المساعد الشخصي الرقمي

مشاهدة النسخة كاملة : شعراء العامية العظام يجتمعون في الروائع



طالب جديد
11-09-2007, 04:31 PM
نبذة حول الشاعر: أحمد فؤاد نجم





ولد أحمد فؤاد نجم في مايو سنة 1929

عمل نجم في معسكرات الجيش الانجليزي متنقلا بين مهن كثيرة كواء..لاعب كرة.. بائع ..عامل انشاءات وبناء.. ترزي. و في فايد و هي احدى مدن القنال التي كان يحتلها الانجليز التقى بعمال المطابع و كان في ذلك الحين قد علم نفسه القراءة و الكتابة و بدأت معاناته الطويلة تكتسب معنى. و اشترك مع الآلاف في المظاهرات التي اجتاحت مصر سنة 1946 و تشكلت اثناءها اللجنة الوطنية العليا للطلبة و العمال. يقول نجم: كانت أهم قراءاتي في ذلك التاريخ هي رواية الأم لمكسيم غوركي, و هي مرتبطة في ذهني ببداية و عيي الحقيقي و العلمي بحقائق هذا العالم, و الأسباب الموضوعية لقسوته و مرارته. ولم أكن قد كتبت شعرا حقيقيا حتى ذلك الحين و انما كانت أغان عاطفية تدور في اطار الهجر و البعد و مشكلات الحب الاذاعية التي لم تنته حتى الآن...

و في الفترة ما بين 51 الى56 اشتغل شاعرنا عاملا في السكك الحديدية. وبعد هذه الفترة بدأ في نشر دواوينه سجن عدة مرات بتهم مختلفة ومازال نجم يسكن حجرة متواضعة في حارة حوش قدم

اشعاره:
=====================
استغماية

غمي عيونك

سد ودانك

إفتح بقك

قول انا فين

الشاطر فيكو

يحزر فزر

في دقيقتين

والإشطر منه

اللي يحزرها

في غمضة عين

والإشطر خالص ما يحزرش

يقول انا فين

والإشطر أشطر

اللي يبص يشوف بالعين

انا فين ؟

فيه ناس

اختلف في الموضوع

وحكاوي اتقالت

عن مواضيع

والناس لا مؤاخذة

في زمن الجوع

يتعشوا كلام

يفطروا تشنيع !

فيه واحد شافني

بلبده ولاسه

في باب اللوق

والتاني

لمحني بقفصين موز

علي باب السوق

والتالت شافني

في كاديلاك

راكب مع بنتين

والرابع

شافني ف طنطا

بابيع

بلابيع ونشوق !

وصحافه الصاوي

والورداوي

والجمال

وأباظه ولاظه

وباقي الدلاديل

والأندال

بتأكد جدا

جدا جدا بالتدقيق

إن انا محبوس

وباروح يوميا

للتحقيق!

طب اصدق مين

وأكدب مين ؟!

ماهي حاجه تمخول أيها عاقل

وانا مجنون

وباكلم نفسي

وعقلي صراحه

ماهوش مضمون

لو كنت بلبده ولاسه

وماشي ف باب اللوق

طب إيه مشاني

مفلس جدا

جنب السوق ؟!

لوكنت بدأت

كتاجر فاكهه

وبقفصين ؟

مش كنت زماني

معلم طمبه

وجوز اتنين؟

لوكنت ف كاديلاك

زي ما قال

التالت بيه

ومعايا بنات

زي الشربات

طب ح انزل ليه ؟!

لوكنت يا طنطا

بابيع بلابيع

وسطل وبخور

مش كنت زماني

مدير على جامع

أو مأمور ؟

وصحيح الصاوي

والورداوي

والجمال

حابسين أفكار الناس

في بلدنا

وعال العال

إياك قاصدين

إن انا مسجون

زي الملايين ؟

كده يبقي تمام

ولأول مره

ح اقول " صادقين "

بس انا لا مؤاخذه

وبالتدقيق

ماحصلشي معايا

ولا تحقيق !

مش حاجه تحير

طب أنا فين ؟

حزرتوا خلاص

فزرتوا خلاص ؟

عارفين

أنا فين

أنا ساكن قلبي ومتونس

بالناس

والناس الونسه كتير

ماليين القلب

وشاغلينه

سارحين في الدم

وفي التفكير

وجناين قلبي العمرانه

بالناس

الأزهار

العصافير

سايعاني

وسايعه اللي باحبه

وتساعي معايا

رفاقه كتير

شايفين انا فين ؟

الشاطر فيكو

يحزر فزر

في دقيقتين

والأشطر طبعا

حيحزرها

في غمضة عين

أنا ...... فين ؟

======================
بابلو نيرودا





شيلي البارود

حطي الوعود

والتعليلات

في المهملات

سفحوا الورود

من ع الخدود

والخضره

من قلب البنات

فين الأمان

جنب الغيلان

يا ملفقين

عصر التبات ؟

لا الجرح بات

ولا إتنسي

ولا التاريخ

والذكريات

سيدنا الحسين

اسبارتاكوس

الليندي

لوركا

عب رحيم

فلاح بلدنا اللي انشوى

قبل القيامه

في جحيم

سينا الطعينه المزمنه

ارنستو

جيفارا العظيم

خميس وبقري

والشفيع

أدهم

ومواله القديم

قطب الرجال اللي ابتلي

لما تلا الذكر الحكيم

عقد العقيق اللي اتبدر

من عهد سقراط الحكيم

زاد النهارده

وانتظم

بالدره والفص اليتيم

نيرودا

زمار الصباح

نيرودا

مزمار النسيم

صابحه الصبيه

" سانتياجو "

تشرب لبنها من غناك

اتروعوا العصافير

وهاجوا

لما نعيت البوم

نعاك

وانت الشهيد

ملو البراح

جراح تعود المجروحين

ساعتين تشاور

ع الجراح

ينشد ضهر المطعونين

تتمدد إيدهم ع السلاح

وبعزم ما في الموجوعين

تطعن في شريان الطاعون

تجهز

على الداء الدفين

الشمس تطلع بالصباح

ترمي الصباح

على كل الإبد

حاضنه البنادق والجراح

بإيد وعافقه الناي

بإيد

والشمس تطلع في النهار

فوق كل قصر

وكل بيد

والشمس تسقط

في الغروب

عن بابلوا نيرودا .. الشهيد

دواره بتعدي السنين

يا أرضنا

يا ام البنين

دواره بتعدي اللي فات

يا أرضنا يا ام البنات

كروب

حروب

محن شعوب

كلاب

عذاب

ضباب

غروب

بروق

رعود

شروق

صعود

نضال

سجال حرام

حلال

والعدل .. كان

في كل آن

هو القضية

والرهان

والارض عاشت من زمان مسرح لفرسان الميدان

سيدنا الحسين

اسبارتاكوس

جيفارا

لوركا

عب رحيم

نيرودا زمار الصباح

نيرودا

مزمار النسيم

=========================
نيكسون جاء





أب ت ث جح

ألف باء

جونسون روح

نيكسون جاء

قولوا هأوأو

أو قولوا هاء

على صحافتنا

الغير غراء

ذات صباح

يا فتاح

بالجرانين على ريق النوم

جم على سهوه

كبسوا القهوه

وابتدأوا ف تضييع اليوم

إللي يقول النصر نميس

ينفع تاكسي

ويمشي رميس

وإللي يقول الفورد يا بيه

أجعص من أجعصها جعيص

وإللي يقول جونسون دا حمار

راجل

عقله عقل صغار

راجل تيس

من غير حيث

ينصب ألف جنازه بطار

بس اهو ارح

وحنرتاح

وحنتبحبح بقي ونقول

يخرب بيته

ويدلق زيته

ويعيش نيكسون لنا

على طول

نيكسون عال

ومش بطال

وإللي يقول غير كده

مقفول

شفت كلامه

إلا كلامه

صح كلام راجل مسئول

ولا عنيه

يا ختي عليه

فيهم سكس ماهوش معقول

وإللي يقول يا بقر يا شراكسه

نيكسون ماله ومال النكسه

وإللي يقول بلوتنا كبيره

وإللي يقول فضوها سيره

وإللي يقول مين مسئول

وإللي يقول

وإللي يقول

شوفوا بقي يعني

ما تفلقونيش

آدى صحافتنا

وغيرها ما فيش

مش عاجباكو ما تلومونيش

قولوا هأو أو

أو قولوا هاء

على صحافتنا

الغير غراء

























شقع بقع




انا الأديب و لا تعرفنيش

تقرالي لكن ما تشوفنيش

كلامي لا هو مادهون ورنيش

و لا المعاني عليها غبار

شقع بقع يا ديل الفار

***

يا شعب مصر يا خم النوم

ما تفوق بقى و تشوف لك يوم

الثورة قامت في الخرطوم

و انت اللي نايم بالمندار

شقع بقع يا ديل الفار

***

يا شعب ثور داهية تسمك

و شيل اصول اسباب همك

عصابه

بتمص في دمك

و الاسم قال ضباط احرار

شقع بقع يا ديل الفار

***

اخدوا اليهود غزة و سينا

و بكرة يبقوا هنا وسطينا

و الراديوهات بتغدينا

خطب و نتعشى اشعار

شقع بقع يا ديل الفار

***

الشيخ امام قال كلمة حق

و الست ثومة قالت لأ

و ابو النجوم على ودنة اندق

في المعتقل و الدنيا نهار

شقع بقع يا ديل الفار

=================
جائزة نوبل




شوف عندك يا سلاملم

واتفرج يا سلام

مواطن

شخص عادي

مالوش أي اهتمام

ومبارك الخيانه

ومسميها السلام

وف يوم قرا الجرايد

تاريخ ما اعرفش كام

من يومها يا ضنايا

بيشقلب فى الكلام

واتفرج يا سلاملم

على شقلب يا سلام

لما محانم جيبن يا دخ

زايجة لوبن

يعنى مناحم بيجن

ياخد جايزة نوبل

تبقى النوديا

يعنى الدنيا

ماشيه بتحدف بالمندار

يبقى الشهر اتناشر ساعه

يبقي اليوم

ليلتين ونهار

يبقى القاتل

شخص ضحية

والمقتول مجرم جبار

شفتوا إزاى ؟

أما صحيح الطب اتقدم

وحنا ما وصلتناش أخبار

أيوه يالجنة لوبن بيه

قاعدة ازاى بتلجنى إيه

أنا مش فاهم حاجه صراحه

لما القاتل يا خد جايزه

كده من دون تلبيخ وأباحه

يبقي

يا إما اللجنه دى بايظه

أو لا مؤاخذه

رئيسها حمار

يبقي يا لجنه يا عره يا كوسه

جتنا وجتكو ستين حوسه

يبقي ف هذا الزمن المايل

ياما حتجري علينا هوايل

تبقي اللكلمه بدل الكلمة

والكاتب يمسك منشار

يبقي الراعش

يعنى الشاعر

يسكن شقه ف بيت

فى قصيده

يكتب فول

ياكل أشعار


==================
التحالف ( يعيش أهل بلدي )




يعيش أهل بلدي

وبينهم ما فيش

تعارف

يخلي التحالف يعيش

تعيش كل طايفه

من التانيه خايفه

وتنزل ستاير بداير وشيش

لكن فى الموالد

يا شعبي يا خالد

بنتلم صحبه

ونهتف .. يعيش

يعيش أهل بلدي

يعيش المثقف على مقهى ريش

يعيش يعيش يعيش

محفلط مزفلط كتير كلام

عديم الممارسه

عدو الزحام

بكام كلمة فاضيه

وكام اصطلاح

يفبرك حلول المشاكل قوام

يعيش المثقف

يعيش يعيش يعيش

يعيش أهل بلدي

يعيش التنابله

فى حي الزمالك

وحى الزمالك

مسالك مسالك

تحاول تفكر تهوب هنالك

تودر حياتك

بلاش المهالك

لذلك إذا عزت توصف حياتهم

تقول الحياة عندنا

مش كذلك

وممكن تشوفهم فى وسط المدينه

اذا مر جنبك

أتومبيل سفينه

قفاهم عجينه

كروشهم سمينه

جلودهم بتضوي

دماغهم تخينه

سنانهم مبادر تفوت فى الجليد

ما فيش سخن بارد

بياكلوا الحديد

ما دام نهر وارد

وجاي م الصعيد

تزيد الموارد

كروشهم تزيد

وتسمع وتسلم

بأن التنابله

أو الأكالين

حيسمح كبيرهم

ويعمل مقابله

مع الفلاحين

ويحصل تحالف

ما بين الجميع

ونملا المصارف

بدم القطيع

أطيع الخليفه

أطيع والديك

أطيع التنابله

دا مفروض عليك

وتزرع وتبعت لحي الزمالك

وحي الزمالك

مسالك مسالك

تحاول تفكر تهوب هنالك

تودر حياتك بلاش المهالك

لذلك

إذا حد جاب لك سيرتهم

تبسمل تكبر

وتهتف كذلك

يعيش التنابله

يعيش يعيش يعيش

يعيش أهل بلدي

يعيش الغلابه

فى طي النجوع

نهارهم سحابه

وليلهم دموع

سواعد هزيله

لكن فيها حيله

تبدر تخضر جفاف الربوع

مكن شغل كايرو

ما يتعبش دايره

لا ياكل

ولا حتى يقدر يجوع

يا غلبان بلدنا

يا فلاح يا صانع

يا شحم السواقي

يا فحم المصانع

يا منتج

يا مبهج

يا آخر حلاوه

يا هادي

يا راضي

يا عاقل

يا قانع

ما تتعبش عقلك

فى شغل السياسه

وشوف انت شغلك

بهمه وحماسه

وعود عيالك فضيله الرضا

لأن إحنا طبعا

عبيد القضا

ورزقك ورزقي ورزق الكلاب

دا موضوع مؤجل ليوم الحساب

كمان الصحافه

حتكتب فى حالتك

وتنشر مناظر لخالك وخالتك

وتتطلع يا مسعد عليك الغناوي

وتسمع باسمك

فى قلب القهاوي

تحبك مشيره وبنات الجزيره

وقصه غرامك

تشيع فى الرداوي

يعيش عم مسعد

يعيش يعيش يعيش

يعيش أهل بلدي


===================
تذكرة مسجون





الاسم : صابر

التهمه : مصري

السن : اجهل اهل عصري

لرغم انسدال الشيب ضفاير

من شوشتى

لما لتحت خضري

المهنه : وارث

عن جدودي

والزمان

صنع الحضاره

والنضاره

والامان

البشره : قمحى

القد : رمحى

الشعر : اخشن م الدريس

لون العيون : اسود غطيس

الانف : نافر كا لحصان

الفم : ثابت فى المكان

واما جيت ازحزحه

عن مطرحه

كان اللى كان

جهه الميلاد: فى أي اوضه مضلمه

تحت السما

على ارض مصر

من أي دار وسط

النخيل

مطرح ما يجري النيل

ما دام ما يكونش قصر

الحكم: من سبع تلاف سنه

وانا راقد سجين

اطحن على ضراسي الحجر

من الضجر

وابات حزين

الاسباب : سالنى سائل

حبستك طالت

وليه

ولانى طيب

وابن نكته

ما فيش مخالفه ركبتها

ضد القانون

لانى خايف

والقانون سيفه ف اديه

تسأل عليّ المخبرين

فى أي حين

تسمع وتفهم قصتي

الف وبيه

الاسم صابر ع البلا

ايوب حمار

شيل الحمول من قسمتى

والانتظار

اغرق فى انهار العرق

طول النهار

والم همى فى المسا

وارقد عليه

عرفت ليه ؟


===============

يتبع......
























الخواجة الأمريكاني




الخواجه الامريكانى

والسماسرة اللى وراه

تخنوا بالكدب ودنه

وعرضوا له مقاس قفاه

فهموه

من غير ما يفهم

ان سوق الشرق مغنم

والخوجه بطبعه مغشم

والمصاري معفرتاه

حب يعمل فيها تاجر

وانطلق

يسلب وينهب

ف الزباين بالنهار

يحدف الدولار يلمه

تلتميت مليون دولار

بالقزايز والبنات

باللبان

والبمبونات

بالمدافع والدانات

او بأفلام الرعاة

قول بقي تاجر وفاجر

وانفلت لص المواشي

رعب ماشي فى البلاد

يشفط البترول ويطرش

كل الوان الفساد

عزرائيل من غير فرامل

يقلب العرسان ارامل

حتى فى بطون الحوامل

كان بيدبح الحياة

بالسناكي والخناجر

والنهايه يا خواجه

مش ف يوم كانت بدايه ؟

البدايه برضه لازم

ييجي يوم

توصل نهايه

مهما زاد الراسمال

الهلاك هو المآل

والتاريخ

هو اللى قال

لعبه الموت فى الحياة

تسحب الروح م الحناجر


=====================
الأخلاق



مناعه ارزاق

جلابة ارزاء

يا سخامه يا لطامه

ياللى اسمك اخلاق

ازيك وايش حالك

ايه اخر الانباء

دجوكى ؟

سلخوكى ؟

خلوكى اشلاء

ما انا قايل وسمعتي

بس انتي اللى طمعتى

فى بلدنا يعوزكي

مسكوكي دقوكي

بدماغ الدقماق

بالقاضيه الفنيه

صرعوكى السجانه

حبوسكى

فى قضيه

مرفوضه وخسرانه

والتهمه الجنائيه

اكمنك انسانه

وخدوكى الشرطيه

وعساكر هجانه

وابولكنه فرنساوي

طبال ومغناوي

بيغنى اشتراكاوى

والعالم طرشانه

وابو عسكر حرميه

بيبرطع فى تكيه

ويقول اشتركيه

والناس

لسه جعانه

يا هبيله يا فضيله

يابتاعه المهابيل

بلا وكسه

بلانيله

بلا هفه مخاليل

دى بلدنا

ولا حولا

ما بقاش فيها علاوله

وعوضنا على المولي

فى ولادنا الشماليل

يادينا ورجلينا

اسسنا وعلينا

وعملنا اللى علينا

جيل يطلع ورا جيل

ويقول ابنوا لبكره

والبنى ادم ذكري

نتحمس للفكرة

من كتر التطبيل

واخيرا ولا اخر

اخلاقنا بتتاجر

ومهازل

ومساخر

وهزيمه

وتضليل


==================
الثوري النوري





حلا ويللا يا حلا ويللا

يا خسارة ياحول اللا

الثورى النورى الكلمنجى

هلاب الدين الشفطنجى

قاعد فى الصف اللأكلنجى

شكالاطه وكراميلا

***

يتمركس بعض الأيام

يتمسلم بعض الأيام

ويصاحب كل الحكام

وبستاشر ملة

***

ياحلولو لو شفته زمان

مهموم بقضايا الانسان

بيتكتك لا تقول بركان

ولابوتاجاز ولا حلة

***

ايش حالك ياجريبى اليوم

وايش جاب التفاح للدوم

وايش جاب الأوضة ف بدروم

للعربيه وفيللا

***

جرانين ومسارح وادارة

ومعلق طبلة وزماره

يسلك أهو بيزمر

يعطل يجيبوا له المنفيلا

واترستق هلاب الدين

بقى عاقل جدا ورزين

ويا عينى علينا يا مجانين

عشنا ومتنا بعله

































الأقوال المأسورة



المجد للشاه

فى الاعالى

وبالناس المذله

وعلى الارض

الخراب

" شاهبور با ختيار "

من سفر ما قبل الخروج

حبيبك وصاحبك

وصاحب حبيبك

كلام كله فارغ

عديم المعانى

اذا الندل صاحبك

يصاحبك لعله

وتسمع كلام

زي كذب الاغانى

وانا اللى اشتريت الخسيس

بالخساره

وبعت الاصيل

اللى يا ما اشترانى

واول ما هبت

رياح النهايه خلعنى الخسيس

من صباعه ورماني

الشاهنشاه رضا فهلوي

من سفر الخروج

اخويا الامير

بزرميط الايرانى

وعظنى ونصحنى

وسلك ودانى

لان اللى نابه

يا حبه عنيا

ما يتيخلوش

أي كاتب اغانى

دا كان لسه قاعد معايا

النهارده

ولابس خواتم دهب

امريكانى

صحيح الشعوب

بنت كلب ولئيمه

وممكن

تزيح العروش فى ثوانى

" واحد صاحبنا "

من سفر ما بعد الخروج


=-=================
الندالة




يا كارتر يا ندل

حبيبك وصاحبك

وصاحب مراتك

وتبقي انت صاحبه

وصاحب مراته

وكان والده ايضا

مصاحب حماتك

وكان برضه والدك

مصاحب حماته

وطول عمره نافد

على استخباراتك

وشغال جاسوسك

على استخباراته

وقاعد يزود

رصيد ملياراتك

وسارق

وشايل معاك ملياراته

وراجل مامنك

وخاين ضميره

وخايف

وحاطط ف ايدك مصيره

ودابح ف بحبك

ألوف الضحايا

ودايس ف طين الدنس

والخطايا

يقوم لما يطبق عليه المحيط

تطنش يا كارتر

وتعمل عبيط

وتخلع

وتنسي الحمار والغبيط

وتاكل عيالك

بدون وجه عدل

صحيح

انت ندل


=====================
هما مين واحنا مين




هما مين واحنا مين

هما الامر والسلاطين

هما المال والحكم معاهم

واحنا فقرا ومحكومين

حزر فزر شغل مخك

شوف مين فينا بيحكم مين

احنا مين وهما مين

احنا الفعلا البنايين

احنا السنه واحنا الفرض

احنا الناس

بالطول والعرض

من عافيتنا تقوم الارض

وعرقنا يخضر بساتين

خزر فزر شغل مخك

شوف مين فينا

بيخدم مين

هما مين واحنا مين

هما الامرا والسلاطين

هما الفيلا والعربيه

والنساوين المتنقيه.. طبعاً

حيوانات استهلاكيه

شغلتهم حشو المصارين

حزر فزر شغل مخك

شوف مين فينا بياكل مين

احنا مين وهما مين

احنا قرنفل على ياسمين

احنا الحرب حطبها ونارها

احنا الجيش اللى يحررها

واحنا الشهدا ف كل مدارها

منتصرين او منكسرين

حزر فزر شغل مخك

شوف مين فينا بيقتل مين

هما مين واحنا مين

هما الامرا والسلاطين

هما مناظر بالمزيكه

والزفه وشغل البولوتيكا

ودماغهم طبعا استيكه

بس البركه فى النياشين

حزر فزر شغل مخك

شوف مين فينا بيخدع مين

هما مين واحنا مين

هما الامرا والسلاطين

هما بيلبسوا اخر موضه

واحنا بنسكن سبعه ف اوضه

هم بياكلوا حمام وفراخ

واحنا الفول دوّخنا وداخ

هم بيمشوا بطيارات

واحنا نموت في الأوتوبيسات

هم حياتهم تمضي جميلة

هم فصيلة واحنا فصيلة

حادي يا بادي يا عبد الهادي

راح تفهم قصد الغنوة دي

لمّا الشعب يقوم وينادي

يا احنا يا هم في الدنيا دي

حزر فزر شغل مخك

شوف مين فينا حيغلب مين!!!

































