستي العليا - ما بعد الاجازة- بالامرات العربية. وان كان بامكاني ذلك ما هي الاجراءات التي يتعين علي القيام بها.
و شكرا .
مع متمنياتي للجميع بالتوفيق.

not4sale
31-12-2007, 04:31 PM
بسم الله الرحمن الرحيم

الاخ الفاضل \ بالنسبة لانك حاصل على الليسانس من جامعة بالمغرب وتريد استكمال الدراسات العليا بحقوق المنصورة ,فالاوراق المطلوبة هى :
شهادة الليسانس + معادلتها من المجلس الأعلى للجامعات
شهادة الميلاد
صورة جواز السفر .
6 صور شخصية .

ترسل جميع الأوراق موثقة بإسم السيد أ.د/ عميد الكلية عن طريق السفارة
ده بالنسبة لو مقدم للتسجيل فى دبلومة, ومصاريفها هى:
رسم قيد لأول مرة 1200 جنيه استرلينى (أو ما يعادلها بالعملات الحرة )
رسوم سنوية 1000 جنيه استرلينى (أو ما يعادلها بالعملات الحرة ).


اما لو مقدم للحصول على ماجيستير:
شهادة الليسانس
شهادة دبلوم الدراسات العليا
شهادة الميلاد
صورة جواز السفر .
6 صور شخصية .

ترسل جميع الأوراق موثقة بإسم السيد أ.د/ عميد الكلية عن طريق السفارة .
ومصروفاتها:
رسم قيد لأول مرة 1200 جنيه إسترلينيا (أو ما يعادلها بالعملات الحرة )
رسوم سنوية 1200 جنيه إسترلينيا (أو ما يعادلها بالعملات الحرة),



اما الدكتوراة:
شهادة الليسانس
شهادة الدبلومة
شهادة الماجستير أو شهادة بالدبلومتين أحدهما القانون العام أو القانون الخاص
شهادة الميلاد
صورة جواز السفر .
6 صور شخصية .

ترسل جميع الأوراق موثقة بإسم السيد أ.د/ عميد الكلية عن طريق السفارة

ومصروفاتها:
رسم قيد لأول مرة 1200 جنيه إسترلينيا (أو ما يعادلها بالعملات الحرة )
رسوم سنوية 2000 جنيه إسترلينيا (أو ما يعادلها بالعملات الحرة)



ملحوظة :

1- جميع الشهادات الحاصل عليها الطالب الوافد من خارج الجمهورية يتم معادلتها من المجلس الأعلى للجامعات
فى جامعة القاهرة .

2- الشهادات المعادلة لليسانس الحقوق من داخل الجمهورية كلية الشريعة والقانون قسم القانون ، كلية الشرطة






هذا بالنسبة للالتحاق بحقوق المنصورة, اما بالنسبة لدولة الامارات, فممكن ان تتصل بهم بموقع كلية الحقوق جامعة الامارات (http://cl.uaeu.ac.ae/ar/index.asp)

brahim
31-12-2007, 08:04 PM
مشكووووووووووووووووووووووووووووووووووووووووووووووو ووور.

not4sale
31-12-2007, 09:19 PM
الشكر لله
وكل عام وانت بخير

Dode
07-01-2008, 11:59 PM
:thinking:::السلام عليكم و رحمة الله و كل عام وانتم بخير لحلول العام الهجري الجديد اريد الاستفسار عن مدي استفادة من هم خارج المنصوره بالمواضيع المطروحه بما يتعلق بالدراسات

صدام حسين
08-01-2008, 03:30 PM
يا جماعه لو سمحتوا ممكن اي من حضارتكم يساعدني في المشكله الي انا فيها انا من المنصوره و سجلت في الدراسات العليا جامعة القاهره في القانون العام بس لحد الان لم احضر ولم اذاكر في الكتب وندمان اني سجلتها في القاهره فهل ممكن احول او اننقل تاني في المنصوره ولا خلااص فات الوقت لان واجهتني مشكلة السكن وكمان الدبلومه في المنصوره افضل بكتير وهابقا مع ناس اعرفهم ياريت حد يفيدني ارجوكم ومتشكر لحضارتكم علي المعلومات القيمه الي بيقدمها المنتدي الجميل ده

صدام حسين
17-01-2008, 03:59 PM
السلام عليكم ورحمة الله وبركاته انا سالت قبل كده ياجماعه هنا في المنتدي وكنت متوقع ان هايكون فيه رد فوري من جانب احد الاعضاء الكرام ولكن مش عارف اي الحكايه مافيش حد بيدخل المنتدي ولا ايه ياريت لو اي عضو فاضل يكون عنده الاجابه او اي معلومه يعرفه عن استفساري ده يقولها واكون شاكر ليه وربنا يجازيه خير ان شاء الله بالنسبه للاستفسار انا بدرس دبلومه في القانون العم جامعة القاهره هل يجوز ان ممكن انقل جامعة المنصوره ممكن يكون فيه لسه وقت ولا خلااص ياريت اي عضو يكون عارف حاجه بالنسبه للموضوع ده يقول وانا دايما بثق في معلومات المنتدي ده لان فعلا منتدي فعال جدا ونشيط وبيتابع الاخبار والموضوعات ال تهمنا كلنا سواء في الكليه وحتي بعد التخرج وشكرا جدا

mr_lawer
17-01-2008, 08:10 PM
يا جماعه لو سمحتوا ممكن اي من حضارتكم يساعدني في المشكله الي انا فيها انا من المنصوره و سجلت في الدراسات العليا جامعة القاهره في القانون العام بس لحد الان لم احضر ولم اذاكر في الكتب وندمان اني سجلتها في القاهره فهل ممكن احول او اننقل تاني في المنصوره ولا خلااص فات الوقت لان واجهتني مشكلة السكن وكمان الدبلومه في المنصوره افضل بكتير وهابقا مع ناس اعرفهم ياريت حد يفيدني ارجوكم ومتشكر لحضارتكم علي المعلومات القيمه الي بيقدمها المنتدي الجميل ده


السلام عليكم ورحمة الله وبركاته انا سالت قبل كده ياجماعه هنا في المنتدي وكنت متوقع ان هايكون فيه رد فوري من جانب احد الاعضاء الكرام ولكن مش عارف اي الحكايه مافيش حد بيدخل المنتدي ولا ايه ياريت لو اي عضو فاضل يكون عنده الاجابه او اي معلومه يعرفه عن استفساري ده يقولها واكون شاكر ليه وربنا يجازيه خير ان شاء الله بالنسبه للاستفسار انا بدرس دبلومه في القانون العم جامعة القاهره هل يجوز ان ممكن انقل جامعة المنصوره ممكن يكون فيه لسه وقت ولا خلااص ياريت اي عضو يكون عارف حاجه بالنسبه للموضوع ده يقول وانا دايما بثق في معلومات المنتدي ده لان فعلا منتدي فعال جدا ونشيط وبيتابع الاخبار والموضوعات ال تهمنا كلنا سواء في الكليه وحتي بعد التخرج وشكرا جدا

بداية استاذى الفاضل آخر موعد للتسجيل بدبلومات الدراسات العليا بكلية الحقوق جامعة المنصورة هو 31 ديسمبر . اما بالنسبة للتحويل من جامعة الى اخرى فى مرحلة الدراسات العاليا فصراحة ليس لدى اى معلومات حول هذا الموضوع .
ولكن انشاء الله سوف اسال فى الكلية الاسبوع القادم . وسوف اجيب على حضرتك انشاء الله .

صدام حسين
18-01-2008, 03:54 PM
متشكر جدا لاهتمامك وجديتك استاذmr_lawerوربنا يوفقك

محمد هلال
13-02-2008, 02:05 AM
بسم الله الرحمن الرحيم
السلام عليكم ورحمة الله وبركاته
لو سمحتم ممكن الإفاده
أنا طالب في كليه الحقوق جامعه المنصوره أنا إنتساب فهل من الممكن أتقدم بعمل دراسات عليا ( دبلومه في القانون العام ) وأنا إنتساب لو سمحتم ردو عليا علي الأميل أو إرسال رساله خاصه ولكم مني كل الشكر

didine
23-02-2008, 08:08 PM
بسم الله الرحمن الرحيم
السلام عليكم ورحمة الله وبركاته
ارجو من الاخوة الاجابة عن الاسئلة التالية
-هل يجوز القيد في دبلومين في وقت واحد؟
-ماهي الدبلومات السهلة نسبيا اي التي تكون فيها نسبة النجاح عالية؟
شكرا جزيلا

h_2you
26-02-2008, 04:44 AM
ياريت حد يسأل ان كان لسه فاتح ولا لا

LIONMESR
27-02-2008, 06:08 PM
ارجو المساعده في ايجاد هزا البحث علما بانه كان في هزا الموقع http://www.eastlaws.com/index.php

didine
09-03-2008, 07:59 PM
السلام عليكم ورحمة الله وبركاته
لقد سبق و ان قدمت سؤالي بتاريخ23/02/2008 ولم يجبني احد ربما لكثرة اشغالهم اعانهم الله .
ارجوا من الاخوة الذين عندهم المام بالموضوع ان ينورونابه وهو
-هل يجوز القيد في دبلومين في وقت واحد لانني طالب وافد؟
-ماهي الدبلومات السهلة نسبيا اي التي تكون فيها نسبة النجاح عالية؟
- ماهو الافضل الحصول على دبلومين ام الحصول على دبلومة+رسالة ماجستير؟
و جزاكم الله كل خير

dew.dew
10-03-2008, 12:32 AM
هل المحضارات عليها غياب وحضور
يعنى ينفع اجى عالامتحانات بس لانى مش من المنصوره


يعنى اييه باحث قانونى؟

فيروز
22-03-2008, 02:59 PM
السلام عليكم لو سمحتم عايزه مساعده حول موضوع اجرام النساء لاني لم اتمكن من ايجاد كتب خاصه بهذا الموضوع علما بانه كان موجود بموقع east law بحث كامل عنه وارجوا الرد سريعا وشكرا لكم

سالم عبيد
03-04-2008, 04:57 AM
الاستاذ المشرف حفظه الله
السلام عليكم ورحمة الله وبركاتة
هل فية مجال في جامعة المنصورة الموقرة لمواصله الدرسات العليا في القانون ، علما بإن تخصصي إدارة عامة من جامعة الملك عبد العزيز بجدة وهل التقدير في البكالوريوس محدد بتقدير معين
وارغب بالحصول علي الماجستير ماهي الشروط امل أرسالها علي الاميل

ولكم خالص تقديري

احمد كامل
24-05-2008, 08:55 PM
السلام عليكم
انا احمد كامل خريج حقوق طنطا 2007
كنت عايز اسأل انا ممكن اعمل دبلومه وامتحنها في السفاره المصريه عما بأننى اعمل في المملكه العربيه السعوديه
ياريت اعرف التفاصيل لو في امكانيه

folla
08-06-2008, 11:57 PM
السلام عليكم , ياترى امتى هاينزل دور اكتوبر ؟

folla
09-06-2008, 12:03 AM
اقصد الجدول جدول دور 10 ؟

folla
09-06-2008, 12:06 AM
ممكن اسال كمان سؤال عاوزه اعرف هل اختيار دبلومة شريعة اختيار موفق ولا لا انا مياله اصلا لدراسة الشريعة ولكن اريد ان اعرف هل لهذه الدبلومة مستقبل وماهى فرص هذه الدبلومه فى العمل ؟

المحقق كونان
14-06-2008, 02:37 PM
استفسار وارجو الرد عليه .

انا خريج كلية اصول الدين (( قسم العقيدة والمذاهب المعاصرة ))
بنسبة 3,47 من 5
واريد الالتحاق للدراسات العليا بكلية الحقوق (( قسم القانون المقارن )) ولدي بعض التساؤلات وارجو ممن لديه المعرفه الرد عليها مشكورا .

1 _ هل بكلية الحقوق نظام الانتساب او التعليم عن بعد فيما يخص الدراسات العليا . ؟
2 _ هل يحق لي الالتحاق بالكلية (( قسم القانون المقارن )) علما انني خريج كلية اصول الدين .؟
3 _ ماهي شروط الالتحاق بالكلية . ؟
4 _ وكم التكلفة الاجمالية للدراسات العليا .؟

ولكم مني جزيل الشكر والعرفان

المحقق كونان
14-06-2008, 06:53 PM
الا يوجد رد ياساده

صدام حسين
22-06-2008, 12:27 PM
السلام عليكم ورحمة الله وبركاته لو سمحتوا اعضاء المنتدي الرائع ده انا عاوز اي عضو فاضل يجاوبوني عن استفساري لو عنده علم بالاجابه انا دبلوم القانون العام دور اكتوبر جامعة القاهره والنتيجه بتظهر متاخر تقريبا في اخر شهر واحد فا استفساري هل ممكن ان اسجل في دبلومه تانيه في جامعة المنصوره اقصد ممكن اسجل دبلومة تانيه حتي لو النتيجه لسه ما ظهرتش متشكر ليكو جدا ارجو الافاده

mr_lawer
22-06-2008, 04:31 PM
حضرتك ممكن تسجل عادى قبل ما نتيجتك تظهر مفيش اى مشكله . وعادة التسجيل بيظل مفتوح الى شهر يناير . لان معد 31 /12 ميعاد تنظيمى ممكن يتجاوزوه عادى .

صدام حسين
23-06-2008, 08:57 AM
متشكر ليك جدا mr_lawer وجزاك الله خير

folla
25-06-2008, 11:50 AM
ياريت حد يكتبلنا جدول الشفوى بالنسبه لدبلوم قانون عام وشكرا ...

