المساعد الشخصي الرقمي

مشاهدة النسخة كاملة : مفاجئة نظام الدبلومات الجديد في حقوق حلوان"الغاء الشفوي وجعل الدبلومة ترم..



a_eldbaa
27-03-2008, 11:06 PM
السلام عليكم جميعاااااا
بداية احب اهنيكم علي المنتدي الاكثر من رائع
وبصراحة انا بحسدكم علية وأتمنيت ان يكون عندنا حاجة علي المستوي دة,

حبيت تكون أول مشاركة ليا في المنتدي مفيدة وتتلخص في:

تم اعداد لأئحة جديدة فى جامعة حلوان لتطبق علي شؤن الدراسات العليا
علي مستوي كليات الجامعة تعتمد علي نظام الساعات المعتمدة ,
وبذلك تكون جامعة حلـــــــــــوان هي الرائدة علي مستوي الجامعات المصرية في تطبيق هذا النظام:clapping:.


ملامح النظام الجديد:

1\الغـــــــــاء الأمتحان الشفوي والأعتداد فقط بالأمتحان التحريري

2\جعل مواد الدبلوم ثماني مواد بدلا من خمسة مع اعمال نظام التيرم مثل باقي سنوات الليسانس

3\من يرسب في مادة "لا قدر الله" :secret:لا يرسب في باقي المواد بل يظل محتفظا بتقديرة في باقى المواد ويعيد الدبلوم في المواد التي رسب فيها فقط في العام المقبل اذا ما زادت هذة المواد عن مادتين,اما اذا رسب في مادتين او اقل فلة الحق في التقدم لأمتحان في شهر سبتمبر بمثابة دور ثاني وفقا لأخر التعديلات التي سوف تقرها"ان شاء الله "لجنة الدراسات العليا بالكلية

4\الغاء درجتي الرأفة لتصبح درجة النجاح 14 بدون رأفة

هذا هو النظام الجديد بة بعض المميزات وكذلك العيوب وهو خاضع للتطوير والتحسين ,
وقد تم بالفعل العمل بهذا النظام من بداية العام الدراسي2007\2008


لو اي حد عندو استفسار او سؤال يتفضل

احمد الضبع
معيد بقسم القانون الجنائي,
جامـــــــــعة حلــــــــــــــوان

yoya
28-03-2008, 12:46 AM
احب ارحب بحضرتك يا استاذ احمد فى منتدانا بالنيابه عنى وعن باقى الاعضاء هو فعلا نظام جيد ومميزاته اكتر من عيوبه ويا ريت الجامعات المصريه كلها تعمل بيه وليس جامعة حلوان فقط
السنه الماضيه سمعنا ان موضوع الطالب الذى يرسب فى ماده يمتحنها فقط فى دور سبتمر ولكن للاسف الشديد لم يطبق الى وقتنا الحالى يعنى ده كان ممكن يراف بنا
ونتمنى ان تكون دائما معنا وتشاركنا فى المنتدى

a_eldbaa
28-03-2008, 05:04 PM
بداية حابب اشكرك لأهتمامك

وبالنسبة لمسئلة دور سبتمبر , فهي في الأصل ماكانتش موجودة في اللأئحة , ولكن بعد ظهور نتيجة الترم الأول للدبلوم - ونسبة النجاح المتدنية - الناس حصروا مطالبهم في عمل دور ثاني في سبتمبر لأمتحان المادة اللي رسبو فيها,, وبالفعل استجابت ادارة الكلية للمطلب ورفعت الأمر للجامعة عشان يعدلو اللايحة الجديدة


بكرر لك شكري لمرورك واهتمامك.....

احــــــمد

عبير حمدي
14-04-2008, 02:27 PM
جميل جدا طبعا النظام ده لان حرام اكون جايبه تقديرات في 4 مواد مثلا ولاقد الله لا اوفق في ماده اعيد كل المواد ده ظلم وحصلي فعلا العام قبل الماضي في دبلوم الجنائي حصلت علي امتياز في مادتين وجيد في مادتين وجبت 8 في ماده طبعا دخلت تاني في كل المواد في ددور 10 وربنا وفقني الحمد الله والسنه دي في دبلوم العام وبتمني من الله ان الامور تمشي اهنئ جامعه حلوان اولا بالنظام الجديد ثانيا بأنصاتها لمطالب طلابها بشكل جيد وتحقيق رغبتهم

smsma.net
14-04-2008, 07:29 PM
والله شىء رائع جدا بصراحة ، يمكن الواحد يفكر يرجع يكمل تاني لان النظام الشفوى مرعب بصراحة وخصوصا بعد ما تكون نجحت فى التحريري ممكن ترجع للصفر بسبب الشفوى ونظام دور سبتمبر كويس جدا

والله يا عبير الله يكون في عونك النظام دة كان هيساعدك كان زمانك دكتوراة دلوقتي من بدري

ومرحبا بالاستاذ أحمد

didine
23-04-2008, 03:39 PM
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
كون الطالب يحتفظ بالمواد التي نجح فيها يعتبر عين العقل و هو نظام عادل ويجنب الطالب ضغوطات كبيرة هو في غنى عنها.
ااما اضافت 03 مواد اخرى فهو امر مرهق افضل تعويضه بفتح دبلومات اخرى احسن مثل قانون الاعمال...الخ
ومن اهم اجابياته الغاء الامتحان الشفوي لانه متعب جدا نفسيا.
لكم مني اجمل تحية

a_eldbaa
23-04-2008, 06:13 PM
سلاااااااااام عليكم جميعـــا
بداية بشكركم لمروركم بس كنت حابب اوضح حاجة:

يعني, الصورة مش وردي قوي زي ما باين لكم,, كفاية تعرفو ان في دبلوم العام في مادة القانون الدستوري 16 واحد بس اللي نجحو من 250,,,كارثة مش كدة
المشكلة ان من الناس اللي سقطت معيدين "لله الحمد مكنتش منهم" وأعضاء مجلس دولة وناس المفروض انها بتفهم,,,

الدكاترة عشان حست انها فقدت جزء من سلطتها بألغاء الشفوي
ف بيعوضو دة في التحريري...