أبجد هوز ( سايجون)



أبجد هوز

حطي كلمن

إفتح صفحه

إمسك قلمن

إكتب زي

الناس ما بتنطق

سقطت سايجون

رفعوا العلمن

طلعت شمس اليوم دا

أغاني

كل ما نسمع

نعشق تاني

طلعت شمس اليوم دا

حريقه

تشفي الجرح

وتبري الألمن

سايجون عادت للثوار

فوق الدم

وتحت النار

جدوا فوجدوا

زرعوا

فحصدوا

وإحنا إدينا للسمسار

وإللي قالوه السمسارجيه

وإللي حكاه السمساردار

لما قروه القروانجيه

بالمستعدل والمندار

هتش ونتش

بعزم الصوت

عن أمريكا وهوا أمريكا

زعموا الفانتوم

شايل موت

سقط الموت بعلم أمريكا

جاتكو فضيحه

يا طبقه سطحيه

وعامله فصيحه

وجايبه العار

قراونجيه

وكتبنجيه

وسمسارجيه

وسمساردار

سايجون دره يا ثوار

عادت حره

للأحرار

داحنا حنشبع بكره أغاني

إسمع وحفظ يا كتباني

واثبت عندك فى الأوراق

مصر بتنضح بالأشواق

مصر عروسه

وبكره عريس

والعشاق إحنا العشاق

فينا وبينا ولينا الثوره

إحنا الثوره

وهي الناس

فينا الماضي

وبينا الحاضر

والمستقبل

هو الناس


==================
الكلمات المتقاطعة




بدل الكوره

ولعب الفوره

وسط الغاغه

والبرجاس

تاكل زغده

تاكلك دبشه

تملا دماغك

بالقلقاس

ياللا نفكر

حتة لعبه

زي السكر

بالأناناس

كلمه ومعنى

رأسي وأفقي

يحكوا حكاية

تهم الناس

قرب قرب

ياللا نجرب

شغل مخك

ولا تحتاس

_ واحد رأسي؟

رأسي بتضرب

تقلب

تشغي بالأفكار

مسرح

والأفكار هوامه

في الدوامه

ليل .. ونهار

أبيض إسود

أخضر ..أحمر

بارد .. حامي

جنه ..ونار

سيبك سيبك

من تغريبك

بكره الليل

يطلع له نهار

_ اتنين رأسي ؟

حاكم حالي

كان طرطور

خان الدار

والجار

والنور

_كل ما فينا من حكام

نازلين

من خنفس .. وكافور

كذبوا _ أفكوا

قتلوا _ سفكوا

غدروا _ خانوا

فضحوا _ هتكوا

_ واحد أفقي ؟

شاعر داعر

ميت .. حي

طالع .. نازل

رايح .. جي

مادح سيده

مادد إيده

لايشوف حاجه

ولا يقول شي

_ كل ما فينا من شعارير

خونه

وهتيفة .. وخنازير

تجروا _ باعوا

لمعوا _ ذاعوا

أفلوا _ غربوا

تاهوا _ ضاعوا

_ اتنين أفقي ؟

شعرا تلاته بكلمه باروده

ناظم

بيرم

بابلو نيرودا (1)

_ كل ما فينا من عشاق

داقوا ما بينا

من أشواق

حبوا _ عشقوا

شبوا _ نشأوا

مروا _ فاتوا

غرسوا _ رشقوا

_ رأسي وأفقي ؟

شاعر واعر

لازم جي

يملا عيون العالم ضي

كل ما فينا من أحزان

تستنظر عاشق فنان

يأتي _ يقبل

طائر _ بلبل

حرفي _ فني

يشدو _ يغني

وطني سكني

أهلي .. قومي

منكم فيكم

صحوي نومي

أنتم فكري

أنتم عملي

منكم توقي

فيكم أملي

هيوا _ لبوا

ثوروا _ هبوا

يشرق _ يسطع

صبح _ مطلع

يزرع _ يبني

نحصد _ نجني

نمرح _ نلعب

نشدوا _ نغني

واحد رأسي

نشدوا نغني

اتنين أفقي

نشدوا نغني

تالت خامس

عاشر ميه

نشدوا نغني

نشدوا نغني

نملا العالم

خضرة عفيه

نشدوا نغني

نشدوا نغني


====================
ورقة .. من ملف القضية






- أنا مصراوي


- ممكن أعرف مين الأول بيكلمني


- دول مين


- مصر العشه ولا القصر


إف

- مالك ... شايل طاجن خالك


- أنا ما اقصدش اهانتك طبعا


- لاما اعرفش


- إيه رأيك في قضية مصر


هى وسوريا وليبيا ولازم ييجي النصر

- ييجي منين وازاى ولمين


- أنا من حقي


- أنا بتكلم بيني وبينك


- إذا كانش يسبب لك ضيق


- مين مسئول ؟


- ع إللي جرى لنا ف غزه وسينا


فض دمغك من دي قضيه شعبنا جاهل

مهما تقول له

مش حيآمن بالشيوعية

- ما الشيوعية فى فيتنام

إيه رأيك فيهم يا همام


لكن إحنا .. ورانا عيال

- طب ما نحارب لجل عيالنا

يطلعوا أسعد من أجيالنا


وحتتعبني معاك ع الفاضي

وأنا بحبحت معاك بكفايه

إبقي اتفلسف عند القاضي

- هى قضيه ؟


أمال فاهم إيه آمال هى الدولة دى لعب عيال

- ممكن أعرف أنا هنا ليه


أمال إيه

يوم خمسه وعشرين الماضي

إيه مشاك عند التحرير

- تحرير إيه يا جناب القاضي


- بكره تصير


- أنا غلباوي كده من صغري


آخر غلبه وقله ذوق يحصل إيه لو تمشي ف حالك

فاكر نفسك مين

ما تفوق

- لو راح افوق

مش من مصلحتك


إيه رأيك فى حكايه الطلبه

- حاجه عظيمه بشرة خير


- وانت لسانك ينفع سير


- كتر خيرك


مين وداك بقي عند الطلبه رايح ضمن المندسين

- رحت أناقشهم واسمع منهم


دول عايزين الدنيا تولع علشان أصلا

مش فاهمين

هى الحرب يا عالم لعبه

دى بتتكلف بالملايين


- امال ح ادفع من جيب مين

إنت حمار وخدوك فى مشمك رحت هناك زى الباقيين

عاملين لجنه

وقال وطنيه

مش ممكن دول وطنيين

وجماعة أنصار الثورة

وفلسطين وهباب الطين

ما نخلينا يا سيدي في حالنا

مالنا ومال الفدائين

هو إحنا اللي نهبنا بلدهم

دول عالم صيع فاقدين

قتلوا الراجل عند الشيراتون

وإحنا إللي طلعنا القاتلين

- وصفي التل دا كلب وخاين


واحد صاحبي مراته مرافقه

وهو مرافق

ييجي عشرين

أمريكا بتزعل وبتحرن

هو إحنا يا عالم ناقصين

مش نستعبر

م إللي جرالنا

ونعيش بقي زى العايشين

دي عيال عملا للشيوعيه

وإحنا عدو الشيوعيين

- ورق دمك بس يا بيه

مين مساعدكو بقالكو سنين


علشان أصلا مش فاهمين

إحنا حيلتنا منين نديهم

ونسددهم بالملايين


- مبدا مين وزكايب مين

هي دى عالم تعرف مبدا

دولا باقول لك

ناس مجانين

اخترعولنا السد العالي

علشان نبقي اشتراكيين

إشتراكيه هناك ف بلدهم

وإحنا ف دارنا

نعيش حرين

عايزين الفلاح الجاهل

يتساوى بالمحترامين

وكمان قال

تحديد ملكيه

أبو ألفين

يدوه خمسين

شغل ملاحده وعالم كفره

ومخالفين أحكام الدين

والعمال رخرين اسم الله

فاهمين روحهم

بني آدمين

ناس عايزين الحرق بولعه

دا كله من الشيوعيين

نشروا لنا الأفكار السوده

أولاد الكلب الملاعين

مين وداك بقي عند الطلبه

انطق قول

اتكلم مين

- هما إيه مطالبهم ؟


- لأمش قصدى

بس أنا باسأل

كانوا طالبين كراريس ومساطر

ولا مطالب ميه الميه

كل الشعب مآمن بيها


مين مجنون بقي

حيمشيها

عايزين يدوا الرتش سلاح

عشان تحصل فيها مجازر

أنا لو أشوف حلوف فلاح

شايل شومه

لازم اهاجر

- لازم بينه وبينك دم


هس اتلم

ثم نحارب ليه

وبايه

بسلاح ما يموتش بعوضه

- ورق دمك بس يا بيه

الحرب ضروره ومفروضه

واهو نفس سلاحنا المظلوم

في فيتنام دابح أمريكا


- بطلوا بقي كدب وبولوتيكا

طب ما الهند بنفس سلاحنا

فى باكستان

بعزقت الغرب


وحتما يعني نخش الحرب

طيب

حاضر

فين المخبر

حتغير رأيك

بالضرب

































حسبة برما بمناسبة زيارة ابن الهرمة




كشف الرافضين

ببطارية ماركه - نانسين -

يهوديه عربيه

سته مشاغبين

وستميه سته وستين

واتنين صنايعيه

سبعة مداقرين

وسبعميه سبعه وسبعين

غاويين شيوعيه

ألف وستين

وربعميه

منهم عشرين

وتلاته وطنيه

أما الباقيين

فألف ميه وتمانين

طلاب وشضليه

تسعه وتمانين

من إللي راحوا تشرين

تحت المعديه

يبقي موافقين

حسب انضباط القوانين

والحسبه شرعيه

تسعه وتسعين وتسعميه وتسعه وتسعين

من ألف في الميه

أجري التدوين

بمبني بندر قافشين

وبلجنه مدنيه

طرطور الدين

رئيس نيابة هابشين

وشكوكو عدويه

وحسين حابسين ضابط مباحث عابدين

والست سريه

لجنة

عشرين

شبرا ومغاغة

وقلين

أسوان دقهلية


================
شيد قصورك




شيد قصورك ع المزارع

من كدنا وعمل إيدينا

الخمارات جنب المصانع

والسجن مطرح الجنينة

واطلق كلابك

في الشوارع

واقفل زنازينك

علينا

وقلّ نومنا في المضاجع

أدي احنا

نمنا ما اشتهينا

واتقل علينا بالمواجع

احنا اتوجعنا

واكتفينا

وعرفنا

مين سبب جراحنا

وعرفنا روحنا

والتقينا

عمال وفلاحين

وطلبة

دقت ساعتنا

وابتدينا

نسلك طريق

مالهش راجع

والنصر قريب من عنينا

النصر أقرب

من إدينا


====================
كلب الست





فى الزمالك من سنين

وف حما النيل القديم

قصر من عصر اليمين

ملك واحدة من الحريم

صيتها اكتر م الادان

يسمعوه المسلمين

والتتر والتركمان

والهنود والمنبوذين

ست فاقت ع الرجال

فى المقام والاحترام

صيت وشهره وتل مال

يعنى فى غايه التمام

قصره يعني هى كلمة

ليها كلمه فى الحكومه

بس ربك لجل حكمه

قام حرمها م الامومه

والامومه طبع ثابت

جوه حوا من الزمان

تعمل ايه الست جابت

فوكس رومي وله ودان

فوكس دا عقبال املتك

عندة دستة خدامين

يعنى مش موجود فى عيلتك

شخص زية يا اسماعين

واسماعين دا يبقى واحد

م الجماعة التعبانين

اللي داخوا فى المعاهد

والمدارس من سنين

حب يعمل واد فكاكة

يمشي حبة فى الزمالك

والقيامة والفتاكة

يرموا طبعا ع المهالك

عم سمعة من قيامتة

حب يعمل فيها فلة

بعد ما الوظ بيجامتة

اشترى حتة مجله

قول مشي يقرا فى حكاية

من حكايات الغرام

واندماجة فى القرايه

خلا مشيه مش تمام

ع اليمين يحدف بعيد

خطوتين ويروح شمال

لمحه فوكس من الحديد

قال دا صيد

سهل حلال

هب نط فى كرشه دوغري

جاب بيجامته لحد ديلها

اسماعين بدال ما يجري

قال يا رجلي

رجلى مالها ؟

بص شاف الدم سايح

من عاليها ومن واطيها

وياللى جاي

وياللي رايح

المجله مش لا قيها

حبه واتلموا الظنايا

اللى هما البوابين

والحكايه والروايه

قال لهم

دا كلب مين؟؟

كلب مين !!

ما كلب مينشى

سمعه لبخ حبتين

قال واحد منهم

امشى

اللى جابك عنده مين؟

قال دا شارع يا مواشي

والجميع بيمر منه

اللى راكب

اللى ماشى

مستحيل نستغنى عنه

كلمه من دا

وكلمه من دا

ظاطو واترسمت فضيحه

قول نهايته

القصد من دا

اسماعين اكل الطريحه

راحو قسم الشرطه طبعا

والنيابه كفيله بيهم

واترموا فى الحجز جمعا

لما ييجي الدور عليهم

حبة والشاويش امين

قال : سعيد النقشيندي

قام غريم عم اسماعين

قال له:

محسوبك يا افندي

قام سي سمعه

يروح معاه

الشاويش قال :

غور بدمك

راح تعوصنى

وفوق قفاه

كف طرقع

داهيه ف امك

تفتكر يفضل سي سمعه

قد ايه فى القسم نايم ؟

استضافه الحجز جمعه

يا بلاش

ادي العزايم

شاف بلاوي

ما تتحكيش

م الديابه المسجونين

قال يا عالم

يا شاويش

يا نيابه

يامسئولين

خلصوه بعد المناهده

جثه من جحر الديابه

هى يمكن ساعه واحده

كان فى مكتب النيابه

قال له مالك يااسماعين

قال لة زي البمب ... مالي ؟

قال له عضك فوكس فين

قال له سيبنى اروح لحالي

انت شوف سي فوكس يمكن

خد تسمم

غصب عني

الوكيل قال برضة ممكن

والشاويش

قعد يغنى

انت فين والكلب فين

انت قدة يا اسماعين

طب دا كلب الست يا ابني

وانت تطلع ابن مين

بشري لصحاب الديول

واللى له اربع رجول

بشرى لسيادنا البهايم

من جمايس او عجول

اللى صاحبه يا جماعه

له غناوي

فى الاذاعه

راح يدوس فوق الغلابه

والنيابه .. بالبتاعه


===================
تخيل لي الأماني أن حظى



تخيل لي الأماني أن حظى من الدنيا على أرض الشؤون
فأعرضه على قلمي فيجري كعادته بشكو ذي شجون

=====

































الحبة دول خطررررررررررررررررررر:d

على الحرنكش


عليا الحرنكش ياريس مبارك
فى عصر مزركش ملون بنارك
لابايعك وابايع حكومة حمارك
ملعون ابو اللى يقدر يقاطع قرارك
نهاره مقندل وليله مبارك
فهمبك وهجص وطلع فى ديننا
اكيد هو طالع يشاهد جمالك
جمالك مبارك
سوزانك سوزاننا
يامحلا حصارك لمصر اللى جالنا
نسيمها فى عصرك بيشوى فى بدننا
اؤيد وابايع فخامة جلالتك
وايد اى واحد بيمسح ريالتك
ولانك سر باتع هاننسى هبالتك
فاقعد ياريس ودلدل حمامتك
حمامة السلام حمامتك ياريس
سلامة الحمامة وسلامتك ياريس
على تل مصر ياريتك تهيص
خرابه فسيحة عليها تمتيس
واامر تطاع فشعبك مفيص

===================
طاطي راسك


طاطي راسك طاطي طاطي .. انت ف وطن ديمقراطي .. انت بتنعم بالحرية .. بس بشرط تكون مطاطي
لما تكون شغال بذمة .. خايف على مصلحة الأمة .. شغلك يطلع من غير لازمة .. علشان مبيعلاش غير واطي طاطي راسك طاطي طاطي .. انت ف وطن ديمقراطي

لما حاميها يكون حراميها .. وبلاده ورا ضهره راميها .. طالع نازل واكل فيها .. مسنود بالبدلة الظباطي طاطي راسك طاطي طاطي .. انت ف وطن ديمقراطي

لما شقاك يصبح مش ليك .. فقرك سد السكة عليك تتلفّت تلقى حواليك .. إما حرامي و إما عقاطي طاطي راسك طاطي طاطي .. انت ف وطن ديمقراطي

لماتلاقي بلاد الدنيا .. فيها البني آدم حاجة تانية .. وانت في الطبقات الدنيا .. قرد مسلسل أو وطواطي طاطي راسك طاطي طاطي .. انت ف وطن ديمقراطي

لما الجهلة يبقوا أمامك .. أو فوقك ماسكين ف زمامك .. ويسوقك ع الهلكة إمامك .. تشرب م السم السقراطي طاطي راسك طاطي طاطي .. انت ف وطن ديمقراطي

لما الكلمة تكون بتدينك .. لما تخبي ف قلبك دينك .. لما الذل أشوفه ف عينك .. هات إحباطك على إحباطي طاطي راسك طاطي طاطي انت ف وطن ديمقراطي .. انت ف وطن ديمقراطي

======================
رسالة للريس


سيدي الرئيس

في عيد ميلادك الكام وسبعين

كل سنة وأنت طيب

واحنا مش طيبين

كل سنة وأنت حاكم

واحنا محكومين

واحنا مظلومين

واحنا متهانين

ويا ترى يا حبيب الملايين

فاكرنا ولا احنا خلاص منسيين

فاكر المعتقلين

فاكر الجعانين

فاكر المشردين

فاكر اللي ماتو محروقين

فاكر الغرقانين

الله يكون في عونك - هاتفتكر مين وللا مين

في عيد ميلادك الكام وسبعين

بقول لك كلمتين

الأوله

شيلتنا طين

وهل تعلم أن النيل بقى رشاح

والجو أصبح بيئة والعيشة ولعة

والشرفا قلوبهم عالبلد والعة

وانت عاملهم مذبحة ولا بتاعة القلعة

والاقتصاد سداح

والسرقة بقت كفاح

ومصر متاحة بس للسياح

وعرض البلد بقى مستباح

والتانية

ورتنا الويل

دا الخطوة في عهدك بقت ميل

والضحك بقى نواح وعويل

والكوسة

عارف ******

ممكن أقولك فيها موواويل

والجامعة بقت يا إما كباريه أو دار مسنين

والشباب معظمهم من غير خمرة سكرانين

والعلم عز على المتعلمين

والأساتذة بقم دجالين

والقادة بقم طبالين

واديني في الهايف يا حبيب الملايين

والتالتة

عارف اليابانيين

زمان في سنة اتنين وخمسين

كان عندنا تروماي وكان عندنا علم ومتعلمين

وثقافة ومثقفين

وأدبا وعلما وفنانين

وكانو اليابانيين

بالنووي لسة مضروبين

وللصدقة مستحقين

دلوقتي إحنا فين وهما فين

هما فوق واحنا في أسفل سافلين

والرابعة

أمن البلد بقى تنين

والمحاكم اتملت مظالم

والعدالة بقت كمالة

وكلمة الحق في الزبالة

وأصحابها في الزنازين

والخامسة

القطاع العام…. عام

والفساد…. ساد

وفي جتة بلدنا بيرعى

أفتكر لجنابك إيه وللا إيه

وكل ذكرى ليك بدمعة

آآآآآآآآه آآآآآآآآه

أنا كنت حالف ميت يمين

أكملهم لك تمنية وسبعين

بس هاكفيهم ورق منين

وكل سنة وأنت

واحنا طيبين


==========

بكدة اكون خلصت الموضوع ...الحق انفد بجلدى قبل ما يتقبض عليا هههه:d

يارب الموضوع يكون عجبكوا...

اخوكم فارس

يحيى خلف
09-12-2007, 09:11 AM
عبدالرحمن الأبنودى

الإسمعبدالرحمن الأبنودى
البلدمصر

نبذة عن الشاعر عبد الرحمن الأبنودى



تاريخ ومحل الميلاد :

11 أبريل ، عام 1938، أبنود ، قنا .

المؤهلات العلمية:

- ليسانس الآداب ، قسماللغة العربية ، جامعة القاهرة.



المؤتمرات التىشارك فيها :

- اشترك فى أكثر من 400 أمسية شعرية فى مصر.

- اشترك فى أكثر من 40 أمسية شعرية فى العالم العربى.



المؤلفات :

له العديد من الدواوين الشعرية منها :

- الأرض والعيال ، 1964 ، 1975 ، 1985.

- الزحمة ، 1967 ، 1976 ، 1985.

- عمليات ، 1968.

- جوابات جراحى القط ، 1969 ، 1977 ، 1985 ، 1996.

- الفصول ، 1970 ، 1975.

- أنا والناس ، 1973.

- بعدالتحية والسلام ، 1975 ، 1996.

- وجوه على الشط ، 1975 ، 1998.

- صمتالجرس ، 1975 ، 1985.

- المشروع والممنوع ، 1975 ، 1985.

- المدوالجزر ، 1981.

- السيرة الهلالية ، 1988.

- الموت على الأسفلت ، 1988 ، 1995 ، 1996 ، 1997.

- الاستعمار العربى ، 1991 ، 1992.

- المختارات ، 1994 ، 1995 ، 1996 ، 1999.

- آخر الليل ، 1998.

- الأحزان العادية ، 1998.

- وقد جمع سيرة بنى هلال كاملة على مدى خمسة وعشرينعاما وجمع نصوصها المصرية والسودانية والتونسية.

- كتب ما يزيد عن 700أغنية.

- كتب مقالات فى شتى الأغراض : سياسية وأدبية واجتماعية فى جريدتيالأخبار والأسبوع.



الجوائز والأوسمة :

- جائزة الدولة التقديرية فى الآداب من المجلس الأعلى للثقافة ،عام 2000


الموت على الأسفلت


أماية ... وأنتي بترمي بالرّحي ..
على مفارق ضحى
وحدك وبتعدّدي
على كل حاجة حلوة مفقودة
ما تنسينيش يا أمة في عدُّودة
عدّودة من أقدم خيوط سودا في توب
الحزن
لا تولولي فيها ولا تهللي
.. وحطي فبها اسم واحد مات:
كان صاحبي يا أمه ..
واسمه:
ناجي العلي
يا قبر ناجي العلي.. وينك يا قبر
يا قبر معجون بشوك مطلي بصبر
الموت بقرّب عليك .. يرتد خوف
وإذا ما خافشي الموت .. يرتد جبر
.................
يا قبر ناجي العلي.. يا دي الضريح
كان ميِّتك للأسف وطني صريح
تحتك فتى ناضر القلب .. غضّ
كان قلبه .. أرض مخيّمات الصفيح


الأرض متغربة .. والحلم ملْكْ
خريطة شبه الوطن محاصرها سلك
واقف وراها شريد عاقد إيديه
حنّ الوطن ذلك .. للأرض .. تلك
غشيم في حب الوطن .. طبعا غشيم
ياللي تحب الوطن .. من الصميم
على طريقة العرب في الحب ..
عيش وَليْ.. نقي.. متي.. لكن لئيم


الأغنية :
ناجي العلي في الأغنية
هلّ عليْه
زي الغزالة البرية
ماسك رسمة
...........
والرسمة فيها دمع وضحك
وأرض مِلك
وابن واقف خلف السلك
قصاد رسمه
................
والرسمة فيها يهود.. . بحاخام
والأنكل سام ..
وعرب لطاف عايشين في سلام
جوه الرسمه
.............
رسم الكفوف زي الصبّار
حنظل بمرار
صبي قصير واقف محتار
قدامه رسمه
............
رسما لا تعرف تتحادق
ولا بتنافق
عيب ناجي إنُّه عاش صادق
عاش للرسمة
...............
كان زييّ.. يائس يأس مميت
لكن عفريت
دخل لأعدائه في البيت
شايل رسمه
..................
والرسمة ما فيهاش سما وبيوت
ولكن لها صوت
يا ناجي.. كان لا بد تموت
برّه الرسمة
..................
قتلت ناجي العلي لما رسم صورة
يواجه الحزن فيها براية مكسورة
لما فضحني ورسمني صورة طبق
الأصل
ما عرفشي يكذب ولا يطلع قليل
الأصل
الناس بترسم بريشة وهوه ريشته
نصل
فضح رموز الرواية وهيّه عَ المسرح
قتلته بأيدي وإيد غيري في آ خر
الفصل
يا بلادي . . ما تزعجيش نفسك
عشان صورة !