عمرو السيد
26-06-2008, 12:40 AM
بسم الله الرحمن الرحيم السلام عليكم ورحمة الله وبركاته انا سعيد جدا بمشاركتى فى هذا المنتدى الرائع واشكر كل القائمين به وكل الموجودين من مشرفين واعضاء انا خريج كليه الحقوق جامعه المنصوره وكنت اتمنى ان اعمل بالنيابه ولكن لان تقديرى لم يساعدنى فلم اعمل بها اعمل الان محامى وجائتنى فرصه للعمل امين سر باحدى المحاكم وانا الحقيقه متردد جدا ولكن ممكن ان اعمل بهذى الوظيفه اذا تحقق ما اتمناه وهو ان اكمل تعليمى اسجل دبلومتين فى الكليه والسؤال هو هل اذا عملت فى هذه الوظيفه وحصلت على دبلومتين احداهما طبعا فى القانون العام او الخاص هل يحق لى ان التحق باحدى الهيئات القضائيه ام انه لا يجوز فهذا الحلم يسيطر على كيانى وكل حياتى ارجو الرد على هذا التساؤل حيث انهيتوقف عليه كل حياتى ولكم جزيل الشكرالسلام عليكم ورحمة الله وبركاته

عمرو السيد
26-06-2008, 01:05 AM
السلام عليكم ورحمة الله وبركاته بسم الله الرحمن الرحيم السلام عليكم ورحمة الله وبركاته ارجوا ان تفتونى فى امرى فانه لا خاب من استشار ولاندم من استخار انا خريج كليه حقوق المنصوره وعندى مشكله انا حلم النيابه العمه مسيطر على كيانى بس فيه فرصه مش عارف اعمل ايه هل لو انا اتعينت امين سر باحدالمحاكم وكملت دراستى يعنى اخدت دبلومتين احدهم فى القانون العام او الخاص هل ممكن اتعين بعد كده فى احد الهيئات القضائيه مع العلم ان سنى وقتها لن يتجاوز السادسه والعشرين سنه وشكرا

عمرو السيد
26-06-2008, 01:31 AM
بسم الله الرحمن الرحيم السلام عليكم ورحمة الله وبركاته انا سعيد جدا بمشاركتى فى هذا المنتدى الرائع واشكر كل القائمين به وكل الموجودين من مشرفين واعضاء انا خريج كليه الحقوق جامعه المنصوره وكنت اتمنى ان اعمل بالنيابه ولكن لان تقديرى لم يساعدنى فلم اعمل بها اعمل الان محامى وجائتنى فرصه للعمل امين سر باحدى المحاكم وانا الحقيقه متردد جدا ولكن ممكن ان اعمل بهذى الوظيفه اذا تحقق ما اتمناه وهو ان اكمل تعليمى اسجل دبلومتين فى الكليه والسؤال هو هل اذا عملت فى هذه الوظيفه وحصلت على دبلومتين احداهما طبعا فى القانون العام او الخاص هل يحق لى ان التحق باحدى الهيئات القضائيه ام انه لا يجوز فهذا الحلم يسيطر على كيانى وكل حياتى ارجو الرد على هذا التساؤل حيث انهيتوقف عليه كل حياتى ولكم جزيل الشكرالسلام عليكم ورحمة الله وبركاته

عبير حمدي
26-06-2008, 11:29 AM
بسم الله الرحمن الرحيم السلام عليكم ورحمة الله وبركاته انا سعيد جدا بمشاركتى فى هذا المنتدى الرائع واشكر كل القائمين به وكل الموجودين من مشرفين واعضاء انا خريج كليه الحقوق جامعه المنصوره وكنت اتمنى ان اعمل بالنيابه ولكن لان تقديرى لم يساعدنى فلم اعمل بها اعمل الان محامى وجائتنى فرصه للعمل امين سر باحدى المحاكم وانا الحقيقه متردد جدا ولكن ممكن ان اعمل بهذى الوظيفه اذا تحقق ما اتمناه وهو ان اكمل تعليمى اسجل دبلومتين فى الكليه والسؤال هو هل اذا عملت فى هذه الوظيفه وحصلت على دبلومتين احداهما طبعا فى القانون العام او الخاص هل يحق لى ان التحق باحدى الهيئات القضائيه ام انه لا يجوز فهذا الحلم يسيطر على كيانى وكل حياتى ارجو الرد على هذا التساؤل حيث انهيتوقف عليه كل حياتى ولكم جزيل الشكرالسلام عليكم ورحمة الله وبركاته

السلام عليكم

لن استطيع افادتك بشكل يرضيك ولكن ما احب ان اقوله ان عليك ان تتوكل علي الله و تقبل بتلك الوظيفه وتجتهد للحصول علي الماجستير وتترك الباقي لله فقد تتيسر امورك ويحقق ما تتمناه انما لا تترك تلك الفرصه من يدك

didine
28-06-2008, 11:03 AM
بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
اود ان اتواصل مع طلبة الدراسات العليا الوافدين حتى استفيد من خبراتهم و تجاربهم و معرفة انطباعاتهم.
شكرا جزيلا

folla
30-06-2008, 08:47 PM
:ohmy: ايه رايكم فى امتحانات الشفوى ومدى تعاون الدكاتره أو لا ؟:flood2:

didine
01-07-2008, 02:50 PM
بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
اريد ان اعرف ماهي المسافة بين القاهرة و المنصورة؟
ماهي و سائل النقل المتوفرة؟و كم تستغرق الرحلة من القاهرة الى المنصورة؟

mr_lawer
04-07-2008, 01:15 AM
بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
اريد ان اعرف ماهي المسافة بين القاهرة و المنصورة؟
ماهي و سائل النقل المتوفرة؟و كم تستغرق الرحلة من القاهرة الى المنصورة؟


المسافه بين القاهرة والمنصورة هى حوالى 130 كم .

اما عن وسائل النقل هى الاتوبيسات السوبر جيت و الميكروباصات وسيارات البيجو وكذلك القطار. وكذلك هناك سيارات سياحيه ( سيارات الليموزين )


اما عن زمن الرحله فتختلف حسب نوع المواصله ولكنها عادة تكون ساعاتان تقريبا .

Cinderella
05-07-2008, 01:51 PM
السلام عليكم ورحمة الله وبركاته
أنا عايزه اقدم دبلومة في القانون العام السنة دي ياريت ممكن حد يقولي التقديم هايكون امتى ؟ وهل فعلا دبلومة القانون العام بيكون عليها ضغط وبتقفل بسرعة يعني لو انا اتأخرت مثلا عن شهر 9 مش هاعرف اقدم الا بواسطة ؟؟ وجزاكم الله خيرا

mr_lawer
06-07-2008, 03:18 AM
السلام عليكم ورحمة الله وبركاته
أنا عايزه اقدم دبلومة في القانون العام السنة دي ياريت ممكن حد يقولي التقديم هايكون امتى ؟ وهل فعلا دبلومة القانون العام بيكون عليها ضغط وبتقفل بسرعة يعني لو انا اتأخرت مثلا عن شهر 9 مش هاعرف اقدم الا بواسطة ؟؟ وجزاكم الله خيرا

حضرتك التقديم بيبدأ من شهر سبتمبر وحتى نهاية شهر ديسمبر . وهذا الميعاد تنظيمى ، اى انه غالبا ما يتم قبول طلاب بعد هذا الميعاد اى فى شهر يناير .

حضرتك ممكن تقدمى فى اى وقت وبدون واسطه .

وبالتوفيق ان شاء الله

didine
06-07-2008, 11:43 AM
بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
mr_lawer اشكرك على حسن متابعة الموضوع و جزاك الله كل خير

Cinderella
08-07-2008, 12:20 PM
حضرتك التقديم بيبدأ من شهر سبتمبر وحتى نهاية شهر ديسمبر . وهذا الميعاد تنظيمى ، اى انه غالبا ما يتم قبول طلاب بعد هذا الميعاد اى فى شهر يناير .

حضرتك ممكن تقدمى فى اى وقت وبدون واسطه .

وبالتوفيق ان شاء الله

شكرا جزيلا جزاك الله خيرا

folla
12-07-2008, 09:43 PM
انا عاوزه اسال سؤال هل ممكن حد يعيد دراسة دبلومه هو نجح فيها قبل كده ؟ ولو لا فهل ممكن يعيدها فى جامعة تانية ؟

mr_lawer
13-07-2008, 12:05 AM
انا عاوزه اسال سؤال هل ممكن حد يعيد دراسة دبلومه هو نجح فيها قبل كده ؟ ولو لا فهل ممكن يعيدها فى جامعة تانية ؟

بداية حضرتك لكى تقومى بمعادلة دبلومتين بشهادة الماجستير يجب ان تكون احدى هاتين الدبلومتين اما دبلومة القانون العام او دبلومة القانون الخاص . وبذلك يكون الاختيار محصور بين دبلومة القانون العام او الخاص وفقط - هذا بافتراض انه يجوز ان تعيدى دراسة نفس الدبلومة مرة اخرى - .

اما لو كنت شديدة الحب لهذا القسم فالتستعيضى عن تكرار نفس الدبلومه بتسجيل رسالة ماجستير فى هذا القسم بعد اجتياز الدبلومة الاولى .

اما عن جواز دراسة نفس الدبلومة مرة اخرى ، فعلى حد معلوماتى المتواضعه لم اقرأ او اسمع عن شىء يمنع ذلك .


والله اعلى واعلم .

folla
17-07-2008, 09:18 PM
ياريت لو حد يفيدنى فى الموضوع ده لاتى تفسى اعمل دبلومه فى الاسكندرية وعاوزه اعرف السكن هناك غالى ولا ايه وكلية حقوق اسكندرية فين بالظبط والمصروفات كام ؟؟؟... وشكرا على المنتدى الجميل

amr iak
28-07-2008, 02:01 PM
السلام عليكم ورحمة الله وبركاته
لقد سبق و ان قدمت سؤالي بتاريخ23/02/2008 ولم يجبني احد ربما لكثرة اشغالهم اعانهم الله .
ارجوا من الاخوة الذين عندهم المام بالموضوع ان ينورونابه وهو
-هل يجوز القيد في دبلومين في وقت واحد لانني طالب وافد؟
-ماهي الدبلومات السهلة نسبيا اي التي تكون فيها نسبة النجاح عالية؟
- ماهو الافضل الحصول على دبلومين ام الحصول على دبلومة+رسالة ماجستير؟
و جزاكم الله كل خير

السلام عليكم
ياريت ياجماعة الاخوة المشرفين او احد الاعضاء يجاوبنا على هذة الاستفسارات ضرورى جدا
وهل يجوز ان يتم القيد فى دبلومتين فى وقت واحد بالنسبه للطالب الغير وافد ؟؟


وفى سؤال هام جدا ياجماعة لو تكرمتو ينفع الواحد يعمل معادلة فى الانجلش بحيث تكون هذة المعادلة مع اليسانس العربى مساوية او قريبه لليسانس بالانجلش ولا اايه
ولو ينفع ماهى شروطها ونظامها
وشكرا ولكم منى اجمل تحيه ....

number1
28-07-2008, 07:52 PM
ana knt 3yza a3rf elderasa f eldblom 3momn btbt2 emta

amr iak
29-07-2008, 01:39 PM
السلام عليكم
ياريت ياجماعة الاخوة المشرفين او احد الاعضاء يجاوبنا على هذة الاستفسارات ضرورى جدا
وهل يجوز ان يتم القيد فى دبلومتين فى وقت واحد بالنسبه للطالب الغير وافد ؟؟


وفى سؤال هام جدا ياجماعة لو تكرمتو ينفع الواحد يعمل معادلة فى الانجلش بحيث تكون هذة المعادلة مع اليسانس العربى مساوية او قريبه لليسانس بالانجلش ولا اايه
ولو ينفع ماهى شروطها ونظامها
وشكرا ولكم منى اجمل تحيه ....

ياريت السادة المشرفين الافاضل يفيدونااااااااااااااااااااا

f_samah
30-07-2008, 01:21 AM
ممكن توضح لى المقصود من ان تكون احدى الدبلومتين قانون عام او خاص مع اعطاء مثال لهذا وهل معنى ذلك اننى ممكن ان احصل على الماجستير دون التسجيل فى دبلومة القانون الخاص؟

amr iak
30-07-2008, 01:42 AM
السلام عليكم
ياريت السادة الافاضل المشرفين يردو على استفسارى السابق ضرورى جدااااااااااااااا

mr_lawer
30-07-2008, 01:34 PM
ياريت السادة المشرفين الافاضل يفيدونااااااااااااااااااااا

استاذى الفاضل من شروط معادلة الدبلوماتين بدرجة الماجيستير هو ان يتم الحصول عليهم فى عامين دارسيين مختلفين . اى انه اذا حصلت على الدبلومتين فى عام دراسى واحد فلن تتمكن من معادلتهم بدرجة الماجيستير .

اما بالنسبة للتساؤل الثانى فانا لا استطيع ان افيدك فيه . فليس لدى معلومات حول هذا الموضوع .

ارجوا ان اكون افدتك .

وبالتوفيق ان شاء الله

amr iak
30-07-2008, 03:21 PM
شكرا جزيلا يا استاذى الفاضل
وتمنياتى ليك بالنجاح والتوفيق

roshdy ebrahim
03-08-2008, 11:59 AM
ارجو الرد من فضلكم انا خريج السنة دي وعايز التحق في دبلومتين في سنة واحدة من جامعتين مختلفتين واحداها جامعة المنصورة هل يعتبر ذلك ماجستير ؟ ام يجب ان تكون الدبلومتين في سنتين منفصلين للأعتراف بهما ------ ارجو الرد
وشكراااااااا جزيلا

folla
03-08-2008, 05:49 PM
أنا عاوزه اعرف معلومات عن الدبلومه فى الإسكندرية وعن السكن هناك فياريت حد يدلنى اسال مين أو أعمل ايه وانتم عارفين ان المسافه بعيده وشكرا ....

احمد عطوه
03-08-2008, 10:16 PM
السلام عليكم ورحمة الله
معاكم اخوكم احمد عطوه
اولاً : انا اشكر القائمين على هذا الموقع متمنياً لهم التوفيق والسداد حيث افادونى كثيراً بما هو مبن على هذا الموقع
ونرجوا منهم المتابعه فى ذلك.
ان شاء الله سوف اُسجل دراسات عليا نرجو من اخواننا واخواتنا ذو الخبره افادتنا عن :
**كيفه الدراسه .
**الكتب وما يتعلق بها.
**والامتحانات.

عبدو صقر
06-08-2008, 01:24 PM
مواعيد التقديم من اول اغسطس وحتي نهايه ديسمبر


لا يشترط التقديرات للالتحاق بالدبلومات

بالتوفيق للجميع:c


هل هناك اختبارات قبول للدرسات العليا من فضلك ردى عليا

عبدو صقر
06-08-2008, 01:35 PM
السلام عليكم ورحمة الله وبركاته
اخوكم عبدو صقر
احب اسأل المشاركين سؤال
هل حد عارف اذا كان هناك تقديم حقيقى فى مجلس الدولة ام لا
انا سمعت انا هناك تقديم من 3/8/2008 الى 15/8/208
من فضلكم حد يجاوبنى فى اقصى سرعة

Dark Star
07-08-2008, 03:25 AM
أنا عندى أستفسار وأرجو أن تتم موافاتى بالأجابة سريعا .عاوزة أعرف أذا كان يوجد بالجامعة دراسة لدبلومة التحكيم.وأذا وجدت فأرجو أطلاعى على التفاصيل والى متى سيتم قبول الطلبات؟؟؟. وجزاكم اللة كل خير

عبدو صقر
07-08-2008, 02:31 PM
]السلام عليكم جميع المشاركين والمشرفين
ارجو من الله ان يصلح بالكم وقلوبكم واعمالكم ويفقكم لمافيه الخير ويزيدكم علما [/SIZE]

mr_lawer
08-08-2008, 02:43 AM
أنا عندى أستفسار وأرجو أن تتم موافاتى بالأجابة سريعا .عاوزة أعرف أذا كان يوجد بالجامعة دراسة لدبلومة التحكيم.وأذا وجدت فأرجو أطلاعى على التفاصيل والى متى سيتم قبول الطلبات؟؟؟. وجزاكم اللة كل خير

للاسف حضرتك مفيش فى جامعة المنصورة دبلومة متخصصه فى مجال التحكيم . لكن هى تقريبا موجودة اما فى جامعة القاهرة او عين شمس .