عموما الله المستعان,,,

تحـــــــــــــــــــــــــــــــــياتي

الأمين العام
13-05-2008, 06:30 PM
سلاااااااااام عليكم جميعـــا
بداية بشكركم لمروركم بس كنت حابب اوضح حاجة:

يعني, الصورة مش وردي قوي زي ما باين لكم,, كفاية تعرفو ان في دبلوم العام في مادة القانون الدستوري 16 واحد بس اللي نجحو من 250,,,كارثة مش كدة
المشكلة ان من الناس اللي سقطت معيدين "لله الحمد مكنتش منهم" وأعضاء مجلس دولة وناس المفروض انها بتفهم,,,

الدكاترة عشان حست انها فقدت جزء من سلطتها بألغاء الشفوي
ف بيعوضو دة في التحريري...

عموما الله المستعان,,,

تحـــــــــــــــــــــــــــــــــياتي

السلام عليكم ورحمة الله وبركاته
أولاا أحب أسلم على الأستاذ /أحمدعبد الروؤف الأسم كدة صح.. أنت مستغرب طبعا أنا عرفت الأسم منين لكن أنا أولا زميلك من جامعة حلوان نفس دفعتك وثانيا أنا طالب بالدراسات العليا معاك فى نفس الدبلومة دبلوم القانون العام وللأسف كنت واحد من اللى رسبوا للأسف فى مادة القانون الدستورى
أحب أشكرك على الموضوع الجميل دة وأنا بجد مبسوط إنى لقيت حد من الجامعة معايا فى الدفعة وأتمنى مشاركتك بإستمرار
تقبل تحياتى .....

سميرمحمودعبدالجواد
10-06-2008, 11:28 AM
وعليكم السلام ورحمة الله وبركاته شـكــ وبارك الله فيك ـــرا لك ... لك مني أجمل تحية . كيف حالك إن شاء الله دائما بخير ؟ ألف مبروك .. لقد سعدت بهذا الخبر السلام عليكم ورحمة الله وبركاته

mr_lawer
11-06-2008, 12:59 AM
بداية فعلا تطبيق نظام انه اللى يرسب فى ماده يدخل دور تانى فيها بس ويحتفظ بالمواد اللى نجح فيها دا فعلا نظام عادل وممتاز . اما انك تلغى الشفوى فهذا من وجهة نظرى شىء غير جيد ، والا فماذا يكون الفرق بين الدراسات العليا والليسانس هيكون البحث فقط . انا اعلم ان الشفوى فى ظل النظام التعليمى الحالى القائم على التلقين والحفظ بمثابة عقبه امام الطلاب ، فكثيرا ما يتلعثم او ينسى الطالب الاجابه اثاء امتحان الشفوى وهذا حدث معى بالفعل لا انكر ذلك ولكن ليس الحل ان يلغى الشفوى ، من الممكن ان نقلل من درجاته او انه لايؤدى الى الرسوب او اى شىء من هذا القبيل .

اما النظام المفاجأه الذى تحدثت عنه فاعتقد انه نظام مكمل لنظام التلقين والحفظ - نظم القص واللصق - ولا يؤدى الى تخريج باحث .

ولتكن دعوه الى اعادة النظر فى نظام الدراسه بالدراسات العاليا

zazaa2005
11-06-2008, 06:30 AM
السلام عليكم ورحمة الله وبركاته
انا عضو جديد في المنتدي والسنة اللي جاية ان شاء الله ناوي اعمل دبلوم ،، انا راي نظام الشفوي احسن والا الواحد هايكون في امتحان عادي مش دراسات عليا،، خصوصا في مصر بنعتمد علي التلقين والحفظ ،، اعتقد ان النظام ده عيوبه اكتر من مميزاته

teetoo
13-08-2008, 08:55 PM
أستاذ أحمد أحب أن أحييك على هذا الموضوع ،، وأتمنى لك التوفيق فى حياتك العلمية ،، أنا كنت بس عاوز أسأل عن نظام الدكتوراه فى حقوق حلوان يا ريت تقولى لو عندك معلومات عنه ،، أنا معايا ماجستير ( دبلوم القانون الخاص + دبلوم القانون الجنائى ) من جامعة عين شمس وكمان الليسانس من جامعة عين شمس .

بس كنت عاوز أعرف شروط التقديم وهل فى إمتحان عشان تسجل رسالة ؟ والمصروفات ؟ ............ إلخ .