أهلي لا أهلك . ولا أهلك ساعات
أهلك
ما تحكليش ع اللي قتلك .. مش
حاخد لك تار
ملكش غير أحسدك خالص على
قتلك
قتيل في غربة .. بيفرق عن قتيل
الدار
يا ماشي للنور.. ومش ماشي على
مهلك
واحنا خطاوينا يمّ الموت .. تجيب
العار
أنا الموساد .. والفساد.. قاتل كتير
قبلك
كمال .. وغسان .. واسأل ماجد أبو
شرار
وحاموت .. لاشفتك .. ولا حا عرف في
يوم قبرك
لا حاحُط زهرة عليه ولا حأغرس
الصبّار
حاولت قتل الجهل طلع الجهل
متعلّم
وأهه قتلك
وحولك وأنت واضح . . سر من
الأسرار
أمايه . .
وأنتي بترمي بالرحى
على مفارق ضحى
وحدك .. وبتعددّي
على كل حاجة حلوة مفقودة
ما تنسنيش يا أمّه في عدوُّدة ...
عدوّدة .
من أقدم خيوط سودا في توب
الحزن
لا تهّللي فيها ولا تولولي
وحطّي فيها اسم واحد .. مات
كان صاحبي يا أمه ..
واسمه ناجي العلي..
........................
أطفالك البؤسا . قاموا هناك
بيفتحوا بالضوافر.. فكرة الشباك
مين أول اللي رسمهم في الصحف
إلاّكَ؟
قلعوا الهدوم القدام .. وطلعوا
بهدومك
إصحي يا ناجي العلي.. قامت
القيامة هناك
....................
قامت قيامة ثمانية وأربعين .. غارقة
في طريقها ذل السنين العاقر
الناشفة
إصحى يا ناجي العلي.. أهي
صحيت الضفة
يقشعروا الأرض .. إصحى جاوب
الهزة
سنّ القلم من جديد وارسم بنات
غزة
غزة اللي حضنت سلوكها وعشقت
الحزة
ما ما تتش .. طب ما أنت مت ....
عرفت تتوفى؟
منقول عن الشاعر الكبير/ عبد الرحمن الأبنودي حفظه الله
يتبع

يحيى خلف
09-12-2007, 10:38 AM
بسم الله الرحمن الرحيم
السلام عليكم ورحمة الله وبركاته
طبعا الشاعر الكبير / أحمد نجم مدرسة شعرية علينا اذا أردنا التعلم منها يجب الوقوف أمامها بكل اعجاب وتقدير
ولك مني صديقي كل التقدير لاختيار هذا الموضوع الرائع أرجوا لنا الإستفادة من النجم /أحمد فؤاد نجم

noura_cute
14-12-2007, 12:44 AM
الابنودى
ما اجمل اختياراتك ياريت تعملها فى صورة سلسلة لعرض اشعار و مرثيات الابنودى ان امكن
سوف تثرى روائع الادب كثيرا

اشكرك على امتاعك لنا
تقبل تحياتى

يحيى خلف
14-12-2007, 07:52 PM
بسم الله الرحمن الرحيم
السلام عليكم ورحمة الله وبركاته
أولا شكرألكي على مرورك الذي أسعدنا
ثانيا : أنا أعشق الأبنودي وأعتبره أستاذي الأول وانشاء الله سأعتمد فكرتك في نطاق التنفيذ
أن شاء الله

امانى احمد
17-12-2007, 11:46 PM
شكرا لك يا استاذ يحى على هذا الشعر الجميل

امانى احمد
17-12-2007, 11:56 PM
موضوع متميز حقا شكرا لك يا استاذ يحى

يحيى خلف
18-12-2007, 06:59 AM
لا شكر على واجب
شـكــ وبارك الله فيكي ـــرا لك ... لكي مني أجمل تحية .
موفقةبإذن الله ... لكي مني أجمل تحية .

يحيى خلف
29-12-2007, 11:12 AM
الحارة الفلسطينية

شوف كم سنة عدت وانا صاحي

اسم بلادي هو سلاحي

والثورة بتظهر صباحي

في الحارة الفلسطينية


الف سلامه ألف سلامة


يا علمي اللي ظلموك ياما

حتى الدنيا ليها قيامة

في الحارة الفلسطينية

أعلامي سودا من الهم

أعلامي حمرا ودا دم

في الاكفان البيض نتلم

من الحارة الفلسطينية


يا سلالم طالعة

يا ثوارها

اجسادنا سلم لقمرها

الاطفال خلعت اعمارها

في الحارة الفلسطينية


يا أرض الرسالات باركينا

بنوفي الندر اللي علينا


الثورة ضد الصهيوني

هي عقلي وهي جنوني

واتقهقر لما يردوني

للحارة الفلسطينية


لساها بتنجب انبيا

موجة البحر الرايحة وجيا

للحارة الفلسطينية

يا حجارتي

لسلاح الواطي

يا قنابل

يا رصاص مطاطي

انا ماشي معدول

وسراطي

الحارة الفلسطينية

انا بادي وبيدي حجارة

وجهنم اولها شرارة

الوعي اللي كانه بشارة

من الحارة الفلسطينية

انا ثورة وسبنالكو الدولة

بتقولي لا قوة ولا حول؟

اهو لينا شرف المحاولة

في الحارة الفلسطينية

وبواجه كل ما بتقدم

الدولة ام الجيش متنظم

امريكا هزمها المخيم

في الحارة الفلسطينية


مولود محتل ومتكتف

مولود متنمر متصنف

اشنقني..

اعدم..

اتعسف..

الحارة فلسطينية


انا اعلى ما في صوتي

سكوتي

واحلى حياة بعشقها

موتي

انا ارضي وجوي وملكوتي
في الحارة الفليسطينية
يتبع

يحيى خلف
29-12-2007, 11:15 AM
أمريكا يمّ العراق زاحفة بلا قوانين

زي إسرائيل اللي قاتلة ولادنا في فلسطين


مهما أقول أو تقول.. إيه راح يفيد الكلام؟..

حكامنا صاحبوا العدو.. وإحنا رحنا ننام

قالو لنا: »حنحلها إحنا في خمس تيام

آدي بداية انهيار الأمة قدامنا

بعنا حقيقتنا وسكنّا في أوهامنا

عشنا وزادنا الخطب.. كرهتنا أحلامنا

أنا ما بنيت الدار إلاَّ لاحارب

ودار بلا حربٍ... عليا حرام!!..

......

مهما أقول أو تقول.. إيه راح يفيد الكلام؟

مش قالوا حنحلها إحنا في خمس تيام؟..



آدي العراق منطرح ع المقصلة.. بناسُه..

مستني حكم الغريب الجاي... بمداسه

يدوس علي الأمة.. وتسممنا أنفاسه

واحنا بنسأل: »صحيح فيه حرب يا اخواننا«؟...

وقال صحيح.. طامعة أمريكا في بترولنا؟؟..

مش هيه كانت صديقتنا.. كما فهمنا؟..

يا أمة.. جزم العدو.. دايسة علي رقابنا

وازاي بنسعد قوي.. في كل ما داسوا؟..

......

وآدي العراق منطرح ع المقصلة بناسُه

وكأننا إحنا.. ولا أهله..... ولا ناسه!!..



بيننَّا ما بين الدمار.. الدُّوس علي الأزرار

وتبتدي الكاِرثَة وتصعْد جبال النار

أمريكا.. في كل ساعة.. تبدّل الأعذار

والأمة قاعدة بتتفرج وتتشكك...

تشوف صورها علي الشاشات تقوم تضحك

وتسألك.. تفقعك.. وتقول: »صحيح فيه ضرب«؟..

من كتر ما نعسنا في الضلة.. نسينا الحرب

نقفلها م الشرق يفتحها علينا الغرب

عدو.. ما بينامش لا في الليل.. ولا في

نهار!!..

......

بينّا ما بينه.. يا دوب دوسه علي الأزرار

وتبتدي الكارثة وتشعلل جبال النار!!..



أمريكا يمّ العراق زاحفة بلا قوانين

زي إسرائيل اللي قاتلة ولادنا في فلسطين

لاتنين علي نية.. ريحة الدم.. هيه الدين

جايين.. معاهم سلاح يقتل بلا تنشين

واحنا اللي إيدنا بلا حِتة عصايةْ توت

واللي أخدنا خلاص علي ابتسامة الموت

متلطشين م اللي مش فايت وم اللي يفوت

وسلاحنا طوب.. إنما.. إحنا اللي متَّهمين!!

......

وامريكا يم العراق زاحفة بلا قوانين

زي إسرائيل اللي قاتلة الشعب في فلسطين!!



قال إحنا لؤما قوي وقال ايه نتحايل

وقال بنخفي السلاح.. في الضل لو مايل

في لقمة الطفل أو في مشية الحامل

سلاح رهيب.. مستخبي فيه دمار شامل

يا ريت يا سيدي ما كانش الحال بقي مايل

ولا كنا نتسول التأييد من الغربا

والجرح يوسع يوماتي لاطب ولا طببا

وأقلها كلب.. يشتمنا.. ويتطاول!!

......

قال إحنا لؤما قوي ع الحيلة نتحايل

وقال بنخفي السلاح في الضل لو مايل



وإحنا ضعفا... بنصرخ.. زي طفل غريق

قوِّتنا ضاعت ما بين الكرْه والتفريق

وكل دولة تلاتة متر.. عاملة فريق

قال ده أخويا اللي لعدوي.. أعز صديق

يحب وش العدو.. وش العرب لأه

ياكل طعام العدو.. لقمة اخوه.. لأه

يلبس قماش العدو.. وقطن أخوه لأه

تقوله: »أهلاً«.. يروح يشكيك لأعداءك

قول رأيك ايه لما تصبح أمتك.. داءك؟

تفطر بكاس العداوة كل يوم ع الريق!؟

......

وإحنا ضعنا.. بنصرخ زي طفل غريق

وكل دولة تلاتة متر.. عاملة فريق!!



السَّكرة راحت أهه.. وطلّت الفكرة

وكنا خايفين مجيئ بكرة.. وجه بكرة..

بدأوا بأرض الديانة: »القدس« و»الناصرة«

»بيت لحم« و»جنين« و»نابلس«. واسألوا »غزة«

أعز أولاد.. لأمة متاجرة في العزة

الركلة آخر مزاج.. والصفع له لذة

كل العذاب ده ولا عرفناش يا ناس نكره؟..

......

وكنا خايفين مجيئ بكرة وجه بكره

والسكرة راحت أهه وفضلت الفكرة



إشمعني يعني العراق ولافيش غير هوه

علشان تغير نظامه إنت بالقوة..؟

الأنظمة كلها.. ما بتختلفش يا أخ

مَد المواطن قفاه ومنعتوا آه أو أخْ

مش أنظمة.. في الحقيقة دي مجرد فخ

لو المواطن جمل بحملكم كان نخ

وكل حاكم لئيم.. براه.. غير جوه

......

واشمعني يعني العراق؟.. ولافيش غير هوه

علشان تغير نظامه إنت بالقوة؟..



قلنا زمان.. اعتدَي علي الكويت ظلماً

وكنا ضده... وقررنا يعود حتماً..

دلوقت لا راح علي أيسر ولا أيمن

حكايتكو يا الأمريكان ألغز من الألغاز

وف تبريراتكو المريبة باشم ريحة الجاز

الكدب علي وشكم.. ما ينقصوش برواز

شعب العراق لن يموت.. الموت لكم إنتم

إنتو اللي جرتوا عليه.. وانتو اللي أجرمتم

ولا راح نفوت تارنا مهما رجعتوا وبعدتم

يا دي الرئيس اللي علي قول الضلال.. أدمن



مطلوق علينا.. كأنك ديب جعان شارد

وجاي علينا.. بتتمطع قوي... وفارد

في »كوريا« نعجة وعلينا جاي عامل مارد

لا إنت عمي.. ولا أمي.. ولا الوالد

علشان تيجي لبلادي بكل أسلحتك

تنقذني م اللي حاكمني... كنت عينتك؟..

عارفك ما تعرف يا قاتل.. إلا مصلحتك؟

مش أنظمة!!. إنما.. قابلينها يا بارد!!

......

مطلوق علينا كأنك ديب رهيب شارد

في »كوريا« نعجة.. وعلينا.. جاي عامل مارد!!



أطفالنا ماتوا.. ولا سائلش عنهم حد

تحت البيوت قبل حتي ما البيوت تنهد

ونسألك إنت.. وكإنك نسيت الرد

الدنيا تطلع مظاهرات والهتاف بيقول

واللي في مخك في مخك.. لا يهمك قول

قلبك علي إسرائيل وعينيك علي البترول

واخدينها إحنا هزار.. وانت واخدها جد!!

......

أطفالنا ماتوا ولا سائلش عنهم حد

والدنيا تسأل.. وكأنك نسيت الرد



آدي العراق القريب م القلب راح منا

بعيد بعيد.. ابتعاد النار عن الجنة

واحنا زي النُّظُم.. خطبة.. وقفِّلنا

ونرجعوا للبيوت تاني بنتمنظر....

الطيارات بالدانات والشاشة بالمنظر..

وإحنا لا حوله ولا يعذرنا من أنذر

ولا في عرق اتنفض فينا ولا أَنَّه

......

آدي العراق القريب م القلب راح منا

بعيد بعيد.. ابتعاد النار عن الجنة



خلاص نسينا النضال.. اليوم نقول بغداد

وبكره حنقول كذا.. وبعده ياما بلاد

واحنا كما المربوطين.. في أوتد الأوتاد

الشهدا بيموتوا يومياً قصاد العين...

من تحت عينيك عيون شايفانا يا فلسطين

أميرة إنتي ما بتلوميناش.. تلومي مين؟

ما ظنش اللي شبهنا تجوز لهم رحمة

إذا بدم البلاد... بيلونوا الأعياد!!

......

خلاص نسينا النضال.. اليوم نقول بغداد

وبكره حنقول كذا.. وبعده ياما بلاد!!



يا أمة قومي بقي.. ده انتي فضحتينا...

الأمريكان سكنوا مش وسطينا.. لأفينا

والاّ اليهود اللي سرقوا حتي أغانينا

حرتوا الأراضي وقتلوا هناك أعز الولد

الشهدا أكوام علي الأكتاف.. إوعي تعد

أبدان جميلة.. بتاكلها النسور والحِدّ

إحنا انتهينا... تعالوا ياللي بعدينا!!

......

يا أمة قومي بقي لأحسن فضحتينا....

الأمريكان سكنوا مش وسطينا.. لأفينا!!



ياللي في عُسري وضيق اليد نسيتونا

أهي الفلوس نفسها.. حاتروح لأعادينا

بترول أراضي العدو ده اللي في أراضينا.!!

شفتوش كده؟ والبلاد ممنوع نحميها

نحميها من مين؟ دي مش أراضينا.. أراضيها

هوه بسلاحه المميت.. جاي ينزرع فيها

وانتو.. بدخان صمتكم يا أهلي عميتونا

......

ياللي في عسري وضيق اليد نسيتونا

أهو جه ياكلكوا اللي علي حربه انتو لُمْتونا!!



يا أمة ترمي ضميرها للكلاب.. ببلاش

يا أمة قبلت مصيرها (خدمة الأوباش)

كله كلام.. لا انتماء.. ولا وطن.. ولا دين

قاعدين سنين تحلموا بظهور (صلاح الدين)

ماكان ما بينكم قتلتوه انتو يا فالحين

كل اللي صدوا العدو.. راحوا ومش راجعين

ولا »صلاح دين« يا ناس ولا حتي زفت الطين

الحي ميت يا ناس أما اللي ميت عاش

......

يا أمة ترمي ضميرها للكلاب ببلاش

يا أمة قبلت بفرحة.. خدمة الأوباش



ما اعادش إلا انتظار الموت.. يا إما نقوم

نسجد في ساحة النضال وعن البلاهة نصوم

لو الدما تبقي بحر.. في دمنا.. حنعوم

إزاي يعيش الوطن.. من غير رجال تحميه؟

تموت وتحيا معاه.. تموت وتحيا ليه..

كإن ابن العرب مولود يا ناس.. مهزوم

......

ماعادش إلا انتظار الموت يا إما نقوم

نحمي الوطن بالصدور.. ونفجر المكتوم



كل الشوارع بتصرخ في المدن بجنون

توقّف الحرب.. تفضح فكرة المجنون

في أوروبا حتي ف أميركا.. لأ في كل الكون..

إلا احنا إرتحنا قدام أي تليفزيون

آدي العراق في طريقها للغرق يابا

واحنا حواليه خُطبنا فجة... كدابة

نتخانقوا من غير سبب.. لأ فيه سبب طبعاً

وحنغرقوا في الزمن.. يا أمتي.... جمعاً

متملعنين... إنما... عدونا..... ألعن

قدَّامُه حملان.. لكين.. علي بعضنا ديابة!!



الكل عايز ساعات المؤتمر تمضي..

علشان ما يجري علي دار العدو.. يمضي

كإن بعضي ينازعني.. علي بعضي..

معظمنا هوه العدو.. يعني العراق يا هوه

مش أمريكان وانجليز.. إحنا اللي حنهدوه

واحنا اللي بتروله رايحين للعدو نِهْدوه

وبعده بترول جديد.. وبعده بترول جديد

وأنا منتظر مقتلي وإيدي علي خدي!!

......

الكل عاوز ساعات المؤتمر تمضي..

علشان ما يجري علي دار العد (يمضي)!!



أنا باهيب بالشباب.. إنسوا اللي قضُّوا العمر

يتكلموا ويخطبوا وسابوا سنينكو... تمُر...

ده انتو القلوب الفتية والوجوه السمر

ترضوا تبيعوا الوطن بتفاهة الغايات؟

وتبقوا إنتو وأعداء الوطن إخوات؟

متربصة بيكو أم العولمة والجات

تتمِسْحوا م الكون كما مسحوا الهنود الحمر

......

أنا باهيب بالشباب انسوا اللي قضّوا العمر

يتكلموا ويخطبوا وسابوا سنينكو تمر



يا أمة قومي.. وانتي يا مصر.. ماتونِّيش

وإلا عشرين سنة.. حاتمر زي مافيش

تعلا اليفط أعلا ميادين أمة الإسلام

شركة إسرائيلية اهه لصناعة الأقلام

واستديو صهيون هنا لصناعة الأفلام

والمصنع الإسرائيلي لعلبة الورنيش

......

يا أمة قومي وإنتي يا مصر ماتونيش



بغداد.. يا أم التاريخ والحكمة والأشعار

بغداد يا أم القصور والنخل والأنهار

ماعادش إلا الصمود الليل في آخره نهار

دافعي بشرف واتركي للأمة طعم العار

ملو التاريخ.. الفصول صادقة وكدابة

سنتين تقدَّم.. وألف.. نعودوا للغابة

الأمة فيها فرح لأزمله ندابه

الدنيا كلتها تهتف باسمِك المظلوم

بكره الجراح تندمل.. عُمر الظلام مايدوم

أطفالك اللي التاريخ حيحكي قصتهم

ونساكي في صبرهم. الدنيا نسيتهم

يا دي العراق العريق صحّي العرب م النوم

يا طاعم المحرومين.. إزاي تبات محروم.؟

ومهما كانوا الطغاة.. الدار لأهل الدار

الدار لأهل الدار

الدار لأهل الدار




الشاعر عبد الرحمن الابنودي

يحيى خلف
06-01-2008, 06:12 AM
ينام العالم العربي

ليلاتي … زي ما بينام

بعواجيزه … بفتيانه
بأطفاله … بشبانه
قرا الجورنال

وملا سيارته بالبنزين
وشاف النشرة بعد الظهر
وقال في الانتفاضة كلام


وحياها
وبعدين … نام

***


نزل عمل الشوبنج
وفات على شركة الفيديو
وغير شنطة الأفلام

لبس وقلع لبس وقلع
وليف نفسه في الحمام

وحط الفوم
وقام للنوم
يكمل متعته أحلام

ونام العالم العربي ليلاتي زي ما بينام

وطول الليل
صحيتوا إنتوا

ولا بتوا ولا نمتوا

تلموا الجمر من تحت التراب والثلج
تضموا الجمر … وتحّتوا

بدت بحجارة
وانتهت الحجارة بنار

بدت أفراد
بقالها لجان يمين ويسار

بدت لكن… أهي فلسطين

بحور الناس موجات موجات

بتزحف عالعدو بقوة
كانوا عشرات

بقوا ميات

بقوا ألفات

هتاف واحد بدل هتافات

بدن واحد بل بدنات

علم واحد … عليه إشارات

علم مظلوم
وجاله يوم
يرفرف توبه في السموات

وله ضحكات

وله همسات

وله صيحات

بيتقدم خطى الزاحفين

وبينادي: أنا فلسطين
أنا فلسطين
أنا فلسطين

ظلمتوني وأديني … النضال ديني

وصوتي ما زال
ولوني ما زال
ورقصي ما زال

فلسطيني
فلسطيني
فلسطيني

ميعادنا في التاريخ قدام

ونام العالم العربي
ليلاتي زي ما بينام


***


ودي الليلة

سهرنا نغني بطولاتكم

ونشرب كاس في صحتكم

وكاس ورا كاس
في صحة أحلى وأجدع ناس

قزازة تؤدي لقزازة

وحيينا البنات … والصبر
وحيينا الشباب … والقبر

فلسطين خضرا جوه الخمر

أغرودة
زغرودة
وموجودة

وعلى الخارطة ما هياش سودا

ما هياش محتلة ولا حاجة

بتتكلم فلسطيني

وما فيهاش أي صهيوني

فيها انتوا بمبانيكم
بأغانيكم

بإصراركم وأفكاركم
وبكباركم وبصغاركم

شربنا في صحة الثورة
في صحة كل من بيجسد الفكرة

وقمنا نمنا
منتظرين نقوم بكرة


***


في دي الليلة أنا نايم
وصاحي عدوي

يدفن في الشباب الحي

ببلدوزرات
بطيارات

نزل واحد على سريري وأنا نايم

جيت قايم
وأنا مفزوع

أحاول أبعد الجثة

أشيل الدم من الفرشة

ألّم ذراع كان منزوع

وناشف
إنما … مرفوع

بيهتف لسه رغم الموت
يصحي القصة في سريري

يشيل الحلم من راسي
لقيت الريق مش مبلوع

وماليش صوت
أو بانطق بصوت غيري

وقمت …
جريت للشارع

رميت نفسي في وسط عباد

وناقشنا حكاية دفنكم احياء

وقلنا: يسقط الأعداء

وهددنا الصهاينة هناك

بميت قبضة في وش الجو

وحييناك … وهاجمنا عدو السو


لكن لما شعرت بجوع
أنا حودت عالحاتي

طلبت كباب
معاه … بيرة

أنا أصلي بأحب اللحم … والبيرة

لقيت قلب الطبق
مكتوب عليه (بيت لحم)

وعلى البيرة
مكتوب (البيرة)

سكرت … وطفت
بين الصحيان والوهم

لقيتني في يافا
وفي حيفا

وفي نابلس وفي الناصرة
وفي بيت لحم وفي غزة

وقشعر جسمي
ساعة الحزن ليه هزة

خفت … وقمت
هربت أوام

لقيت نفسي في قلب البيت
لقيت الفرش من غير دم

عرفت أنام

أنام

والعالم العربي

سبقني ونام


***


يا خيي إنت وحداني
أنا صاحبك في جورناني

ساعة ما يذبحوك أصرخ
وأتلوى في أحزاني

لكن عمري ما مديت يد
أحوش باليد مدة يد

أنا موهبتي في لساني
ومش موهوب في شيء تاني

ولا مقاتل
ولا محارب
ولا مودي
ولا جايب

حبيبك … إنما شفوي وقلباوي

لكن لا طبيب ولا مداوي

ولا بأعرف أخوض الموت … ولا ناوي

أنا في كل ده خايب

ومش ظهرك
ومش سندك
ومش بلدك
ومش بلدك

وبأستغرب على جلَدك

فلو حتحس لخيك يوم
حتنادي

تلاقيني في عز النوم

أنا والعالم العربي

ليلاتي

زي ما بننام....
__________________
يتبع

يحيى خلف
08-01-2008, 09:50 PM
القدس قدسي..
يمامة صيف في غيتها.
تطير . تيجيني..
بأشواقها .. وغيتها.
فاكراني من يد صيادها
أنا اغيتها !!
فاكراني صوت الأدان الحي
في "حطين"
ومخبي في ضلوعي قلبك
يا "صلاح الدين"..
شايل صراخ اليتامى
ولوعة المساكين
فاكراني كفن الشهيد
وخيمة اللاجئين
وأول الأتقيا..
وآخر الهاربين..
***

تجيني وتبوسني
وتملس على خدودي
هاربة بـ حدودها القدام
تتحامى في حدودي
تبكي على صدري
دبكة حزن على عودي
تبكي وفاكرة حد هدها
وأسكتها !!
أنا..
ياللي من موت شراييني
اتنسج موتها
وصوتي..
يوم الغنا الباطل
بلع صوتها
مافيش في قلبي
ولا آهة أموتها
كل الآهات ميتة
أنا حبيس همسي
نزعت صورتها من بُكرايا
من أمسي
حطين ولا حطيني
ولا قدس الهموم.. قدسي
ولا عارفة تنساني
زي ما تهت.. ونسيتها !!
***

القدس..
تيجي يمامة نور
مطفية
طالعالي م البرد
للصيف الجديد تسعى
فاكرة في كفي طعام
وف قلبي أخوية
هية اللي مش واعية..
والا أنا اللي مش باوعى..؟
لا دمع يسقى عطش عيني
ولا مية.
يا حزن لا تترجمه أهة..
ولا دمعة..
...
ما كنا فاكرينا
أطفالك
يا ست الكل.
الكدب ما يجيبش همه
إحنا مش أطفال
وكنا فاكرينا أبطالك
أيادي السيف
سيوفنا من قش
ودي..
ماهيش إيدين أبطال
ضيعنا ع القهوة
نص العمر
نتاوب
نتمنوا من ربنا..
تتحسن الأحوال !!
***

يا قدس
لمي جناحك وارجعي تاني.
ولا تصدقي قولي..
ولا تتمني
أحضاني
نامي في حضن العدو
هوه العدو الأول
يا قدس..
خافي قوي..
من العدو الثاني.
الخنجر المختفي
وانتي فاكراه
ضلع
الأفعى ورا
ضحكتي..
والموت في أسناني.
وصفحتي في النضال
بيضا بياض التلج !!
***

لمي الجناح يا قدس
لمي الجناح..
"البناني" ف قلبي مسكونة
بيمام .. غريب الوطن.
يوم ما التهم خضرتك
فدان ورا فدان.
يوم ما طرد أسرتك
إنسان ورا إنسان.
يوم ما هدم مادنتك
وكسَّر الصلبان
***

يا قدس..
قولي لحيطانك
اثبتي بقوة
حيخلصك ابنك
اللي أنا .. مانيش هوه
لا تبحثي عن حلول
الحل من جوه
احل من جوه
الحل من جوه
يتبع

yoya
13-01-2008, 11:10 PM
في الحارة الفلسطينية

أعلامي سودا من الهم

أعلامي حمرا ودا دم

في الاكفان البيض نتلم

من الحارة الفلسطينية
شكرا ليك يا يحيى
وعلى اختيارك الموفق
بصراحه سهلت علينا الحصول على روائع الابنودى
ربنا يوفقك

يحيى خلف
14-01-2008, 12:12 PM
شكرا لكي يويا على مرورك
شـكــ وبارك الله فيك ـــرا لك ... لك مني أجمل تحية .
موفق بإذن الله ... لك مني أجمل تحية .