وبالتوفيق ان شاء الله

حسين شاهين
08-08-2008, 03:21 PM
انا ممكن اعرف فيه دبلومه اساسيه في البدايه ولا انا بختار المجال الي انا عايز اخد فيه الماجستير

MoHaMeD 2006
09-08-2008, 01:40 PM
ياريت يا شباب اللى يعرف لائحة الدبلومات بكلية الحقوق بطنطا يكتبها هنا ، يعنى هل اللى بينزل فى مادة بينزل فى باقى المواد ، ودرجات الرأفة بتبقى كام درجة.

number1
09-08-2008, 02:30 PM
لو سمحت عايزة اعرف امتى بتبدأ الدراسة فى الدبلومات و الامتحانات بتبقى امتى ؟
وشكرا

Dark Star
11-08-2008, 01:11 AM
:hi:عدد الدبلومات بالضبط 8
وهم كالتالى: [دبلومةالقانون الخاص وبتدرس فيها( قانون مدنى- قانون تجارى-قانون المرافعات-الشريعة الأسلامية-ومادة أختيارى أما فلسفة قانون أو تشريعات البيئةو طبعا مادة بتكون قاعة بحث . ودبلومة القانون العام وبتدرس فيها ( النظم السياسية والقانون الدستورى-القانون الأدارى-القانون الجنائى-القانون الدولى العام-ومادة أختيارى [أما المالية العامة والتشريع الضريبى أو حقوق الأنسان .ودبلومة الشريعة الأسلامية وبتدرس فيها(أصول الفقة-الفقة الأسلامى-النظريات العامة فى الفقة الأسلامى-المعاملات فى الفقة الأسلامى-ومادة أختيارى بتختلف من سنة لسنة+قاعة البحث.ودبلومة العلوم الجنائية وبتدرس فيها(قانون العقوبات-قانون الأجراءات الجنائية-علم الأجرام مع التعمق-وعلم العقاب مع التعمق-ومادة أختيارى بتكون أماقانون عقوبات خاص أوقانون جنائى أسلامى أو أوقانون جنائى دستورى أوقانون جنائى دولى أوتاريخ القانون الجنائى أوالتحقيق الجنائى العملى أوالسياسة الجنائية أوفلسفة القانون الجنائى يعنى أنت وحظكودبلومة أقتصادوبتدرس فيها(نظرية الأقتصاد-المالية العامة-العلاقات الأقتصادية الدولية-القانون الأقتصادى-والمادة الأختيارى وبتختلف على حسب مجلس الكلية نفسة+قاعة البحث.ودبلومة القانون الدولىوبتدرس فيها(نظرية القانون الدولى-القانون الدولى الخاص-القانون الدبلوماسى والقنصلى-القانون الدولى والتحكيم الدولى-والمادة الأختيارى+قاعة البحث. ودبلومة العلوم الأداريةوبتدرس فيها(الرقابة الأدارية على اعمال الأدارة-المرافق العامة والضبط الأدارى والضبط الأدارى-الأجراءات الأدارية القضائيةوغير القضائية-نظام الأدارة المحلية-والمادة الأختيارى+قاعة البحث.ودبلومة القضائى وبتدرس فيها(مرافعات-أجراءات جنائية-التنظيم القضائى المصرى-المادة الأختيارى+قاعة البحث.أما بقى عن أن المادة الراسبة فهى للاسف بتوقع الكل حتى ولو كنت فى باقى المواد جايب أمتياز والنجاح بيبدأ من جيد بس أنت لو جبت مثلا 10 بيرفعوك ل14 وهى درجة النجاح وخلى بالكأن نجاحك فى التحريرى مش مقياس للنجاح الفعلى وخاصتا فى دبلومتى العام والخاص بس باقى الدبلومات التحريرى بيشيل الشفوى
بس أنظر للجانب المشرق فى الموضوع كلة أن جامعة طنطا المادة العلمية فيها سهلة جداااااااا بالمقارنة مع باقى الجامعات يعنى مع شوية مذاكرة هتعدى ان شاء اللة.أرجو أن أكون رديت على جميع الأستفسارات
وبالتوفيق أن شاء اللة:hi:

محمود البجيري
20-08-2008, 10:43 AM
لو تكرمتم يا شباب انا مقيم بالسعودية وخريج دفعة 2005 هل من الممكن أقدم في دبلومة القانون الخاص وأنزل في الاختبارات فقط وانا أعرف ان في مادة حضور اسبوعي فهل من الممكن أني انزل في الاختبارات فقط
أرجو إفادتي في هذا الموضوع وشكرا

محمد رفعت أبوزيد
20-08-2008, 11:23 AM
لو تكرمتم يا شباب انا مقيم بالسعودية وخريج دفعة 2005 هل من الممكن أقدم في دبلومة القانون الخاص وأنزل في الاختبارات فقط وانا أعرف ان في مادة حضور اسبوعي فهل من الممكن أني انزل في الاختبارات فقط
أرجو إفادتي في هذا الموضوع وشكرا

ممكن بس دة طبعا هايكون بشكل ودي بين حضرتك وبين استاذ مادة قاعة البحث يعني وحضرتك بتقدم تعدي علي الدكتور في مكتبة
والحمد لله احنا في حقوق المنصورة عندنا صفوة من الاساتذة المحترمين اللي بيقدروا الظروف يعني ممكن يعاملوا سيادتك معاملة الطالبة اللي بيأدي فترة تجنيدة
خالص تحياتي ولو في اي استفسارات تانية احنا في الخدمة .

MoHaMeD 2006
20-08-2008, 12:51 PM
:hi:عدد الدبلومات بالضبط 8
وهم كالتالى: [دبلومةالقانون الخاص وبتدرس فيها( قانون مدنى- قانون تجارى-قانون المرافعات-الشريعة الأسلامية-ومادة أختيارى أما فلسفة قانون أو تشريعات البيئةو طبعا مادة بتكون قاعة بحث . ودبلومة القانون العام وبتدرس فيها ( النظم السياسية والقانون الدستورى-القانون الأدارى-القانون الجنائى-القانون الدولى العام-ومادة أختيارى [أما المالية العامة والتشريع الضريبى أو حقوق الأنسان .ودبلومة الشريعة الأسلامية وبتدرس فيها(أصول الفقة-الفقة الأسلامى-النظريات العامة فى الفقة الأسلامى-المعاملات فى الفقة الأسلامى-ومادة أختيارى بتختلف من سنة لسنة+قاعة البحث.ودبلومة العلوم الجنائية وبتدرس فيها(قانون العقوبات-قانون الأجراءات الجنائية-علم الأجرام مع التعمق-وعلم العقاب مع التعمق-ومادة أختيارى بتكون أماقانون عقوبات خاص أوقانون جنائى أسلامى أو أوقانون جنائى دستورى أوقانون جنائى دولى أوتاريخ القانون الجنائى أوالتحقيق الجنائى العملى أوالسياسة الجنائية أوفلسفة القانون الجنائى يعنى أنت وحظكودبلومة أقتصادوبتدرس فيها(نظرية الأقتصاد-المالية العامة-العلاقات الأقتصادية الدولية-القانون الأقتصادى-والمادة الأختيارى وبتختلف على حسب مجلس الكلية نفسة+قاعة البحث.ودبلومة القانون الدولىوبتدرس فيها(نظرية القانون الدولى-القانون الدولى الخاص-القانون الدبلوماسى والقنصلى-القانون الدولى والتحكيم الدولى-والمادة الأختيارى+قاعة البحث. ودبلومة العلوم الأداريةوبتدرس فيها(الرقابة الأدارية على اعمال الأدارة-المرافق العامة والضبط الأدارى والضبط الأدارى-الأجراءات الأدارية القضائيةوغير القضائية-نظام الأدارة المحلية-والمادة الأختيارى+قاعة البحث.ودبلومة القضائى وبتدرس فيها(مرافعات-أجراءات جنائية-التنظيم القضائى المصرى-المادة الأختيارى+قاعة البحث.أما بقى عن أن المادة الراسبة فهى للاسف بتوقع الكل حتى ولو كنت فى باقى المواد جايب أمتياز والنجاح بيبدأ من جيد بس أنت لو جبت مثلا 10 بيرفعوك ل14 وهى درجة النجاح وخلى بالكأن نجاحك فى التحريرى مش مقياس للنجاح الفعلى وخاصتا فى دبلومتى العام والخاص بس باقى الدبلومات التحريرى بيشيل الشفوى
بس أنظر للجانب المشرق فى الموضوع كلة أن جامعة طنطا المادة العلمية فيها سهلة جداااااااا بالمقارنة مع باقى الجامعات يعنى مع شوية مذاكرة هتعدى ان شاء اللة.أرجو أن أكون رديت على جميع الأستفسارات
وبالتوفيق أن شاء اللة:hi:

شكرا يا باشا على الافادة ، ولى استفسار آخر عند حضرتك ، هل المادة الاختيارى اللى فى الدبلوم العام والدبلوم الخاص دى انا اللى بختار المادة اللى تعجبنى ولا مجلس الكلية هو اللى بيقرر المادة اللى بتدرس فى كل سنة............ تحياتى

Dark Star
21-08-2008, 01:44 AM
:hi:السلام عليكم...
بالنسبة لسؤالك مثل ما ذكرت سابقا أن جميع الدبلومات يختار الطالب ما يريد فى المادة الأختيارى مابين ما حددة مجلس الكلية يعنى مثلا فى دبلومة العام مجلس الكلية بيحدد مادتين أحداهما مالية والأخرى حقوق أنسان وهذا فى الغالب وأنت بتختار ما بينهم أما المالية أو حقوق الأنسان وكذالك الحال بالنسبة لدبلوم الخاص أما بتختار فلسفة قانون أوتشريعات البيئة.
واذا أردت الأستفهام عن أىشئ مثل نظام الدكااااااااااااااااااااااترة أو أى شئ آخر فلا تتردد بالسؤال
وأن شاء اللة بالتوفيق:hi:

محمود البجيري
25-08-2008, 01:04 PM
يا شباب سؤال لو تكرمتم حد يعرف من اللي هيدرس مادة قاعة البحث في دبلومة القانون الخاص سنة 2009

محمود البجيري
25-08-2008, 01:27 PM
ممكن بس دة طبعا هايكون بشكل ودي بين حضرتك وبين استاذ مادة قاعة البحث يعني وحضرتك بتقدم تعدي علي الدكتور في مكتبة
والحمد لله احنا في حقوق المنصورة عندنا صفوة من الاساتذة المحترمين اللي بيقدروا الظروف يعني ممكن يعاملوا سيادتك معاملة الطالبة اللي بيأدي فترة تجنيدة
خالص تحياتي ولو في اي استفسارات تانية احنا في الخدمة .




متشكر جداً أستاذ محمد
سؤال اخر لو تكرمت حضرتك تعرف مين دكتور مادة قاعة البحث في دبلومة القانون الخاص لعام 2009

semo
26-08-2008, 03:48 AM
هل يوجد تسجيل لدبلوم العلوم الادارية بحقوق المنصورة
شـكــ وبارك الله فيك ـــرا لك ... لك مني أجمل تحية .

MoHaMeD 2006
01-09-2008, 12:01 AM
:hi:السلام عليكم...
بالنسبة لسؤالك مثل ما ذكرت سابقا أن جميع الدبلومات يختار الطالب ما يريد فى المادة الأختيارى مابين ما حددة مجلس الكلية يعنى مثلا فى دبلومة العام مجلس الكلية بيحدد مادتين أحداهما مالية والأخرى حقوق أنسان وهذا فى الغالب وأنت بتختار ما بينهم أما المالية أو حقوق الأنسان وكذالك الحال بالنسبة لدبلوم الخاص أما بتختار فلسفة قانون أوتشريعات البيئة.
واذا أردت الأستفهام عن أىشئ مثل نظام الدكااااااااااااااااااااااترة أو أى شئ آخر فلا تتردد بالسؤال
وأن شاء اللة بالتوفيق:hi:

ألف شكر ليك يا باشا على ردك ومعلش هتعبك معايا تانى ياريت تقولى عدد درجات الرأفة للتحريرى كام وللشفوى كام واقصى عدد درجات الرأفة فى المادة الواحدة كام ، وياريت تقولى هل فيه ناس كتير بتقدم فى دبلومات جامعة طنطا وعدد الناجحين كل سنة بيكون كام كبير ولا صغير وياريت اى معلومة اخرى تعلمها عن نظام الدكاترة وآخر ميعاد للتقديم بيبقى امتى . مع جزيل الشكر

ريهام
01-09-2008, 10:56 PM
ياجماعة طمنونى هل لايشترط التقدير فى الالتحاق بالدبلومة وشكرااااااا

ريهام
01-09-2008, 10:58 PM
ياجماعة طمنونى هل بجد لايشترط تقديرات للالتحاق بالدبلومة وشكراااااا

Dark Star
02-09-2008, 03:22 AM
:hi:السلام عليكم....
أولا : كل سنة وأنت طيب برمضان أعادة اللة عليكم بالبركات.
ثانيا:بالنسبة لأسئلتك فالأجابات كالتالى:
ا- عدد الدرجات فى المواد كلها على حسب علمى 10 وهذا بالنسبة للتحريرى وهذا طبعا فى الصورة الرسمية ولكن المتعارف علية عامتا أنك لو جبت مثلا 10فى مادة فالدكتور ممكن أن يتهاون معك ويرفعك ل14 وهى درجة النجاح أما أذا جبت أقل من10 فأنت بالتأكيد راسب وبالتالى فأنت لن تحصل على أى نسبة رفع أما بالنسبة للشفوى فهذا يرجع ألى تقدير الدكتور نفسة وياسيدى لا تقلق من هذا الموضوع .حاليا أبقى بس أنجح فى التحريرى وبعد كدة ربنا هيسهلها أن شاء اللة فى الشفوى.
ب- طبعا عدد كبير يتقدم للألتحاق وليس من داخل مصر فقط بل ومن خارجها من دول الخليج.
ج- نسبة النجاح فى الدبلومة الواحدة بتختلف من دبلومة ألى الأخرى بس أقل نسبة نجاح عامتا بتكون فى الغالب فى دبلوم الدولى والشريعة
د- النجاح فى طنطا سهل بأذن اللة ولكن بالأجتهاد والتركيز ولا تنسى أن اللة لا يضيع أجر من أحسن عملا .فالمادة العلمية سهلة جدا وذلك بالمقارنة مع باقى الجامعات فهى تافهة جدا ومع معرفة نظام الدكاترة فى كل مادة أنت نفسك بتتوقع الأسئلة.
و-دبلومة الأدارى سهلة كتييييييييييييييييييييييييييييييييييييييييييييييير عن دبلومة الخاص بمراحل بجد بجد سهلة أوى و الحصول عليها أسهل وبيتقدم ليها الكثير .أما عن ميعاد التقديم أعتقد كان فى أغسطس بس أتأكد ونصيحتى لك أن تسرع بالألتحاق حتى لا تنفذ الطلبات.
س- أما عن نظام الدكاترة فى دبلومة الأدارى هو كالتالى:
د\ مصطفى عفيفى فأسئلتة مباشرة جدا وهو فى الغالب بيقسم الكتاب على 3 أجزاء بمعنى أن الكتاب أذا كان 7فصول فهو بيقسمة كالتالى أول سؤال بيكون فى أول المنهج خالص يعنى من أول أو تانى فصل والسؤال التانى بيكون من نصف المنهج وفى الغالب بيكون سؤال الدكتور ركز علية فى المحاضرات ومعروف أنة مهم أما السؤال الثالث فبيكون من أخر محاضرة للدكتور وفى الغالب بيكون الفصل الأخير أو القبل الأخير من الكتاب.أما عن نظام الأمتحان فبيكون 3 أسئلة أختيارىبتختار منهم سؤالين فقط وعلى كل سؤال 10 دراجات.مع ضرورة التركيز على آراء الكتور وخاصتا فى الأسئلة التى تتضمن الجزء الأول من الكتاب.
أما عن د\ عمرو حسبو فهو بيحب تكرار الأسئلة ولذلك نصيحتى لك هى بالتوجة ألى قيم الدراسات العليا لتصوير أمتحانات السنين الماضية مع ملاحظة أن المنهج بيكون سنة وسنة يعنى أنت أمتحانك هذة السنة هيكون مثل منهج عام 2007وليس 2008وهكذا بس مش هيضر ممكن تصورهم كلهم حتى تتعرف أكتر على نظام الدكتور .وبيكون أمتحانة سؤالين أجبارى. سؤال من كل كتاب.وخلى بالك أن الدكتور بيحب الدش الكتير.
أما عن دكتور أيمن أبو حمزة فهو بيجيب سؤالين أجبارى وغالبا بينزل كتاب واحد ونصيحتى لك هى بحفظ مادتة عن ظهر قلب لأن أسئلتة غدارة هي ليست بالصعبة ولكنها دسمة العناصر يعنى ممكن يجبلك فى كل سؤال أتكلم عن فصل كامل فى الكتاب وبيكون أمتحانة طويل فى حلة جدا ومش على الوقت لذا ركز على العناصر أوى
وأختصر فى المضمون على قدر المستطاع حتى لا تأخذ أجابة السؤال الأول وقت السؤال الثانى.
وبذلك أكون قد أنتهيت من نظام الدكاترة فى قسم العلوم الأدارية مع ملاحظة أن كل دكتور بيكون لة مادتين ماعدا د\ أيمن فهو يختص بمادة واحدة فقط. وقاعة البحث بتكون مع من تفضل أن يكون المشرف عليها ونصيحتى لك بأن تكون مع د\ عمرو حسبو لأنة لا يتطلب أى تعقيد وأسلوبة سلس.
ط- أما عن نظام الدبلومات فى 2009 فليس لى علم بة ولكن لا أعتقد بوجود أى تغير.
ك-أما عن نظام الدكاترة فى دبلومة العام فسوف أوافيك بالأجابة غدا أن شاء اللة لأنى جدا مشغولة الآن.
وبالتوفيق أن شاء اللة:hi:.