أشكرك مقدما وبالله التوفيق ....

a_eldbaa
22-08-2008, 08:58 AM
سلام عليكم جميعاااا

بداية بعتذر عن الأنقطاع

اخي العزيز د/Teto المعلومة الحاضرة عندي حاليا لسؤالك هي ان الأمتحان المطلوب هو TOEFL ب سكور 400 لوكال ,, ودي تقريبا الحاجة الوحيدة المطلوبة , وان شاء الله اول ما انزل الكلية اتأكدلك ,,


تحـــــــــــــــــــــــــياتي:)

semo
26-08-2008, 03:38 AM
السلام عليكم ورحمة الله وبركاته
تم تعديل لائحة كلية الحقوق جامعة الاسكندرية ليبدا تطبيق نظام الساعات المعتمدة بالدراسات العليا من العام الجامعى 2008/2009 واعتقد ان النظام سوف يعمم على جميع كليات الحقوق

موفق بإذن الله ... لك مني أجمل تحية .

a_eldbaa
31-08-2008, 08:24 PM
شبـــــــــــــــــــاب
كل عام وانتم بخير ورمضان كريم

امتــــــــــــــــــــــــــــــــــــــــــــداد لنفس الموضوع ,,, فية خبر شبة مؤكد بتطبيق نظام الساعات المعتمدة
في كلية الحقوق جامعة القاهرة وعين شمس ولكن بشكل مختلف عما طبقتة جامعة حلوان ربنا يعافيها:good:


1-خمس مواد شفوي وتحريري من غير تيرم
2-اللي يشيل مادة او اتنين بحد اقصي يعيدها في عشرة من غير ما يعيد الدبلومة كلها
3-طبعا درجات الرأفة لسة موجودة


مما سبق يتضح بجلاء ان نظام جامعة حلوان :secret::secret::secret:الأسواء,,,ولا عزاء للمعيدين..ماعلينا

رمضان كريم وكل عام وانتم بخير ,,,,,

تحيــــــــــــــــــاتي

a_eldbaa
31-08-2008, 08:53 PM
السلام عليكم ورحمة الله وبركاته
أولاا أحب أسلم على الأستاذ /أحمدعبد الروؤف الأسم كدة صح.. أنت مستغرب طبعا أنا عرفت الأسم منين لكن أنا أولا زميلك من جامعة حلوان نفس دفعتك وثانيا أنا طالب بالدراسات العليا معاك فى نفس الدبلومة دبلوم القانون العام وللأسف كنت واحد من اللى رسبوا للأسف فى مادة القانون الدستورى
أحب أشكرك على الموضوع الجميل دة وأنا بجد مبسوط إنى لقيت حد من الجامعة معايا فى الدفعة وأتمنى مشاركتك بإستمرار
تقبل تحياتى .....


سيادة الأمين العام ....تقبل اعتذاري لأنقطاعي عن المنتدي لفترة ,,,, بس رجعت ومعايا خبر ممكان يصالحك

ان شاء الله تعالي في مجلس الجامعة القادم تحديدا المنعقد غدا 31\8 سوف يتم تقرير عمل دور سبتمبر لمن رسب في مادة او مادتين بحد اقصي في الدراسات العليا...

يارب تكون من المستفيدين من التعديل دة

تقبل اعتذاري وتحيـــــــــــــــــــاتي...

a_eldbaa
31-08-2008, 09:03 PM
بداية فعلا تطبيق نظام انه اللى يرسب فى ماده يدخل دور تانى فيها بس ويحتفظ بالمواد اللى نجح فيها دا فعلا نظام عادل وممتاز . اما انك تلغى الشفوى فهذا من وجهة نظرى شىء غير جيد ، والا فماذا يكون الفرق بين الدراسات العليا والليسانس هيكون البحث فقط . انا اعلم ان الشفوى فى ظل النظام التعليمى الحالى القائم على التلقين والحفظ بمثابة عقبه امام الطلاب ، فكثيرا ما يتلعثم او ينسى الطالب الاجابه اثاء امتحان الشفوى وهذا حدث معى بالفعل لا انكر ذلك ولكن ليس الحل ان يلغى الشفوى ، من الممكن ان نقلل من درجاته او انه لايؤدى الى الرسوب او اى شىء من هذا القبيل .

اما النظام المفاجأه الذى تحدثت عنه فاعتقد انه نظام مكمل لنظام التلقين والحفظ - نظم القص واللصق - ولا يؤدى الى تخريج باحث .

ولتكن دعوه الى اعادة النظر فى نظام الدراسه بالدراسات العاليا


والله في ظل النظام التقليدي للدراسات العليا في كل جامعات مصر قبل العام الدراسي 2007/2008 , اعتقد ان حلوان عملت مفاجئة ,,اما راي حضرتك بأنة مممم "نظام مكمل لنظام التلقين والحفظ" صح كدة,,, ف دة وصف للعملية التعليمية في مصر بشكل عام واتمني من حضرتك لما تمسك مكان الدكتور هاني هلال انك تغيرة ,, ولكن تظل حلوان مفاجئة وبارقة امل وتغير.... اما قصة انك تخلي الشفوي من غير درجات او تقللها فكلنا عارفين ان المادة اللي من غير درجات ملهاش قيمة والطالب لا يهتم بها.

تحياتي

mr_lawer
01-09-2008, 12:31 AM
والله في ظل النظام التقليدي للدراسات العليا في كل جامعات مصر قبل العام الدراسي 2007/2008 , اعتقد ان حلوان عملت مفاجئة ,,اما راي حضرتك بأنة مممم "نظام مكمل لنظام التلقين والحفظ" صح كدة,,, ف دة وصف للعملية التعليمية في مصر بشكل عام واتمني من حضرتك لما تمسك مكان الدكتور هاني هلال انك تغيرة ,, ولكن تظل حلوان مفاجئة وبارقة امل وتغير.... اما قصة انك تخلي الشفوي من غير درجات او تقللها فكلنا عارفين ان المادة اللي من غير درجات ملهاش قيمة والطالب لا يهتم بها.