امانى احمد
18-01-2008, 06:44 PM
رباعيات صــلاح جــاهيـن ( عجــبى )


غمض عينيك وارقص بخفة ودلع
الدنيا هى الشابّة وانت الجدع
تشوف رشاقة خطوتك تعبدك
لكن انت لو بصيت لرجليك .. تقع
عجبى!!
ورد ف ورق سلوفان يا حلوة اهديلك ؟
والاّ انقله بالطين فى شتلة واجيلك ؟
الأولانى لــو وحـــا بحنـانـى
عجبى على التانى بإيه يوحيلك ؟
عجبى !!

مع إن كل الخلق من أصل طين
وكلهـم بينــزلوا مْغَمَّضـيـن
بعد الدقايق والشهور والسنين
تلاقى ناس أَشرار وناس طيبين
عجبى !!

كان فيه زمان س
حليَّة طول فَرْسَخين
كهفين عيونها وخَشْمَها بَربخين
ماتت .. لكين الرعب لم عمره مات
مع إنه فات بدل التاريخ تاريخين
عجبى !!

نظرت فى الملكوت كتير وانشغلت
وبكل كلمة ( ليه ؟) و ( عشانيه ) سألت
اسأل سؤال ... الرد يرجع سؤال
واخرج وحيرتى أشد مما دخلت
عجبى !!

قالوا الشقيق بيمص دم الشقيق
والناس ما هيَّاش ناس بحق وحقيق
قلبى رميته وجبت غيره حجر
داب الحجر .. ورجعت قلبى رقيق
عجبى !!

ولدى نصحتك لما صوت اتَنَبح
ما تخافش من جِنِّى ولا من شَبَح
وإن هبّ فيك عفريت قتيل إسأَله
ما دافعش ليه عن نفسه يوم ما اندبح ؟
عجبى !!

بين موت وموت ... بين النيران والنيران
ع الحبل ماشيين الشجاع والجبان
عجبى عَلادى حياة .. وياللعجب
إزاى أنا ـ يا تخين ـ بقيت بهلوان
عجبى !!

دخل الربيع يضحك لقانى حزين
نده الربيع على إسمى لم قلت مين
حط الربيع أزهاره جنبى وراح
وإيش تعمل الأزهار للمَيتين
عجبى !!

ليه يا حبيبتى ما بيننا دايماً سفر
ده البعد ذنب كبير لا يغتفر
ليه يا حبيبتى ما بيننا دايماً بحور
أعدى بحر ألاقى غيره اتحفر
عجبى !!

الفيلسوف قاعد يفكر سِيبوه
لا تعملوه سلطان ولا تص***
ما تعرفوش إن الفلاسفة ياهوه
اللى يقولوه بيرجعوا يكدّبوه ؟
عجبى !!

السم لو كان فى الدوا .. منين يضر ؟
والموت .. ولو لعدونا .. منين يُسرّ ؟
حُط القلم فى الحبر واكتب كمان
.. والعبد للشهوات .. منين هو حُرّ
وعجبى !!

سرداب فى مستشفى الولادة طويل
صرخات عذاب ورا كل باب وعويل
.. وفى الطريق متزوقين البنات
متزوقين للحب والمواويل
وعجبى !!

الدنيا من غير الربيع ميّته
ورقة شجر ضعفانة ومفتته
- لأ يا جدع غلطان تأمّل وشوف
زهر الشتا طالع فى عز الشتا
عجبى !!

ياللى انت بيتك قش مفروش بريش
تقوى عليه الريح . يصبح مفيش
عجبى عليك حواليك مخالب كبار
وما لكش غير منقار وقادر تعيش
عجبى !!

كيف شفت قلبى والنبى يا طبيب
هَمَد ومات والا سامع له دبيب
قاللى لقيته مختنق بالدموع
ومالوش دوا غير لمسه من إيد حبيب
عجبى!!

حدوته عن جعران وعن خُنفسه
اتقابلوا حَبّوا بعض ساعة مِسَا
ولا قالهم حد اختشوا عيب حرام
ولا حد قال دى علاقة متدنسة
عجبى !!

زحام وأبواق سيارات مزعجة
إللى يطول له رصيف .. يبقى نجا
لو كنت جنبى يا حبيبى أنا
مش كنت أشوف إن الحياة مُبهجة ؟
عجبى !!

ولدى إليك بدل البالون ميت بالون
انفخ وطرقع فيه على كل لون
عساك تشوف بعنيك مصير الرجال
المنفوخين فى السترة والبنطلون
عجبى !!

برّه القزاز كان غيم وأَمطار وبرق
ما يهمنيش ـ أنا قلت ـ ولا عندى فرق
غيّــرت رأيـى بعد ساعـة زمـان
وكنت فى الشارع .. وفى الجزمة خرق
عجبى !!
عينى رأَت مولود على كتف أُمه
يصرُخ تهنِّن فيه يصرخ تضمُّه
يصرخ تقول يا بْنى ما تنطق كلام
ده اللى ما يتكلمش يا كتر همُّه
عجبى!!
لا تجبر الإنسان ولا تخيّره
يكفيه ما فيه من عقل بيحيَّره
اللى النهارده بيطلبه ويشتهيه
هو اللى بكره ح يشتهى يغيّره
عجبى !!
علم الَلَوع أضخم كتاب فى الأرض
يس اللى يغلط فيه يجيبه الأرض
أما الصراحة فأمرها ساهل
لكن لا تجلب مال ولاتصون عرض
عجبى !!
قطى العزيز راقد على الكنبات
فى نوم لذيذ .. وبيلحس الشنبات
وانا كلّ عين فنجان مدلدق قلق
صدق اللى قال إن الحياة منابات
عجبى !!
قالوا السياسة مهلكة بشكل عام
وبحورها يا بنى خشنة مش ريش نعام
غوص فيها تلقى الغرقانين كلهم
شايلين غنايم . والخفيف اللى عام
عجبى !!
أهوى الهوى وهمس الهوى فى العيون
وبسمة المغرم . ودمعة الحنون
وزلزلات الحب نهـد الصبـا
أكون أنا المحبوب . أو لا أكون
عجبى !!
عيد والعيال اتنططوا ع القبور
لعبوا استغماية . ولعبوا بابور
وباللونات . ونايلونات شفتسى
والحزن ح يروح فين جنب السرور
عجبى !!
بلياتشو قال إيه بس فايدة فنونى ؟
وتلات وقق مساحيق بيلوّنونى
والطبل والمزمامير وكتر الجعير
إذا كان جنون زبونى زاد عن جنونى
عجبى !!
حتة محارة وجدتها فى يوم لقيةّ
قالت لى شوف كيف الطبيعة شقية ؟
نظرت للكهف اللى فيها ولقيت
إن الطبيعة كمان .. لا أخلاقية
عجبى !!

يحيى خلف
19-01-2008, 06:08 AM
وهل يخفى القمر
طبعا العملاق صلاح جاهين من عمالقة الشعر العامية ورباعياته الجميلة
شكر يأ أستاذة أماني على المجهود الجميل والكبير اللي بجد بتعمل الحركة الأدبية اللي بحلم بيها للمنتدى
:s22::5521:
:1042:
:t-w (23):

امانى احمد
20-01-2008, 12:11 AM
:ax-trhib-1-7-7:
شـكــ وبارك الله فيك ـــرا لك ... يا استاذ يحى على هذه الكلمات الرائعة:tulips2::lovel::m20(32):
:t-w (23)::flowers-002:
:ashraq-1-1-2:

امانى احمد
21-01-2008, 01:45 AM
خرج ابن آدم من العدم قلت : ياه

رجع ابن آدم للعدم قلت : ياه

تراب بيحيا ... وحي بيصير تراب

الأصل هو الموت و الا الحياه ؟

عجبي !!!



ضريح رخام فيه السعيد اندفن

و حفره فيها الشريد من غير كفن

مريت عليهم .. قلت يا للعجب

لاتنين ريحتهم لها نفس العفن

عجبي !!!



ياما صادفت صحاب و ما صاحبتهمش

و كاسات خمور و شراب و ما شربتهمش

أندم علي الفرص اللي انا سبتهم

و الا علي الفرص اللي ما سبتهمش

عجبي !!



و الكون ده كيف موجود من غير حدود

و فيه عقارب ليه و تعابين ودود

عالم مجرب فات و قال سلامات

ده ياما فيه سؤالات من غير ردود

عجبي !!!



أنا شاب لكن عمري ألف عام

وحيد لكن بين ضلوعي زحام

خايف و لكن خوفي مني أنا

أخرس و لكن قلبي مليان كلام

عجبي !!!!

امانى احمد
23-01-2008, 06:25 AM
يا باب يا مقفول ... إمتي الدخول

صبرت ياما و اللي يصبر ينول

دقيت سنين ... و الرد يرجع لي : مين ؟

لو كنت عارف مين أنا كنت أقول



أحب أعيش ولو في الغابات

أصحي كما ولدتني أمي و ابات

طائر .. حوان.. حشرة .. بشر ..بس أعيش

محلا الحياة.. حتي في هيئة نبات

عجبي !!

امانى احمد
23-01-2008, 06:45 PM
ليه يا حبيبتي ما بيننا دايما سفر

ده البعد ذنب كبير لا يغتفر

ليه يا حبيبتي ما بيننا دايما بحور

أعدي بحر ألاقي غيره اتحفر

عجبي !!!

ورا كل شباك ألف عين مفتوحين

و انا وانتي ماشيين يا غرامي الحزين

لو التصقنا نموت بضربة حجر

و لو افترقنا نموت متحسرين

عجبي !!!



نوح راح لحاله و الطوفان استمر

مركبنا تايهه لسه مش لاقيه بر

آه م الطوفان وآهين يا بر الأمان

إزاي تبان و الدنيا غرقانه شر

عجبي !!



علي رجلي دم .. نظرت له ما احتملت

علي إيدي دم.. سألت ليه ؟ لم وصلت

علي كتفي دم.. و حتي علي رأسي دم

أنا كلي دم .. قتلت ؟ ..... والا اتقتلت

عجبي !!

امانى احمد
24-01-2008, 06:14 AM
أعرف عيون هي الجمال و الحسن

و اعرف عيون تاخد القلوب بالحضن

و عيون مخيفة و قاسية وعيون كتير

وباحس فيهم كلهم بالحزن

عجبي !!



إيش تطلبي يا نفس فوق كل ده

حظك بيضحك و انتي متنكده

ردت قالت لي النفس : قول للبشر

ما يبصوليش بعيون حزينة كده

عجبي !!

امانى احمد
24-01-2008, 10:55 PM
إقلع غماك يا تور وارفض تلف

إكسر تروس الساقية و اشتم وتف

قال : بس خطوة كمان .. وخطوة كمان

يا اوصل نهاية السكة يا البير تجف

عجبي !!!



يا حزين يا قمقم تحت بحر الضياع

حزين أنا زيك و إيه مستطاع

الحزن ما بقالهوش جلال يا جدع

الحزن زي البرد ... زي الصداع

عجبي !!!!



في يوم صحيت شاعر براحة و صفا

الهم زال و الحزن راح و اختفي

خدني العجب و سألت روحي سؤال

أنا مت ؟ و لا وصلت للفلسفة

عجبي !!!

الفيلسوف قاعد يفكر سيبوه

لا تعملوه سلطان و لا تصلبوه

ما تعرفوش إن الفلاسفه يا هوه

اللي يقولوه بيرجعوا يكدبوه

عجبي

امانى احمد
26-01-2008, 08:38 PM
علي بعد مليون ميل من أرضنا

من الفراغ الكوني بصيت أنا

لا شفت فرق بين جبال و بحور

و لا شفت فرق ما بين عذاب أو هنا

عجبي !!



إنسان أيا إنسان ما أجهلك

ما أتفهك في الكون و ما أضألك

شمس وقمر و سدوم و ملايين نجوم

و فاكرها يا موهوم مخلوقه لك

عجبي !!



نظرت فوق للنجوم و انا ساير

رجليا عترت في الحفر و الحجاير

بقيت أقول و انا ع التراب: يا سلام

مش بس عبره أخذت لكن عباير

عجبي !!!

yoya
27-01-2008, 11:05 PM
جميل يا امانى والله
ياريت تقدرى تنزلى كمان
بحب صلاح جاهين اوى
ومش بزهق منه ابدا
مجهودك واختيارك جميل جدا

امانى احمد
28-01-2008, 12:33 AM
:1016:
شـكــ وبارك الله فيك ـــرا لك ...يا يويا على مرورك الكريم وعلى اهتمامك بالرد على الموضوع

:t-w (23)::m20(32)::flowers-002:
:ashraq-1-1-2:

امانى احمد
05-02-2008, 02:35 AM
أنا قلبي كوكب و انطلق في المدار

حواليكي يا محبوبتي يا نور ونـــار

يلف مهمــــا يلف ما بيكتفــــــفيش

وتمللي نصه ليل و نصه نهــــــــار

عجبي !!



الأرض شوك أيوه لكين هايش

و الحمرة مش يعني الطريق حايش

دي دمنا السيال .. وبشرة خيـــــــر

ان انتي عايشة و ان كنت أنا عايــش

عجبي !!!



إيه اللي خدته من مرور السنــــــين

يا قلبي الا دمعتك و النيــــــــــــــين

بتئن و ترجع و بتفرح و ترجع تحــن

مع إن مش كل البشـــــــــــر فرحانين

عجبي !!!!

المستشار محي
05-02-2008, 09:11 AM
شـكــ وبارك الله فيك ـــرا لك ... لك مني أجمل تحية .
بجد ياستاذه اماني الرائع صلاح جاهين الله يرحمه كان اسطورة بجد كان فوق المتميز
فعلا بحس لما بقرأ كتابته ان مصر فقدت هذا الرمز
بعد ازنك عاوز تكتبي اقوال تانيه له
وبعد ازنك حنقل الكتابتا دي في الموقع الخاص بي

امانى احمد
05-02-2008, 05:29 PM
لى الشرف ان تنقل منى ما تريد يا مستشار محى واعدك ان اكتب باقى الرباعيات
شكرا لك على المرور على الموضوع واهتمامك بالرد عليه

امانى احمد
05-02-2008, 07:48 PM
ظهر المسيح الحي علي سفح ربـــــــــوة

و نزل بهالة الضي و قعد في قهـــــــــوة

بصوا .. تعالوا .. قالوا خليه في حالــــــــه

الناس في حالهم يا بني .. مالهمش دعوة

عجبي !!!



لولا اختلاف الرأي يا محـــــترم

لولا الزلطتين ما لوقود انضرم

و لولا فرعين ليف سوا مخاليف

كان بيننا حبل الود كيف اتبرم ؟

عجبي !!!!



يا وردة قلبي معاكي في الريح لعب

لا تعبتي م الريح و لا قلبي تعــــــــب

احنا كده : نرتاح في صخب الجنون

و في السكون بنخاف قوي و نترعب

عجبي !!!

http://www.mudares.com/forums/styles/mudares_pink/images/mudares_pink01.jpg

امانى احمد
07-02-2008, 11:45 PM
انا كل يوم أسمع ........ فلان عذبوه

أسرح في بغداد و الجزاير واتوه

ما أعجبش م اللي يطيق بجسمه العذاب

و اعجب من اللي يطيق يعذب أخوه

عجبي !!!



ينبوع و في الحواديت أنا سمعت عنه

إنه عجيب .. و ف وسط لهاليب لكنه

شقيت كما الفرسان طريقي .. لقيت

حتي الخنازير و الكلاب شربوا منه

عجبي !!!!



يا قرص شمس ما لهش قبة سما

يا ورد من غير أرض شب و نما

يا أي معني جميل سمعنا عليه

الخلق ليه عايشين حياه مؤلمة

عجبي !!!

شاف الطبيب جرحي وصف له الأمل

وعطاني منه مقام يا دوب ما اندمل

مجروح جديد يا طبيب و جرحي لهيب

ودواك فرغ مني .... و إيه العمل

عجبي !!!

امانى احمد
10-02-2008, 04:49 AM
أنا قلبي كان شخشيخة أصبح جرس
جلجلت بيه صحيوا الخدم و الحرس
أنا المهرج ... قمتو ليه خفتو ليه
لاف إيدي سيف و لا تحت مني فرس
!عجبي

حبيت...لكن حب من غير حنان
وصاحبت لكن صُحبه مالهاش أمان
رحت لحكيم واكتر لقيت بلوتي
إن اللي جوّه القلب مش ع اللسان
!عجبي

إيش تطلبي يا نفس فوق كل ده
حظك بيضحك وانتي متنكدة
ردت قالت لي النفس: قول للبَشَر
ما يبصوليش بعيون حزينة كده
!عجبي

يحيى خلف
08-04-2008, 09:01 AM
لسه ما شبعتش طوافة
ياللي بتطوف من سنين
لسه ما كرهت الليالي ؟
لسه ما شبعتش مشاهدة.. ؟
يا قمر .. حالك .. كحالي..
ضيعونا .. بالمعاهدة !!
***

يا قمر .. هدوا قبورنا
واستباحوا اللي ف صدورنا
دمروا قلوبنا ودورنا
حقنا أصبح خرافة
وضعت يا بلدي الأمين
يا قمر .. تصعد في "يافا"
تترمي في "ير ياسين" !!!
***

ع الزاتون والبرتقالة
ارمي ضياتك أمانة
احنا يكرهنا اللي خاين
واحنا .. تكرهنا الخيانة
يا قمر..
وغيوم بتحجب
دمنا .. لما يسرسب
دنيا .. تحترم اللي يغلب
حتى لو شيطان لعين.
يا قمر
بشَّر في "يافا" واتصلب في "دير ياسين".
***

يا صبور .. الصبر واعر
للدماغ.. وللمشاعر
قلبي ندل وحزنه داعر
ليتني ما كنت شاعر
كنت أفلت م الكمين
صرختي بتموت في همسي
ليتني ما غادرت أمسي
ليتني ما صاحبت نفسي
ليتني ضميت خوامسي
يوم ما أقسمت اليمين
يا قمر عاشني في "يافا"
واتقتلنا في "دير ياسين"
يا قمر..
خدته ليافا..
خدني هوه.. لدير ياسين
يتبع...

yoya
10-04-2008, 12:57 AM
ياريت يتبع يا يحيى ياريت
تسلم على كده بجد

يحيى خلف
10-04-2008, 11:34 PM
ياريت يتبع يا يحيى ياريت
تسلم على كده بجد

ان شاء الله يتبع قريب يويا وألف شكر على الكلام الحلو ومرورك

صالح عثمان
15-04-2008, 10:51 PM
تسلم ايدك

جميلة بجد

امانى احمد
16-04-2008, 06:00 PM
شـكــ وبارك الله فيك ـــرا لك ... يا صالح على اهتمامك بالرد على الموضوع وارجو ان تكون نالت اعجابك واعجاب باقى الاعضاء

the economist
30-04-2008, 02:35 AM
أشكرك أستاذة أماني على الموضوع الأكثر من رائع بجد وبعيد عن أي مجاملة

والفكرة في في حد ذاتها ، تستحق كل تقدير مننا ليكي .....

صلاح جاهين ، يااااااااااااااااه .. الراجل ده الله يرحمه كان عملاق ، وموهبته فوق العادة


واحب اقتبس هذه الرباعية



أنا شاب لكن عمري ألف عام

وحيد لكن بين ضلوعي زحام

خايف و لكن خوفي مني أنا

أخرس و لكن قلبي مليان كلام

عجبي !!!!

فكل شكر ليكي على المجهود المنميز

بالتوفيق دائما

تقبلي تحياتي

the economist
30-04-2008, 03:14 AM
راااااااااااااااااائع جدا هذه الأشعار يا يحي

الأبنودي أستاذ كبير وصاحب مدرسة خاصة في الشعر


بالتوفيق

تقبل تحياتي

امانى احمد
30-04-2008, 03:50 AM
شكرا لك يا استاذ سيد على ردك الذى اسعدنى كثيرا وعلى مرورك الكريم على الموضوع الذى ذاده اثرا

the economist
30-04-2008, 05:15 AM
العف العفو أماني

بالعكس ، دا انا اللي لي كل الشرف بالمرور على موضوعاتك المتميزة

وخصوصا ، موضوعنا ده.. صلاح جاهين حبيبنا .....

تقبلي مروري مرة أخرى

the economist
30-04-2008, 06:08 AM
أشكرك اخي الكريم

الموضوع متميز فعلا

تقبل تحياتي

امانى احمد
30-04-2008, 05:24 PM
شكرا لك يا استاذ سيد على مرورك الكريم وعلى ردك وشرفتنا بزيارة الموضوع مرة اخرى

نورالصبايا
04-05-2008, 10:29 PM
انتى انسانة هايلة بجد
وكتر خير واضح ان الموضوع متعب بس شيق وممتع جزاك الله خير ياحببتى ودايما كدة عاوزين المزيد

امانى احمد
05-05-2008, 02:39 AM
شكرا ليكى يا امل على كلماتك التى شجعنتنى كثيرا
وعلى مرورك الكريم على الموضوع

يحيى خلف
06-05-2008, 08:36 AM
العفو وأرجوا ان تكون المقتطفات قد نالت اعجابك
موفق بإذن الله ... لك مني أجمل تحية . شـكــ وبارك الله فيك ـــرا لك ... لك مني أجمل تحية .

صبرى عبد المنجى
25-05-2008, 05:11 AM
منيش عارف اقولك اية يايحى كفاية تعرف ان انا صبرى عبد المنجى الامين الاسبق لنادى الادب بقولك ربنا يوفقك وتختار حاجات دايما تكون جميلة للشاعر عبد الرحمن الابنودى وياريت تكتب حاجة جميلة ليك عشان اقراها وياريت تعملها اهداء لصبرى عبد المنجى

denewer
25-05-2008, 08:59 AM
حمييييييييييييييييييل جدا جدا جدا و الف الف شـكــ وبارك الله فيك ـــرا لك ... لك مني أجمل تحية . شكر

denewer
25-05-2008, 09:12 AM
الله عليك الله الف الف شكر

denewer
25-05-2008, 10:07 AM
شكراجزيلا و لك مني ارق واجمل تحية0

امانى احمد
26-05-2008, 04:41 PM
شـكــ وبارك الله فيك ـــرا لك ... يا نصر على اهتمامك بالرد على الموضوع ومرورك عليه

أبو روان
30-05-2008, 04:58 AM
شـكــ وبارك الله فيك ـــرا لك ... لك مني أجمل تحية .