عبير حمدي
02-09-2008, 03:18 PM
ياجماعة طمنونى هل بجد لايشترط تقديرات للالتحاق بالدبلومة وشكراااااا


لا يشترط التقدير للالتحاق بالدراسات العليا

عبير حمدي
02-09-2008, 03:21 PM
هل يوجد تسجيل لدبلوم العلوم الادارية بحقوق المنصورة
شـكــ وبارك الله فيك ـــرا لك ... لك مني أجمل تحية .


لا يوجد علوم اداريه الدبلومات المتاحة هي
دبلوم قانون عام - دبلوم قانون خاص - دبلوم الدراسات القضائيه - دبلوم الجنا\ي - دبلوم الاقنصاد - دبلوم الشريعه

عبير حمدي
02-09-2008, 03:23 PM
لو سمحت عايزة اعرف امتى بتبدأ الدراسة فى الدبلومات و الامتحانات بتبقى امتى ؟
وشكرا


الدراسه تبدا في اخر شهر اكتوبر والامتحانات في اخر مايو وفي اكتوبر

عبير حمدي
02-09-2008, 03:25 PM
انا ممكن اعرف فيه دبلومه اساسيه في البدايه ولا انا بختار المجال الي انا عايز اخد فيه الماجستير
للحصول علي الماجستير يلزم ان تجتاز احدي الدبلومتين العام او الخاص واي دبلومه اخري

MoHaMeD 2006
02-09-2008, 05:50 PM
:hi:السلام عليكم....
أولا : كل سنة وأنت طيب برمضان أعادة اللة عليكم بالبركات.
ثانيا:بالنسبة لأسئلتك فالأجابات كالتالى:
ا- عدد الدرجات فى المواد كلها على حسب علمى 10 وهذا بالنسبة للتحريرى وهذا طبعا فى الصورة الرسمية ولكن المتعارف علية عامتا أنك لو جبت مثلا 10فى مادة فالدكتور ممكن أن يتهاون معك ويرفعك ل14 وهى درجة النجاح أما أذا جبت أقل من10 فأنت بالتأكيد راسب وبالتالى فأنت لن تحصل على أى نسبة رفع أما بالنسبة للشفوى فهذا يرجع ألى تقدير الدكتور نفسة وياسيدى لا تقلق من هذا الموضوع .حاليا أبقى بس أنجح فى التحريرى وبعد كدة ربنا هيسهلها أن شاء اللة فى الشفوى.
ب- طبعا عدد كبير يتقدم للألتحاق وليس من داخل مصر فقط بل ومن خارجها من دول الخليج.
ج- نسبة النجاح فى الدبلومة الواحدة بتختلف من دبلومة ألى الأخرى بس أقل نسبة نجاح عامتا بتكون فى الغالب فى دبلوم الدولى والشريعة
د- النجاح فى طنطا سهل بأذن اللة ولكن بالأجتهاد والتركيز ولا تنسى أن اللة لا يضيع أجر من أحسن عملا .فالمادة العلمية سهلة جدا وذلك بالمقارنة مع باقى الجامعات فهى تافهة جدا ومع معرفة نظام الدكاترة فى كل مادة أنت نفسك بتتوقع الأسئلة.
و-دبلومة الأدارى سهلة كتييييييييييييييييييييييييييييييييييييييييييييييير عن دبلومة الخاص بمراحل بجد بجد سهلة أوى و الحصول عليها أسهل وبيتقدم ليها الكثير .أما عن ميعاد التقديم أعتقد كان فى أغسطس بس أتأكد ونصيحتى لك أن تسرع بالألتحاق حتى لا تنفذ الطلبات.
س- أما عن نظام الدكاترة فى دبلومة الأدارى هو كالتالى:
د\ مصطفى عفيفى فأسئلتة مباشرة جدا وهو فى الغالب بيقسم الكتاب على 3 أجزاء بمعنى أن الكتاب أذا كان 7فصول فهو بيقسمة كالتالى أول سؤال بيكون فى أول المنهج خالص يعنى من أول أو تانى فصل والسؤال التانى بيكون من نصف المنهج وفى الغالب بيكون سؤال الدكتور ركز علية فى المحاضرات ومعروف أنة مهم أما السؤال الثالث فبيكون من أخر محاضرة للدكتور وفى الغالب بيكون الفصل الأخير أو القبل الأخير من الكتاب.أما عن نظام الأمتحان فبيكون 3 أسئلة أختيارىبتختار منهم سؤالين فقط وعلى كل سؤال 10 دراجات.مع ضرورة التركيز على آراء الكتور وخاصتا فى الأسئلة التى تتضمن الجزء الأول من الكتاب.
أما عن د\ عمرو حسبو فهو بيحب تكرار الأسئلة ولذلك نصيحتى لك هى بالتوجة ألى قيم الدراسات العليا لتصوير أمتحانات السنين الماضية مع ملاحظة أن المنهج بيكون سنة وسنة يعنى أنت أمتحانك هذة السنة هيكون مثل منهج عام 2007وليس 2008وهكذا بس مش هيضر ممكن تصورهم كلهم حتى تتعرف أكتر على نظام الدكتور .وبيكون أمتحانة سؤالين أجبارى. سؤال من كل كتاب.وخلى بالك أن الدكتور بيحب الدش الكتير.
أما عن دكتور أيمن أبو حمزة فهو بيجيب سؤالين أجبارى وغالبا بينزل كتاب واحد ونصيحتى لك هى بحفظ مادتة عن ظهر قلب لأن أسئلتة غدارة هي ليست بالصعبة ولكنها دسمة العناصر يعنى ممكن يجبلك فى كل سؤال أتكلم عن فصل كامل فى الكتاب وبيكون أمتحانة طويل فى حلة جدا ومش على الوقت لذا ركز على العناصر أوى
وأختصر فى المضمون على قدر المستطاع حتى لا تأخذ أجابة السؤال الأول وقت السؤال الثانى.
وبذلك أكون قد أنتهيت من نظام الدكاترة فى قسم العلوم الأدارية مع ملاحظة أن كل دكتور بيكون لة مادتين ماعدا د\ أيمن فهو يختص بمادة واحدة فقط. وقاعة البحث بتكون مع من تفضل أن يكون المشرف عليها ونصيحتى لك بأن تكون مع د\ عمرو حسبو لأنة لا يتطلب أى تعقيد وأسلوبة سلس.
ط- أما عن نظام الدبلومات فى 2009 فليس لى علم بة ولكن لا أعتقد بوجود أى تغير.
ك-أما عن نظام الدكاترة فى دبلومة العام فسوف أوافيك بالأجابة غدا أن شاء اللة لأنى جدا مشغولة الآن.
وبالتوفيق أن شاء اللة:hi:.


الف شكر استاذة dark star وياريت لو فيه رقم تليفون للدراسات العليا بحقوق طنطا تكتبيه......... تحياتى

MoHaMeD 2006
02-09-2008, 05:56 PM
سؤال آخر هل ينفع التقديم فى دبلومة العلوم الادارية مثلا فى نفس وقت دخولك لامتحان دور اكتوبر فى دبلومة العام فى جامعة اخرى ، بحيث يمكن الحصول على الماجيستير اذا قدر الله النجاح فى دور اكتوبر لدبلوم العام وبعد ذلك فى دبلوم العلوم الادارية.

linuxtux
03-09-2008, 12:26 AM
بسم الله الرحمن الرحيم

قامت كلية الحقوق بجامعة أسيوط بالاعلان عن العديد من الدبلومات الجديده كما قامت بتغيير النظام الدراسي للدبلومات بها ليكون بنظام الترم
اخر ميعاد للالتحاق بالدبلومة هو 15 /9
مصاريف الالتحاق 450 جنيه
قائمة الدبلومات :
اولا / الدبلومات العامة :
1- دبلوم القانون الخاص .
2- دبلوم القانون العام .
3- دبلوم الفقه الإسلامى .
4- دبلوم حقوق الانسان .
5- دبلوم العلوم الإدارية .
6 - دبلوم العلوم الجنائيه .
7 -دبلوم القانون الدولى .
8- دبلوم السياسه الشرعية .
9 -دبلوم القانون المدنى .
10- دبلوم الاجراءات القضائية .
11- دبلوم قانون التجارة والاستثمارات الدولية .

ثانيا / الدبلومات المتخصصه :
1- دبلوم التحكيم .
2- دبلوم القانون الرياضى .


لمزيد من المعلومات يرجع للرابط ادناه :

http://www.aun.edu.eg/fac_law/fac_law/taaz.pdf

Dark Star
03-09-2008, 03:59 AM
:hi:السلام عليكم...
أعتقد الموضوع دة ممكن يحصل وفعلا حصل قبل كدة بس يا ترى هوة قانونى أنا مش عارفة عمتا أسأل ومش هيدرك حاجة وأنا من جانبى هسألك وأن شاء اللة هجيلك بأخبار حلوة.أما عن رقم التليفون فأنا مش معايا غير الأرقام القديمة للكلية قبل ما تتنقل سبرباى بس هحاول أجبهالك ممكن كدة على بكرة أن شاء اللة.
وبالتوفيق أن شاء اللة:hi:

MoHaMeD 2006
03-09-2008, 01:39 PM
:hi:السلام عليكم...
أعتقد الموضوع دة ممكن يحصل وفعلا حصل قبل كدة بس يا ترى هوة قانونى أنا مش عارفة عمتا أسأل ومش هيدرك حاجة وأنا من جانبى هسألك وأن شاء اللة هجيلك بأخبار حلوة.أما عن رقم التليفون فأنا مش معايا غير الأرقام القديمة للكلية قبل ما تتنقل سبرباى بس هحاول أجبهالك ممكن كدة على بكرة أن شاء اللة.
وبالتوفيق أن شاء اللة:hi:

شكرا على مجهودك استاذة dark star

didine
03-09-2008, 03:54 PM
بسم الله الرحمن الرحيم
رمضان كريم
هل يمكنني تقديم طلب القيد في الدراسات العليا اقول طلب وليس التسجيل النهائي عن طريق البريد العادي اة الالكتروني كوني لست من مصر؟ هل هناك استمارة معينة لهدا الغرض؟
جزاكم الله كل خير

semo
03-09-2008, 06:14 PM
نظام الترم دة يقصد منة نظام الساعات المعتمدة ياريت تفصيل فى نظام الدراسة بجامعة اسيوط ولكم جزيل الشكر

linuxtux
04-09-2008, 12:10 PM
اللائحة لم تعتمد بعد للنظام الجديد و لكن يوجد اعلان فقط عن الدبلومات ومدة كل ترم 15 أسبوع

Dark Star
21-09-2008, 09:12 PM
:hi:السلام عليكم...

آسفة على التأخير بالرد كنت وعدتك أذا وصلتنى معلومات جديدة سوف أباشرك بالرد.
والآن بالنسبة لمجمل الأسئلة التى لم أوافيك بالأجابة عنها فأجابتها كالتالى:
أولا رقم تليفون الكلية:0403452372و
0403452373ثانيابالنسبة لوجود تغير فى نظام الدبلومة:فلا يوجد أى تغير يعنى نظام الدبلومة هوة هوة مثل ماذكرت لك من قبل ثالثا بالنسبة لنظام دكاااااااترة دبلوم العام فهو كالتالى:
أولا د/مصطفى أحمد فؤاد وهو دكتور الدولى فهو محتاج منك حضور المحاضرات بأنتظام محاضراتة مهمة جداااا وهوة بيعتمد على الفهم يعنى تركز جدااااااا فى محاضراتةأما عن أمتحانة فبيكون سؤال واحد فقط ب20 درجة وهوة مبيحبش اللف ولا الدوران وبيكرة الدش يعنى أجابتك تكون زى مابيقولو كلمتين ورد غطاهم وأول ما تحس أنك هتدش تعرف على طول أنك بتحل غلط فى كتابة هتلاقى أمثلة كتيييييير ركز بس على الأمثلة الوارد ذكرها بمصر وباقى الأمثلة أقرائها من باب العلم بالشئ وأهم حاجة أنك تفهم فى الكتاب هوة عاوز يقول أية؟؟؟ أفهم ومتحفظش سر نجاحك فى مااااادتة هوة الفهم وليس الحفظ ولاتأخذ على كلام المحيطين بك أن المادة صعبةحتى لا يصيبوك بأحباط . أنا عمتا بشبة أسئلتة بالفوازير لو قدرت تفهمها هتلاقيها تفهة جداا ولو أحتجت أى مساعدة للفهم أنا موجودة وعلى فكرة أنا تقريبا عندى أمتحاناتة أذا معرفتش توصلها ممكن أبعتهالك من خلال المنتدى
أما عن د/مصطفى عفيفى ومادتة الأدارى:فهو كما ذكرت لك من قبلأما بالنسبةلدكتور/محمود طة فمادتة الجنائى:نظامة سلس جدااا وأسئلتة مباشرة يعنى بشوية مذاااكرة هتجيب تقدير عالى فمتضيعش فرصة زى دى هترفعك فى التقدير العام
أما بالنسبةل د/ عمرو حسبو: فنظامة كما ذكرت لك مسبقا وسيدرسلك مادة الدستورى وستكون مشتركة مع دبلومة الأدارى فى المادة العلمية وبالتالى فالأمتحانات هتكون واحدة.
وأخيرا المادة الأختيارى وهى أما حقوق أنسان أومالية عامة أولا: المالية العامة فالقائم بدراستها هو د/ يوسف الشحات:
ومادتة عبارة عن كتابين كل واحد فيهم حوالى 60 صفحة بيعتمد على الحفظ لأنة كلة عناصر ونسب. ومفيش فية أى فهم وهوة تقريبا أذا المنهج متغيرش هيكون بيتكلم عن الموازنة العامة بمصر وأسباب العجز.أسئلتة مباشرة جدا وبتيجى بالنص من الكتاب من عنوان رئيسى.أما عن حقوق الأنسان فالقائم بدراستها هو د/ رياض صالح وهو دكتور بقسم الدولى: أما عن نظام أمتحاناتة فللأسف مش هقدر أفيدك لأنى كنت مالية بس مش هحبطك .عمتا أنا هسألك وأن شاء اللة فى القريب سوف أوافيك بالرد.أما عن المادة الأختيارية:فنصيحتى لك بأن تباشرها مع دكتور محمود طةلأنة كتييييير هيريحك وحاول متخترش موضوع كبير علشان متصعبهاش على نفسك وحاول يكون أختيارك من حاجات درسناها قبل كدة علشان الموضوع يبقى سهل فى مذاكرتة.
وبالتوفيق أن شاء اللة:hi:

kamel656
25-09-2008, 03:53 PM
إني اتقدم في هذا المنتدى الموقر لأقدم للسادة الباحثين من ذوي شهادات الماجستير والدكتوراه
لا سيما أولئك الأساتذة المتخصصين في مجال القانون الدولي والعلاقات الدولية في ان يقدمو لي بعض الإقتراحات المهمة
لإختيار عنوان بحثي لإعداد رسالة ماجستير في تخصص القانون الدولي والعلاقات الدولية لهذا الموسم الجامعي بداية من هذا الشهر سبتمبر 2008 حيث انني واجهت بعض الإشكالات في إختيار عنوان مناسب مع تشعب مواد القانون الدولي ارجو للإخوة الباحثين ان يدلو بدلوهم لإقتراح بعض العناوين لعلها تنير لي الطريق وتقبلو مني السلام والتحيات
ورمضان مبارك الطالب: كمال ب طالب ماجستير في القانون الدولي على البريد الالكتروني : djamel656@yahoo.fr

صدام حسين
27-09-2008, 03:47 PM
السلا عليكم انا دبلوم القانون العام حقوق القاهرة وهامتحن دور اكتوبر الجاي فالو فية حد هنا يكون في نفس الدبلومه في حقوق القاهرة يتكرم يكون عارف جدول الامتحان يقوله ليا واكون شاكر ليه جدا لان انا من المنصورة وما روحتش القاهرة والوقت قصير علشان المذاكرة بالاضافة الي ان موقع الكلية لسة تحت الانشاء وشكرا جزيلا

MoHaMeD 2006
29-09-2008, 09:18 AM
:hi:السلام عليكم...