تحياتي

انا من وجهة نظرى ان حلوان لم تفعل مفاجأة الموضوع كله انها طبقت السياسة التعليمية الفاشله بطريق جديدة او عدلت فى الطريقه بعض الشىء . المهم هل تغير المنتج ، هل اصبحت العملية التعليمية فى مرحلة الدراسات العليا فى جامعة حلوان تنتج خريج مؤهل علميا . ؟!

بس انا صعب امسك مكان الدكتور هانى هلال لانى ببساطه لست من اعضاء الحزب الحاكم ، اللهم الا اذا انتقلت السلطه فى مصر الى احد احزاب المعارضه ففى هذه الحاله قد يكون هناك امل فى ان يحدث مثل هذا الامر ههههههههههههه

اما موضوع الشفوى فا الموضوع كان مجرد عرض الامر على بساط البحث والنقاش ليس اكثر .

الأمين العام
04-09-2008, 06:45 PM
السلام عليكم ورحمة اللة وبركاته
أحب أشكر الأستاذ أحمد على المعولمة التى أفادنى بها عن تقرير دور سبتمبر فى دبلزمات جامعة حلوان حيث أنه بالفعل تم تقرير دور سبتمبر لمن رسب فى مادة أو أكثر خلال الأجتماع لمجلس الجامعة الذى إنعقد يوم الأحد 31/8/2008 ...وأرجوا من حضرتك إمدادنا بميعاد الأمتحان والجدول لو تكرمت ..
تقبل تحياتى...:hi:

tamer_ahlawyy
23-09-2008, 06:26 AM
السلام عليكم ورحمة الله وبركاته ...
موقع ومنتدي مميز وجميل جدا جدا جدا....
انا كنت عاوز اسال الاساتذه المعيدين في جامعة حلوان..انا كنت اخدت دبلومة قانون عام في جامعة شبين الكوم...و للاسف لم اوفق ولم استطع دخول الامتحانات....لان مكنش عندي وقتت للمتابعه المستمره والسفر...بصراحه نظام جامعة حلوان ده حلو جداااا جداااا...بس ليا كام سوال

- انا عاوز اخد دبلومه سهله جداا..ويكون الدكاتره بتوععها كويسين علي الاقل الواحد يبقي اتشجع ب دبلومه ف يكون ليه نفس ياخد الدبلومه البعدها...ف ايه هي اسهل دبلومه و دكاتره كويسين؟؟؟؟؟؟

ثانيا: هل النظام الجديد فيه درجات رافه ؟؟

ثالثا : النجاح من 13 ام 14 ؟؟؟ وهل اساله الامتحانات بتيجي مباشره وكده ولا نظامها ايه تقريبا ؟؟

رايعا : مصاريف الدبلومه ف حلوان كام تقريبا .؟؟

خامسا :: عاوز منكم نصيحه...عموما ايه نظام الجامعه واعمل ايه عشان اقدر اخد البدبلومه ؟ وهل محتاجه حضور بانتظام ؟؟؟
اخيراا...انا اسف اني طولت عليكم...واشكركم علي الاهتمام...وارجوا افادتي في اسرع وقت ...و جزاكم الله كل خير جميعاا....

tamer_ahlawyy
23-09-2008, 06:37 AM
استاااذ احمد الضبع هل ممكن اخد ميلك للاهميه ؟؟؟؟

الدكتور عادل عـامر
24-09-2008, 06:21 AM
موفق بإذن الله ... لك مني أجمل تحية .

MiDoOo
25-09-2008, 07:36 AM
بد نظام رائع لك المشكلة موجودة في حاجتين

موضوع المواد اللي هتضاف ايه نظامها يعني انا اختارمنضمن كذا مادة ولا تفرض كلها

والحاجة التانية والاهم هو موضوع الغاء الشفوي انا اعتقد انه يوضع مكانه بحث يعد بمثابة رسالة ماجستير

لكن باقي النظام رائع جداً

a_eldbaa
02-10-2008, 09:07 AM
شبــــــــــــاب بعتذر لكم تاني علي الأنقطاع ,,,, كل عام وانتم بخير وعيد سعـــــــــــــــــــــــــــــيد....

نبتدي بالترتيب

اولا بشكر الأخوة الي شرفونا بالزيارة...:)

ثانيا:جدول تخلفات الدراسات العليا
8/10/2008 -الأربعاء- دولي مع التعمق
9/10 -الخميس-دستوري
11/10 -اداري مع التعمق
12/10 -اداري دولي
13/10 -حقوق انسان
14/10- مالية عامة
15/10 - نظم سياسية
16/10 - جنائي مع التعمق

الأمتحان من الساعة 10 -1 ,,,,,,,,,,,,,مدرج 18 (مبني الأمتحانات)

ثالثا: اسئلة الأستاذ :Tamer

بالنسبة للدبلوم اللي حضرتك تدخلة فدة يرجع لميولك ,, وعموما الكلية فيها عام وخاص وعلوم جنائية وملكية فكرية ومعهد ضرايب بس دة سنتين ,,,, اعتقد ان العلوم الجنائية هي الأسهل ....النجاح من 14 ومفيش درجات رأفة..