إختيار موفق لشاعر متميز

بارك الله فيك وجزاك عنا كل خير

نحن فى إنتظار المزيد والأفضل

أبو روان
30-05-2008, 05:03 AM
شـكــ وبارك الله فيك ـــرا لك ... لك مني أجمل تحية .

إختيار موفق لشاعر متميز

بارك الله فيك وجزاك عنا كل خير

نحن فى إنتظار المزيد والأفضل

أبو روان
30-05-2008, 05:04 AM
شـكــ وبارك الله فيك ـــرا لك ... لك مني أجمل تحية .

إختيار موفق لموضوع متميز وشاعر متميز

بارك الله فيك وجزاك عنا كل خير

نحن فى إنتظار المزيد والأفضل

امانى احمد
30-05-2008, 05:08 PM
شـكــ وبارك الله فيك ـــرا لك ... يا ابو روان على تلك الكلمات الرائعة التى اسعدتنى كثيرا وعلى مرورك الكريم

يحيى خلف
31-05-2008, 02:15 AM
منيش عارف اقولك اية يايحى كفاية تعرف ان انا صبرى عبد المنجى الامين الاسبق لنادى الادب بقولك ربنا يوفقك وتختار حاجات دايما تكون جميلة للشاعر عبد الرحمن الابنودى وياريت تكتب حاجة جميلة ليك عشان اقراها وياريت تعملها اهداء لصبرى عبد المنجى

يااااااااااااه يا عم صبري أنا لما شفت الاسم قلت هم واحد بس صبري عبد المنجي وكيف أنسى تلك الايام الجميلة التي كنا نتذوق فيها أحلى الاشعار وكان معنا نخبة ممتازة من أدباء المستقبل من كلية الحقوق
موفق بإذن الله ... لك مني أجمل تحية .
شـكــ وبارك الله فيك ـــرا لك ... لك مني أجمل تحية .

يحيى خلف
31-05-2008, 02:18 AM
شـكــ وبارك الله فيك ـــرا لك ... لك مني أجمل تحية .

إختيار موفق لشاعر متميز

بارك الله فيك وجزاك عنا كل خير

نحن فى إنتظار المزيد والأفضل


وجزاكم كل الخير
وأتمنى لك المزيد من المشاركات المستمرة
موفق بإذن الله ... لك مني أجمل تحية .
شـكــ وبارك الله فيك ـــرا لك ... لك مني أجمل تحية .

اّيات
12-06-2008, 06:25 PM
طبعا صلاح شاهين اكبر من اى كلام ممكن نقوله عليه
كلماته هى اللى ممكن تحكى عنه
شكرا يا امانى على المجموعة الجميله ادى

a7med 7elmy
12-06-2008, 07:13 PM
تسلم الايادى
كلمات فى منتهى الروعة

تقبلى مرورى

a7med 7elmy
12-06-2008, 07:19 PM
تسلم الايادى

امانى احمد
13-06-2008, 06:02 AM
شـكــ وبارك الله فيك ـــرا لك ... يا احمد على تلك الكلمات الرائعة التى اسعدتنى كثيرا وعلى مرورك الكريم

anashayfak
18-06-2008, 09:30 PM
السلام عليكم ورحمة الله وبركاته
اولا شكرا على الموضوع الشيق ده بصراحة نجم ده نجم كبير
وانا اعترافا مني بكده جايبلكم قصيدة ليه معلش هيه قديمة شوية من سنتين تقريبا
واهداها للسيد الرئيس بمناسبة عيد ميلاد الرئيس وهيه التالي:
سيدي الرئيس
في عيد ميلادك الكام وسبعين
كل سنة وأنت طيب
واحنا مش طيبين
كل سنة وأنت حاكم
واحنا محكومين
واحنا مظلومين
واحنا متهانين
ويا ترى يا حبيب الملايين
فاكرنا ولا احنا خلاص منسيين
فاكر المعتقلين
فاكر الجعانين
فاكر المشردين
فاكر اللي ماتو محروقين
فاكر الغرقانين
الله يكون في عونك - هاتفتكر مين وللا مين
في عيد ميلادك الكام وسبعين
بقول لك كلمتين
الأوله
شيلتنا طين
وهل تعلم أن النيل بقى رشاح
والجو أصبح بيئة والعيشة ولعة
والشرفا قلوبهم عالبلد والعة
وانت عاملهم مذبحة ولا بتاعة القلعة
والاقتصاد سداح
والسرقة بقت كفاح
ومصر متاحة بس للسياح
وعرض البلد بقى مستباح
والتانية
ورتنا الويل
دا الخطوة في عهدك بقت ميل
والضحك بقى نواح وعويل
والكوسة
عارف ******
ممكن أقولك فيها موواويل
والجامعة بقت يا إما كباريه أو دار مسنين
والشباب معظمهم من غير خمرة سكرانين
والعلم عز على المتعلمين
والأساتذة بقم دجالين
والقادة بقم طبالين
واديني في الهايف يا حبيب الملايين
والتالتة
عارف اليابانيين
زمان في سنة اتنين وخمسين
كان عندنا تروماي وكان عندنا علم ومتعلمين
وثقافة ومثقفين
وأدبا وعلما وفنانين
وكانو اليابانيين
بالنووي لسة مضروبين
وللصدقة مستحقين
دلوقتي إحنا فين وهما فين
هما فوق واحنا في أسفل سافلين
والرابعة
أمن البلد بقى تنين
والمحاكم اتملت مظالم
والعدالة بقت كمالة
وكلمة الحق في الزبالة
وأصحابها في الزنازين
والخامسة
القطاع العام…. عام
والفساد…. ساد
وفي جتة بلدنا بيرعى
أفتكر لجنابك إيه وللا إيه
وكل ذكرى ليك بدمعة
آآآآآآآآه آآآآآآآآه
أنا كنت حالف ميت يمين
أكملهم لك تمنية وسبعين
بس هاكفيهم ورق منين
وكل سنة وأنت
واحنا طيبين
اتمنى انكم تقرأوا القصيدة وتشوفوا ابداع الراجل ده.

namera
19-06-2008, 03:15 PM
روعة بجد الله عليك يا جاهين كل كتاباته هايلة شكرا لحسن اختيارك وياريت كمان وكمان شـكــ وبارك الله فيك ـــرا لك ... لك مني أجمل تحية .

امانى احمد
20-06-2008, 01:47 AM
شـكــ وبارك الله فيك ـــرا لك ... يا نمرا على تلك الكلمات الرائعة التى اسعدتنى كثيرا وعلى مرورك الكريم

يحيى خلف
23-06-2008, 07:31 AM
موفق بإذن الله ... لك مني أجمل تحية .
شـكــ وبارك الله فيك ـــرا لك ... لك مني أجمل تحية .

يحيى خلف
04-07-2008, 01:01 PM
"]طلع مش مهم السلاح
طلع يغني عنه الحجر
طلع مش عويص الكفاح
مادام فيه ارادة وبشر


وياما حاولنا نكون
لكنا ولا يحزنون
خسرنا وضح العيون
وانكتب عنا الأثر

طلع مش مهم السلاح طلع يغني عنه الحجر[/SIZE]

يتبع

يحيى خلف
04-07-2008, 01:07 PM
حبيبتي كل ما بنسى
تفكرني الحاجات بيكي
ءإنك تدمعك عيني
كأني مش حاغنيكي

وأنا الدرويش

أنا السابح بمسبحتك
ومبخرتك
وتوب الخيش

أغنيلك وأمولك مواويلك
ماتسمعينيش
ولا تشوفينيش
ومش لازم ما دام عايش
ما دمت بعيش

أنا الدرويش

صلات الثورة ما تفوتنيش
ودم شهيدي وضاني
بماء تاني..
بماء من نبع نوراني
حبيبتي تعيش
حبيبتي تعيش
حبيبتي تعيش
يتبع

صلاح العميري
16-07-2008, 06:49 PM
هو جاهين يتوصف . لا والله ما يتوصف ولا روعته وجمال خطوته وسحر الكلام البسيط اللى ما يتوصف ولكى تحيات العضو الجديد صلاح العميرى يا امانى وتقبلى شكرى لك على الرباعيات وتقبلى تحياتى ألف مبروك .. :hi::pizza:

امانى احمد
16-07-2008, 07:28 PM
شـكــ وبارك الله فيك ـــرا لك ... يا صلاح على تلك الكلمات الرائعة التى اسعدتنى كثيرا وعلى مرورك الكريم

صلاح العميري
18-07-2008, 08:51 PM
والله عم صلاح ما يتوصف . لكن انا بشكر المجهود العظيم اللى انتى عملتيه يا أمانى وبشكرلك الاختيار الاعظم .. اخوكى صلاح العميرى .. شـكــ وبارك الله فيك ـــرا لك ... لك مني أجمل تحية .

امانى احمد
20-07-2008, 07:02 PM
شـكــ وبارك الله فيك ـــرا لك ... لك مني أجمل تحية .

raghda elbana
26-07-2008, 01:50 AM
السلام عليكم ورحمة الله وبركاته

فعلا انت وفقت في اختيار الشاعر الافضل

شكرا علي الموضوع الاكثر من رائع

شـكــ وبارك الله فيك ـــرا لك

judgee
01-08-2008, 04:00 AM
لا تعليق لانه مفيش كلام بعد كده

المستشار محي
02-08-2008, 06:09 AM
موضوع متميز من شخص رائع عن شاعر عظيم

المستشار محي
08-08-2008, 10:29 AM
برغم اني مش من عشاق مدرسه الشاعر العظيم الابنودي الا اني منكرش انه شاعر عظيم
مجهود من حضرتك متميز ياستاذ يحي

anashayfak
19-08-2008, 09:33 AM
السلام عليكم
النهارده معايا قنبلة لنجم
القصيدة في الاصل كانت رثاء للزعيم جمال عبدالناصر
لكن ما اعرفش فؤاد حولها ازاي وبطريقته العجيبة الى قالب درامي وسخرية
اليكم القصيدة يارب ترضي زوق الناس اللي بتجب الشعر وتقدره




السكه مفروشه تيجان الفل و النرجس
و القبه صهوه فرس عليها الخضر بيبرجس
و المشربيه عرايس بتبكي و البكى مشروع
***
من ذا اللي نايم و ساكت
و السكات مسموع
سيدنا الحسين؟
ولا صلاح الدين ولا النبي
ولا الأمام؟
دستور يا حراس المقام ولا الكلام بالشكل دا ممنوع؟
***
على العموم
انا مش ضليع في علوم الأنضباط
***
ابويا كان مسلم صحيح
و كان غبي
و كان يصلي ع النبي
عند الغضب و الأنبساط
***
ابويا كان فلاح تعيس
في ليله ضلمه خلفوه
و ف خرقه سودا لفلفوه
و ف عيشه غبرا
طلعوه
و عشه مايله سكنوه
و لصموه
و طلسموه
و دجنوه
و جهزوه
و جوزوه على عماه
فكان محير في هواه ما بين امي و الجاموسه
و كان يخاف يقتل ناموسه
و كان خجول خجول
خجول
و كان دايما يقول استغفر الله العظيم من باب الأحتياط
***
ابويا طلعتوه حمار فكان طبيعي يجيبني جحش
لا اعرف نبي من اجنبي
و لا مين ما جاش ولا مين ما رحش
موسى نبي
عيسى نبي
كمان محمد كان نبي
و يا قلبي صلي ع النبي
و كلنا نحب النبي
و كل وقت وله ادان
و كل عصر و له نبي
***
و احنا نبينا كده
من ضلعنا نابت
لا من سماهم وقع
ولا من مرا شابت
ولا انخسف له القمر
ولا النجوم غابت
ابوه صعيدي و فهم قام طلعه ظابط
ظبط على قدنا و ع المزاج ظابط
فاجومي من جنسنا
ما لوش مرا عابت
فلاح قليل الحيا
اذا الكلاب سابت
ولا يطاطيش للعدا
مهما السهام صابت
عمل حاجات معجزه و حاجات كتير خابت
و عاش و مات وسطنا
على طبعنا ثابت
و ان كان جرح قلبنا كل الجراح طابت
ولا يطولوه العدا
مهما الأمور
جابت

ايه الجمال ده يا فؤاد طول عمرك ابن نكتة ياراجل حتى في الازمات
المفروض ان الناس حزينة لوفاة عبدالناصر وده ........
اقول ايه اتكلموا انتم

anashayfak
19-08-2008, 10:13 AM
قصيدة يامنة من اوع ما كتب الابنودي وكان يرثي فها عمته امنة
اليكم القصيدة



يامنهوالله وشبت يا عبد الرُّحمان ..
عجّزت يا واد .؟مُسْرَعْ؟ميتى وكيف؟عاد اللي يعجّز في بلادهغير اللي يعجز ضيف.!!
هلكوك النسوان؟شفتك مرة في التلفزيونومرة .. وروني صورتك في الجورنانقلت : كبر عبد الرحمان.!!
أمال انا على كده مت بقى لي ميت حول.!!
والله خايفة يا وليدي القعدة لتطول.
مات الشيخ محمودوماتت فاطنة ابْ قنديلواتباع كرم ابْ غبّانوانا لسة حية..
وباين حاحيا كمان وكمان.
عشت كتير.
عشت لحد ماشفتك عجّزت يا عبد الرحمان.
وقالولي قال خَلَّفتوانت عجوز خلَّفت يا اخوي؟؟وبنات..!!؟أمال كنت بتعمل إيهطيلة العمر اللي فات؟دلوقت مافقت؟وجايبهم دِلْوكْ تعمل بيهم إيه؟على كلٍّ..
أهي ريحة من ريحتك ع الأرضيونسُّوا بعض.
ماشي يا عبد الرحمان.
أهو عشنا وطلنا منك بصة وشمة.
دلوك بس ما فكرت ف يامنة وقلت: يا عمة؟؟حبيبي انت يا عبد الرحمانوالله حبيبي .. وتتحب.
على قد ماسارقاك الغربةلكن ليك قلب.
مش زي ولاد الكلباللي نسيونا زمانحلوة مرتك وعويْلاتكوالاّ شبهنا..؟سميتهم إيه؟قالولي : آية ونور.
ماعارفشي تجيب لك حتة واد؟والاّ أقولك :
يعني اللي جبناهم..
نفعونا في الدنيا بإيه؟غيرشي الانسان مغرور.!!

ولسه يامنة حاتعيش وحاتلبسلمّا جايب لي قطيفة وكستور؟كنت اديتهمني فلوساشتري للركبه دهان.
آ..با..ي ما مجلّع قوي يا عبد الرحمان.

طب ده انا ليّا ستّ سنينمزروعة في ظهر البابلم طلّوا علينا أحبة ولا أغراب.
خليهم..
ينفعواأعملهم أكفان.!!

كرمش وشيفاكر يامنة وفاكر الوش؟إوعى تصدقها الدنيا..
غش ف غش.!!
إذا جاك الموت يا وليديموت على طول.
اللي اتخطفوا فضلوا أحبابصاحيين في القلبكإن ماحدش غاب.
واللي ماتوا حتة حتةونشفوا وهم حيين..
حتى سلامو عليكم مش بتعديمن بره الأعتابأول مايجيك الموت .. افتح.
أو ماينادي عليك .. إجلح.
إنت الكسبان.
إوعى تحسبها حساب.!!
بلا واد .. بلا بت..
ده زمن يوم مايصدق .. كداب.!!
سيبها لهم بالحال والمال وانفدإوعى تبص وراك.

الورث ترابوحيطان الأيام طينوعيالك بيك مش بيك عايشين..!!

يو.....ه يا رمان..
مشوار طولانواللي يطوِّله يوم عن يومه يا حبيبي .. حمارالدوا عاوزاه لوجيعة الركبةمش لطوالة العمر.
إوعى تصدق ألوانها صفر وحمر.

مش كنت جميلة يا واد؟مش كنت وكنتوجَدَعَة تخاف مني الرجال ..؟لكن فين شفتوني ..؟كنتوا عيال.!!

بناتي رضية ونجية ماتوا وراحواوأنا اللي قعدت.
طيِّب يا زمان..!!
إإوعى تعيش يوم واحد بعد عيالكإوعى يا عبد الرحمان.

في الدنيا أوجاع وهموم أشكال والوان.
الناس مابتعرفهاش.
أوعرهم لو حتعيشبعد عيالك ماتموت.

ساعتها بس ..
حاتعرف إيه هوّه الموت.!!

أول مايجي لك .. نطلسه بتحكي لهم بحرى حكايةفاطنة وحراجي القط..؟آ.. باي ماكنت شقي وعفريتمن دون كل الولدات.
كنت مخالف..
برّاوي..
وكنت مخبي في عينيك السحراويتمللي حاجات.

زي الحداية ..
تخوي ع الحاجة .. وتطير .
من صغرك بضوافر واعرة .. ومناقير.
بس ماكنتش كداب.
وآديني استنيت في الدنيالما شعرك شاب..!!

قِدِم البيت.
اتهدت قبله بيوت وبيوت.
وأصيل هوه..
مستنيني لما أموت..!!

حاتيجي العيد الجاي؟واذا جيتحاتجيني لجاي؟وحتشرب مع يامنة الشاي .؟؟حاجي ياعمة وجيت..
لالقيت يامنة ولا البيت ..!!
يارب تعجبكم

نهى
19-08-2008, 12:25 PM
شـكــ وبارك الله فيك ـــرا لك ... لك مني أجمل تحية .

يحيى خلف
24-08-2008, 08:03 AM
برغم اني مش من عشاق مدرسه الشاعر العظيم الابنودي الا اني منكرش انه شاعر عظيم
مجهود من حضرتك متميز ياستاذ يحي
أشكر مرورك الكريم يا سيادة المستشار محي
شـكــ وبارك الله فيك ـــرا لك ... لك مني أجمل تحية .

يحيى خلف
24-08-2008, 08:07 AM
أشكر المجهود الرائع والمشاركة الفعالة في الموضوع والمنتدى anashayfak وأتمنى لك المزيد من المشاركات الفعالة والمتميزة
موفق بإذن الله ... لك مني أجمل تحية .
شـكــ وبارك الله فيك ـــرا لك ... لك مني أجمل تحية .

حقوق المنصورة
25-08-2008, 08:54 PM
موضوع جامد يا نجم
موفق بإذن الله ... لك مني أجمل تحية .
بس انا ليا كتتير من الملاحظات عن احمد نجم
بس انا بحبه والله

يحيى خلف
07-09-2008, 08:42 AM
من الزواياوالأركان
خرج الطوفان:
ألوفات شبان.
إصعد يادخان
إبعد ياشيطان
إجبنياجبان
رجع الاسم ورجع العنوان.
يغلى البركان
ويفور
ويدور
إتهدالسور .. طلع الإنسان.
الصدر العالى عليه الوشم:
خريطة الدم .. فلسطين ياأحلاالأوطان.
مين قال بعنا ..؟
مين قال ضعنا؟
يا تمانية واربعين كدابه وكدابهياسبعه وستين.
التار له نار طى الكتمان
واليوم يا خليل
يا جليل
يابيت لحم ..الإعلان
يا..صوت الطفل اللى بيحررنى ف بلدى
بارك ربىفيك.....ياولدى
يا..نهر النار الفايره اوعى تبطل جريان
دراعات الوحشالغاضب..أصوات الكروان
راجح
فالح
مازن
مروان
وأخدنا بتارك ياغسان
يا كمال ناصر
دمك حاصر
أعداءك..مش بس فى لبنان
يا ... ماجد يابوشرار جينا
دمك فينا
لسة سامعينك تنيادينا
ما عادتش الدمعةمكتومه
صبحت صرخة
صبحت صرخةروح محمومه
تصفع روما
ع الكتف نشيلوا سريرالفندق ونشيلك
مواويل الثوره مواويلك
تحت قميصك غنوة شهدا
من كلمخيم...
زاحفه يا ماجد تحت الثوره تغنى لك
عطر الآنبيا ف مناديلك
أولادكيابو شرار بالطوب
عدلوا المقلوب
شطبوا كل القدر المكتوب
فتحوا بوابة الفجر
وواجهوا الغدر
وصاحوا:يا فلسطين
يسقط كل الكدب العربى
يسقط كل الاخوهالخاينين
نرسم بالدم خريطه للآوطان
إتفلت الجان
والمسجون قامياكْْْْْْْْْْْْْْْْْْْْْْْْْْْْْْْْْْْْْْْْْْْْ ْْْْْْْْْْْْْْْْْْْْْْْْْْْْْْْْْْلالسجان
دارت دارت
لعبتهم بارت..
قوتهم خارت.. وانهارت
والدايره علىالباغى دارت
دارت .. دارت
يادنان الكبت ..الظلم .. القهر .. على الطرقات .. فارت.
ومخيم بات .. وصبح ميدان
الدنيا اتحطت واتشالت

نهى
08-09-2008, 04:42 PM
شـكــ وبارك الله فيك ـــرا لك ... لك مني أجمل تحية .

نهى
14-09-2008, 02:56 PM
موضوع مميز جدااااااشـكــ وبارك الله فيك ـــرا لك ... لك مني أجمل تحية .

امانى احمد
10-10-2008, 02:18 AM
شـكــ وبارك الله فيك ـــرا لك ...يا نهى على اهتمامك بالرد على الموضوع

نورالصبايا
04-11-2008, 01:14 AM
http://www.baqofa.com/forum/upload/Feryalzaya/2007-03-28_094703_2007-03-02_143255_112ttttttt.gif

بوس بوس
13-11-2008, 06:56 PM
شـكــ وبارك الله فيك ـــرا لك ... لك مني أجمل تحية . بجد مجهود رائع ياريت تنزلي شعر كمان لصلاح جاهين

امانى احمد
14-11-2008, 03:22 AM
شـكــ وبارك الله فيك ـــرا لك ... على كلماتك

BLU SKY
14-11-2008, 05:15 PM
شـكــ وبارك الله فيك ـــرا لك ... لك مني أجمل تحية . ايه المجهود الرائع ده

امانى احمد
14-11-2008, 05:37 PM
شـكــ وبارك الله فيك ـــرا لك ... بلو سكاى على اهتمامك بالرد على الموضوع ومرورك الكريم عليه

BLU SKY
15-11-2008, 02:13 AM
والله الموضوع والجهد ده يستاهل اكتر لان كلمات صلاح جهين لها معاني كبيره

امانى احمد
15-11-2008, 06:19 PM
شـكــ وبارك الله فيك ـــرا لك ... بلو سكاى على كلماتك الجميلة التى شجعتنى كثيرا.

BLU SKY
24-11-2008, 12:23 AM
بجد تستهل اكتر والله انا اعشق كلمات هذا الرجل

امانى احمد
26-11-2008, 07:08 PM
شـكــ وبارك الله فيك ـــرا لك ... بلو سكاى على كلماتك الجميلة وبالفعل صلاح جاهين من المبدعين

يحيى خلف
03-12-2008, 08:36 AM
السلام عليكم ورحمة الله وبركاته
انتظرونا في :
" ديوان الموت على الأسفلت "
كاملا على منتدى الروائع قريبا بعد الإنتهاء من كتابته.
ولكم مني أطيب تحية

asim_alm2010
06-12-2008, 04:42 AM
بسم الله الرحمن الرحيم
عبد الرحمن الابنودى هو الشاعر بالناس ,وموسيقى يعزف على وتر الاحساس
اتمنى له الشفاء واطال الله لنا فى عمره

lمحمد حسن المحامى
24-12-2008, 11:29 PM
اشعار رائعةلشاعر عظيم نرجو ان نرى المزيد منها

امانى احمد
29-12-2008, 06:26 PM
شكرا لك استاذ محمد على رد حضرتك على الموضوع

يحيى خلف
07-01-2009, 10:53 AM
أماية ... وأنتي بترمي بالرّحي ..


على مفارق ضحى


وحدك وبتعدّدي


على كل حاجة حلوة مفقودة


ما تنسينيش يا أمة في عدُّودة


عدّودة من أقدم خيوط سودا في توب


الحزن


لا تولولي فيها ولا تهللي


.. وحطي فبها اسم واحد مات:


كان صاحبي يا أمه ..