آسفة على التأخير بالرد كنت وعدتك أذا وصلتنى معلومات جديدة سوف أباشرك بالرد.
والآن بالنسبة لمجمل الأسئلة التى لم أوافيك بالأجابة عنها فأجابتها كالتالى:
أولا رقم تليفون الكلية:0403452372و
0403452373ثانيابالنسبة لوجود تغير فى نظام الدبلومة:فلا يوجد أى تغير يعنى نظام الدبلومة هوة هوة مثل ماذكرت لك من قبل ثالثا بالنسبة لنظام دكاااااااترة دبلوم العام فهو كالتالى:
أولا د/مصطفى أحمد فؤاد وهو دكتور الدولى فهو محتاج منك حضور المحاضرات بأنتظام محاضراتة مهمة جداااا وهوة بيعتمد على الفهم يعنى تركز جدااااااا فى محاضراتةأما عن أمتحانة فبيكون سؤال واحد فقط ب20 درجة وهوة مبيحبش اللف ولا الدوران وبيكرة الدش يعنى أجابتك تكون زى مابيقولو كلمتين ورد غطاهم وأول ما تحس أنك هتدش تعرف على طول أنك بتحل غلط فى كتابة هتلاقى أمثلة كتيييييير ركز بس على الأمثلة الوارد ذكرها بمصر وباقى الأمثلة أقرائها من باب العلم بالشئ وأهم حاجة أنك تفهم فى الكتاب هوة عاوز يقول أية؟؟؟ أفهم ومتحفظش سر نجاحك فى مااااادتة هوة الفهم وليس الحفظ ولاتأخذ على كلام المحيطين بك أن المادة صعبةحتى لا يصيبوك بأحباط . أنا عمتا بشبة أسئلتة بالفوازير لو قدرت تفهمها هتلاقيها تفهة جداا ولو أحتجت أى مساعدة للفهم أنا موجودة وعلى فكرة أنا تقريبا عندى أمتحاناتة أذا معرفتش توصلها ممكن أبعتهالك من خلال المنتدى
أما عن د/مصطفى عفيفى ومادتة الأدارى:فهو كما ذكرت لك من قبلأما بالنسبةلدكتور/محمود طة فمادتة الجنائى:نظامة سلس جدااا وأسئلتة مباشرة يعنى بشوية مذاااكرة هتجيب تقدير عالى فمتضيعش فرصة زى دى هترفعك فى التقدير العام
أما بالنسبةل د/ عمرو حسبو: فنظامة كما ذكرت لك مسبقا وسيدرسلك مادة الدستورى وستكون مشتركة مع دبلومة الأدارى فى المادة العلمية وبالتالى فالأمتحانات هتكون واحدة.
وأخيرا المادة الأختيارى وهى أما حقوق أنسان أومالية عامة أولا: المالية العامة فالقائم بدراستها هو د/ يوسف الشحات:
ومادتة عبارة عن كتابين كل واحد فيهم حوالى 60 صفحة بيعتمد على الحفظ لأنة كلة عناصر ونسب. ومفيش فية أى فهم وهوة تقريبا أذا المنهج متغيرش هيكون بيتكلم عن الموازنة العامة بمصر وأسباب العجز.أسئلتة مباشرة جدا وبتيجى بالنص من الكتاب من عنوان رئيسى.أما عن حقوق الأنسان فالقائم بدراستها هو د/ رياض صالح وهو دكتور بقسم الدولى: أما عن نظام أمتحاناتة فللأسف مش هقدر أفيدك لأنى كنت مالية بس مش هحبطك .عمتا أنا هسألك وأن شاء اللة فى القريب سوف أوافيك بالرد.أما عن المادة الأختيارية:فنصيحتى لك بأن تباشرها مع دكتور محمود طةلأنة كتييييير هيريحك وحاول متخترش موضوع كبير علشان متصعبهاش على نفسك وحاول يكون أختيارك من حاجات درسناها قبل كدة علشان الموضوع يبقى سهل فى مذاكرتة.
وبالتوفيق أن شاء اللة:hi:

استاذة دارك ستار ، متشكر جدا على تعبك ومعلوماتك القيمة ، وانا لم اقرأ ردك الا الآن فقط ، فألف شكر على حسن الرد

صدام حسين
29-09-2008, 01:00 PM
السلا عليكم انا دبلوم القانون العام حقوق القاهرة وهامتحن دور اكتوبر الجاي فالو فية حد هنا يكون في نفس الدبلومه في حقوق القاهرة يتكرم يكون عارف جدول الامتحان يقوله ليا واكون شاكر ليه جدا لان انا من المنصورة وما روحتش القاهرة والوقت قصير علشان المذاكرة بالاضافة الي ان موقع الكلية لسة تحت الانشاء وشكرا جزيلا
ياجماعة ياريت اي عضو كريم لو عنده اي افادة بخصوص الموضوع ده اكون شاكراوممتن لية جدا

شريعه وقانون
01-10-2008, 12:56 AM
السلام عليكم ورحمه الله وبركاته
انا خريجه شريعه وقانون وعايزة اقدم فى دبلومه فى كليه حقوق ومش عارفه اقدم فى دبلوم الجنائى ولا القانون الخاص ارجو افادتى ولكم التقدير والاحترام

سالي جمعة
01-10-2008, 02:27 AM
السلام عليكم ورحمه الله وبركاته
انا خريجه شريعه وقانون وعايزة اقدم فى دبلومه فى كليه حقوق ومش عارفه اقدم فى دبلوم الجنائى ولا القانون الخاص ارجو افادتى ولكم التقدير والاحترام

وعليكم السلام ورحمة الله وبركاته

بالنسبة لاختيار الدبلومة هذا يتوقف على اهتمامك بأحد الفرعين وترجيح أهميته بالنسبة لك ِ ومجال عملك إن شاء الله , كذلك يتوقف على ما سوف تنوين دراسة في الدكتوراة وحتى نسهل عليك الأمر هذا ما يدرس في القانون الخاص


http://lolo17.jeeran.com/private%20law.gif


وهذا ما يدرس في الجنائي


http://lolo17.jeeran.com/criminal%20law.gif

ولمزيد من التفاصيل عن نظام الدراسة

http://www.f-law.net/law/showthread.php?t=5887

مع تمنايتنا لك ِ بالتوفيق

f_samah
03-10-2008, 12:58 AM
انا فى دبلومة قانون عام جامعة حلوان هل من احد يعرفنى جدول المحاضرات لاننى لم اجدة فى اى مكان على المنتديات

Dark Star
05-10-2008, 03:53 AM
:hi:السلام عليكم...
عندى أستفسار بسيط وأرجو موافتى سريعا بالرد.أريد الاستطلاع عن مراكز أوالفروع المختصة بتعليم اللغات وأخذ الكورسات فى المنصورة وطنطا على شرط أن تكون تلك المراكز تعطى شهادات معتمدة وتكون على مستوى عالى فى التعليم .كما أريد معرفة كيفية الألتحاق ومجمل المبلغ المطلوب وياريت يكون الرد مرفق بعنوان تلك المراكز.وأهم حاجة تكون بتعلم اللغة صح أركز على هذة الكلمة يعنى مش مجرد شهادة والسلام
وجزاكم اللة كل خير.:hi:

NASS
05-10-2008, 04:37 PM
السلام عليكم
لقد تخرجت من كلية الحقوق من جامعة البحرين. وأود أن اكمل الدراسات العليا في مصر.
ولكني موظف ولا يمكن أن احصل على تفرغ للدراسة. فماهي الجامعات المناسبة لوضعيتي أي التي لا تعتبر الحضور الزامي. وأتمنى أن تكون الجامعة معقولة الصعوبة لأننا نسمع الكثير من الرسوب بسبب صعوبة الدراسة مثل جامعة عين شمس.

وكذلك ما رأيكم بالشهادة التي يمنحها المعهد العربي للدراسات والبحوث التابع لجامعة الدول العربية. هل هي شهادة معترف بها بمصر أم مجرد شهادة اسمية لا فائدة منها وهذا ما اخشاه.

شكرا لكم

الأمين العام
05-10-2008, 11:26 PM
حضرتك أنا سوف أوافيك بيه خلال أيام بمجرد نزوله...

f_samah
07-10-2008, 02:55 AM
شكرا لك مع اسمى امنياتى لكم جميعا بالوفيق

الأمين العام
07-10-2008, 08:38 PM
أعتذر حضرتك عن عدم موافاتك بالجدول ولكن هو حتى الأن لم يتم تعليقه ,,,,,,,وبمجرد تزوله سوف نوفيكم به فورا:clapping:

fatma alzhraa
17-10-2008, 11:06 PM
حاصله على بكالريوس الشريعه الاسلاميه جامعة الازهر هل من الممكن ان اتقدم لدبلومة الشريعه الاسلاميه بكلية الحقوق جامعة المنصوره؟
ارجو الدر بسرعه

الأمين العام
22-10-2008, 04:01 AM
الأحد : قانون إدارى مع التعمق د /جمال جبريل .


الأثنين: قانون دولى عام مع التعمق د /محمد مصطفى يونس ----- د/محمد عبد الرحمن .


الثلاثاء: قانون دستورى د/جمال جبريل------------د/ أمل لطفى .



الأربعاء : قضاء إدارى دولى د/ صالح بدر الدين .


كل المواعيدمن 3 :6


تبدأ الدراسة إنشاء الله من يوم 19/10/2008

مع أطيب تمنياتى للجميع بالنجاح والتوفيق,,,,,,,,,,,,:hi:

f_samah
25-10-2008, 06:27 PM
شكرا لك على افادتى بالجدول وبالفعل حضرت الاسبوع الماضى ولكن للاسف اشدت بالمنصورة من الوهلة الاولى اقل ما يقال ان فى المنصورة التزام وانضباط والطالب مطمئن نوعا ما اما فى حلوان للاسف افوجئ ان الجدول خطا و الدكاترة متغيرة او متبدلة ما بين المواد والادهى من ذلك ان الدكاترة فوجئت يوم محاضراتهم بان لديهم دبلومات على حد ما قاله احد الاساتذة الافاضل انه سمع اسمه بالصدفة يتردد ما بين الطلاب على انه يدرس للدبلومات واخر دخل للمحاضرة يقول انه فوجئ اليوم بان مجلس الكلية ذكر له واليوم فقط ان لديه محاضرة وبالفعل الدكتور دخل وذكر انه لا يعلم بعد ماذا يقول او اى شئ عن المنهج المفترض اننا كطلبة سوف نمتحن فيه فى اول شهر واحد ولم تزد المحاضرة عن عشر دقائق هل تعلمون اننى لكى اصل الى حلوان استهلك 12 ساعة ذهابا وايابا كل هذا لمجرد عشر دقائق كان اغلب ما فيها ان نتيجة الدبلومات متدنية جداااااا وانها تتراوح من 10 الى 15 فى المائة واذا ذادت الى 28 فى المائة فهذا يسمى انجاز غير مسبوق هذا ما قيل لنا فعلا وصلنا الى قمة التفائل هذا بالاضافة اننا لا نعلم حتى ما هى اسماء الكتب بصراحة اشد الندم اننى غادرت المنصورة ايا ما كان من مميزات النظام الجديد لجامعة حلوان فاجد الان انه اسوء من اى نظام فى الجامعات المصرية

رجل النيابة
28-10-2008, 12:19 AM
اهلا بيكى يافاطمة الزهراء ممكت تسئلى فى الشؤن وتقديمى لان محاضرات بدأت لو عوزة تتفضلى للدبلومة

اخوكى اسلام معاكى فى الدبولمة بيتهيئلى ممكن ن فية ناس كتير مقدمة وعموما اسئلى فى الشؤن

elkot11
28-10-2008, 01:52 AM
السلام عليكم فى الاول بأحيكم على المندى الرائع دة
ليا سؤال مهم ارجو الاهتمام بالرد لو سمحت انا عايز اخد دبلومة وعايز جامعة سهلة وياترا جامعة بنى سويف فيها النظام الجديد للدبلومات دة اللى فية ترم ارجو الرد سريع وياريت حد يقولى شروط الجامعة

صدام حسين
04-11-2008, 01:26 PM
السلام عليكم ورحمة الله ممكن اعرف ياجماعة الدراسات العليا فيها درجات رافة ولا لاء اصل انا دبلوم القانون العام جامعة القاهرة دور اكتوبر ولسه النتيجة ماظهرتش واكون شاكر ليكم جدا وشكرا

عبير حمدي
06-11-2008, 10:58 PM
السلام عليكم فى الاول بأحيكم على المندى الرائع دة
ليا سؤال مهم ارجو الاهتمام بالرد لو سمحت انا عايز اخد دبلومة وعايز جامعة سهلة وياترا جامعة بنى سويف فيها النظام الجديد للدبلومات دة اللى فية ترم ارجو الرد سريع وياريت حد يقولى شروط الجامعة
لم يطبق نظام الترمات الا في جاكعه حلوان

وهذا العام بدا العمل بنظام الماده الواحده في جامعه المنصورة وهو ببساطه من يخفق في ماده واحده في دور مايو يدخل فيها الامتحان في دور اكتوبر

اما اسهل الجامعهات في مجال الدراسات العليا علي حد علمي جامعه طنطا والزقازيق

ولكا اخيرا من جد وجد ومن زرع حصل سواء كانت كليه سهله او صعبه

عبير حمدي
06-11-2008, 11:04 PM
السلام عليكم ورحمة الله ممكن اعرف ياجماعة الدراسات العليا فيها درجات رافة ولا لاء اصل انا دبلوم القانون العام جامعة القاهرة دور اكتوبر ولسه النتيجة ماظهرتش واكون شاكر ليكم جدا وشكرا


باذن الله هناك 4 درجات رأفه يمكن ان تستفيد بهم اما في التحريري او الشفوي

Auto
08-11-2008, 04:12 AM
ياجماعة ممكن سؤال هل درجة الماجستير بتتوافر باخد دبلومتين ولا بيعتبرو فقط اجازة لعمل الدكتوراة ولا يحسبو درجة ماجستير زى تحضير رسالة وعملها بالضبط يعنى عاوزة اعرف فى فرق بين الحصول على دبلومتين وتحضير رسالة للماجستير ولا مش فارق وايهما افضل شكرا

عبير حمدي
08-11-2008, 02:06 PM
ياجماعة ممكن سؤال هل درجة الماجستير بتتوافر باخد دبلومتين ولا بيعتبرو فقط اجازة لعمل الدكتوراة ولا يحسبو درجة ماجستير زى تحضير رسالة وعملها بالضبط يعنى عاوزة اعرف فى فرق بين الحصول على دبلومتين وتحضير رسالة للماجستير ولا مش فارق وايهما افضل شكرا


سيدي الفاضل حصولك علي دبلوماتين احدهم عام او خاص بمثابه الحصول علي الماجستير فسوف تحصل علي درجة الماجستير في القانون ونظام الدبلومات اسهل من الحصول علي دبلومه وتسجيل رساله واهم مميزات الدبلومتين هو الاقتصاد في الوقت

والله الموفق

صدام حسين
10-11-2008, 09:54 PM
السلام عليكم ورحمة الله انا متشكر جدا لك اعضاء المنتدي الرائع ده واخص بالشكر الاستاذه عبير علي الاهتمام والردعلي سؤالي وكنت عاوز اعرف هل فيه جديد في نظام الدراسات العليا في المنصورة اصل سمعت ناس قالت كلام غريب ان هايبقا فية نظام ترم للدبلومات هل الكلام ده صحيح لان بفكر اسجل في الدراسات العليا دبلوم القانون الجنائي في المنصورة واكون شاكر جدا لسيادتكم

bluehorse_s
13-11-2008, 09:58 PM
طلب صغيرر يا جماعه يارت جدول الدبلومات بجد محتاجه ضرورى ومفيش وقت انى انزل الكليه خالص ويارت حد يجبيه لو تكرم لينا ضروى بس يارت الجدول الدبومه واسم الدكتور الذى سيشرحها
مع خالص تحياتى
سامح محمد رشاد
المحامى وطالب حقوق المنصوره

قانونيهه
18-11-2008, 04:22 AM
السلام عليكم
لو سمحتم انا خريجه 2008 وعايزة اقدم على دبلومه وعايزة اعرف اقدم فى طنطا ولا اسكندريه افضل
ولو اسكندريه فى لائحه جديده غير النظام القديم ..10 مواد ومتقسمه ترمات والمبلغ1200انا عايزة اعرف التفاصيل بالظبط لانى تعبت من كتر التفاصيل الغير صحيحه او مش مفهومه لان الائحه صعبه ومش فهمت حاجه ولو قدمت فى اسكندريه اقدم فى جنائى اسهل ولا قانون خاص اوعام بالنسبه انى اعرف انها اصعب من طنطا لنظامها الجديد
وهل يوجد فرصه فى شهر 1 او 2 /2009للتقديم فى حقوق اسكندريه ولا على شهر 9القادم
ارجو الرد ولكم جزيل الشكر

مروة فرغلى
22-11-2008, 05:54 PM
رجاء الرد عاجل هل من شروط اخذ شهادة الدبلوم الحصول على شهادة
isdl,toifil وهل اذا اتخذ مجلس الكلية القرار بهذة الشروط بعد التحاق الطلبه فهل يجوز تطبيقها عليهم

للعلم هذا الامر تم ترديدة فى جامعه حلوان ولم يتم التأكد من بعد.