المصاريف دلوقتي تقريبا 600 جنية ..و الملكية الفكرية ب 2000,, عين شمس بقت 1000 ومش عارف القاهرة اخبارها اية..

مسئلة الحضور والغياب بتعتمد علي اعضاء هيئة التدريس والكتاب المقرر وهل المحاضر بتضيفلك جديد عن اللي في الكتاب ولا لا ,,وعموما دي حاجة انت اللي هتقدرها بعد اول محاضرة مع كل دكتور

وبخصوص الأيميل ممكن تبعتلي علي الخاص وابعتهولك

رابعا:استاذ Midoo

مفيش اختيارات والمواد الكلية هية اللي بتحددها:banned:.. ودة طبعا لتدعيم الجو العام الديموقراطي ,,,
اما البحث فهو موجود فعلا وبتم فية مناقشة قد تكون جدية او لا تكون علي حسب استاذ المادة...

يارب اكون جاوبت علي استفسارات حضراتكم كلها ومحدش يزعل من التأخير وعيد سعيد وكل عام وانتم بخير...


اة .. في حاجتين مهمين
1-يمكن للطالب اللي معاه اكتر من مادتين انو يدخل امتحان التخلفات لكن في مادتين فقط.
2- الطالب اللي "لا يقدر الله يرسب" في المادة او المادتين اللي دخل وامتحنهم في التخلفات هيعيد الدبلوم كلة من او وجديد:ohmy:,,, يعني من الأخر متدخلش امتحان التخلف الا اذا كنت مذاكر كويس...ربنا معاكم ويوفق الجميع.


تحيــــــــــــــــاتي

الميلاف
02-10-2008, 10:36 AM
السلام عليكم ورحمة الله وبركاته
استاذ احمد الف شكر لك على المعلومات الرائعة ..

استاذي الفاضل انا الان مسجل بكلية حقوق حلوان بدبلوم القانون الخاص وان شاء الله نتوفق..

المهم انا ابي نصيحتك حيال الدارسة بشكل عام خاصة وانني اعمل حاليا بالخطوط السعودية كباحث قانوني . تحديدا بموضوع الحضور وايضا النجاح ..

حيث لي تجربه سيئة جدا مع دبلوم القانون العام بجامعة الاسكندرية لعام 2006 .. حيث حضرت لمصر وتفرغت للدراسة فيه واحضرت عائلتي وسكنت بالاسكندرية وكان وقتها لدي تفرغ كامل للدراسة ووالله الذي لا اله الا هو انني كنت مجتهد جدا جدا لدرجة انني كنت اشعر انني حفظت المواد وخاصة انني كنت احضر واكتب مع الدكتور كل كلمه ومعي مسجل اسجل كل محاضرة ايضا ومع كل هالجهد دخلت وقتها الدور الاول وكذا الثاني ولم يتم النجاح والى الان لا اعلم لماذا بالرغم من اقتناعي بحلولي وقتها ..

اسف للاطالة ..

المهم ارجو منك ان كان بالامكان فضلا لا امرا مراسلتي على ايميلي هذا
hka33@hotmail.com

انا حاليا بالسعودية ..


الف شكر للجميع ...

a_eldbaa
02-10-2008, 11:49 AM
الأخ اللي كان بيسأل عن شروط تسجيل الدكتوراة في حلوان اعتقد ان التالي قد يفيدة

"درجة الدكتوراه فى الحقـوق

شــروط القيـد :

· أن يكون حاصلاً على دبلومين من دبلومات الدراسات العليا من إحدى كليات الحقوق بجامعات جمهورية مصر العربية أو درجات علمية أو دبلومات معادلة من معهد علمى آخر معترف به من الجامعة أو درجة الماجستير فى الحقوق· ويجب أن يكون أحد الدبلومين فى القانون الخاص أو فى القانون العام·
· أن يجتاز الطالب بنجاح امتحاناً شفهياً فى المواد التى تدخل فى نطاق التخصص الذى يرغب التسجيل فيه·
· يقدم طلب تسجيل موضوع الرسالة إلى عميد الكلية ويعرض على مجلس الكلية بعد أخذ رأى مجلس القسم المختص ·· ويشمل قرار مجلس الكلية تعيين المشرف على إعداد الرسالة وفقاً لنص المادة (98) من اللائحة التنفيذية لقانون تنظيم الجامعات·

يشترط لنيل الطالب درجة الدكتوراه فى الحقوق الشروط الآتية :

· أن يقوم ببحوث مبتكرة فى موضوع يقره مجلس الدراسات العليا والبحوث بناء على اقتراح مجلس الكلية لمدة سنتين على الأقل من تاريخ موافقة مجلس الكلية على تسجيل الموضوع، وللطالب أن يختار موضوع رسالته بشرط أن يكون ذا صلة بأحد الدبلومات التى نالها أو درجة الماجستير التى حصل عليها·
· أن يقدم بنتائج بحوثه رسالة تقبلها لجنة الحكم والمناقشة·