واسمه:


ناجي العلي


يا قبر ناجي العلي.. وينك يا قبر


يا قبر معجون بشوك مطلي بصبر


الموت بقرّب عليك .. يرتد خوف


وإذا ما خافشي الموت .. يرتد جبر


.................


يا قبر ناجي العلي.. يا دي الضريح


كان ميِّتك للأسف وطني صريح


تحتك فتى ناضر القلب .. غضّ


كان قلبه .. أرض مخيّمات الصفيح






الأرض متغربة .. والحلم ملْكْ


خريطة شبه الوطن محاصرها سلك


واقف وراها شريد عاقد إيديه


حنّ الوطن ذلك .. للأرض .. تلك


غشيم في حب الوطن .. طبعا غشيم


ياللي تحب الوطن .. من الصميم


على طريقة العرب في الحب ..


عيش وَليْ.. نقي.. متقي.. لكن لئيم


_____________________


ناجي العلي في الأغنية


هلّ عليْه


زي الغزالة البرية


ماسك رسمة


...........


والرسمة فيها دمع وضحك


وأرض مِلك


وابن واقف خلف السلك


قصاد رسمه


................


والرسمة فيها يهود.. . بحاخام


والأنكل سام ..


وعرب لطاف عايشين في سلام


جوه الرسمه


.............


رسم الكفوف زي الصبّار


حنظل بمرار


صبي قصير واقف محتار


قدامه رسمه


............


رسما لا تعرف تتحادق


ولا بتنافق


عيب ناجي إنُّه عاش صادق


عاش للرسمة


...............


كان زييّ.. يائس يأس مميت


لكن عفريت


دخل لأعدائه في البيت


شايل رسمه


..................


والرسمة ما فيهاش سما وبيوت


ولكن لها صوت


يا ناجي.. كان لا بد تموت


برّه الرسمة


..................


_____________________________


لو كل انسان جزاته في الحياه .. عمله


أنا اللي سافر بلاد الإنجليز .. قتله




قتلت ناجي العلي لما رسم صورة


يواجه الحزن فيها براية مكسورة




لما فضحني ورسمني صورة طبق الأصل


ما عرفشي يكذب ولا يطلع قليل الأصل


الناس بترسم بريشة وهوه ريشته .. نصل




فضـح رمـوز الــرواية وهيـــّه عَ المسرح


قتلته بـايــــدي وإيد غيري في آ خر الفصل


يا بلادي ما تزعجيش نفسك عشان صورة


______________________




أهــلــي لا أهــلــك . ولا أهلك ساعات أهلك


ما تـحكليش ع اللي قتلك .. مش حاخد لك تار


مــلـكـش غـيـر أحـسـدك خــــالص عـلى قتلك


قــتـيـل فـي غـربة .. بــيـفـرق عن قتيل الــدار


يـــا مــاشي لـلـنـور.. ومـش مـاشي على مهلك


واحــنــا خــطــاويـنـا يـمّ الـمـوت .. تجيب العار


أنـــا الـمـوسـاد .. والـفـسـاد.. قـاتـل كـتـير قبلك


كــمـال .. وغــســان .. واســـأل ماجد أبو شرار


وحاموت .. لاشفتك .. ولا حا عرف في يوم قبرك


لا حــاحـُط زهـرة عـليـه ولا حـأغـرس الصبــّار


حـــاولـــت قــتـل الجهــل طــلع الـجـهـل مــتـعلّم


وأهه قتلك


وحـــولـك وأنــت واضــح . . ســر مـن الأســرار


______________________


أمايه . .


وأنتي بترمي بالرحى


على مفارق ضحى


وحدك .. وبتعددّي


على كل حاجة حلوة مفقودة


ما تنسنيش يا أمّه في عدوُّدة ...


عدوّدة .


من أقدم خيوط سودا في توب


الحزن


لا تهّللي فيها ولا تولولي


وحطّي فيها اسم واحد .. مات


كان صاحبي يا أمه ..


واسمه ناجي العلي..


______________________




أطفالك البؤسا . قاموا هـنـاك ورا الأسلاك


بـيـفـتـحـوا بـالـضـــوافـر.. فـكـرة الـشـباك


مين أول اللي رسـمـهم في الصــحــف إلاّكَ؟


قـــلعـوا الهـدوم الـقـدام .. وطـلعوا بـهدومك


إصحي يا ناجي العلي.. قامت القيامة هناك


....................


قـــامــت قـيـامة ثـمـانـية وأربـعين .. غارقة


فــي طـريـقـهـا ذل الـسـنـيـن الـعـاقر الناشفة


إصحى يا ناجي العلي.. أهي صحيت الضفة


يقشعروا الأرض .. إصــحـى جـاوب الهزة


ســنّ الـقـلـم مـن جــديــد وارسـم بنات غزة


غــزة الــلي حضنت سلوكها وعشقت الحزة


ما ما تتشي طب ما أنت مت .. عرفت تتوفى؟


__________________________





من الزواياوالأركان


خرج الطوفان:


ألوفات شبان.


إصعد يادخان


إبعد ياشيطان


إجبن ياجبان


رجع الاسم


ورجع العنوان.


يغلى البركان


ويفور


ويدور


إتهدالسور .. طلع الإنسان.


الصدر العالى عليه الوشم:


خريطة الدم .. فلسطين ياأحلاالأوطان.


مين قال بعنا ..؟


مين قال ضعنا؟


يا تمانية واربعين كدابه وكدابه ياسبعه وستين.


التار له نار طى الكتمان


واليوم يا خليل


يا جليل


يابيت لحم ..الإعلان


يا..صوت الطفل اللى بيحررنى ف بلدى


بارك ربىفيك.....ياولدى


يا..نهر النار الفايره اوعى تبطل جريان


دراعات الوحش الغاضب..أصوات الكروان


راجح


فالح


مازن


مروان


وأخدنا بتارك ياغسان


يا كمال ناصر


دمك حاصر


أعداءك..مش بس فى لبنان


يا ... ماجد يابوشرار جينا


دمك فينا


لسة سامعينك تنيادينا


ما عادتش الدمعة مكتومه


صبحت صرخة


صبحت صرخة روح محمومه


تصفع ((روما))


ع الكتف نشيلوا سريرالفندق ونشيلك


مواويل الثوره مواويلك


تحت قميصك غنوة شهدا


من كل مخيم...


زاحفه يا ماجد تحت الثوره تغنى لك


عطر الآنبيا ف مناديلك


أولادك يابو شرار بالطوب


عدلوا المقلوب


شطبوا كل القدر المكتوب


فتحوا بوابة الفجر


وواجهوا الغدر


وصاحوا:يا فلسطين


(يسقط كل الكدب العربى)


(يسقط كل الاخوه الخاينين)


نرسم بالدم خريطه للآوطان


إتفلت الجان


والمسجون قام ياكل السجان


دارت دارت


العجله والدنيا احتارت


دارت دارت


لعبتهم بارت..


قوتهم خارت.. وانهارت


والدايره على الباغى دارت


دارت .. دارت


يادنان الكبت ..الظلم .. القهر .. على الطرقات


.. فارت.


ومخيم بات .. وصبح ميدان


الــدنـيا اتحطت واتشالت


أطفال الأرض المحتلة


أطفال الدنيا المختلة


أطفال السنوات السودا


رفضوا الذلة


يا كل العرب المعروبة


يا راس العرب المقلوبة


يا جيوش النصر المغلوبة


رجعت أرواحنا المنهوبة


رجعت ارادتنا المسلوبة


بتحارب بالصوت والطوبة




أصحاب الأرض الأصليين


أصحاي النور والليل والطين


نبت فلسطين


أصل فلسطين


روح الامة ..


ازاي لاجئين؟؟


على أسفلت الشارع شهدا


على أسفلت الزنازين مساجين


يا فجر ارضع من دم الطفل


يا سجن اوسع كسرنا القفل


بدأت حكايتنا ومش راجعين..


مش راجعين


مش راجعين


____________________


على قد فرحي الأكيد..على قد خوفي الأكيد


أحمل ايماني الأكيد ..يحملني شكي الأكيد


وقد ما قريب يا بكرة قد ما انت بعيد


أنا المسيس خفيف الظل.. أنا الصامت


راقص في قلب العزا..باكي في صبح العيد


********


من كتر ما شفت ..ما بصدقش ايماني


أنا شاعر الشمس .. وأدي الشمس ناكراني


تنساني في فرحها ,وفي الحزن فاكراني


وأبني طوبة ..في قلبي تهد ميت طوبه


منين تيجي التوبة عن همك يا أوطاني


********


ويا موت يا مدفوع في شرياني بريح سودا


الهم .. ديما بيرحل ..بس ليه عودة


ماتت جناحاتي لكن لسه مفروده


ويا قلب.. يا كلب.. تنك ساحي وبتنبح


بطل تعدد.. فلسطين لسه موجودة


********


يا وطني.. افصمني .. ولا رد فيا الفصم


خلليني واحد ..ولو .. لطختني .. بالوصم


لو الخرايط بتصدق كنت أعيشها رسم


وأنقش خريطي ..عبيطي فوق جدار قلبي


سلك المخيم ابر يا قدس وانت الوشم


__________________________


منين أجيب ناس لعناة الكلام يتلوه


اذا كنت باجي أقوله نص عقلي يتوه




لأ .. نحاول


الكلام مش مستجيب .. والصمت عار


والمسافة بعيدة بين الفعل والقول البليد


لكن نحاول.


لا القصيدة حتجري ع الأسفلت


ولا ترمي حجر


ولا فوق أكتفها راح تحمل شهيد


ولا حتبعد خطر


ولا حتقرب بعيد


الكلام -أخر المطاف- هوه الكلام


والدم دم


القصيدة توصف الدم الذكي


ماتشيلش نقطة


توصف الأم اللي ماتت بنتها قدام عينيها


بس وصف


وصف جيد ..وصف خايب


وصف صادق.. وصف كادب


في النهاية .. كله وصف


كل شعر الوصف


ما يساويش في سوق الحق صرخة


الكلام عن كل ده شيء م التطاول


إنما لازم نحاول


الحجارة اللي ف رفح وف غزة


وف بيت لحم


وف بير زيت


ويافا


والخليل


والمدن كلتها


مش هي الحجارة


الحجارة اللي ف ايدين ثوار فلسطين الصغار


ما هيش حجارة


أنا بعرف الحجارة


يا ما طوحنا حجارة


حجارتكم .. مش حجارة


ع الأقل


بتختلف عن الحجارة اللي في شارعنا


زي ما شارعكم بيفرق عن شارعنا


الحجارة اللي ف شارعكم


كائنات نابضة وحيه


والحجارة اللي ف شارعنا ميته


لا تئن الصيف من لسعة الحرارة


ولا يرعش جلدها مرور الشتا


عمرها ماتغني غنوه


ولا بتردد هتاف


لو نشيعها تخاف


عمرها ما تئن ولا تحتج من ضرب المعاول


الحجارة الميته الباهته الكسيحة


الحجارة اللي ألأم م المقاول


والحجارة اللي ف شارعكو فلسطينية


زي ما انتو فلسطينية


في قلبها نبض القضية


مشاعرها انسانية


عارفه أصحابها وأعدائهاوذكية عن القنابل.


والقصيدة


مشكلتها في التناول


مشكلتها في البداية والنهاية


مضامينها وشكلها


والعديد من المسائل


القصيدة قصيدة


بس الفعل فعل


هل نكف عن المحاولة؟


أو نحاول؟


لو سكتنا يقولوا :ضاعوا


لو وقفنا يقولوا: باعوا


واذا قلنا...


يقولوا فين الكلمة من رمية حجر؟


صرخة قتيل؟


ثورة الأطفال


تخلي الشعر لو كان عبقري


وزنه قليل


يا رفاقة شعرنا ما هوش بخيل


أعذروا الشعرا اذا سكتوا النهاردة


واعذروا الكلمة اذا احتارت ودارت


النهاردة الغنوة للأفعال




واعذروا العواجيز اذا صمتوا النهاردة


واستكانوا للرقاد في الصمت مدة


النهاردة .. صرخة الأطفال


الكلام ما يشلشي جثة


الكلام ما فيهش دم


الكلام ما فيهوش هجوم ولا تراجع


الكلام ما لوش لجان


الكلام ..ما هوش محاصر بالمدافع


لا دكاكينه بتقفل


ولا تتسمم غطيانه


ولا قاطعين عنه نوره ولا مياهه


ولا ممنوع م العمل


ولا مشلول بالحصار الاقتصادي


ولا بالغاز المسيل للدموع


ولا بيعاني عطش ويعاني جوع


زي أصغر طفل في الوطن المقاتل


نسكتوا ؟؟ ولا نحاول؟


لأ نحاول


لأ نحاول


لأ نحاول


____________________




القدس قدسي يمامة صيف في غيتها.



تطير .. تجيني بأشواقها..... وغيتها


فاكراني من يد صيادها أنا.. اغيتها




فاكراني صوت الأدان الحي في ((حطين))


ومخبي في ضلوعي قلبك يا ((صلاح الدين))


شايل صراخ اليتامى ولوعة المساكين


فاكراني كفن الشهيد وخيمة اللاجئين


وأول الأتقيا وآخر الهاربين


***




تجيني وتبوسني وتملس على خدودي


هاربة بـ حدودها القدام تتحامى في حدودي


تبكي على صدري دبكة حزن على عودي


***


تبكي وفاكرة حد هدها وأسكتها


أنا ياللي من موت شراييني اتنسج موتها


وصوتي يوم الغنا الباطل بلع صوتها


مافيش في قلبي ولا آهة ...أموتها




كل الآهات ميت أنا حبيس همسي


نزعت صورتها من بُكرايا من أمسي


حطين ولا حطيني ولا قدس الهموم.. قدسي


ولا عارفة تنساني زي ما تهت ونسيتها


***




القدس تيجي يمامة نور مطفية


طالعالي م البرد للصيف الجديد تسعى


فاكرة في كفي طعام وف قلبي أخوية


هية اللي مش واعية والا أنا اللي مش باوعى؟


لا دمع يسقى عطش عيني ولا مية.



يا حزن لا تترجمه أهة ولا دمعة..



...



ما كنا فاكرينا أطفالك يا ست الكل.



الكدب ما يجيبش همه إحنا مش أطفال


وكنا فاكرينا أبطالك أيادي السيف


سيوفنا من قش ودي ماهيش إيدين أبطال


ضيعنا ع القهوة نص العمر نتاوب


نتمنوا من ربنا تتحسن الأحوال


***




يا قدس لمي جناحك وارجعي تاني.



ولا تصدقي قولي ولا تئمني أحضاني


نامي في حضن العدو هوه العدو الأول


يا قدس خافي قوي من العدو الثاني.



الخنجر المختفي وانتي فاكراه ضلع


الأفعى ورا ضحكتي والموت في أسناني.



وصفحتي في النضال


بيضا بياض التلج



***



لمي الجناح..



ف قلبي مسكونة "البناني"



..



غريب الوطن. بيمام


حبيته .. يوم ما رطن


يوم ما التهم خضرتك


فدان ورا فدان.



يوم ما طرد أسرتك


إنسان ورا إنسان.



يوم ما هدم مادنتك


وكسَّر الصلبان


يوم ما زحف أفعى وبتحاصر


ذبح الفلسطيني وقتل


جمال عبد الناصر




يا قدس قولي لحيطانك اثبتي بقوة


حيخلصك ابنك اللي انا مانيش هوه


لا تبحثي عن حلول


الحل من جوه


احل من جوه


الحل من جوه


__________________


الفجر صعب المراس يا قبضة الخيال


يا ثورة لا ليها عم ولا أخو ولا خال


قدرك وطن يشتري الوطنية بالأموال


وأنا قدري أحلم بصوتك وبدوام الحال


وبيوم يملوا الكبار الفرجة ع الأطفال




أنا حلو في الشاشة في الجرنان لكن ظلي


تقيل .. يا أمة بمأساتي بتتسلي


للسادة شاي سادة وأنا دمي اللي بيحللي


وكل يوم قطرة قطرة الدم بيسرسب


مستني إيه يا وطن؟ لما أغيب كلي!




بتدفعوا المال خلاص ذمة ده ولا كذا


معاكوا أموال تنسي الباكي طعم بكاه


وتقتلوا في الضمير الفجر أي حياه


أبرد من التلاجة يا دمنا العربي


مأساتي مش من عدوي ..أنتم المأساه




لكن أهي فلسطين في القلب والقبضة


لكن أهي فلسطين جوة العروق نابضة


عارفة القديم والجديد قارية قوي وحافضة


طاهرة في ساعة الأذان وتصلي في الشارع


يا وطني أدي الدم.. لو عزت تتوضى




يا قدس يا أم الشهيد في العتمة عانقيني


أنا متصل بيكي من دمي ومن ديني


يا مسجدي الأقصى أقصى ما في الدموع عيني


وأقصى ما في وريدي الدم بعد الهم


واخواتي مش هنا .. يا أقصى سامحيني


____________________


حبيبتي كل ما بنسى


تفكرني الحاجات بيكي


أئنك تدمعك عيني


كأني مش حاأغنيكي


دمايا ما تستهلش تكون


كحلة ليله لعينيكي




وأنا الدرويش


أنا السابح بمسبحتي ومبخرتي


وتوب الخيش


أغني لك


وأمول لك مواويلك


ما تسمعينيش


ولا تشوفينيش


ومش لازم ما دام عايشة


ما دمت باعيش


ويا ما بيكي عقلي اتجن


وانتي الأن


وانتي الظن


وانتي قلمي لحظة فن


يا غنوتي


أنا أحزن أغنيكي


وانتي الحلم ..آه من حلم


لا نسيكي ولا نسيني


يبيعوا اللون يغشوا الدم


يهدوا الكون


يشيلوا الكيف في عب الكم


انا أنفاسك الخضرا


وأنا الجرح اللي ف جبينك


أنا الخنجر في شريانك


وأنا اللقمة في ايد طفلك


أنا قبرك وأكفانك


وأنا الشمعاية في حفلك


أنا الجاهل لكن بقرى


وبفهم غاية النظرة


أنا دارك وأنا أهلك


وأنا وردك وأنا نسلك


أنا رغيفك وفرانه


وحطب النار


وزيتونك وزتانه


أنا القاطف وأنا العصار


وإسلامك وقرآنه


وقلبي منشد الأذكار


أنا العابد


أنا الزاهد


أنا اللي يحب ما يلومنيش


أنا العاشق


أنا الدرويش


(صلاة الثورة ما تفوتنيش


ودم شهيدي وضاني


بماء تاني


بماء من نبع نوراني)


في قلبي ما فيش


في أسراري ولا حكاياتي الا انتي


يا خيط النور


يا كوة سور


يا نور منظور


يا خير محظور


أنا الإيد اللي منعاني


أنا الأسر وأنا المأسور




أنا الغايب


أنا الدايب


- صبابة – والجناح مكسور


وأنا التايب..


عن الماء الحرام والعيش




أنا الدرويش


أبو الدراويش


جناحات قلبي من غير ريش




وحاوريني


صعيدي ..بس قولي ايه؟؟


فلسطيني


ومصري ..بس قلبي ايه؟؟


فلسطيني


وعربي..بس أصلي ايه؟؟


فلسطيني


فلسطيني


فلسطيني.


وأنا الدرويش


أنا الماشي وانتي الفكر


أنا المجنون في قلب الذكر


ومحتكر المحبة البكر




سكنتي ازاي كدا في عيشي ؟


ونغششتي في نخاشيشي ؟


كأنك فيا مولودة وموجودة


ومفقود حب مفقودة




وأغنيكي أنا هيه


على صدري غيطان زعتر وميرامية


ميرامية على صدري


ويوم ما أموت


تحشيها وترميها على قبري


أنا المنقوش في كفينك


يا موشومة على صدري


يا كبشة عطر ريحاني


يا صوت دمي اذا يسري


ولا يفصلنا يوم فاصل


وده الحاصل!!


فما تلومينيش


ده أنا الدرويش


أنا المقتول


أنا المهبول


أنا اللي بادروش الدراويش


بافرق جرحي على الثوار


وأكفن ميتي بنوار


وفي صفوفك تلاقيني


أفرق عيش


ما يحرقش عبايتي النار


ولا اللحية


ومن حارة إلى حارة


ومن ناحية إلى ناحية


يقابلني العدو برصاص


أقوم نافضة من الجبة الرصاص وأرميه


كأنه قش


قلوب الأوليا


نيتها لا تتغش


أنا الدرويش


ما ينقصنيش فدا واخلاص


والرجعة ما تنفعنيش


صورتها تطل م الطاقة


عيونها السودا عشاقة


ومشتاقة


وأنا الدرويش بانزف دم


وسعلي الطريق يا عم


وماشي بجرحي مش مهتم




يا عرسي يا انتفا موتي


حبيبتي ساكنة في صوتي


وماسك ايديها في السكة


تسابق خطوتي الضحكة


ولون المد في صدري ما سكتنيش


وخلاني أعيش وأعيش


أعيش درويش يا درويشه


يا درويشه وأموت درويش


وأمشي أدروش الدراويش


وأغني أدروش الدراويش


وأموت أدروش الدراويش




حبيبتي تعيش


حبيبتي تعيش


حبيبتي تعيش.


_________________________




الــصــخــر لــو يـنـفـجـر الـنـبع ايه ذنبه؟


سباق في ساحة ما بين انسان وبين قلبه


ما دام لموت .. احمل السيف اللي بتحبه


واذا انــدفــعـت انـدفع .. واذا وقعت تسد


طـــــول عموه وطنك بيحلم تبتدي حربه




وُجي يا بلد الحرايق واصرخي بجنون


وحرقيها مدن وكروم ونحاس وسحون


ملعون أبوها الحمامة أم غصن زاتون


معمولة لأجل الضحايا يصدقوا الجلاد


أحبك العمر يا فلسطين وأموت مديون




يا إيد يا مــتـكـتتفـة .. يــا ظـهر يا منجلد


يا طـفـل مــيـن ورثـك الإحـتـمـال والجلد ؟


يا طـفـل بـهـمـوم رجـال يابنت قبل الولد


يا أرض طرح حصى يا قلوب بتطرح عند


مين اللي قال للكلاب تسكن عرين الأسد؟




______________________




طلع مش مهم السلاح


طلع يغني عنه الحجر


طلع مش عويص الكفاح


ما دام فيه إراده وبشر


طلع مش بعيد الصباح


ومستني خلف الشجر




وياما حاولنا نكون


لاكننا ولا يحزنون


خسرنا وضح العيون


وعكرنا صفو الشجون


زماتت تلال الزتون




علشان كننا بره الوطن


وأفضل فلسطيني فينا


بلغة المنافي رطن




ولما ضيا الفجر لاح


نيران حمرا لون الصباح


وساعة ما صاح اللي صاح


وساعة ما شاء القدر


طلع مش مهم السلاح


ما دام فيه أيادي وحجر




فلسطين بجيش مش منظم


بتزحف صفوف م المخيم


قصاص عمر والبادي أظلم




وطفل الحواري انتشر


وصوت الحواري انتصر


وجيش العدوا انكسر




ساعات نملوا وش الصباح


ساعات ما تلاقلناش أثر


طلع مش عويص الكفاح


مادام فيه اراده وبشر


طلع مش مهم السلاح


طلع يغني عنه الحجر





يـــا بـخـت الــلي يــفـرد لـلـوطـن شــاشـــه


وبـــوش واحـــد يــقـابـله ويـنسى أوشاشه


عاشوا اللي ماتوا ولا ماتوا إلا اللي عاشوا


يـــا نـبـع أحـمـر بــيـزحـف ع الشجر والتل


حـــي الــشــبـاب الفلسطيني وقول :عاشوا




عــاش اللي هـــزم العدوا بتقدمه العلمي


الصدر العاري وامتى الصدر كان محمي


عــدو مــا يـرمي إلا أحلانا ساعة يرمي


يـــا مــتـجـه لـلوطــن اتـبع خطاوي الدم


أنـــا الــشــهـيـد اللي باعه حلك السلمي




تــضـرب دراعك رصــاصــة لا تـحـس الألم


لــيـك ايـد تــانـيـة قــوام تـنـقـل إلــيها العلم


يضربها العدو برصاصه تانيه تنفجر بالندم


ع الــلي خــلـقـك بإيدين وانت في حاجة ليد


( تــعـيـــش فــلسطين ) تقولها تتكتب بالدم


_______________________






كام سنه عدت وأنا صاحي
اسم بلادي هو سلاحي
والثورة بتظهر صباحي


في الحارة الفلسطينية


ألف سلامه ألف سلامة
يا علمي اللي ظلموك ياما
حتى الدنيا ليها قيامة


في الحارة الفلسطينية


أعلامي سودا من الهم
أعلامي حمرا ودا دم
في الاكفان البيض نتلم


من الحارة الفلسطينية



يا سلالم طالعة يا ثوارها
اجسادنا سلم لقمرها
الاطفال خلعت اعمارها


في الحارة الفلسطينية



يا أرض الرسالات باركينا
بنوفي الندر اللي علينا
باديين من موت واحد فينا


في الحارة الفلسطينيه


الثورة ضد الصهيوني
هي عقلي وهي جنوني
واتقهقر لما يردوني


للحارة الفلسطينية


الحارة الفلسطينية
ساها بتنجب انبيا
موجة البحر الرايحة وجيا


للحارة الفلسطينية


يا حجارتي لسلاح الواطي
يا قنابل يا رصاص مطاطي
انا ماشي معدول وسراطي


الحارة الفلسطينية


انا بادي وبيدي حجارة
وجهنم اولها شرارة
الوعي اللي كانه بشارة


من الحارة الفلسطينية


انا ثورة وسبنالكو الدولة
بتقولي لا قوة ولا حول؟
اهو لينا شرف المحاولة


في الحارة الفلسطينية


وبواجه كل ما بتقدم
الدولة ام الجيش متنظم
امريكا هزمها المخيم


في الحارة الفلسطينية


مولود محتل ومتكتف
مولود متنمر متصنف
اشنقني.. اعدم.. اتعسف..