Auto
02-12-2008, 05:02 PM
ياجماعة ماهو اخر ميعاد فى التقديم فى البلومة او امتى هيتقفل باب التقديم للدبلومة السنة دى؟؟؟؟؟

سالي جمعة
03-12-2008, 02:06 AM
ياجماعة ماهو اخر ميعاد فى التقديم فى البلومة او امتى هيتقفل باب التقديم للدبلومة السنة دى؟؟؟؟؟

آخر ميعاد للتقديم لهذا العام 31/ 12/ 2008

وفي الغالب هذا ميعاد تنظيمي ويجوز التقديم بعد فوات هذا الميعاد , ولكن انصحك بعدم التأخر بعد الميعاد حتى لا تضيع عليك فرصة التقديم لأي سبب

سالي جمعة
03-12-2008, 02:08 AM
رجاء الرد عاجل هل من شروط اخذ شهادة الدبلوم الحصول على شهادة
isdl,toifil وهل اذا اتخذ مجلس الكلية القرار بهذة الشروط بعد التحاق الطلبه فهل يجوز تطبيقها عليهم

للعلم هذا الامر تم ترديدة فى جامعه حلوان ولم يتم التأكد من بعد.

إطلاقا ً , ليس من شروط التقديم للدبلوم او الماجستير الحصول على الشهادات التي ذكرتينها وان كانت شرطا لنيل الدكتوراة , ولم يتردد هذا الامر في جامعة المنصورة .

سالي جمعة
03-12-2008, 02:14 AM
السلام عليكم ورحمة الله انا متشكر جدا لك اعضاء المنتدي الرائع ده واخص بالشكر الاستاذه عبير علي الاهتمام والردعلي سؤالي وكنت عاوز اعرف هل فيه جديد في نظام الدراسات العليا في المنصورة اصل سمعت ناس قالت كلام غريب ان هايبقا فية نظام ترم للدبلومات هل الكلام ده صحيح لان بفكر اسجل في الدراسات العليا دبلوم القانون الجنائي في المنصورة واكون شاكر جدا لسيادتكم


لم يحدث أي تغيير في نظام الدبلومات وليس هناك نظام ترم , ولكن أصبح الآن من حقك اذا لم تنجح في مادة واحدة فقط في دور مايو , يحق لك اعادة امتحان هذه المادة فقط في دور اكتوبر دون باقي المواد , شرط أن تكون مادة واحدة فقط في دور مايو .

MoHaMeD 2006
26-12-2008, 02:31 AM
فى حد يعرف هل نظام الدبلومات اتغير السنادى فى جامعة بنها ولا لسه زى ماهو

MoHaMeD 2006
05-01-2009, 11:30 PM
هل باب التقديم فى دبلوم القانون العام او دبلوم العلوم الادارية فى جامعة طنطا مازال مفتوحا حتى الآن ام ان باب التقديم قد اغلق.

ASHRAF 22
20-01-2009, 11:46 PM
السلام عليكم

فى حد هنا مقدم دبلومة شريعة جامعة طنطا

ياريت لو فى حد موجود يخش عشان نفيد بعض

:yes:

محمد الدخميسي
01-02-2009, 05:20 PM
ارجو من حضارتكم الرد على حقيقة ما اذا كان للحاصلين علي ماجيسيتر لهم حق التعين في النيابه العامه عن طريق التقدم اليها ام ان النيابه العامه تعلن عن احتياجتها من كل عام عن الحاصلين علي ماجيستير وان كان ذلك صحيح فأرجوا منكم موافتنا بالاعلان عن هذه التعينات بالنيابه في حال صدق هذا الخبر وشكرا.

محمد رفعت أبوزيد
02-02-2009, 03:12 PM
انا أول مرة اسمع عن الموضوع دة
وياااااااارب يكون الخبر صحيح

galaxy1
02-02-2009, 11:56 PM
السلام عليكم ورحمة الله وبركاته

يا جماعه معلش انا فعلا محتاجه مساعده انا لسه معملتش بحث ولا خطه حتي الافكار الدكتور رافضها
فاعايزه بس حد يساعدني وعايزه اعرف زملائي الي عاملوا البحث عاملو ايه بالظبط

samar_elhady
03-02-2009, 12:59 AM
طب حضرتك فى دبلوم ايه بالظبط وليه الدكتور رفض افكارك او موضوعك فهمينا بس الموضوع من الاول ونحاول ان

شاء الله نساعدك واستعينى بس بالله وكله هيكون تمام ان شاء الله

galaxy1
03-02-2009, 02:19 PM
انا في دبلومة قانون عام وقولت اعمل في الدولي عرضت علي الدكتور موضوعين قالي لا بلاش دول شوفي حاجه تانيه.
دلوقتي انا مش عارفه المفروض اعمل ايه اصلا انا كنت شايله خطة البحث في الموضوعين دول عشان زي ما انتم عارفين مش كنا بنعمل ابحاث قبل كده
يا جماعه ياريتتتتتتتتتتت المساعده

samar_elhady
03-02-2009, 06:15 PM
بصى اختى الحبيبه انتى امامك اختيارين اما انك تعملى البحث فى حاجه تانيه غير الدولى يعنى تعملى ف الادارى او الجنائى ده هيكون اسهلك ف اختيار موضوع بسهوله وكمان الدكاترة بتوعهم متساهلين جدا
وانا ممكن اساعدك ف اختيار موضوع ف الجنائى وتعرضيه ع دكتور الجنائى الايام دى وتشتغلى فيه ع طول

اما لو كنتى مصممه تعملى ف الدولى يبقى لازم ترجعى المكتبه تانى تدورى على موضوعات تانيه وتشوفى الدكتور هيوافق عليها ولا لا وانا شايفه ان الدولى جميل جدا لكن موضوعات مش سهله بتكون عاوزة تعمق اكثر
فشوفى الحل اللى يناسبك وانا معاكى ان شاء الله

galaxy1
04-02-2009, 12:41 AM
ميرسي لي اهتمامك بجد انا فعلا محتاجه مساعده ياريت لو تقدري تساعديني اكون شاكره جدااا وياريت لو تقدري تبعتي لي اميلك عشان انا فعلا تايهه في البحث ومش عارفه اعمل ايه ولا ابتدي ازاي
والمفروض اعمل ايه واي دكتور ممكن يشرف علي البحث لو جنائي
جزاكي الله خير بجد

سالي جمعة
04-02-2009, 08:43 AM
بالنسبة للجنائي لن يوافق احدا من اساتذة الجنائي طالما انتي من دبلوم العام , هذا كي توفري على نفسك عناء الذهاب اليهم

فانت ايضا امام خيارين :

ان تذهبي لدكتور صلاح فوزي يوم الثلاثاء من كل اسبوع على ما اعتقد , وتعملي البحث معه وتشرحي له مشكلتك , فهو كريم الاخلاق جدا ولا يترك اي طالب في ضائقة .

الخيار الثاني : في حالة انكِ ستقومين بالبحث في مجال القانون الدولي , وهو ان تسألي الدكتور المشرف الذي رفض موضوعاتك سابقا ان يرشح لكِ كذا موضوع تختاري منهم , بحيث يكون موافق عليهم ومن اختياره هو .

مع تمياتنا لك بالتوفيق

galaxy1
06-02-2009, 04:37 PM
ممكن شكل خطة البحث تنسيقها المطلوب عشان اقدمها للدكتور

سالي جمعة
09-02-2009, 08:47 PM
ممكن شكل خطة البحث تنسيقها المطلوب عشان اقدمها للدكتور


خطة البحث
عنوان البحث

الفصل الأول : (العنوان)
المبحث الأول : (العنوان)
المبحث الثاني : (العنوان)


الفصل الثاني: (العنوان)

المبحث الأول : (العنوان)

المطلب الأول : (العنوان)
المطلب الثاني : (العنوان)

المبحث الثاني : (العنوان)

المطلب الأول : (العنوان)
المطلب الثاني : (العنوان)


الفصل الثالث : (العنوان)
المبحث الأول : (العنوان)
المبحث الثاني : (العنوان)

*الخاتمة و نتائج البحث
*قائمة المراجع
*الفهرس


تحت إشراف
أ.د/
أستاذ القانون ....
كلية الحقوق- جامعة المنصورة

إعداد الطالبة
(الاسم)
دبلوم ..........

كلية الحقوق – جامعة المنصورة

للعام الجامعي

2008 /2009

Dark Star
20-02-2009, 09:49 AM
:hi:السلام عليكم....
قطعا قطعا باب التقديم أغلق فى دبلومة العام من زماااان لأن الأقبال بيكون علية مهوووول أما عن دبلوم الأدارى فممكن .بس متحطش آماااااال لأن الأمل يكاد يكون معدوم.بس أنت لو مصمم تدخل أى قسم أخر زى دبلوم العلوم القضائية أو الأقسام ألى زى دى ممكن عمتا جرب حظك وروح أسأل فى الجامعة لعلى وعسى!!!.فى الغالب ممكن تلاقى أماكن ليك لأن الأقبال بيكون عليها ضعيف يعنى أنت وحظك .ولو ليك حد تعرفة معيد أو دكتور أو حد واصل ممكن يحاول يدخلك فى دبلوم الأدارى وهوة وشطارتةدة لو أنت يعنى مصمم على دخول السنة دى علشان مترحش عليك.بس بردة متحطش أمل كبيييييييييير .عذرا على أنى أحبطتلك بردى بس دة واااااااقع
وعسى الله يوفقك فيما تريد:hi:

Super magic
23-02-2009, 03:44 AM
ألف شكر علي المجهود الرائع دا بس انا عايز أعرف هوا لسا باب التقديم مفتوح في المدني أو الجنائي ولا خلاص وشكرااااااااااااااااااااااااااا

عبير حمدي
27-02-2009, 12:09 AM
يتم اغلاق باب التقديم للدراسات العليا في 31/12 من كل عام ولكن تجاوزا يتم مد المده الي 10 ايام اخري وهذا يعني انه تم غلق الباب هذا العام وحظ اوفر العام القادم

مخـ الأمل ـاوي
27-02-2009, 02:15 PM
السلام عليكم ورحمة الله وبركاته
انا بصدد عمل بحث حول الرقابة القضائية على عيب السبب في دعوى الالغاء
فمن لديه موضوع او بحث او مقال حول هذا الجانب
او جوانب مرتبطه به مثل ركن السبب في القرار الاداري
العلاقة بين عيب السبب والعيوب الاخرى
السلطة التقديرية والرقابة القضائية عليها
ارجوا الافادة
ولكم جزيل الشكر

هشام المحامى
08-03-2009, 01:12 PM
ايها الافاضل انا حصلت على ماجستير فى القانون عام 2008 ولا أعمل حتى الآن .
قمت بقيد اسمى فى نقابة المحامين لكن لم أمارس حتى الآن المهنه ساعدونى فأنا فى حالة نفسية صعبة أدعولى بأن ربنا يجعل لى مخرجا

MIDO98765
08-03-2009, 02:01 PM
ومن يتقي الله يجعل له مخرجا ويرزقه من حيث لا يحتسب ادعو لك بالصلاح والنجاح ودخول الجنه

محمد رفعت أبوزيد
08-03-2009, 06:31 PM
أ/ هشام
مشكلتك حلها سهل جدا جدا
حضرتك تقدر تنزل شغل في اي من مكاتب المحاماة
بس حضرتك تتعب نفسك شوية وتنزل تدور علي مكتب محاماة محتاج محامين ودول كتير علي فكرة
وتكلف اصحابك اللي شغالين في المهنة انهم يسألوا لحضرتك برضة
لأن لو حضرتك قعدت كدة 50 سنة كمان مفيش شغل هايجي لحد عندك لازم انت اللي تاخد بالاسباب
وتدور علي رزقك ..
شكرا جزيلا وربنا يوفقك
خالص تحياتي

أبو دبوس
09-03-2009, 01:50 AM
بسم الله الرحمن الرحيم
___________
لقد نظرت إلى الواقع فرأيت ان الكثير من طلا الحقوق يسعون للماجستير فتسألت فرد احدهم قائلا من يبغى الاستمرار
لابد من الما جستير




ولذالك اطرح تلك الاسئله



إولا احب أن أسأل هل تعرفوا حد أخد دبلومتين وبعد كده حضر دكتوراه لأن الاساتذة تمتنع عن ألاشراف للحاصلين على دبلومات؟؟.؟؟؟؟؟؟؟؟؟؟؟

ثانيا هل يلزم دراسه الانجليزيه جيدا لتحضير الدكتوراه ام يكتفى بان يكون مستوى كويس فيها ؟؟؟؟؟؟؟؟؟؟؟؟؟

وبعدين عايز اعرف مصاريف دبلومه المنصوره
وكذالك دبلومه المنوفيه::::؟؟؟؟

عبير حمدي
09-03-2009, 05:55 PM
بسم الله الرحمن الرحيم

___________
لقد نظرت إلى الواقع فرأيت ان الكثير من طلا الحقوق يسعون للماجستير فتسألت فرد احدهم قائلا من يبغى الاستمرار
لابد من الما جستير




ولذالك اطرح تلك الاسئله



إولا احب أن أسأل هل تعرفوا حد أخد دبلومتين وبعد كده حضر دكتوراه لأن الاساتذة تمتنع عن ألاشراف للحاصلين على دبلومات؟؟.؟؟؟؟؟؟؟؟؟؟؟


ثانيا هل يلزم دراسه الانجليزيه جيدا لتحضير الدكتوراه ام يكتفى بان يكون مستوى كويس فيها ؟؟؟؟؟؟؟؟؟؟؟؟؟


وبعدين عايز اعرف مصاريف دبلومه المنصوره
وكذالك دبلومه المنوفيه::::؟؟؟؟




السلام عليكم

ردا علي استفساراتك


1- انا خير دليل انا اخدت دبلومتين والحمد الله مسجلة دكتوراه مع الدكتور احمد شوقي ابو خطوة