نظـام الدراسـة والامتحـان :
- يقدم المشرف على الرسالة إلى مجلس القسم المختص تقريراً سنوياً فى نهاية كل عام جامعى عن مدى تقدم الطالب فى بحوثه، ويعرض قرار مجلس القسم فى هذا الشأن على مجلس الكلية، ويجوز فى ضوء التقرير إلغاء تسجيل الرسالة وفقاً للمادة (102) من اللائحة التنفيذية لقانون تنظيم الجامعات·
- يسقط تسجيل الرسالة بعد مضى ست سنوات من تاريخ تسجيلها إلا إذا رأى مجلس الكلية الإبقاء على التسجيل لمدة يحددها بناء على تقرير المشرف بعد أخذ رأى القسم المختص بشرط ألا تتجاوز هذه المدة سنتين·
- يقدم المشرف على الرسالة بعد الانتهاء من إعدادها تقريراً إلى مجلس القسم المختص فى شأن صلاحيتها للمناقشة· ويشفع هذا التقرير باقتراح تشكيل لجنة الحكم على الرسالة· ولمجلس القسم أن يطلب نسخة من الرسالة للإطلاع عليها·
- يقرر مجلس الكلية، بعد إطلاعه على تقرير المشرف على الرسالة، صلاحية الرسالة للمناقشة وكذلك تشكيل لجنة الحكم عليها بناء على اقتراح مجلس القسم المختص ورأى لجنة الدراسات العليا·
- على الطالب أن يطبع رسالته، إذا تقررت صلاحيتها للمناقشة، ويسلم نسخة منها إلى كل عضو من أعضاء لجنة الحكم على الرسالة وعليه أن يودع مكتبة الكلية مائة نسخة·


يعلن نجاح الطالب بأحد التقديرات الآتية :

- دكتور فى الحقوق·
- دكتور فى الحقوق بتقدير جيد·
- دكتور فى الحقوق بتقدير جيد جدا·
- دكتور فى الحقوق بتقدير ممتاز·
- وللجنة الحكم أن تمنح مرتبة الشرف لمن يحصل على تقدير جيد جدا أو ممتاز، كما لها أن تقرر تبادل الرسالة مع الجامعات الأخرى إذا كانت جديرة بذلك· وللجنة أن توصى بطبع الرسالة على نفقة الجامعة·
- يبين فى شهادة الدكتوراه موضوع الرسالة التى قدمها الطالب، والتقدير الذى ناله·"


منقـــــــــــــــــــــــــــــــــــــــــــــــ ــــــــــــــــــــــــــول للأمانة

الأمين العام
03-10-2008, 03:49 PM
شكرا ليك يا أستاذ أحمد وربنا يبارك فيك

رجل النيابة
04-10-2008, 07:41 AM
نظام الدبلومة قى حقوق حلوان كويس جدا ياريت جامعة المنصورة تاخذ بية

الأمين العام
07-10-2008, 08:43 PM
السلام عليكم ورحمة الله وبركاته بالنسبة لنقطة أن اللى دخل أمتحانات التخلف وسقط فيه هعيد الدبلوم من أول وجديد حتى الأن لم يستقر عليها وأنا شخصيا دخلت للسيد العميد _ دكتور محمد مصطفى وهو قالى أننا لسه منعرفش لكن نصيحته الشخصية أننا مندخلش أحسن علشان لسه مخدوش قرار نهائى ... وربنا يستر
تحياتى لكل أعضاء المنتدى وخصوصا أعضاء جامعة حلوان ....:hi::hi:

a_eldbaa
17-10-2008, 03:48 PM
الســــــــــلام عليكم جميعاا...اخباركم اية

اولا خالص التمنيات بالتوفيق للناس اللي دخلت امتحان التخلف, والنتيجة انشاء الله تعلن اخر الأسبوع القادم ...

مسئلة اذا ماكان اللي لا قدر الله يرسب في امتحان التخلف يعيد الدبلوم ولا لا ... طبعا اللي حضر امتحان التخلف اول يوم سمع الدكتور العميد اكد علي المسئلة دي ,,,, ولكن بعد كدة ظهر رأي تاني مضمونة تعطيل العمل بنص اللايحة السنة دي فقط... والراجح حاليا ان اللي لا قدر الله هيرسب في مادة مش هيعيد الدبلوم وهيكون لة فرصة التقدم للأمتحان للمرة الثالثة العام القادم ان شاء الله ...

واخيرا..الدراسة تبدأ من يوم الأحد الموافق 19/10/2008 في كل دبلومات الكلية ... وعام دراسي جديــــــــــــــد

MR.HATAHITOS
28-10-2008, 08:48 PM
حسبنا الله و نعم الوكيل

a_eldbaa
28-10-2008, 08:56 PM
حسبنا الله و نعم الوكيل

:hi:,....................................

علويلة
26-11-2008, 03:36 AM
بسم الله الرحمن الرحيم السلام عليكم ورحمة الله وبركاته لو سمحت يا استاذ الضبع اريد معرفة اخر ميعاد للتقديم الي الدراسات العليا جامعة حلوان انا علي جامعة بني سويف دفعة 2007 وعايز اعمل دبلومة في حلوان

الأمين العام
26-11-2008, 02:27 PM
بسم الله الرحمن الرحيم السلام عليكم ورحمة الله وبركاته لو سمحت يا استاذ الضبع اريد معرفة اخر ميعاد للتقديم الي الدراسات العليا جامعة حلوان انا علي جامعة بني سويف دفعة 2007 وعايز اعمل دبلومة في حلوان
السلام عليكم ورحمة الله وبركاته
حضرتك لو قصدك تقدم السنة دى أعتقد مش هينفع لان أخر ميعاد كان تقريبا 15 /10 دة كمان جدول الإمتحان قرب ينزل... بالتوفيق العام القادم,,,,,,,:hi:

محمد صديق سرور
28-11-2008, 03:17 PM
السلام عليكم اشكر هذا المنتدي علي هذه المعلومات القيمه واشكر جميع القائمين

محمد صديق سرور
28-11-2008, 03:44 PM
الحمدلله والصلاة والسلام على رسول الله وعلى آله وصحبه أجمعين شكرا علي هذا العمل الرائع

SLAMONY
04-12-2008, 11:39 AM
نظام اكثر من رائع
لازم التعليم يتطور !!

the economist
10-12-2008, 05:20 PM
السلام عليكم

أولا مرحبا بك أخي الكريم معنا في المنتدى

ثانيا انا مع هذا النظام الجديد جملة وليس تفصيلا

انا اتفق معه بشكل عام لأنه يحقق العداله الى حد كبير

لكني اختلف معه في مسألة الغاء الشفوي لأن الشفوي اهم مايميز مرحلة الدراسات العليا

حيث بداية لطقس عام من البحث العلمي السليم بعيدا عن أسولب التلقين الذي تتعهد به جامعاتنا المصرية

وكل عام وانتم بخير
وعيد سعيد عليكم

تقبل تحيتي

a_eldbaa
12-12-2008, 08:32 AM
شبــــــــــــــــــــــــــــــاب ,,, عيدكم سعيد وكل عام وانتم بخير

شاكر مروركم جميعــــــااااا ......

سؤال اتكرر كتير وهو
اخر ميعاد للتقدم للدبلوم ؟؟؟
الدبلوم تيرم يبدأ ف شهر عشرة وامتحان التيرم الأول ف شهر واحد
ف رسميا اخر ميعاد للتقديم هو نص عشرة ,,
اما غير رسميااا ف انت ونصيبك , وبالتوفيق

تحيــــــــــــاتي

احمد محمود هادى
28-01-2009, 05:31 PM
[quote=a_eldbaa;66351]السلام عليكم جميعاااااا
لو سمحت انا سمعت ان بعد انتهاء الدبلومتين مبستلمش شهادة بالمجيسير الالما اخذطويفل انجليزي وكرس كمبيوتر هل هذا صحيح

الأمين العام
29-01-2009, 07:09 PM
[quote=a_eldbaa;66351]السلام عليكم جميعاااااا
لو سمحت انا سمعت ان بعد انتهاء الدبلومتين مبستلمش شهادة بالمجيسير الالما اخذطويفل انجليزي وكرس كمبيوتر هل هذا صحيح
السلام عليكم ورحمة الله وبركاته
كلامك صحيح وفعلا يجب أخذ طويفل حتى تمنح درجة الماجيستير

a_eldbaa
29-01-2009, 09:37 PM
[quote=a_eldbaa;66351]السلام عليكم جميعاااااا
لو سمحت انا سمعت ان بعد انتهاء الدبلومتين مبستلمش شهادة بالمجيسير الالما اخذطويفل انجليزي وكرس كمبيوتر هل هذا صحيح


كلام سليم ... من ضمن التعديلات الجديدة اشتراط الحصول التالي لمنح درجة الماجيستير :
1-اختبار اللغة الأنجليزية للأجانب tofel
2-الرخصة الدولية لقيادة الحاسب الألي icdl

والشرطين السابقين ميحولوش دون الحصول علي شهادتين منفصلتين بأجتياز الدبلومين ,, لكن ما تمش المعادلة بدرجة الماجيستير الابأستيفاء الشروط

كركر
15-02-2009, 12:40 AM
نظام الدبلومات الجديدالذى انفردت به جامعه حلوان عن باقى الجامعات المصريه هو نظام يهدف الى تشجيع الطلبه على الارتقاء بالمستوى العلمى لديهم فى ظل عصر انحدر فيه المستوى العلمى للخريجين وهونظام اقرب للعداله خصوصا فيما يتعلق بعدم اعاده الدبلومه فى جميع المواد فى حاله الرسوب فى ماده واحده وفى الغاء الامتحان الشفوىفكيف يرسب شخص ادى الامتحانات التحريريه بكفاءه عاليه لرسوبه فى الاختبار الشفوى والذى قد يرجع الى ارتباكه وعدم مقدرته على ايصال فكرته الى من يقوموا باختباره

محمدأبوالعز
07-03-2009, 12:54 PM
السلام عليكم
شكرا لكم جميعا
عندى سؤال لدكتور أحمد
أخى الفاضل ماهى رسوم الدراسة التكلفة على العلم انى من المنصورة واريد الدراسة بحلوان فى دبلوم الأقتصاد
هل الدبلومة متوفرة فى حلون أم لا
وهل لى الحصول على الكتب والمذاكرة والذهاب ساعة الأمتحان فقط على العلم انى اعمل فى المنصورة وطبيعة عمل لا تسمح بالذهاب والسفر
ارجو الأفادة لأنى أريد التسجيل فى الدبلومة الجديدة لعام 2009
رجو المساعة
مشاركتى هذه بتاريخ 6/3/2009
وما هى المواعيد للتقدم
ارجو المساعدة والايضاح وجزى الله كل الخير من يساعدنى بمعلومة

محمدأبوالعز
07-06-2009, 07:36 PM
السلام عليكم
بالله لما لم يتم الرد عليا
ارجو المساعدة فى ما اطلبه

ابو زياد حامد
09-08-2009, 04:54 PM
شكرا استاذ احمد على استجابتك للاستفسارات جزاك الله خيرا عنا انا عضو جديد ومهتم بالموضوع ارجو بيان اى جديد وشكرا