الحارة فلسطينية


انا اعلى ما في صوتي سكوتي
واحلى حياة بعشقها موتي
انا ارضي وجوي وملكوتي
الحارة الفلسطيني
__________________


دمــعــي نــزل ع الـطـلـل زي الـبـلـل والسيل
فــتـت حـيـطـانـي وجـرفـني في مجاري الليل
ظـنـتـيـنــي فــارس أسـد صـنـديد شديد الحيل
يــوم الــلـقـا اتـقـدم الـفـرســان لــبحر الموت
انكرني صوتي القديم وأنا مرمي تحت الخيل


الفـجـر عـمـره مـا قـال لـلـيـل : عن اذنك
يطلع ..يغمض عينيك.. يصرخ يصم اذنك
يــهـجـم .. يـعريــك.. يخليك تحترم وزنك
مـش كـنـت بـتـغـني للفجر السجين يطلع؟
أهـو انـدلـع .. لـيـه بتقابل فرحته بحزنك


زي العدو انت – صدقني – وكلك زيف
فضيت لفتل القصايد يوم ما بعت السيف
وف ســاعة الحسم ترهن ذمتك برغيف
أمــا الـوطـن .. فاتركه لحراسة الأندال
لــغـربـتـه في الـشـتا وذلته في الصيف


فــتــح الــحـجر جبهتي .. وأنا شايل الرشاش
ربـــط جـــرحــي وأنا بجري وراك بالشاش
أنـــا بـجــري بــمرتبي. وأنت بتجري ببلاش
وقـــبــل مــا يــبــلــعـــك تحت المخيم .. ليل
حا هديك رصاصة .. حجر يدك ما يمنعهاش


صهيوني .. بازحف وراك .. يسبقني ليك غضبي
وحـــأقــتـلـــك : احــتــرامــا لــوضــعـــنا الأدبي
ارفــــع قــنــاعـــي تـلاقـيـنــي وجــهــك الـعربي
وأهــلــلــك الصامــتــيــن فـي صــمــتـهـم نايمين
عـــجــبـك عـلى صــمــتـهم ... لا يقل عن عجبي


أخدوا على وجـودي بـيـنهم .. واستتب الأمر
خـمـارهـم اللي عــشـانـه حــبوا شرب الخمر
ولما سكروا .. انتشى زيد من شتيمت عمرو
لــقـيـت خــريـطـة وطنكم في العرا بترتعش
وغــرســت ع الـخـريـطـة بــايدي شاهد قبر



بازحف وراك في الظلام والحارة مسدودة
خــوفــنـي لـيـه الـحـجر وأنا ماشي ببرود؟؟
يــا أبـوا ايـد طـويـلـة قوي بشرايين مشودة
يــا خـيـال مـقاته يا حارس غيطك العربي
مــا شـفـتـش الـغـيـط بـتـاكـلـه منك الدودة؟


يا بحر .. اهجم قوي على الشطوط .. وإرتد
لا الريح مواتياك .. ولا فيه بحر ساعده حد
من حـــارة تحت المخيم .. جوة الشارع سد
يــــا بــعدي عن اخواتي .. يــا بعد أوطاني
أنت حــيـطـان الصفيح.. اللي متاوية الورد
__________________________





لسه ما شبعتش طوافة
يالليبتطوف من سنين؟
يا قمر مولود في "يافا""
واتقتل في دير يا سين




لسه ما كرهت الليالي ؟
لسه ما شبعتش مشاهدة.. ؟
يا قمر .. حالك .. كحالي..
ضيعونا .. بالمعاهدة !!
***


يا قمر .. هدواقبورنا
واستباحوا اللي ف صدورنا
دمروا قلوبنا ودورنا




حقنا أصبح خرافة
وضعت يا بلدي الأمين
يا قمر .. تصعد في "يافا"
تترمي في "ير ياسين" !!!
***


ع الزاتون والبرتقالة
ارمي ضياتك أمانة
احنا يكرهنا الليخاين
واحنا .. تكرهنا الخيانة




يا قمر.. وغيوم بتحجب
دمنا .. لمايسرسب
دنيا .. تحترم اللي يغلب
حتى لو شيطان لعين.
يا قمربشَّر في "يافا"
واتصلب في "دير ياسين".
***


يا صبور .. الصبر واعر
للدماغ.. وللمشاعر
قلبي ندل وحزنه داعر
ليتني ما كنت شاعر
كنت أفلت م الكمين
صرختي بتموت في همسي
ليتني ما غادرت أمسي
ليتني ما صاحبت نفسي
ليتني ضميت خوامسي
يوم ما أقسمت اليمين
يا قمر عاشني في "يافا"
واتقتلنا في "دير ياسين"
يا قمر وانت المنارة
ألف وش لألف حارة
انت أطفال الحجارة
يا قمر وأنا طفل مين


قلبي م الفرحة تأذى
باحزن الأحزان بلذة
عن ميلاد النور في غزة
وفي رام الله وف جنين


يا قمر اغضب بحدة
انتفاضة ما ليها ردة
زي ما فيه يافا واحده
واحده بردك دير ياسين
يا قمر خته ليافا
خدني هو لدير ياسين
_______________________

manger2007
25-01-2009, 12:55 PM
السلام عليكم انا من عشاق الحبيب الذى لا يعرف الخوف وهو احمد فؤاد نجم مع الاحتفاظ بالالقااااااااب سمعت عن قصيدتين لة لكن معرفش عنوانيهم لكن من ضمن الابيات (بينى وبينك سور .........؟ ) والتانية(بنادى على واحد فى مصر او شىء من هذا القبيل .................؟؟؟؟؟؟؟؟) اتمنى تفيدونى فيهم لانى محتاجهم لتكملة ديوانه ولكم منى كل التقدير واتمنالكم النجااااااح الباااااااااااااااااااااااااااااااااااااااااهر

يحيى خلف
06-02-2009, 01:22 AM
هـذا أوان الـبـراءة .. وانت يا ابني جريء



وبتجري على الموت عشان لسه نضيف وبريء



ولـك أســاتذة بـيـحترفوا النضال ع الريق



الـكــــدابين السمـــاسرة اللي ليهم قلبين



والـلـي يـخـلـلوا الفريق في ساعة ألف فريق



_______________________________



ودمـكـم حا قبضة وأحطه في جيوبي



وشمسكم مش ها تشرق إلا في غروبي



الدم دمي _ تمام_ والتوب صحيح توبي



لـكـن الـزمن أنـضجك انت وعراني



دمك؟ تعال بص آخر الليل في مشروبي



_____________________________



و تقول فلسطين؟ فلسطين تاني؟ مسن دلك؟



وانت اللي مولود يا ابني ف حجر محتلك؟



مـحـتـلك اللي مراقب حتى لون ضلك!



شــال اسمها م الكتاب غيّر أسامي القرى



وكل شيء فيك وليك ..إيه اللي فاضل لك



______________________________



لص الأراضي سرق أرضك وراح سرقك



وكـان خلاص اعـتـقـد انه أعاد خلقك



حـتـى احـنـا زيه نسينا ان دي أرضك



وفـجـأة تـنـبـت في قلب السكة قدامه



بـعـلــم فلسطيني غارس سنه في قلبك



_______________________________



ده أعـاد صياغتي أنا من غير ما يحكُمني



أعــاد صيـاغتي بجورنان اللي حاكمني



وبراديو ريحته من بعيد لو من بعيد يزكمني



بعني.. اشتراني.. قـطم قلمي.. كسر سيفي



بـدون مــا أكــلـم عـدوي أو يكلمني



_____________________________



قـلـبـي مـعـاك يا رفيقي إنما عاجز



من كام سنه باعمل اللي ماعزت ولا عايز



وطــن بـيـشرب دماه الحرة في قزايز



كان لــينا وجهة بقى لينا ستميت وجهة



واشـتـروا عـمـرنـا بشلنات وبرايز



__________________________



جرحك سرى في الثرى وأنا جرحي مش مفتوح



صـدى الـصـديـد في الفؤاد نتِّن أنين الروح



أنــا منتظر يــا فتـى مـوتك فارقني وروح



ما أنا حا قرأ اسمك في جورنان بكرة في سريري



وربـمـا تـجي صـورتك على التراب مطروح



______________________________



إتـقـدم الـعـلـم والإعــلام بيغطي



وحـكـومتي باعته رسايل خزيها بخطي



مـجـبـور أوطـي مـعاها لما بتوطي



الفرق ما بيننا لا ليك جورنان ولا حكومة



ولا مين يقولك أقف ولا مين يقول خطِّي



_____________________________



اخوه صحيح إنما في المؤتمر والصوت



لكن سامحني بقى أنا ماليش في الموت



حـلـوة حـياتي كدا وأنا حاببها موت



كـفـايـة أكتب قصيدة شعر آخر الليل



وأبـتـديـها بـفلسطين وأنتهي ببيروت



______________________________




يـا مـنتظرني الحقيقة أنا اللي منتظرك



وإلا تـعـال أبـرر عـذري مع عذرك



أنا ثورتي لفظ ..كلمة..حلم..لا هو فكرك



لو كنت قــادر أبيع عمري عشان بكرة



كـان ليه سكت انتظر لـما تبيع عمرك؟



_______________________________



ويــا ابني صحيتنا ليه؟صدقنا ما نسينا



صـدقـنا مراكبنا ما رست في مراسينا



ونـسـينا جرح الجولان والدم في سينا



جاي تبتدي القصة مالأول تقول اصحوا!



وانت مـفـروض تكون أول قتيل فينا؟






ينام العالمالعربي




ليلاتي … زي ما بينام




بعواجيزه … بفتيانه



بأطفاله … بشبانه

قراالجورنال






وملا سيارته بالبنزين



وشاف النشرة بعد الظهر

وقال فيالانتفاضة كلام







وحياها



وبعدين … نام




***







نزل عمل الشوبنج



وفات على شركة الفيديو



وغير شنطة الأفلام




لبس وقلع لبس وقلع



وليف نفسه في الحمام




وحط الفوم



وقام للنوم



يكمل متعته أحلام




ونام العالم العربي ليلاتي زي ما بينام




وطول الليل



صحيتوا إنتوا




ولا بتوا ولا نمتوا




تلموا الجمر من تحت التراب والثلج



تضموا الجمر … وتحّتوا




بدت بحجارة



وانتهت الحجارة بنار




بدت أفراد



بقالها لجان يمين ويسار




بدت لكن… أهي فلسطين




بحور الناس موجات موجات




بتزحف عالعدو بقوة



كانوا عشرات




بقوا ميات




بقوا ألفات




هتاف واحد بدل هتافات




بدن واحد بل بدنات




علم واحد … عليه إشارات




علم مظلوم



وجاله يوم



يرفرف توبه في السموات




وله ضحكات




وله همسات




وله صيحات




بيتقدم خطى الزاحفين




وبينادي: أنا فلسطين



أنا فلسطين



أنا فلسطين




ظلمتوني وأديني … النضال ديني




وصوتي ما زال



ولوني ما زال



ورقصي ما زال




فلسطيني



فلسطيني



فلسطيني




ميعادنا في التاريخ قدام




ونام العالم العربي



ليلاتي زي ما بينام







***







ودي الليلة




سهرنا نغني بطولاتكم




ونشرب كاس في صحتكم




وكاس ورا كاس



في صحة أحلى وأجدع ناس




قزازة تؤدي لقزازة




وحيينا البنات … والصبر



وحيينا الشباب … والقبر




فلسطين خضرا جوه الخمر




أغرودة



زغرودة



وموجودة




وعلى الخارطة ما هياش سودا




ما هياش محتلة ولا حاجة




بتتكلم فلسطيني




وما فيهاش أي صهيوني




فيها انتوا بمبانيكم



بأغانيكم




بإصراركم وأفكاركم



وبكباركم وبصغاركم




شربنا في صحة الثورة



في صحة كل من بيجسد الفكرة




وقمنا نمنا



منتظرين نقوم بكرة







***







في دي الليلة أنا نايم



وصاحي عدوي




يدفن في الشباب الحي




ببلدوزرات



بطيارات




نزل واحد على سريري وأنا نايم




جيت قايم



وأنا مفزوع




أحاول أبعد الجثة




أشيل الدم من الفرشة




ألّم ذراع كان منزوع




وناشف



إنما … مرفوع




بيهتف لسه رغم الموت



يصحي القصة في سريري




يشيل الحلم من راسي



لقيت الريق مش مبلوع




وماليش صوت



أو بانطق بصوت غيري




وقمت …



جريت للشارع




رميت نفسي في وسط عباد




وناقشنا حكاية دفنكم احياء




وقلنا: يسقط الأعداء




وهددنا الصهاينة هناك




بميت قبضة في وش الجو




وحييناك … وهاجمنا عدو السو







لكن لما شعرت بجوع



أنا حودت عالحاتي




طلبت كباب



معاه … بيرة




أنا أصلي بأحب اللحم … والبيرة




لقيت قلب الطبق



مكتوب عليه (بيت لحم)




وعلى البيرة



مكتوب (البيرة)




سكرت … وطفت



بين الصحيان والوهم




لقيتني في يافا



وفي حيفا




وفي نابلس وفي الناصرة



وفي بيت لحم وفي غزة




وقشعر جسمي



ساعة الحزن ليه هزة




خفت … وقمت



هربت أوام




لقيت نفسي في قلب البيت



لقيت الفرش من غير دم




عرفت أنام




أنام




والعالم العربي




سبقني ونام







***







يا خيي إنت وحداني



أنا صاحبك في جورناني




ساعة ما يذبحوك أصرخ



وأتلوى في أحزاني




لكن عمري ما مديت يد



أحوش باليد مدة يد




أنا موهبتي في لساني



ومش موهوب في شيء تاني




ولا مقاتل



ولا محارب



ولا مودي



ولا جايب




حبيبك … إنما شفوي وقلباوي




لكن لا طبيب ولا مداوي




ولا بأعرف أخوض الموت … ولا ناوي




أنا في كل ده خايب




ومش ظهرك



ومش سندك



ومش بلدك



ومش بلدك




وبأستغرب على جلَدك




فلو حتحس لخيك يوم



حتنادي




تلاقيني في عز النوم




أنا والعالم العربي




ليلاتي




زي ما بننام....



__________________

waka
15-02-2009, 08:08 PM
انا احبك علي الاختيار احمد فؤاد نجم شاعر كويس جداااااااااااااااااااااااااااااااااااااااااااااااا ااااااااااااااااا

شكرااااااااااااااااااااااااااااااااااااااااااااااا اااااااااااااااااااااااااااا وكمان هو حلو لانه اهلوي زي

waka
15-02-2009, 08:11 PM
شكراااااااااااااااااااااااااااااااااااااااا جزيلا شعر جميل بس ممكن الاهتمام بنزار قباني اكتر
وخصوصا الشعر السياسي وكمان عنتره حافظ ابراهيم

امانى احمد
15-02-2009, 10:03 PM
شكرا جزيلا لك فامبير على ردك الذى اسعدنى كثيرا

امانى احمد
15-02-2009, 10:05 PM
شكرا لك وليد على ردك ونعدك بالمزيد عمن تريد انشاء الله

vampire20
20-02-2009, 09:15 PM
شكرا علي الموضوع ونطلب المزيد
http://up.arabseyes.com/gif/Ivk14756.gif

a7med 7elmy
01-03-2009, 08:17 PM
مجهود غير عادى يا استاذه امانى
بجد موضوع فى منتهى الروعه
تسلم الايادى

امانى احمد
04-03-2009, 11:56 PM
شكرا لك استاذ احمد على مرورك الذى اسعدنى كثيرا

حقوق المنصورة
08-03-2009, 05:22 AM
مع انى بحب احمد فؤاد نجم
بس فى اراء ليه مش بتعجبنى
طيب اسمعوا دى اخر رأى له بيقول :_
اناشد وزير الثقافة بانشاء نقابة للراقصات
لان الرقص الشرقى فن مصرى اصيل.....
طيب ده كلام يا شباب؟؟؟؟

la roze
11-03-2009, 11:41 PM
الف شكر يا طالب يا جديد على النبذة الجميله دى الاستاذ احمد فؤاد نجم فعلا من الشعراء اللى تفخر مصر انه فيها

la roze
11-03-2009, 11:58 PM
ايه يا امانى الشغل الجامد دة بجد امتعتيناااااااااااااااااااااااااااااااااااااااا الله يا جاهين بجد ربنا يبسطك زى ما اسعدتينا بالرباعيات الهايله دى شوف الربا عيات دى وقوليلى ايه رايك ماشى هستنى الرد اوك



شافنى باعشق التراب والنهر وافخر بالهرم
م الطفوله للشباب والنضج حتى للهرم
مع انى مش ابن الذوات ولا منصبى كان محترم
بصيت لاقيته ف الطابور قدامى بيحيى العلم




قالو زمان ف الغنا القلب ولا العين
هما السبب ف الهوى ولا بيجى منين
غنوها اهل البلدوانالسه ابن يومين
فزورةماعرفتها وانا حتى فالثلاثين



لو تسمحى يا بلد ممكن دقبقه عتاب
ليه ليه كل مفاتنك فرجه لعين اغراب
وابنى لو يوم حلم بيومين يصيفهم
بتضربيه بالقلم وبتلبسيله نقاب



ها ايه الاخبار على فكرة الؤباعيات دى مش
ليا دى بتاعت شلعرة اسمها امل البرمبالى

امانى احمد
12-03-2009, 04:03 AM
ما اروع اضافتك يا سالى
شكرا جزيلا على اضافتك المتميزة

la roze
12-03-2009, 01:34 PM
ربنا يخليك يا امانى دة من ذوقك

امانى احمد
14-03-2009, 02:34 AM
انت الاحسن يا سالى ويارب دايما تحققى اللى تتمنيه

الزغبى الزعيم
05-04-2009, 02:26 AM
بسم الله الرحمن الرحيم




اليويو

يا واد يا يويو
يا مبرراتي
يا جبنه حادقة على فول حراتي
أستك لسانك
فارد ولامم
حسب الابيج
يا مهلباتي

يا واد يا يويو يا مهلبية
فوق الصواني
سايحه وطريه
فى كل جلسه تلبس قضيه
وتخيل عليها
يا مشخصاتي
حسب الوظيفة
وأنت وشطارتك
تظهر حلاوتك
تظهر مرارتك
لو خفضوك ترفع حرارتك
لو صعدوك
تقلب جيلاني

وبالمناسبة
وأنت اللى أدرى
كان لك تحفظ على المبادرة
ليه النهاردة بترش بودره
يا بن الأبالسه
يا ملطفاتي
وفى النهاية
لك عندى كلمة
آخر طريقك زحل وضلمه
حيث ان آخر القرع ضلمه
يا إما كفته
عند العجاتى


http://www.klamaraby.com/designs/cyborg/fasl02.gif

لا اله الا انت سبحانك اني كنت من الظالمين


http://www.klamaraby.com/upload/files/6vlrc5m2ia5q04b0zr.gif

الزغبى الزعيم
05-04-2009, 03:40 PM
الحمدلله والصلاة والسلام على رسول الله وعلى آله وصحبه أجمعين

samar_elhady
06-04-2009, 01:53 AM
هههههههههه جميله بجد رائع احمد فؤاد نجم وكلماته بسيطه ومعبره جدا
جزاك الله خيرا

يحيى خلف
06-04-2009, 04:03 AM
السلام عليكم
أولا برحب بالعضو الجديد
ثانيا أنا عندي موضوع مثبت للشاعر أحمد فؤاد فلو سمحتلي أنا كدا عندي موضوع مكرر و حسب قانون المنتدى أنا ها أدمج الموضوع مع مثله
ولك جزيل الشكر

دريم
11-04-2009, 11:08 PM
tjaaaaaaaaaaaaaaaaaaaaaaaaaaaaaaaaaanks

افوكاتو مصرى
05-06-2009, 09:26 PM
بجد احسنت فى اختيار الشاعر المفضل
واسمحلى ان اضيف للموضوع قصيدة من ضمن القصائد اللى بحبها ليه واللى من انجح قصائده
وان شاء الله اضيفهم هما كمان


قصيدة "الممنوعات" لأحمد فؤاد نجم

ممنوع من السفر
ممنوع من الغنا
ممنوع من الكلام
ممنوع من إلاشتياق
ممنوع من إلاستياء
ممنوع من إلابتسام
وكل يوم فى حبك
تزيد الممنوعات
وكل يوم باحبك
أكتر من اللى فات
حبيبتي يا سفينه
متشوقه وسجينه
مخبر فى كل عقده
عسكر فى كل مينا
يمنعني لو أغير
عليكي أو أطير
إليكي واستجير
بحضنك
أو أنام
فى حجرك الوسيع
وقلبك ألربيع
أعود كما الرضيع
بحرقه الفطام
حبيبتي يا مدينه
متزوقه وحزينه
فى كل حاره حسره
وف كل قصر زينه
ممنوع من إني أصبح
بعشقك .. أو أبات
ممنوع من المناقشه
ممنوع من السكات
وكل يوم فى حبك
تزيد الممنوعات
وكل يوم باحبك
أكتر من اللى فات

مهندس احمد
22-07-2009, 05:12 AM
يا حزين يا قمقم تحت بحر الضياع

حزين أنا زيك و إيه مستطاع

الحزن ما بقالهوش جلال يا جدع

الحزن زي البرد ... زي الصداع

عجبي !!!! كلمات جميلة آى نعم توحى بالحزن الا انها جميلة , بتعبر عن حالنا :!! لكن بجد جميلة
وكمان مشاركاتك يااستاذة امانى اجمل وكلها هدافة وبتوجهنا لبصيص من الامل مش بعيد ولا حاجة الا انه طالب مننا التحرك نحوه زادك الله علما ونفعك ونفع بك وسدد خطاك وهداك الى صراطه المستقيم

يحيى خلف
23-07-2009, 11:45 AM
ثوار بلا أرض .. زي السيف من غير يد



ثوار بلا أرض .. غربة .. لا يحدها حد



ثوار بلا أرض .. موت .. والموت ما يسأل حد



بنسأل سرقة من الأعداء وم الإخوة



ولو اتقتلت اوعى تسأل :مت بأنهي يد؟



***********************



موت الفلسطيني حق .. يا أُمة لا تسألي



وإلافين فين حق دم صديقنا ناجي العلي



أهو دا اللي مقتول بإيد الليل لما خلي



أنا اللي قاتله بإيدي وأدي نقطة دم



يا عم .. سيب البلا .. يونس المبتلي



*************************



ورغ كل الحصار علينا كلمتها



ما قدرش أقول اننا ردينا غربتها



فإذا كان فيه هناك بذرة أنا اللي منبتها



الدم عمره ما غاب تحت الهوا والشمس



ومع الندى والمطر نبِت في تربتها



***************************



كل القوى كلها من خارجي لداخلي



حمت اللي سارق بلادي بجوها الساحلي



ساب ألف ألف وطن ووطني في عينيه حلي



كل القوى أما أخواتي"لاد يعقوب"