ومش انا بس مجموعه كبيره من الزملاء مسجلين وعلي فكره ال بيقولك الدكاترة بترفض الاشراف ده كلام مش تمام لان الدكاتره مش بتتاخر علي الطلاب المجتهدين الي فعلا عندهم الاستعداد انه يكملوا دراستهم


2- دراستك للغه حسب التخصص الي انت هتعمل فيه الدكتوراه اما للحصول علي الماجستير عن طريق الدبلومات لا ي تطلب اللغه بالاضافه الا ذلك عليك اجتياز امتحان اللغه في حالة التسجيل للدكتوراه سواء كانت اللغه الانجليزية او الفرنسيه


3- الدبلومه مصاريفها في المنصورة 410 غير ثمن الكتب اما المنوفيه فلا اعلم صراحتا

لورنا
10-03-2009, 07:29 PM
بسم الله الحمن الرحيم
لو سمحتم انا عندي سؤال انا دفعة 2008 ولكن للاسف لن اقدم دبلومة السنة دي بس السؤال لاني نويه اقدم السنة اللي جاية ان شاء الله واريد الاستفادة
فياريت بس حد يشرح لي ازاي اني اخد دبلومتين يبقوا ماجستير ويفهمني ايه دبلومة عامه وخاصة وكل حاجة عن الموضوع ده علشان يهني اعرف قوي
ولكم مني جزيل الشكر جدا جدا جدا

أبو دبوس
11-03-2009, 05:05 PM
شكرا على ردك
يا أخت عبير
انا فى الشريعه والقانون بدمنهور
فا ضل شهرين وأخلص علشان كده انا شاركت فى المنتدى
وعموما انا تقديرى جيد مرتفع وجيد جدا
بس لان معندناش امتيا زات والجيد جدا 6طلاب وأنا السابع
ولذلك أردت ان اكمل فى كليه عام لانها اسهل بكتير من الازهر
لاننا لا ندرس القانون ولكن أضيفى عليه مقارنه بالشريعه
ولذلك أردت الاستفسار
وإن كان عند
اى باحث معلومات عن الدبلومات يفيدنى


وشكرا

أبو دبوس
11-03-2009, 05:08 PM
ارجو من سيادتك توضيح الجزء الخاص بالغه وازاى بيكون حسب تسجيلى الدكتوراة

عبد الرحمن محمد وهبة
07-04-2009, 02:48 PM
السلام عليكم
أرجوا الإفادة جزاكم الله خيرا
انا معايا ليسانس درسان اسلامية (قسم الشريعة
وعايز اكمل فى الكلية

ارجوا الافادة
كل تقدير واحترام لكم جميعا

noooda
14-04-2009, 05:17 PM
هل فعلا اللى يرسب فى مواد فى شهر مايو يدخل امتحان شهر اكتوبر فى المواد الراسب فيها فقط ولا كل المواد مرة تانيةِ

khalid
14-04-2009, 06:37 PM
- الدبلومتين بيعادلوا ماجسير مثلا انا حاصل على دبلومة قانون عام ودبلومة جنائى فالاثنين بيعادلوا ماجتستير ... وربنا يوفق جميع الاخوة
- وبالنسبة اللى بيرسب فى مادة فى دور مايو بيعيد كل المواد مرة اخرى فى شهر اكتوبر ... بالتوفيق ان شاء الله

روزا
14-04-2009, 06:50 PM
لا لالالالالالالا

انا سمعت ان السنه دي غير ايلي بيرسب بماده بيعيدها وحدها في دور اكتوبر موش المواد كلها ؟؟

khalid
14-04-2009, 06:59 PM
فعلا انا سمعت ذلك من تانى سنة فى الدرسات العليا ولكن لم يكن به قرار فياريت حضرتك لو فيه قرار بكدة تعرفينا وجزاك الله خيرا وربنا يوفقك ويوفق الجميع

بيبو2
17-04-2009, 10:14 PM
انا مصرى مقيم فى السعودية ليسانس حقوق من جامعة المنصورة اريد الحصول على دراسات عليا وانا متواجد بالسعودية كيف ذلك

بيبو2
09-05-2009, 02:26 PM
انا حاصل على ليسانس حقوق من جامعتى العريقة جامعة المنصورة واعمل بالسعودية واريد الالتحاق بالدراسات العليا من خلال تواجدى بالسعودية كيف ذلك

عبدالله محمود
10-05-2009, 07:37 PM
هام جدا يا إخواني
لو واحد مسجل في الدراسات العليا وخلاص الآمتحانات علي الأبواب وجاله استدعاء في الجبش ومش عاوز يروح عشان يذاكر للامتحانات، مثلا الاستدعاء من يوم 12/5 الي 2/6 والامتحانات ليسه ماصدر بخصوصها تحديد رسمي للجدول يوم 13/6
فكيف الواحد يصنع عشان مايروح الاستدعاء وتروح عليه الدبلومة وتبع السنة

mohamed mohamed
13-05-2009, 02:17 PM
لو سمحتم انا عندي استفسار انا مقدم في دبلومة القانون الخاص ومش مذاكر كويس وبفكر أأجل للدور التاني انا كنت عاوز اعرف الفرق بين دور مايو و دور اكتوبر؟ ويا ترى هل عندكم نصيحة ليا بالنسبة لموضوع التأجيل لاني بصراحة متردد

احمد عبد الوهاب
28-06-2009, 08:17 PM
ما هى مده الدراسات العليا,وهل لها مدد مختلفه ام مده واحده

abo_shady82
29-06-2009, 11:40 PM
نتيجه الدبلومات ميعاد ظهورها امته

abo_shady82
29-06-2009, 11:45 PM
يريت اما النتيجه تظهر حد يقول ده على الموقع

محمود الشاعر
05-07-2009, 08:10 PM
انا كنت فى الكلية النهاردة وقالولى نتيجة دبلوم الجنائى خلصت وبكرة تظهر يعنى هيا خلصت النهاردة بس هيعلنوها بكره اما دبلوم القانون العام بعد بكرة وبالتوفيق للجميع

محمد2010
11-07-2009, 04:00 PM
الشفوى اتلغى فى لسكندرية ولالالالا وامتى الدراسة فى جامعة اسكندرية ولازم نحضر ولالالالالالالالالالالالالالالالالالا ارجو الرد

hamadafahmy1
22-07-2009, 07:37 PM
ردود اكثر من طيبة

abo_shady82
07-08-2009, 05:38 PM
السلام عليكم ورحمه الله وبركاته

abo_shady82
07-08-2009, 05:50 PM
السلام عليكم ورحمه الله وبركاته

afnan
28-08-2009, 05:36 PM
السلام عليكم
انا عندى استفسار ياريت لو سمحتو تجوبونى عليه ايه نظام الدراسات العليا حاليا فى جامعة طنطا يعنى اللى بيرسب فى ماده بيمتحن الماده بس فى الدور التانى ???
وعايزه اعرف المصاريف بقت كام السنه دى ??

hamy
29-08-2009, 04:56 AM
انا خريج حقوق المنصوره دفعه 2009 عاوز اعرف النظام الخاص لتدريس الدبلومات ولو انا جبت تقدير كويس فى الدبلومه او اماجيستير ممكن تعين فى الكليه على طول فهمونى يا ناس انا تقديرى جيد جدا

el-malek
30-08-2009, 03:00 AM
السلام عليكم
انا عندى استفسار ياريت لو سمحتو تجوبونى عليه ايه نظام الدراسات العليا حاليا فى جامعة طنطا يعنى اللى بيرسب فى ماده بيمتحن الماده بس فى الدور التانى ???
وعايزه اعرف المصاريف بقت كام السنه دى ??

هو حضرتك ممكن تروح تسأل هناك في طنطا عن النظام لأن بالطبع كل جامعة بتختلف عن الآخري خصوصا في نظام الدراسات العليا
أو انتظر اي حد من طنطا أو من الجامعة ذاتها يسأل في الموضوع ده ويجاوبك علي سؤالك .

el-malek
30-08-2009, 03:05 AM
انا خريج حقوق المنصوره دفعه 2009 عاوز اعرف النظام الخاص لتدريس الدبلومات ولو انا جبت تقدير كويس فى الدبلومه او اماجيستير ممكن تعين فى الكليه على طول فهمونى يا ناس انا تقديرى جيد جدا

حضرتك تقدر تحصل علي الدبلومات عادي جدا وممكن برضو تحصل علي الدكتوراه لكن موضوع التعيين بالكلية ده بيبقي قرار صادر بالتكليف من إدارة الكلية وغالبا ما بيبقي من الأوائل علي الدفعة ،، ولكن لو الكلية احتاجت معيدين بقسم معين ممكن يحصل ويطلبوا ده من حاصلي الماجستير او الدبلومات ،، لكن في الغالب والعام إن لو احتاجوا بياخدوهم برضو من اوائل خريجي الدفعة الجديدة بس توكل علي الله وكمل دراساتك لعل وعسي تجد وظيفة احسن وارقي في اي مكان آخر .

aya.yoya
31-08-2009, 01:11 AM
السلام عليكم ورحمه الله وبركاته
لو سمحت هوه اخر ميعاد للتقديم للدبلومه بيكون امتى انا خريجه 2009 ولسه الشهاده المؤقته بتعتى مطلعتش
وجزاكم الله خيرا وكل سنه ونتم طيبين

رجل النيابة
31-08-2009, 01:48 AM
السلام عليكم ورحمه الله وبركاته
لو سمحت هوه اخر ميعاد للتقديم للدبلومه بيكون امتى انا خريجه 2009 ولسه الشهاده المؤقته بتعتى مطلعتش
وجزاكم الله خيرا وكل سنه ونتم طيبين


اولا الف مبروك للنجاح يا استاذة واخر ميعاد للتقديم للدبلومات بيكون فى 31 /12من كل سنة يعنى باب التقديم بيكون مفتوح من بداية شهر 10 لحد اخر شهر 12 وبالتوفيق ان شاء الله

mostafa 2
31-08-2009, 11:27 AM
السلام عليكم وتحيه طيبه للجميع باختصار انا مقيم خارج مصر ومرتبط باعمال اتمني لو اي زميل عنده الاجابه عن تلك الاسءله؟ مواعيد التسجيل في الدراسات العليا واي د\بلومه اسهل وافضل ؟وكزالك مواعيد الامتحانت ومهم جدا الحضور والغياب وهل بالنسبه ليا اقدر اعمل الدراسات وانا بالخارج ولا لازم حضور تام وشكرا ليكم جميعا واسف علي الاطاله واتمني اجابات شافيه

aya.yoya
31-08-2009, 06:48 PM
جزك الله كل خير رجل النيابه وفقك الله الى ما يحبه ويرضاه
وان الله فى عون العبد مادام العبد فى عون اخيه

themaze
02-09-2009, 07:23 PM
طيب بالنسبة لدفعة 2009 امتى مواعيد التقديم ؟

themaze
04-09-2009, 07:10 AM
هو محدش عاوز يعبرنا لية يا ناس

qanon
04-09-2009, 03:49 PM
سلام عليكم

اخوانى الاعزاء


اخوكم من الكويت

انا قدمت اوراقي للتسجيل بالماجستير بالحقوق بجامعة بني سويف


بدبلوم العلوم الادارية للعام القادم ان شا ء الله

واتمنى من الاخوة الذين سوف يقيدون بنفس الجامعة التواصل معاى ان امكن

ولكم جزيل الشكر

محمد حامد سباق
22-09-2009, 06:48 PM
ربنا يوفقنا جميعنا فى الدبلومة

abo_shady82
26-09-2009, 09:26 AM
جدول الدراسه 2009 2010 نزل ولا لسه ارجو الافاده جزاكم الله خيرا

abo_shady82
26-09-2009, 09:35 AM
مده الدراسه فى الدبلومه سنه

abo_shady82
26-09-2009, 09:36 AM
2 دبلومه يعادل ماجستير

abo_shady82
26-09-2009, 09:37 AM
ممكن بعد البلومه الاولى تسجل رساله ماجستير

bebsi_man
26-09-2009, 04:10 PM
ايوه ينفع بس بشرط يكون معاك التويفل او تعمل الدبلوم التانى اللى هى حايعادل الماجيستير

mohamed mohamed
04-10-2009, 01:23 AM
انا عاوز اعرف جدول دبلومة القانون الخاص جامعة القاهرة لو سمحتم

besyans
04-10-2009, 05:21 PM
بليز ياجماعه

انا اعرف ان علشان اخد درجة ماجستير اعمل 2 دبلومه

يعنى ادرس سنتين دبلومه بكده اكون حصلت على الماجستير


بس في واحده قالت لصحبتى انك ينفع تقدمى للماجستير على

مباشرتا طالما ان تقديرك جيد

فلو سمحتو انا كنت عايزه اعرف معنى كلامها ده ايه

وهل هو صحيح ام لا ولو صحيح ازاى يعنى اتقدم للماجستير على طول

طائعة الرحمن
04-10-2009, 06:15 PM
السلام عليكم ورحمة الله وبركاته

**للحصول على درجة الماجيستير امامك وسيلتين

*الاولى-: الحصول على دبلومة وتكون مدة الدراسة فيها سنة وبعد ذلك تسجل ماجيسيتير باختيارك لموضوع يكون محل البحث

او

*الثانية :- الحصول على دبلومتين ولكن يشترط ان يكون احد هاتين الدبلومتين دبلومة قانون عام او خاص


لكن حضرتك لايجوز التسجيل فى الماجيسيتر مباشرة مهما كان تقديرك

وبالتوفيق ان شاء الله

el-malek
04-10-2009, 06:59 PM
*الاولى-: الحصول على دبلومة وتكون مدة الدراسة فيها سنة وبعد ذلك تسجل ماجيسيتير باختيارك لموضوع يكون محل البحث



ويشترط لنيل درجة الماجستير أن تكون حاصل علي درجة دبلوم في القانون ( العام أو الخاص ) .

samatharwat155881511
05-10-2009, 09:48 AM
منور يا ملك منتدى الدراسات وان شاء الله فتقدم دائم
بس ليه استفسار بسيط يا كنج
كنت بس عاوز اعرف ايه اخبار الجداول ومواعيد الدراسه
انا مسجل فدبلومه القانون الجنائى
ارجو الافاده وجزاك الله خير

el-malek
05-10-2009, 09:07 PM
منور يا ملك منتدى الدراسات وان شاء الله فتقدم دائم
بس ليه استفسار بسيط يا كنج
كنت بس عاوز اعرف ايه اخبار الجداول ومواعيد الدراسه
انا مسجل فدبلومه القانون الجنائى
ارجو الافاده وجزاك الله خير

بالنسبة للجدول بإذن الله علي الاسبوع الجاي
أما كدراسة هما في إدارة الدراسات العليا قالوا انها هتبدأ علي يوم 17 أكتوبر تقريبا
ولكن أنا بتابعها بإستمرار وأول ما تبدأ أكيد هنزل الجدول هنا ، وهعرفكم بمشيئة الله .