ابو زياد حامد
11-08-2009, 10:15 AM
السلام عليكم 00 عندى استفسار ارجو الرد عليه من الاستاذ احمد الضبع او اى زميل عاوز اعرف الدبلومات المتاحه فى حقوق حلوان وشكرا

الأمين العام
11-08-2009, 11:40 AM
السلام عليكم ورحمه الله
هذه هى الدبلومات المتاحة فى جامعة حلوان كلية الحقوق
دبلوم القانون العام
دبلوم القانون الخاص
دبلوم العلوم الجنائية
دبلوم العلوم الضريبية والمالية
دبلوم الملكية الفكرية

ابو زياد حامد
11-08-2009, 12:35 PM
اشكركم جزيل الشكر على الرد السريع

saeedlaw1
19-08-2009, 01:50 AM
الأخوة الكرام ...
الأستاذ /الأمين العام
الأستاذ / أحمد الضبع
السلام عليكم و رحمة الله و بركاته
رمضان كريم على الجميع .
عندي استفسار عن :
متى يبدأ التسجيل في دبلومات الدراسات العليا ( حقوق ) في جامعة حلوان .

لكم تحياتي ...

سنووايت تويو
19-08-2009, 02:30 AM
السلام عليكم ورحمة الله وبركاته
امممم بصراحة النظام ده مش عاجبنى واتمنى ميعممش فى باقى الجامعات
حاساه عادى كدة مفيهوش اى Suspense
طول عمرها الدراسات العليا فى كليات الحقوق بتتميز بالصعوبة
وده اجمل ما فيها عشان الواحد لما ياخد الماجيستير يحس انه يستحقه فعلا
والشفوى شئ ضرورى جدا لاننا اصلا المفروض ان شغلتنا تقتضى اللباقة والحضور

بس فى ظل المحسوبيات والمجاملات نقدر نقول انه اكثر عداله من غيره

امممم مش عارفة حاساه سهل اوى وبصراحة مبحبش الحاجات السهلة والعادية
بس اكيد هيعجب ناس كتير
تحياتى واحترامى للجميع

elnegmm4
08-09-2009, 05:58 PM
بارك الله لكم بس يا ريت ترجعو درجتى الرافه وجزاكم الله خيرا والرجاء الرد علينا فى تكلفة مصروفات الدبلومه نظام العام الواحد

hamadafahmy1
26-11-2009, 12:46 AM
لك جزيل الشكر
ونتمنى ان يتم تعميمه
فى رعاية الله

الإمبراطور 2010
30-10-2010, 08:20 PM
يا حماعة لو سمحت هى الدبلومة فى جامعة حلوان ينفع اى حد يقدم فيها من اى جامعة تانية ولا لا

el-malek
01-11-2010, 12:24 AM
يا حماعة لو سمحت هى الدبلومة فى جامعة حلوان ينفع اى حد يقدم فيها من اى جامعة تانية ولا لا

طبعاً أي حد خريج من جامعة تانية يقدر يقدم في جامعة حلوان ولكن وفقا لشروط اللائحة بداخلها
فلائحة جامعة معينة تختلف عن الأخري

وبالله التوفيق ....... ،،

مستر كاراتيه
23-01-2012, 02:13 PM
ياجماعة انا معايا دبلومة علوم جنائية جامعة القاهره و دخلت العام اللى فات دبلوم الخاص جامعة القاهره و رسبت فى مايو على نصف درجه و دخلت اكتوبر نجحت تحريري و دخلت شفوى نجحت فيه كله ماعدا مادة جبت فيها 10 دكتور ظالم جدا اسمه محمد القليوبي ومش دكتور الماده كمان النتيجه لسه طلعه امبارح ودلوقتى خايف اقدم على حقوق حلوان بعد ماعرفت ان مفيش رافة والرسوب فى الدستورى كتير وجالى احباط مش عارف اعمل ايه طيب عايز حد من حلوان يقولى النظام ايه بالظبط يعنى لو سقطت فى ماده او 2 ادخل سبتمبر ولا مفيش سبتمبر لسه مطبقش ولو فى سبتمبر ودخلت ورسبت في ماده او الاتنين اللى دخلت فيهم ادخل السنه اللى بعدها على كل المواد ولا الاتنين دول وبس وليا كام مرة ارسب فى الدبلومة وهل الافضل دبلوم القانون العام ولا الخاص والنجاح من 14 يعنى اللى يجيب 13 يرسب وهل نصف الدرجه يجبر لدرجه كاملة ولا لا

و طبعا اهم سؤال امتى اقدم (ميعاد فتح باب التقديم امتى)؟

وايه المطلوب للتقديم

محمود قطب
28-02-2012, 04:40 AM
صلى وسلم علي سيدنا محمد

hanyball55
18-09-2012, 04:43 PM
السلام عليكم ورحمة الله وبركاته
إلى الأستاذ أحمد الضبع (إن شاء الله دكتور عما قريب)وباقى الزملاء الفاضل
الحمد لله سجلت رسالة الدكتوراة بحقوق حلوان عام 2009 ووقتها كان المطلوب منى التويفيل قبل تسجيل الرسالة أما icdl فقبل المناقشة وقد سمعت ال، أن icdl تم إلغائه ويريدوا مره أخرى تويفيل فهل ذلك يسرى على ارجو الإفادة جزاكم الله خيرا حيث أننى على وشك المناقشة إن شاء الله