شدوا وثاق الوطن وعجزوا كاهلي



**************************



عاري اليدين والقدم واقف لأعدائكم



هو النهاردة هنا بكرة تلاقوه جالكم



فهل تخرج تواجه زيي أطفالكم



ولا سواقي النضال وقفت وماءها جفت



بحب حالي في يوم ما بشوف أحوالكم



***********************



وساوموا بيا يا تجار السلام ساوموا



أنا الفتى الحر إللي علته قومه



قومي اللي يوم ما أناديهم يطرشوا ويعموا



وحنطلعوا احنا اللي فرطنا في أراضينا



وحاتطلعوا انتوا اللي يومها كنتوا بتقامروا



******************



ورحلتك في الخطى والدم والمبدأ



رحلة تقيلة الهموم أغلبها يتصدق



بانت طليعت العرب يا خمسة يا ستين



الحلم .. باين عليه فعلا.. حيتحقق



******************



في السكة ماتوا الرفقة اتنين وتلاتة



مية في مية وألف في ألف في تلاتة



وأما زحمتوا المدن عاملوكوا بغتاته



وضاق عليكوا الوطن وهو ضاق بيكم



دبحكوا تحت النهار بحقد وشماته



*****************



إيه يعمل الحزن لما الباع يكون قاصر



دماكو تصرخ ولا منجد ولا مناصر



واللي عمي فينا هوه اللي بيتحاصر



م الدم للدم بعد الدم دم ودم



في الدم لما عللي غرق الزعيم ناصر



********************



اتقسموا فرقتين والفرقتين مساكين



بطلت احارب في طول ماهم متحاربين



نصي الشمال كل ليل ياكل في نصي اليمين



وكل علم مذبحة إيه تعمل الأناشيد؟



وكل عام نزحفوا للي قدل طايعين؟



*********************



قالوا : الدما للوطن هوه الضيا للكرب



وانت رحيل من رحيل وحرب تولد حرب



احنا انتصرنا وساعدنا عليك الرب



تزعج كراسي العروش وتعلم الثورة ؟



ادي اسرائيل وانت منفى هناك في أخر الغرب



*********************



سابوك تحب السفيرة عزيزة يا يونس



تاخد على المرقده تحت الخضرة في تونس



تونس جميلة قوي وفي الونس توننس



في الغرب أغرب وخد وياك فلسطينك



في بحرنا العربي تاني الحوت بلع يونس



**********************



آدي بلاد العرب قوللي فاضلك مين ؟



وف يوم ما غادرت بيروت قوللي طردك مين؟



على المواني انتظرناك والسفن مارين



لوحتوا لينا ولوحنالكوا وسألنا:



ليه احنا وانتوا بنضحك يومها مش عارفين؟

امانى احمد
24-07-2009, 05:07 PM
الامل موجود فى كل وقت وحين ويجب ان يتحلى به كل انسان حتى يستطيع ان يعيش فالحياة بدون امل كالجسد بلا روح
شكرا لك يا احمد على رايك واتمنى ان يكون نال اعجابك

يحيى خلف
08-08-2009, 11:08 AM
منعا لتكرار المواضيع
فالموضوع كان مثبت لفترة كبيرة جدا
وشكرا

الضوء المشرق
13-09-2009, 06:31 PM
الله عليك يا صلاح يا جاهين.والله عليكى يا امانى بجد امتعتينا.

reem_19
30-09-2009, 09:49 AM
ولدى نصحتك لما صوت اتَنَبح
ما تخافش من جِنِّى ولا من شَبَح
وإن هبّ فيك عفريت قتيل إسأَله
ما دافعش ليه عن نفسه يوم ما اندبح ؟
عجبى !!

العباره دى جميله عجبتنى يوم م الفنان نور الشريف ذكرها فى مسلسل متخافوش

تسلمى

محمد عمر
01-10-2009, 09:15 AM
طبعا رباعيات صلاح جاهين روعة

تسلم ايدك

امانى احمد
03-10-2009, 12:17 AM
شكرا لك يا ضوء مشرق على اهتمامك بالرد على الموضوع ومرورك عليه

امانى احمد
03-10-2009, 12:19 AM
شكرا جزيلا على مرورك يا ريم

امانى احمد
03-10-2009, 12:21 AM
تسلملى
شكرا لك يا زبادى على اهتمامك بالرد على الموضوع

يحيى خلف
10-11-2009, 05:25 AM
الشاعر الكبير عبدالرحمن الأبنودى يكتب : مواويل وتناتيش للذكرى .. جمال عبدالناصر

٩/ ١١/ ٢٠٠٩http://ggmedia.gazayerli.net/photo.aspx?ID=105695&ImageWidth=240 (http://www.almasry-alyoum.com/popimage.aspx?ImageID=105695)عبد الناصر

المواويل
أنا باشكر اللى خلق لى الصوت وأوصانى
أقول كلام حُرّ.. مايقبلْش لون تانى
مااسكتش ع الضِّيم واهشّ الغيم بقولة «آه»
وإن سرقوا صوتى.. بينسوا ياخدوا قولة «آه»
فى الفرْح فى الجرح إيه حيلتى إلاّ قولِة «آه»
يحميك يا ولدى وكنت اسكت وتتكلم
يحميك يا ولدى واكون مجروح وتتألم
ياما حرسْت النهار.. آدى النهار.. ضلِّم
وإن شفت جرح الوطن جوّه الفؤاد علم
تقول كلام.. ياسلام.. يحيينى من تانى!!
■ ■ ■
أنا كان لى ورْدات عجب.. كبّرتها بايدى
أسقيها بالدمع بالدم اللى فى وريدى
جانى غشيم القدم وداس على ورودى
أخدم جناينى فى بستانى يا ناس إزاى؟
وإن نمت ناسى باقوم فاكر يا ناس إزاى؟
مين مرّر الشاى فى شفايفى وبكى الناى؟
ياليل يابو الهمّ.. تحتك دم.. ما تحاسب
وقوللّى إمتى يا ليل.. وفين حنتحاسب؟
إزاى بلادى تبات ليلة مع الغاصب
وإزاى يدوس وردها.. واقولّه: «ياسيدى؟!
■ ■ ■
مدّ الأمل سِكِّتُه.. وقالِّنا: «سيروا
نصيبكو حيصيبكوا تمشوا والاَّ حتطيروا
عيشوا النهارده الزمن.. بكره زمن غيره
آدى أول السكة صوت الضحكة بيلالى
والشمس أمشيلها ألاقيها اللى ما شيالى
ولا حدّ يقدر يعكّر قلبنا الخالى
لكن ومين بكرة يعرف إحنا فين فيها؟
هيه حتدينا والا احنا حندّيها؟
وإيه نصيبنا من الأيام ولياليها؟
غاب الزمن فى الزمن.. واحنا بِلا عزوة
ولا نملك الا نماشى السكة ونسيروا»!!
■ ■ ■
ويا مصْر وان خيّرونى ما اسكن الاَّكى
ولاجْل تتبِّسمى.. يا ما بابات باكى
تسقينى كاس المرار.. وبرضُه باهواكى
بلدى ومالى الّا إنتى ولو ظلمتينى..
مقبولة منِّك جراح قلبى وْدموع عينى
الجرح يشْفَى إذا بإيدك لمستينى..
كلّك حلاوَة.. وكلمة «مصر».. أحلاكى!!
■ ■ ■
التّناتيش
من يمدحُه يطلع خاسر
ويشبَّروله.. أيامه
يعيش جمال عبدالناصر
يعيش بصوته وأحلامه فى قلوب شعوب عبدالناصر
■ ■ ■
مش ناصرى ولا كنت ف يوم
بالذات فى زمنه وف حينه
لكن العفن وفساد القوم
نسّانى حتى زنازينه.. فى سجون عبدالناصر
■ ■ ■
إزاى ينسّينا الحاضر..
طعم الأصالة اللى فى صوته؟
يعيش جمال عبدالناصر
يعيش جمال حتى ف موتُه ما هو مات وعاش عبدالناصر!!
■ ■ ■
إسمه جمال وجميل فعلاً
ياما شفنا شجعان خوّافه
عظيم.. وكان إنسان طبعاً
المجد مش شغل صحافة علشان ده عاش عبدالناصر
■ ■ ■
أعداؤه كرهوه ودى نعمة
مِن كرهُه أعداؤه صادق
فى قلبه كان حاضن أمَّه
ضمير وهمَّة ومبادئ ساكنين فى صوت عبدالناصر
■ ■ ■
ملامحنا.. رجعت بعد غياب
دلوقت بس اللى فهمناه
لا كان حرامى ولا كداب
ولا نهبها مع اللى معاه أنا باحكى عن عبدالناصر
■ ■ ■
عشنا الحياة ويّاه كالحلم
فلا فساد ولا رهن بلاد
يومها انتشينا ثقافة وعلم
وف زمنه ماعشناش آحاد كنا جموع فى زمن ناصر
■ ■ ■
كان الأمل فى خُضرِتُه بِكْر
مافيش لصوص للقوت والمال
ومصر أبطال ورجال فكر
ومثقفين ستات ورجِال جيوش جمال عبدالناصر
■ ■ ■
كان الهلال فى قلبه صليب
ولا شفنا حزازات فى بلادنا
ولا شُفنا ديب بيطارد ديب
ولا جرَس خاصم مادنة وَحَّدْنا صُوت عبدالناصر
■ ■ ■
دفعنا تمن الحريّة
بدمّ مش بدينار ودولار
يوم وقفته فى «المنشيّة»
خلّى الرصاص يهرب من عار أعداء جمال عبدالناصر
■ ■ ■
رغم الحصار كنا أحرار
وفى الهزيمة الشعب ماجعْش
كان اسمها «بلد الثوار»
وقرار زعيمها مابيرجعْش قرار جمال عبدالناصر
■ ■ ■
خلَّى بلادُه.. أعزّ بلاد
ليها احترام فى الكون مخصوص
لا شفنا وسط رجالُه فساد
ولا خطط سمسرة ولصوص كان الجميع عبدالناصر
■ ■ ■
لولاه ماكنتوا اتعلمتوا
ولا بقيتوا «دراكولا»
ياللى انتو زعما وإنجازكو
دخّلتوا مصر الكوكاكولا وبتشتموا ف عبدالناصر
■ ■ ■
عمره ما جاع فى زمانه فقير
أو مالتقاش دوا للعِلّة
دلوقت لعبةْ «اخطف طير»
والأمة فى خِدْمةْ شِلَّة تكره جمال عبدالناصر
■ ■ ■
يتّريقوا على طوابيرُه
علشان فراخ الجمعية
شوفوا غيره دلوقت وخيرُه
حتى الرغيف بقى أمنيّة يرحم جمال عبدالناصر!!
■ ■ ■
فيه ناس بتنهب وتسوِّف
لا يهمّها من عاش أو مات
ورضا العدو عنّا يخِوِّف
معناه أكيد إننا قَفَوات من يوم مامات عبدالناصر!!
■ ■ ■
الأرض رجْعت للإقطاع
وقالوا: «رجعت لصْحابها»
وصاحبَك الفلاح تانى ضاع
ضاعْت العقود واللى كتبها وخط إيد عبدالناصر!
■ ■ ■
أنا أذكُرك من غير ذكرى
والناس بتفتكرك بخشوع
الأمس واليوم ده وبكره
يبكوك بعظمة مش بدموع يكفَى نقول: «عبدالناصر»
■ ■ ■
دلوقت رجعوا الفقرا خلاص
سكنوا جحورهم من تانى
رحل معاك زمن الإخلاص
وِجِهْ زمن غير إنسانى ماهوش زمن عبدالناصر!!
■ ■ ■
صحينا على زمن الألغاز
يحكمنا فيه «أهل الأعمال»
وللعدو.. صدّرنا الغاز
بفرحة وبكل استهبال نكاية فى عبدالناصر!
■ ■ ■
بنمدها بغاز الأجيال
تحويشةِ الزمن القادم
إتوحَّشوا فْ جمع الأموال
ورجعْنا سادة.. وخوادم ضد اتجاه عبدالناصر
■ ■ ■
يا جمال.. نجيب زيك من فين
يا نار.. يا ثورة.. يا ندهِةْ ناى..
البوسطجى.. إللى اسمه «حسين»
- أبوك - منين جابك؟ وإزاى.. عمل جمال عبدالناصر؟!
■ ■ ■
لو حاكتبك.. ما تساع أقلام
ولا كلام غالى وأوراق
الأمر وما فيه.. أنا مشتاق
فقُلتْ امسِّى عليك وأنام نومةْ جمال عبدالناصر!!
الشاعر العبقري
عبد الرحمن الأبنودي

Sorrow Bird
27-11-2009, 01:02 PM
كلام جميل لا يعلى عليه
تسلم ايدك

امانى احمد
27-11-2009, 08:28 PM
شكرا جزيلا لك يا سرو بيرد

The Gladiator
29-11-2009, 03:53 PM
موضوع رائع وصلاح جاهين اروع بجد

يحيى خلف
05-12-2009, 08:13 AM
التعريف بالشاعر:-
* الشاعر مصباح المهدي تقي الدين
*عضو اتحاد كتاب مصر
*رئيس نادي أدب المنصورة
*عضو مؤسس في صالون القرضا الثقافي
*نشر العديد من القصائد في الصحف المصرية والمجلات الأدبية العربية والمصرية
*شارك في العديد من المؤتمرات الأدبية
*صدر له :-
الموت على مهل فصحى 98
وريد مفتوح على الدفتر عامية 2001
على يد محضر 2005
شجر للعياط عامية اصدار صالون القرضا الثقافي
وإيه تاني 2007 عامية


وقد أعجبني وأبدأ بها قصيدة طلاق من ديوان وإيه تاني والذي سنعرضه عليكم فيما بعد


قصيدة طلاق
على دماغي دقي
وجوايا شقي
وهاتي اللي عندك
أنا لوحدي جيش
أنا مرمى نارك
هدف لإنفجارك
ما تتردديش
أنا طرح ليلك
عليا إني أشيلك
وأجيلك محمل
وافرغني كلي
وأقولك
ها أكمل
عليهم
معاهم ..
معاهم
عليا
عليا إني أسبح بحمدك وأصلي
وأخللي اللي فاضل من الراس يولي
وأقولك
حبيبتي!!
وأخاف إني أصدق
تقصدق عينيكي
وتطلبني راكع أنا بين إيديكي
معايا اللي يثبت سلامة ضلوعي
وسلامة لساني
وإمكاني إني أخلف مكاني
وأجيبلك ولاد
ولاد شكل أبوهم
يتوهم..
ويلعن زمانهم أبوهم
عليا إني أفكروأقدم حلول
وأكون مرة بلبل
وأكون مرة غول
تنامي وأنا أسهر
وأقول إني نايم
أرش النسايم وأقدم ندور
وأشرق .. وأغرب
وأقرب .. وأدور
وأولع في مولد جمالك بخور
عليا إني ألضم حكاية فحكاية
وأقول
إنتي أحلى
وأقول
أنتي أية!
وأول كلامي
وأخر كلامي
" أن الحمد لله"
خلاني أحبك
ومن غير تردد
أقولك
بحبك
أقولك كمان
على دماغي دقي
الشاعر الكبير
مصباح المهدي

يحيى خلف
05-12-2009, 08:25 AM
نهارك سعيد
كل عام وانت راجل
ما فيش منه خوف
منتح
مصلح قفاك للظروف
مسبح بحمد الحرامي
اللي حامي النعاج والخروف
تعدي عليك المحن وانت طيب
قريب ها تشرب لبن في الفطار
وطبعا ها تلقى الغدا والفطار
وتلقى ف جيوبك مصاريف نهار
وتلقى الجدار اللي تسند عليه
وتلقى الحبيب اللي مادد ايديه
وتسكر بضحكة عينيه
مش هزار


لعيد الضحية
هدوم العيال الجداد والضحية
اللي عايز يجيب لحم عيد الضحية
الضحية
الضحية
الضحية
الخروف
**************
كل عام وانت راجل
ما فيش منه خوف
كل عام وانت راجل شديد البرائة
مطلع بطاقة لمواطن سليم
سليم يعني أطرش
وأعمى
وطناني
وساكت عن الحق
حافظ أغاني العبور
واللي بعد العبورمن أغاني

كل عام وأنت راجل
ما فيش منه خوف
الشاعر الكبير
مصباح المهدي

elsayed reda
05-12-2009, 08:09 PM
اللة عليك يايحيي

موضوع مميز فعلا

تسلم ايدك

تقبل مروري واجمل تحياتي

امانى احمد
06-12-2009, 12:40 AM
انت الاروع شكرا لك على ردك

rasha badawy
06-12-2009, 05:57 PM
الشاعر مصباح من احسن الشعراء اللى سمعتلهم وشوفته فى اكتر من لقاء واسلوبه فى الالقاء اكثر من رائع وبجد كلماته جميله اوى اوى اوى وتخلى كل واحد فينا يقشعر بدنه من كلماته والقائه ..بس المهم نفهمها ونعمل بيها

وشكرا على مجهودك يااستاذ يحيى

يحيى خلف
07-12-2009, 03:47 AM
نهد الدوور


كذا وعشرين ملك عربي
في كذا وعشرين سنا استبداد
يكون الناتج الفعلي سقووط بغداد
نهد الدور!
كمان فلاح وميت تاجر
وواحد بس يستنى الإيراد كله



تعال اشرب معايا الشاي
بتستغرب!
لا أنا زارع ولا قالع
ولا خالع ولا مخلوع
أنا الممنوع من الحركة
تحب نخش في الموضوع
" أنا المصري كريم العنصرين"
سامع وعامل نفسي مش سامع
وعاملها على روحي
من الدوشة اللي في وداني
وخايف أدخل الجامع يبان شكلي
ومن شكلي يبان إيه انقطع فيا
ومين قطع حبال الوصل
بين الله وبين روحي
وبيني وبيني قام هوه
وليه كام ليه؟!
دخل جلدي اللي مش انسان
حسب عرض وطلب سوقه
وليه سوؤه ما فيش له باب
يفوت منه على التوبة أو العصيان



_ تحب أرصلك دخان؟
منين أدفع ثمن فوت العجل فوقي؟!!
ولو أدفع منين أدفع تمن صوتي
اللي قالوا اطلع
طلع صوتي
لحد السلمة العشرين من السرداب
ما حصل باب



ياريتك تقفل الطابق



معايا بلاطة وياك كام؟!
دبش .. درجي ..وشيش البيش
يا قوة سيدي مدبولي!
تروح بامية والواحد


تحب نمدها خمسين


منين الجر ؟
ع المكشوف




ومن الهم اندفع للخوف فواتيره
وجا دورك أشيل همك
وهم اللي ما شال همك
وأحول لك حطب دمي
على نمرة حساب دمك
وأعبيني من الغربال
تفوتي اخرام بشرياني
وأجيلك ناي
أغنيلك
وأقوم ليلك نهار ليلك
ومن دمع الإسى المالح
يفيض نيلك
أنا الأرجوز
وأنا المسرح
وأنا _ ابن ال........_
كبش الفدية في اللمدبح
ووقت الجد قلبي مخزن الديناميت




تسع بفات في دور واحد!!!!!
يا راجل !! وحد الواحد



كمان فلاح وميت تاجر
وواحد بس يستنى الإيراد كله
نهد الدوور!!؟؟
الشاعر الكبير
مصباح المهدي

يحيى خلف
09-12-2009, 04:11 AM
مولد سعيد
( قصائد )

( 1 )
مش ذنبهم
لو ياكلوا طقة...
ويجوعوا طقة
ولبسهم
في الصيف
بيفضل للشتا

( 2)
فيرس وبائي
كبد مين مش منتهي
على ناصية الشارع سلال
خد سلتك
حبة عيا
مع عجز جسدي
وفقر حال

(3)

مجني عليه
واخد بتاره من الجناه
ف اللي انظلم وياه وبات
مجني عليه

(4 )

مش ذنبها مرات الفقير
تسحب رصيدها من الجمال
صاحبة رصيد
من عطر غالى ومن حرير
وباتت سرير جنبها
راجل ومش حسة بأمان

( 5 )
مش محترم
يعني البعيد من غير رصيد
لو ييجي بعد الوقفة عيد
يهرب بجلده من العيال
وام العيال ما تصحيهوش
إلا فجنازة واحد مات
هنا بس يقدر يترسم
من غير ما حد يقوله
هات

( 6)

جوة القرافة بيتولد
ونقول عليه مولود سعيد
يتسمى عيد
يغرز ضوافر ايده ف تراب الإسى
يلبس قضية فقر أبوه....
الشاعر الكبير
مصباح المهدي

DEADLY
16-12-2009, 07:14 AM
مشكوره جدا يا امانى رباعيات صلاح جاهين غانيه عن التعريف وياسلام ام تسمعيها بصوت على الحجار بجد موضوع جميل شكرا ليكى.

hamadafahmy1
18-12-2009, 12:11 AM
مجهود اكثر من رائع
الف شكر

الطامعه بالفردوس
28-12-2009, 03:40 AM
http://forum.sedty.com/imagehosting/1228_1238580738.gif

امانى احمد
27-02-2010, 02:43 AM
شكرا جزيلا لكم جميعا على مروركم الكريم واتمنى ان اكون عند حسن ظنكم جميعا

قاضى الحق
27-02-2010, 03:47 AM
جميل جدا يا انسة أمانى

امانى احمد
27-02-2010, 01:00 PM
شكرا جزيلا لك يا حضرة القاضى
ولو ان انا مش انسة هههههههههههههههه

يحيى خلف
17-07-2010, 02:53 PM
العالم العربي .. خرس
فاتكلم الكونجرس
وأمر بقفل منظمة تحريرنا يا فلسطين
واللي وافق يتبسط
واللي معارض .. يتفرس


يا كونجرس
انت مريح
علشان صريح تعتز حتى بالعداء
وتكره السلم المزيف .. والغباء
وتمللي تحرج أصدقاءك ..ز
واللي حاطينك في خيرة الأصدقاء.

يا كونجرس
يا ذلك المبنى المهيب
يا ذلك الصوت المريب
يا ذلك الشيء الرهيب

عمرك ما كنت غريب ولا عجيب
ولا بتختفى خلف الكلام
ولا تحترس

صدقك فصيح .. و يندرس
واما نطقت بالقرار
العالم العربي خرس
أو ..
قال : باحس باالأسف لقرار أخونا الكونجرس
وادي أمريكا .. والعرب .. وأدي القرار
يابنى شيع الحجر..
بابني احرق الاطار
أول بداية الثورة يابن اللاجئين.
فات أربعين عام يا فتى ..
من يوم تمانية وأربعين.
اللى اتقتل واللي اتأسر
أكتر كتيرم اللي نجا
يسقط قانون البلطجة
الشمس ساطعه في الدجى
الدايرة دارت ..
ثورة ..ويسكتها مين؟
أيها القلب الحزين
افتح بيبانك للهوا
الدم رمز العاشقين
والدم للأمة دوا
ياما ترابك يا فلسطين ارتوى
دم القلوب العاطشانين
يا أماهتنا في المخيم ما تزغتوا
وقعوا النهاردة تمانية في عرض الطريق
شرب التراب وبل ريق..
وقف العدو مذهول يدور في عجب
عن السبب..
يسأل.. وأول مرة أشوف وش العدو
-ساعة سؤال _ فعلا بريء.


من كتر ما صدق سلاحه المفترس
من كتر ما صلى وراه الكونجرس
من كتر يا فلسطين في أرضك ما ورث

يعني بنفهم في الغضب
يعني ما متناش يا عرب
والصدق ممكن في قلوبنا يتغرس
حقيقتنا واضحة ..
نتنظر ونلتمس.

أيها الطفل العنيد
أيها البطل الجديد
خد الرصاصة واتقتل
خد السلاسل واتحبس
ودوس برجلك ع الصهاينة
والخيانة
والعمالة
والقرار
والكونجرس..

تم بحمد الله وفضله
في 21/8/1988 كما جاء في الاهداء
شكرا لكم وبارك الله فيكم
انتظروا العدد القادم للأبنودي