***kapoo***
05-10-2009, 10:06 PM
بليز ياجماعه

انا اعرف ان علشان اخد درجة ماجستير اعمل 2 دبلومه

يعنى ادرس سنتين دبلومه بكده اكون حصلت على الماجستير


بس في واحده قالت لصحبتى انك ينفع تقدمى للماجستير على

مباشرتا طالما ان تقديرك جيد

فلو سمحتو انا كنت عايزه اعرف معنى كلامها ده ايه

وهل هو صحيح ام لا ولو صحيح ازاى يعنى اتقدم للماجستير على طول
اختى الفاضله لابد من الحصول على درجة الماجيستير سواء المتقدم لها حاصل على تقدير جديد جدا او جيد او مقبول لابد من دراسة دبلومتين متتاليتين يعنى لازم اخذ دبلومتين فى سنتين متتاليتين .... لاكن كلام صحبتك ده ليس له اساس من الصحه والله اعلم

Thinder
05-10-2009, 11:57 PM
من فضلكم أنا في طبلومة العلوم الجنائية كلية الحقوق جامعة الأسكندرية

وبأخذها بإذن الله تعالي علي 3 تيرمات هل ينفع أسجل الماجستير مباشرة

بعد التيرم التالت ولا لازم تكون مدة الدبلومة الأولي سنة واحدة فقط مش سنة ونصف

مع العلم إنه عندنا في إسكندرية يجوز للطالب التسجيل للماجستير مباشرة بعد الدبلومة الأولي

أرجو أن يكون سؤالي واضح ,وأسفة علي الإطالة*

el-malek
05-10-2009, 11:57 PM
لابد من دراسة دبلومتين متتاليتين يعنى لازم اخذ دبلومتين فى سنتين متتاليتين ....

- انا لسة كنت مع الدكتور محمد سادات اليوم وسألته علي موضوع تتالي الدبلومتين كشرط للحصول علي درجة الماجستير قاللي انه لايشترط التتالي وهذا الكلام خالي من الصحة .
- تقدر تقدم دبلومة وبعد سنتين أو ثلاثة تقدر تعمل التانية وبكده تكون حصلت علي درجة الماجستير في القانون بشرط أن تكون إحدي الدبلومتين في القانون العام أو الخاص - وسواء حصلت علي الدبلوم بتقدير مقبول تقدر تكمل عادي جدا لحد الدكتوراه ولا يشترط التقدير لتكملة الدراسات العليا .

وبالله التوفيق ...

el-malek
06-10-2009, 12:06 AM
من فضلكم أنا في طبلومة العلوم الجنائية كلية الحقوق جامعة الأسكندرية

وبأخذها بإذن الله تعالي علي 3 تيرمات هل ينفع أسجل الماجستير مباشرة

بعد التيرم التالت ولا لازم تكون مدة الدبلومة الأولي سنة واحدة فقط مش سنة ونصف

مع العلم إنه عندنا في إسكندرية يجوز للطالب التسجيل للماجستير مباشرة بعد الدبلومة الأولي

أرجو أن يكون سؤالي واضح ,وأسفة علي الإطالة*

يشترط للتسجيل في الماجستير أن تكوني حاصلة علي درجة الدبلوم في القانون ولايشترط أن تكون مدة دراسة الدبلوم سنة أو سنة ونصف ... ( كل جامعة وليها نظام مختلف عن الآخر الأهم من كل ذلك انك حاصلة علي دبلوم في القانون ) وتقدري تسجلي الماجستير عادي جدا .
بس بالنسبة لجامعة المنصورة يشترط أن تكون الدبلومة عام أو خاص لعمل الماجستير أما جامعة الاسكندرية فلا أعلم هل مثل المنصورة أم غيرها ولكن نخلص من كل ذلك أنك تقدري تقدمي علي الماجستير وبالتوفيق بإذن الله .

***kapoo***
06-10-2009, 12:53 AM
يشترط للتسجيل في الماجستير أن تكوني حاصلة علي درجة الدبلوم في القانون ولايشترط أن تكون مدة دراسة الدبلوم سنة أو سنة ونصف ... ( كل جامعة وليها نظام مختلف عن الآخر الأهم من كل ذلك انك حاصلة علي دبلوم في القانون ) وتقدري تسجلي الماجستير عادي جدا .
بس بالنسبة لجامعة المنصورة يشترط أن تكون الدبلومة عام أو خاص لعمل الماجستير أما جامعة الاسكندرية فلا أعلم هل مثل المنصورة أم غيرها ولكن نخلص من كل ذلك أنك تقدري تقدمي علي الماجستير وبالتوفيق بإذن الله .
فعلا يا محمد انا برده سئلت فى الموضوع ده انهرده وعرفت جزااااااك الله كل خير

Thinder
06-10-2009, 01:04 AM
ربنا يطمن قلبك يارب

جامعة اسكندرية حسب الايحة إنه الطالب اللي حصل علي دبلوم واحد مش لازم

يحصل علي دبلوم اخر لمعادلة الماجستير ممكن ياخد دبلوم واحد بس ويسجل مع المرشد الأكاديمي

بتاعه ماجستير مباشرة ولكنه بيكون في نفس تخصص الدبلومة الأولي

يعني مثلا أنا علوم جنائية لما أخلصها بإذن الرحمن يارب أسجل رسالة ماجستير في أحد تخصصات القانون

الجنائي وبالتالي تكون رسالة الدكتوراة علي نفس هذا الأساس يعني مثلا "حاصلة علي درجة الدكتوراة في

القانون الجنائي" الله يارب يكتبهالنا كلنا يارب


بس السؤال بقة هو بعد الماجستير والدكتوراة دول حندرس في الجامعة زي الدكاترة بتوعنا ولا دي زيادة في

الدرجة العلمية فقط؟؟؟

el-malek
06-10-2009, 01:29 AM
ربنا يطمن قلبك يارب

جامعة اسكندرية حسب الايحة إنه الطالب اللي حصل علي دبلوم واحد مش لازم

يحصل علي دبلوم اخر لمعادلة الماجستير ممكن ياخد دبلوم واحد بس ويسجل مع المرشد الأكاديمي

بتاعه ماجستير مباشرة ولكنه بيكون في نفس تخصص الدبلومة الأولي

يعني مثلا أنا علوم جنائية لما أخلصها بإذن الرحمن يارب أسجل رسالة ماجستير في أحد تخصصات القانون

الجنائي وبالتالي تكون رسالة الدكتوراة علي نفس هذا الأساس يعني مثلا "حاصلة علي درجة الدكتوراة في

القانون الجنائي" الله يارب يكتبهالنا كلنا يارب


بس السؤال بقة هو بعد الماجستير والدكتوراة دول حندرس في الجامعة زي الدكاترة بتوعنا ولا دي زيادة في

الدرجة العلمية فقط؟؟؟


هو التدريس في الجامعة ده بيبقي قرار تكليف من مجلس إدارة الكلية بالتعيين وليس كل من حصل علي دكتوراه له الحق في التدريس وهي مجرد زيادة في الدرجة العلمية .

ولكن طبعا هي ليها فوائد كبيرة جدا واهمها :

أولا : كدرجة علمية عالية ، وخبرة أفضل من حامل الليسانس .
ثانيا : لو اي جامعة حصل فيها عجز في قسم معين بالكلية ومحتاجين أحد الحاصلين علي الماجستير أو الدكتوراه ممكن بيطلبوا ده ولكن بنسبة قليلة جدا ما يتم ذلك أو من الممكن لو تم فتح جامعات خاصة وبها كلية حقوق أكيد هيطلبوا ده ولكن من الصعب ان تكون كلية الحقوق عليها الطلب بالخاص في مثل هذه الأيام .
ثالثا : التعيين في اي وظائف حكومية لحامل الدبلوم أو الماجستير أو الدكتوراه الأولوية في التعيين عن الحاصل علي الليسانس فقط .
رابعا : في مهنة المحاماه لحامل الدكتوراه مزايا خاصة بالنسبة للمعاش والتامين وما شبه ذلك .
خامسا : للمحام الحاصل علي دبلوم في القانون له مكافأة تقدر بـ 500 جنيه مصري من مجلس إدارة النقابة بالقاهرة .

والمزيد والمزيد من المزايا ، والافضل من كده ان الرسول ( ص ) حثنا علي طلب العلم وقال اطلبوا العلم ولو في الصين . وكثير ما يدعونا الاسلام علي طلب العلم في اي وقت وفي اي مكان .
وبالله التوفيق ...

Thinder
06-10-2009, 06:53 PM
عليه أفضل الصلاة والسلام

يا خسارة كان نفسي أكون دكتورة في الجامعة أنا كنت فاكرة إن الدراسات العليا بتخلينا كدة

بس بردو الحمد لله إحنا أحسن من غيرنا بكتير بس ربنا يوفقنا ويبارك لنا في دراستنا يارب

شكرا لحضرتك كتيييييييييييير *
وبالنسبة لموضوع المكافأة دي أنا أول مرة أعرفه

يعني قصد حضرتك إن المحام ولد أو بنت ممكن ياخد 500 جنيه من النقابة لما يعمل دبلوم

واحد بس ولا لما ياخد الثلاث درجات العلمية"دبلوم ,ماجستير, دكتوراة"؟؟؟؟؟وهل هي للمحامين

من الجنسين ولا الولاد فقط؟؟؟


شكرا ليك أستاذي الفاضل مرة أخري وأرجو ألا تكون مللت من أسئلتي

el-malek
06-10-2009, 11:21 PM
عليه أفضل الصلاة والسلام

يا خسارة كان نفسي أكون دكتورة في الجامعة أنا كنت فاكرة إن الدراسات العليا بتخلينا كدة

بس بردو الحمد لله إحنا أحسن من غيرنا بكتير بس ربنا يوفقنا ويبارك لنا في دراستنا يارب

شكرا لحضرتك كتيييييييييييير *
وبالنسبة لموضوع المكافأة دي أنا أول مرة أعرفه

يعني قصد حضرتك إن المحام ولد أو بنت ممكن ياخد 500 جنيه من النقابة لما يعمل دبلوم

واحد بس ولا لما ياخد الثلاث درجات العلمية"دبلوم ,ماجستير, دكتوراة"؟؟؟؟؟وهل هي للمحامين

من الجنسين ولا الولاد فقط؟؟؟


شكرا ليك أستاذي الفاضل مرة أخري وأرجو ألا تكون مللت من أسئلتي


- بالنسبة لموضوع المكافأة بإذن الله حقيقة وطبعا للمحام ولد أو بنت الاتنين محامين ومفيش فرق ابدا
- وبياخدها مجرد حصوله علي درجة دبلوم في القانون بيقدم طلب للنقابة الفرعية بما يثبت أنه حصل علي دبلوم في مجال قانون معين وبياخد المكافأة 500 ج من مجلس إدارة النقابة بالقاهرة ...
- أما لو حصل علي دبلوم تاني فمش عارف الصراحة هل له الحق في مكافاة ثانية أم لا علي العموم أنا هبقي موجود في القاهرة الاسبوع القادم وهسأل في الموضوع ده بالنسبة لتاني دبلومة أو الماجستير بمعني المكافأة مرة واحدة فقط أم متكررة هسأل فيها بإذن الله وهرد عليكي .

وطبعا مفيش حاجة اسمها للمحامين الذكور فقط دون الاناث كله واحد لأن النوعين مسجلين محامين .

- وبالنسبة لموضوع المكافأة تقدري تتأكدي من خلال هذا الرابط ===> اضغط هنـــــــــــا (http://www.f-law.net/law/showthread.php?t=29121&highlight=%E3%DF%C7%DD%C3%C9+%CF%C8%E1%E6%E3%C9)
ومفيش اي مشكلة لو في اي استفسار انا تحت امرك في اي شيء وربنا يوفقك .

Thinder
07-10-2009, 12:01 AM
شكرا أستاذي الفاضل جزاك الله كل خير

ويارررررررررررب يكون 500 جنيه بعد الدبلوم و500 جنيه بعد الماجستير و500 كمان

بعد الدكتوراة ولو هما عاوزين يزودو مفيش مانع طبعا إحنا كلنا موافقين هههههههههههه

شكرا لذوقك أستاذي الفاضل وفي إنتظار عودة حضرتك بالسلامة بإذن الله من القاهرة

ومنتظرين رد حضرتك علي خير إن شاء الله


تحياتي

africano
10-10-2009, 09:02 PM
ياجماعه انا لي اتسفسار انا خريجه 2008 وخدت دبلوم القانون العام بجيد وفيه قلي ان لي مكافاه من النقابه المحامين لاني مسجله عندهم ده صح ولا وايه الاوراق الازمه لتقديمها للنقابه القاهرة وهل بيتم الصرف علي طول ولا ايه

africano
10-10-2009, 09:05 PM
وحد يساعدني اخد ايه دبلومه السنه الجايه

عاشق القانون
10-10-2009, 10:45 PM
انا افضيل يا africano انك تاخدى دبلوم العلوم الأدارية ، وانا اسمع انها سهلة وكويسة.. وربنا يوفقك ، بس كنا عايزين نعرف منك بعد اذنك نظام الدارسة فى دبلوم القانون العام عشان بإذن الله ناوى اقدم فيها السنة دى.؟ يعنى نظام المذاكرة والامتحان وهل الدكاترة بتحدد مهم وهكذا.. والف مبروك على النجاح فى الدبلومة.

el-malek
10-10-2009, 11:17 PM
ياجماعه انا لي اتسفسار انا خريجه 2008 وخدت دبلوم القانون العام بجيد وفيه قلي ان لي مكافاه من النقابه المحامين لاني مسجله عندهم ده صح ولا وايه الاوراق الازمه لتقديمها للنقابه القاهرة وهل بيتم الصرف علي طول ولا ايه

ان شاء الله الموضوع هسأل فيه بكرة بمشيئة الله انا الآن في القاهرة ومنتظر غدا اسأل علي كل ما يخص الموضوع ده بخصوص التاكد من صحتها ومن قيمة المكافأة وهل هي متكررة أم مرة واحدة فقط ... انتظروا مني الإفادة غدا بإذن الله .


وحد يساعدني اخد ايه دبلومه السنه الجايه

أنا انصحك تشوف ايه اكتر المواد اللي انت بتحبها وميال ليها وتاخدها عشان تقدر تتوفق فيها بمشيئة الله ، و لاحظ انك بتدرس المواد بالتعمق - فقول ايه المواد بالنسبة لك أكتر حبا وانا ممكن افيدك في ده واساعدك .
=========================================

ملحوظة صغيرة عشان في ناس كلمتني وبتخلط الامور ببعضها :

الفرق بين الماجستير و درجة الماجستير .

دلوقتي عشان تعمل دراسات عليا قدامك طريقين :

الأول : تاخد دبلومة ( اي دبلومة ولايشترط احدهما ) ====> ثم تعمل ما جستير في موضوع يتناول الدبلومة اللي أخدتها ====> ثم تعمل دكتوراه تتناول ايضا موضوع يخص بما درسته في الماجستير أو الدبلومة .

الثاني : تاخد دبلومتين ( يشترط أحدهما في القانون العام أو الخاص ويمكن انك تعمل الدبلومتين عام وخاص أو واحد عام أو خاص والتانية في اي دبلومة من فروع القانون ) ====> ثم تعمل الدكتوراه في اي موضوع يخص احدي الدبلومتين اللي تناولت دراستك فيهم .

من هنا يتضح ان الطريق الأول هنا انت حصلت علي ماجستير فعليا ومن هنا لا يشترط للحصول علي الماجستير انك تدرس اي دبلومة اجبارية ( اللي هي العام والخاص ) .

اما الطريق التاني انت مش هتعمل ماجستير ولكنك بتاخد ( درجة الماجستير ) وفيها يشترط احد الدبلومتين عام أو خاص لأنك بتعمل دكتوراه علي طول من غير ماجستير فهنا درجة الماجستير انت بتحصل عليها من خلال الدبلومتين الاجباري اللي بتختار احدهما ولكنك هنا انت مسجلتش ماجستير ومحصلتش عليه ، انت اخدت درجة توازي وتعادل الماجستير ومن خلالها بتقدر تحضر الدكتوراه عادي جدا .
لمزيد من المعلومات =====> اضغط هنــــــــــــــــــا (http://www.mans.edu.eg/faclaw/arabic/postgraduate.html)

أرجو ان تكون المعلومة وصلت لأن وصلني من ناس كتير خلط الأمور ببعضها وكانوا بيقولوا ان لازم عشان يعمل ماجستير لازم ياخد دبلوم عام أو خاص لأ ده غير سليم والوضع مشروح بالتفصيل وأنا تحت امر اي استفسار يعرض علي -- وبالله التوفيق ...